کلیسیا دا قبل ازیں قہر آلا ریپچر – حصّہ اوّل | The Pre-Wrath of the Church - Part I

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایہہ آیت واضح اے – ’’آن آلے دِناں وچ‘‘ [یعنی کہ، ساڈے زمانے وچ] ’’بعض لوکی مسیحی ایمان نال مُنہ موڑ کے گمراہ ہو جان گے‘‘ [یعنی کہ، اُو ایمان جیہڑا کدی مقدسین نوں بخشیا گیا سی،‘‘ یہوداہ 3، ’’گمراہ کرن آلی روحاں تے شیاطین دی تعلیمات ول متوجہ ہون لگن گے،‘‘ یعنی کہ، اُو شیطانی روحاں توں تے شیاطین [آسیباں] دی تعلیمات توں دھوکہ کھا جان گے۔‘‘

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

دوجے لفظاں وچ ’’آن آلا دور‘‘ شیطانی روحاں تے شیطانی تعلیمات دی خصوصیات رکھن آلا ہوئے گا، جیہڑا اُوہناں نوں بائبل دی تعلیمات توں مُنہ موڑ کے گمراہ ہون ول رہنمائی کرے گا۔ ایس گل نوں مسیح نے کوہ زیتون دے واعظ چہ واضح کر دِتا سی۔ شاگرداں نے یسوع نوں نشانی دے بارے وچ پُچھیا، ’’تیرے آن تے دُنیا [زمانے] دے آخر دا نشان کی ہوئے گا؟‘‘ (متی 24:3). یسوع نے اُوہناں نوں ایہہ کہن نال جواب دا آغاز کیتا، ’’خبردار، کوئی تہانوں گمراہ نہ کرے‘‘ (متی 24:4). تے مذید اگے، مسیح نے کہیا، ’’جھوٹے نبی… اُٹھ کھلون گے… کہ جے ممکن ہوئے تے چُنے ہوئے لوکاں نوں وی گمراہ کر دین گے‘‘ (متی 24:24). تے 2۔ تیموتاؤس 4:4 وچ خُداوند کہندا اے، ’’اُو سچائی وَلّوں اپنے کَن بند کر لین گے‘‘ (2۔ تیموتاؤس 4:4). ایویں بے شمار اقرار کرن آلے مسیحی ’’دینداراں وگری وضع تے رکھن گے لیکن حیاتی وچ دینداری دا کوئی اثر قبول نئیں کرن گے‘‘ (2 تیموتاؤس3:5)۔

ہُن میرے نال 1۔ تھسلنیکیوں 4:16۔18 آیات کھولو۔ مہربانی نال جدوں میں اینوں پڑھاں تے کھلو جاؤ۔

’’کیوں جے خُداوند خود بڑی للکار تے مقرب فرشتہ دی اواج تے نرسنگے دے پھُکے جان دے نال آسمان توں اُترے گا تے اُو سب جیہڑے مسیح وچ مر چکے نے پہلے اُو زندہ ہو جان گے۔ فیر اسی جیہڑے زندہ باقی ہواں گے اُوہناں دے نال بدلاں تے چُک لئے جاواں گے تاں جے ہوا چہ خداوند دا اِستقبال کراں تے ہمیشہ اُوہناں دے نال رہواں۔ پس تُسی ایناں گلاں نال اِک دوجے نوں تسلی دِتا کرو‘‘ (1تسالونیکیوں4:16۔18)۔

’’ویکھو، میں تہانوں اِک راز دی گل دسنا واں۔ اسی سب موت دی نیندر نئیں سوہواں گے لیکن بدل ضرور جاواں گے۔ ایہہ پَلک جھپکدے ای ہو جائے گا یعنی اِک دم جدوں آخیرلا نرسنگا پھونکا جائے گا۔ کیوں جے سارے مُردے نرسنگے دے پھونکے جان تے غیر فانی جِسم پا کے زندہ ہو جان گے تے اسی سب بدل جاواں گے۔ کیوں جے ساڈے فانی جِسم نوں بَقا دے لباس دی لوڑ اے تاں جے ایس مرن آلے جِسم نوں حیاتِ ابدی مل جائے۔ تے جدوں فانی جِسم بَقا دا لباس پہن چُکے گا تے ایہہ مرن آلہ جسم حیاتِ ابدی پالے گا تے پاک کلام دی ایہہ گل پوری ہوئے گی کہ مَوت فتح دا لُقمہ ہو گئی اے۔ اَے موت، تیری فتح کیتھے رئی؟ اَے مَوت! تیرا ڈنک کیتھے رہیا؟ مَوت دا ڈنک گناہ اے تے گناہ دا زور شریعت اے۔ مگر خدا دا شکر ہوئے کہ اُو ہمارے خداوند یسوع مسیح دے وسیلہ نال سانوں فتح بخشدا اے‘‘ (1کرنتھیوں15:51۔57)۔

اُو دوویں پیراگراف مسیحیاں دے ’’ریپچر‘‘ دی تشریح کردے نے۔ ’’اِک ای لمحہ وچ… مُردے زندہ کر دِتے جان گے… تے اسی بدل جاواں گے۔‘‘ خُداوند یسوع مسیح ’’ساڈے غلیظ بدن دی شکل نوں بدل کے اُوہنوں اپنے بدن وانگوں جلال بنا دئے گا‘‘ (فلپیوں 3:21). ’’اُو سب جیہڑے مسیح وچ مر چکے نے پہلاں اُو زندہ ہو جان گے۔ فیر اسی جیہڑے زندہ باقی ہواں گے اُوہناں دے نال بدلاں تے چُک لیے جاواں گے تاں جے ہوا چہ خداوند دا اِستقبال کراں‘‘ (1تسالونیکیوں4:16۔17)۔

لیکن اُو ریپچر رونما کدوں ہوئے گا؟ میں ریپچر وچ یقین رکھنا واں۔ لیکن ایہہ ریپچر آئے گا کدوں؟ کُج کہندے نے ایہہ قریب ای اے – ایہہ کسی وی ویلے ہو جائے گا۔ کُج کہندے نے ایہہ بہت وڈی مصیبتاں [دے زمانے] توں بالکل پہلے آ جائے گا۔ کُج کہندے نے ایہہ بہت وڈی مصیبتاں [دے زمانے] دے وسط چہ آ جائے گا۔ فیر وی دوجے لوکی کہندے نے ایہہ بہت وڈی مصیبتاں [دے زمانے] دے بعد آئے گا۔

بہت وڈی مصیبتاں [دے زمانے] توں قبل ازیں آلا ریپچر سب توں زیادہ سمجھ چہ آن آلی عام گل اے۔ کیوں جے کئی وریاں تیکر تے میں یقین کردا رہیا سی کہ ریپچر ست سالہ مصائب [دے زمانے] توں بالکل پہلاں آ جائے گا۔

مصائب [دے زمانے] توں پہلاں ریپچر دے رونما ہون دے تصور دا، اِک قائم شُدہ نظریے دی حیثیت نال، سال 1830 وچ جان ڈربی John Darby تیکر سُراغ لگایا جا سکدا اے یا 1828 تیکر جدوں مارگریٹ میکڈونلڈ نامی اِک کرشماتی ’’غیب دان‘‘ خاتون نے پہلاں ایدی تعلیم دِتی سی۔ دوویں ای معاملیاں وچ ریپچر دا قبل ازیں قہر آلے نظریے نوں 1828 یا 1830 توں پہلاں نئیں لبھیا جا سکدا۔ (ویکھو ھنری ہڈسن Henry Hudson، ’’آمدثانی تے نظرِثانی A Second Look at the Second Coming،‘‘ ماسیلون Massillon، OH، کلوری چیپلCalvary Chapel، 3)۔

ایتھے لوکاں دی اِک فہرست اے جیہڑے بہت وڈے مصائب [دے زمانے] توں قبل ریپچر وچ یقین نئیں رکھدے سی؛ جان حس John Huss، جان کلون John Calvin، جارج وائٹ فیلڈ George Whitefield، جاناتھن ایڈورڈز Jonathan Edwards، جان وائے کلِفJohn Wyciffe، جان بنیعن John Bunyan، جان ویزلیJohn Wesley، چارلس ویزلی Charles Wesley، سی۔ ایچ۔ سپرجیئنC. H. Spurgeon، میتھیو ھنری Mathew Henry، جان ناکس John Knox، آئزک نیوٹنIsaac Newton، ڈاکٹر آئزک واٹز Dr. Isaac Watts، اے۔ بی۔ سیمپسن A. B. Simpson، جارج میوایلر George Mueller تے بہتیرے دوجے لوکی، جیویں ڈاکٹر جان سُنگ Dr. John Sung یا ڈاکٹر ٹموتھی لِن Dr. Timothy Lin.

I. پہلی گل، میں کیویں بہت وڈی مصیبتاں [دے زمانے] توں پہلاں دے ریپچر نوں نئیں منیا سی۔

کیلیفورنیا دے ہونٹینگٹن پارک دے پہلے بپٹسٹ گرجا گھر وچ اِک نوبالغ دی حیثیت نال میں سب توں پہلاں ایس نظریے نال آگاہ ہویا سی۔ میرے سنڈے سکول دے اِساتذہ وچوں اِک نوں بائبل دی پیشنگوئیاں چہ انتہائی دلچسپی سی۔ اُو مغربی بپٹسٹ مواد دا استعمال کرن دے بجائے سانوں بائبل دی پیشن گوئیاں دی تعلیم دیندے سی۔ اُوہناں نے سانوں بہت وڈی مصیبتاں [دے زمانے] دے واقعات، ریپچر، دشمن مسیح [دجال] تے مسیح دی آمدثانی دی تعلیم دِتی سی۔

اُوہدے بعد زیادہ عرصہ نئیں لنگیا سی کہ اُوہناں نے سٹاک مارکیٹ وچ پیسا لگایا۔ اُوہناں دی ’’لاٹری نکل آئی‘‘ تے راتوں رات اُو اِک لکھ پتی بن گئے! لیکن فیر اُوہناں نے اپنی ووہٹی نوں طلاق دے دِتی تے اِک نوجوان عورت نال شادی کر لئی۔ تے فیر اُوہناں نے سٹاک مارکیٹ وچ اِک ہور وری پیسا لگایا تے ’’کنگال ہو گئے۔‘‘ اُو تھوڑے دیوانے ہو گئے، اِک پستول خریدی تے بنک نوں لُٹیا۔ جیل وچ ویلہ لنگاہ چُکن دے بعد، میں اُوہناں نوں فیر ویکھیا، ’’کی ہوندا جے ریپچر اُوس ویلے آ جاندا جدوں تہاڈے ہتھ وچ تہاڈی پستول سی؟‘‘ اُوہناں نے کہیا، ’’اُوہ، پستول فرش تے ڈِگ چُکی ہوندی تے میں ہوا چہ مسیح نال ملن لئی پرواز کر چُکیا ہوندا۔‘‘

میں اُوسی لمحے وچ احساس کر لہیا کہ بائبل دی پیشن گوئی تے ریپچر نے اُوہناں دے دنیادارانہ، گناہ نال بھرپور دِل نوں رَتّی برابر وی نئیں بدلیا سی! اُوہدے بعد توں میری بائبل دی پیشن گوئی وچ زیادہ دلچسپی نئیں رئی سی!

چند اِک ورے بعد اُتے شمال وچ اِک بپٹسٹ سیمنری توں میں واپس لاس اینجلز آ گیا۔ میں ایتھے لاس اینجلز وچ اِک گرجا گھر شروع کرنا چاہندا سی۔ پیعٹ میٹریشیانہ Pat Matrisciana نامی اِک بیلی نے مینوں دسیا اُو اِک تھاں جانندا سی جیہنوں نوجوان لوکاں لئی اِتوار دے دِن جان لئی اِک گرجا گھر دی لوڑ اے۔ اُو UCLA کیمپس دے قریب اِک مشترکہ بائبل سکول تے ڈورمیٹوری [کالج یا یونیورسٹی دی عمارت جیدے چہ طُلبہ دے رہن لئی کوارٹرز ہون] سی، جیہنوں چلان آلے تے جیدے مالک ہال لِنڈسے Hal Lindsey سی۔ اُوس ویلے لِنڈسے تے دوجے حضرات بائبل دی پیشن گوئی دی تعلیم دیندے سی، جیدے چہ شدید زور ریپچر تے دِتا جاندا سی۔ اُوہناں وچوں بے شمار سوچدے سی کہ ریاست دے سیکریٹری صاحب ڈاکٹر ھنری کیسنگر Dr. Henry Kissinger دشمن مسیح [دجال] سی۔ لہٰذا میں کُج پوسٹرز لگائے جنہاں تے لکھیا سی کہ میں اگلے اِتوار نوں ’’ڈاکٹر کیسنگر تے دشمن مسیح [دجال]‘‘ تے تبلیغ کراں گا۔ مینوں ہُن وی اُوس واعظ دا بنیادی خاکہ یاد اے:

1. کیوں ھنری کیسنگر دشمنِ مسیح [دجال] نئیں ہو سکدے، مکاشفہ 13:1؛ دانی ایل 9:27۔

اُو پرانی طرز دا اِک چنگا انجیلی بشارت دی تعلیم دا واعظ سی، جیدے آخر وچ واضح طور تے خوشخبری نوں پیش کیتا گیا سی۔

اُوہناں نے آخر چہ میرے تے پُرزور وار کیتا۔ اُوہناں نے مینوں ’’اِک لیگالِسٹ legalist‘‘ تے اِک آمر کہیا۔ میں دُرست سی: ڈاکٹر کیسنگر دشمن مسیح [دجال] نئیں بنے سی! اُوس دوپہر نوں میں لائٹ اینڈ پاور ہاؤس نوں چھڈ دِتا۔ میں اِک چنگے ضمیر دے نال اوتھے بس تبلیغ نئیں کر سکدا سی۔ ڈاکٹر اے۔ ڈبلیو۔ ٹوزر Dr. A. W. Tozer نے کہیا،

’’اِخلاقی اِطلاق دے بغیر بائبل دی تفسیر کوئی مخالفت کھڑی نئیں کردی۔ ایہہ صرف اُوسی ویلے ہوندا اے جدوں سُنن آلے نوں سمجھایا جائے کہ سچائی اُوہدے دِل دے نال جیہنوں مزاحمت نے جکڑیا ہویا اے کشمکش وچ اے۔‘‘ (تفسیر دا اِطلاق ضرور ہونا چائیدا اے Exposition Must Have Application‘‘)۔

اُو دوجی وری سی جدوں مینوں احساس ہویا سی کہ قبل ازیں قہر آلا ریپچر اُوہناں بہتیریاں لوکاں دی مدد نئیں کردا جیہڑے اُوہدے وچ یقین رکھدے سی۔

II. دوجی گل، میں کیویں یقین لہیایا سی کہ بہت وڈی مصیبتاں توں پہلاں دا ریپچر فطرت وچ شیطانی اے۔

مہربانی نال اپنی بائبل مکاشفہ 12:12ب لئی کھولو۔

’’اے زمین تے سمندر وچ رہن آلیوں تہاڈے تے افسوس! ایس لئی کہ ابلیس تھلے تہاڈے کول سُٹ دِتا گیا اے، اُو قہر نال بھریا ہویا اے، کیوں جے اُو جانندا اے کہ اُوہدی حیاتی دا جلد ای خاتمہ ہون آلا اے‘‘ (مکاشفہ 12:12ب)۔

ابلیس نوں بائبل دی پیشن گوئی دے بارے چہ ساڈے توں ودھ معلوم اے۔ اُو جانندا اے کہ اُوہدی بُری حکمرانی دا تقریباً خاتمہ ای اے۔ اُو جانندا اے کہ اُوہدی ’’حیاتی دا جلد ای خاتمہ ہون آلا اے۔‘‘ ایہی وجہ اے کہ ابلیس آخیرلے ایام وچ شیطانی تعلیمات دی ایس قدر زیادہ بھرمار لہیا چُکیا اے!

خدا دا شکر اے کہ اُوہنے ماروِن جے۔ روزنتھال دی ’’کلیسیا دا قبل ازیں قہر آلا ریپچر‘‘ لکھن وچ رہنمائی کیتی۔ ایس کتاب نوں لکھن لئی ایس شخص نوں زمین تے جہنم وچوں لنگنا پیا۔ میں خدا دا شکر ادا کرنا آں کہ اُوہنے لکھ لئی۔ اُوہدی کتاب دا پِچھلا سرورق کہندا اے،

     تِی وریاں تیکر اِک پکا بہت وڈی مصیبتاں توں قبل تے یقین رکھن آلا، اُو ہُن یقین کردا اے کہ کلیسیا نوں دشمن مسیح [دجال] دی اذیتاں نوں برداشت کرنا پئے گا: ’’خُدا نے اپنے بچیاں نال کدی وی ایس بے دین دُنیا دی آزمائشاں توں یا دشمن مسیح [دجال] دے حملے توں بچن دا وعدہ نئیں کیتا سی۔ اُوہنے وعدہ کیتا سی، ’تُسی خدا [پاک روح] توں اُو تے اُوہناں تے غالب آ گئے اُو کیوں جے جیہڑا تہاڈے چہ اے اُو اُوہدے توں جیہڑا دُنیا وچ اے کئیں وڈا اے‘ (1۔ یوحنا 4:4).‘‘ ایس حقیقت دے نظریے وچ کہ مسیحیاں نوں ’’بہت وڈی مصیبتاں‘‘ دے دورانیے دے تمام تر مظالم توں فرار نئیں ملے گا، روزنتھال آخیرلے ایام دی واضح سمجھ دی روشنی وچ دیندار حیاتی بسر کرن دی خواہش کردا اے تاں جے اسی شیطان دی شدید ترین مخالفت لئی تیار ہو جاواں۔
">     روزنتھال تاہم، یقین رکھدا اے کہ کلیسیا خدا دے قہر توں بچ جائے گی، جیہڑا نازل کیتا جائے گا تے جیدا آغاز مکاشفہ دی ستویں مہر دے کھُلن دے نال ہوئے گا جیہڑا ’’بہت وڈی مصیبتاں‘‘ دے دورانیے دے دوجے ادھے حصے وچ ہوئے گا۔ ’’کیوں جے خدا نے سانوں اپنے غضب لئی مقرر نئیں کیتا اے بلکہ ایس لئی کہ اسی اپنے خداوند یسوع مسیح دے وسیلے نال نجات حاصل کراں‘‘ (1تسالونیکیوں5:9)۔
">     اِک پڑھے جان آلے، معلوماتی انداز چہ، پنجی چارٹس دے نال مکمل شُدہ، روزنتھال بائبل دی پیشن گوئیاں تے اِک تازہ نظر پاندے نے جنہاں دا تعلق آخیرلے زمانے دے واقعات نال اے تے ساڈی سمجھن چہ مدد کردے نے کہ ساڈی روزمرہ مسیحی حیاتی وچ اُوہناں دا کی تاثر ہونا چائیدا اے۔

ماروِن روزنتھال دی کتاب ’’کلیسیا دا قبل ازیں قہر آلا ریپچر‘‘ دا آرڈر Amazon.com تے دیو۔ اِینوں شروع توں لے کے آخر تیکر دھیان نال پڑھو۔ اپنے پادری صاحب نوں وی پڑھن لئی کتاب دیو۔

میں یقین کرنا واں، قبل ازیں قہر آلا ریپچر، اپنے نقطۂ آغاز ای وچ شیطانی اے۔ ایہہ اِک جھوٹی تعلیم یا فلسفہ اے!

جے روزنتھال دُرست نے، تے ’’کلیسیا [اُوس بہت وڈی مصیبتاں] دے دورانیے وچ بِنا تیاری لئی داخل ہو جائے گی، روحانی طور تے برہنہ، قابل شکست، تے دشمن مسیح [دجال] دے دھوکے نوں کھان لئی کسی پکے ہوئے پھل وانگوں۔ ایدے نفسیاتی اطلاق تباہ کُن ہون گے‘‘ (صفحہ 281)۔ میں یقین کرنا واں کہ والڈریپ تے چعین دے تقریباً سارے دے سارے ای لوکی ’’درندے دی علامت‘‘ پان گے تے فنا ہو جان گے!

’’تے اُو برّہ دے لہو تے اپنی گواہی دی بدولت اُوہدے تے غالب آئے، تے اُوہناں نے اپنیاں جاناں تیکر نوں عزیز نہ سمجھیا تے ایتھوں تیکر کہ موت وی گوارا کر لئی‘‘ (مکاشفہ 12:11)۔

میں پہلاں مکاشفہ 4:1 تے سیکوفیلڈ دی غور طلب گل توں اُلجھن وچ سی جیہڑی کہندی اے، ’’اُو لفظ ’کلیسیا‘ مکاشفہ چہ فیر رونما نئیں ہوندا اے جدوں تیکر کہ تمام گلاں پوری نئیں ہو جاندیاں‘‘ (مکاشفہ 4:1). میں اُلجھن وچ سی کیوں جے ایہہ واضح سی کہ بہت وڈی مصیبتاں [دے زمانے] چہ اُوہدے بعد یقینی طور تے بہت زیادہ مسیحی سی۔ اوتھے 144,000 یہودی ایماندار ہون گے (مکاشفہ 7:2۔8). اوتھے غیریہودیاں دا اِک بہت وڈا ہجوم وی ہوئے گا جیہڑا اُوس بہت وڈی مصیبتاں [دے زمانے] دے دوران نجات پان گے (مکاشفہ 7:9۔17). ایہہ اُو لوکی نے جیہڑے بہت وڈی مصیبت [دے زمانے] وچوں نکل کے آئے نے تے اُوہناں نے اپنے جامے برّہ دے لہو وچ دھو کے سفید کیتے نے‘‘ (مکاشفہ 7:14). فیر سیکوفیلڈ دی غور طلب گل کہندی اے، ’’اُو بہت وڈی مصیبت [دا زمانہ] … نجات دا دورانیہ ہوئے گا‘‘ (مکاشفہ 7:14 تے غور طلب گل)۔ اُو واضح طور تے بہت وڈی مصیبتاں [دے زمانے] وچ کلیسیا اے۔ اُوس لفظ [کلیسیا دا تذکرہ نئیں اے، لیکن عالمگیری کلیسیا دے لوکی اوتھے ہون گے۔

’’کلیسیا‘‘ ایس لئی اُوس بہت وڈی مصیبت [دے زمانے] دے سارے دور چہ موجود اے۔ اُو برّہ دے لہو دے وسیلے نال‘‘ تے اپنی گواہی دی بدولت تے اپنیاں جاناں نوں عزیز نہ سمجھن تے موت تیکر نوں گوارا کر لین دی وجہ توں‘‘ شیطان تے قابو پان گے (مکاشفہ 12:11).

ایس سوال نوں میرے لئی مارون جے۔ روزنتھال دی کتاب ’’کلیسیا دا قبل ازیں قہر آلا ریپچر The Pre-Wrath Rapture of the Church‘‘ نے حل کیتا (تھامس نیلسن پبلیشرز، 1990). مینوں اُمید اے کہ اُوہدے تے تنقید کرن توں پہلاں تُسی ساری کتاب پڑھو گے۔ بائبل کہندی اے، ’’جیہڑا شخص گل سُنن توں پہلاں ای اُوہدا جواب دیندا اے اُوہدے توں اُوہدی حماقت تے خجالت ظاہر ہوندی اے‘‘ (اِمثال18:13)۔

ہُن مکاشفہ 2 باب کھولو۔ ایتھے مسیح اپنی تعلیمات دا آغاز ست کلیسیاواں نال کردا اے۔ سیکوفیلڈ بائبل ستاں کلیسیاواں دے بارے وچ اِک جھوٹا نظریہ پیش کردی اے۔ اُو کہندی اے کہ اُو [کلیسیاواں] بالکل صحیح ترتیب وچ… کلیسیا دی روحانی تاریخ اے۔‘‘ میں اُوس گل تے اِک طویل مدت تیکر یقین کیتا سی۔ ایشیا مائی نر Asia Minor وچ بے شمار کلیسیاواں سن، جیہڑا کہ اج دے دور دا تُرکی اے۔ مکاشفہ دے باب 2 تے 3 چہ ست کلیسیاواں نوں دو وجوہات دی بِنا تے کئی کلیسیاواں وچوں منتخب کیتا گیا سی – (1) 7 نمبر مکمل ہون دا عدد اے؛ (2) اُوہناں کلیسیاواں نے بہت وڈی مصیبتاں [دے زمانے] دے دوران مسیحیت دی کمزوریاں تے طاقت ظاہر کر دِتیاں نے۔ صرف ایہہ نظریہ ای پہلی صدی دی ست کلیسیاواں لئی خطوط نوں اِک کتاب چہ جیہڑی کہ پوری طرح نال انبیانہ اے شامل ہون دا جواز پیش کردا اے۔

ایتھے اے اِک وعدہ جیہڑا کہ غالب آن آلیاں نال کیتا گیا اے تے جیہڑا ساری دی ساری ست کلیسیاواں وچ عام اے۔ اُو جیہڑے غالب آن گے اُوہناں نوں انعام نال نوازا جائے گا۔ ویکھو مکاشفہ 2:7۔

’’جیدے کن ہون اُو سُنے کہ پاک روح کلیسیاواں نوں کی فرماندا اے؛ جیہڑا غالب آندا اے میں اُوہنوں حیاتی دے درخت دا پھل کھان لئی دواں گا جیہڑا خدا دے فردوس چہ اے‘‘ (مکاشفہ 2:7)۔

غور کرو کہ ایہہ وعدہ اُوس کلیسیا وچ ہر کسی لئی نئیں اے۔ ایہہ وعدہ کلیسیا وچ صرف اُوہناں افراد لئی پیش کیتا گیا اے جیہڑے غالب آندے نے – اُو، جیہڑا، جیہڑا کوئی، سب لئی نئیں بلکہ ’’جیہڑا غالب آندا اے اُوہدے لئی۔‘‘
غالب آن دا مطلب ہوندا اے شیطان تے فتح پانا، تے دشمن مسیح [دجال] تے فتح پانا، مشکلات تے فتح پانا۔ اُو مسیح دی خاطر مرن لئی تیار نے، جے غالب آن آلا بنن لئی ایدی لوڑ پیندی اے۔ جیویں کہ ڈاکٹر ٹِموتھی لِن نے نشاندہی کیتی سی – اُو غالب آن آلے آن آلی بادشاہی دا عملہ نے۔ بائبل کہندی اے، ’’جے اسی دُکھ چُکاں گے تے اُوہدے نال بادشاہی وی کراں گے۔ جے اسی اُوہدا انکار کراں گے تے اُو وی ساڈا انکار کرے گا‘‘ (2 تیموتاؤس2:12)

’’جیہڑا غالب آئے گا اُوہنوں دوجی موت توں کوئی ضرر نئیں پہنچے گا‘‘ (مکاشفہ2:11)۔

’’جیہڑا غالب آئے گا میں اُوہنوں پوشیدہ منّ وچوں دواں گا، میں اُوہنوں اِک سفید پتھر وی دواں گا‘‘ (مکاشفہ 2:17)۔

اُوس سفید پتھر دا مطلب اے کہ اُو غالب آن آلا جدوں مسیح واپس لوٹے گا تے خُدا دی حضوری وچ رہائی دا تجربہ کرے گا۔

’’اُو جیہڑا غالب آئے گا تے آخر تیکر میری مرضی دے مطابق عمل کرے گا میں اُوہنوں قوماں پر اِختیار دواں گا‘‘ (مکاشفہ 2:26)۔

’’جیہڑا غالب آئے گا اُوہنوں اینج ای سفید پوشاک پہنائی جائے گی تے میں اُوہدا ناں کتابِ حیات توں ہرگز خارج نئیں کراں گا بلکہ اپنے پیو تے فرشتیاں دے سمنے اُوہدے ناں دا اِقرار کراں گا‘‘ (مکاشفہ3:5)۔

’’اُو جیہڑا غالب آئے گا میں اُوہنوں اپنے خدا دی ہیکل وچ اِک ستون بنا دواں گا۔ اُو اوتھوں کدی وی باہر نئیں نکلے گا تے میں اُوہدے تے اپنے خدا دا ناں تے اپنے خدا دے شہر دا ناں لکھاں گا یعنی نئے یروشلیم دا ناں جیہڑا میرے خدا وَلّوں آسمان توں اُترن آلا اے تے میں اُوہدے تے اپنا نیا ناں وی تحریر کراں گا‘‘ (مکاشفہ3:12)۔

’’جیہڑا غالب آئے گا میں اُوہنوں اپنے نال اپنے تخت تے بِٹھاواں گا جیویں میں غالب آیا تے اپنے پیو دے نال اُوہدے تخت تے بیہہ گیا‘‘ (مکاشفہ 3:21)۔

اُو تعلیم کہ ریپچر ست سالہ بہت وڈی مصیبتاں [دے زمانے] دے شروع وچ رونما ہوئے گا کُلی طور تے جھوٹی اے۔ روزنتھال کہندے نے، ’’کسی وی قبل ازیں مصائب دے دور آلے ریپچر دی تلاوتاں دی بھُل چُک دی وجہ واضح اے – کوئی وجہ نئیں اے … ایتھے واضح طور تے قبل ازیں بہت وڈی مصیبتاں [دے زمانے] دے ریپچر دی تعلیم نال متعلق کوئی وی بائبل دی تاویلی تنقید نئیں اے‘‘ (روزنتھال، صفحہ 280). جے کلیسیا نوں بہت وڈی مصیبتاں [دے زمانے] توں لنگنا ای اے، تے ریپچر دی جھوٹی تعلیمات جیہڑی مان لہیا جائے کہ خود غرض امریکی ایونجلیکلز نوں اُتے آسمان وچ لے جاندی اے ایدے توں پہلاں کہ کوئی بہت وڈی مصیبتاں [دا زمانہ] ہوندا اے، میری رائے چہ، اپنے نقطۂ آغاز ای وچ شیطانی اے۔ ایدے باوجود ڈاکٹر ڈیوڈ یرمیاہ Dr. David Jeremiah ایس جھوٹی تعلیم دی تبلیغ ہر ہفتے اپنے ٹیلی ویژن پروگرام چہ کردے نے۔ کیوں خودغرض امریکیاں دا ریپچر ہونا چائیدا اے جدوں کہ اُوہناں نے بہتر مسیحیاں تے ’’تیجی دُنیا‘‘ وچ اذیتاں دِتے جانا جاری اے؟‘‘ میں اُوس سوال دا جواب کدی وی نئیں سُنیا۔ کی تُسی سُنیا؟

سانوں غالب آن آلیاں دی حیثیت نال مسیح دے نال اُوہدی آن آلی بادشاہی وچ حکمرانی کرن لئی ہُنے توں تیار ہونا چائیدا اے۔ ’’جے اسی دُکھ چُکاں گے تے اُوہدے نال بادشاہی وی کراں گے۔ جے اسی اُوہدا انکار کراں گے تے اُو وی ساڈا انکار کرے گا‘‘ (2 تیموتاؤس2:12)

کی میں صلیب دا اِک سپاہی واں، برّے دے پیچھے چلن آلا،
تے کی مینوں اُوس دے مقصد نوں اپنان توں خوفزدہ ہونا چائی دا اے، یا اُوس دا ناں بولن توں شرمندہ ہونا چائی دا اے؟

کی مینوں آسمان تے سہولت دے پھولاں آلے بستراں تے لے جایا جانا چائی دا اے،
جدوں کہ دوجے انعام جیتن لئی لڑن، تے خونی سمندراں وِچوں گزرن؟

کی میرا سامنا کرن لئی کوئی دشمن نئیں؟ کی مینوں سیلاب وِچ شامل نئیں ہونا چائی دا اے؟
ایس غلیظ دُنیا وِچ اِک دوست نوں فضل دلان لئی، مینوں خُدا تیکر پہنچان لئی؟

یقیناً مینوں لڑنا چائی دا اے، جے مینوں حکومت کرنے اے؛ خُداوندا! میرے حوصلے نوں ودھا،
میں سختیاں نوں جھیلاں گا، درد نوں برداشت کراں گا، تیرے کلام دے سہارے دے وسیلے نال۔
(’’کی میں صلیب دا اِک سپاہی آں؟Am I a Soldier of the Cross?‘‘ شاعر ڈاکٹر آئزک واٹز Dr. Isaac Watts
[ڈاکٹر واٹز بہت وڈی مصیبتاں دے دور توں پہلاں ریپچر تے یقین نئیں رکھدے سی]، 1674۔1748)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔