ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
تُسی اِک سیمنری وچ رحمدلی نئیں سِکھ سکدے!YOU CAN’T LEARN COMPASSION IN A SEMINARY! ڈاکٹر آر۔ ایل۔ ہائیمرز، جونیئر وَلّوں واعظ توں پہلاں حمدوثنا دا گیت گایا: |
اِک شاگرد دی حیثیت نال جیہڑا کُج میں جاننا واں اُوہدے وچوں بوہتا کُج میں اپنے دین دار پادری صاحب جناب ڈاکٹر ٹِموٹھی لِن Dr. Timothy Lin توں سِکھیا۔ اِک گل جیہڑی میں اُوہناں توں سِکھی اُو اِک ای تھاں تے ٹِک کے رہنا اے۔ مہربانی نال 1 کرنتھیوں15:58 آیت کھولو۔
’’ایس لئی میرے عزیز پراہوو! ثابت قدم رہوو تے خداوند دی خدمت وچ ہمیشہ سرگرم رہوو کیوں جے تُسی جانندے اُو کہ خداوند وچ تہاڈی محبت بے فائدہ نئیں اے‘‘ (1 کرنتھیوں15:58)۔
میں لاس اینجلز دے اندرون شہر وچ 45 وریاں توں وی زیادہ عرصہ اُوس آیت دی فرمانبرداری کیتی۔ بے شمار چنگیاں گلاں میرے نال رونما ہوئیاں کیوں جے میں اُوس آیت دی فرمانبرداری کیتی۔ جے میں چھڈ چُکیا ہوندا تے میں اپنی ووہٹی نوں نہ لبھ پاندا جیہڑا ایس بوہتی وڈی ساری دُنیا وچ سب توں بہترین پادری دی ووہٹی اے۔
لیکن بُری گلاں وی رونما ہوئیاں سن۔ ساڈے گرجا گھر نے چار وڈی وڈی پھوٹاں [تقسیماں] دا تجربہ کیتا۔ میں ہمیشہ خود نوں موردِ الزام ٹھہرایا۔ میں بوہتے طریقیاں نال اِک بہتر پادری بنن دی کوشش کیتی۔ لیکن تقسیماں تے پھوٹاں جاری رہیاں۔ بالاآخر خدا نے میرے تے ظاہر کیتا کہ اندرونِ شہر دے لوکی تہذیبی طور تے اِک مضبوط گرجا گھر دی تائید کرن لئی نااہل سن۔ ایس گل دا ثبوت مینوں ایس حقیقت دے ذریعے نال ظاہر کیتا گیا کہ واقعی وچ صدیاں دے بعد وی لاس اینجلز دے مضافات وچ صرف اِک ای مضبوط ہسپانوی گرجا گھر سی – تے کالے لوکاں دا صرف اِک ای نفیس گرجا گھر اندرون شہر وچ سی۔
میرے تقریباً 80 وریاں دا ہون توں پہلاں خداوند نے پُرزور طور نال میرے تے ظاہر کیتا کہ میرے لئی ہُن ویلا آ گیا سی کہ ساڈے گرجا گھر نوں کسی اینج دی تھاں تے لے جایا جائے جیتھے اِک بہتر تہذیب ہووے۔ ایہہ محرک اُوس ویلے آیا جدوں میں کینسر دا اِک مریض بنیا۔ ہر ہفتے اِک گھنٹے لئی میرے گھر دے دفتر وچ تِن نوجوان لوکی جیہڑے مُناد بنن دے اُمیدوار سن میرے نال دعا منگن لئی آندے سی۔ اُوہناں وچوں اِک حبشی سی۔ اِک ہسپانوی سی تے اِک چینی سی۔ جلد ای اُو ہسپانوی بندہ تے حبشی بندہ چھڈ کے چلے گئے۔ صرف چینی بندہ ٹِکا رہیا۔
اُودوں مینوں عاموس دی کتاب وچوں اِک آیت یاد آئی، ’’یقین کرو خداوند اُوس ویلے تیکر کُج نئیں کردا جدوں تیکر اُو اپنا منصوبہ اپنے خدمت گزار نبیاں تے ظاہر نہ کر دوے‘‘ (عاموس3:7)۔
ایہہ اے جیہڑا خداوند نے میرے تے ظاہر کیتا۔ مرقس6:11 آیت کھولو۔
’’تے جے کسی تھاں لوکی تہانوں قبول نہ کرن تے کلام سُننا نہ چاہن تے اوتھوں رخصت ہوندے وقت اپنے پیراں دی گرد وی اوتھے جھاڑ دینا تاں جے اُو اُوہناں دے خلاف گواہی دوے۔ میں تہانوں سچ کہنا واں، قیامت دے دِن سدوم تے عمورہ لئی ایہہ ایس شہر دے مقابلے وچ زیادہ قابل برداشت ہووے گا‘‘ (مرقس6:11)۔
بعد وچ برنباس تے پولوس نے وی ایہہ کام کیتا سی،
’’پولوس تے برنباس نے احتجاج دے طور تے اپنے پیراں دی گرد وی جھاڑ دِتی تے اوتھوں اکنیم وچ چلے گئے‘‘ (اعمال13:51)۔
یاد رکھو، میں ایہہ جذبات وِچ آ کے نئیں کیتا سی نا ای میں ایہہ جلدبازی چہ کیتا سی۔ ایہنوں کرن چہ مینوں 45 ورے لگے۔ اُو محرک اُوس ویلے ہویا جدوں کرھیٹن چیعن بالکل اُونج دا ہو گیا جیویں یہوداہ اسخریوطی دے نال ہویا سی، کرھیٹن وِچ ’’شیطان وڑیا‘‘ تے اُو باہر گیا تے سردار کاھناں نال مشورہ کیتا (لوقا22:3)۔ ایویں، کرھیٹن وِچ شیطان وڑیا تے اُو مینوں دھوکہ دین دے لئی جان والڈریِپ دے کول ٹُر گیا۔
کرھیٹن میرے نال ایس قدر نفرت کیوں کردا سی کہ اُو آسیب زدہ ہو گیا؟ یسوع نے کہیا، ’’اُوہناں نے میرے نال بِلاوجہ دشمنی رکھی‘‘ (یوحنا15:25)۔ فیر یسوع نے کہیا، ’’جے دُنیا آلیاں نے مینوں ستایا اے تے اُو تہانوں وی ستان گے‘‘ (یوحنا15:20)۔
میری ہر دلعزیز بیوی علیانہ Ileana تے چند اِک ہفتے پہلاں کرونا وائرس دا حملہ ہویا سی۔ اُو کئی دِناں تیکر ہسپتال وِچ رئی سی۔ ہُن اُو ساڈے مہمان خانے دی خواب گاہ وِچ طبّی قید وِچ نے۔ میرا ہونہار پُتر ویزلی میرے ناں تے کم سنبھال رہیا اے۔
گذشتہ راتی میں کرھیٹن تے چیعن نال اُوہناں دی شفایابی دے لئی دعا مانگن نوں کہیا۔ کرھیٹن نے گل کیتے بغیر ای فون بند کر دِتا۔ والڈریِپ نے اُوہناں نال فون تے گل کرن توں انکار کر دِتا۔ میں ٹُٹ جیہا گیا تے ساری راتی تنہائی تے دُکھ وِچ روندا رہیا۔ میرا واحد سکون بائبل سی۔
اُو واحد BBFI مبلغ جنہاں نے میری بیوی نوں فوں کیتا ڈاکٹر رسل گورڈن Dr. Russell Gordon سن۔ دوجے واحد مبلغ جنہاں نے اُوہناں نال فون تے گل کیتی اسمبلی آف گاڈ آلے تے ساؤتھرن بپٹسٹ آلے سن۔ اِک رومن کاتھولک سی۔ سارے دے سارے بنیاد پرست [فنڈامنٹلِسٹ] مبلغین سردمہر تے لاتعلق رئے۔ خداوند اُوہناں تے رحم کرے۔ یسوع نے کہیا،
’’جے تُسی اِک دوجے نال محبت رکھو گے تے ایہدے نال سارے لوکی جان لین گے کہ تُسی میرے شاگرد اُو‘‘ (یوحنا 13:35).
میں رسل گورڈن نوں 65 وریاں توں جاننا واں جدوں توں اَسی جونیئر ہائی سکول وِچ اِکٹھے سن۔ میری بیوی خوش ہو گئی سی جدوں اُوہناں نے اُوہنوں فون کیتا تے اُوہناں لئی دعا منگی۔ ایس گل نے مینوں دُکھی محسوس کرایا جدوں کرھیٹن تے چیعن اُوہناں دے نال سردمہر ہو گئے۔ کسی نے مینوں دسیا ایہہ ایس لئی سی کیوں جے اُو [میری ووہٹی] ہسپانوی سن۔ مینوں اُمید اے اُو غلطی تے نے۔ خداوند اُوہناں نوں معاف کرے، کیوں جے اُو نئیں جانندے اُو کی کردے نے! میری بیوی دا ناں علیانہ اے۔ مہربانی نال اُوہناں نوں دوپہر 1:00 تے 5:00 وجے دے درمیان فون کرو۔ اُوہناں دا موبائل نمبر (818)645-7356 اے۔
والڈریِپ نے جان میک آرتھر دی سیمنری وِچ پڑھن لئی کرھیٹن نوں کہیا۔ جے اُو اینج کردا اے تے وہ فیر ضرورت وِچ پئی اِک بیمار عورت دے لئی دعا منگنا سِکھ جائے گا؟ یسوع نے کہیا،
’’بے دینی دے ودھ جان دے باعث کئی لوکاں دی محبت ٹھنڈی پے جاوے گی‘‘ (متی 24:12).
کی اَسی پہلاں توں ای بہت وڈے مصائب دے دور وِچ آں کہ ایس سب نوں سچ ہونا چائیدا اے؟ شاید فیر ایس سب دے بعد روسنتھال Rosenthal سچے سن! شاید اِسی پہلاں توں ای بہت وڈے مصائب دے دور وِچ آں! شاید ایہہ سنگدل مبلغین اپنے دِلاں وِچ پہلاں ای توں ’’درندے دا نشان‘‘ پا چکے نے!
تُسی سیمنری وِچ دوجے مسیحیاں دے نال محبت کرنا نئیں سِکھ سکدے۔ ڈاکٹر اے ڈبلیو ٹوزر نے کہیا،
علم الہٰیات نوں سیکھن دے لئی اِک بندے نوں دیندار ہون دی لوڑ نئیں ہوندی۔ واقعی چہ مینوں حیرت ہوندی اے کہ آیا زمین تے کسی سیمنری وِچ ایہو جئی کوئی گل سیکھائی جاندی اے جیہڑی کہ اِک سمندری ڈاکو یا اِک دھوکہ باز نے نال نال اِک مقدس پرھیزگار مسیحی کولوں وی سیکھی نہ جا سکے‘‘ (آدمی: خداوند دے وسن دی تھاں The Dwelling Place of God، صفحہ 56)۔
تہاڈا شکریہ ڈاکٹر ٹوزر!
میں ساڈے گرجا گھر دا بانی پادری آں۔ میری ووہٹی تے میں لاس اینجلز دے اندرون شہر وِچ اپنے گرجا گھر دے نال تقریباً پنجاں وریاں توں ڈٹے رہ چکے آں۔ ایس سارے ویلے دے دوران میری ووہٹی تے ساڈے بچے میرا سب توں وڈا سہارا رئے نے۔
پچھلے دو وریاں دے دوران ساڈے گرجا گھر دے شریک کار پادری کرھیٹن چیعن جان والڈریِپ دے نال خفیہ ملاقاتاں کردے رئے، جیہڑے اُوہناں نوں ساڈے گرجا گھر وِچ پھوٹ پان دے لئی حوصلہ دیندے رئے۔
ایہہ ذہنی دباؤ میری ووہٹی تے ایس قدر شدید ہویا کہ اُوہناں دی صحت تباہ ہو گئی تے اُو کروناوائرس (COVID) کا شکار ہو گئیں۔
چیعن تے والڈریِپ دے ساڈے 50 لوکاں نوں چیعن دے نال چھڈ کے ٹُر جان دے سبب نے اُوہناں دی تکلیف وِچ اضافہ کیتا۔ پھوٹ توں بچن دی کوششاں وِچ، میں نے پادری دی حیثیت توں استیفعیٰ دے دِتا تے محترم کرسٹوفر ایل کیگن پی ایچ۔ ڈی، الوہیّات وِچ ماسٹرز تے پی ایچ۔ ڈی Rev. Christopher L. Cagan, Ph.D., M.Div., Ph.D. نوں پادری دا عہدہ دے دِتا – تے مینوں ’’پادری ایمریٹس‘‘ دی حیثیت نال مقرر کیتا گیا۔
پھوٹ پین توں ساڈے 50 % لوکاں تے ٹُر جان دے تھوڑے ای ویلے بعد میری ووہٹی ہسپتال وِچ محدود کر دِتی گئی۔ میں اپنے اِک ساؤتھرن بپٹسٹ بیلی نوں فون کیتا تے اُو فون تے ای رو پیہیا تے میری ووہٹی دے لئی دعا منگی۔ میں ایس قدر اندرونی پریشانی وِچ سی کہ میں چیعن نوں فون کیتا تے اپنی ووہٹی دے شفایاب ہون دے لئی اُوہنوں دعا منگن دے لئی کہیا۔ اُو میرے تے وَس پیہیا تے فون بند کر دِتا۔ میں ایس قدر دلبرداشتہ ہویا کہ اُو راتی میں اَتھروواں وِچ لنگہائی۔
مہربانی نال 1 کرنتھیوں13:1 – 13 کھولو۔ مہربانی نال کِھلو جاؤ جدوں میں ایہنوں پڑھاں۔
’’جے میں اِنساناں تے فرشتیاں دیاں زباناں بول سکاں لیکن محبت توں خالی رہواں تے میں ٹھنٹھناندے ہوئے پِتل یا جھنجھناندی ہوئی جھانجھ وانگوں آں۔ جے مینوں نبوت کرن دی نعمت مل جاوے تے میں ہرزار تے ہر علم توں واقف ہو جاواں تے میرا ایمان ایناں کامل ہووے کہ پہاڑاں نوں سرکا دواں، لیکن محبت توں خالی رہواں، تے میں کُج وی نئیں۔ تے جے اپنا مال غریباں وچ ونڈ دواں تے اپنا بدن جلائے جان لئی دے دواں تے محبت توں خالی رہواں تے مینوں کوئی فائدہ نئیں۔ محبت صابر تے مہربان ہوندی اے۔ حسد نئیں کردی، شیخی نئیں ماردی، گھمنڈ نئیں کردی۔ بدتمیزی نئیں کردی، خودغرض نئیں ہوندی، طیش وچ نئیں آندی، بدگمانی نئیں کردی۔ ناراستی نال نئیں بلکہ راستی نال خوش ہوندی اے۔ سب دا پردہ رکھدی اے، ہمیشہ پرہوسا کردی اے، ہمیشہ اُمید رکھدی اے، ہمیشہ برداشت نال کم لیندی اے۔ محبت لازوال اے۔ نبوتاں موقوف ہو جان گئیاں؛ زباناں جاندی رہن گئیاں؛ علم مِٹ جاوے گا۔ کیوں جے ساڈا علم ناقص اے تے ساڈی نبوت ناتمام، لیکن جدوں کامل آوے گا تے ناقص جاندا رہوے گا۔ جدوں میں بچہ سی تے بچے وانگوں بولدا سی، بچے وگری طبیعت سی۔ لیکن جدوں جوان ہویا تے بچپن دیاں گلاں چھڈ دِتیاں۔ ایس ویلے تے سانوں آئینہ وچ دھُندلا جیہا وکھائی دیندا اے لیکن اُوس ویلے رُوبرو ویکھاں گے۔ ایس ویلے میرا علم ناقص اے مگر اُوس ویلے میں پورے طور تے پہچان لواں گا، جیویں میں پہچانیا گیا واں۔ غرض ایمان، اُمید تے محبت ایہہ تِنوں دائمی نے لیکن محبت ایناں وچ افضل اے‘‘ (1۔ کرنتھیوں 13:1۔13).
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔