ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

میری حیاتی وچ کدی وی سُنے جان آلے واعظاں وچوں سب توں ودھ اہم ایہہ اے۔ جے تُسی میری سوانح پڑھو تے تہانوں معلوم ہوئے گا کہ کیوں ایس واعظ نے میری حیاتی بدل ڈالی۔ ڈاکٹر رابرٹ ایل۔ سومنر Dr. Robert L. Sumner نے کہیا، ’’میں اِک اینج دے شخص دی تعریف کرنا آں تے سراہنا آں جیہڑا سچائی لئی مؤقف اختیار کرن نون تیار اے – حتّیٰ کہ جدوں ساری مشکلات ایدے خلاف ہون۔ آر۔ ایل۔ ہائیمرز، جونیئر اِیس قسم دے اِک مسیحی نے‘‘ (عزت سب میرا ای سی: ایمان دے اُو دیو جنہاں دیاں راہاں میرے توں متصادم سن The Honor Was All Mine: Giants of the Faith Whose Paths Crossed Mine، بائبلی ایونجیل اِزم پریس Biblical Evangelism Press، 2015، صفحات 103۔105)۔ انڈونیشیا لئی ساڈے مشنریاں وچوں اِک نے کہیا، ’’ڈاکٹر ہائیمرز اِک اینج دے ہیرو نے جنہاں نے بے شمار مُہلک جنگاں نوں جھیلیا اے۔‘‘ ایہہ ڈاکٹر ٹموتھی لِن دا اِک واعظ اے جیہنے مینوں اُو بنایا جو میں اج آں۔ میں اُمید کرنا آں کہ ایہہ پیغام تہاڈی حیاتی وی بدل ڈالے گا۔

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

ڈاکٹر ٹموتھی لِن Dr. Timothy Lin نے کہیا، اُوہنوں خصوصی طور تے خُدا دی تخلیق تے سبقت پان لئی تخلیق کیتا گیا سی… یوسف دی حیاتی اُوس تیاری نوں جیدی اِک ایماندار نوں مستقبل دی حکومت [مسیح دی آن آلی بادشاہی] وچ لوڑ پیندی اے ظاہر کردی اے۔‘‘

یوسف دے مصر دا حکمران بنن توں پہلاں، خُدا اُوہنوں اِک غالب آن آلا تے اپنی حیاتی دے انتہائی اختتام تیکر اُوس [خُدا] دے کلام نوں محفوظ رکھن آلا بنن دی تیاری لئی اِک سخت دشوار طویل راہ تے اُوہنوں لے کے چلیا۔ اُو عظیم گلاں جیہڑیاں یوسف نے کیتیاں اُوہناں دا تعلق صرف مصر نال نئیں سی بلکہ اسرائیل نال وی سی تے سارے زمانیاں وچ خُدا دی کلیسیا نال وی سی۔ یوسف دے حکمرانی دے بغیر، ناصرف مصری فاقیاں نال پُکھے مر چکے ہوندے بلکہ شاید اسرائیل دی قوم وی فنا ہو چُکی ہوندی تے پیدائش دی کتاب وچ خُدا دی مخلصی دا الہٰام مکمل نئیں ہویا ہوندا۔

خُدا دے یوسف دی روحانی حیاتی دی تعمیر لئی چُکے گئے اِقدامات نوں شاید غزل الغرلات 4:16 دی روشنی وچ سمجھیا جا سکدا اے۔ یوسف دی حیاتی دا احتیاط دے نال مطالعہ کرن نال کوئی وی مشاہدہ کر سکدا اے کیویں خدا نے شمالی ہوا تے جنوبی ہوا نوں اَدل بدل کے اُوہدے تے چلن دِتا جدوں تیکر کہ اُوہدے کردار دی مہک مذید دلچسپ تے بامزہ ہو کے باہر اُمڈ نئیں آئی۔ خدا نے اُوہدے کردار نوں مصائب دے ذریعے نال تیار کیتا، اُوہدا بدن محنت و مشقت وچ استعمال کیتا، اُوہنوں تضحیک تے رُسوائی نال آشنا کیتا، تے اُوہنوں نااِنصافی تے ناشکرے پن دے نال مایوس کُن کیتا، کہ اُوہدا ذہن نفیس طبع تے مُہذب ہو جائے، اُوہدی احساسیت مستحکم ہو پائے، اُوہدی خود مختیاری یا مرضی نوں تقویت ملے، اُوہدے ایمان تے کردار دی نشوونما ہوئے تے خداوند وچ اُوہدا ایمان ودھدا گیا۔ یوسف دی حیاتی وچ شمالی ہوا تے جنوبی ہوا دا چلنا شاید واضح طور تے ویکھیا جا سکے۔

جنوبی ہوا – والدین دی رغبت توں لطف اندوز ہونا

مہربانی نال پیدائش37:1۔4 کھولو۔

’’تے یعقوب ملک کنعان وچ یعنی اُوس ملک وچ رہندا سی جیتھے اُوہدے پیو نے کُج عرصہ لنگایا سی۔ یعقوب دی نسل دا حال ایہہ اے، یُوسف اِک سترہ سالہ نوجوان سی جیہڑا اپنے پراہواں دے نال جیہڑے اُوہدے پیو دی ووہٹیاں، بِلہاہ تے زِلفہ دے پُتر سی، بھیڑ بکریاں چرایا کردا سی تے اُوہناں دی بُری گلاں دی خبر پیو تیکر پہنچایا کردا سی۔ اِسرائیل یُوسف نوں اپنے دوجے پُتراں توں ودھ عزیز رکھدا سی کیوں جے اُو اُوہدے بڑھاپے دا پُتر سی تے اُوہنے اُوہدے لئی مختلف رنگاں آلی اِک قبا بنائی سی۔ اُوہدے پراہواں نے جدوں ایہہ ویکھیا کہ اُوہناں دا پیو اُوہنوں اُوہناں توں ودھ پیار کردا اے تے اُو اُوہدے نال حسد کرن لگے تے اُوہدے نال دھنگ نال گل وی نئیں کردے سی‘‘ (پیدائش37:1۔4).

ڈاکٹر لِن نے کہیا، ’’پدرانہ محبت دا بچے دے مستقبل دی خصوصیات دے نال بہت زیادہ تعلق ہوندا اے…‘‘

یوسف محبت تے بُرائی دے وچکار فرق نوں جانندا سی… محبت تے سچائی اِک دوجے تے اثر انداز ہون آلے دو تصور نے لیکن ایہہ گل محبت تے بُرائی لئی دُرست نئیں اے، جیہڑے کہ دو مختلف زَمرّے نے۔ بُرائی نوں بے نقاب کرن توں باز رہنا محبت نئیں ہوندی بلکہ بزدلی ہوندی اے… جدوں تیکر اِک شخص دا متحرک بے غرض ہوندا اے، بُرائی نوں بے نقاب کرنا اِک نیک عمل ہوندا اے تے ایدی حوصلہ افزائی کرنی چائیدی اے… یوسف دے دو خواباں دی تفصیل نے اُوہدے پراہواں دے تکبر نوں ٹھیس پہنچائی سی تے اُوہناں دے حسد نوں مشتعل کر دِتا سی۔ ایدے باوجود یوسف فیر وی اپنے پراہواں نال محبت کردا سی تے اپنے پیو دا فرمانبردار پُتر رہیا سی۔‘‘

خود مینوں وی اپنے پیو دی محبت نئیں ملی سی لیکن میری ماں دی محبت تے منظوری نے مینوں اپنے پیو دے نال تلخ ہون توں روکے رکھیا سی۔ میری ماں کاملیت توں بہت دور سی لیکن اُو مہربان ترین، پیاری ترین تے ہوشیار ترین سی جنہاں نوں میں اپنی نوعمر حیاتی وچ جانندا سی۔ اُوہناں نے مینوں کتاباں نال پیار کرنا سِکھایا، گاڑی چلانی سِکھائی، تے سب توں ودھ اہم ڈٹے رہنا تے اُو کہنا جیہڑا کہن دی لوڑ ہوندی اے سِکھایا، چاہے بے شک میں تنہا ای کیوں نہ ڈٹا ہویا آں‘‘ (میری سوانح حیات دا صفحہ 16). ایویں، میری ماں ہمیشہ توں میری محافظ تے وکیل رئی سی۔ میرے توں میری ماں دے آخیرلے لفظ سن، ’’رابرٹ، میں تیرے نال محبت کرنی آں‘‘ (صفحہ 181). جدوں میری ماں بالاآخر 80 برس دی عمر وچ نجات پا گئیں تے اُو میری حیاتی چہ رونما ہون آلی گلاں وچ سب توں ودھ عظیم ترین سی۔

شمالی ہوا – غلامی وچ ویچیا جانا –
پیدائش37:18۔36

مہربانی نال پیدائش 37:23۔28 آیات کھولو تے جدوں میں اینوں پڑھاں تے کھلو جاؤ۔

’’چنانچہ جدوں یُوسف اپنے پراہواں دے کول پہنچیا تے اُوہناں نے اُوہدی مختلف رنگاں آلی قبا نوں جیہنوں اُو پہنے ہوئے سی، لا لہیا تے اُوہنوں چُک کے اِک ٹوئے وچ سُٹ دِتا جیہڑا سُکھا سی۔ اُوہدے چہ ذرا وی پانی نئیں سی۔ فیر جدوں اُو کھانا کھان بیٹھے تے اُوہناں نے اکھ چُکی تے اسمٰعیلیاں دے اِک کاروان نوں جِلعاد توں آندے ہوئیاں ویکھیا۔ اُوہناں دے اونٹ گرم مسالیاں، روغن بلسان تے مُر نال لدے ہوئے سی تے اُو اُوہناں نوں مِصر لے جا رئے سی۔ یہوداہ نے اپنے پراہواں نوں کہیا، جے اسی اپنے پراہ نوں مار ڈالئیے تے اُوہدے لہو نوں چھپا لئیے تے کی فائدہ ہوئے گا؟ کیوں نہ اسی اُوہنوں اِسمٰعیلیاں دے ہتھ ویچ دئیے، اُوہنوں ہلاک کیوں کرئیے؟ آخرکار اُو ساڈا پراہ اے تے ساڈا ای اپنا گوشت تے لہو اے۔ اُوہدے پراہواں نے اُوہدی گل من لی۔ چنانچہ جدوں اُو مِدیانی سوداگر نزدیک آئے تے یُوسف دے پراہواں نے اُوہنوں گڑھے وچوں کھِچ کے باہر کڈیا تے اُوہنوں چاندی دے وی سِکیاں دے عِوض اِسمٰعیلیاں دے ہتھ ویچ دِتا، جیہڑے اُوہنوں مصر لے گئے‘‘ (پیدائش 37:23۔28).

تُسی تشریف رکھ سکدے اُو۔

ڈاکٹر لِن نے کہیا، ’’خلوص، فرمانبرداری، صبر، ایمانداری، محنتی ہونا، فکرمندی تے دانشمندی اِک سہل حیاتی دے ذریعے نال حاصل نئیں ہوندیاں بلکہ سختیاں تے رکاوٹاں نوں برداشت کرن نال حاصل ہوندیاں نے۔ جے یوسف گھر ای وچ رہندا تے اُو کدی وی مکمل طور نال [غالب آن آلا] بنن لئی آراستہ نہ ہو پاندا۔ اُوہنوں چاندی دے 20 سِکیاں وچ فروخت کرن توں بہتیرے افراد جان لیوا بیماری دا شکار ہون دا سبب بن جاندے۔ لیکن یوسف نے اپنے پراہواں تے کدی وی کوئی اِلزام لگایا نہ لعنت بھیجی، حالانکہ اُوہنے سوچیا ہوئے گا خُدا کیویں اُوہناں دو خواباں نوں ایناں حالات وچ پورا کرے گا۔

جنوبی ھوا – اعتبار تے وقار حاصل کرنا
پیدائش39:1۔6

مہربانی نال پیدائش39:1۔6 آیات کھولو جدوں میں اِیناں نوں پڑھاں۔

’’تے یُوسف نوں مِصر لے جایا گیا تے فوطیفار مِصری نے جیہڑا فِرعون دے افسراں وچوں سی تے پہرہ داراں دا سردار سی، اُوہنوں اِسمٰعیلیاں دے ہتھوں جیہڑے اُوہنوں اوتھے لے گئے سی، خرید لہیا۔ خداوند یُوسف دے نال سی تے اُو برومند ہُویا تے اپنے مِصری آقا دے گھر وچ رہن لگیا۔ جدوں اُوہدے آقا نے ویکھیا کہ خداوند اُوہدے نال اے تے جیہڑا کُج اُو کردا اے اُوہدے وچ اُوہنوں کامیابی بخشدا اے، تے یُوسف تے اُوہدی نظر کرم ہوئی تے اُوہنے یُوسف نوں اپنی خدمت گزاری وچ لے لہیا۔ فوطیفار نے اُوہنوں اپنے گھر دا مختار مقرر کیتا تے اپنا سب کُج اُوہنوں سونپ دِتا۔ جدوں توں اُوہنے اُوہنوں اپنے گھر دا مختار تے اپنے مال و متاع دا نگراں مقرر کیتا، اُودوں توں خداوند نے یُوسف دی وجہ توں اُوس مِصری دے گھر نوں برکت بخشی۔ فوطیفار دی ہر شے تے، خواہ اُو گھر دی سی یا کھیت دی، خدا دی برکت ہوئی۔ چنانچہ اُوہنے اپنی ہر شے یُوسف دے حوالہ کر دِتی تے یُوسف دی موجودگی دے باعث اُوہنوں سِوا اپنے کھان پین دے کسی ہور گل دی فکر نہ سی۔ یُوسف بڑا تنومند تے خوبصورت سی‘‘ (پیدائش 39:1۔6).

ایتھے ویکھو۔

یوسف نوں فرعون دے نگہبان دے فوطیفار نامی کپتان دے کول ویچیا گیا سی۔ شکایت کرن دے وجائے یوسف کم تے گیا اُوہناں ذمہ داریاں نوں پورا کیتا جیہڑیاں اُوہناں نوں دِتی گئیاں سن۔ اُوہنے اپنے آقا فوطیفار دا اعتماد جِتیا تے اُو شخص بنیا جیدے چہ کامیابی خصوصیت جانی گئی۔ لیکن یوسف نوں مذید ہور تربیت دی لوڑ سی۔ لہٰذا خدا نے اُوہدی تضحیک ہو لین دِتی۔

شمالی ہوا – آزمائش تے نااِنصافی دا سَمنا کرنا
پیدائش39:7۔20

ہُن جدوں میں پیدائش 39:1۔18 پڑھاں تے کھلو جاؤ۔ ڈاکٹر لِن نے کہیا، ’’جدوں شمالی ہوا اُوہناں دی حیاتیاں وچ چلدی اے، بے شمار نوجوان لوکی سمجھدے نے ایہہ المناک اے… لیکن ایویں دی پریشانی اکثر خُدا دے فضل دا اِظہار ہوندی اے۔ یرمیاہ نے کہیا، ’انسان لئی بہتر اے کہ اُو جوانی وچ ای مشقت دا جُوَا چُکن لگے‘ (نوحہ 3:27). جدوجہد دے بغیر سہولت دی حیاتی اِک نوجوان ہستی نوں تباہ کر ڈالدی اے۔ لیکن نوجوانی وچ برداشت کیتا ہویا جُوَا بُلند مقام تیکر پہنچن لئی سنگِ میل ہوندا اے۔‘‘

’’تے یُوسف نوں مِصر لے جایا گیا تے فوطیفار مِصری نے جیہڑا فِرعون دے افسراں وچوں سی تے پہرہ داراں دا سردار سی، اُوہنوں اِسمٰعیلیاں دے ہتھوں جیہڑے اُوہنوں اوتھے لے گئے سی، خرید لہیا۔ خداوند یُوسف دے نال سی تے اُو برومند ہُویا تے اپنے مِصری آقا دے گھر وچ رہن لگیا۔ جدوں اُوہدے آقا نے ویکھیا کہ خداوند اُوہدے نال اے تے جیہڑا کُج اُو کردا اے اُوہدے وچ اُوہنوں کامیابی بخشدا اے، تے یُوسف تے اُوہدی نظر کرم ہوئی تے اُوہنے یُوسف نوں اپنی خدمت گزاری وچ لے لہیا۔ فوطیفار نے اُوہنوں اپنے گھر دا مختار مقرر کیتا تے اپنا سب کُج اُوہنوں سونپ دِتا۔ جدوں توں اُوہنے اُوہنوں اپنے گھر دا مختار تے اپنے مال و متاع دا نگراں مقرر کیتا، اُودوں توں خداوند نے یُوسف دی وجہ توں اُوس مِصری دے گھر نوں برکت بخشی۔ فوطیفار دی ہر شے تے، خواہ اُو گھر دی سی یا کھیت دی، خدا دی برکت ہوئی۔ چنانچہ اُوہنے اپنی ہر شے یُوسف دے حوالہ کر دِتی تے یُوسف دی موجودگی دے باعث اُوہنوں سِوا اپنے کھان پین دے کسی ہور گل دی فکر نہ سی۔ یُوسف بڑا تنومند تے خوبصورت سی۔ تے کُج ای عرصہ دے بعد یُوسف دے آقا دی ووہٹی دی نظر یُوسف تے پئی تے اُوہنے اُوہنوں ہم بستر ہون تے مجبور کیتا۔ لیکن اُوہنے انکار کر دِتا۔ یُوسف نے اُوہنوں کہیا، میں ایس گھر دا مختار آں تے ایس وجہ توں میرے آقا نوں گھر دی فکر کرن دی لوڑ نئیں۔ اُوہنے اپنے گھر دا سارا اختیار مینوں دے رکھیا اے۔ ایس گھر وچ میرے توں وڈا کوئی نئیں تے میرے آقا نے کوئی شے میرے اختیار توں باہر نئیں رکھی سِوا تیرے کیوں جے تُو اُوہدی ووہٹی اے۔ فیر بھلا میں اینج دی ذلیل حرکت کیوں کراں تے خدا دی نظر وچ گنہگار بناں؟ گو اُوہدا اِصرار دِن بدِن ودھدا گیا لیکن یُوسف نے اُوہدے نال ہم بستر ہون توں انکار کر دِتا تے اُو اُوہدے کول آن توں وی گریز کرن لگیا۔ اِک دِن اُو کسی کم نال گھر وچ داخل ہُویا تے گھر دے لوکاں وچوں کوئی وی اندر موجود نئیں سی۔ تے فوطیفار دی ووہٹی نے اُوہدا پیراہن پھڑ لہیا تے کہیا، میرے نال ہم بستر ہو۔ لیکن اُو اپنا پیراہن اُوہدے ہتھ وچ چھڈ کے گھروں باہر نٹھ گیا۔ جدوں اُوہنے ویکھیا کہ اُو اپنا پیراہن اُوہدے ہتھ وچ چھڈ کے گھروں باہر نٹھ گیا اے تے اُوہنے اپنے گھر دے خادماں نوں اواج دِتی تے اُوہناں نوں کہیا، ویکھو! کی ایہہ عِبرانی غلام ساڈے کول ایس لئی بلایا گیا اے کہ ساڈی بے حُرمتی کرے۔ اُو ایتھے آیا کہ میری عزت لُٹ لئے لیکن میں چلان لگی۔ جدوں اُوہنے ویکھیا کہ میں مدد لئی چلا رئی آں تے اُو اپنا پیراہن میرے کول چھڈ کے گھروں باہر نٹھ گیا۔ تے اُو یُوسف دا پیراہن اُوہدے آقا دے گھر آن تیکر اپنے کول رکھے رئی۔ اُودوں اُوہنے اُوہنوں ایہہ ماجرا سنایا کہ اُو عبرانی غلام جیہنوں تُو ساڈے ہاں لہیایا اے میرے کول اندر آیا تاں جے میری عزت لُٹ لے۔ لیکن جوں ای میں مدد لئی چلائی اُو اپنا پیراہن میرے کول چھڈ کے گھروں باہر نٹھ گیا‘‘ (پیدائش 39:1۔10).

تُسی تشریف رکھ سکدے اُو۔

اِک دِن جدوں یوسف فوطیفار دے گھر وچ کم کر رہیا سی تے اُوہدی ووہٹی نے یوسف نوں پھڑ لہیا اپنے نال ہم بستر ہون لئی مجبور کرن دی کوشش کیتی۔ لیکن یوسف نے خود نوں جھٹکا دے کے اُوہدے توں چُھڑا لہیا، لیکن اُوہدے ہتھ وچ اپنے لباس دا ٹکڑا چھڈ کے نٹھ گیا۔

ایہہ آزمائش شاید دوجے نوجوان لوکاں لئی ناقابلِ مزاحمت رہ چکی ہوئے، لیکن یوسف اُوہدے تے غالب آیا سی۔ اُو جلدی نال اُوہدے تے غالب فوراً پرے ہو جان توں آیا سی۔ کُج آزمائشاں تے اُوہدا سمنا کرن دے ذریعے نال قابو پایا جا سکدا اے، لیکن جنس تے شہوت نال تعلق رکھدی ہوئی آزمائشاں نٹھن توں ای قابو کی جا سکدیاں نے (2۔ تیموتاؤس 2:22 کہندی اے، ’’جوانی دی بُری خواہشاں توں نٹھ‘‘)۔ یوسف دی فتح – خدا دے نال اُوہدی بھرپور وفاداری – فوطیفار دے نال جیہڑا اُوہدے تے اِیس قدر پرہوسا کردا سی اُوہدے نال وفاداری، تے خود دے نال وفاداری، ایس لئی اُوہدی پاکیزگی نے آلودگی توں دوری قائم کیتے رکھی۔ خُدا دی خاطر اُو بدکار عورت دی خواہش نوں پورا کرن دے وجائے جیل چلا جاندا۔ فوطیفار دی خاطر اُوہنے خود دا دفاع نئیں کیتا، کہ اُوہدے آقا دی ووہٹی دی بے عزتی نہ ہو جائے۔ لہٰذا اُو خاموش ای رہیا۔ جدوں فوطیفار واپس گھر لوٹیا، اُوہنے اپنی ووہٹی دے اِلزام نوں من لہیا، تے یوسف نوں جیل وچ پا دِتا۔

جنوبی ہوا – ترقی تے دوستانہ –
پیدائش39:21۔40:22

پیدائش39:19۔22 آیات کھولو۔ جدوں میں اینوں پڑھاں تے کھلو جاؤ۔

’’جدوں اُوہدے آقا نے اپنی ووہٹی نوں ایہہ کہندے ہوئیاں سُنیا کہ تیرے غلام نے میرے نال اینج دا سلوک کیتا تے اُو غصہ نال آگ بگولہ ہو گیا۔ یُوسف دے آقا نے اُوہنوں پھڑ کے قید خانہ وچ پا دِتا جیتھے بادشاہ دے قیدی بیڑیاں وچ رکھے جاندے سن۔ جدوں یُوسف قیدخانہ چہ سی تے خُداوند اُوہدے نال سی۔ اُو یُوسف تے مہربان ہویا تے اُوہنے قیدخانہ دے داروغہ نوں وی اُوہدا شفیق بنا دِتا۔ چنانچہ اُوس داروغہ نے اُوہناں سب قیدیاں نوں جیہڑے قیدخانہ وچ سن، یوسف دے ہتھ وچ سونپ دِتا تے اُوہنوں اوتھے دے ہر کم دا ذِمہ دار قرار دِتا‘‘ (پیدائش 39:19۔22).

تُسی تشریف رکھ سکدے اُو ۔

حالانکہ یوسف دا جسمانی ماحول بدتر لئی بدلیا، اُوہدا روحانی راسخ عقیدہ نئیں بدلیا۔ تے جیل وچ خُدا دی موجودگی اُوہدے لئی برکت بنی رئی۔

یوسف جیل وچ دوستانہ ماحول بنان دے قابل سی۔ فرعون دا ساقیاں دا سردار تے نان بائیاں دا سردار، اُو وی جیل ای وچ سن، تے خواباں توں پریشان سن۔ کوئی وی اُوہناں نوں نئیں دس سکدا سی اُوہناں خواباں دا مطلب کی سی۔ یوسف دے ذہن چہ خدا کُج وی کر سکدا سی۔ اُوہنے ساقیاں دے سردار تے نان بائیاں دے سردار دے خواباں دی تعبیر دسی۔ تِن دِناں دے بعد دوویں تعبیراں پوری ہو گئیاں۔ ساقیاں دے سردار نوں بحال کر دِتا گیا تے نان بائیاں دے سردار نوں پھانسی دے دِتی گئی۔ ایہہ یوسف دی مغربی ہوا چل رئی سی، ایتھوں تیکر کہ جیل وچ وی۔

شمالی ہوا – احسان فراموشی تے تاخیر نوں برداشت کرنا –
پیدائش40:23

پیدائش 40:23 آیت تے نظر پاؤ۔

’’لیکن ساقیاں دے سردار نے یُوسف دا خیال تیکر نئیں کیتا بلکہ اُوہنوں بھلا دِتا‘‘ (پیدائش 40:23).

یوسف دی مذید دو وریاں تیکر قید اُوہدے لئی یقیناً اِک تیز شمالی ہوا سی۔ ’’ساقیاں دے سردار نے یوسف دا خیال تیکر نئیں کیتا بلکہ اُوہناں بھلا دِتا‘‘ (پیدائش 40:23). ایہہ ساقیاں دے سردار دا ناشکرا کردار ظاہر کردا اے۔ ایس قسم دی صورتحال اِک شخص نوں اُوہدی ناشکری دے سبب دُنیا نال نفرت کرن دا باعث بنا سکدی اے لیکن یوسف نوں نئیں۔ اُوہنے خُدا دے کم کرن دا انتظار کرن دی فضیلت سِکھ لئی سی۔ خدا نے جیل وچ اُوہدی مدت نوں طویل کر دِتا سی تاں جے خُدا دے کم کرن دا انتظار کرن وچ یوسف دے صبر چہ اضافہ ہوئے تے خدا دی وفاداری تے اُوہدا اعتماد ہور گہرا ہوئے۔ خدا دی تاخیر اُوہدے غالب آن آلے لئی اُوہدے اضافی فضل دا ثبوت سی۔ بعد چہ داؤد نے کہیا، ’’خُدا دا اِنتظار کر: مضبوط ہو تے حوصلہ رکھ، تے خداوند دی آس رکھ: ٹھہرو، میں کہنا واں، خُداوند تے‘‘ (زبور27:14)۔

جنوبی ہوا – اِک بادشاہ دی حیثیت نال حکمرانی کرنا
پیدائش47:12۔31

جدوں میں پیدائش47:12۔17 آیات پڑھاں تے کھلو جاؤ۔

’’تے یُوسف نے اپنے پیو تے اپنے پراہواں تے اپنے پیو دے سب گھر آلیاں لئی اُوہناں دے بچیاں دی تعداد دے مطابق اشیاء خوردنی دا انتظام وی کر دِتا۔ چونکہ قحط نہایت شدید سی ایس لئی اُوس پورے علاقہ وچ کھان پین دی شیواں مطلق نہ سن تے مِصر تے کنعان دوویں ملک قحط دی وجہ توں تباہ ہو گئے سی۔ تے یوسف نے اناج ویچ ویچ کے مِصر تے کنعان دے لوکاں توں حاصل کیتی ہوئی ساری رقم جمع کیتی تے اُوہنوں فرعون دے محل وچ لے آیا۔ جدوں مِصر تے کنعان دے لوکاں دا سارا پیسہ خرچ ہو گیا تے مِصر دے تمام باشندے یُوسف دے کول آ کے کہن لگے، سانوں کُج کھان نوں دے ورنہ اسی تیری نظراں دے سمنے پُکھوں مر جاواں گے۔ ساڈا سارا پیسہ خرچ ہو چُکیا اے۔ اُودوں یوسف نے کہیا، اپنے مویشی لے آؤ تے میں تہانوں مویشیاں دے عوض اناج ویچاں گا کیوں جے تہاڈا پیسہ خرچ ہو چُکیا اے۔ چنانچہ اُو اپنے مویشی لے کے یُوسف دے کول آئے تے اُوہنے اُوہناں دے گھوڑیاں، اُوہناں دیاں پیڈاں تے بکریاں، اُوہناں دے گائے بیلاں تے کھوتیاں دے عِوض اُوہناں نوں اناج دِتا تے اُوس ورے اُوہناں دے تمام مویشیاں دے عِوض اُوہناں نوں اناج دے کے اُوہنے اُوہناں نوں فاقیاں توں بچائے رکھیا‘‘ (پیدائش 47:12۔17).

تُسی تشرف رکھ سکدے اُو۔

ڈاکٹر لِن نے کہیا، ’’کوئی وی سرزش جدوں ہوندی اے چنگی نئیں لگدی؛ ایہہ ہمیشہ درد بھری تے ناگوار ہوندی اے۔ لیکن ایہہ اُوہناں وچ راستبازی دا پھل لاندی اے جیہرے ایدے ذریعہ نال تربیت پاندے نے۔‘‘ عبرانیوں12:11 آیت کھولو،

’’ایدے چہ شک نئیں کہ جدوں تنبیہ کیتی جاندی اے تے اُوس ویلے اُو خُوشی دا نئیں بلکہ غم دا باعث ہوندی اے لیکن جیہڑے اُوہنوں سہہ سہہ کے پُختہ ہو جاندے نے اُو بعد وچ راستبازی تے چین دا پھل پاندے نے‘‘ (عبرانیوں 12:11).

اِیتھے ویکھو۔

اُوس دو طویل وریاں دے خاتمے تے، خُدا نے فرعون نوں اِک خواب وکھایا جیدے توں ساقیاں دے اُوس سردار نوں یاد آ جاندا اے کہ یوسف نے اُوہدے خواب دی تعبیر کیتی سی۔ اُوس ساقیاں دے سردار نے فرعون نوں کہیا کہ یوسف نوں فرعون دے خواب دی تعبیر دسن لئی کہے! خواب دا مطلب سی کہ ست سالہ فراوانی ست سالہ قحط نال ختم ہوئے گی۔ منصوبے نوں جاری رکھن لئی تے آن آلے ست سالہ قہر دی تیاری لئی فرعون نے یوسف نوں مقرر کیتا۔ فرعون ویکھ چُکیا سی کہ یوسف نوں ایس کم نوں کرن لئی مافوق الفطرت تحفہ دِتا گیا سی۔ ایویں یوسف نوں مصر دی ساری سرزمین تے حکمران مقرر کر دِتا گیا (41:38۔43). یوسف نے مصریاں تے حکمت تے ہمدردی دے نال حکومت کیتی – تے اُوہنے نظم و ضبط تے محبت دے نال اپنے پراہواں تے حکومت کیتی۔ آخرکار یوسف نوں اپنے پراہواں توں بڑھ کے عزت دِتی گئی (49:26).

ڈاکٹر لِن نے کہیا، ’’جیویں خُدا نے یوسف نوں اِک زمینی بادشاہت دی رہنمائی کرن لئی تربیت دِتی سی، اونج ای خدا اپنے غالب آن آلیاں نوں اُوہدی آن آلی بادشاہی وچ اِختیار پان لئی تربیت دیندا اے۔ نجات غیر مشروط ہوندی اے، اُوہدے چہ کوئی اعمال شامل نئیں ہوندے۔ لیکن مسیح دے نال اُوہدی بادشاہی وچ حکمرانی کرن لئی شرط اے۔‘‘ بائبل کہندی اے،

’’جے اسی دُکھ [برداشت کراں گے] چُکاں گے، تے اُوہدے نال بادشاہی وی کراں گے‘‘ (2۔ تیموتاؤس 2:12).

پادری رچرڈ وورمبرانڈ Richard Wurmbrand نے اِک کیمیونسٹ قید خانے وچ 14 وریاں تیکر دُکھ جھیلے۔ پادری وورمبرانڈ نے کہیا، ’’میں اِک مسیحی نوں وی نئیں جانندا جیہڑا مشکلات تے اندرونی جدوجہد دے باوجود وفادار رہیا ہوئے جیہڑا ایناں توں لبریز ہو کے نہ نِکلیا ہوئے‘‘ (’’جے قید دیاں دیواراں بول پاندیاں If Prison Walls Could Speak‘‘ دا دیباچہ)۔

فیر، پادری وورمبرانڈ نے کہیا، ’’میرے پراہوو تے پہنو، تہانوں یقین کرنا چائیدا اے کہ تہاڈی حیاتی خدا دے ہتھاں وچ مٹی وانگوں اے۔ اُو کدی وی غلطیاں نئیں کردا۔ جے کسی ویلے اُو تہاڈے تے سخت ہوندا اے… صرف پرہوسا کرو۔ اُوس پیغام نوں لبّو جیدے لئی اُو تہانوں تراش رہیا اے۔ آمین۔‘‘ (صفحہ 16)۔

جے تُسی غالب آن آلے بنندے اُو جیویں یوسف، تے تہاڈے نال خدا دا ایہہ وعدہ اے۔ مکاشفہ 2:26 آیت کھولو۔

’’جیہڑا غالب آئے گا تے آخر تیکر میری مرضی دے مطابق عمل کرے گا، میں اُوہنوں قوماں تے اِختیار دواں گا‘‘ (مکاشفہ 2:26).

شکریہ، ڈاکٹر ٹموتھی لِن، مینوں اُو تعلیم دین لئی جیہڑی اسی تہاڈے عظیم واعظ وچ سُن چکے آں۔ ایہنے میری حیاتی بدل ڈالی۔ ایس تعلیم تے میری جان نثار اے!

مہربانی نال کھلوو تے اج دا ساڈا حمدوثنا دا گیت گاؤ، ’’کی میں صلیب دا اِک سپاہی آں؟ Am I a Soldier of the Cross?‘‘

کی میں صلیب دا اِک سپاہی واں، برّے دے پیچھے چلن آلا،
تے کی مینوں اُوس دے مقصد نوں اپنان توں خوفزدہ ہونا چائی دا اے، یا اُوس دا ناں بولن توں شرمندہ ہونا چائی دا اے؟

کی مینوں آسمان تے سہولت دے پھولاں آلے بستراں تے لے جایا جانا چائی دا اے،
جدوں کہ دوجے انعام جیتن لئی لڑن، تے خونی سمندراں وِچوں گزرن؟

کی میرا سامنا کرن لئی کوئی دشمن نئیں؟ کی مینوں سیلاب وِچ شامل نئیں ہونا چائی دا اے؟
ایس غلیظ دُنیا وِچ اِک دوست نوں فضل دلان لئی، مینوں خُدا تیکر پہنچان لئی؟

یقیناً مینوں لڑنا چائی دا اے، جے مینوں حکومت کرنے اے؛ خُداوندا! میرے حوصلے نوں ودھا،
میں سختیاں نوں جھیلاں گا، درد نوں برداشت کراں گا، تیرے کلام دے سہارے دے وسیلے نال۔
   (’’کی میں صلیب دا اِک سپاہی آں؟Am I a Soldier of the Cross?‘‘ شاعر ڈاکٹر آئزک واٹز Dr. Isaac Watts، 1674۔1748)۔

+ + + + + + + + + + + + + + + + + + + + + + + + + + + + + + + + + + + + + + + + + + +

جے تُسی ہُنے تیکر نجات نئیں پائی اے تے میں چاہنا آں تُسی ہُنے یسوع مسیح تے پرہوسا کرو۔ اُو آسمان توں تھلے تہاڈے گناہواں دا کفارہ ادا کرن دی خاطر صلیب تے قربان ہون لئی آ گیا۔ جیس لمحے تُسی یسوع تے پرہوسا کردے اُو، اُوہدا لہو تہانوں تمام گناہواں توں پاک صاف کر دئے گا۔ مین دعا منگنا آں کہ تُسی ہُنے یسوع تے پرہوسا کرو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔