الگ تھاں چلو تے آرام کرو! | Come Apart and Rest!

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ساڈی تلاوت دی حیثیت نال میں آیت دے وسط وچوں چند اِک الفاظ چُک رہیا واں، ’’ آؤ اسی کسی ویران تے الگ تھاں چلیے تے تھوڑی دیر آرام کریے۔‘‘ تُسی شاید بائبل وچ اُوہناں لفظاں توں لنگ جاندے ہوو جدوں تُسی اُوہناں نوں بائبل وچ پاندے اُو۔ اُو الفاظ مسیح دی موت دے بارے وچ گل نئیں کر رئے نے، نا ای اُوہدے آسمان وچ چُکے جان دی گل کر رئے نے۔ ایہہ پہاڑی واعظ دا وی حصہ نئیں اے۔ ایہہ عشائے ربانی وی پیش نئیں کردا۔ لیکن ایہہ اوتھے بائبل وچ اے، تے خُدا دے لفظاں نوں نظرانداز کرنا کدی وی دانشمندانہ نئیں ہوندا۔ ایہہ آیت وی خُدا دا اُوہناں ای کلام اے جیہناں یوحنا 3:16 اے۔ کیوں جے ایہہ خدا دا کلام اے، ایہہ زندہ اے تے قوت نال بھرپور اے (ویکھو عبرانیوں 4:12). ایس آیت دے سادہ جئے لفظاں وچ تہاڈے لئی گہری سچائیاں نے۔ ایس دوپہر نوں میں ساڈی تلاوت وچوں چار سوالاں دے جواب پیش کرنا چاہنا واں۔

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

’’آؤ اسی کسی ویران تے الگ تھاں چلیے تے تھوڑی دیر آرام کریے‘‘ (مرقس6:31)۔

شاگرداں نوں کیہنے ویران تھاں تے ٹُرن تے آرام کرن لئی کہیا سی؟ کی اُو شک کرن آلا تھوما سی؟ کی اُو یہوداہ غدار سی؟ کی اُو پطرس سی، اُو بندہ جیہڑا مسیح دا انکار کرے گا؟ جی نئیں، اُو خود یسوع سی۔ 30 ویں آیت کہندی اے، ’’یسوع دے شاگرد اُوہدے کول جمع ہوئے تے جیہڑا کُج اُوہناں نے کیتا تے سِکھایا سی سب اُوہنوں دسیا‘‘ (مرقس6:30)۔ فیر 31 ویں آیت کہندی اے، ’’تے اُوہنے اُوہناں نوں کہیا، آؤ اسی کسی ویران تے الگ تھاں چلیے تے تھوڑی دیر آرام کریے‘‘ (مرقس6:31)۔

تُسی شاید سوچو، ’’اُو مینوں یسوع وگرا وکھائی نئیں دیندا۔ کی اُوہنے دُکھ تے تکلیفاں دے بارے وچ نئیں دسیا؟‘‘ ایہہ گل سچ اے کہ یسوع نے کہیا سی، ’’ابنِ آدم نوں کئی تکلیفاں دا سامنا کرنا پئے گا۔ اُو بزرگاں، سردار کاہناں تے فقیہاں وَلّوں رد کر دِتا جائے گا تے اُو اُوہنوں قتل کر دین گے تے تیجے دِن اُو زندہ ہو جائے گا‘‘ (لوقا9:22)۔ تے اُوہنوں اگلی آیت وچ اُوہنے کہیا، ’’جے کوئی میری پیروی کرنا چاہوے تے اُو خود انکاری کرے تے روزانہ اپنی صلیب چُکے تے میرے پِچھے ہو لوے‘‘ (لوقا9:23)۔

یسوع نے تکلیفاں تے خودانکاری دے بارے وچ گل کیتی سی، اپنے لئی تے اُوس کسی لئی جیہڑا وی اُوہدی پیروی کردا۔ لہٰذا ایہہ شاید تہانوں عجیب لگے کہ مسیح اپنے شاگرداں نوں آرام کرن لئی کہے گا – لیکن اُوہنے اینج کیتا۔ یسوع، خُدا دے پُتر نے آرام کرن دے بارے وچ گل کیتی سی ایہنی ای یقینی طور تے جیہنی اُوہنے خود اپنی موت دے بارے چہ گل کیتی سی۔

مسیح کوئی موسیقار وانگوں نئیں سی جیہڑا صرف اِک ای سُر وجاندا اے۔ اوہی یسوع سی جیہنے پطرس نوں کہیا سی، ’’اے شیطان، میرے سامنے توں دُور ہو جا‘‘ (متی 16:23). پطرس نوں ایہہ وی کہیا سی، ’’تیرے تے سلامتی ہووے‘‘ (یوحنا 20:21). مسیح بالکل اپنے پیو وانگوں سی۔ بائبل کہندی اے، ’’ساڈا خداوند ہڑپ کرن آلی اگ اے‘‘ (عبرانیوں 12:29). تے ایہہ کہندی اے، ’’خدا محبت اے‘‘ (1یوحنا4:8)۔ تہاڈے کول اِک مکمل تے کامل خدا اے۔ تہاڈے کول مکمل تے کامل مسیح اے، سارا دا سارا سنجیدگی آلا شخص تے سارا دا سارا رحمدلی آلا شخص۔ یسوع نے دوویں ملامت تے محبت وچ گلاں کیتیاں۔ اُو تہاڈی ای وانگوں اِک کامل بندہ سی، صرف گناہ دے بغیر۔ یسوع تہاڈے وانگوں کھانا کھاندا سی۔ اُو تھکدا تے سوندا سی بالکل جیویں تُسی کردے اُو۔ تے اُوہنے اپنے شاگرداں نوں کہیا، ’’آؤ اسی کسی ویران تے الگ تھاں چلیے تے تھوڑی دیر آرام کریے‘‘ (مرقس6:31)۔ اج ایہی گل خُدا دا کلام ساڈی کلیسیا نوں تے تہانوں کہندا اے۔ آؤ چلیے تے آرام کریے۔

II. دوجی گل، مسیح نے اُوہناں نوں کی کرن لئی کہیا سی؟

یسوع نے اُوہناں نوں کہیا سی، ’’آؤ اسی کسی ویران تے الگ تھاں چلیے تے تھوڑی دیر آرام کریے‘‘ (مرقس6:31)۔ اُوس دِن اُوہنے اُوہناں نوں نئیں کہیا سی، ’’ساری دُنیا وچ جا کے سارے لوکاں چہ انجیل دی منادی کرو‘‘ (مرقس 16:15). اُوہدے لئی بعد چہ ویلا ہووے گا۔ ایہدے بجائے اُوہنے اُوہناں نوں کہیا، ’’آؤ اسی کسی ویران تے الگ تھاں چلیے تے تھوڑی دیر آرام کریے۔‘‘ تُسی شاید سوچو، ’’بس ایہی سب کُج اے؟ کی اُو ویلا ضائع نئیں کر رئے سی؟ کی اُوہناں نوں کُج نہ کُج کرنا نئیں چائیدا سی؟‘‘ لیکن اُو کُج نہ کُج تے کر رئے سی۔ اُو خود ای ویرانے وچ جا رئے سی تے آرام کر رئے سی۔ اُو ایہناں ای اہم اے جیہنی کوئی وی گل ہو سکدی اے۔

خُدا [غلاماں وانگوں] مشقت لین آلا نئیں اے۔ اُو جانندا اے تہانوں آرام دی لوڑ پیندی اے۔ اُو جانندا اے تہانوں کھان تے سون دی لوڑ پیندی اے۔ جدوں ایلیاہ ایزبل دے لوکاں توں لُکیا سی تے خُدا نے اِک فرشتہ پیجیا سی تے اُوہنوں کھانا تے پانی دِتا سی (ویکھو 1۔ سلاطین 19:1۔7). سیکوفیلڈ دی سُرخی اُوس باب دے شروع وچ ایہنوں بخوبی دسدی اے، ’’یہوواہ دی اپنے [مخبوط الحواس] پریشان خیال نبی لئی محبت بھری نگہداشت۔‘‘ اُوس لفظ ’’مخبوط الحواس overwrought‘‘ دا مطلب ہوندا اے ’’بے تاب، پُرجوش، فکرمند، پریشان، سخت ذہنی دباؤ وچ، بالکل سرے تے۔‘‘

یسوع اپنے پیو وانگوں اے۔ اُو تہاڈی وی پرواہ کردا اے۔ اُو کوئی کرائے تے کم کروان آلا نئیں اے جیہڑا ’’اپنیاں پیڈاں دی پرواہ نئیں کردا‘‘ تے ’’نٹھ جاندا اے‘‘ (یوحنا10:13)۔ اُو چعین Chan وانگوں نئیں اے جیہڑا چھڈ کے چلا گیا، صرف اپنے بارے چہ سوچیا تے فیر مارن تے تباہ کرن لئی اِک بھیڑئیے وانگوں حملہ کیتا (یوحنا 10:10). یسوع اپنیاں پیڈاں دی پرواہ کردا اے۔ اُو تہاڈے بارے چہ پرواہ کردا اے۔ اُو اِک اینج دا چرواہا اے جیہڑا اپنیاں پیڈاں لئی اپنی جان نچھاور کر دیندا اے (یوحنا10:15)۔ یسوع تہاڈی پرواہ کردا اے۔ ایہی وجہ اے کہ اُو چاہندا اے تُسی آرام کرو۔ تے ایہہ گل مینوں میرے اگلے موضوع ول لے جاندی اے۔

III. تیجی گل، تُسی کیوں سوچدے اُو یسوع نے اُوہناں نوں ایہہ کہیا؟

’’آؤ اسی کسی ویران تے الگ تھاں چلیے تے تھوڑی دیر آرام کریے‘‘ (مرقس6:31)۔

تُسی شاید سوچو یسوع نے اُوہناں نوں ایہہ کرن لئی کہیا تاں جے اُو دعا منگ سکن تے روزہ رکھ سکن۔ لیکن آیت سانوں ایہہ گل کدی وی نئیں دسدی۔ ایہہ دعا یا روزہ رکھن دا تزکرہ نئیں کردی اے۔ تُسی ایہہ سوچ سکدے اُو کہ یسوع نے شاگرداں نوں ویرانے وچ چلے جان لئی کہیا تاں جے اُو دُنیا دے گناہ توں دور چلے جان۔ لیکن آیت سانوں اُو گل وی نئیں دسدی اے۔ اینے دُنیا یا ایہدے گناہ دا کوئی وی تزکرہ نئیں کیتا۔ جواب تلاوت دے الفاظ وچ خود موجود اے: مسیح نے اُوہناں نوں آرام کرن لئی کہیا۔

جیویں کہ ریڈیو بائبل دے معلم ڈاکٹر جے ورنن میگی Dr. J. Vernon McGee نے کہیا، ’’ساڈے لئی ایہہ سمجھنا ناممکن اے کہ خداوند یسوع واقعی کیہنا مصروف سی تے اُو کیس قدر وڈے تقاضیاں دے بوجھ تھلے دبیا سی۔ آرام کرن تے اپنے شاگرداں نوں آرام دین دی کوشش وچ اُوہنوں اِک ویرانے وچ واپس جانا پیا‘‘ (بائبل وچوں Thru the Bible، جلد چہارم، صفحہ 186؛ مرقس6:30۔31 آیات تے غور طلب گل)۔

ساڈی تلاوت کہندی اے، ’’گل ایہہ سی کہ اُوہدے کول لوکاں دی آمد و رفت لگی رہندی سی تے اُوہناں نوں کھان تک دی فرصت نئیں ملدی سی‘‘ (مرقس6:31)۔ اوتھے بوہتا کُج چل رہیا سی۔ مسیح تے اُوہدے شاگرداں دے کول کھان تیکر لئی ویلا نئیں سی۔ اُوہناں نوں آرام دی لوڑ سی۔ تُسی پُچھو گے، ’’یسوع نوں وی؟‘‘ جی ہاں، کیوں جے اُو اِک انسان سی، ہر طرح نال ساڈے ای وانگوں ماسوائے گناہ دے۔ بائبل کہندی اے، ’’کیوں جے ساڈا سردار کاہن اینج دا نئیں اے جیہرا ساڈیاں [کمزوریاں] وچ ساڈا ہمدرد نہ ہو سکے بلکہ اُو ساریاں گلاں وچ ساڈے وانگوں [آزمایا] گیا مگر بے گناہ رہیا‘‘ (عبرانیوں4:15)۔ یسوع ناراض ہو گیا سی۔ اُوہنوں کھانے دی لوڑ سی۔ یسوع تھک گیا سی۔ اُوہنوں آرام دی لوڑ سی۔

اوتھے ہمیشہ کُج نہ کُج کرن لئی ہوندا سی سی۔ بوہتی وری تہاڈے نال اینج ہو چُکیا اے جدوں تُسی سخت محنت کیتی۔ لوکی آ تے جا رئے سی۔ اِک دے بعد دوجی گل رونما ہوندی سی۔ ایہہ ٹھیک سی۔ مسیحی حیاتی کم کرن دی حیاتی ہوندی اے۔ لیکن آرام لئی وی ویلا ہوندا اے، بالکل جیویں یسوع تے اُوہدے شاگرداں نے کیتا سی۔

سِکھن تے کرن لئی بہتیری اینج دی گلاں ہوندیاں نے جیہڑی سرگرمی دے رش وچ سِکھی تے کیتی نئیں جا سکدیاں۔ تُسی اُوتھے دعا کرنا نئیں سِکھ سکدے جِیتھے ہر کوئی آ تے جا رہیا ہووے، بول رہیا تے چیخ رہیا ہووے، جدوں کہ تُسی ایتھے اُوتھے نٹھدے پھر رئے ہوو۔ تہانوں وکھرا ہونا چائیدا اے، خُدا دے نال کلّیاں، اُوہدے کلام تے دھیان و گیان وِچ، اپنی دعاواواں اُوہدے حضور وِچ لہیاندے ہوئے، یسوع دے لہو دے وسیلے توں مقدس ترین تھاں وِچ داخل ہوندے ہوئے (ویکھو عبرانیوں10:19)۔ خدا دے نال ہونا کسی وی دوجی سرگرمی وانگوں نئیں ہوندا اے۔ ایہہ کئی درجے بہتر ہوندا اے۔ جدوں مریم ’’یسوع دے قدماں چہ بیٹھی تے اُوہدے کلام نوں سُن‘‘ رئی سی (لوقا10:39)، تے اُوہدی بہن مارتھا ’’کم دی زیادتی توں گبھرا گئی سی‘‘ (لوقا10:40)۔ مسیح نے کہیا، ’’مریم نے اُو چنگا حصہ چُن لہیا اے‘‘ (لوقا10:42)۔ ’’زیادہ کم کرن لئی‘‘ ہمیشہ ویلہ ہوندا اے۔ لیکن صرف یسوع دے نال ٹُرے آن وِچ تُسی ’’اُو چنگا حصہ‘‘ پا سکدے اُو، اُو بہتر حصہ۔

ہُن تہاڈے کول بہتر حصے لئی بوہتا ویلہ اے۔ تہاڈے کول خُدا دے کلام دے بارے چہ سوچن لئی بہت ویلہ اے۔ تہاڈے کول دعا منگن لئی ویلہ اے۔ میں خوش آں کہ ڈاکٹر ہائیمرز سانوں دعا دے بارے وِچ سِکھا چکے نے۔ جو اُو کہندے نے اُوہدے بارے وِچ سوچو تے اُوہنوں سِکھو۔ ہُن دعا دا ویلہ اے۔ ہُن خُدا نوں بہتر طور تے جانن دا ویلہ اے۔ ایہہ ویلہ خُدا وَلوں اِک تحفہ اے۔ جیویں کہ یسوع نے کہیا، ’’آؤ کسی ویران تے الگ تھاں… تے کُج دیر آرام کریے۔‘‘

ایتھے اِک وجہ ہُور اے کہ کیوں ایہہ وکھرے ٹُر آن دا تے آرام کرن دا ویلہ سی۔ شاگرداں نے بالکل ہُنے ای یوحنا اصطباغی دے سر قلم کیتے جان دے بارے وِچ سُنیا سی۔ ہیرودیس بادشاہ نے یوحنا [بپتسمہ دین آلے] دا سر وڈوا دِتا سی (مرقس6:27)۔ بائبل کہندی اے، ’’[یوحنا دے] شاگرد آئے تے اُوہدی لاش چُک کے لے گئے تے اُوہنوں دفن کر دِتا تے جا کے یسوع نوں خبر دِتی‘‘(متی14:12)۔ جے شاگرداں نوں یوحنا دی موت دے بارے چہ پہلاں خبر نئیں سی تے یقینی طور تے وہ ہُن جان گئے سن۔ ایس گل دے سبب توں اُو بوہتے دُکھ وِچ گِھر گئے سن۔ ایہہ یوحنا ای سی جنہے اُوہناں وِچوں بوہتاں نوں بپتسمہ دِتا سی۔ ایہہ یوحنا ای سی جنہے اپنے شاگرداں دی رہنمائی یسوع وَل کیتی سی، ’’ویکھو خُدا دا برّہ جیہڑا جہاں دے گناہ چُک لے جاندا اے‘‘ (یوحنا1:29)۔ ایہہ اِک ہولناک خبر سی۔ تعجب دی کوئی گل نئیں سی کہ یسوع نے اُوہناں نوں کہیا، ’’آؤ اَسی کسی ویران تے وکھری تھاں چلیے تے تھوڑی دیر آرام کر لہیے‘‘ (مرقس6:31)۔ اُوہناں نوں اُونج کرن دی لوڑ سی۔ ایہہ اِک وجہ سی کہ کیوں یسوع نے اُوہناں نوں الگ چلن لئی تے آرام کرن لئی کہیا سی۔

IV. چوتھی گل، یسوع نے اُوہناں نوں ایہہ کِنّے ویلے تیکر کرن لئی کہیا سی؟

مسیح نے کہیا، ’’آؤ اسی کسی ویران تے الگ تھاں چلیے تے تھوڑی دیر آرام کریے‘‘ (مرقس6:31)۔ اُوہناں نے کِنّے ویلے تیکر آرام کیتا سی؟ بائبل سانوں نئیں دسدی اے۔ ایہہ صرف کہندی اے، ’’تھوڑی دیر۔‘‘ اُو تھوڑی دیر کِنّی طویل اے؟ ایہنی ای جیہنی کہ ایہدی لوڑ ہو سکدی اے!

تے اینج ای تہاڈے نال وی اے۔ تہاڈے کول مختلف دورانیاں لئی آرام دے ویلے ہوندے نے۔ کم تے تہاڈے کول سویر دے ویلے وچ وقفہ لئی چند اِک منٹ ہوندے نے، تے فیر دوبارہ دوپہر چہ وی۔ سال چہ اِک وری تُسی چھُٹی لیندے اُو تے زیادہ ویلے لئی آرام کردے اُو۔ اسی نئیں جانندے رسولاں نے کِنّی دیر تیکر لئی آرام کیتا سی۔ ایہہ ایہنی ای دیر سی جیہنی کہ اُوہناں نوں لوڑ سی، کیوں جے مسیح چنگا چرواہا اُوہناں تے نظر رکھے ہوئے سی۔ اُو جانندا سی اُوہناں نوں کیس شے دی لوڑ سی۔ تے یسوع تہانوں ایہناں ای آرام دیوے گا جیہنی تہانوں لوڑ ہووے گی۔

’’آؤ اسی کسی ویران تے الگ تھاں چلیے تے تھوڑی دیر آرام کریے‘‘ (مرقس6:31)۔

ساڈے گرجا گھر وچ اسی آرام کردے رئے آں۔ اِک طرح توں کورونا وائرس نے سانوں ایہدے تے مجبور کیتا اے۔ اسی سکولاں وچ انجیلی بشارت دا پرچار نئیں کر سکے کیوں جے اُو بند نے۔ کیلیفورنیا دا کافر گورنر سانوں ماسک پہنن تے مجبور کردا اے۔ دوجے وی ماسک پہنندے نے۔ اُو خوفزدہ نے، جیہناں خوفزدہ ہون دی اُوہناں نوں لوڑ اے اُوہدے توں وی کئیں زیادہ۔ اُو اینج دی تھاں نئیں جانا چاہندے نے جیتھے دے لوکاں نوں اُو نئیں جانندے۔ تے ایویں اسی آرام کرنے آں۔

اِک وجہ ہور وی اے اسی کیوں آرام کر رئے آں۔ خُدا نے ایہہ آرام لئی مہیا کیتا اے۔ شاگرد غمزدہ سی جدوں یوحنا اصطباغی نوں قتل کیتا گیا سی۔ تُسی وی بُری خبر توں متاثر ہو چکے اُو۔ تُسی چعین تے والڈریپ وَلّوں کیتی گئی گرجا گھر دی تقسیم وچوں لنگ چکے اُو۔ اُو تہانوں تکلیف پہنچا چکے نے۔ اسی ایتھے ای آں تے اسی زندہ آں تے اسی ترقی کراں گے۔ لیکن تہانوں دُکھ ہویا اے۔ ہُن آرام دا ویلہ اے۔ خُدا نے تہانوں ایہہ آرام بخشیا اے۔ اُوہنے ایلیاہ اپنے نبی دی پرواہ کیتی سی۔ تے مسیح تہاڈی وی پرواہ کردا اے، کیوں جے اُو اِک چنگا چرواہا اے۔ ایس ویلے نوں آرام لئی اپناؤ۔

ہر گل لئی اِک ویلہ ہوندا اے۔ بائبل کہندی اے، ’’ہر شے لئی اِک ویلہ تے آسمان دے تھلے ہر کم لئی اِک موقع ہوندا اے‘‘ (واعظ 3:1). روزہ رکھن لئی تے کھانے لئی اِک ویلہ ہوندا اے۔ کم کرن لئی تے آرام کرن لئی اِک ویلہ ہوندا اے۔ ایہہ آرام کرن دا ویلہ اے۔

تہاڈے لئی ایہہ ویلہ دعا دے بارے وچ سِکھن لئی اے – تے دعا منگن لئی۔ اُوہناں پیغاماں نوں سُنو جیہڑے ڈاکٹر ہائیمرز پیش کر چکے نے۔ اُو سونے وانگوں نے۔ اسباق دے بارے وچ سوچو تے اُو کرو جیہرا اُو کہندے نے۔ خود خُدا سارے خزانیاں وچوں عظیم ترین اے۔ اُوہدے لئی ویلہ کڈو۔ اُوہدے توں دعا منگو۔ اُوہدے قریب ہوو۔ اُوس ویلے چہ جدوں تُسی مصروف ہویا کردے سی دعا منگن لئی ویلہ کڈو۔

آرام تے خاموشی الگ الگ ایہنے ای اہم نے جیہناں کم اہم اے تے ایتھوں تیکر کہ بوہتا زیادہ اہم اے۔ خُدا نے کہیا، ’’چھ دِن تیکر تُو محنت نال اپنا سارا کم کاج کرنا۔ لیکن ستویں دِن خداوند تیرے خدا دا سبت اے اُوس دِن تُو کوئی کم نہ کرنا‘‘ (خروج20:9، 10)۔ کلیسیا دے دور وچ خُداوند دا دِن اُو دِن ہوندا اے جیس دِن یسوع مُردیاں وچوں زندہ ہویا – اِتوار، اُو دِن دُنیا وچ ساڈے کم دا دِن نئیں اے۔ ایہہ خُدا لئی الگ کیتا جا چُکیا اے۔ ایہہ ہفتے دا سب توں اہم دِن ہوندا اے، کم از کم نئیں ہوندا اے۔

لیکن یسوع نے اُوس دِن دے بارے چہ ہور بوہتا کُج کہیا اے۔ یسوع نے کہیا، ’’سبت انسان لئی بنایا گیا سی ناکہ انسان سبت لئی‘‘ (مرقس2:27)۔ یسوع جانندا سی کہ ساڈے لئی اِک خصوصی دِن بنایا گیا سی۔ ایہہ سانوں آرام کرن لئی ویلہ کڈن تے خُدا دے نال ہون لئی بنایا گیا سی۔ آرام دے اُوس دِن نوں خُدا لئی استعمال کرو، اپنے بدن تے روح نوں آرام دین تے اُوس [خُدا] دے نزدیک ہون لئی استعمال کرو۔ اُوس آرام نوں کرو جیدی تہانوں لوڑ اے۔

اسی سبت مشن آلے تے نئیں آں، لیکن اسی ایریزونا دے شہر، فینیکس دے پادری نکلے Pastor Buckley of Phoenix دے نال متفق آں، جنہاں نے کہیا،

’’جدوں اسی خُدا تے پرہوسا کرنے آں تے آرام کرنے آں تے اُو سانوں بصیرت تے سمجھ عطا کر سکدا اے جیہڑی سانوں [لمی دوڑ وچ] لمّے عرصہ وچ ایہدے توں ودھ نتیجہ خیز بنا دیندی اے جے اُوہدے مقابلے وچ اسی ہفتے چہ ست دِن کم کرنے آں۔ سب توں ودھ اہم گل ایہہ اے کہ خُدا نے سبت دا دِن انسان لئی بنایا اے کیوں جے سانوں ایہدی لوڑ اے۔ میں روحانی قانون پرستی دی وکالت نئیں کر رہیا واں۔ میں تہاڈی حوصلہ افزائی کر رہیا واں کہ آرام کرن لئی ویلہ مختص کرو تاں جے تُسی صحت مند رہوو۔ خُداوند ساڈی فرمانبرداری دا بدلہ دیندا اے تے اخیر وچ اُوہدی فرمانبرداری کرن آلیاں تے کلام پاک دی سچائیاں دا انکشاف ہوندا اے۔ (انھیرے توں روشنی ول: میرا سفرFrom Darknes Into Light: My Journey دے صفحات 209۔210، مصنف مارک بکلے Mark Buckley، اشاعت دی www.markbuckleyministries.com؛ مارک بکلے منسٹریز، 7000 N۔ سنٹرل ایونیو فینیکس، ایریزونا 85020)۔

آرام کر چُکن دے بعد، مسیح کم تے واپس ٹُر گیا۔ اُوہنے بہتیرے لوکاں نوں تعلیم دِتی تے پنج ہزار نوں کھانا کِھلایا (ویکھو مرقس6:34۔44)۔ کم کرن لئی اِک ویلہ آئے گا۔ لیکن بائبل کہندی اے، ’’ہر گل لئی اِک موسم ہوندا اے۔‘‘ ایہہ آرام کرن لئی ویلہ اے۔ آرام کرو تے قوت اکٹھی کرو۔ آرام کر کے باہر نکلو۔ دعا دے نال خُداوند دے قریب آؤ۔ اِک بہتر مسیحی بن کے باہر آؤ! آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔