ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
کی خُدا امریکہ دا انصاف کر رہیا اے؟
|
میں سال چہ کم از کم اِک وری پادری وورمبرانڈ دی کتاب (’’مسیح لئی اذیت سہیTortured for Christ‘‘) پڑھنا واں۔ میں ہر راتی بستر تے جان توں پہلاں ایہنوں پڑھنا واں۔ ایہہ اے جیہڑا وورمبرانڈ نے بائبل دے بارے کہیا:
دو انتہائی میلے کُچلے گاؤں آلے میرے کول اِک بائبل خریدن آئے۔ اُو معمولی جئی اُمید دے سہارے سارے موسم سرما وچ جمی ہوئی زمین نوں بیلچے نال کھوددے رئے سی کہ شاید اُو اِک پھٹی پرانی بائبل خرید سکن تے ایہنوں اپنے گاؤں واپس لے جان۔ چونکہ مینوں امریکہ توں بائبلاں موصول ہو چُکیاں سن، میں اُوہناں نوں اِک نئی بائبل حوالے کرن دے قابل سی، ناکہ پھٹی ہوئی اِک پرانی بائبل… میں اُوہناں توں پیسے لین توں انکار کر دِتا۔ اُو اُوس بائبل دے نال اپنے گاؤں چھیتی وچ واپس لوٹے۔ چند اِک دِن بعد مینوں اِک انتہائی پُرمسرت خط موصول ہویا، جیدے وچ مینوں ساڈے پاک صحائف لئی شکریہ ادا کیتا ہویا سی… ایہدے وچ تیہہ گاؤں آلیاں نے دستخط کیتے ہوئے سی! اُوہناں نے احتیاط دے نال بائبل نوں تیہہ حصیاں وچ کٹ کے اِک دوجے نال حصیاں دا تبادلہ کیتا سی!
میں اِک روسی نوں اپنی روح نوں خوراک مہیا کرن دی خاطر اُوس بائبل دے اِک صحفے لئی بھیک منگدے ہوئے سُنیا… اِک بندے نے استعمال دی وجہ توں سخت خراب حالت وچ نئے عہدنامے نوں اپنی شادی دی انگوٹھی دے بدلے وچ خریدیا (’’مسیح لئی اذیت سہیTortured of Christ،‘‘ صفحات 155۔156)۔
جدوں میں پہلی وری اُو پڑھیا تے ہنجواں نال رو پیا۔ میری سیمنری وچ پروفیسرز نے ہر کلاس روم وچ بائبل نوں مسترد کیتا سی۔ لیکن کیمونسٹاں دی سرزمین وچ ایہہ لوکی ساری سردیاں کم کرن لئی تیار سی محض بائبل دے چند اِک صفحات دی خاطر کہ اپنیاں روحاں نوں خوراک مہیا کر پان۔
ایہدے باوجود ساڈے امریکی گرجا گھراں وچ کھاندے پیندے نوجوان لوکی تے ایتھوں تیکر کہ ہر روز بائبل دا مطالعہ وی نئیں کردے!
خدا دا شکر اے کہ میرے کول چین توں آئے ہوئے اِک پادری صاحب سی جیہڑے ہر اِتوار نوں بائبل دی تعلیم دیندے سی۔ میری اپنی انتہائی حیاتی اُوہناں دی بائبل دی تعلیمات تے بائبل تے واعظاں دی مقروض اے۔
پابند اقوام وچ رہن آلے لوکی ہر روز اپنیاں حیاتیاں نوں خطرے وچ پاندے نے کیوں جے جے اُو کلام اِلہٰی دا اِک یا دو صفحے پڑھ لین گے تے مسلمان یا کیمونسٹ اُوہناں نال نفرت کرن گے۔
مہربانی نال متی 24:37۔39 آیات کھولو۔ جدوں میں ایہنوں پڑھاں تے کھلو جاؤ۔
’’جیویں نُوح دے دِناں وچ ہُویا سی اوویں ای اِبنِ آدم دی آمد دے ویلے ہووے گا کیوں جے طوفان توں پہلاں دے دِناں وچ لوکی کھاندے پیندے تے شادی بیاہ کردے کراندے سی۔ نُوح دے کشتی وچ داخل ہون دے دِن تیکر ایہہ سب کُج ہوندا رہیا۔ اُوہناں نوں خبر تک نہ سی کہ کی ہون آلا اے، ایتھوں تیکر کہ طوفان آیا تے اُوہناں ساریاں نوں بہا لے گیا۔ ابنِ آدم دی آمد وی اینج دی ای ہووے گی‘‘ (متی 24:37۔39)۔
تُسی تشریف رکھ سکدے اُو۔
جدوں پہلی وری میں اُوس حوالے نوں سُنیا سی تے اُو بلی گراھم وَلّوں پیش کیتے گئے اِک واعظ وچ سی۔ لیکن میں اُوہنوں تلاش کیتا تے احتیاط دے نال اُوہدا مطالعہ کیتا۔ نشے وچ دُھت تے دھوکہ دہی نال بھرے ہوئے بالغ لوکاں دے گھراں وچ ہون نال میں جاننا سی کہ اُو نوح دے زمانے وچ وسن آلے لوکاں وانگوں حیاتی بسر کر رئے سی۔ میں ایہہ حوالہ اُوہناں نوں پڑھ کے سُنایا تے اُو میرے تے ہنس پئے۔ میں اِک بپٹسٹ گرجا گھر وچ گیا تے ایہناں آیات نوں اوتھے موجود نوجوان لوکاں نوں پڑھ کے سُنایا۔ اُو وی میرا مذاق اُڑان لگے۔
اُو بالکل اوہی کر رئے سی جیہڑا نوح دے زمانے وچ لوکاں نے کیتا سی لیکن اُوہناں نے میرا مذاق وی اُڑایا سی!
فیر میں سی ایس لوئیس C. S. Lewis دی تحریر کیتی ہوئی کتاب خوشی نال حیران ہویاSurprised by Joy نوں پڑھیا۔ اُوہناں نے کہیا، ’’میں مُرتد پیوریٹنز دے وچکار اِک تبدیل شُدہ کافر وانگوں رہ چُکیا واں۔‘‘ میں سوچیا، ’’اُو میں آں!‘‘ گرجا گھر وچ میرے بہترین بیلی میرا مذاق اُڑاندے – لیکن اُوہنے حیاتی وچ پنج کُڑیاں نال شادیاں کیتیاں تے خود وی اِک مُرتد بن گیا۔ چھیتی ای اُو گرجا گھر اِک ہولناک گرجا گھر دی پھوٹ وچ فنا ہو گیا۔
فیر میں اِک آزاد خیال سیمنری وچ گیا۔ اُوہناں نے وی میرا مذاق اُڑایا۔ اُوہناں پروفیسراں نے تے ایتھوں تیکر کہیا کہ نوح وگری کوئی ہستی سی ای نئیں تے اینج دا کوئی سیلاب وی نئیں آیا سی!
بالاآخر میں اِک گرجا گھر وچ پہنچیا جیتھے دے عظیم پادری صاحب نوح تے سیلاب وچ یقین رکھدے سی۔ ایہہ اُوسی ویلے سی جدوں میں جان گیا سی کہ بائبل سچی سی، ’’لیکن کلیسیا دا ہر ممبر جھوٹ بولدا سی،‘‘ (رومیوں3:4)۔ میں نوح تے آفاقی سیلاب دے بارے وچ بائبل دی سچائی توں کدی وی کمزور نئیں پیا سی!
ڈاکٹر اے۔ ڈبلیو۔ ٹوزر Dr. A. W. Tozer نے کہیا،
’’اخلاقی اِطلاق دے بغیر بائبل دے بیان نال کوئی مخالفت نئیں اُچی ہوندی۔ ایہہ صرف اُوسی ویلے ہوندا اے جدوں سُنن آلے نوں ایہہ سمجھن لئی مجبور کیتا جاوے کہ سچائی اُوہدے دِل توں متصادم اے جیدے وچ مذاحمت طے شُدہ اے‘‘ (’’تفسیر دا اِطلاق ضرور ہونا چائیدا اے Exposition Must Have Application‘‘ ڈاکٹر اے۔ ڈبلیو۔ ٹوزر وَلّوں)۔
ہُن جدوں کہ میں 80 ورے دی عمر دا ہو گیا واں تے مینوں معروف مبلغین تے اِساتذہ وَلّوں ملن آلی تعریف تے حیرت نئیں ہوندی۔ اِک معروف معلم نے کہیا کہ میری سوانح حیات
’’… ظاہر کردی اے [ڈاکٹر ہائیمرز] 21 ویں صدی دی پیشن گوئی دے قابل، قابل احترام، معمولی مبلغ دے مقابلے وچ اِسلوب تے روح دے لحاظ نال پرانے عہدنامے دے نبی وانگوں لگدے نے۔‘‘
ایہدے علاوہ، انڈونیشیا لئی ساڈے مشنریاں وچوں اِک نے کہیا،
’’ڈاکٹر ہائیمرز اُو ہیرو نے جیہڑے بے شمار مُہلک جنگاں نوں [جھیل یا] برداشت کر چُکے نے۔‘‘
تے ڈاکٹر رابرٹ ایل۔ سُومنر Dr. Robert L. Sumner نے کہیا،
میں اُوس بندے نوں سرہاندا تے اُوہدی تعریف کردا واں جیہڑا سچائی دی خاطر ڈٹ جان لئی رضامند ہوندا اے… حتّیٰ کہ جدوں سارے حالات اُوہدے خلاف ہون۔ رابرٹ لیزلی ہائیمرز جونیئر اُوس قسم دا مسیحی اے۔‘‘ (ڈاکٹر سُومنر دی کتاب، سارا اعزاز میرا سی: ایمان دے دیو جنہاں دیاں راہواں میرے تیکر لنگھدیاں سن The Honor Was All Mine: Giants of the Faith Whose Paths Crossed Mine)۔
صدر تھیوڈور روزویلٹ نے کہیا،
’’ایہہ تنقید نگار نئیں ہوندا جیہنوں شمار کیتا جاندا اے؛ نا اُو بندہ جیہڑا نشاندہی کردا اے کیویں اِک مضبوط بندہ لڑکھڑاندا اے یا کیتھے نیکی کرن آلے اُوہناں توں بہتر کر پائے ہوندے۔ سہرا تے اُوس بندے دے سر جاندا اے جیہڑا اصل وچ میدان چہ ہوندا اے، جیہدا چہرہ مٹی تے پسینے تے لہو نال وگڑیا ہوندا اے، جیہڑا بہادری دے نال جدوجہد کردا اے… جیہڑا خود نوں اِک بیش قیمت مقصد لئی اِستعمال کردا اے، جیہڑا اعلیٰ کامیابیاں دا انجام تیکر بخوبی جانندا اے تے جیہڑا بوہتی بُری حد تیکر جے اُو ناکام ہوندا اے تے کم از کم [اُوس ویلے] ناکام ہوندا اے جدوں اُو جرأت مندی نال شدید کوشش کر رہیا ہوندا اے تاں جے اُوہدی تھاں کدی وی اُوہناں سرد مہر تے بزدل لوکاں دے نال نہ بنے جنہاں نوں نا تے فتح دا نا ای ہار دا پتا ہوندا اے۔‘‘ (صدر تھیوڈور روزویلٹ، ’’جمہوریہ وچ شہریتCitizenship in a Republic،‘‘ 23 اپریل، 1910 وچ فرانس دے شہر پیرس وچ سوربون دے مقام تے دِتی گئی تقریر)۔
ہُن متی24:37۔42 آیات کھولو۔ جدوں میں ایہنوں پڑھاں تے کھلو جاؤ۔
’’مگر جیویں نُوح دے دِناں وچ ہُویا سی اوویں ای اِبنِ آدم دی آمد دے ویلے ہووے گا کیوں جے طوفان توں پہلاں دے دِناں وچ لوکی کھاندے پیندے تے شادی بیاہ کردے کراندے سی۔ نُوح دے کشتی وچ داخل ہون دے دِن تیکر ایہہ سب کُج ہوندا رہیا۔ اُوہناں نوں خبر تک نہ سی کہ کی ہون آلا اے، ایتھوں تیکر کہ طوفان آیا تے اُوہناں ساریاں نوں بہا لے گیا۔ ابنِ آدم دی آمد وی اینج دی ای ہووے گی اُوس ویلے دو آدمی کھیت وچ ہون گے، اِک لے لہیا جاوے گا تے دوجا چھڈ دِتا جاوے گا۔ دو عورتاں چکی پیسدی ہون گئیاں، اِک لے لئی جاوے گی تے دوجی چھڈ دِتی جاوے گی۔ پس جاگدے رہوو کیوں جے تُسی نئیں جانندے تہاڈا خداوند کیس دِن آوے گا‘‘ (متی24:37۔42)۔
تُسی تشریف رکھ سکدے اُو۔
37ویں آیت کہندی اے کہ ’’نوح دا زمانہ‘‘ اُوس گل دی تصویر اے کہ کینج ہووے گا جدوں مسیح دی دوجی آمد دا ویلا آوے گا۔
ایہہ سانوں دسدا اے کہ نسل انسانی گناہ وچ گامزن ہووے گی جیویں کہ سیلاب توں پہلاں لوکاں نے کیتا سی۔
38 ویں آیت: ایہہ گلاں سانوں تے بے ضرر جئیاں لگدیاں نے، لیکن خدا نوں نئیں۔ لیکن ایہہ نوح دے زمانے وچ لوکاں دی دُنیاداری دا پردہ فاش کردیاں نے۔ ایہہ آیت مینوں مکاشفہ 3:14۔19 وچ لودیکیہ دی کلیسیا دی یاد دلاندی اے، خصوصی طور تے آیت 17 تے 18۔ میں 15ویں آیت توں پڑھنا شروع کراں گا۔
’’میں تیرے کماں توں واقف آں تے نہ تُو سرد اے نہ گرم۔ کاش کہ تُو سرد ہوندا یا گرم۔ پس چونکہ تُو نہ تے سرد اے نہ گرم بلکہ نیم گرم اے ایس لئی میں تیہنوں اپنے مُنہ توں کڈ سُٹن نوں آں۔ تُو کہندا اے کہ تُو دولتمند اے تے مالدار بن گیا اے تے تیہنوں کسی شے دی حاجت نئیں مگر تُو ایہہ نئیں جانندا کہ تُو بدبخت، غریب، بیچارہ، انھا تے ننگا اے‘‘ (مکاشفہ3:15۔17)۔
ہُن فیر متی 24:38 تے نظر پاؤ۔
’’کیوں جے طوفان توں پہلاں دے دِناں وچ لوکی کھاندے پیندے تے شادی بیاہ کردے کراندے سی۔ نُوح دے کشتی وچ داخل ہون دے دِن تیکر ایہہ سب کُج ہوندا رہیا‘‘ (متی24:38)۔
ڈاکٹر سیکوفیلڈ لودیکیہ دے لوکاں دا شمار ’’اِرتداد دی حتمی حالت‘‘ دی حیثیت نال کردے نے – تے اُو دُرست سن۔ نوح دے زمانے وچ لوکاں دی توجہ دا مرکز شادی بیاہ تے دعوتاں تے مرکوز سی ناکہ خدا تے۔
سیلاب توں پہلاں اِرتداد دی اخیرلی کیفیت ہلکی پھلکی جنسی ہوس تے [لوکاں دے نال] کھیڈن دے ذریعے نال سی، بلکہ جیویں اج اخیرلے ایام دی کلیسیا دی حتمی کیفیت اے!
آیت 39 – اُوہناں نوں ’’خبر تک نہ سی کہ کی ہون آلا اے، ایتھوں تیکر کہ طوفان آیا تے اُوہناں ساریاں نوں وگا لے گیا۔‘‘ لوکی کیوں نئیں جانندے سی کہ سیلاب آن آلا اے؟ نوح ’’راستبازی دا مبلغ‘‘ سی (2پطرس2:5)۔ اُوہنے اُوہناں نوں دسیا سی کہ سیلاب آ رہیا سی، لیکن اُو ایس قدر مزے چُک رئے سی کہ اُوہناں نے اُوہدی تبلیغ تے کان نئیں دھرے۔ ایہدے علاوہ، نوح نے اُوہناں نوں صرف اِک یا دو وری ای خبردار کیتا سی۔ اُوہنے آن آلے انصاف دی 120 وریاں تیکر منادی کیتی سی (ویکھو پیدائش6:3)۔ ایہدے باوجود اُوہنوں کسی موقع تے وی کامیابی نئیں ملی۔ ایویں نوح دی تبلیغ دے باوجود وی لوکی نئیں جانندے سی۔ لیکن تنبیہہ دا اوتھے اِک ناں سی جیدے تے لوکاں نے توجہ نئیں دِتی سی – اُو ناں متوسلح سی۔ الیگژنڈر میکلارین Alexander MacLaren سانوں دسدے نے کہ متوسلح دے ناں دا مطلب ہوندا اے ’’جدوں اُو مر جاوے گا تے (اُو سیلاب) آئے گا۔‘‘ سیلاب ٹھیک اُوس ای دِن آیا سی جیس دِن متوسلح مریا سی!
خُدا کدی وی چھیتی وچ نئیں ہوندا۔ لیکن سزا اُوس ای ویلے ہوندی اے جدوں اُو کہندا اے اُو ہو جاوے گی۔ متی24:39۔42 آیات تے نظر پاؤ۔ جدوں میں مسیح دے لفظاں نوں پڑھاں تے کھلو جاؤ،
’’اُوہناں نوں خبر تک نہ سی کہ کی ہون آلا اے، ایتھوں تیکر کہ طوفان آیا تے اُوہناں ساریاں نوں بہا لے گیا۔ ابنِ آدم دی آمد وی اینج دی ای ہووے گی اُوس ویلے دو آدمی کھیت وچ ہون گے، اِک لے لہیا جاوے گا تے دوجا چھڈ دِتا جاوے گا۔ دو عورتاں چکی پیسدی ہون گئیاں، اِک لے لئی جاوے گی تے دوجی چھڈ دِتی جاوے گی۔ پس جاگدے رہوو کیوں جے تُسی نئیں جانندے تہاڈا خداوند کیس دِن آوے گا‘‘ (متی24:39۔42)۔
تُسی تشریف رکھ سکدے اُو۔
غور کرو کیس قدر چھیتی خدا دا انصاف یا سزا امریکہ تے نازل ہونا شروع ہویا۔ 1948 وچ امریکہ دے پبلک سکولاں وچ بائبل نوں خلاف قانون قرار دِتا گیا۔ ڈاکٹر رائے برانسین نے کہیا، ’’ایہنوں اِک شیطانی سپریم کورٹ وَلّوں خلاف قانون کیتا گیا سی جیدے کول اینج کرن دا کوئی اختیار نئیں سی۔‘‘ ڈاکٹر برانسین نے ایہہ وی کہیا، ’’ایس قوم دے کول ایہہ پوچھن دا کی حق اے کہ خدا نے 9\11 نوں کیوں ہون دِتا؟ خدا نوں کہیا جاندا رہیا اے کہ اُوہنوں امریکہ وچ پسند نئیں کیتا جاندا تے اُو 1948 وچ شروع ہو کے چلا گیا سی۔ کوریا دا اِک شرمناک تعطل نال خاتمہ ہویا۔ ویتنام اِک اینج دی جنگ سی جیہنوں چند اِک ہفتیاں وچ جِتیا جا سکدا سی لیکن ایہدے بجائے ایس ملک وچ ڈرپوک دھڑیاں نے بدنامی نال بھرپور ہتھیار پائے تے اُوہناں لوکاں نوں چھڈ دِتا جنہاں نوں اسی کدی نہ چھڈن دا وعدہ کیتا سی۔ ایتھے گناہواں دی اُو فہرست اے جنہاں نوں امریکہ 1948 توں سرزد کر چُکیا اے۔
1. وڈے پیمانے تے اسقاط حمل۔
2. چوری
3. لونڈے بازی
4. جھوٹ بولنا (سارے وڈے وڈے خبراں دے چینل ہُن ایہہ کہندے نے کہ ساڈی وچوں بیشتر جانندے نے کہ اُو ’’جعلی خبراں‘‘ نے)۔
5. دھوکہ دہی (ساڈے وچوں بیشتر جانندے نے کہ صدر ٹرمپ توں الیکشن چوری ہویا سی)۔
6. بائبل نوں غیرقانونی قرار دینا۔
7. صدر ٹرمپ وگرے لوکاں ول کمینگی وکھانا۔
8. ساڈے گرجا گھراں نوں بند کرنا۔
9. جیری فالویل جونیئر تے جیک ہائیلز وگرے گندے مبلغین۔
10. ڈیوڈ یرمیاہ وگرے کمزور مبلغین۔
11. ہم جنس پرستی تے نسوانی ہم جنس پرستی دی کھُلم کھُلا چھوٹ۔
12. غلیظ موسیقی (جیویں کہ لائیو کریو Live Crew دے 2 پروگرام ’’می سو ہارنی Me So Horny‘‘)۔
13. گرجا گھراں دی تقسیم (سارے فرقیاں دے بپٹسٹ گرجا گھراں دا اِک مخصوص گناہ)۔
14. منشیات تے شراب۔
15. ساڈے گرجا گھراں وچ نیم گرم اینٹی نو میئن اِزم antinomianism۔
16. ’’موسمیاتی تبدیلی‘‘ لئی خدا نوں موردِالزام ٹھہرانا۔
17. ٹیکساس وچ شدید سردی۔ کیوں؟ کیوں جے ٹیکساس ہزارہا بپٹسٹ لوکاں دا گھر اے۔ اُو معمولی گلاں تے اپنے گرجا گھراں نوں تقسیم کردے نے۔ ایس لئی خدا نے اُوس ریاست نوں جما دِتا۔
میں خدا دیاں سخت گلاںThe Hard Things of God وچ ہر گل توں متفق نئیں آں۔ لیکن میں ڈاکٹر برانسین دی کتاب دے اہم نکات توں متفق آں۔
مسئلے نوں یاد رکھو
مسئلہ انسان دا دِل اے۔
ایہہ خدا دا مسئلہ نئیں اے؛
ایہہ خدا دے نال انسان دا مسئلہ اے۔
ایہہ سبق زیادہ طور توں ڈاکٹر رائے ایل برانسین جونئیر Dr. Roy L. Branson, Jr.، ٹی ایچ۔ ڈی۔ پی ایچ۔ ڈی دی تحریر کردہ کتاب خدا دیاں سخت گلاںThe Hard Things of God تے مشتمل اے۔ ڈاکٹر برانسین دی کتاب دا آرڈر دین لئی تے اُوہناں دی عظیم کتاب گرجا گھر دی تقسیمChurch Split دا آرڈر دین لئی اُوہناں نوں (423)366-3536 نمبر تے فون کرو یا drroybranson@chartertn.net تے ای میل کرو۔
ڈاکٹر ڈبلیو اے کرسویل نے کہیا،
’’جے تہاڈے توں ایس ورے کوئی دوجی کتاب رہ جاندی اے تے گرجا گھر دی تقسیم Church Split نوں مت چھڈنا۔ ایہہ اُو واحد کتاب اے جیہنوں ہر پادری نوں پڑھن دی لوڑ اے۔‘‘
ڈاکٹر پیج پیٹرسن Dr. Paige Patterson نے کہیا،
’’ڈاکٹر رائے برانسین دی کتاب گرجا گھر دی تقسیم ساڈی سرزمین تے منڈلان آلی اِک وباء دی گل کردی اے… تُسی چاہے ہر جملے دے نال متفق ہوو یا نہ ہوو، ایس حیرت انگیز کتاب توں تہانوں بوہتا فائدہ ہووے گا۔‘‘
کھلوو تے ساڈا حمدوثنا دا گیت گاؤ!
بغیر اِک اِلتجا دے، میں جیہو جیہا وی آں، مگر کہ تیرا لہو میرے لیے وگایا گیا،
تے کہ توں مینوں اپنے کول بُلان لئی بیقرار اے، اے خُدا دے برّے، میں آیا! میں آیا!
انتظار کیتاں بغیر، میں جیہو جیہا وی آں، میری جان نوں اِک تاریک دھبے توں چھڑان لئی،
تیرے لئی جیدا لہو اِک داغ مٹا سکدا اے، اے خُدا دے برّے، میں آیا! میں آیا!
بے شک اُچھالا گیا، میں جیہو جیہا وی آں، بوہتی کشمکش وِچ، بوہتے شکوکاں وِچ،
میں اپنے خوف تے جھگڑیاں دے نال تے بغیر، اے خُدا دے برّے، میں آیا! میں آیا!
(’’میں جیویں دا وی آں Just As I Am‘‘ شاعرہ شارلٹ ایلیٹ Charlotte Elliott، 1789۔1871؛ بند نمبر 1، 2 تے 3)۔
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔