ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ڈاکٹر ٹموٹھی Dr. Timothy Lin میرے 24 وریاں تیکر پاسٹر رئے سن۔ اُو چین چہ اِک پاسٹر دے خاندان وِچ پیدا ہوئے سن تے 19 ورے دی عمر وچ مسیح تے ایمان لہیا کے تبدیل ہوئے سن۔ سیمنری وِچ تربیت پان دے بعد، ڈاکٹر لِن دے ابتدائی وریاں وِچ شنگھائی تے وانگسائی Kwangsi وِچ پاسبانہ تے انتظامی ذمہ داریاں شامل سن۔ تاہم، اُوس زمانے چہ چین وِچ علم الہٰیات دی تعلیم ڈاہڈی ماڑی سی۔ ایس لئی اُو 1940 چہ عبرانی تے یونانی دی پڑھائی کرن لئی ریاست ہائے متحدہ United States ٹُر گئے سی۔

دوجی جنگ عظیم دے دوران ڈاکٹر لِن نے شنگھائی وِچ اِک یتیم خانے دے سربراہ، اِک ہائی سکول دے پرنسپل تے اِک بائبل کالج دے صدر دی حیثیت نال خداوند دی خدمت کیتی۔ جنگ دے بعد اُوہناں نوں ھینگ چاؤ Hangchow وچ ایسٹ چائنہ تھیالوجیکل کالج وچ صدر بنن لئی سَد لہیا گیا سی۔ 1948 وچ اُو اعلیٰ تعلیم دے حصول دی خاطر ریاست ہائے متحدہ واپس چلے گئے تے فیتھ تھیالوجیکل سیمنری (ڈیلاوئیر Delaware وچ) توں ڈیوینٹی Divinity تے سیکرڈ تھیالوجی [مقدس علم الہٰیات] وچ ماسٹرز ڈگری حاصل کیتی۔ اُوہناں نے فیر ڈراپزائی Dropsie یونیورسٹی توں عبرانی وچ پرانے عہدنامے چہ پی ایچ۔ ڈی۔ دی ڈگری حاصل کیتی۔ فیر اُوہناں نے جنوبی کیرولینہ وچ بوب جونز یونیورسٹی دے گریجوایٹ سکول وچ درج ذیل مضامین دی تعلیم دِتی – اُوہناں نے عبرانی، آرامی زبان، مُلک شام دی زبان تے درجہ بہ درجہ علم الہٰیات دی تعلیم گریجوایٹ طالب علماں نوں دِتی۔ بعد چہ اُوہناں نے شیکاگو دے نزدیک ٹرنیٹی ایونجیلیکل سیمنری تے ٹالبوٹ سکول آف تھیالوجی وچ پڑھایا۔ اُو NASB (نئی امریکی معیاری بائبل the New American Standard Bible) دے پرانے عہدنامے دی سیکشن دی ترجمانی ٹیم دے اِک ممبر وی سی۔ 1980 توں لے کے 1990 تیکر ڈاکٹر جیمس ہڈسن ٹیلر سوئم Dr. James Hudson Taylor III دی ریٹائرمنٹ دے بعد اُوہناں نے تائیوان وچ چائنہ ایونجیلیکل سیمنری دے صدر دی حیثیت نال خدمتاں کیتیاں۔

کئی وریاں تیکر، ڈاکٹر لِن نے ایشیا، شمالی امریکہ تے یورپ وچ مختلف گرجا گھراں چہ تعلیم دین تے تبلیغ کرن لئی وڈے پیمانے تے سفر کیتا۔ اُو بوہتیاں کتاباں دے مصنف سی جیہڑیاں ہلے وی لُک رہیاں نے تے آن لائین دستیاب نے، جنہاں چہ کلیسیا دی نشوونما دا رازThe Secret of Church Growth شامل اے۔

بے شمار گرجا گھر دے قائدین اُوہناں دی دانائی، تعلیم، قیادت تے مثال نال نوازے جا چکے نے۔ اُو خُدا دے کلام دے اِک عالم توں کِدھرے بوہتی سن کیوں جے خُدا نے اُوہناں نوں اپنے لئی بولن دا اِختیار تے قوت بخشی سی۔

ڈاکٹر لِن 1961 وچ لاس اینجلز دے پہلے چینی بپتسمہ دین آلے گرجا گھر دے پاسٹر دی حیثیت نال آئے۔ ایہہ اوتھے ای سی جدوں میں اُوہناں نوں مِلیا سی، بپتسمہ پایا تے اُوہناں دے ذریعے توں مذہبی عہدے تے تعینات کیتا تے اُوہناں دی سرپرستی وچ 24 وریاں تیکر تعلیم پائی سی۔

اَج دی سہ پہر ڈاکٹر لِن نے دعائیہ جلسیاں دے بارے چہ جیہڑی تعلیم دِتی سی میں تہانوں اُو پیش کرن جا رہیا واں۔ مہربانی نال کھلوو تے بائبل وچوں متی 18:19-20 آیات کھولو۔

’’میں تہانوں فیر کہناں واں کہ جے تہاڈے وچوں دو بندے اِتفاق کر کے جیہڑا کُج چاہن کہ ہو جائے اُو میرے آسمانی پیو وَلّوں اُوہناں لئی ہو جائے گا۔ کیوں جے جیتھے دو یا تِن میرے ناں تے اِکٹھے ہوندے نے اوتھے میں اُوہناں دے وچکار موجود ہونا واں‘‘ (متی18:19-20)۔

تُسی تشریف رکھ سکدے اُو۔

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

ایہہ سبق ڈاکٹر لِن دی کتاب کلیسیا دی نشوونما دا راز دے 7ویں باب وچوں لہیا گیا اے۔ ڈاکٹر لِن نے کہیا، ’’کلیسیا دے بارے چہ ساڈے خُداوند [یسوع] دی [تعلیمات] وچ، اُوہنے جیہڑا اِختیار کلیسیا نوں بخشیا سی صرف اُوہدے تے ای اُوہنے [یسوع نے] زور دِتا۔ یسوع نے کہیا، ’’جیہڑا کُج تُسی [کلیسیا] زمین تے بنھو گے سمجھو کہ آسمان تے بنھ گیا تے جیہڑا کُج تُسی [کلیسیا] زمین تے کھولو گے سمجھو کہ آسمان تے کھول دِتا گیا‘‘ (متی 18:18). یسوع نے سانوں کدی وی کلیسیا نوں پھیلان تے قائم کرن دے طریقے نئیں سِکھائے، نا ای اِک مسیحی دا معائنہ کرن تے تربیت دین دا طریقہ سِکھایا۔ ایس قسم دیاں غلطیاں گرجا گھر نوں حقیقت دا ایہہ پیغام اثرکرن آلے وچ دس رہیاں نے: جے [اِک گرجا گھر] اُوس اختیار نوں جیہڑا اُوہنوں دِتا گیا اے استعمال کرن لئی راضی اے تے جے اُو خُداوند دی لامحدود نعمتاں نوں وقف کردی اے تے فیر کلیسیا دی نشوونما لئی جیس دانائی دی لوڑ پیندی اے تے اُو یقینی طور تے اُوہدی شخصی دانشمندی بن جاوے گی بجائے ایہدے کہ [صرف] اِک معروضی آگاہی یا علم بن جائے۔‘‘ بائبل کہندی اے،

’’جے تہاڈے وچوں کسی چہ سمجھ بوجھ دی کمی ہووے تے اُو خدا توں منگے جیہڑا فیاضی نال عطا فرماندا اے تے ملامت کیتے بغیر دیندا اے‘‘ (یعقوب1:5)۔

اِیہدے علاوہ، مسیح نے فیر ہور وعدہ کیتا کہ،

’’… جے تہاڈے وچوں دو بندے اِتفاق کر کے جیہڑا کُج چاہن کہ ہو جائے اُو میرے آسمانی پیو وَلّوں اُوہناں لئی ہو جائے گا۔ کیوں جے جیتھے دو یا تِن میرے ناں تے اِکٹھے ہوندے نے اوتھے میں اُوہناں دے وچکار موجود ہونا واں‘‘ (متی18:19-20)۔

’’تو‘‘ دی جمع چہ شکل

’’میں آسمانی بادشاہی دی چابی تہنوں دیا گا تے جیہڑا کُج تُو زمین تے بنھے گا اُو آسمان تے بنھیا جاوے گا تے جیہڑا کُج تُو زمین تے کھولے گا اُو آسمان تے کھولیا جائے گا‘‘ (متی 16:19 NASB).

اُو نئی امریکی معیاری بائبل NASB دا ترجمہ اے۔

ڈاکٹر لِن نے کہیا، ’’ایتھے بائبل ’’تُو‘‘ دی جمع دی شکل دا استعمال کردی اے۔ ایس آیت وچ ایہہ ’’تُہاڈے سب‘‘ دے برابر اے۔ ’’تیہنوں [تہانوں سب نوں]۔‘‘ ’’تُسی [سب] بنّہو گے‘‘ [جمع] – تے ’’تُسی [سب] کھولو گے‘‘ [جمع]۔ ایہنوں سادہ طریقے نال کہیا جائے، ساڈے خداوند نے صرف پطرس ای نوں نئیں عطا کیتا بلکہ اُوہدی [یسوع] دی ساری دی ساری کلیسیا نوں پیش کیتا، اُو اِختیار جیہڑا بنّہدا تے کھولدا اے۔‘‘

اِک مجسّم کاوِش

ڈاکٹر لِن نے کہیا، ’’لوکی اکثر کہندے نے کہ ایہدے نال کوئی فرق نئیں پیندا چاہے تُسی انفرادی طور تے دعا کرو یا کسی گروہ دے نال، تے نہ ای ایدے نال کوئی فرق پیندا اے کہ چاہے تُسی گھر وچ اکیلے دعا منگو یا گرجا گھر وچ پراہواں تے پہناں نال۔ ایس قسم دا بیان اِک سُست [بندے] دا خود دا دلاسہ دینا ہوندا اے، یا مشترکہ دعا دی طاقت توں لاعلم بندے دی وضاحت اے۔‘‘ ویکھو ساڈے خُداوند مجسّم دعا دے بارے وچ کی کہندے نے،

’’…جے تُہاڈے [کلیسیا] وِچوں دو بندے اِتفاق کر لین جیہڑا اُو چاہندے نے… کیوں جے جیتھے دو یا تین [لوکی] میرے ناں تے رَل جان اُوتھے میں اُوہناں دے درمیان موجود ہونا واں‘‘ (متی18:19, 20)۔

دوجے لفظاں چہ، صرف جدوں مسیحی گرجا گھر دے دعائیہ اِجلاس وِچ ’’اِک جان‘‘ ہو کے دعا مانگن، فیر ای خُدا دی قدرت حاصل کی جا سکدی اے۔

میں ایہی اُو نسلاں نے These Are the Generations نامی اِک کتاب پڑھ رہیا سی، جیہڑی شمالی کوریا وِچ اِک مسیحی خاندان دے بارے چہ اے۔ شمالی کوریا وِچ اِک مسیحی ہونا ’’ڈھڈا اُوکھا‘‘ ہوندا اے۔ جیہڑی بی بی [کہانی سُنا رئی اے] اُو اِک وڈیرے بندے دی پوتری اے جیہڑا کہ اِک مسیحی سی تے شمالی کوریا وِچ اپنے لوکاں دی رہنمائی کردا سی۔ اُوہناں لوکاں نے وڈیرے بندے توں اپنے ہتھ بن کے دعا مانگنا سِکھیا سی – لیکن لوکاں دے سامنے نئیں کیوں جے اُو تہانوں پھڑوا دین گے تے تہانوں قیدی بنا دِتا جاوے گا۔ اَسی توں اُوہناں نے دس احکامات سِکھے – شریعت دی دوجی تختی، پہلی آلی نئیں۔ اُو ہولناک زمانیاں وِچوں لنگہے۔ میں تے سوچیا سی کہ چینی مسیحی خوفناک زمانے توں لہنگے سن لیکن شمالی کوریا دے مسیحیاں لئی اُو [زمانہ] جِنّہا چینیاں لئی [اُوکھا] سی اُوس توں وی گُنا اُوکھا سی۔ آخرکار اُو [اُودھروں] فرار ہو گئے۔ اُو بی بی تے اُوہدا پُتر تے اِک ہور بندہ – اُو تِن دے تِن پَج گئے۔ [اُوہدا] شوہر – اُوہناں نوں نئیں پتا اُوہدے نال کی ہویا۔ اُوہناں نے شمالی کوریا دی راہوے سفر کیتا۔ آخر کار اُو بوہتی دور شمال وِچ چین دے نال بارڈر تیکر پہنچن وِچ کامیاب ہو گئے۔ اُو بچ نکلے سن، حالانکہ اُو تقریباً پھڑے ای جان آلے سن۔ اُو واقعی چہ خوف وِچ مبتلا کر دین آلا سی۔ اُوسی [بی بی] نے جیس چینی مسیحی عورت نے اُوہناں دی مدد کیتی سی اُوہنوں کہیا، ’’میں گرجا گھر جانا پسند کراں گی۔‘‘ اُو اُوہناں وڈے گرجا گھراں دے بارے وِچ سُن چکی سی۔ اُو کسی [ایہو جئے گرجا گھر] وِچ کدی وی نئیں گئی سی [جیس وِچ] دو یا تِن توں زیادہ بندے ہون۔ تے مسزبائی Bae نے ایہہ کہیا،

روشیناں ہر پاسے جگمگا رہیاں سن کیوں جے اُو کرسمس دا ویلہ سی۔ لوکی حمدوثنا دے کتابچیاں وِچوں گیت گا رئے سن۔ حمدوثنا دے اُو گیت اُوچی [واج چہ] تے خوبصورت سن۔ میں بس اوہی کیتا جیہڑا ہر کسی نے کیتا۔ ایہہ اینج محسوس ہوندا سی جیویں میں جنت وچ داخل ہو گئی سی۔‘‘ (ایہی اُو نسلاں نے These Are the Generations دا اختتام)۔

اُوہنے اینج محسوس نہ کیتا ہوندا جے اُو ساڈے گرجا گھر وچ پچھلے 45 وریاں وچ آئی ہوندی کیوں جے اوتھے سارا ویلہ مکمل پریشانی رئی سی۔ اسی 1۔ کرنتھیوں 1:10 دی پریکٹس کر رئے سی۔ ایہنوں کھول لوو۔

’’پراہوو، میں ساڈے خداوند یسوع مسیح دے ناں تے تہاڈے توں اِلتجا کرنا واں کہ تُسی اِک دوجے توں موافقت رکھو تاں جے تہاڈے وچ تفرقے پیدا نہ ہون تے تُسی سارے اِک دِل تے اِک رائے ہو کے مکمل طور تے رَل کے رہوو‘‘ (1کرنتھیوں1:10)۔

اُوس لفظ ’’ہوموتھوماڈون‘‘ نوں ساڈے تے ظاہر کرن لئی پاک کلام دا اُو اِک شاندار حوالہ اے۔ ’’کہ تُسی سارے اِک اُو ای گل کرو تے تہاڈے درمیان کدی کوئی تفرقہ نہ ہووے‘‘ – اوہی ’’ہوموتھوماڈون‘‘ اے۔ اُوہدا مطلب ’’اِک ذہن تے اِک روح دے نال‘‘ ہوندا اے۔ ’’بلکہ ایہہ کہ تُسی اِک اُو ای دل تے اِک اُو ای فیصلے نال اِک دوجے دے نال ہوو۔‘‘

مہربانی نال کھلو جاؤ تے

’’جے کوئی بیمار اے تے اُو کلیسیا دے بزرگاں نوں سَدّے تے اُو بزرگ خداوند دے ناں نال بیمار نوں تیل مل کے اُوہدے لئی دعا کرن۔ ایہو جئی دعا جیہڑی ایمان نال منگی جائے گی اُوہدی وجہ توں بیمار بچ جائے گا۔ خداوند اُوہنوں تندرستی بخشے گا تے جے اُوہنے گناہ کیتے ہون گے تے اُو وی معاف کیتے جان گے۔ ایس لئی تُسی اِک دُوجے دے سمنے اپنے گناہواں دا اِقرار کرو تے اِک دُوجے لئی دعا کرو تاں جے شفا پاؤ کیوں جے راستباز دی جوش نال منگی ہوئی دعا ڈھاڈی اثر کرن آلی ہوندی اے، ایلیاہ ساڈے وانگوں اِنسان سی۔ اُوہنے بڑے جوش نال دعا کیتی کہ مینہ نہ ہووے تے ساڑھے تِن وریاں تیکر زمین تے مینہ نہ پہیا۔ اُوہنے فیر دُعا منگی تے آسمان توں مینہ پہیا تے زمین نے فصلاں پیدا کیتیاں۔ اَے میرے پراہوو! جے تہاڈے وچوں کوئی سچی راہ توں مُڑ جائے تے کوئی اُوہنوں واپس موڑ لہیاوے تے یاد رکھو کہ گنہگار نوں گمراہی توں فیر کے لہیان آلا اِک جان نوں موت توں بچائے گا تے بہتیرے گناہواں تے پردہ پاوے گا‘‘ (یعقوب 5:14۔20).

تُسی تشریف رکھ سکدے اُو۔

میں 16ویں آیت دے اخیرلے حصہ نوں لے رہیا آں: ’’اِک راستباز [بندے] دی جوش نال منگی ہوئی دعا بڑی اثر کرن آلی ہوندی اے۔‘‘

دعا دی قوت دی سب توں زیادہ اہم مثالاں وچوں اک [مثال] پُرانے عہدنامے وچ ایلیاہ دی دعا پیش کردی اے۔ ایلیاہ نے دعا منگی تے ساڑھے تِن وریاں تیکر بارش نئیں ہوئی۔ ’’تے اُوہنے فیر دعا منگی تے آسماناں نے بارش برسا دِتی۔‘‘

ایدا اندراج مسیح دے ذریعے لوقا 4:25 وچ درج اے۔ سبق واضح اے، ’’راستباز دی دعا بہت پُراثر ہوندی اے۔‘‘ اسی اینوں دوجے لفظاں وچ ایویں وی بیان کر سکنے آں، ’’اِک نیک آدمی دی بھرپور دعا دے زبردست قوت آلے تے شاندار نتائج برآمد ہوندے نے۔‘‘ ایلیاہ کوئی کامل بندہ نئیں سی۔ اُو ’’ساڈے وانگوں ای جذبات نال مشروط‘‘ سی (آیت 17). لیکن اُو اِک ’’راستباز شخص‘‘ سی۔ کیوں؟ کیوں جے اُو خُدا وچ یقین رکھدا سی تے اُوہدا فرمانبردار سی؟

میرے پیارے پادری صاحب، ڈاکٹر ٹموتھی لِن Dr. Timothy Lin نے کہیا، اک کلیسیا جیدے کول [پھُل وانگوں] کھِلدی ہوئی خوبصورت دعا ہوندی اے کدی وی اِک ای ویلے وچ شدید برفانی طوفان دے وچکار نئیں ہوئے گی۔ دوجے پاسے، ایس قسم دی دعا نال غفلت توں سانوں خُدا دی حضوری توں محروم ہونا پئے گا تے ایویں، ساری کیتی جان آلی جدوجہد ہواؤاں دے مگر کوششاں کرنا تے سایاں نوں پھڑنا ہووے گا۔ آخیر وچ کُج وی نئیں ہوندا۔ خُداوند ساڈے تے رحم فرمائے‘‘ (کلیسیا دی نشوونما دا راز The Secret of Church Growth، صفحہ 99)۔

تقریباً چار ورے پہلاں، ڈاکٹر کیگن نے ساڈی مذہبی جماعت نوں پُچھیا کہ کی اُو سمجھدے نے کہ اسی ودھ رئے آں۔ لوکاں وچوں زیادہ تر نے ’’ہاں‘‘ کہیا۔ چونکہ اسی مہینیاں وچ کسی نوں وی جِت نئیں پائے، میں جان گیا کہ ساڈی ہدایات نال تعلق رکھدے ہوئے لوکی اَنھے ہو گئے سی۔ ایہہ اُوسی ویلے سی جدوں مینوں احساس ہویا کہ ساڈی کلیسیا دے نال کوئی گڑبڑ سی۔ ساڈے لوکاں وچوں زیادہ لوکی بائبل دے مطالعے لئی دِتی گئی تلاوتاں نوں نئیں پڑھدے سی۔ اُوہناں وچوں زیادہ تر تنہائی وچ دعاواں نئیں منگدے سی۔ اُوہناں وچوں زیادہ تر نوں واعظ یاد نئیں رہندے نے حالانکہ اُو اُوہناں نوں ٹائپ کر کے اُوہناں نوں تبلیغ کرن دے بعد دِتے جاندے سی۔ اُوہناں وچوں کُج دی تعداد نوں تے ایتھوں تیکر یاد نئیں سی کہ کیوں اُوہناں نوں نجات یافتہ ہون لئی یسوع تے پرہوسا کرن دی لوڑ سی!

ایہہ اُوس ویلے دی گل سی جدوں میں ایہہ ویکھنا شروع کر دِتا سی کہ اُو اِک اندرون شہر دی تہذیب توں سی تے اِک اخبار وی نئیں پڑھ سکدے سی! اُوہناں وچوں انتہائی چند اِک تے ایتھوں تیکر کہ اِک بشر نوں جِتن لئی کوششاں کر رئے سی! بعد چہ مینوں پتا چلیا کہ سینئر مناد اِک دوجے پادری دے نال خفیہ ملاقاتاں کر رہیا سی، ایہہ فیصلہ کرن لئی کہ کیویں ساڈے گرجا گھر دی تقسیم کیتی جائے! اِک دوجے مناد نے مینوں اپنے نال ہاتھا پائی کرن لئی اُکسان دی کوشش کیتی سی! اُو میرے نال ایس قدر تلخ ہو گیا سی کیوں جے اُوہناں دی تیہہ ساڈے گرجا گھر نوں چھڈ کے جا چُکی سی! اُو اُوہدی غلطی سی (1۔ تیموتاؤس 3:12ب). اُوہدا چہرہ غصے نال اگ بگولہ ہو گیا تے اُوہنے میرے نال ہاتھا پائی کرن دی کوشش کیتی سی!

ایہہ تقریباً اِیس ای ویلے سی جدوں میں پاک کلام دی دو آیتاں تے گیان لگانا شروع کیتا سی:

(1) متی7:6

’’پاک شے کُتیاں نوں مت دیو تے اپنے موتی سؤراں دے اگے نہ پاؤ، کِتھے اینج نہ ہوئے کہ اُو اُوہناں نوں پیراں تلے روند کے پلٹن تے تہانوں پھاڑ ڈالن‘‘ (متی 7:6).

تے (2) مرقس6:11

’’تے جے کسی تھاں لوکی تہانوں قبول نہ کرن تے کلام سُننا نہ چاہن تے اوتھوں رخصت ہوندے ہوئیاں اپنے پیراں دی گرد وی اوتھے چاڑ دینا تاں جے اُو اُوہناں دے خلاف گواہی دئے۔ میں تہانوں سچ کہنا واں کہ اُوس دِن اُوس شہر دے حال توں سدوم تے عمورہ دے علاقے دا حال زیادہ قابلِ برداشت ہوئے گا‘‘ (مرقس 6:11).

میں ساڈے اندرون شہر گرجا گھر دا 45 وریاں تیکر رہ چُکیا واں۔ لنگدے ویلے دے نال اوتھے اِک دے بعد دوجی گرجا گھر دی تقسیم ہوندی سی۔ میں خوشخبری دی واضح طور تے تے بارہا منادی کر چُکیا سی۔ لیکن [کلیسیا دی] جماعت، اُوہناں ناں نہاد کہلائے جان آلے دو ’’مناداں‘‘ وانگوں جیدی میں منادی کیتی سی اُو یاد رکھن لئی ثقافتی اعتبار توں وی انتہائی کمتر سی۔

خُدا نے مینوں دسنا شروع کر دِتا سی کہ ہُن ویلہ آ چُکیا سی میں سؤراں دے اگے اپنے ’’موتی‘‘ پانا روک دواں تے ہُن ’’اپنے پیراں توں مٹی چاڑن‘‘ دا ویلہ آ چُکیا سی تے اندرون شہر نوں چھڈنا سی۔ فیر مناداں دے چیئرمین نے اپنی شادی توں پہلاں اپنی ووہٹی دے نال خود دی گندیاں تصویراں کھِچ لئیاں – تے ایناں واضح تصویراں نوں اپنی ویب سائٹ تے ساری دُنیا دے ویکھن لئی پا دِتا!

’’جے تُو اینج دے شخص نوں ویکھدا اے جیہڑا اپنی نگاہ وچ عقلمند بنندا اے، تے اُوہدی نسبت احمق لئی زیادہ اُمید اے‘‘ (امثال 26:12).

ڈاکٹر لِن نے کہیا، ’’دُنیا وچ شاید چنگے تے بُرے دا آمیزہ ہو سکدا اے لیکن کلیسیا صرف جنت دے شہریاں دی تنظیم ہونی چائیدی اے۔ جے کلیسیا وچ کوئی شخص غیرمتزلزل حیاتی لنگہاندا اے جیہڑی بائبل دے مطابق نئیں ہوندی تے سانوں اُوہدے توں دور ای رہنا چائیدا اے (2۔ تھسلنیکیوں 3:6)؛ یا اُوہدے نال شریک نئیں ہونا چائیدا اے… ایہہ دعویٰ کرنا جھوٹ ہوندا اے کہ تُسی اپنے ریوڑ لئی چنگی صحت، خوشحالی تے روشن مستقبل دی خواہش کردے اُو جدوں کہ تُسی لومڑیاں تے بھیڑیاں نوں ریوڑ وچ آزاد گھومن دیندے اُو!‘‘ (ibid.، صفحہ 61)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔