ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مینوں چنگے لوکاں وِچ غلطی لبھنا پسند نئیں اے۔ لیکن میں جان چکیا واں کہ دو چنگے بندے پطرس تے یہوداہ دے بارے وچ غلط نے۔ اُو سِینکلئیر فرگوسن Sinclair Ferguson تے آئعن ھیملِٹن Ian Hamilton نے۔ فرگوسن نے کہیا کہ یہوداہ تے پطرس دے وچکار فرق دسنا مشکل ہووے گا۔ پطرس نے یسوع دا تِن وری لعن طعن دے نال انکار کیتا۔ یہوداہ نے یسوع نوں دھوکہ دِتا۔ یہوداہ پچھتاوے نال بھریا ہویا سی تے کہیا کہ اُوہنے گناہ کیتا کہ اِک بے قصور نوں قتل کر کے پھڑوایا‘‘ (متی 27:4)۔ ایویں ای پطرس ندامت نال بھریا ہویا سی تے ’’پھوٹ پھوٹ کے رویا سی‘‘ (متی 26:75)۔

تاہم پطرس تے یہوداہ وچ اِک وسیع فرق سی۔ لیکن کیس گل نے فرق پایا سی؟ فرگوسن تے ھیملِٹن کہندے نے کہ ’’جاگدے رہن تے دعا کردے رہن‘‘ دی مسیح دی تنبیہہ دی تابعداری کرن وچ اُوہناں دی ناکامی سی (متی26:41)۔

میں کہناں واں کہ ایہہ اُوہدے نالوں کِتھے زیادہ سمجھ نال بالاتر تے مشکل سی۔ یہوداہ اِک چور سی۔ پطرس جذباتی سی۔ ایہہ ایہناں دوواں شاگرداں وچ فرق سی۔ ایہہ یوحنا رسول دی روحانیت سی جیہنے ساڈے تے اُوہناں دے وچکار فرق نوں ظاہر کیتا۔ یوحنا نے کہیا کہ یہوداہ ’’اِک چور سی، تے اُوہدے کول تھیلی رہندی سی جیدے وچ لوکی رقم پاندے سی‘‘ (یوحنا12:6)۔

ایویں یوحنا نے اٹھویں حکم نوں توڑیا سی، ’’تے چوری مت کر‘‘ (خروج20:15)۔ اصلی زبان سانوں دسدی اے کہ یہوداہ نے اٹھویں حکم نوں بارہا توڑیا سی– جدوں اُو رسولاں آلی ’’تھیلی‘‘ وچوں چوری کیتا کردا سی۔ سپرجئین نے افسیوں 4:28 دا حوالہ دِتا جیہڑا کہندا اے، ’’جیہڑا چوری کردا اے اُوہنوں ہور چور مت کرن دیو۔‘‘ فیر، سپرجئین نے کہیا، ’’ہر گناہ خدا دے قہر تے لعنت دا مستحق ہوندا اے، دوویں ایس حیاتی وچ تے جیہڑی آن آلی اے‘‘ (سی ایچ سپرجئین ثبوتاں دے نال مسیحی تعلیم C. H. Spurgeon, A Catechism with Proofs)۔

یقینی طور تے یہوداہ دس احکامات دے بارے وچ جانندا سی! ایہدے باوجود اُوہنے اٹھویں حکم نوں بار بار توڑیا سی، چونکہ اُوہنے کُج رقم لئی سی جیہڑی شاگرداں نے اُوہدے حوالے کیتی سی۔ ایویں یہوداہ، ویلہ لنگھن دے نال نال، ’’تپدے لوہے دے نال‘‘ اپنے ضمیر نوں جھُلساندا رہیا سی (1تیموتاؤس4:2)۔ ایہہ ای وجہ سی کہ یہوداہ شیطان زدہ ہو گیا بالکل جیویں فرعون بار بار موسیٰ دے نال جھوٹ بولن دی وجہ نال شیطانیت تے اُتر آیا سی۔

جی ہاں، یہوداہ نے یسوع نوں ہر روز تعلیم دیندے ہوئے سُنیا سی۔ لیکن اُوہدا دِل انھا کیتا جا چُکیا سی۔ اُو ’’سِکھن دی کوشش تے کر رہیا سی لیکن کدی ایس قابل نئیں ہو پایا کہ حقیقت نوں پہچان پائے‘‘ (2تیموتاؤس3:7)۔

جان نِیوئیس نے نشان دہی کیتی کہ شیطان اِک بندے دی حیاتی وچ پوری طرح نال قابض نئیں ہوندا اے۔ شیطان دا اثر مجموعی ہوندا اے۔ ایہہ ایج دا ای سی جیویں جان ہینکلے دی حیاتی وچ صدر ریگن دا قتل ہو جاوے گا۔ ایہدے باوجود بِل اُو رئیلیBill O’Reilly اپنی کتاب جیس دِن صدر ریگن نوں قتل کیتا گیاThe Day President Reagan Was Shot وچ ایس گل نوں نئیں ویکھدے نے۔

مسٹر اُو رئیلی جیہڑے سب کُج اُوس دِن ہویا جدوں ہینکلے نے صدر ریگن نوں گولی ماری اِک اِک کر کے ساری تفصیلات دسدے نے۔ لیکن اُو رئیلی قاتلانہ حملے دے روحانی رُخ نوں مکمل طور تے نظر انداز کر دیندے نے۔ لیکن بائبل ایس گل نوں نظر انداز نئیں کردی اے۔ کھلوو جدوں میں افسیوں 6:12، 13 پڑھاں۔ بائبل کہندی اے،

’’کیوں جے سانوں لہو تے گوشت یعنی اِنسان نال نئیں بلکہ تاریکی دی دُنیا دے حاکماں، اِختیار آلیاں تے شرارت دی رُوحانی فوجاں نال لڑنا اے جیہڑے آسمانی مقاماں وچ نے۔ چنانچہ تُسی خدا دے سارے ہتھیار بنھ کے تیار ہو جاؤو تاں جے جدوں اُوہناں دے حملہ کرن دا بُرا دِن آوے تے تُسی اُوہناں دا مقابلہ کر سکو تے اُوہناں نوں پوری طرح شکست دے کے قائم وی رہ سکو‘‘ (افسیوں 6:12،13).

ہُن افسیوں6:18 آیت تے آؤ۔

’’پاک روح دی ہدایت نال ہر ویلے تے ہر طرح دعا تے منّت کردے رہوو تے ایس غرض نال جاگدے رہوو تے سارے مُقدّساں لئی بلاناغہ دعا کردے رہوو‘‘ (افسیوں 6:18).

تُسی تشریف رکھ سکدے اُو۔

لیکن اُو رئیلی دی کتاب وچ بے شمار سوالات دے جواب پیش نئیں کیتے گئے۔ اُوہناں نے گولی مارے جان دی ہر ہر منٹ دا واقعہ پیش کیتا۔ لیکن اُوہناں نے آسیباں تے دعا نوں چھڈ دِتا سی!

اُوس دِن جان ہینکلے واضح طور تے آسیب دے قابو وچ آیا ہویا سی جدوں صدر ریگن نوں اُوہنے گولی ماری سی۔ لیکن کیویں ہینکلے آسیب دے قابو وچ آ گیا سی؟ اُو رئیلی سانوں ایہہ گل نئیں دسدے۔

کیوں نئیں دسدے؟ کیوں جے بِل اُو رئیلی اِک جرنلسٹ نے کوئی خدا دے بندے نئیں نے۔

سارے واقعے دا محتاط مطالعہ ظاہر کردا اے کہ ہینکلے دے صدر ریگن نوں گولی مارن توں کافی عرصہ پہلاں ای توں شیطان اُوہدے ذہن وچ کم کر رہیا سی۔ ہینکلے نے فلم ٹیکسی ڈرائیورTaxi Driver پندرہ وری ویکھی سی۔ اُوس فلم نے جان دے ذہن وچ ایہہ شیطانی تصور نقش کر دِتا سی کہ اُو جوڈی فوسٹر دی محبت نوں صدر نوں گولی مارن دے ذریعے نال جِت سکدا سی۔

اینج ای یہوداہ اسخریوطی دے نال سی، اُو بندہ جیہنے یسوع مسیح نوں دھوکہ دِتا سی۔ تُسی ویکھدے اُو کہ اُوس ’’تھیلی‘‘ وچوں جیدے وچ شاگرداں دے کول جیہڑی رقم ہوندی سی رکھی جاندی سی یہوداہ یسوع نوں دھوکہ دین توں اِک طویل مدت پہلاں ای توں ماڑا ماڑا کر کے چوری کردا رہیا سی! ایہہ ای اُو راہ اے یہوداہ اخلاقی گراوٹ وچ ودھدا جا رہیا سی تے آہستہ آہستہ شیطان دے قبضے وچ آندا جا رہیا سی (یوحنا12:6)۔ اخیر وچ کلام پاک سانوں دسدا اے کہ شیطان یہوداہ وچ داخل ہو گیا۔ ’’شیطان اُوہدے وچ سما گیا‘‘ (یوحنا13:27)۔

مہربانی نال کھلوو تے یوحنا13:21۔30 آیات کھولو۔

’’ایہناں گلاں دے بعد یسوع اپنے دِل وچ نہایت ای رنجیدہ ہویا تے کہن لگیا، میں تہانوں سچ سچ کہناں واں کہ تہاڈے وچوں اِک مینوں پھڑوائے گا۔ اُوہدے شاگرد اِک دُوجے نوں شُبہ دی نظر نال ویکھن لگے کیوں جے اُوہناں نوں معلوم نئیں سی کہ اُوہدا اشارہ کیہدے ول اے۔ اُوہناں وچوں اِک شاگرد جیہڑا یسوع دا چہیتا سی، دسترخوان تے اُوہدے نزدیک ای جھُکا بیٹھیا سی۔ شمعون پطرس نے اُوس شاگرد توں اشاریاں وچ پُچھیا کہ یسوع کیہدے بارے وچ کہہ رہیا اے؟ اُوس شاگرد نے یسوع ول جھُک کے اُوہنوں پُچھیا، اَے خداوند! اُو کون اے؟ یسوع نے جواب دِتا، جیہنوں میں نوالہ ڈبو کے دواں گا اوہی اے۔ اودوں یسوع نے نوالہ ڈبو کے شمعون اِسکریوتی دے بیٹے یہوداہ نوں دِتا۔ تے اُوس نوالہ دے بعد شیطان اُوہدے وچ سما گیا۔ اُودوں یسوع نے اُوہنوں کہیا، جو کُج تیہنوں کرنا اے چھیتی کر لے۔ لیکن دسترخوان تے کسی نوں معلوم نئیں ہویا کہ یسوع نے اُوہناں اینج کیوں کہیا۔ یہوداہ دے کول رقم دی تھیلی رہندی سی ایس لئی بعض نے سوچیا کہ یسوع اُوہنوں عید لئی ضروری سامان خریدن لئی کہہ رہیا اے یا ایہہ کہ غریباں نوں کُج دے دینا۔ جوں ای یہوداہ نے روٹی دا نوالہ لہیا، فوراً باہر ٹُر گیا۔ تے رات ہو چُکی سی‘‘ (یوحنا 13:21۔30).

تُسی تشریف رکھ سکدے اُو۔

یہوداہ نے خوشخبری تے یقین نئیں کیتا سی۔ مرقس8:31 آیت کھولو۔

’’فیر اُو اپنے شاگرداں نوں تعلیم دین لگیا کہ ابنِ آدم دا دُکھ چُکنا بوہتا ضروری اے تے ایہہ وی کہ اُو وڈھیریاں، وڈے کاہناں تے شریعت دے عالماں وَلّوں ردّ کیتا جاوے، مروا ڈالیا جاوے تے تیجے دِن فیر زندہ ہو جاوے‘‘ (مرقس 8:31).

ہُن مرقس9:30۔32 آیت کھولو۔

’’فیر اُو اوتھوں روانہ ہو کے گلیل دے علاقے توں لنگھن لگے۔ یسوع نئیں چاہندا سی کہ کسی نوں خبر ہووے۔ کیوں جے اُوہنوں اپنے شاگرداں نوں تعلیم دین لئی فرصت دی لوڑ سی۔ جدوں اُو اُوہناں نوں دسن لگیا کہ ابنِ آدم لوکاں دے حوالہ کیتا جاوے گا تے اُو اُوہنوں ماڑ ڈالن گے۔ لیکن اُو اپنی موت دے تِن دِن بعد فیر زندہ ہو جاوے گا۔ تے شاگرد یسوع دا مطلب نئیں سمجھ سکے تے اُوہنوں پُچھدے وی ڈردے سی‘‘ (مرقس 9:30۔32).

’’اُو ایس گل نوں سمجھ نئیں سکے لیکن اُوہنوں پُچھدے وی ڈردے سی‘‘– حالانکہ اُو یہوداہ نوں کم از کم پنج وری دس چُکیا سی، یہوداہ چوری کرن دی وجہ نال ایس قدر سنگدل ہو چُکیا سی کہ اُوہنے خوشخبری نوں نئیں سمجھیا! تعجب دی کوئی گل نئیں کہ جدوں شیطان اُوہدے وچ سما گیا تے اُوہنے یسوع نوں دھوکہ دِتا!

میں جاننا سی کہ خُدا چاہندا سی کہ اسی اندرون شہر دی تہذیب و ثقافت نوں چھڈ دئیے تے گرجا گھر وچ ایس گل دے کہن توں کافی عرصہ پہلاں سان گیبرئیل وچ جان لئی کہیا سی۔ لیکن گرجا گھر دی اخیرلی پھوٹ نے میرے تے ظاہر کیتا سی کہ خدا میرے توں چاہندا سی میں کلیسیا نوں ایہہ گل دساں۔ لیکن، یہوداہ وانگوں، ’’اُو ایس گل نوں سمجھ نئیں پائے۔‘‘

ایہہ ای وجہ اے کہ کرھیٹن نے سانوں دھوکہ دِتا تے گرجا گھر وچ پھوٹ پائی۔ اُوہنے یہوداہ دی پیروی کیتی سی، ہر اِک موڑ تے۔ ہُن کرھیٹن دے کول اِک گروہ اے جیہڑا اُوہدی پیروی کرن توں انکار کردا اے۔ اُو ایس گل نوں خود اپنے ای لفظاں وچ کہندا اے!

کرھیٹن خود نوں تبلیغ دیندے ہوئیاں

ایتھے کُج اینج دے لوکی نے جنہاں نے کھُلی بغاوت یا سرکشی لئی اپنے دِل پیش کیتے تے اپنی گناہ نال بھرپور حالت لئی پادری صاحب نال گل نئیں کرن گے بلکہ ایہدے بجائے اپنے بیلیاں دی صحبت وچ سکون نوں پان دی تلاش کرن گے۔ دوجے ایہہ سوچدے ہوئے خفیہ گناہ وچ حیاتی بسر کردے نے کہ محض گرجا گھر آ جان نال تُسی اخیر وچ نجات پا ای لوو گے۔ لیکن تُسی اُوس خُدا دے نال نمٹ رئے اُو جیدیاں اکھاں ’’ہر تھاں بُرائی نوں ویکھ رئیاں نے۔‘‘ تہاڈے وچوں کُج سوچدے نے کہ تُسی اِک مسیحی اُو ایہدے باوجود تُساں کدی وی خدا، جنت یا حتّیٰ کہ اِک بشر نوں جِتن دے بارے وچ نئیں سوچیا ہووے گا۔ دوجیاں دے نال تہاڈی ساری دی ساری گفت و شُنید ظاہر کردی اے کہ تہاڈے کول صرف ایس دُنیاوی [عارضی] دُنیا دے خیال نے تے روحانی دُنیا تہاڈے لئی بالکل وی حقیقی نئیں اے۔ اپنی حیاتی دے بارے وچ ایماندار رہوو۔ اپنے آپ نال جھوٹ مت بولو۔ بائبل کہندی اے کہ تُسی ’’بُرائی کرن لئی دانشمند اُو لیکن نیکی کرن لئی [تہاڈے] کول کوئی علم نئیں اے۔ کیوں نئیں اے؟ کیوں جے اپنے تکبر وچ تُسی جو کرنا چاہندے اُو اُوہنوں کرن چہ بوہتی زیادہ خوشی پاندے اُو۔ لیکن اخیر وچ تُسی ویلے توں سب نالوں وڈے ہارے ہوئے [انسان] ہوندے اُو۔ تُسی سوچدے اُو کہ تُسی عقلمند اُو لیکن تہانوں ’’گناہ دی دھوکہ دہی‘‘ صرف [دھوکہ دہی] ای ملی اے۔ جے تُسی اپنے گناہواں توں توبہ نئیں کردے تے تہاڈا دِل ایس قدر سخت ہو جاوے گا کہ ایہہ صحت یاب ہون دی ہر اُمید توں بالاتر ہو جاوے گا۔

(’’بُرائی دی چالبازی The Subtilty of Evil‘‘، اُوہدے ’’واعظ‘‘ وچوں حوالہ، 12جولائی، 2020، مسوّدے دا صفحہ 7)۔

کھلوو تے ساڈا حمدوثنا دا گیت فیر گاؤو،

جدوں اسی خُداوند دے نال اُوہدے کلام دے نور وچ ٹُرنے آں،
   کیس قدر جلال اُو ساڈی راہ وچ نچھاور کردا اے!
جدوں اسی اُوہدی چنگی مرضی نوں پورا کردے نے، اُو اُودوں وی ساڈے نال [رہندا اے]،
   تے اُوہناں ساریاں نال جیہڑے فرمانبرداری تے پرہوسا کرن گے۔
فرمانبرداری تے پرہوسا کرو، کیوں جے کوئی ہور دوجی راہ نئیں اے
   پرہوسا تے فرمانبرداری کر کے صرف یسوع وچ خوش رہن لئی۔

کوئی سایہ نئیں بُلند ہو سکدا، آسماناں وچ کوئی بادل نئیں اے،
   لیکن اُوہدی مسکراہٹ چھیتی ای ایہنوں غائب کر دیندی اے؛
نا ای کوئی شک یا کوئی خوف، نا ای کوئی افسوس یا اِک اتھرو،
    [قائم] رہ سکدا اے جدوں تیکر اسی پرہوسا تے فرمانبرداری کرنے آں۔
فرمانبرداری تے پرہوسا کرو، کیوں جے کوئی ہور دوجی راہ نئیں اے
   پرہوسا تے فرمانبرداری کر کے صرف یسوع وچ خوش رہن لئی۔

فیر پیاری رفاقت وچ اسی اُوہدے قدماں چہ بیہواں گے۔
   یا اسی راہ وچ اُوہدے نال نال چلاں گے؛
اُو جو کہندا اے اُو کردا اے، اُو جیتھے بھیجے گا اسی جاواں گے؛
   کدی وی مت ڈرو، صرف پرہوسا تے فرمانبرداری کرو۔
فرمانبرداری تے پرہوسا کرو، کیوں جے کوئی ہور دوجی راہ نئیں اے
   پرہوسا تے فرمانبرداری کر کے صرف یسوع وچ خوش رہن لئی۔
(’’پرہوسا تے فرمانبرداریTrust and Obey‘‘ شاعر جان ایچ۔ سیم مسJohn H. Sammis، 1846۔1919)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔