بزرگان دا سربراہ حنوک | The Patriarch Enoch

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

واعظ توں پہلاں گیت گایا: ’’ میں خواہش کرنا آں اسی تمام تیار ہوئے ہوندے I Wish We’d All Been Ready‘‘ (شاعر لیری نارمن Larry Norman، 1947۔2008؛ ڈاکٹر ہائیمرز نے ترمیم کیا)۔

ایہہ [کلام پاک دے ایس حصے وچ سانوں دس رہیا اے کہ لوکی کدی تقریباً اِک ہزار برس تیکر جین دے قابل ہویا کردے سی، کہ اسی دنیا دے اولین ماحول دی حیرت انگیز فطرت وچوں کُج نہ کُج نتیجہ اخذ کردے آں‘‘ (ھنری ایم۔ مورس، پی ایچ۔ ڈی۔ Henry M. Morris, Ph. D.، پیدائش دا ریکارڈ The Genesis Record، بیکر کُتب گھر Baker Book House، 1986 ایڈیشن، صفحہ 151)۔

جان میک آرتھر John MacArthur نے اِیدے تے اِک کارآمد غور طلب گل کہی،

’’حیاتی دی غیر معمولی لمبائی دا حساب کتاب سیلاب توں پہلاں دے ماحول توں ہوندا اے جیہڑا زمین نوں پانی دی اِک چھتری دے تحت فراہم کیتا جاندا اے، سورج دی الٹرا وایلیٹ شعاعاں نوں چھانندا اے تے زیادہ معتدل حالت پیدا کردا اے… ایویں حیاتی وچ توسیع ہوندی اے‘‘ (میک آرتھر دا مطالعۂ بائبل The MacArthur Study Bible، 1997 ایڈیشن، پیدائش5:5 تے پیدائش1:7 تے غور طلب گل)۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

تے ایتھے، نوح دے دور دے سیلاب دے دِناں توں پہلاں، اسی خاندان دے سربراہ حنوک دی حیاتی دے بارے وچ پڑھنے آں۔ ایہہ اِک بُرا دور سی۔ لوکی خُدا نوں بھُل چُکے سی تے خُدا نوں اپنیاں حیاتیاں وچوں نکال چکے سی۔ ایہہ دُنیاوی انسان دوستی، بے اعتقادی، اِنتشار تے گناہ دا دور سی۔ ایہہ اَج کل دے لوکاں دے سوچن تے حیاتی گزارن دے انداز توں بالکل یکساں سی۔ یسوع نے کہیا،

’’جیویں نوح دے دِناں وچ ہویا سی اونج ای اِبنِ آدم دی آمد دے ویلے ہوئے گا۔ کیوں جے طوفان توں پہلاں دے دِناں وچ لوکی شادی بیاہ کردے کراندے سی۔ نوح دے کشتی وچ داخل ہون دے دِن تیکر ایہہ سب کُج ہوندا رہیا۔ اُوہناں نوں خبر تک نہ سی کہ کی ہون آلا اے، ایتھوں تیکر کہ طوفان آیا تے اُوہناں ساریاں نوں وگا لے گیا۔ ابنِ آدم دی آمد وی ایویں ای ہوئے گی‘‘ (متی24:37۔39)۔

دو وری ایہہ کہیا گیا، ’’حنوک خدا دے نال نال ٹُردا رہیا‘‘ (پیدائش 5:22) تے فیر، پیدائش 5:24 وچ، ’’حنوک خُدا دے نال نال ٹُردا رہیا۔‘‘ ایس جملے دا مطلب ہوندا اے کہ حنوک ایمان آلا اِک شخص سی، اُوس دور وچ جدوں باقی ہر کوئی خدا وچ بغیر ایمان دے سی۔ عبرانیوں 11:5۔6 وچ سانوں دسیا گیا اے،

’’ایمان ای توں حنوک … اُوہدے حق وچ گواہی دِتی گئی کہ اُو خداوند نوں پسند سی۔ کیوں جے ایمان دے بغیر خدا نوں پسند آنا ممکن نئیں۔ پس واجب اے کہ خدا دے کول جان آلا ایمان لہیائے کہ خدا موجود اے تے اُو اپنے طالباں نوں اجر دیندا اے۔‘‘

ہُن جدوں کہ ہر کوئی صرف اپنی حیاتی دے بارے وچ سوچ رہیا سی، زیادہ پیسے بنا رہیا سی، مادی اشیاء دا انبار لگا رہیا سی تے ’’کھاندا پیندا تے شادیاں کردا کراندا پھر رہیا سی‘‘ (متی 24:38)، حنوک نے مختلف نظریہ اپنایا، جیویں رابرٹ فراسٹ Rober Frost نے، جیہنے کہیا،

میں اِک آہ دے نال ایہہ گل دسنا آں
کِتھے ایویں ای زمانے تے زمانے گزرے؛
دو سڑکاں اِک جنگل وچوں نکلدیاں سن، تے میں –
جیدے تے کم سفر ہویا سی اُوہنوں اپنا لہیا،
تے اینے سب کُج پلٹ کے رکھ دِتا۔
(رابرٹ فراسٹ Robert Frost ’’اُو راہ جیہڑی اپنائی نہ گئی The Road Not Taken‘‘)۔

حنوک نے خُدا دے نال نال چلدے رہن نوں چُنیا سی۔ اُوہدے لئی ایہہ کوئی آسان راہ نئیں سی۔ اِک نوعمر دی حیثیت نال میں جاننا سی میں گمراہ ہو گیا سی۔ میں جاننا سی کہ میری مدد کرن لئی کوئی وی نئیں سی – مینوں سون لئی چھت یا بستر دین آلا کوئی نئیں سی – ٹیوشن فیس تے کتاباں دی ادائیگی لئی میری مدد کرن آلا کوئی نئیں سی – کالج تے سیمنری وچ پڑھائی کرن لئی میری مدد کرن آلا کوئی نئیں سی۔ ہر کسی نے سوچیا سی میں اِک خواب ویکھن آلا سی۔ اِک کلّا مشنری بنن لئی اِک ’’عام‘‘ نوجوان دن وچ 16 گھنٹے محنت کر کے اپنی جوانی دی قربانی کیوں دے گا؟ میرے اہل خانہ دے لوکاں نے کہیا کہ مین بیوقوف سی۔ لیکن خدا نے مینوں کہیا کہ ایناں دیاں گلاں نہ سُن۔ خُدا نے مینوں اُوہدے نال نال چلن لئی کہیا، چاہے ایدی کوئی وی قیمت چکانی پئے! ایویں میں نوجواناں دی حیثیت نال خود نوں لبن آلی مادیت دی فطرت پسندی دی دنیا وچ خدا دے نال نال چلنا سِکھیا۔ جدوں اُو جنسی تعلقات، جوا تے تفریح دا پِچھا کردے رئے تے میں کَلّا ای دشوار حالات وچ خدا دے نال مل کے ٹُردا گیا۔ میرے رشتہ دار نے مینوں کہیا، ’’رابرٹ، میں تہانوں ٹیجوآنہ Tijuana وچ اِک رنڈی خانے وچ لے کر چلنا آں۔ اوتھے کُڑیاں خوبصورت نے!‘‘ میں کہیا، ’’جونی Johny، میں ایہہ نئیں کر سکدا۔‘‘ بہت ای جلد جونی دا انتقال ہو گیا تے میں اُوہنوں دفن کیتا۔ کُج عرصے دے بعد، دوجے وی مر گئے سی۔ میں اُوہناں دیاں آخیرلی رسماں جیس قدر ممکن ہو سکیا کرائیاں۔ رات دے ویلے کالج توں نمٹن لئی میں اپنی ہمت نال کم لہیا جدوں کہ دِن وچ اَٹھ اَٹھ گھنٹے کم کیتا۔ لیکن میں خُدا دے نال نال ٹُردا رہیا۔ حنوک میرا اِک بہت مخصوص بیلی سی۔ میں اکثر اُوہدے بارے وچ سوچیا کردا سی۔ مردی ہوئی دُنیا دے ملبے تلے خُدا دے نال نال چلنا۔ تے بالاآخر میرے کول اِک خوبصورت ووہٹی سی تے میری ماں وَلّوں دِتا گیا اِک وڈا جیہا گھر سی – جنہاں نے 80 برس دی عمر وچ نجات پائی سی!!!

دوجیاں نے چینی گرجا گھر نوں چھڈ دِتا سی – وِلکی حان Wilkie Han ، اُوہدے بیلی تے دوجے لوکی جنہاں نے سوچیا سی کہ ڈاکٹر ٹموتھی لِن Dr. Timothy Lin نہایت سخت سی۔ لیکن اُودوں وی میں اِک مختلف راہ تے ٹُردا رہیا – اُو راہ جو اپنائی نہ گئی سی۔ کرھیٹین نے محسوس کیتا سی کہ اُوہنوں ساڈے نوجوان لوکاں نوں چھنن دی لوڑ سی تاں جے اُو اُوہناں نوں ’’تبلیغ‘‘ کر پاندا۔ میں اینج کدی وی نئیں کیتا، تے میں کدی کراں گا وی نئیں! میں تبلیغ کرنا آں – تے اُو آندے نے – تے اُوہنوں وچوں کُج مسیح وچ ایمان لہیا کے تبدیل ہو جاندے نے۔ جیک نعان Jack Ngann وگرے نوجوان لوکی میری شان تے میری خوشی نے! میں کسی وی طور نال کوئی کامل شخص نئیں آں۔ لیکن میں خدا دے نال نال ٹُردا رہیا، تے خُدا نے مینوں کدی وی مایوس نئیں کیتا! کرھیٹین تے والڈرِیپ نے سوچیا اُو مینوں روک پان گے! کِنّے احمق نے! اُو بھُل گئے کہ میں ’’مختتم Terminator‘‘ وانگوں سی۔ اُو مینوں تھلوں لَتّاں تے گولیاں مار کے مفلوج کر سکدے سی، لیکن میرے بازو اگے ول رینگنا جاری رکھن گے – لوکاں تیکر پہنچن لئی! خُدا دے فضل نال میں حنوک دے نال مل کے کہہ سکنا آں، ’’میں خُدا دے نال نال چلاں گا!‘‘

اپنے حیاتی دے پہلے پینٹھ وریاں وچ، حنوک دے بارے وچ پاک صحائف وچ کسی گل دا وی تزکرہ نئیں اے۔ لیکن فیر اُوہدا پُتر متوسلح پیدا ہویا سی۔ ساڈی تلاوت کہندی اے،

’’جدوں حنوک پینٹھ برس دا ہویا تے اُوہدے ہاں متوسلح پیدا ہویا: تے متوسلح دی پیدائش دے بعد حنوک خُدا دے نال نال ٹُردا رہیا…‘‘ (پیدائش5:21۔24)۔

ایہہ نئیں کہیا گیا اے کہ حنوک اپنے پُتر دے پیدا ہون توں پہلاں خدا دے نال نال ٹُردا رہیا سی۔ آیت دا اِطلاق ایہہ ہوندا اے کہ اُوہدے بچے دی پیدائش اُو گل سی جیہنے حنوک نوں خُدا دے نال ایس قریب رفاقت وچ کیتا سی۔

ایدے علاوہ اُو ناں جیہڑا اُوہنے اپنے پُتر متوسلح نوں دِتا نشاندہی کردا اے کہ خدا نے آن آلے سیلاب دے بارے وچ حنوک نوں کی آشکارہ کیتا سی۔ آرتھر ڈبلیو۔ پنک Arthur W. Pink انگریزی دی بائبل دے اِک تبصرہ نگار سن۔ نیوبیری Newberry تبصرہ نگار تے انحصار کردے ہوئے، پنک نے کہیا،

متوسلح دا ناں شدت دے نال اِطلاق کردا اے کہ حنوک نوں خُدا وَلّوں الہٰام ہویا سی۔ اُوس ناں متوسلح دا مطلب ہوندا اے، ’’جدوں اُو مردا اے ایہہ بھیجیا جائے گا – اُو اِک ایہہ سیلاب‘‘ … ایس ناں توں اِک الہٰی وحی یاد آندی اے… خدا نے حنوک نوں کہیا، ’’جدوں تیکر اُو زندہ رئے گا اُودوں تیکر دُنیا رئے گی تے ایدے توں ودھ نئیں! جدوں بچہ مردا اے… جنت دیاں باریاں کھول دِتی جان گئیاں۔ گہرائیاں دے چشمے پھوٹ پین گے تے انسانیت فنا ہو جائے گا‘‘ (آرتھر ڈبلیو۔ پِنک Arthur W. Pink، پیدائش وچ جھلکیاںGleanings in Genesis، موڈی بائبل انسٹیٹیوٹ، 1922، صفحہ 78)۔

حنوک اپنے پُتر دے پیدائش ای دے لمحے توں جانندا سی کہ، ’’جدوں اُو مرے گا تے اینوں بھیجیا جائے گا۔‘‘

میں حنوک دے تجربے نوں سمجھ سکنا آں کیوں جے میں اُوس ویلے اک نوجوان شخص دی حیثیت نال مسیح وچ ایمان لہیا کے تبدیل ہویا سی جدوں میں ڈاکٹر چارلس جے۔ ووڈبریج نوں ایس دُنیا دے خاتمہ تے 2 پطرس، تِن باب وچوں منادی کردے ہوئیاں سُنیا سی۔ جدوں ڈاکٹر ووڈبریج نے گل کیتی سی تے میں جان گیا سی کہ جیہڑا اُوہناں نے کہیا سی اُو سچ سی۔ ایس دُنیا لئی سزا آ رئی سی، تے میری واحد اُمید یسوع مسیح وچ سی! بائبل وچ ویکھن لئی ایہہ اِک بہت ای عظیم گل اے! جدوں اِک شخص ایہہ ویکھدا اے، اُو مسیح ول لپکدا اے، جیویں نوح کشتی ول لپکیا سی! خُدا دے نال نال چلنا تہانوں متاثر کرے گا جیویں حنوک نوں کیتا سی۔ کی تُسی آن آلی سزا دی سچائی نوں ویکھ چُکے اُو؟

’’دُنیا تے اُوہدی خواہش دوویں ختم ہا جان گئیاں لیکن جیہڑا خُدا دی مرضی تے ٹُردا اے اُو ہمیشہ تیکر باقی رہندا اے‘‘ (1یوحنا2:17)۔

حنوک ایمان دے وسیلے نال اُو گل جانندا سی۔ ایس گل نے مینوں حیران نئیں کیتا کہ 1۔ یوحنا 2:17 ڈاکٹر کیگن Dr. Cagan دی حیاتی دی آیت اے! ایہہ روحانی ہدایت ڈاکٹر کیگن نوں اِک الگ ای انسان بنا ڈالدی اے۔ وڈی وڈی ہانکن آلے مبلغین ڈاکٹر کیگن نوں پسند نئیں کردے کیوں جے اُو اِک سطحی دُنیا وچ رہندے نے۔ ڈاکٹر اے۔ ڈلیو۔ ٹوزر Dr. A. W. Tozer نے کہیا،

’’اُو مسیحی جنہاں توں میری ملاقات ہوندی اے جیہڑے واقعی چہ نجات دہندہ لئی کسی گل وچ قدر رکھدے نے اپنی نسل دے نال انتہائی روکھے تے زمانے دے مطابق نئیں نے‘‘ (میں اینوں بدعت کہنا واںI Call It Heresy، صفحہ 41)۔

ڈاکٹر ٹوزر اِک دعاگو شخص سی۔ ڈاکٹر کیگن وی اینج دے ای نے۔ تعجب دی کوئی گل نئیں کہ بے اعتقادے مبلغین ڈاکٹر ٹوزر نوں پسند نئیں کردے۔ تعجب دی کوئی گل نئیں اُو ڈاکٹر کیگن نوں پسند نئیں کردے۔ تے میں پُریقین آں کہ اُوہناں نوں حنوک وی پسند نئیں ہوئے گا۔ حنوک غوروفکر وچ مبتلا رہن آلا اِک شخص سی – اِک اینج دا شخص جیدے تے خدا دائمی سچائیاں دے نال پرہوسا کر سکدا سی۔ کَلّا حنوک ای جانندا سی کہ سیلاب آن آلا سی۔ تے خُدا نے اُوہدے تے مسیح دی دوجی آمد تے آخیرلی عدالت وی ظاہر کیتی سی!

یہوداہ14۔19 کھولو۔ مہربانی نال کھلو جاؤ جدوں میں ایہہ پڑھاں۔

’’تے حنوک نے وی جیہڑا آدم توں ستویں پُشت وچ سی اُوہناں دے بارے وچ پیشن گوئی کیتی سی کہ ویکھو! خُداوند اپنے لکھاں مقدساں دے نال آندا اے۔ تاں جے سب لوکاں دا انصاف کرے تے سارے بے دیناں نوں سزا دا حکم دے، ایس لئی کہ اُوہناں نے بے دینی توں مجبور ہو کے بوہتے بے دینی دے کم کیتے نے۔ تے خداوند بے دین گنہگاراں نوں وی سزا دا حکم دے گا کیوں جے اُوہناں نے اُوہدے خلاف بڑی سخت گلاں کہیاں نے۔ ایہہ لوکی ہمیشہ بڑبڑاندے تے شکایت کردے نے۔ ایہہ اپنی خواہشاں دے مطابق حیاتی گزاردے نے تے اپنے متعلق بڑے بول بولدے نے تے اپنے فائدہ لئی دوجیاں دی خُوشامد کردے نے۔ لیکن عزیزو! ایناں گلاں نوں یاد رکھو جیہڑی ساڈے خداوند یسوع دے رسول پہلے کہہ چُکے نے۔ اُوہناں نے تہانوں کہیا سی کہ آخیرلے دِناں وچ ٹھٹھّا کرن آلے ظاہر ہون گے جیہڑے اپنی بے دینی دی خواہشاں دے مطابق چلن گے۔ ایہی اُو لوکی نے جیہڑے تفرقے پاندے نے۔ ایہہ نفسانی لوکی نے تے رُوح توں بے بہرہ نے‘‘ (یہوداہ 14:19).

حنوک آخیرلی عدالت دے بارے وچ ایس پیغام دی منادی کرن لئی ساری زمین تے پھریا۔ جو کُج اُوہنے کہیا اُوہنوں بوڑھے استاد تے ربیّاں نے احتیاط دے نال اگلی نسلاں نوں منتقل کیتا تے اِک غیر مستند کتاب وچ مربوط کیتا۔ لیکن جیمس دے پراہ یہوداہ نے پاک روح دی رہنمائی توں پاک صحائف وچ ایناں لفظاں دا حوالہ دِتا۔ ایہہ گل اُوہناں نوں حنوک دے اصل لفظاں دی حیثیت نال مستند بناندی اے، جنہاں نوں اُوہدے ناں توں منسوب اپوکریفلapocryphal کتاب وچ محفوظ کیتا جا چُکیا سی۔ ایناں لفظاں تے روح القدس [کا انظباط] دی انبیانہ توثیق اے۔ پس اسی اج جاننے آں کہ حنوک اِک جوشیلا مبلغ سی۔ اُوہنے آن آلے سیلاب دے بارے وچ منادی کیتی سی۔ اُوہنے خُداوند دے آن دے بارے وچ منادی کیتی سی

’’… اپنے لکھاں مُقدّساں دے نال آندا اے تاں جے سب لوکاں دا اِنصاف کرے‘‘ (یہوداہ 14۔15).

ایس بدکار، بے اعتقادی دُنیا تے۔ اُوہنے جنت تے جہنم تے منادی کیتی، تے قبل از متجسم مسیح دے لہو دے وسیلے نال نجات تے منادی کیتی۔ اُوہدے نال بہت زیادہ لوکی ایمان لہیا کے تبدیل نئیں ہوئے سی۔ چند اِک ای نے جیہڑا اُوہنے کہیا اُوہدے تے یقین کیتا۔ لیکن نوح نے حنوک دے پُتر متوسلح دی سُنی جیہڑا اپنے پیو دے واعظاں نوں دہراندا سی۔ بِلاشُبہ متوسلح نے نوح نوں اُو دسیا جیدی منادی اُوہدے پیو نے کیتی سی۔ اُوہنے ضرور نوح نوں دسیا، ’’میرے پیو حنوک نے کہیا کہ خُدا زمین دا فیصلہ اُوس ورے جدوں میں مراں گا اِک بہت عظیم سیلاب دے نال کرے گا۔ جدوں میں مر جاواں گا اُودوں ایہہ آئے گا۔ ایہہ ای اے جیہڑا میرے پیو حنوک نوں خُدا نے وکھایا سی تے ایہہ ای وجہ اے کہ اُوہنے مینوں ایہہ ناں دِتا۔‘‘ اِک نوجوان دی حیثیت نال نوح شدید طور تے متاثر ہویا سی جدوں متوسلح نے اپنے پیو دے واعظاں وچوں لمّے لمّے حوالے دِتے۔ تے میں یقین کرنا واں کہ ایہہ حنوک دے واعظاں دے ذریعے ای نال سی کہ نوح نے پہلی وری متوسلح دے مُنہ توں سُنیا کہ خُدا نے اُوہناں کہیا اے تے اُوہنے

’’خُدا ترسی دے باعث اُوہدے تے عمل کیتا تے اِک کشتی بنائی جیدے وچ اُوہدا سارا خاندان بچ نکلیا‘‘ (عبرانیوں 11:7).

دوجیاں نے سوچیا سی کہ ایہہ محض اِک بوڑھے شخص دی منادی سی۔ لیکن نوح نے اُوس گل دا یقین کیتا جیدی منادی حنوک نے کیتی سی تے [اُو] بچا لہیا گیا سی۔ بے شمار لوکی پرانے ادوار دے اِک پرانے واعظ توں متاثر ہو چکے نے تے جھنجھوڑے جا چکے نے۔ ساڈے بپٹسٹ بانی جان بنیعن John Bunyan لوتھر دی اِک پرانی نقل گلِتیوں تے تبصرہ Commentary on Galatians جیدی جلد تک [بوسیدہ ہو کے] گر رئی سی کیوں جے اُو کتاب انتہائی قدیم سی دے پڑھنے دے ذریعے نال شدید طور تے مسیح ول راغب ہوئے سی۔ بنیعن نے کہیا،

میرے ذہن وچ اینج دی بے شمار خواہشاں دے بعد، اُو خداوند جیدے ہتھاں وچ ساڈے تمام دِن تے راہاں نے، اِک دِن، مارٹن لوتھر دی اِک کتاب میرے ہتھاں وچ سونپ دِتی، اُو گِلتیوں تے اُوہدا تبصرہ سی – ایہہ ایس قدر پرانی وی سی کہ جے میں اُوہنوں موڑدا وی تے اُو ٹکڑے ٹکڑے ہو کے وکھرن لئی تیار سی۔ ہُن میں بہت زیادہ خوش سی کہ ایس قدر قدیم کتاب میرے ہتھ لگی۔ جیدا، جدوں میں تھوڑی جئی ای پڑھ کے سمجھی، تے میں اپنی حالت نوں اُوس [مصنف] دے تجربے وچ پایا، جیہنوں ایس قدر شدت تے گہرائی دے نال سنبھالیا جیویں کہ اُوہدی ایہہ کتاب میرے دِل نال لکھی جا چُکی سی۔ ایدے نال مینوں حیرت ہوئی تے پس میں سوچیا، ایس بندے نوں ہُن [دے دور دے] مسیحیاں دی حالت دے بارے کُج نئیں جان سکدا سی، لیکن سابقہ دِناں دے تجربے نوں لکھن تے بولن دی لوڑ ہوئے گی … میں گلِتیوں تے لکھی ہوئی مارٹن لوتھر دی ایس کتاب نوں پاک بائبل نوں تسلیم کردے ہوئے، اُوہناں تمام کتاباں توں پہلاں جنہاں نوں مین کدی ویکھ چُکیا آں، ترجیح دینا واں کیوں جے زیادہ تر تے اِک زخمی ضمیر لئی موزوں نے (جان بنیعن John Bunyan، ’’گنہگاراں دے سردار لئی فضل دی بہتات Grace Abounding to the Chief of Sinners،‘‘ جان بنیعن دے کم The Works of John Bunyan، دی بینر آف ٹُرتھ ٹرسٹ The Banner of Truth Trust، فیر اشاعت 1991، جلد اوّل، سیکشن129۔130، صفحہ22)۔

میری کیس قدر خواہش اے کہ تہاڈی نسل بزرگان دے اُوہناں سرداراں تے انبیاء نوں، اُوہناں رسولاں تے مسیح بخود نوں سُنو گے۔ میری کیس قدر خواہش اے کہ تُسی پرانے دور دے ایناں لوکاں نوں، تے لوتھر نوں تے دوجے اصلاح پسنداں نوں تے پیوریٹنز نوں تے پہلی عظیم بیداری دے عظیم مبلغین ایڈورڈز Edwards تے وائٹ فیلڈ Whitefield تے جان ویزلی John Wesley نوں سُنو گے۔ میں کیس قدر دعا منگنا آں کہ تُسی جان بنیعن نوں تے عظیم سپرجیئن نوں سُنو گے۔ اوہ، جی ہاں، میں جاننا آں، اُو تہاڈے دور توں پہلاں زندہ سی، لیکن اُو، اپنی تحریراں دے ذریعے نال، کوئی وی جیہنوں میں جاننا آں تے جیہڑے زندہ نے اُوہناں دے مقابلے وچ خدا تے مسیح وچ ایمان لہیا کے تبدیل ہون دے بارے چہ تہانوں بہت زیادہ دس سکدے نے۔ لیکن نوح وگرے دانشمند، جنہاں نے حنوک دے پیغام دے بارے وچ سُنیا تے خدا ترسی دے باعث کشتی بنان لئی متاثر ہوئے، کِتھے اُو تے اُوہدا خاندان عظیم سیلاب وچ ڈُب نہ جان۔ کسی ہور دور دے بوڑھے لوکاں نوں سُنو، اُو لوکی جیہڑے خُدا دے نال نال چلدے رئے، تے آن آلی عدالت دے بارے وچ منادی کردے رئے، جنہاں نے جہنم تے منادی کیتی، تے مسیح دے پاک لہو وچ ایمان دے وسیلے نال نجات تے منادی کیتی۔ ایس ای قسم دی منادی اے جیدی سانوں، ساڈے گرجا گھراں تے ساڈی قوم وچ اج ایس قدر شدت دے نال لوڑ اے – لیکن اُوہدا ایس ای قدر المناک فقدان اے! کاش تُسی پرانے مبلغین نوں سُنو، جیویں نوح نے کیتا۔ کاش تُسی ڈاکٹر مارٹن لائیڈ جونز Dr. Martyn Lloyd-Jones تے تھامس ہوکر Thomas Hooker تے جوزف ایلین Joseph Alleine تے رچرڈ بیکسٹر Richard Baxter تے خصوصی طور تے جاناتھن ایڈورڈز Jonathan Edwards نوں سنو، جیہڑے انسانی روح دی اُوہدی غیر تبدیل شُدہ حالت دے بارے وچ عظیم بائبلی نفسیات دان نے۔ جیویں کہ پطرس رسول نے کہیا،

’’نجات کسی ہور دے وسیلہ نال نئیں اے کیوں جے آسمان دے تھلے لوکاں نوں کوئی دوجا ناں نئیں دِتا گیا اے جیدے وسیلے نال اسی نجات پا سکاں‘‘ (اعمال4:12)۔

کی تُسی نجات پا چُکے اُو؟ کی تُسی مسیح دے نال متحد ہو چکے اُو؟ کی تُسی مسیح دے لہو دے وسیلے نال اپنے گناہواں توں دُھل چُکے اُو؟ کی تُسی اِک حقیقی مسیحی اُو؟ کی تُسی جدوں وی گرجا گھر دا دروازہ کھلدا اے تے موجود ہوندے اُو؟ جے تُسی اِک حقیقی مسیحی نئیں اُو، تے تُسی پِچھے چھڈ دِتے جاؤ گے تے اُوس جلال توں محروم رہ جاؤ گے جیہرا اُوہناں لوکاں لئی تیار کیتا گیا اے جنہاں نوں مسیح دعے پاک لہو دے وسیلے نال اُوہناں دے گناہواں نوں دھو کے پاک صاف کیتا گیا اے۔

مہربانی نال کھلوو تے مکاشفہ 11:3۔12 کھولو، جدوں میں اِینوں پڑھاں۔

’’میں اپنے دو گواہاں نوں اختیار دواں گا، تے اُو ٹاٹ اوڑھ کے اِک ہزار دو سو سٹھ دِناں تیکر نبوت کرن گے۔ ایہہ زیتون دے دو درخت تے دو چراغدان نے جیہڑے زمین دے خداوند دے حضور وچ کھلوتے نے۔ جے کوئی ضرور اُوہنوں نوں پہچاننا چاہندا اے تے اُوہناں دے مُنہ توں اگ نکلدی اے تے اُوہناں دے دشمناں نوں بھسم کر ڈالدی اے۔ جیہڑا کوئی اُوہناں نوں نقصان پہنچانا چائے گا اُو وی ضرور ایویں ای ہلاک ہوئے گا۔ اُوہناں نوں ایہہ اِختیار ہوئے گا کہ آسمان نوں بند کر دین تاں جے اُوہناں دی نبوت دے دِناں وچ بارش نہ ہوئے۔ اُوہناں نوں اِختیار اے کہ پانیاں نوں لہو وچ تبدیل کر دین تے جیہنی وری جیس قسم دی وبا چائیدی اے زمین تے نازل کرن۔ جدوں اُو اپنی گواہی دے چُکن گے تے اتھاہ گڑھے توں نکلن آلا حیوان اُوہناں تے حملہ کرے گا تے اُوہناں تے غالب آ کے اُوہناں نوں مار ڈالے گا تے اُوہناں دیاں لاشاں ایس شہر عظیم دے بازار وچ پئی رہن گئیاں۔ اُوس شہر نوں بطور استعارہ سدوم تے مصر دا ناں دِتا گیا اے تے خداوند وی اُوسی شہر وچ مصلوب ہویا سی۔ تے مختلف اُمّتاں، قبیلیاں، زباناں تے قوماں دے لوکی اُوہناں دئیاں لاشاں نوں ساڑھے تِن دِناں تیکر ویکھدے رہن گے تے اُوہناں دی تدفین نئیں ہون دین گے۔ اہلِ زمین اُوہناں دی ہلاکت تے خوشی منان گے تے شادمان ہو کے اِک دوجے نوں تحفے بھیجن گے کیوں جے اُوہناں دوواں نبیاں نے اہلِ زمین نوں ستایا سی۔ لیکن ساڑھے تِن دِناں بعد خُدا وَلّوں اُوہناں وچ حیاتی دی روح داخل ہوئی، اُو اپنے پیراں دے بل کھلو گئے تے اُوہناں دے ویکھن آلیاں تے بڑا خوف چھا گیا‘‘ (مکاشفہ11:3۔12)۔

3 آیت وچ اُو ’’دو گواہ‘‘ کون نے؟ زیادہ تر تبصرہ نگار کہندے نے اُو موسیٰ تے ایلیاہ ہون گے۔ لیکن میرے خیال وچ اُو موسیٰ دے بارے چہ غلطی تے نے۔ جی ہاں، ایلیاہ اُوہناں وچوں یقینی طور تے اِک ہوئے گا لیکن میں قائل ہو چُکیا آں کہ اُو دوجا آلا حنوک ہوئے گا۔ ایتھے اُو وجہ اے میں کیوں اُو یقین رکھنا واں۔

موسیٰ مر گیا سی (ویکھو اِستثنا 34:5). بائبل وچ صرف دو ای شخص نے جیہڑے نئیں مرے سی: حنوک تے ایلیاہ! ڈاکٹر ٹموتھی لِن Dr. Timothy Lin نے کہیا، ’’ایہہ گل دلچسپ اے کہ اوہی لفظ جیہنے حنوک دے [ریپچر] نوں بیان کیتا ایلیاہ دے چُکے جان دے بارے وچ دسن لئی استعمال ہویا سی‘‘ (پیدائش: اِک بائبلی تھیالوجی Genesis: A Biblical Theology، صفحہ 80)۔ ایناں دوناں ای لوکاں نوں آسمان تے بغیر مرے ای چُک لہیا گیا سی۔ بائبل کہندی اے، ’’انسان دا اِک وری مرنا مقرر اے‘‘ (عبرانیوں 9:27). مکاشفہ 11:7 وچ دوناں گواہاں نوں درندے دے ذریعے نال مارا گیا سی۔ اُوہناں نوں فیر مُردیاں وچوں زندہ کیتا گیا تے فیر آسمان تے چُک لہیا [ریپچر] گیا، 11:12۔ میں شاید درست نہ ہوؤاں، لیکن میرے خیال چہ میں آں۔ ڈاکٹر میک آرتھر Dr. MacArthur کہندے نے کہ موسیٰ غالباً اُوہناں وچوں اِک اے۔ لیکن جے اُو اے، اُودوں موسیٰ دو وری مریا، لیکن ’’انسان لئی اِک وری مرنا مقرر اے‘‘ (عبرانیوں9:27)۔ لہٰذا میرے خیال وچ دوجا گواہ حنوک ای اے۔

اُو کیویں دا اِک انسان سی! اُو خدا دے نال نال ٹُردا رہیا۔ اُوہنے اپنی منادی وچ سیلاب دی پیشن گوئی کیتی سی۔ اینج ای نوح نوں سیلاب دے بارے چہ پتا چلیا سی – حنوک دے ذریعے نال! اُوہنوں ’’پہلاں ای دسیا جا چُکیا سی کہ اُو موت نوں نئیں ویکھے گا‘‘ (عبرانیوں 11:5). اُوہنے مسیح دی دوجی آمد تے منادی کیتی سی – سیلاب توں پہلاں! تے اُو ممکنہ طور تے اُوہناں دو گواہاں وچوں اِک سی جیہڑے مسیح دی دوجی آمد توں بالکل پہلاں دُنیا وچ منادی کرے گا! ایدے توں ودھ کے کسی انسان نوں ہور کی عزت مل سکدی اے؟

’’جدوں حنوک پینٹھ برس دا سی اُودوں اُوہدے ہاں متوسلح پیدا ہویا۔ تے متوسلح دے پیدائش دے بعد حنوک تِن سو برس تیکر خدا دے نال نال ٹُردا رہیا تے اُوہدے ہاں ہور تیہیاں تے پُتر پیدا ہوئے۔ تے حنوک دی عمر تِن سو پینٹھ برس دی ہوئی۔ حنوک خدا دے نال نال ٹُردا رہیا تے فیر خدا نے اُوہنوں چُک لہیا تے اُو نظراں توں غائب ہو گیا‘‘ (پیدائش5:21۔24)۔

ایس بے دین دُنیا وچ حنوک وانگوں بنو! ایس بے دین دُنیا وچ خداوند دے نال نال چلدے رہو! ایس بے دین دُنیا وچ خدا لئی اواج اُچی کرو! اُودوں ای تُسی مسیح دے نال اُوہدی آن آلی بادشاہی وچ حکمرانی کرن لئی تیار ہو پاؤ گے!

حیاتی بندوقاں تے جنگ توں بھری پئی سی،
تے ہر کوئی فرش تے روندا جا چُکیا سی،
میں خواہش کرنا آں کہ اسی سب تیار ہوندے۔
بچے مرے، دِن سرد ہوندے چلے گئے،
روٹی دا اِک ٹکڑا سون دی اِک تھیلی خرید سکدا سی،
میں خواہش کرنا واں کہ اسی سب تیار ہوئے ہوندے۔
اپنا ذہن بدلن لئی کوئی ویلہ نئیں بچیا اے،
تُسی کیویں ایس قدر انھے ہو سکدے اُو؟
نجات دہندہ نے بُلایا لیکن تُسی نئیں سُنیا،
پُتر آ چکیا اے تے تُسی پِچھے چھڈے جا چُکے اُو،
تُسی پِچھے چھڈے جا چُکے اُو،
تُسی پِچھے چھڈے جا چُکے اُو

شوہر تے ووہٹی بستر چہ سوئے ہوئے نے،
اُو اواج سُنندی اے تے سر گھماندی اے – اُو جا چُکیا اے۔
میں خواہش کرنا واں اسی تمام تیار ہوئے ہوندے۔
دو آدمی اُتے پہاڑ تے جا رئے نے،
اِک غائب ہو جاندا اے تے اِک ساکن کھلوتا چھڈ دِتا جاندا اے،
میں خواہش کرنا واں اسی تمام تیار ہوئے ہوندے۔
اپنا ذہن بدلن لئی کوئی ویلہ نئیں بچیا اے،
تُسی کیویں ایس قدر انھے ہو سکدے اُو؟
نجات دہندہ نے بُلایا لیکن تُسی نئیں سُنیا،
پُتر آ چُکیا اے تے تُسی پِچھے چھڈے جا چُکے اُو،
تُسی پِچھے چھڈے جا چُکے اُو،
تُسی پِچھے چھڈے جا چُکے اُو،
(’’ میں خواہش کرنا واں اسی تمام تیار ہوئے ہوندے I Wish We’d All Been Ready‘‘ شاعر لیری نارمن Larry Norman، 1947۔2008؛ پادری نے ترمیم کیتا)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔