خُداوند دے کلام وچوں دو اسباق | Two Lessons from the Word of God

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایہہ آیت اُوس گمراہ [قدرتی انسانی] ول اشارہ کردی اے جیدے کول روحانی حیاتی دی کمی ہوندی اے۔ صرف ’’خُدا دا پاک روح‘‘ ای پاک صحائف نوں منور کر سکدا اے تاں جے اُوہناں نوں سمجھیا جا سکے تے اُوہناں تے یقین کیتا جا سکے۔ اُو جیہڑے روحانی طور تے مُردہ ہوندے نے پاک کلام دی سادہ ترین تعلیمات نوں وی نئیں سمجھ سکدے۔ مثال دے طور تے، اسی ناں نہاد ’’رہنما‘‘ کہلان آلیاں نوں گرجا گھر وچ ویکھ چُکے آں جیہڑے ایہہ نئیں سمجھ پاندے کہ اسی یسوع دے وسیلے نال نجات پانے آں۔ دوجے جیہڑے لوکی نے اُو پادری صاحب نال لڑے تے کھلم کھلا گرجا گھر دی مزاحمت کیتی۔ اُوہناں لوکاں دا اُوہناں دے اپنے ای گرجا گھر توں رخصت ہو جانا ظاہر کردا اے کہ اُو ہلے تیکر صرف ’’قدرتی لوکی‘‘ ای نے۔

بائبل کہندی اے، ’’تیرے کلام دی تشریح نور بخشدی اے تے سادہ لُوحاں نوں سمجھ عطا کردی اے۔‘‘

ایتھے کلام دا اِک نوجوان طالب علم سی جیہڑا اِک بے اعتقادہ بن چُکیا سی۔ ڈاکٹر ھیرالڈ فیکیٹ جونیئر Dr. Harold Fickett, Jr اُوہنوں کھانے تے باہر لے گئے۔ ڈاکٹر فیکیٹ نے اُوہنوں پُچھیا کہ اُوہنے کیوں اِک بے اعتقادہ بنن دا فیصلہ لہیا۔ اُوس نوجوان شخص نے جواب دِتا، ’’مبلغ، میں کالج وچ آن توں پہلاں، اپنی ساری حیاتی سنڈے سکول تے گرجا گھر گیا۔ میں یوتھ آرگنائزیشنز وچ سرگرم سی، میں کیمپ کرن گیا۔ ایس تمام چہ، تاہم، میں کدی وی اپنے گرجا گھر دی تعلیمات نوں سِکھ نئیں پایا۔ جدوں کہ کالج وچ اِک مذبذب [بندے] دے تحت میں پڑھ چُکیا واں جیدا حیاتی دا فلسفہ مینوں معقول دکھائی دِتا۔ میں اینوں سمجھ گیا، تے میں اینوں قبول کر چُکیا آں۔ مبلغ، تہاڈے وچوں جیہنی دیر تُسی چاہندے اُو گل بات کر سکدے اُو، لیکن میں نہ تے ہُنے، تے نہ ای میں [مستقبل وچ] کدی وی، مسیحیت وچ فیر دلچسپی لواں گا۔‘‘

بائبل تے یقین رکھن آلے گریجوایٹ سکول وچ میرے اِساتذہ وچوں اِک ڈاکٹر جے سِڈلو بیکسٹر Dr. J. Sidlow Baxter سی۔ ڈاکٹر بیکسٹر نے کہیا، ’’کیوں جدید پروٹسٹنٹ اِزم ایس قدر کمزور اے دا بنیادی سبب بائبل ول ساڈا ناقص انداز فکر اے… جے اسی اوتھے کمزور پے جانے آں تے اسی ہر تھاں تے کمزور ہونے آن… مسیحیاں دے وچکار سب توں وڈی تقسیم اُوہناں لوکاں دے درمیان اے جیہڑے خدا دا الہٰامی کلام قبول کردے نے – تے جیہڑے نئیں کردے نے… بائبل ول اندازِ فکر دا اتحاد ضروری ہونا چائیدا اے ورنہ کوئی وی حتمی اختیار نئیں اے – تے ساڈے سارے دے سارے پروٹسٹنٹ گرجا گھراں نوں اُلجھن وچ پا دِتا گیا اے۔‘‘ ایہہ ای نئے ایونجیلیکلز دی اُلجھن اے! آؤ اسی کئی امور تے غور کرئیے۔

I. پہلی گل، بپٹسٹ بائبل دے بارے وچ کیس گل چہ یقین نئیں رکھدے نے۔

پہلے درجہ تے، حقیقی بپٹسٹ یقین نئیں رکھدے کہ بائبل سائنس دی اِک کتاب اے۔ اِک سائنسدان نے جیہڑے کہ اِک مسیحی وی اے، کہیا، ’’بائبل تعلیم دیندی اے کہ خُداوند آسماناں تے زمین دا خالق اے، ایدے بارے چہ اِک منٹ وی سوچن دی کوشش کیتے بغیر اُوس [خُدا] نے ایہہ کیویں کیتا۔‘‘ اِک مصنف نے کہیا، ’’پاک صحائف سانوں ایہہ تعلیم جانن لئی پیش نئیں کیتے گئے نے کہ آسمان کیویں چلدے نے، لیکن آسمان [جنت] وچ جایا کیویں جائے۔‘‘

اگرچہ ایہہ گل سچ اے کہ بائبل سائنس دی اِک کتاب نئیں اے، ایدے باوجود، جدوں ایہہ سائنسی اعدادوشمار دے بارے وچ گل کردی اے تے ایہہ قطعی طور تے بالکل دُرست اے۔ درج ذیل دے بارے چہ سوچو:

(1) ایوب 26:7 (زمین نوں بغیر سہارے دے لٹکاندا اے)۔

(2) اشعیا40:22 (دُنیا دا مُحیط – زمین چپٹی نئیں اے)۔

(5) مکاشفہ11:6۔9 (ٹیلی ویژن دی پیشن گوئی کردا اے)۔

II. دوجی گل، بائبل دے بارے چہ بپٹسٹ کی یقین رکھدے نے۔

میں نئیں کہندا کہ بائبل وچ خدا دا کلام موجود اے۔ میں کہیا، کہ بائبل خُدا دا کلام اے – پیدائش دے پہلے لفظ توں شروع ہوندا اے تے مکاشفہ دے آخیرلے لفظ تیکر جاری رہندا اے!

ہُن میں تہانوں ساڈے گرجا گھر وچ (12 جنوری، 2020) وچ کرسٹوفر ایل۔ کیگن Christopher L. Cagan ، Ph.D.، M.Div.، Ph.D، وَلّوں تبلیغ کیتا ہویا اِک پیغام پیش کرن جا رہیا واں۔ ڈاکٹر کیگن ساڈے گرجا گھر دے پاسبان یا پادری صاحب نے۔ میں پاسٹر ایمریٹس آں۔

دو ’پادری صاحبان‘ جیہڑے باطن وچ بھیڑیئے نے!

ڈاکٹر کریسٹوفر ایل۔ کیگن وَلّوں
by Dr. Christopher L. Cagan

لاس اینجلز دی بپتسمہ دین آلی عبادت گاہ وچ دِتا گیا اِک واعظ
خداوند دے دِن دی سویر، 12 جنوری، 2020
A sermon preached at the Baptist Tabernacle of Los Angeles
Lord’s Day Morning, January 12, 2020

’’جھوٹے نبیاں توں خبردار رہیو۔ اُو تہاڈے کول پیڈاں دے لباس وچ آندے نے لیکن باطن وچ پھاڑن آلے بھیڑئیے نے۔ تُسی اُوہناں دے پھلاں توں اُوہناں نوں پہچان لوو گے‘‘ (متی 7:15، 16).

یسوع مسیح نے سانوں جھوٹے نبیاں دے خلاف خبردار کیتا سی۔ اُو پیڈاں وانگوں وکھائی دیندے نے۔ اُو نیک مسیحی ظاہر ہوندے نے۔ لیکن باطن وچ اُو بھیڑیئے ہوندے نے!

سانوں کیویں پتا چلدا اے کہ کیہڑا بھیڑ اے تے کیہڑا بھیڑیا اے؟ یسوع نے کہیا، ’’تُسی اُوہناں نوں اُوہناں دے پھلاں توں پہچان لوو گے۔‘‘ تُسی اِک بھیڑیے تے بھیڑ دے وچکار فرق نوں اُو کی کردے نے اُوہدے ذریعے نال دس سکدے اُو، اُوہناں دے پھل دے ذریعے نال۔ جھوٹے نبی خُدا وَلّوں نئیں ہوندے۔ اُو جہنم وچوں [آئے ہوئے] ’’پادری‘‘ ہوندے نے۔ میں جہنم وچوں آئے ہوئے دو ’’پادریاں‘‘ والڈریپ Waldrip تے چعین Chan ، دے بارے وچ گل کرنا چاہنا واں۔

میں جاننا واں کہ کُج لوکی جیہڑے ایس پیغام نوں پڑھن گے کہن گے مینوں ایناں بندیاں نوں ناماں توں نئیں پکارنا چائیدا اے۔ لیکن میں کہنا واں، ’’کیوں نئیں؟‘‘ خُدا دا کلام بے شمار جھوٹے نبیاں دے ناں لیندا اے، جیویں کہ یہوداہ، ھیرودیس، پیلاطوس، انناس، کائفا، اننیاس، ساؤل، شمعون ساحر، دیماس، سکندر ٹھٹھیرا، دِیُترِفیس، بلعام، قورح تے بوہتے دوجے، جنہاں دے ناں پاک کلام وچ خُدا دے روح دے وسیلے نال درج نے۔ لہٰذا، والڈریپ Waldrip تے چعین Chan دے ناماں نوں ایس واعظ وچ پیش کیتا جا رہیا اے جیویں خود خُدا دے ذریعے نال اُوہناں جھوٹے نبیاں دے ناماں دا اُوہدے الہٰامی کلام وچ اندراج اے!

والڈریپ، کیلیفورنیا دےشہر، مونروِّیا وِچ اِک گرجا گھر دا پاسبان اے۔ میں کیوں کہنا واں اُو اِک بھیڑیا اے؟ والڈریپ نے کی کیتا سی؟ مینوں تہانوں دس لین دیو۔ والڈریپ منادی دا حقیقی کم کرن لئی انتہائی سُست اے۔ اُو اُوہدے گناہ دی جڑ اے۔ ایہی وجہ اے کہ اُو ڈاکٹر ہائیمرز نال نفرت کردا اے، جیہڑے 62 وریاں توں منادی دے کم نوں جاری رکھے ہوئے نے۔ ڈاکٹر ہائیمرز دُنیا وچوں بشراں نوں جِتّدے نے۔ والڈریپ اُو نئیں کر سکدا۔ والڈریپ اُو کرن لئی انتہائی سُست اے۔ ایہی وجہ اے کہ اُو ڈاکٹر ہائیمرز نال حسد کردا اے۔ اُو ڈاکٹر ہائیمرز نال نفرت کردا اے کیوں جے اُو پاسبانی دا کم نئیں کر سکدا۔ اُو اِک بھیڑیا اے جیہنوں منسٹری وچوں باہر چلے جانا چائیدا اے!

والڈریپ اپنے وگرے سُست لوکاں نال بس ٹھیک اے، لیکن اُو اُوس بندے نال نفرت کردا اے جیہڑا خُدا دی خاطر تکلیفاں سہندا تے کم کردا اے۔ والڈریپ دا قریبی ترین بیلی رامزی Ramzi نامی اِک بندہ اے۔ رامزی اونج دا ای آدمی اے جیویں والڈریپ۔ ایہی وجہ اے کہ اُو بیلی نے۔ رامزی اِک موٹا تازہ بندہ اے جیہڑا دعویٰ کردا اے کہ مقدس سرزمین وچ اُو عرباں لئی مشنری رہ چُکیا اے۔ اُو یروشلیم وچ اِک مشنری گرجا گھر رکھن دا دعویٰ کردا اے۔ اُو مسلماناں وَلّوں موت دے مسلسل خطرے وچ ہون دا دعویٰ کردا اے۔ رامزی نے ایہہ گلاں اُوس ویلے دسیاں سی جدوں اُو ساڈے گرجا گھر وچ بولیا سی۔ اُوہنے اُو فیر مینوں اُوس ویلے وی دسیاں جدوں اُو مینوں اپنی نئی کیڈیلاک وچ لاس اینجلز لے جا رہیا سی۔ اُوہنے کدی وی مینوں تصویراں نئیں وکھائیاں یا اوتھے کسی وی شخص دے بارے چہ نئیں دسیا۔ ایہہ سب کُج مسلماناں دے خوف نال خُفیہ رکھیا جانا فرض کیتا گیا سی۔ لیکن اصل وجہ ایہہ نئیں اے!

رامزی اپنے ’’گرجا گھر‘‘ نوں خُفیہ رکھدا اے کیوں جے مشن گرجا گھر اُوہدے کول کوئی نئیں اے! اُو وجود نئیں رکھدا اے! کوئی وی اُوہنوں تلاش نئیں کر سکدا۔ ایتھوں تیکر چعین وی اُوہنوں تلاش نئیں کر پایا! ایہہ ٹھیک گل اے۔ مسٹر چعین مقدس سر زمین گئے سی تے تُندہی نال رامزی دے گرجا گھر نوں تلاش کیتا سی۔ اُو سارے یروشلیم وچ پھرے۔ اُوہناں نے پادری صاحبان تے عام لوکاں نوں پُچھیا۔ کوئی وی رامزی دے مشن گرجا گھر دے بارے وچ نئیں جانندا سی۔ وجہ سادہ جئی اے۔ کوئی مشن گرجا گھر اے ای نئیں!

رامزی کردا کی اے؟ اُو پیسے جمع کردا اے۔ اُو اِک نئی کیڈیلیک [گاڑی] چلاندا اے۔ اُو کافی مقدار وچ کھانا ٹھونسدا اے – او میں اپنیاں اکھاں نال ویکھ چُکیا واں۔ اُو اِک بہروپیا بندہ اے جیہڑا خُدا دے ناں تے پیسا چوری کردا اے۔ اُو والڈریپ دا قریبی بیلی اے۔ والڈریپ اُوہنوں اِک بیلی دی حیثیت نال رکھدا اے حالانکہ اُو جانندا اے کہ رامزی دے کول کوئی مشن گرجا گھر نئیں اے۔ اِک کہاوت اے، ’’چور دا پراہ جیب کترا۔‘‘ رمزی کاہل اے تے کم نئیں کردا اے تے والڈریپ وی اونج دا ای اے۔ ایدے چہ تعجب دی کوئی گل نئیں اے کہ دوویں بیلی نے۔ تے ایہہ وی تعجب دی گل نئیں اے کہ دوویں والڈریپ تے رامزی ڈاکٹر ہائیمرز دے خلاف نے۔

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

والڈریپ دُنیا وچوں لوکاں نوں جتن لءی بہت زیادہ سُست اے۔ ایدے بجائے، اُو دوجے گرجا گھراں توں لوکاں نوں چُران دے ذریعے ودھن دی کوشش کردا اے۔ مینوں یاد اے جدوں اُوہنے اِک پورے گرجا گھر نوں چُران دی کوشش کیتی سی۔ ایہہ گل دُرست اے۔ والڈریپ نے عارضی طور تے اپنے ای گرجا گھر توں اِک پاسبان دی حیثیت نال عُہدہ چھڈیا۔ فیر اُو تے اُوہدے لوکی اِک کنسرویٹیو بپٹسٹ چرچ وچ والڈریپ دے ایسوشی ایٹ وَلّوں اِک خط دے نال گئے جیدے چہ اُو اُوہناں نوں اُوتھے ’’منتقل کر رہیا‘‘ سی۔ اُوہناں نے اُوس گرجا گھر وچ ووٹ دین آلے اراکین دی حیثیت نال ’’شمولیت‘‘ اختیار کیتی کہ اُوہدے تے غالب آ جان۔ اُو اُوس بپٹسٹ چرچ نوں تباہ کرنا چاہندا سی تے خود ہتھیانا چاہندا سی۔ والڈریپ نے اُو کیوں کیتا؟ کیوں جے اُوس کنسرویٹیو بپٹسٹ چرچ دے کول اِک شاندار عمارت سی، جیہنوں والڈریپ ’’سان گیبرئیل وادی دا موتی‘‘ کہندا سی۔ میں اُوہنوں اُو اِک ویڈیو وچ کہندے ہوئیاں ویکھیا سی۔ اُو اپنے نال دوجے گرجا گھر دے کول جیہنے اراکین سی اُوہدے مقابلے وچ زیادہ اراکین لے کے آیا سی۔ اُو خود نوں پادری دی حیثیت نال ووٹ پوانا چاہندا سی، چرچ تے قبضہ کرنا چاہندا سی تے عمارت نوں چُرانا چاہندا سی۔ لیکن اوتھے اِک مقدمہ چل رہیا سی۔ والڈریپ اُو ہار گیا تے جیتھوں اُو آیا سی اوتھے واپس چلا گیا۔ میں اُوہدے افسوسناک کاروبار دی ہر تفصیل جاننا واں۔ والڈریپ نے جو کُج کیتا اُو اُوہدے بارے وچ بہت کُج ظاہر کردا اے۔ اُوہنوں تیز تے آسان چالاں پسند نے تے مشکل کم پسند نئیں اے۔ اُوہنے اِک تیز تے آسان چوری کرن دی کوشش کیتی سی کیوں جے اُو خود توں اِک گرجا گھر تعمیر کرن لئی انتہائی کاہل سی۔ اُو والڈریپ دا پھل اے۔ اُو اِک جھوٹا نبی تے شکاری بھیڑیا اے!

بالکل جیویں والڈریپ نے اِک دوجے بپٹسٹ گرجا گھر نوں چُران دی کوشش کیتی سی اونج ای اُوہنے ساڈے گرجا گھر توں اینوں تباہ کرن لئی لوکاں نوں چُرایا۔ ایہی وجہ اے کہ اُوہنے مسٹر چعین نوں ساڈے گرجا گھر نوں تقسیم کرن تے ساڈے توں لوکاں نوں چوری کرن تے ساڈے چرچ نوں برباد کرن لئی اِک ہور گرجا گھر شروع کرن دے اپنے منصوبے تے مشورہ کیتا۔ اُو اپنا گرجا گھر نئیں بناندا بلکہ اُو ڈاکٹر ہائیمرز نوں تباہ کرنا چاہندا اے۔ ایہی وجہ اے کہ اُوہنے تباہی دے ایس ناروا یا جہنمی مشن تے چعین نوں اپنے گرجا گھر توں ’’باہر‘‘ پیجیا۔ اُو اِک شکاری بھیڑیا اے!

والڈریپ انجیلی بشارت دا کم کرن لئی انتہائی کاہل اے۔ دُنیا توں لوکاں نوں [گرجا گھر وچ] لہیان لئی کم کرنا پیندا اے۔ اُو والڈریپ لئی کرنا بہت مشکل اے۔ اُوہنے کُج انجیلی بشارت کرن دی کوشش کیتی سی لیکن فیر جلد ای رُک گیا۔ ہُن اُوہدا گرجا گھر بوہتی تھوڑی یا کوئی وی انجیلی بشارت نئیں کردا۔ ایہہ ای وجہ اے والڈریپ ڈاکٹر ہائیمرز دے خلاف اے جیہڑا کہ جوش و خروش دے نال انجیلی بشارت وچ یقین رکھدے نے جیویں کہ بائبل حکم دیندی اے۔ اُو والڈریپ دا پھل اے۔ ’’تُسی اُوہناں نوں اُوہناں دے پھلاں توں پہچان لوو گے‘‘ (متی7:16)۔

والڈریپ لوکاں نوں نجات دلان دے کم لئی انتہائی کاہل اے۔ لوکاں نوں مسیح وچ ایمان دلا کے تبدیل کرنا انتہائی مشکل ہوندا اے۔ دُنیا وچ گنہگار قدرتی طور تے مسیحی ہونا نئیں چاہندے نے۔ اُو رونما کرن لئی کم کرنا پیندا اے تے دعا تے محبت تے خوشخبری دی منادی کرنی پیندی اے۔ ساڈے گرجا گھر وچ اسی خوشخبری دی تبلیغ کرنے آں تے لوکاں نال انفرادی طور تے گل بات کرنے آں جدوں تیکر کہ اُو یسوع تے پرہوسا نئیں کردے۔ اُو والڈریپ لئی نہایت مشکل کم اے۔ اُو مسیح وچ ایمان دلا کے تبدیل کرن دے بارے چہ بہت گھٹ کم کرن دی کوشش کردا اے بلکہ اُو تیزی نال پِچھا چھڑا لیندا اے کیوں جے ایہہ مشکل کم ہوندا اے! بابئل کہندی اے، ’’اِک مبشر دا کم کر‘‘ (2تیموتاؤس4:5)۔

والڈریپ خوشخبری دی منادی توں پِچھے ہٹ گیا اے۔ اُو ہُن اپنے واعظاں وچ صرف بائبل دی تعلیم دیندا اے۔ اُو گل دُرست اے، اُوہنے خوشخبری دی تبلیغ چھڈ دِتی تے تاویلی یا تفسیری تعلیم ول چلا گیا۔ میں اُوہدے واعظاں نوں پڑھ چُکیا واں۔ اُو اِک ویلے چہ کُج طویل آیات سِکھاندا اے جیدے وچ طویل تفسیراں ہوندیاں نے تے نمائشی پسندیدہ لفظ تے حوالہ جات تے حاشیے دی غور طلب گلاں ہوندیاں نے۔ اُو دانشورانہ وکھائی دیندا اے لیکن ایدے نال بشراں نوں نئیں جِتیا جاندا۔ والڈریپ دکھاوا کرنا چاہندا اے کہ اُو اِک عالم اے جدوں کہ اُو نئیں اے۔ ایہہ اِک ہور وجہ اے کیوں اُو ڈاکٹر ہائیمرز دے خلاف اے جنہاں دے کول تِن نامور ڈگریاں نے۔ تے والڈریپ ڈاکٹر ہائیمرز دے خلاف اے کیوں جے ڈاکٹر ہائیمرز خوشخبری دی منادی کردے نے!

والڈریپ دی کاہلی تے داکٹر ہائیمرز لئی نفرت گرجا گھر نوں تقسیم کرن آلے چعین دے اُوہدے جعلی ’بُلاوے‘ وچ اکٹھی ہو گئی۔ والڈریپ جانندا اے کہ لوکاں نوں اپنے مقامی گرجا گھر نوں سہارا دینا چائیدا اے۔ اُو جانندا اے کہ گرجا گھراں دی تقسیم غلط گل اے۔ اُو ایہہ گلاں کیتا کردا سی۔ اُو خود اپنے گرجا گھر وچ گرجا گھراں نوں تقسیم کرن آلے لوکاں نوں خوش آمدید نئیں کیتا کردا سی۔ لیکن ڈاکٹر ہائیمرز لئی اپنی نفرت وچ اُوہنے ایس سب نوں چُک کے دور سُٹ دِتا۔ ایہہ ای وجہ اے کہ اُوہنے اپنے خود دا گرجا گھر شروع کرن لئی چعین نوں اِک منافقانہ ’’بُلاوہ پیجیا‘‘۔ کاہل ہون دی ای وجہ نال، والڈریپ نے اُو کم اِک تیز تے آسان طریقے نال کیتا۔ والڈریپ جانندا اے کہ اُوس گرجا گھر وَلّوں جیدے چہ اُو کُج عرصہ لئی کم کر چُکیا ہوندا اے اِک مشنری نوں باہر پیجنا چائیدا اے۔ لیکن والڈریپ ڈاکٹر ہائیمرز لئی مشکل کھڑی کرن دا آسان تے تیز طریقہ چاہندا سی۔ والڈریپ چعین دے نال پہلاں ای توں اُوہدے ساڈے گرجا گھر دی تقسیم دے منصوبیاں تے مشاورت کر چُکیا سی۔ والڈریپ نے چعین تے اُوہدے چوری کیتے ہوئے لوکاں نوں چند اِک دِناں لئی اپنے گرجا گھر وچ شمولیت اِختیار کر لین دِتی۔ اُوہنے چعین نوں اِک واعظ دی تبلیغ وی کرن دِتی۔ فیر چعین تے اُوہدا ٹولہ والڈریپ دے گرجا گھر توں اِک جعلی ’’پیجے جان آلے بلاوے‘‘ وچ باہر چلا گیا۔ اُو لوکی اندر گھُسے تے باہر وی نکل آئے! اُو کوئی ’’پیجے جان دا بلاوہ‘‘ نئیں سی، اُو تے اِک چال سی! بالکل ایہی اے جیدی توقع تُسی والڈریپ توں کر سکدے اُو!

والڈریپ اِک شکاری بھیڑیا اے۔ اُو چعین دے نال بالکل بجا طور تے ٹکدا اے، جیہڑا کہ اِک دوجا شکاری بھیڑیا اے۔ جیس دِن مسیح نوں مصلوب کیتا گیا سی، ’’پیلاطوس تے ہیرودیس بیلی بن گئے سن‘‘ (لوقا 23:12). بالکل جیویں پیلاطوس تے ہرودیس بیلی بنے سی، والڈریپ تے چعین بیلی بنے تے اکٹھے کم کیتا۔ اُوہناں دا اِک او جیہا ذہن اے۔ اُو دوویں ای ’’پادری‘‘ نے جیہڑے شکاری بھیڑئیے نے۔

چعین نے کی کیتا؟ اُو ساڈے گرجا گھر وچ اِک سینئیر مناد سی۔ اُوہنے ساڈے گرجا گھر نوں چھڈیا تے خود اپنا اِک گرجا گھر شروع کرن لئی اپنے نال ساڈے ادھے لوکاں نوں لے گیا۔ ایدے بارے چہ جانن دے بعد، اِک معروف مشنری جنہاں نے اِک جانی مانی سیمنری توں داکٹراں دی ڈگری پاس کیتی سی، اُوہناں نے کہیا، ’’چعین اِک جھوٹا نبی اے۔‘‘

چعین اِک چور اے جیہڑا ’’چُران لئی تے قتل کرن لئی تے تباہ کرن لئی‘‘ آندا اے (یوحنا 10:10). یسوع نے کہیا، ’’جھوٹے نبیاں توں خبردار رہیو۔ اُو تہاڈے کول پیڈاں دے لباس وچ آندے نے لیکن باطن وچ پھاڑن آلے بھیڑئیے نے۔ تُسی اُوہناں دے پھلاں توں اُوہناں نوں پہچان لوو گے‘‘ (متی 7:15، 16). مسٹر چعین دے پھل کی نے؟ چوری کرنا تے تباہی کرنا! اُو اِک بھیڑ وانگوں دکھاوا کردا اے لیکن اُو اِک بھیڑیا اے۔ بائبل کہندی اے اُو اِک جھوٹا نبی اے۔ تے اِک شکاری بھیڑیا اے۔

چعین خود کہندا اے کہ اُوہنے ڈاکٹر ہائیمرز دی منادی دے تحت یسوع تے پرہوسا کیتا تے مسیحی حیاتی دے بارے وچ سِکھیا۔ اُوہدے کول نٹھن لئی کوئی وجہ نئیں سی۔ اُوہنے لکھ کے وعدہ کیتا سی کہ اُو چھڈ کے نئیں جائے گا، جیہڑا کہ میرے کول میری فائلاں چہ اے۔ ڈاکٹر ہائیمرز لئی اُوس ای میل وچ چعین نے ایہہ کہیا،

ساڈا گرجا گھر میرا گھر اے تے میں تہاڈے نال وعدہ کرنا واں کہ میں اینوں کدی وی نئیں چھڈ کے جاواں گا۔
میں مسیح لئی ایناں کُج کرنا چاہنا جیہنا میں کر سکنا واں تے ایتھے اُوس خواہش نوں پورا کرن لئی وافر مقدار وچ کرن لئی کم اے (27 مئی، 2016)۔

لیکن اُوہدے بعد جلد ای اُوہنے اپنا وعدہ توڑ دِتا۔ اُو نٹھ گیا تے گرجا گھر دی اِک بہت وڈی تقسیم وچ رہنمائی کیتی۔ اُو اِک جھوٹ بولن آلا شخص تے جھوٹا نبی اے۔ اُو اِک شکاری بھیڑیا اے۔

چعین کہندا اے کہ اُو پادری بنن لئی بُلایا گیا سی۔ لیکن اُو نئیں [بُلایا] گیا سی! ایہہ گل واضح اے۔ ساڈے گرجا گھر وچ اُوہدے بے شمار وریاں وچ اُو دُنیا وچوں اِک وی شخص نوں گرجا گھر چہ لے کے نئیں آیا۔ اِک وی نئیں! اُوہنے ایتھے مسیحیاں دی کوئی وی مدد نئیں کیتی۔ اُوہنوں منادی کرن لئی موقع فراہم کیتا گیا سی لیکن اُوہدے واعظ بے جان ہوندے سی۔

اپنی کتاب پیارے مبلغ، مہربانی نال چھڈ کے چلے جاؤ Dear Preacher, Please Quit وچ ڈاکٹر رائے برینسن Dr. Roy Branson نے کہیا، ’’خُداوند اپنے لوکاں نوں اہل بنا کے نشاندہی کردا اے۔ اُو اُوہناں نوں اُو کرن دے قابل بناندا اے جو کرن لئی اُو اُوہناں نوں بُلاندا اے‘‘ (صفحہ 22). ڈاکٹر برینسن دا یقین اے کہ 90 % پادری صاحبان مذہبی خدمات سرانجام دین لئی خُدا دے وسیلے نال نئیں بُلائے گئے ہوندے۔ اُوہناں نوں چھڈ دینا چائیدا اے تے کوئی دوجی نوکری کرنی چائیدی اے۔ ایہی وجہ اے کہ برینسن دی کتاب ’’پیارے مبلغ، مہربانی نال چھڈ کے چلے جاؤ‘‘ کہلاندی اے! میری خواہش اے کہ چعین منادی نوں خیرباد کہے تے کوئی دوجی نوکری کرے! اُوہدے کول اِک پاسبان ہون دی اہلیت نئیں اے جیہڑا ظاہر کردی اے کہ اُوہدی بُلاہٹ خدا وَلّوں نئیں اے۔ چعین نے خود ایہہ کہیا! ڈاکٹر ہائیمرز نوں اِک ای میل وچ (جیدی اِک نقل مینوں وی پیجی)، چعین نے ایہہ کہیا،

میں یقین کرنا واں کہ جے خُدا اِک بندے نوں پاسبان بنن لئی بُلاندا اے تے اُو اُوہنوں اُوس منصب لئی لیس کرے گا۔ ایس لئی … خُدا نے مینوں اِک پادری بنن لئی نئیں بُلایا ہوئے گا۔ میں تہاڈی منطقی سوچ نوں غلط نئیں کہہ سکدا۔ ایہہ مدلّل [ٹھوس] اے۔
میں ہُن تسلیم کرنا واں کہ میں اِک پادری بنن لئی خدا وَلّوں نئیں بُلایا گیا واں (15ستمبر، 2016)۔

چعین نے اعتراف کیتا کہ اُو ڈاکٹر ہائیمرز توں ایہہ کہن تے ناراض سی کہ اُو، چعین، مذہبی خدمت لئی بُلایا نئیں گیا سی۔ اُوہنے اعتراف کیتا سی تے سمجھیا جاندا اے کہ توبہ کیتی سی۔ میں خُود اُوس جھوٹے اعتراف نوں سُنیا سی۔ لیکن بعد وچ جلد ای، اُو چھڈ کے چلا گیا تے خود دا اپنا گرجا گھر قائم کیتا تاں جے اُو اُوہناں لوکاں نوں ’’تبلیغ‘‘ کر سکے جنہاں نوں اُو چُرا کے لے گیا سی۔ چعین، تُسی اِک شکاری بھیڑئیے اُو! بائبل کہندی اے، ’’جھوٹے نبیاں توں خبردار رہیو۔ اُو تہاڈے کول پیڈاں دے لباس وچ آندے نے لیکن باطن وچ پھاڑن آلے بھیڑئیے نے۔ تُسی اُوہناں دے پھلاں توں اُوہناں نوں پہچان لوو گے‘‘ (متی 7:15، 16). چعین تے والڈریپ توں دور رہوو! اُوہناں دی مت سُنو! اُوہناں دے گرجا گھراں وچ مت جاؤ! اُوہناں توں دور نٹھ جاؤ! اُو شیطان وَلّوں پیجے ہوئے پادری نے!

ہُن میں اُوس وڈے پیغام دا حوالہ دواں گا جیدے توں ساڈی تلاوت لی گئی سی۔ جدوں میں اینوں پڑھاں تے کھلو جاؤ۔

’’جھوٹے نبیاں توں خبردار رہیو۔ اُو تہاڈے کول پیڈاں دے لباس وچ آندے نے لیکن باطن وچ پھاڑن آلے بھیڑئیے نے۔ تُسی اُوہناں دے پھلاں توں اُوہناں نوں پہچان لوو گے۔ کی لوکی جھاڑیاں توں انگور یا کانٹے دار درختاں توں انجیر توڑدے نے؟ لہٰذا ہر چنگا درخت چنگا پھل تے ہر بُرا درخت بُرا پھل دیندا اے۔ نہ چنگا درخت بُرا پھل دیندا اے تے نہ بُرا درخت چنگا۔ اُو درخت جیہڑا چنگا پھل نئیں دیندا کٹیا تے اگ وچ ڈالیا جاندا اے۔ پس تُسی جھوٹے نبیاں نوں اُوہناں دے پھلاں توں پہچان لوو گے‘‘ (متی 7:15:20).

ایتھے اِک پیراگراف اے اُوس تعلیم وچوں جیہڑی چعین نے اُوہناں لوکاں نوں دِتی جنہاں نوں اُو ساڈے گرجا گھر توں چُرا کے لے گیا سی، ایہہ 12 جولائی، 2020 وچ پیش کیتا گیا سی:

ایتھے کُج اینج دے لوکی نے جنہاں نے کھُلی بغاوت یا سرکشی لئی اپنے دِل پیش کیتے تے اپنی گناہ توں بھرپور حالت لئی پادری صاحب نال گل نئیں کرن گے بلکہ ایدے بجائے اپنے بیلیاں دی صحبت وچ سکون نوں پان دی تلاش کرن گے۔ دوجے ایہہ سوچدے ہوئے خفیہ گناہ چہ حیاتی بسر کردے نے کہ محض گرجا گھر آ جان نال تُسی بالاآخر نجات پا ای لیو گے۔ لیکن تُسی اُوس خدا نال نمٹ رئے اُو جیدیاں اَکھاں ’’ہر تھاں تے بُرائی نوں ویکھ رئیاں نے۔‘‘ تہاڈے وچوں کُج سوچدے نے کہ تُسی اِک مسیحی اُو ایدے باوجود تُسی کدی وی خدا، جنت یا حتّیٰ کہ اِک بشر نوں جِتن دے بارے چہ نئیں سوچیا ہوئے گا۔ دوجیاں نال تہاڈی ساری دی ساری گفت و شُنید ظاہر کردی اے کہ تہاڈے کول صرف ایس دُنیاوی [عارضی] دُنیا دے خیالات نے تے روحانی دُنیا تہاڈے لئی بالکل وی حقیقی نئیں اے۔ اپنی حیاتی دے بارے وچ ایماندار رہوو۔ اپنے آپ نال جھوٹ مت بولو۔ بائبل کہندی اے کہ تُسی ’’بُرائی کرن لئی دانشمند اُو لیکن نیکی کرن لئی [تہاڈے] کول کوئی علم نئیں اے۔ کیوں نئیں اے؟ کیوں جے اپنے تکبر وچ تُسی جو کرنا چاہندے اُو اُوہنوں کرن چہ بہت زیادہ خوشی پاندے اُو۔ لیکن آخر چہ تُسی وقت توں سب توں وڈے ہارے ہوئے [انسان] ہوندے اُو۔ تُسی سوچدے اُو کہ تُسی عقلمند اُو لیکن تہانوں ’’گناہ دی دھوکہ دہی‘‘ صرف [دھوکہ دہی] ای ملی اے۔ جے تُسی اپنے گناہواں توں توبہ نئیں کردے تے تہاڈا دِل ایس قدر سخت ہو جائے گا کہ ایہہ صحت یاب ہون دی ہر اُمید توں بالاتر ہو جائے گا۔ (’’بُرائی دی چالبازی The Subtilty of Evil‘‘، اُوہدے ’’واعظ‘‘ وچوں حوالہ، 12جولائی، 2020، مسوّدے دا صفحہ 7)۔

ایہہ پیراگراف ظاہر کردا اے کہ جنہاں لوکاں نوں اُو ساڈے گرجا گھر توں لے گیا سی پہلاں توں اُوہدے خلاف بغاوت کر رئے نے! کیوں؟ کیوں جے اُو تبلیغ نئیں کر سکدا تے اِک گرجا گھر دی اُو پاسبانی نئیں کر سکدا۔ اُو پہلاں ای توں ابتری وچ اے کیوں جے اُو اِک گرجا گھر دی ’’پاسبانی‘‘ لئی والڈریپ نوں اُوہدے نال چالبازی کرن دِتی، جدوں اُو ایہہ نئیں کر سکدا سی! خُدا نے اُوہنوں نئیں پیجیا سی! بائبل کہندی اے، ’’جدوں تیکر اُو خُدا دے وسیلے نال پیجے نہ جان اُو خوشخبری کیویں سُنان گے (رومیوں10:15)۔

تہاڈے نال اپنی محبت دی وجہ توں، ڈاکٹر ہائیمرز تہانوں داکٹر رائے برینسن دی عظیم کتاب پیارے مبلغ، مہربانی نال چھڈ کے چلے جاؤDear Preacher, Please Quit دی مفت نقل پیج رئے نے۔ اِینوں ہُنے [پڑھ] لوو، اِیدے توں پہلاں کہ بوہتی دیر ہو جائے!

’’خُدا دی واج اِک دوستانہ واج اے۔ کسی نوں اینوں سُنن نال خوفزدہ ہون دی لوڑ نئیں جدوں تیکر کہ اُوہنے پہلاں ای توں ایدی مزاحمت کرن لئی ذہن نہ بنا لہیا ہوئے‘‘
– اے۔ ڈبلیو۔ ٹوزر A. W. Tozer، خُدا دی کھوج The Pursuit of God، صفحہ 80۔

ہُن مینوں تہاڈے وچوں اُوہناں لوکاں نال گل کرنی چائیدی اے جیہڑے گمراہ نے۔ تُسی یسوع تے پرہوسا نئیں کیتا۔ تُسی ہلے تیکر نجات نئیں پائی۔ تُسی خُدا دی حضوری وچ کھلون لئی تیار نئیں اُو۔ لیکن یسوع تہاڈے تمام گناہواں دی ادائیگی دی خاطر صلیب تے قربان ہو گیا۔ اُوہنے اپنا لہو وگایا تاں جے تہاڈے گناہ دُھل جان۔ اُو تہانوں حیاتی بخشن دی خاطر مُردیاں وچوں زندہ ہو گیا۔ جے تُسی یسوع تے پرہوسا کرن دے بارے وچ ساڈے نال گل کرنا چاہو، تے مہربانی نال کمرے دے سامنے آ جاؤ۔ آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔