ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

خدا دے پیجے ہوئے مسیح نے کہیا،

’’تے یسوع نے اُوہنوں کہیا، کی تُسی ایہہ سب کُج ویکھ رئے اُو؟ میں تہانوں سچ کہنا واں کہ ایتھے کوئی پتھر اپنی تھاں باقی نہ رئے گا بلکہ سُٹ دِتا جائے گا۔ جدوں اُو کوہِ زیتون تے بیٹھا سی تے اُوہدے شاگرد تنہائی وچ اُوہدے کول آئے تے کہن لگے، سانوں دس کہ ایہہ گلاں کدوں ہون گئیاں تے تیری آمد تے دُنیا دے آخر ہون دا نشان کی اے؟ یسوع نے جواب وچ اُوہنوں کہیا، خبردار! کوئی تہانوں گمراہ نہ کردے۔ کیوں جے بُہتیرے لوکی میرے ناں توں آن گے تے کیہن گے کہ میں مسیح آں تے بہتیرے لوکاں نوں گمراہ کر دین گے۔ لڑائیاں ہون گیاں تے تُسی لڑائیاں دیاں خبراں تے افواہاں سُنو گے۔ خبردار! گھبرانا نئیں، کیوں جے ایہناں گلاں دا ہونا ضروری اے۔ لیکن ہُنے خاتمہ نئیں ہووے گا۔ کیوں جے قوم تے قوم تے سلطنت تے سلطنت چڑھائی کرے گی۔ تھاں تھاں قحط پین گے تے زلزلے آں گے۔ مصیبتاں دا آغاز ایناں گلاں توں ہووے گا۔ اُوس ویلے لوکی تہانوں پھڑ پھڑ کے سخت ایذیتاں دین گے تے قتل کرن گے تے ساری قوماں میرے ناں دی وجہ توں تہاڈے نال دشمنی رکھن گیاں اُوس ویلے بہتیرے لوکی ایمان توں برگشتہ ہو کے اِک دوجے نوں پکڑوان گے تے آپس وِچ عدوات رکھن گے۔ بہتیرے جُھوٹے نبی اُٹھ کھلون گے تے بہتیرے لوکاں نوں گمراہ کرن گے۔ بے دینی دے ودھ جان دی وجہ توں کئی لوکاں دی محبت ٹھنڈی پے جائے گی۔ لیکن جیہڑا کوئی اَخیر تیکر برداشت کرے گا اُو نجات پائے گا۔ تے بادشاہی دی خوشخبری ساری دُنیا وِچ سُنی جائے گی تاکہ ساریاں قوماں ایس دی گواہ ہون تے فیر خاتمہ ہووے گا‘‘ (متی 24:2۔14).

ہُن متی 24:3 آیت کھولو۔ شاگرداں نے مسیح کولوں اِک سوال پُچھیا،

’’تیری آمد تے دُنیا دے آخیر ہون دا نشان کی اے؟‘‘

اَج بے شمار لوکی ایہو ای سوال پُچھ رئے نے: ’’کی اَسی دُنیا دے خاتمے وَل ودھ رئے آں؟ کی اَسی زمانے دے خاتمے وَل ودھ رئے آں؟‘‘

یسوع نے اُوہناں ’’نشانیاں‘‘ دا اِک سلسلہ پیش کر دِتا۔ متی 24:6۔12 آیات تے نظر پاؤ۔ مہربانی نال کھلو جاؤ جدوں میں ایہنوں پڑھاں۔

’’لڑائیاں ہون گیاں تے تُسی لڑائیاں دیاں خبراں تے افواہاں سُنو گے۔ خبردار! گھبرانا نئیں، کیوں جے ایہناں گلاں دا ہونا ضروری اے۔ لیکن ہُنے خاتمہ نئیں ہووے گا۔ کیوں جے قوم تے قوم تے سلطنت تے سلطنت چڑھائی کرے گی۔ تھاں تھاں قحط پین گے تے زلزلے آں گے۔ مصیبتاں دا آغاز ایناں گلاں توں ہووے گا۔ اُوس ویلے لوکی تہانوں پھڑ پھڑ کے سخت ایذیتاں دین گے تے قتل کرن گے تے ساری قوماں میرے ناں دی وجہ توں تہاڈے نال دشمنی رکھن گیاں اُوس ویلے بہتیرے لوکی ایمان توں برگشتہ ہو کے اِک دوجے نوں پکڑوان گے تے آپس وِچ عدوات رکھن گے۔ بہتیرے جُھوٹے نبی اُٹھ کھلون گے تے بہتیرے لوکاں نوں گمراہ کرن گے۔ بے دینی دے ودھ جان دی وجہ توں کئی لوکاں دی محبت ٹھنڈی پے جائے گی‘‘ (متی 24:6۔12).

حمدوثنا دا اِک پرانا گیت کہندا اے،

…اُس کے آنے کی نشانیاں بڑھتی جا رہی ہیں،
   مشرقی آسمانوں میں طلوع سحر پھوٹ رہی ہے؛
چوکنے رہو، کیونکہ وقت قریب آتا جا رہا ہے…
   (’’کی ہوندا جے اَج ایہہ ہوندا؟ What If It Were Today?‘‘ شاعرہ لیلہ این۔ مورس Leila N. Morris، 1862۔1929)۔

تُسی تشریف رکھ سکدے اُو۔ ساتویں آیت تے نظر پاؤ۔

’’کیوں جے قوم تے قوم تے سلطنت تے سلطنت چڑھائی کرے گی۔ تھاں تھاں قحط پین گے تے زلزلے آں گے‘‘ (متی 24:7).

کی اج اُو ساڈی دُنیا وگرا لگدا اے؟ بیشک اُو لگدا اے! اج ساڈی دُنیا وچ ’’وباواں‘‘ دی فراوانی اے۔ ایڈز اِک وباء اے۔ کرونا وائرس اِک وباء چند اِک ہفتے پہلاں خود میری اپنی ووہٹی کرونا وائرس توں متاثر ہو چکی اے۔ میں سوچیا سی اُو مر جاوے گی۔ یسوع نے کہیا سی، ’’ہلے خاتمہ نئیں ہووے گا‘‘ (24:6). مسیح نے کہیا سی، ’’مصیبتاں دا آغاز ایہناں ای گلاں نال ہووے گا‘‘ (24:8). (واقعی وچ، ’’ایہہ سب کُج درد زہ دا آغاز اے۔‘‘) ساڈے جڑواں مُنڈیاں دے پیدا ہون توں پہلاں میری ووہٹی نوں ’’درد زہ‘‘ ساری رات ہوئی سی! جنگاں، قحط تے وباواں صرف مصیبتاں دا آغاز نے۔ مذید ہور آنیاں نے۔ کوئی سیاست دان اُوہناں نوں روک نئیں سکدا!

انگلستان دے شہر لندن وچ ھیرینگے سٹیڈیم وچ بلی گراھم نے 1954 وچ اِک عظیم تحریک دی رہنمائی کیتی سی۔ ایہناں جلسیاں دے اِختتام تے، ونسٹن چرچل نے مسٹر گراھم نوں ادھے گھنٹے لئی اپنے آفس وچ سدیا۔ چرچل نے مسٹر گراھم نوں کہیا، ’’تُسی جانندے اُو، اِک نہ اِک دِن تے کمونسٹ مغلوب ہو جان گے۔‘‘ چرچل نے گل جاری رکھدے ہوئیاں کہیا، ’’میں تہانوں دسنا واں، میرے کول کوئی اُمید نئیں اے۔ مینوں دُنیا لئی کوئی اُمید وکھائی نئیں دیندی۔‘‘ مسٹر گراھم نے اپنی بائبل کھولی تے نجات دی راہ نوں سمجھایا۔ چرچل قبول کردا ہویا وکھائی دِتا۔ کیوں کُج برطانوی پادری صاحبان چرچل دی مسیح تیکر رہنمائی نہ کر پائے؟ اُو غالباً کوشش کرن توں وی کبھراندے سی – یا فیر شاید خود اُوہناں نے وی خوشخبری تے یقین نئیں کیتا ہووے۔ (چرچل نال گل بات دا حوالہ دِتا گیا بیلی گراھم Billy Graham دی سوانح حیات میں جیویں دا وی آں Just As I Am وچوں، صفحات 255۔257)۔ متی 24:10۔12 آیات تے نظر پاؤ۔ جدوں میں ایہنوں پڑھاں تے کھلو جاؤ۔

اُوس ویلے بہتیرے لوکی ایمان توں برگشتہ ہو کے اِک دوجے نوں پکڑوان گے تے آپس وِچ عدوات رکھن گے۔ بہتیرے جُھوٹے نبی اُٹھ کھلون گے تے بہتیرے لوکاں نوں گمراہ کرن گے۔ بے دینی دے ودھ جان دی وجہ توں کئی لوکاں دی محبت ٹھنڈی پے جائے گی‘‘ (متی 24:10۔12).

تُسی تشریف رکھ سکدے اُو۔

چرچل کیوں اِک گرجا گھر وچ نئیں گیا تے اِک مذہبی خادم نوں مسیح تیکر رہنمائی کرن لئی کیوں نئیں پُچھیا؟ چرچل یقین رکھدا سی کہ بائبل خدا دا الہٰامی کلام سی۔ چرچل اقرار کردا سی کہ برطانیہ وچ مبلغین اِک واضح خوشخبری دی منادی کرن توں بھٹک چُکے سی۔ اُو عالمانہ تے نفیس بنن دی کوشش کردے سی۔ ایس لئی چرچل نے گرجا گھر وچ حاضر ہونا چھڈ دِتا۔ بعد چہ مینوں یاد آیا کہ چرچل نے تقریباً نو وری نااُمیدی ول اشارہ کیتا سی۔ مسٹر گراھم نے پُچھیا، ’’کی تُسی خود اپنی نجات لئی اُمید دے بغیر ای اُو؟‘‘ چرچل نے جواب دِتا، ’’سچ سچ دساں تے ایس معاملے دے بارے وچ میں بوہتا سوچنا واں۔‘‘

گراھم نے کہیا، ’’میں فوراً نجات دی راہ سمجھائی… اُو قبول کردا ہویا وکھائی دِتا۔‘‘

ٹھیک ساڑھے بارہ وجے، مسٹر کولویل Mr. Colville نے بُوہا کھٹکھٹایا تے کہیا، ’’سر ونسٹن دے ڈیوک تہاڈے نال دوپہر دا کھانا کھان لئی ایتھے نے۔‘‘

چرچل نے جواب دِتا، ’’اُوہناں نوں انتظار کرن دیو۔‘‘ بلی گراھم ول واپس مُڑدے ہوئیاں اُوہنے کہیا، ’’گل نوں جاری رکھو۔‘‘ بلی گراھم تقریباً اگلےپندرہ منٹاں تیکر دسدے رہے فیر چرچل نوں پُچھیا کی اُو (گراھم) دعا کر سکدے نے۔

’’بالکل یقینی طور تے،‘‘ چرچل نے کھلوندے ہوئیاں کہیا، ’’میں ایس گل نوں سراھاواں گا۔‘‘ اُو لمحہ لنگھ گیا۔ بلی گراھم دے وسیلے نال چرچل دی مسیح لئی رہنمائی نئیں ہو پائی۔ گراھم ایہہ کہن توں خوفزدہ ہو گیا سی، ’’کی تُسی میرے نال دعا منگو گے؟‘‘ ایہہ ایس قدر آسان ہو سکدا سی، لیکن گراھم ایہنوں کرن لئی لوڑ توں ودھ ای خوفزدہ سی۔ ایویں وِنسٹن چرچل نے حیاتی لنگھائی تے مسیح دے بغیر ای فوت ہو گئے! اُوہناں دا جنازہ سرکاری ہویا سی، برطانوی سیاست دانوں ادا کیتے گئے صرف دو وچوں اُو اِک سی۔ آزاد دُنیا دے رہنما اُوہناں دے جنازے وِچ شریک ہوئے سن۔ لیکن اُو اُمید دے بغیر ای فوت ہو گئے سن کیوں جے بلی گراھم اُوہناں دے نال ’’گنہگاراں دی‘‘ دعا منگن توں خوفزدہ سی۔

چرچل نے انگلستان نوں ھٹلر دی جنگی مشین توں چھٹکارہ دلایا سی۔ خود میرے اپنے ذہن نے مسیح دی اِک آیت نوں جِنہوں میں پڑھ رہیا آں دُھرایا سی،

’’بے دینی دے ودھ جان دی وجہ توں کئی لوکاں دی محبت ٹھنڈی پے جائے گی‘‘ (متی 24:12).

مسٹر چرچل چند اِک ورے بعد فوت ہو گئے سن تے اُوہناں دی روح ابدی اَگ وِچ ٹر گئی سی، بغیر کسی اُمید دے، بغیر مسیح دے، ساری ابدیت دے لئی۔

اُو اَخیرلی نشانی جیہڑی یسوع نے پیش کیتی سی ایہہ سی،

’’تے بادشاہی دی خوشخبری ساری دُنیا وِچ سُنی جائے گی تاکہ ساریاں قوماں ایس دی گواہ ہون تے فیر خاتمہ ہووے گا‘‘ (متی 24:14).

مبلغین لوکاں نوں دسن دے لئی کدی وی خوفزدہ نہ ہون کہ اُو یسوع دے بغیر گمشدہ یا گمراہ رہندے نے! اُوہناں دی مسیح تیکر رہنمائی کرن دے لئی کدی وی خوفزدہ مت ہوو! مت یقین کرو اُو پاک روح دے وسیلے توں نجات پا سکدے نے۔ مت یقین کرو اُو غیرمرئی زباناں بولن توں نجات پا جاندے نے۔ یسوع نے واضح طور تے کہیا سی، ’’میرے وسیلے دے بغیر کوئی باپ دے کول نئیں آندا‘‘ (یوحنا14:6۔ بائبل واضح طور تے کہندی اے،

’’نجات کسی اور کے وسیلہ سے نہیں ہے کیونکہ آسمان کے نیچے لوگوں کو کوئی دُوسرا نام نہیں دیا گیا ہے جس کے وسیلہ سے ہم نجات پا سکیں‘‘ (اعمال 4:12).

ماسوائے یسوع دے کوئی وی تہاڈی روح نوں جہنم توں نئیں نجات دِلا سکدا! اُوہدے پُتر یسوع دا لہو سانوں ہر گناہ توں پاک رکھدا اے‘‘ (1یوحنا1:7)۔

کِھلو جاؤ تے حمدوثنا دا ساڈا گیت دوبارہ گاؤ!

بغیر اِک اِلتجا دے، میں جیہو جیہا وی آں، مگر کہ تیرا لہو میرے لیے وگایا گیا،
تے کہ توں مینوں اپنے کول بُلان لئی بیقرار اے، اے خُدا دے برّے، میں آیا! میں آیا!

انتظار کیتاں بغیر، میں جیہو جیہا وی آں، میری جان نوں اِک تاریک دھبے توں چھڑان لئی،
تیرے لئی جیدا لہو اِک داغ مٹا سکدا اے، اے خُدا دے برّے، میں آیا! میں آیا!

میں جیویں دا وی آں، غریب، تباہ حال، انھا؛ نظارے، دولت، ذہن دی شفایابی،
جی ہاں، جیدی مینوں لوڑ اے میں تیرے وچ پانا واں، اے خُدا دے برّے، میں آیا! میں آیا!

میں جیویں دا وی آں، تُو کمزور نوں وی قبول کر لوے گا، کمزور نوں وی آرام دِتا، پاک صاف تے معاف تے خوش آمدید کیتا جاندا اے
کیوں جے تیرے وعدے تے میں یقین کرنا واں، اے خُدا دے برّے، میں آیا! میں آیا!

بغیر اِک التجا دے، میں جیویں دا وی آں، مگر کہ تیرا لہو میرے لئی وگایا گیا،
تے کہ تُو مینوں اپنے کول سدّن لئی بیقرار اے، اے خُدا دے برّے، میں آیا! میں آیا!
   (’’میں جیہو جیہا وی آں Just As I Am‘‘ شاعرہ شارلٹ ایلیٹ
Charlotte Elliott، 1789۔1871؛ بند 1، 2، 4، 5؛ 1)۔)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔