ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

جدوں میں فلسفہ تے اپنے کالج دی جماعت نال باہر نکلیا، میں اِک دوجی کلاس وچ اِک پروفیسر نوں اپنی اواج وچ چیخدے ہوئے سُنیا۔ اُو اِک مبشر وانگوں تبلیغ کر رہیا سی۔ میں کسی نوں پُچھیا اُو کون سی۔ اُوس بندے نے مینوں دسیا اُو ڈاکٹر شیلضسنگر Dr. Schlessinger سی جیہڑے امریکہ دی تاریخ تے پڑھا رئے سی۔ میں سوچیا میں اگلے سیمسٹر وچ اُوہناں وَلّوں دِتی گئی اِک کلاس وچ پڑھاں گا۔ میں خود توں ویکھنا چاہندا سی اُو ایس قدر اُچی اواج نال کہ تُسی اُوہناں دی اواج نوں سارے کیمپس وچ سُن سکدے سی امریکی تاریخ وگرے ایس قدر مزا موضوع تے ’’تعلیم‘‘ دے سکدے نے۔

اگلے سیمسٹر وچ ایہہ ویکھن لئی کہ اُوہناں نوں کی کہنا اے میں اُوہناں دی جماعت وچ پڑھائی کیتی۔ اُوس ویلے میں اِک رجسٹرڈ ڈیموکریٹ سی۔ لیکن اگلے ای چند ہفتیاں وچ ایہہ بالکل واضح ہو گیا سی کہ ڈاکٹر شیلضسنگر واقع وچ اِک اشتراکیت پسند سن۔ اُو امریکہ سیاست دی ناانصافیاں دے بارے وچ چیخ تے چلا رئے سی۔

اگلی رات اُوہناں نے ولیم جیننگز برائین William Jennings Bryan دی مخالفت وچ اُوہناں نوں اِک جاہل نسل پرست کہن وچ لنگھایا۔ برائین اُو بندہ سی جیہنوں عظیم عام بندہ کہیا جاندا سی کیوں جے اُو عام بندیاں، کساناں، مزدوراں، تہاڈے تے میرے سبب لئی کم کردا سی۔ میں جانندا سی کہ میرے نانا، لائیڈ وی فلاورز Lloyd V. Flowers نوں میرے دادا وانگوں ای سخت سمحنتی کساناں دے وچکار اِک ھیرو وانگوں ولیم جننگز برائین نوں مانندے سی۔

میں اپنا ہتھ اُچا کیتا۔ ڈاکٹر سیلضسنگر نے مینوں پہچان لہیا۔ میں کہیا، ’’تُسی ولیم جننگز برائین دے بارے وچ غلطی تے اُو۔ اُو اِک چنگے انسان نے اِک اینج دے انسان جیہڑے ساڈے مُلک دے کم کرن آلے لوکاں لئی کم کردے نے۔‘‘ خود میرے اپنے نانا نے تِن وری صدر لئی اُوہناں نوں ووٹ دِتا سی۔ برائین اِک پرانے زمانے دے ڈیموکریٹ، اِک نیک انسان سن، جنہاں نوں تقریباً سارے ای محنتی لوکی چاہندے سی، پیسے دے پُجاری ریپبلیکنز دے خلاف، تے اُوہناں نے تقریباً صدارت جِت ای لئی سی کیوں جے اُو ریپبلیکنز دی موٹی آسامیاں دے خلاف سی۔ اُوہناں دی عظیم تقریر جیہنوں اج وی کالجاں وچ پڑھایا جاندا اے سی ’’تُسی سونے دی صلیب تے نسل انسانی نوں مصلوب نئیں کر سکدے!‘‘ ڈاکٹر اے ڈبلیو ٹوزر Dr. A. W. Tozer اِک کسان دے پُتر سی۔ اُوہناں نے اپنیاں کتاباں وچوں اِک وچ کہیا کہ اُوہناں نے ہُن تیکر جیہنی وی تقریراں سُنیاں ایہہ سب نالوں عظیم ترین سی۔

ڈاکٹر شیلضسنگر، ولیم جننگز برائین جیہڑے کہ اِک عظیم عام انسان سی اُوہناں دے بارے وچ میرے دفاع توں حیران رہ گئے سی۔ ڈاکٹر شیلضسنگر نے چیخنا شروع کر دِتا۔ میں اپنیاں کتاباں چُکیاں تے کمرۂ جماعت توں باہر نکل آیا۔

لیکن میں اگلی رات واپس گیا۔ میں اِک غریب مُنڈا سی تے ایس گل توں تکلیف ہوندی سی کہ مینوں شیلضسنگر دی کلاس لئی ٹیوشن دی رقم جیہڑی میں بھری سی گنوانی پئی سی۔

جیویں ای میں اپنی کُرسی تے بیٹھیا، ڈاکٹر شیلضسنگر نے اپنی موٹیاں اکھاں میرے تے گاڑھ دِتیاں تے پھیپھڑیاں دا پورا زور لا کے بولن لگے۔ ’’میں ویکھاں واں مسٹر ہائیمرز واپس آگئے۔ گذشتہ رات نوں ولیم جننگز برائین دی مذمت کرن توں میرے نال انتہائی ناراض ہوئے سن۔ مسٹر ہائیمرز اِک ریپبلیکن نے تے برائین وی سن۔ مسٹر ہائیمرز تے برائین وگرے ریپبلیکنز نے ایس ملک نوں تباہ کر دِتا اے،‘‘ اُو چلائے۔ میں کھلوتا تے کہیا، ’’ڈاکٹر شیلضسنگر تُسی مکمل طور تے آگاہ اُو کہ ولیم جننگز برائین اِک ڈیموکریٹ سی! تے پنجی وریاں توں وی ودھ عرصے تیکر اِک ڈیموکریٹک پارٹی دے لیڈر رئے سن۔ تے تُسی مینوں بالکل وی نئیں جانندے۔ تُسی کیویں کہہ سکدے اُو کہ میں اِک ریپبلیکن آں؟ میں تے خود اِک رجسٹرڈ ڈیموکریٹ آں۔‘‘

ڈاکٹر شیلضسنگر اِک وڈھیرے بندے سی، اُوس ویلے اپنے سٹھ وریاں دے ابتدائی وریاں وچ سی۔ لیکن جیہڑا میں کہیا اُو اُوہناں نے سُنیا ای نئیں۔ اُو ریپبلیکنز دے بارے وچ، میرے بارے وچ تے ولیم جننگز برائین دے بارے چہ چیخن وچ نہایت ای مصروف سی۔

میں اُوہناں دی کلاس چہ مِڈٹرم وچ ’’اے‘‘ گریڈ حاصل کیتا۔ میں جیہڑے وی پرچے دِتے اُوہناں وچ مینوں ’’اے‘‘ گریڈ ای ملیا۔ میں اُوہناں دی کلاس وچ ’’اے‘‘ گریڈ طاب علم دی حیثیت نال پاس ہویا سی۔

لیکن جدوں مینوں میری ڈگری تھمائی گئی، ڈاکٹر شیلضسنگر نے مینوں جماعت وچ ’’سی‘‘ گریڈ دِتا ہویا سی۔ ایویں کئی وریاں پہلاں 1960 دی دہائی وچ جیہنوں ہُن ’’یکسانیت دی سیاست identity politics‘‘ کہیا جاندا اے میں اُوہدے بارے وچ سِکھیا۔ اگلا موقع جدوں مینوں ملیا تے میں اِک ریپبلیکن دی حیثیت نال ای خود نوں فیر رجسٹرڈ کروایا! میں اُوس دِن توں لے کے اج تیکر کدی وی صدر لئی دیموکریٹ نوں ووٹ نئیں دِتا! تے میں کدی دواں گا وی نئیں!

ایتھوں تیکر کہ اج وی میرے تے اِک ’’سفید فام، مرد مسیحی‘‘ ہون لئی تنقید کیتی جاندی اے۔ اِک نوجوان حبشی بندہ جیہڑا میرا بیلی سی ساڈے گرجا گھر نوں چھڈ کے ٹُر گیا۔ اُوہنے فون تے مینوں کہیا، ’’ڈاکٹر ہائیمرز، تُسی میرے پادری نئیں ہو سکدے کیوں جے تُسی اِک نسل پرست بن چُکے اُو۔‘‘

مینوں ایہہ گل اُچی اواج نال تے واضح طور تے کہہ لین دیو۔ میں اوہی بندہ واں جیہڑا میں ہمیشہ توں رہیا واں۔ میں ابراھام لنکن دے نال کھلوتا رہیا۔ اُو ساڈے پہلے ریپبلیکن صدی سن۔

علامات

1. دُنیا دی ذہنی حالت، لوقا 21:26۔ مسیح نے کہیا سی کہ اُوہدی آمدثانی توں پہلاں دی نسل شدید دباؤ دے تحت ہووے گی، جیہدے وچوں کوئی انسانی فرار نئیں ہووے گا۔ لوقا21:26 وچ، بائبل تے نظر پاؤ۔

’’ڈر دے مارے تے آن آلیاں مصیبتاں دا انتظار کردے کردے اُوہناں دے ہوش و حواس باقی نئیں رہن گے، ایس لئی کہ آسمان دی قوتاں ہِلا دِتی جان گئیاں‘‘ (لوقا 21:26).

   متی24:11 آیت کھولو۔

’’تے بہتیرے جھوٹے نبی اُٹھ کھلون گے تے بہتیرے لوکاں نوں گمراہ کر دین گے‘‘ (متی 24:11).

2. دُنیا دی اخلاقی حالت۔

’’تے خُداوند نے ویکھیا کہ زمین تے انسان دی بدی بوہتی ودھ گئی اے تے اُوہدے دِل دے خیالات ہمیشہ بدی ول مائل رہندے نے‘‘ (پیدائش 6:5).

’’کیوں جے جیویں بجلی آسمان وچ کوند کے اِک پاسیوں دُوجے پاسے چلی جاندی اے اوویں ای ابنِ آدم اپنے مقررہ دِن ظاہر ہووے گا۔ لیکن لازم اے کہ پہلاں اُو بوہتے دکھ چُکے تے ایس زمانہ دے لوکاں وَلّوں ردّ کیتا جاوے۔ تے جیویں نوح دے دِناں وچ ہویا سی اوویں ای اِبنِ آدم دے دِناں وچ ہووے گا۔ کہ لوکی کھاندے پیندے سی تے شادی بیاہ کردے کراندے سی تے نُوح دے کشتی وچ داخل ہون دے دِن تیکر ایہہ سب کُج ہوندا رہیا۔ فیر طوفان آیا تے اُوہنے ساریاں نوں ہلاک کر دِتا۔ تے جیویں لُوط دے دِناں وچ ہویا سی کہ لوکی کھاندے پیندے، خرید و فروخت کرن، درخت لگان تے مکان تعمیر کرن وچ مشغول سن۔ لیکن جیس دِن لُوط سدوم توں باہر نکلیا، اگ تے گندھک نے آسمان توں برس کے ساریاں نوں ہلاک کر ڈالیا۔ اِبنِ آدم دے ظہور دا دِن وی اینج دا ای ہووے گا‘‘ (لوقا 17:24۔30).

3. گرجا گھراں وچ اِرتداد

’’یسوع نے جواب وچ اُوہناں نوں کہیا، خبردار! کوئی تہانوں گمراہ نہ کر دوے‘‘ (متی 24:4).

’’لیکن پاک رُوح صاف طور تے فرماندا اے کہ آن آلے دِناں وچ بعض لوکی مسیحی ایمان نال مُنہ موڑ کے گمراہ کرن آلی رُوحاں تے شیاطین دی تعلیمات ول متوجہ ہون لگن گے‘‘ (1۔ تیموتاؤس 4:1).

’’کیوں جے اینج دا ویلہ آ رہیا اے کہ لوکی صحیح تعلیم برداشت نئیں کرن گے بلکہ اپنیاں خواہشاں دے مطابق بہتیرے اُستاد بنا لین گے تاں جے اُو اوہی کُج دسن جیہڑا اُوہناں دے کنّاں نوں چنگا لگے۔ اُو سچائی وَلّوں کنّ بند کر لین گے تے کہانیاں ول توجہ دین لگن گے‘‘ (2۔ تیموتاؤس 4:3،4).

’’بعض بے دین لوکی چوری چِھپے تہاڈے وچ آ گھُسے نے جیہڑے ساڈے خدا دے فضل نوں اپنی شہوت پرستی دا بہانہ بنائے ہوئے نے تے ساڈے واحد مالک تے خداوند یعنی یسوع مسیح دا اِنکار کردے نے۔ اینج دے لوکاں دی سزا دا حکم بہت پہلاں ای توں پاک کلام وچ درج کر دِتا گیا اے‘‘ (یہوداہ 4).

’’نہ ای کسی طرح کسی دے فریب وچ آنا کیوں جے اُو دِن نئیں آوے گا جدوں تیکر کہ لوکی ایمان توں برگشتہ نہ ہو جان تے اُو مردِ گناہ ظاہر نہ ہو جاوے جیہدا انجام ہلاکت اے‘‘ (2۔ تھسلنیکیوں 2:3).

’’لیکن پاک روح صاف طور تے فرماندا اے کہ آن آلے دِناں وچ بعض لوکی مسیحی ایمان توں مُنہ موڑ کے گُمراہ کرن آلی روحاں تے شیاطین دی تعلیمات ول متوجہ ہون لگن گے۔ ایہہ گلاں جھوٹے بندیاں دی ریاکاری دے باعث ہون گئیاں جنہاں دا دل گرم لوہے نال دغیا گیا اے‘‘ (1۔ تیموتاؤس 4:1،2).

4. لاقانونیت وچ اضافہ، متی24:12؛ 2تیموتاؤس3:1۔5 .

’’بے دینی دے ودھ جان دے باعث کئی لوکاں دی محبت ٹھنڈی پے جاوے گی‘‘ (متی 24:12).

’’لیکن یاد رہوے کہ اخیرلے زمانہ وچ بُرے دِن آن گے لوکی خُودغرض، زردوست، شیخی باز، مغرور، بدگو، ماں پیو دے نافرمان، ناشکرے، ناپاک، محبت توں خالی، بے رحم، بدنام کرن آلے، بے ضبط، تُند مزاج، نیکی دے دشمن، دغاباز، بے حیا، گھمنڈی، خدا دی نسبت عیش و عشرت نوں زیادہ پسند کرن آلے ہون گے۔ اُو دینداراں جئی وضع تے رکھن گے لیکن حیاتی وچ دینداری دا کوئی اثر قبول نئیں کرن گے۔ اینج دیاں توں دُور ای رہنا‘‘ (2۔ تیموتاؤس 3:1۔5).

5. طعنہ زَناں دی لعن طعن، 2پطرس3:3، 4 .

’’سب توں پہلاں تہانوں ایہہ جان لینا چائیدا اے کہ اخیرلے دِناں وچ اینج دے لوکی آن گے جیہڑے اپنی نفسانی خواہشات دے مطابق حیاتی لنگھان گے تے تہاڈی ہنسی اُڈان گے تے کہن گے کہ مسیح دے آن دا وعدہ کیتھے گیا؟ ساڈے آباؤ اجداد مَر چُکے تے اُوہدے توں ہُن تیکر سب کُج اوونج دا ای چلا آ رہیا اے جیویں کہ دُنیا دے پیدا ہون دے ویلے سی‘‘ (2۔ پطرس 3:3،4).

6. دور دور تیکر پھیلی ہوئی ایذا رسانیاں، متی 24:9، 10 .

’’اُوس ویلے لوکی تہانوں پھڑ پھڑ کے سخت ایذا دین گے تے قتل کرن گے تے ساریاں قوماں میرے ناں دی وجہ توں تہاڈے نال دشمنی رکھن گئیاں اُوس ویلے بہتیرے لوکی ایمان توں برگشتہ ہو کے اِک دوجے نوں پھڑوان گے تے آپس وچ عداوت رکھن گے‘‘ (متی 24:9، 10).

7. دولتمندی، یعقوب 5:1۔3 .

’’اَے دولتمندو، سُنو! تُسی اپنے اُتے آن آلیاں مصیبتاں تے روؤ تے ماتم کرو۔ تہاڈا مال گل سڑ گیا تے تہاڈے کپڑے کیڑیاں نے کھا لئے۔ تہاڈے سونے تے چاندی نوں زنگ لگ گیا۔ اُو زنگ تہاڈے خلاف گواہی دوے گا تے اگ وانگوں گوشت کھا لئے گا۔ دُنیا دا خاتمہ ہون آلا اے تے تُسی دولت دے انبار لگا لئے نے‘‘ (یعقوب 5:1۔3).

رسول نے کہیا کہ ایہہ خاتمے دی علامتاں وچوں اِک ہووے گا۔

8. عالمگیر سطح تے انجیلی بشارت دا پرچار، متی24:14 .

’’تے بادشاہی دی خوشخبری ساری دُنیا وچ سُنائی جاوے گی تاں جے ساریاں قوماں ایہدی گواہ ہون تے اُودوں خاتمہ ہووے گا‘‘ (متی 24:14).

اِیہدے بعد کی آندا اے؟

ریپچر نئیں آندا اے!

مہربانی نال متی 24:3 کھولو۔ 3 آیت وچ شاگرداں نے یسوع نوں پُچھیا، ’’تیری آمد تے زمانے دے خاتمے دیاں نشانیاں کی ہون گئیاں؟‘‘ یسوع نے اُوہناں نوں خاتمے دی بے شمار علامتاں دسیاں۔ 7 تے 8 آیت توں شروع کرو،

’’کیوں جے قوم تے قوم تے سلطنت تے سلطنت چڑھائی کرے گی۔ تھاں تھاں قحط پین گے تے زلزلے آن گے۔ مصیبتاں دا آغاز ایہناں ای گلاں توں ہووے گا‘‘ (متی 24:7،8).

اسی لوکی ہُن ایس مقام تے کھلوتے آں۔

جنگاں
قحط
وباواں
زلزلے

’’ایہہ سب دُکھاں دا آغاز نے‘‘ (24:8). مسیح دی آمدثانی توں پہلاں ایہہ پیدائشی درداں نے۔

اگلی وڈی پیشن گوئی آیت 15 وچ اے۔

’’جدوں تُسی اُوس اُجاڑ دین آلی مکروہ شے نوں جیہدا ذکر دانی ایل نبی نے کیتا اے، مُقدس مقام تے کھلوندا ویکھو (پڑھن آلا سمجھ لوے)‘‘ (متی 24:15).

ایہہ دُنیا وچ آن آلے آمر حکمران، دجال ول نشاندہی کردی اے۔ اُو ہیکل وچ پاک ترین مقدس وچ داخل ہووے گا تے خود دا اِعلان خدا دی حیثیت نال کرے گا۔ اُو دجال قوماں دے نال ’’امن‘‘ دے معاہدے تے دستخط کرے گا۔

اِطلاق

ہُن تیکر میں جو کُج وہ کہہ چکیا واں اُو بلی گراھم Billy Graham دی کتاب اَگ دی لپیٹ وِچ دُنیاWorld Aflame وِچوں جھلکیاں لئی گئیاں سن۔

مینوں کُج نوے ایونجیلیکلز وَلوں ’’فرقے دا لیڈر’’ نامزن کیتا گیا۔ میں کیویں فرقے دا لیڈر ہو سکنا واں جے میں اُوہدی تعلیم دیندا رہیا آں تے تبلیغ کردا رہیا آں جیس دی تعلیم تے تبلیغ بلی گراھم دیندا رہیا؟

میرے اُستاداں وِچوں اِک ڈاکٹر اے ڈبلیو ٹوزر (1897۔1963) سن۔ ٹوزر دے بے شمار مضامین ہُن وی موڈی پریس دے ذریعے نال شائع کیتے جاندے نے۔ کی موڈی بائبل اِنسٹیٹیوٹ مُقلّد اے؟

حقیقت ایہہ اے – میں عوام الناس [یعنی لوکاں دے مرکزی دھارے] وچ شامل اِک قدامت پسند آں جیہڑا سیکوفیلڈ مطالعۂ بائبل وچوں منادی کردا اے۔ جے میں اِک فریقے نوں مانن آلا واں تے بلی گراھم وی سن۔ جے میں اِک اِک فریقے نوں مانن آلا واں تے اے ڈبلیو ٹوزر تے ڈاکٹر وِلبر ایم سمتھ وی نے تے ڈاکٹر ھیرالڈ لنڈسل وی نے جیہڑے اج دی مسیحیتChristianity Today میگزین دے سابقہ ایڈیٹر نے۔ مینوں لیو رامبو Lew Rambo وَلّوں ’’فرقہ یا مسلک cult‘‘ دا لیڈر کہیا گیا اے۔ لیکن رامبو خود تعلیم دیندا اے کہ سارے قدامت پسند مسیحی ’’اِک فرقے نوں مانن آلے cultists‘‘ ہوندے نے۔ اُوہنوں شرم آنی چائیدی اے!

ایس مطالعے دے باقی حصے وچ اہم خیالات اِک یہودی بندے ڈیوڈ ہورووٹز David Horowitz دی تحریراں توں اخذ کیتے گئے نے۔ کی مسٹر ہورووٹز اِک کلٹسٹ نے؟

لیو رامبو جو چاہے کہہ سکدے نے، لیکن ڈیوڈ ہورووٹز اِک عالم تے مہذب بندے نے۔ لیو رامبو اِک ای گل دی محبت تے قائم رہن آلے اِک آزاد خیال یعنی لبرل بندے نے، اِک اینج دے بندے جیہڑے اِک انتہائی شدید آزاد خیال سیمنری وچ تعلیم دیندے نے۔ میں لیو رامبو دے مقابلے وچ ڈیوڈ ہورووٹز دے نال ساری حیاتی لنگھا سکنا واں!

ڈیوڈ ہورووٹز کھُلے ذہن دے اِک یہودی بندے نے۔ لیو رامبو تنگ ذہن دے نال خدا نوں نا مانن آلے اِک بندے نے۔ ہُن ڈیوڈ ہورووٹز دو عظیم کتاباں لکھ چُکے نے جنہاں نوں سوچ رکھن آلے ہر امریکی نوں پڑھنا چائیدا اے۔ اُو نے،

(1) باطن وچ دشمن The Enemy Within (Regnery، 2021)۔

(2) تاریک ایجنڈا Dark Agenda (Humanix، 2019)۔

ہورووٹز نے اپنی دوجی کتاب اپنی ووہٹی اپریل لئی وقف کیتی تے کہیا اے

’’میرے قریبی مسیحی بیلی، پیٹر، آلی تے مائیک دے ناں، مینوں اِک بہتر بندہ بنان لئی۔‘‘

گورنر مائیک حوکابی نے تاریک ایجنڈا Dark Agenda نوں (سرِورق دے بیان وچ) ’’مسیحیت دا اِک زبردست دفاع‘‘ کہیا۔

ہورووٹز نے وضاحت کیتی کہ ایونجیلیکلز تے قدامت پسند کاتھولکس ٹرمپ دی محبِ وطنی دی وجہ نال اُوہدے ول کھِچے چلے گئے سن۔ ٹرمپ دی اپیل محبِ وطنی سی ناکہ نسل پرستی: ’’ڈیموکریٹس تے اُوہناں دے میڈیا اِتحادیاں نے ایس گل نوں صدر ٹرمپ دے خلاف کھڑا کر دِتا سی۔ اِک رائے شماری نے کہیا، ’سفید فام ایونجیلیکلز ٹرمپ دے حامی ہونا جاری رکھے ہوئے نے۔‘ دیموکریٹ\ مارکسزیسٹ Marxists ایہہ نئیں کہندے کہ ٹرمپ دی 24 فیصد حمایت اقلیتی گروہاں توں آندی اے۔ کھبی باں آلیاں لئی واحد وجہ کہ ایونجیلسٹ ٹرمپ دی حمایت کردے نے تعصب اے۔‘‘

میں نسل پرست نئیں آں نسل دے بارے وچ میرے نظریات ھیوبرٹ ھمفری Hubert Humphrey توں بالکل یکساں نے۔ لیکن میں ٹرمپ ای نوں ووٹ دِتا سی، تے میں اُوہنوں فیر ووٹ دواں گا جے اُوہنے الیکشن لڑے۔ کیوں؟ کیوں جے ٹرمپ میری ’’پشت پناہی‘‘ کر چُکیا اے۔ اُو اُوس گل دی تائید کردا اے جیہدی میں کرنا واں۔ اُوہدے دشمن میرے دشمن نے۔ ایس ای وجہ توں میں صدر ریگن لئی ووٹ دِتا سی۔ میں ٹرمپ دی حمایت کرنا واں۔ میں ایہہ گل بارہا کہہ چُکیا واں، ’’ٹرمپ سٹیریائیڈز steroids تے لگے ہوئے ریگن نے۔‘‘ اُو کہندے نے میری خواہش اے ریگن نے ایہہ گل زیادہ جرأت نال کیتی ہوندی۔ ریگن نے ٹیلیفون تے حیاتی دے حق لئی مارچ کرن دی گل کیتی سی۔ ٹرمپ پہلاں صدر سی جنہاں نوں ذاتی طور تے حیاتی دے حق لئی مارچ کرن دی اصل وچ گل کیتی سی۔ خُدا اُوہناں نوں برکت دوے!!!!

میں قائل ہو چُکیا واں کہ ٹرمپ صدر بنن لئی فیر الیکشنز وچ لڑن گے۔ تے ایس وری اُو ایس قدر زیادہ تعداد وچ جِتّن گے کہ اُوہناں توں الیکشن ’’چوری‘‘ نئیں کیتے جا سکن گے۔

میں قائل ہو چُکیا واں کہ ڈونلڈ جے ٹرمپ اگلے صدارتی انتخابات وچ مسیحیاں دا زبردست انتخاب ہون گے۔ دیموکرٹیک پارٹی مذید ہور میری پارٹی نئیں رئی، تے ایہنوں تہاڈی پارٹی وی نئیں ہونا چائیدا اے!

جے میں درست آں تے اگلے صدارتی انتخابات وچ ٹرمپ فیر دوبارہ توں منتخب ہو گئے تے فیر کی ہووے گا؟ اُو جیہڑے کھبی باں دے نے شاید اُوہناں نوں قتل کرن دی کوشش کرن۔ جے اُو صدر نوں مارن وچ کامیاب ہو گئے، تے مینوں یقین اے کہ امریکہ دی مسیحیت ہمیشہ لئی اشتراکیت پسنداں دے ہتھوں غالباً تباہ ہو جاوے گی۔

فیر کی ہووے گا؟ سانوں زیرزمین جانا پئے گا جیویں چین وچ مسیحیاں نے کیتا۔ مسیحی پادری وورمبرانڈ دے نال رومانیہ وچ زیر زمین ٹُر گئے سی

تہانوں پادری وورمبرانڈ دی کتاب مسیح لئی اذیت سہی Tortured for Christ پڑھنی چائیدی اے جدوں تیکر کہ تہانوں نظر نہ آ جاوے کہ سانوں کِن حالات وچوں لنگھنا پئے گا جے سانوں اگلی نسل لئی مسیحیت نوں بچائے رکھنا اے۔

اگلے مہینے میری ووہٹی تے میرے ہاں ساڈے تِنوں پوتے پوتیاں، دو کُڑیاں تے اِک مُنڈا آئے ہوئے ہون گے۔ اُوہناں نوں سُننا چائیدا اے جیہڑا ڈیوڈ ہورووٹز، رچرڈ وورمبرانڈ تے مینوں کہنا اے۔ اگلے بچیاں نوں خوابگاہ وچ سُلاندے ویلے مسیح لئی اذیت سہی Tortured for Christ پڑھ کے سُناؤ۔ ایویں اُوہناں نوں اُوہناں تاریک دِناں لئی جیہڑا کہ شاید اگے آ رئے نے ’’زیرزمین‘‘ مسیحی ہون لئی تیار کرن۔

مہربانی نال کھلوو تے حمدوثنا دا ساڈا گیت فیر گاؤ۔ ایہنوں گاؤ!

وسیع و عریض آسماناں دے لئی ہائے خوبصورت، گندم دی سنہری لہراں دے لئی،
   پھل دار میداناں توں اُتے شاہانہ پہاڑاں دی شاہانت دے لئی!
امریکہ! امریکہ! تیرے تے خداوند نے اپنا فضل برسایا،
   سمندر توں لے کے دمکتے سمندر تیکر تے تیری بھلائی نوں بھائی چارے دا تاج پہنایا!

زائرین دے قدماں دے لئی ہائے خوبصورت، جِنہاں دی سخت گیری، پُرجوش تناؤ
   آزادی نال گھومن دے لئی شہر شہر سڑکاں، بیاباناں نوں پار دی ہوئیاں!
امریکہ! امریکہ! خدا نے تیرے ہر نقص دی اصلاح کیتی،
   تیری جان کو خود تے قابو کرن دے قابل بنایا، شریعت چہ تینوں آزادی بخشی

جدوجہد دے آزادی دے لئی میں ھیروز دے لئی خوبصورت ثابت ہویا،
   کون اپنی ذات توں ودھ کے اپنے ملک توں تے حیاتی توں بوہتا رحم نال محبت کردا اے!
امریکہ! امریکہ! خداوند تیرے سونے نوں خالص کرے،
   ایتھوں تیکر کہ ساری کامیابیاں وِچ شرف ہووے، تے ہر گوشۂ گندم الہٰی ہووے!

محبِ وطن دے خواب دے لئی ہائے خوبصورت، جیہڑا وریاں توں پرے ویکھدا اے،
   تیرے دودھیا شہر دمکدے نے، انسانی اتھرو وی جِنہاں نوں پِھیکا نئیں کر پاندے!
امریکہ! امریکہ! خدا نے تیرے ہر نقص دی اصلاح کیتی،
   تیری جان کو خود تے قابو کرن دے قابل بنایا، شریعت چہ تینوں آزادی بخشی
(وہ خوبصورت امریکہ America the Beautiful‘‘ شاعرہ کیتھرین لی بیٹز Katharine Lee Bates، 1859۔1929)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔