ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

جے کوئی بندہ تہانوں سوال کرے تے کی تہانوں ناراض ہونا چائیدا اے؟ یقیناً نئیں۔ پطرس رسول نے کہیا،

’’مگر مسیح نوں اپنے دِلاں وچ خداوند مان کے اُوہنوں مقدس سمجھو تے جے کوئی تہانوں تہاڈی اُمید دے بارے وچ دریافت کرے تے اُوہنوں جواب دین لئی ہمیشہ تیار رہوو لیکن نرم مزاجی تے احترام دے نال‘‘ (1 پطرس3:15)۔

عام سوالات

1. میں بائبل وچ یقین نئیں رکھدا۔

پولوس رسول نے یونانیاں نوں بائبل دا حوالہ دِتا سی جیہڑے اُوہدے چہ یقین نئیں رکھدے سی۔ پولوس نے اُوہناں لوکاں نوں راضی کرن دی کوشش نئیں کیتی سی جنہاں دی اُوہنے گواہی دِتی سی۔ ساڈے اہم کم دی گواہی دینا دفاع نئیں، اعلان ہوندا اے۔

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

بائبل دا بنیادی پیغام ایہہ اے کہ کیویں اِک بندہ دائمی حیاتی پائے گا۔ جے اُو کہندا اے اُو دائمی حیاتی وچ یقین نئیں رکھدا اے، تے تُسی کہہ سکدے اُو، ’’تُسی ایس بارے وچ کی سمجھدے اُو کہ بائبل ایس موضوع تے کی کہندی اے؟ ایس موضوع تے بائبل دی تعلیم دے بارے چہ تہانوں کی سمجھ آندی اے؟‘‘

تقریباً 98 فیصد اوقات چہ اُو کہن گے، ’’دس احکامات نوں مانن یا مسیح دی مثال دی نقل کرن دے ذریعے نال۔‘‘ تُسی اُودوں فیر کہہ سکدے اُو، ’’ایہی اُو گل اے جیدا مینوں ڈر سی۔ تُسی بائبل نوں اُوہدے اہم پیغام نوں سمجھے بغیر مسترد کیتا اے، کیوں جے تہاڈا جواب ناصرف غلط اے بلکہ ایہہ جیس گل دی بائبل تعلیم دیندی اے اُوہدے توں بالکل متضاد اے۔ کی تُسی ایہہ نئیں سوچدے کہ ایدے توں ودھ دانشمندانہ ردِعمل ایہہ ہووے گا کہ تُسی مینوں ایس موضوع تے بائبل کی تعلیم دیندی اے تہاڈے نال ونڈ لین دیو؟ اُودوں تُسی اِک عقلمندانہ فیصلہ کر سکدے اُو کہ آیا ایہنوں مسترد کیتا جائے یا قبول کیتا جائے۔‘‘

ہُن میں یسوع دے بارے وچ 10 پیشن گوئیاں تہانوں پڑھ کے سُناواں گا۔

(1) مذاق اُڈایا،

’’اُوہناں نے میرے کھانے چہ پِت ملا دِتا تے میری پیاس بُجھان لئی مینوں سِرکہ پلایا‘‘ (زبور69:21)۔

(2) دوجیاں لئی تکلیف برداشت کیتی

’’یقیناً اُوہنے ساڈی بیماریاں برداشت کیتیاں تے ساڈے غم چُک لئے… اُو ساڈی خطاواں دے سبب نال گھائل کیتا گیا تے ساڈی بداعمالی دے باعث کُچلا گیا… خُداوند نے ساڈی ساریاں دی بدکاری اُوہدے تے لَد دِتی‘‘ (اشعیا53:4۔6)۔

(3) معجزات کرنا

’’اُودوں اَنّیاں نوں بینائی دِتی جائے گی تے بولیاں دے کَن کھولے جان گے‘‘ (اشعیا35:5 – 713 قبل از مسیح)۔

(4) بیلی دے ذریعے نال دھوکہ کھایا

’’میرے پیارے بیلی نے وی، جیدے تے مینوں پرہوسا سی تے جیہڑا میری روٹی کھاندا سی، میرے تے لَت چُکی اے‘‘ (زبور41:9)۔

(5) چاندی دے تِی سِکیاں دے بدلے ویچیا گیا

’’میری مزدوری مینوں دیو… ایس لئی اُوہناں نے چاندی دے تِی سِکے مینوں دِتے‘‘ (زکریا11:12 – 487)۔

(6) مُنہ تے تھُکیا گیا تے کوڑے مارے گئے

’’میں اپنی پیٹھ مارن آلیاں دے حوالے کر دِتی… تضحیک تے تھُک توں بچن لئی میں اپنا مُنہ نئیں لُکایا‘‘ (اشعیا50:6 – 712 بعد از مسیح)۔

(7) صلیب تے کِلّاں نال جڑیا گیا

’’اُوہناں نے میرے ہتھاں تے میرے پیراں نوں چھیدیا‘‘ (زبور22:16)۔

(8) خُدا وَلّوں فراموش کیتا گیا

’’اے میرے خُدا، اے میرے خُدا، تُو مینوں کیوں فراموش کر دِتا؟‘‘ (زبور22:1)۔

(9) اُوہدا مُردیاں وچوں زندہ ہونا

’’نہ ای تُو اپنے مُقدّس نوں سڑن دوے گا‘‘ (زبور16:10)۔

(10) غیر قوماں دا اُوہدے تے ایمان لہیا کے تبدیل ہونا

’’ویکھو میرا خادم… اُو ساریاں قوماں دی عدالت کرے گا‘‘ (اشعیا42:1 – 712 بعد از مسیح)۔

اُو یسوع دے بارے وچ صرف 10 پیشن گوئیاں نے۔ بائبل وچ دو ہزار توں مخصوص پیشن گوئیاں نے جیہڑیاں پہلاں ای پوری ہو چُکیاں نے۔

کئی وریاں پہلاں نیشنل انکوائرر National Enquirer میگزین نے دورِ حاضرہ دے جانے مانے ’’نبیاں‘‘ دے ذریعے نال کیتی جان آلی 61 پیشن گوئیاں دی فہرست شائع کیتی سی۔ ایناں 61 پیشن گوئیاں نوں اُوس ورے دے اخیرلے چھ مہینیاں وچ پورا ہونا سی۔ اُو کینی بخوبی پوری ہوئیاں سن؟ یقین کرو یا نہ کرو، اُو ساری 61 پیشن گوئیاں پوری نئیں ہوئیاں! اُوہناں نے کہیا سی کہ پوپ پال ریٹائر ہو جان گے تے رومن کاتھولک کلیسیا نوں عام افراد دی اِک کمیٹی سنبھالے گی؛ کہ جارج فریمین اپنا بھاری بھرکم تاج محمد علی دے نال افریقہ وچ مقابلے چہ رکھے گا؛ تے کہ ٹیڈ کینیڈی صدارت لئی انتخابی مہم چلان گے! دورِ حاضرہ دی پیشن گوئیاں تے اُو جیہڑی بائبل وچ نے دوواں دے وچکار صرف اِک ای فرق اے کہ دورِ حاضرہ دی ’’پیشن گوئیاں‘‘ ہمیشہ غلط ہوئیاں تے بائبل دے انبیاء واقعی چہ صحیح سن!

2. کی اِرتقاء تخلیق نوں غلط ثابت نئیں کردا؟

ڈاکٹر اے۔ ڈبلیو۔ ٹوزر نے کہیا، ’’اسی جیہڑے یقین رکھنے آں بائبل جانندی اے کہ کائنات اِک تخلیق اے۔ ایہہ دائمی نئیں اے کیوں جے ایہدا اِک آغاز سی۔ ایہہ خوشگوار اِتفاقات دے تسلسل دا نتیجہ نئیں اے جیہدے نتیجے وچ اِک دوجے توں اِتفاقی طور تے ملن آلے حصیاں دی تعداد اِک دوجے دے نال مل گئی، اِک دوجے دی تھاں تے بیہہ گئی تے مصروفیت وچ مگن ہو گئی۔ اُوہدے تے یقین کرن لئی اعتبار دی لوڑ ہووے گی جیہڑا چند اِک لوکاں کول ای اے‘‘

اِک نوجوان بندے نوں پُچھیا گیا، ’’کیس ثبوت نے تہانوں قائل کیتا اے کہ اِرتقاء سچا اے؟‘‘ اُوہنے جواب دِتا، ’’لوکاں تے جانوراں دے وچکار مشہابتاں۔ میرے لئی، اُو گل اِرتقاء نوں ثابت کردی اے۔‘‘

1950 دی دہائی وچ ماضی چہ جیمس واٹسن تے فرانسس کررک نے حیاتی دے کُلیدی مالیکیول، ڈی این اے DNA نوں دریافت کیتا – اِک دریافت جیدی وجہ توں اُوہناں نوں نوبل انعام نال نوازیا گیا۔ انسانی جسم وچ اِک ٹرلیئن توں وی ودھ مالیکیولز نے۔ ایہہ نہایت شاندارانہ طور تے اِک پیچیدہ نظام اے۔

کررک، جیہڑا کہ اِک دہریے تے نظریہ اِرتقاء دے مَنن آلے نے، اُوہناں نے ڈٰی این اے DNA مالیکیول دے احتمال [اِمکان] نوں لبَن دا فیصلہ کیتا جیہڑا اِرتقاء پسند کہندے نے کہ 4.6 بلین وریاں دے دوران بے ساختہ پیدا ہویا [تے] جیہڑا زمین دی حیاتی اے۔ زمین دی تاریخ وچ اِک خُلیے دے ڈی این اے DNA مالیکیول دے کی اِمکانات نے؟ کی تہانوں اُوہناں دے [جواب دا] نتیجہ معلوم اے؟ صفر۔ حتّیٰ کہ 4.6 بلین وریاں وچ وی اینج کدی وی ممکن نئیں ہو سکدا سی!

تے کی فیر فرانسس کررک نے کہیا کہ ایہہ خدا ای ہونا چائیدا اے جیہنے ایہہ کیتا؟ اُوہناں نے نئیں کہیا۔

کی ایہہ عجیب نئیں لگدا کہ ایہناں سائنسداناں وچوں کسی نے وی ایہہ ثبوت پاندے ہوئے وی، اقرار نئیں کیتا کہ اُوہناں دا نظریہ غلط سی؟ اُوہناں وچوں اِک نے وی نئیں کیتا، ’’ڈاروِن دے زمانے توں لے کے، اسی کُج غلط سِکھاندے رئے آں۔ اسی تہانوں سِکھایا کہ حیاتی دا آغاز قدیم کیچڑ توں ہویا جدوں امائینو ایسڈ اکٹھے ہو گئے تے اِک خُلیے نوں تشکیل کیتا۔ تے، بلین وریاں بعد، اسی ایتھے کھلوتے آں۔ اسی سوچیا کہ ایہہ اینج ای رونما ہویا سی۔ لیکن ساڈا نظریہ غلط ثابت کیتا جا چُکیا اے۔ اسی معزرت خواہ آں کہ اسی تہاڈی غلط رہنمائی کیتی۔‘‘

کی تُسی جانندے اُو فرانسس کررک نے کی کیتا؟ اُو ایہدے توں وی زیادہ ناممکن نظریہ دے نال سامنے آئے۔ اُوہناں دا نیا نظریہ ایہہ سی کہ کسی دور دراز دے سیارے توں انساناں دی اِک ترقی یافتہ نسل خلائی جہاز وچ اپنے نال جہاز وچ اپنے نُطفیاں دے نال نکل پئے تے مختلف سیاریاں تے بیج وکھرے۔ تے ایویں ساڈا وجود ہویا۔ ایہہ کُج کُج سٹار وارز Star Wars وگرا لگدا اے!

حیاتی بے جان توں نئیں آ سکدی۔ ایس ای لئی بائبل کہندی اے، ’’شروع چہ خُدا نے زمین تے آسمان نوں تخلیق کیتا‘‘ (پیدائش1:1)۔

تِن ثبوت جیہڑے خُدا دی وجودیت وچ یقین کرن چہ میری مدد کر چکے نے:

(1) وجہ تے اثر دا قانون

     کیوں جے کائنات وچ اسباب تے اثرات نوں میں ویکھدا واں جیہڑے منطقی طور تے میری نشاندہی اُوس عظیم نادیدہ سبب ول کراندے نے جیدے وچ میرا یقین اے کہ اُو خُدا اے۔

(2) ڈیزائن [تخلیق دے نمونے] دا ثبوت

     جے تُسی مریخ جاندے تے اِک کامل نمونے [ڈیزائن] دی گھڑی اوتھے لبدی تے تُسی منطقی طور تے نتیجہ اخذ کردے کہ اُو گھڑی اِک گھڑی ساز ول اشارہ کردی سی۔ لہٰذا اِک شائستہ طور تے ڈیزائن کیتی ہوئی دُنیا، دُنیا دے بنان آلے ول اشارہ کردی اے، اِک ڈیزائنر جیہنوں میں، خُدا بُلانا واں۔

(3) شخصیت دا ثبوت

     اسی شُہرا آفاق [پینٹنگ] مصوری مونا لیزا تے نظر پانے آں۔ اسی شخصیت دے ثبوت تے نظار پانے آں۔ اُو مصوری کسی غیر ذاتی وجہ دا نتیجہ نئیں ہو سکدی۔ ایہہ تیجا ثبوت اہم اے کیوں جے اِک سبب نال قوت سانوں ذمہ دار قرار نئیں دوے گی، بلکہ اِک ہستی سانوں ساڈے گناہواں لئی ذمہ دار ٹھہرا سکدی اے۔

3۔ میرا خُدا اُونج دا نئیں اے۔

جان ویزلی دی حیاتی، جنہاں نے میتھوڈِسٹ کلیسیا دا آغاز کیتا، نہایت واضح طور تے، نجات لئی کلیاں یسوع مسیح وچ پرہوسا کرن دی اہمیت نوں ظاہر کردی اے۔ اُو پنج وریاں لئی آکسفورڈ سیمنری وچ گئے تے فیر انگلستان دے چرچ دے مذہبی خادم بن گئے، جیتھے اُوہناں نے دس وریاں تیکر خدمت سرانجام دِتی۔ اُوس دور دے اخیر وچ، تقریباً 1735 وچ، اُو انگلستان توں جارجیا لئی اِک مشنری بن گئے۔

اپنی ساری دی ساری حیاتی، اُو اپنی مذہبی خدمتاں وچ کافی ناکامی دا شکار رئے، حالانکہ اُو جیویں کہ سانوں لوکاں نوں سمجھدے نے کافی متقی یا دیندار سن۔ اُو سویرے چار وجے اُٹھدے سن تے دو گھنٹیاں تیکر نماز پڑھدے سن۔ تے جیلاں، قید خاناں تے ہسپتالاں وچ ہر طرح دے لوکاں چہ مذہبی خدمتاں سرانجام دین لئی جان توں پہلاں اُو اِک گھنٹے تیکر بائبل دا مطالعہ کردے۔ اُو جدوں تیکر رات نہ ہو جاندی تعلیم دیندے، دعا منگدے تے دوجیاں دی مدد کردے۔ اُوہناں نے ایہہ وریاں تیکر کیتا۔ درحقیقت، میتھوڈسٹ کلیسیا دینداری دی [ایس ای] میتھوڈیکل طرز توں جیہنوں ویزلی تے اُوہناں دے بیلیاں نے جیا اپنا ناں پاندی اے۔

امریکہ توں واپسی تے، سمندر وچ بہت وڈا طوفان آ گیا۔ اُو نِکا جیہا بحری جہاز جیہدے تے اُو سفر کر رئے سن ڈُبّن دے قریب سی۔ وڈیاں وڈیاں لہراں بحری جہاز دے عرشے تے تھپیڑے مار رئیاں سن تے ہواواں بادباناں نوں تار تار کر رئیاں سن۔ ویزلی خوفزدہ سی کہ اُو اُوس لمحے یا گھڑی وچ مرن آلے سی تے اُو شدید خوف وچ مبتلا سن۔ اُوہدے کول کوئی یقین دہانی نئیں سی کہ اُوہناں دے نال کی ہووے گا جدوں میں مر جاواں گا۔ نیک بنن دی اُوہناں دی تمام تر کوششاں دے باوجود، موت اُوہناں لئی اِک بہت وڈا، سیاہ، خوف نال بھرپور سوالیہ نشان سی۔

بحری جہاز دے دوجے پاسے لوکاں دا اِک گروپ سی جیہڑا حمدوثنا دے گیت گا رہیا سی۔ اُوہنے اُوہناں لوکاں کولوں پُچھیا، ’’تُسی کیویں گانے گا سکدے اُو جدوں کہ بالکل ایسی راتی تُسی مرن آلے اُو؟‘‘ اُوہناں لوکاں نے جواب دِتا، ’’جے ایہہ جہاز ڈوبڈا اے تے اَسی ہمیشہ لئی خداوند دے کول اُتے ٹُر جاواں گے۔‘‘ ویزلی آپئے سوچدا تے اپنا سر دُھندا ہویا پرے ٹُر گیا، ’’اُوہناں [لوکاں] نوں اُو کیویں معلوم ہو سکدا اے؟ جیہڑا کُج میں کر چکیا آں اُوہدے مقالبے چہ اُو کِنّا ہُور بوہتا کر چکے نے؟‘‘ فیر اُوہنے اضافہ کیتا، ’’میں کافراں نوں مسیح وِچ ایمان دِلا کے تبدیل کرن لئی آیا، آہ، لیکن مینوں کون تبدیل کرے گا؟‘‘

خُدا دی پرورگاری نال، بحری جہاز واپس انگلستان پہنچن وِچ کامیاب ہو گیا۔ ویزلی لندن ٹر گئے تے ایلڈرگیٹ سٹریٹ لئی تے اِک چھوٹے گرجا گھر لئی اپنی راہ تلاش کیتی۔ اُوتھے اُوہناں نے اِک بندے نوں اِک واعظ پڑھدے ہوئے سُنیا جیہڑا دو صدیاں پہلاں مارٹن لوتھر وَلّوں تحریر کیتا گیا سی، جیہدا عنوان ’’رومیوں دی کتاب لئی لوتھر دا دیباچہ Luther’s Preface to the Book of Romans‘‘ سی۔ ایس واعظ نے وضاحت کیتی کہ حقیقی ایمان کی سی۔ ایہہ نجات لئی صرف یسوع مسیح تے پرہوسا کرنا سی – تے ناکہ خود اپنے نیک کماں وچ۔

ویزلی نوں اچانک احساس ہویا کہ اُو اپنی حیاتی دی غلط راہ تے گامزن رئے سن۔ اُوس راتی اُوہناں نے اپنی روز لکھی جان آلی ڈائری وچ ایناں لفظاں نوں تحریر کیتا: ’’تقریباً پونے نو وجے، جدوں اُو اُوس تبدیلی دی وضاحت کر رئے سن جیہڑی مسیح وچ ایمان دے ذریعے نال خُدا دِل وچ بِٹھاندا، میں عجیب طور تے اپنے دِل نوں گرم ہوندیاں محسوس کیتا۔ میں محسوس کیتا میں واقعی چہ مسیح تے پرہوسا کیتا، کلیاں مسیح تے، نجات لئی تے مینوں اِک یقین دہانی بخشی گئی کہ اُوہنے میرے گناہواں نوں چُک لہیا سی، ایتھوں تیکر کہ میرے [گناہواں نوں]، تے مینوں موت تے گناہ دی شریعت توں نجات دلائی سی۔‘‘

ایہہ ہویا سی۔ ایہہ نجات دلان آلا ایمان ہوندا اے۔ اپنے گناہواں تے توبہ کرنا، اُوہنے نجات لئی کلیاں یسوع مسیح تے پرہوسا کیتا سی۔ ہُن، کی تُسی کہوو گے کہ ایس رات توں پہلاں ویزلی نے یسوع مسیح وچ یقین نئیں کیتا سی؟ بیشک، اُوہنے کیتا سی۔ اُو بائبل دا اِک عالم سی تے انگریزی، لاطینی، یونانی، تے عبرانی وچ مسیح دے بارے چہ مطالعہ کیتا سی۔ اُوہنے ایناں ساریاں زباناں چہ مسیح وچ یقین کیتا سی۔ لیکن اُوہنے جان ویزلی وچ اُوہدی نجات لئی پرہوسا کیتا سی۔

ایہدے بعد، اُو اٹھارویں صدی دے عظیم ترین مبلغ بنے سن۔ لیکن ایہہ سب اُوس ویلے شروع ہویا سی جدوں اُوہناں نے اپنی نجات لئی کلیاں یسوع مسیح وچ اپنا پرہوسا قائم کیتا سی تے اُوہنوں اپنے خداوند دی حیثیت نال قبول کیتا سی۔ (ڈاکٹر ڈی۔ جیمس کینیڈی Dr. D. James Kennedy، انجیلی بشارت دی تعلیم دے پرچار دا پھٹ پینا Evangelism Explosion، چوتھا ایڈیشن، ٹائینڈائل ہاؤس پبلیشرز Tyndale House Publishers، 1996، صفحات 183۔ 184)۔

کھلوو تے ساڈا حمدوثنا دا گیت گاؤ!

حیرت انگیز فضل! کیس قدر مِٹھی اُو واج اے،
   جنہے میرے وگرے تباہ حال نوں بچایا اے!
میں جیہڑا کدی گواچ گیا سی، لیکن ہُن مل گیا واں،
   اَنّا سی لیکن ہُن ویکھنا واں۔

ایہہ فضل ای سی جنہے میرے دِل نوں خوف کرنا سیکھایا،
   تے فضل نے ای میرے سارے خوف ختم کیتے؛
کیس قدر قیمتی اُو فضل ظاہر ہویا سی
   اُس لمحے وِچ جدوں میں پہلی وری یقین کیتا سی!

بے شمار خطرات، مشقت تے شکنجیاں وچوں،
   میں پہلاں ای توں لنگ چُکیا واں؛
ایہہ فضل ای مینوں حفاظت نال ایہنی دور تیکر لہیایا،
   تے فضل ای میری گھر تیکر رہنمائی کرے گا۔

جدوں اسی اوتھے دس ہزار وریاں تیکر رہ چکے ہوواں،
   دمکدے چمکدے سورج وانگوں
تے ساڈے کول اُودوں وی خداوند دی ستائش وچ گان لئی ایہنے کم دِن نئیں ہون گے
   جیہنے اودوں سی جدوں اسی شروع کیتا سی۔
(’’حیرت انگیز فضلAmazing Grace ‘‘ شاعر جان نیوٹن John Newton ، 1725۔1807).

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔