ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

واعظ توں پہلاں حمدوثنا دا گیت گایا: ’’کی میں صلیب دا اِک سپاہی آں؟Am I a Soldier of the Cross?‘‘ (شاعر ڈاکٹر آئزک واٹز Dr. Isaac Watts، 1674۔1748)۔

’’مسیح دے نال مصلوب ہو چُکیا‘‘ ایدا کی مطلب ہوندا اے؟ مینوں یقین اے کہ ایدا مطلب ایہہ اے کہ سانوں روح دی اِک تاریک رات توں گزرنا چائیدا اے۔ سانوں اپنے گناہ نوں محسوس کرنا چائیدا اے، قانون دے کوڑے مارن نوں محسوس کرنا چائیدا اے، ناخن محسوس کرنے ہون گے، مسیح دے نال مرنا ہوئے گا – مسیح دے نال ایدی موت وچ متحد ہون دے نال نال اُوہدے جی اُٹھن چہ وی متحد ہونا ہوئے گا۔

پادری رچرڈ وورمبرانڈ Richard Wurmbrand نے مسیح دے نال مصلوب ہون نوں اُوس ویلے محسوس کیتا سی جدوں اُو قید وچ سی، دو وریاں لئی قیدِ تنہائی وچ۔ اپنی کتاب خدا دی زمین دے تھلے In God’s Underground، اُوہناں نے واضح کیتا کیویں اُو مسیح دے نال مصلوب ہوئے سی۔ وورمبرانڈ نے کہیا،

     مینوں ایس قید خانے وِچ دو وریاں تیکر رکھیا گیا سی۔ میرے کول پڑھن لئی کُج وی نئیں سی تے نہ ای لکھن لئی کوئی شے سی؛ میرے کول ہان نبھان لئی صرف میرے خیالات سن، تے میں کوئی غوروفکر چہ ڈوبے رہن آلا بندہ وہ نئیں سی بلکہ اِک ایہو جیہا بشر سی جیہڑا خاموشی دے بارے چہ بوہتا گھٹ جانندا سی۔
">     کی میں خدا وِچ یقین کیتا سی؟ ہُن ویلہ آ چکیا سی۔ میں کَلّا سی۔ کمان لئی کوئی تنخواہ نئیں سی، غور کرن لئی کوئی سنہری رائے نئیں سی۔ خدا نے مینوں صرف دُکھ سہن دی پیش کش کیتی سی – کی مینوں اُوس نوں پیار کردے رہنا جاری رکھنا چائیدا اے؟
">      ہولے ہولے میں سیکھیا سی کہ خاموشی دے درخت [صلیب] تے سکون دا پھل [مسیح] لٹکا ہویا اے… مینوں ایتھوں تیکر معلوم ہویا کہ [قیدِ تنہائی وچ] میرے خیالات تے احساسات خدا وَل رجوع کردے سن تے کہ میں اِک دے بعد دوجی رات دعا وِچ، روحانی مشقاں وِچ تے ستائش وِچ گزار سکنا واں۔ میں ہُن جان چُکیا سی کہ میں کوئی اداکاری نئیں کر رہیا سی۔ میں یقین کیتا سی! (خدا دی زمین دے تھلے In God’s Underground، صفحہ 120)۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

’’مسیح دے نال مصلوب ہو چکیا‘‘ ایس دا مطلب کی ہوندا اے؟ مینوں یقین اے کہ ایس دا مطلب ایہہ اے کہ سانوں روح دی اِک تاریک رات توں گزرنا چائیدا اے۔ سانوں اپنے گناہ نوں محسوس کرنا چائیدا اے، قانون دے کوڑے وجن نون محسوس کرنا چائیدا اے، ناخن محسوس کرنا ہون گے، مسیح دے نال مرنا ہووے گا – مسیح دے نال اُوہدے موت وِچ متحد ہون دے نال نال اُوہدے جی اُٹھن وِچ وی متحد ہونا ہووے گا۔

ہتھیار سُٹن تے مکمل طور تے ’’مسیح دے نال مصلوب‘‘ ہون توں پہلاں میرے وگرے ضدی بندے نوں کئی وری ایس توں لنگہنا چائیدا اے۔ میں ہُن وی ایہہ سچائی جانن دے عمل وِچ آں، حالانکہ میں ہُن اپنی حیاتی دے 80 ویں سال وِچ آں۔

میں سب توں پہلاں اِک چینی گرجا گھر وِچ رہ کے ایہہ سچائی سِکھنا شروع کیتی، جیتھے میں کئی دہائیاں تیکر اِک ’’باہر آلا‘‘ سی۔ میں چھڈ کے جانا چاہندا سی لیکن خُدا مینوں جان نئیں دیندا سی۔ اُوہنے مینوں عبرانیوں10:25 وِچ تے بائبل وِچ کِدرے ہور واضح طور تے نہ جان لئی کہیا سی۔ اینج میں ’’مسیح دے نال مصلوب ہونا‘‘ شروع کیتا۔

اگلی وری جدوں میری جانچ کیتی گئی تے مارِن کاؤنٹی Marin County وِچ واقع جنوبی بپٹست سیمنری Southern Baptist وِچ سی۔ مینوں ایس تھاں توں نفرت سی کیوں جے قریب قریب سارے ای پروفیسر مسیح وِچ ایمان نہ لہیائے ہوئے آزاد خیال لوکی سی جنہاں نے تقریبا ہر جماعت وِچ بائبل نوں ٹوٹے ٹوٹے کیتا سی۔ مینوں اُوتھے موجود ہون توں نفرت سی۔ لیکن دوجی وری، خُدا نے مینوں ٹھہرن لئی کہیا، پاویں مینوں کینج ای کیوں نہ محسوس ہووے۔ اَدھی رات دے بعد، سیمنری وِچ میرے کمرے چہ، خُدا مینوں رات وِچ واج ماردا۔ خُدا دی اِک ’نِکّی جیہی، ساکن واج‘ مینوں کہندی، ’’ہُن توں بوہتی وریاں بعد توں ایس رات دے بارے چہ سوچیں گا تے تینوں یاد ہووے گا کہ میں تینوں دسیا سی کہ تیرا اصل کم اُوہدوں شروع ہووے گا جدوں تو وڈیرا یعنی بُڈھا ہو جائیں گا… ہُں توں خوفزدہ نہ ہونا سِکھ جائیں گا۔ میں تیرے ساتھ ہُوواں گا… جے توں نئیں کہے گا تے فیر کوئی وی نئیں کہے گا، یا کم از کم اُو ایہنوں بہتر طور تے نئیں کہین گے۔‘‘

فیر اُوتھے فنِ تبلیغ دے میرے پروفیسر ڈاکٹر گورڈن گرین Dr. Gordon Green سن، جنہاں نے مینوں کہیا سی، ہائیمرز توں اِک انتہائی چنگا مبلغ اے، بہترین وِچوں اِک۔ لیکن… لیکن تینوں کدی وی مغربی بپٹسٹ گرجا گھر دی نگہبانی نئیں لبھے گی تے توں مسئلے کھڑے کردے رہنا بند نئیں کیتا۔‘‘ میں اُوہناں دی اَنکھاں وِچ ویکھیا تے کہیا، ’’جے ایہدی ایہو ای قیمت چکانی پیندی اے تے مینوں نئیں چائیدی۔‘‘ میرے کول کھون لئی ہُن کُج وی نئیں سی (سارے خدشات دے خلاف Against All Fears، صفحہ 86)۔

فیر میں لاس اینجلز چلا اایا تے ایس گرجا گھر دا آغاز کیتا۔ بعد چہ کرھیٹین نے ایس گرج اگھ ردی تقسیم کر ڈٓلی کیوں جے اُو میرے نال ’’متفق نئیں سی۔‘‘ کیس گل توں متفق نئیں سی؟ اُو مختلف امور دے بارے وچ میرے جرأت مندانہ مؤقف توں اِتفاق نئیں کردا سی، ایہو ای اے جیس توں اُو متفق نئیں سی! اُو بس صرف اِک ’’غیرمؤثر بزدلانہ، چوہے وگرا‘‘ نِکا جیہا بندہ سی، جیہڑا خدا دی سچائی لئی ڈٹے رہن توں ڈردا سی! الوداع، نکے چوہے!

ہُن، میرے 80 ویں ورے وچ، مینوں احساس ہویا کہ خُداوند اِرتداد دے ایس آخری دور دے دوران اپنے لئی مینوں اِک انبیانہ واج بنن لئی ایس تمام ویلے دے دوران تیار کردا رہیا اے (2 تسالونیکیوں2:3)۔

جدوں کہ دوجے لوکی ایہہ کہہ رئے نے کہ تُسی مسیح دا بدلاں وِچ اِستقبال کرن لئی آسمان وِچ زندہ ای چُک لئے جاؤ گے [ریپچر] تے میں کہہ رہیا آں کہ تہانوں بوہتی وڈیاں مصیبتاں وِچ لنگ کے جان پہئے گا، جیویں کہ ماروِن جے۔ روزنتھال [اپنی کتاب] کلیسیا دا قبل ازین قہر ریپچر The Pre-Wrath Rapture of the Church وِچ کہندے نے۔ جدوں کہ کرھیٹین وگرے لوکی، تہانوں نئی انجیلی بشارت دی تعلیم وِچ کھینچنا چاہندے نے، میں کہہ رہیاں آں، ’’مسیح دے خاطر مضبوطی نال ڈٹے رہوو – پاویں کُج وی ہو جاوے۔‘‘

میں جان سیموئیل John Samuel توں نفرت نئیں کرنا آں۔ مینوں بس احساس ہوندا اے کہ ایناں آخری دِناں وِچ اُو اِک انبیانہ واج بنن لئی کافی مضبوط نئیں اے۔ اُو خوفزدہ سی کہ جے اُو میرے نال ٹھہرا رہیا تے اُو ’’ٹُٹ جائے گا تے جل جائے گا‘‘۔ ایہہ ایس لئی اے کیوں جے جان سیموئیل ہُنے تیکر ’’مسیح دے نال مصلوب‘‘ نئیں ہویا اے۔ میں اینی وری ’’ٹُٹ چکیا واں تے جل چکیا واں‘‘ کہ ایہہ ہُن مینوں مذید ہُور ڈرا نئیں سکدا!

ڈاکٹر کیگن مینوں دسدے رہندے نے کہ اِن آخری دِناں وِچ مضبوط ہون دے بارے وِچ جیہڑی منادی میں کرنا واں اُو اُوہناں نوں چنگی لگدے اے۔ میرے لئی اُو کافی توں زیادہ حوصلہ افزائی اے! جے تُسی ’’مسیح دے نال مصلوب ہو چکے اُو‘‘ تے تُسی میرے نال تے ڈاکٹر کیگن دے نال اِرتداد دے ایناں آخری دِناں وِچ ٹکے رہن دے قابل ہوو گے (2 تسالونیکیوں2:3)، تے تُسی اِک عطیم الشان شہید ہو جاؤ گے – یا کم از کم اِک شاندار اعتراف کرن آلے بن جاؤ گے، جیویں پاسٹر وورمبرانڈ!

’’میں مسیح دے نال مصلوب ہو چُکیا واں تے میں زندہ نئیں آں بلکہ مسیح میرے وچ زندہ اے تے جیہڑی حیاتی مین ہُن گزار رہیا آں اُو خدا دے پُتر تے ایمان لہیان دی وجہ نال گزار رہیا آں جیہنے میرے نال محبت کیتی تے میرے لئی اپنی جان دے دی‘‘ (گِلتیوں 2:20).

ڈاکٹر ٹِموٹھی لِن Dr. Timothy Lin، نے اپنی کتاب خُداوند دی بادشاہت The Kingdom of God وِچ کہیا، ’’کلیسیا دے بے شمار اِراکین خدا دی واج نئیں سُن سکدے کیوں جے اُو باقی سب توں بوہتا خود نال پیار کردے نے… اُوہناں دے دِل سخت ہو چکے نے، تے ایس لئی جِنّا بوہتا اُو جانندے نے اُو اُونّا ای گھٹ سُنندے نے۔ بوہتے لوکی سوچدے نے اُوہناں نوں ہر گل دا پتا اے، جدوں کہ درحقیقت وہ بے شمار بنیادی سچائیاں توں لاعلم نے۔ اُوہناں وِچوں بے شمار تے تہانوں ایتھوں تیکر کہ ایہہ وی نئیں دس سکدے کہ حیاتی وچ اُوہناں دا مقصد کی اے! ڈاکٹر ڈبلیو۔ اے۔ ٹوزر Dr. W. A. Tozer نے ایہہ مثال پیش کیتی۔

     یونیورسٹی دے اِک نوجوان طالب علم نوں پُچھیا، ’’باب، توں ایتھے کیس لئی اے؟‘‘
     ’’میں شادی کرنا چاہنا آں؛ میں پیسا کمانا چاہنا آں؛ میں سفر کرنا چاہنا آں۔‘‘
     لیکن باب، ایہہ تے وقتی گلاں نے، توں ایناں نوں کریں گا تے فیر بوڈھا ہو جائیں گا تے مر جائیں گا۔ تیری حیاتی دا وڈا مقصد کی اے؟‘‘
     فیر شاید باب کہے، ’’میں نئیں جانندا آیا میری حیاتی وِچ کوئی مقصد اے۔‘‘
     زیادہ تر لوکاں نون اپنی حیاتی وِچ مقصد دا نئیں پتا ہوندا (’’انسان دا مقصدThe Purpose of Man،‘‘ صفحہ 27)۔

اِک مسیحی شاید کہے کہ اُوہدا حیاتی وِچ مقصد جنت وِچ جان دا اے۔ لیکن ڈاکٹر لِن نے بارہا کہیا کہ کلام پاک وِچ اِک وی آیت نئیں اے جیہڑی کہندی ہووے کہ جنت وِچ جانا تہاڈی حیاتی دا مقصد ہوندا اے!

تہانوں ایہہ وکھان لئی کہ حیاتی وِچ تہاڈا مقصد کی ہونا چائیدا اے، 2 تیموتاؤس2:12 تے نظر پاؤ۔ 12 آیت دا پہلا اَدھا حصہ پڑھو،

’’جے اَسی دُکھ چکاں گے، تے اُوہدے نال بادشاہی وہ کراں گا…‘‘

’’دُکھ چُکن‘‘ دا مطلب ہوندا اے ’’برداشت کرنا۔‘‘ مکاشفہ20:6 کہندی اے، ’’اُو خدا تے مسیح دے کاہن ہون گے تے ہزار وریاں تیکر اُوہدے نال بادشاہی کرن گے۔‘‘ اُوس لفظ ’’دُکھ چُکن‘‘ دا مطلب ہوندا اے ’’برداشت کرنا۔‘‘ 2 تیموتاؤس2:12 دا سیاق و سباق 2تیموتاؤس2:1۔11 آیت وِچ پیش کیتا گیا اے۔ 1 آیت دے اُتے سیکوفیلڈ [بائبل] دی غور طلب گل بجا چور تے کہندی اے، ’’اِرتداد دے دور وِچ اِک ’چنگے سپاہی‘ دا راستہ۔‘‘ مسیح دے نال بادشاہی نوں لوقا19:11۔27 وِچ دس دیناراں دی تمثیل وِچ واضح طور تے ظاہر کیتا گیا اے۔ اُو جیہڑے مسیح دے نال بادشاہی کرن لئی تیاری کردے نے اُوہناں نوں ’’دس شہراں تے اِختیار‘‘ بخشا جائے گا (آیت17) یا ’’پنج شہراں تے‘‘ (آیت 19)۔ ڈاکٹر لِن نے کہیا کہ ایہہ کافی لغوی ہووے گا۔ اُو جیہڑے ایس حیاتی وِچ برداشت کرن گے اُو مسیح دے نال اپنی آن آلی بادشاہی وِچ حکومت کرن گے! اُوس لفظ ’’دُکھ چُکن‘‘ دا مطلب ہوندا اے ’’برداشت کرنا۔‘‘

لہٰذا سانوں کی برداشت کرنا چائیدا اے؟ سانوں دُنیا نال محبت نہ کرن نوں برداشت کرنا اے،

’’نہ دُںیا نال محبت رکھو نہ دُنیا دیاں شیواں نال۔ جیہڑا وی دُنیا نال محبت رکھدا ے اُوس وِچ خدا باپ دی محبت نئیں اے۔ کیوں جے جو کُج دُنیا وِچ اے یعنی جسم دی خواہش، اَنکھاں دی خواہش تے حیاتی دا غرور، اُو خدا وَلّوں نئیں اے بلکہ دُںیا وَلّوں اے۔ دُنیا تے اُوہدی خواہش، دوویں مُک جان گے لیکن جیہڑا خدا دی مرضی تے ٹُردا اے اُو ہمیشہ تیکر باقی رہندا اے‘‘ (1۔ یوحنا 2:15۔17).

اَسی گرجا گھر دی تقسیم وِچ نہ چھڈ کے جان نوں برداشت کرنے آں،

’’ایہہ لوکی ساڈے وِچوں ای نکلے نے لیکن دِل توں ساڈے نال نئیں سن۔ جے ہوندے تے ساڈے نال ای رہندے۔ ہُن جدوں کہ ایہہ لوکی ساڈے وِچوں ٹُر گئے نے تے ظاہر ہو گیا اے کہ ایہہ لوکی دِل توں ساڈے نال نئیں سن‘‘ (1۔ یوحنا 2:19).

اَسی جھوٹے اُستاداں دی پیروی توں انکار کرن نوں برداشت کرنے آں،

’’عزیزو! تُسی ہر اِک روح دا یقین مت کرو بلکہ رُوحواں نوں پرکھو کہ اُو خدا وَلّوں نے کہ نئیں۔ کیوں جے بوہتے جھوٹے نبی دُنیا وِچ نکل کھڑے ہون گے‘‘ (1۔یوحنا 4:1).

اَسی اُوہناں گلاں نوں جیہڑیاں خدا نوں خوش کردیاں نے کرن نوں برداشت کرنے آں،

تے اَسی جو کُج اُوس توں منگنے آں اُو سانوں اُوہدے وَلوں مل جاندا اے کیوں جے اَسی اُوہدے حکماں تے عمل کرنے آں تے اُوہی کرنے آں جیہڑا اُوہنوں پسند ہوندا اے‘‘ (1۔ یوحنا 3:22).

اَسی خدا دے اِحکامات نوں جاری رکھن نوں برداشت کرنے آں،

’’تے اَسی جو کُج اُوہدے کولوں منگنے آں وہ سانوں اُوہدے وَلوں مل جاندا اے کیوں جے اَسی اُوہدے حکماں تے عمل کرنے آں تے اُوہی کرنے آں جیہڑا اُوہنوں پسند ہوندا اے۔ تے اُوہدا حکم ایہہ اے کہ اَسی اُوہدے پُتر یسوع مسیح دے ناں تے ایمان لے آئیے تے اوہدے حکم دے مطابق اِک دوجے نال محبت رکھن‘‘ (1۔ یوحنا 3:22، 23).

اَسی اپنے اُستاداں نوں تسلیم کرنا برداشت کرنے آں،

’’اپنے پیشواواں نوں یاد رکھو جنہاں نے تہانوں خدا دا کلام سُنیا، غور کرو کہ اُو کینج دی حیاتی لنگہا کے رُخصت ہوئے… (اپنے رہبراں) دے فرمانبردار تے تابع رہوو کیوں جے اُو تُسی لوکاں دے روحانی فائدہ لئی بیدار رہ کے اپنی خدمت انجام دیندے نے۔ اُوہناں نوں ایس خدمت دا حساب خُدا نوں دینا ہووے گا۔ جے اُو اپنے کم خوشی نال کرن گے تے تہانوں فائدہ ہووے گا لیکن جے اُوہنوں اپنے لئی تکلیف سمجھن گے تے تہانوں کوئی فائدہ نئیں ہووے گا‘‘ (عبرانیوں 13:7، 17).

اَسی ’’خداوند دے کم وِچ ہمیشہ مستقل مزاجی‘‘ نوں برداشت کرنے آں – ثابت قدم رہن نال!

’’ایس لئی میرے عزیز پراہوو! ثابت قدم رہوو تے خداوند دے خدمت وِچ ہمیشہ سرگرم رہوو۔ کیوں جے تُسی جانندے اُو کہ خداوند وِچ تہاڈی محنت بے فائدہ نئیں اے‘‘ (1۔ کرنتھیوں15:58)۔

ایناں گلاں نوں برداشت کرن نال، خداوند سانوں شاگرد بنن لئی تربیت دیندا اے، جیہڑے اُوہدی آں آلی بادشاہت وِچ مسیح دے نال حکمرانی کرن گے۔

’’جیہڑا غالب آئے گا میں اُوہنوں اپنے نال اپنے تخت تے بٹھاواں گا… جیہڈے کن ہون اُو سُنے کہ پاک روح کلیسیاواں نوں کی فرماندا اے‘‘ (مکاشفہ 3:21، 22).

پاسٹر وینگ مینگ داؤ Wang Ming Dao (1900۔1991) نے کیمونسٹ چین وِچ اپنے ایمان دی خاطر 22 ورے قید وِچ لنگہائے۔ اُوہناں نے کہیا،

’’کُج [لوکاں] نے مینوں پُچھیا اَج کلیسیا نوں کیہڑا راستہ اِختیار کرنا چائیدا اے۔ میں نے بِلاشُبہ جواب دِتا، رسولاں دا راستہ… موت تیکر وفادار رہنا۔‘‘ اُوہناں نے ڈاکٹر جان سُنگ دے جنازے دی عبادت وِچ منادی کیتی سی۔ جدوں اُو قید وِچ سن تے اُوہناں نے اپنے سارے دند، اُوہناں دی سُنن تے اُوہناں دی ویکھن دی حس نوں کھو دِتا سی۔ قید توں اُوہناں دی رہائی دے بعد، اُو تے اُوہناں دی ووہٹی 1991 وِچ، اپنی موت تیکر اپنے اپارٹمنٹ وِچ مسیحیاں دے گروہواں نوں تعلیم دیندے سن۔

مہربانی نال کِھلو جاؤ تے ساڈا حمدوثنا دا گیت گاؤ،

کی میں صلیب دا اِک سپاہی واں، برّے دے پیچھے چلن آلا،
تے کی مینوں اُوس دے مقصد نوں اپنان توں خوفزدہ ہونا چائی دا اے، یا اُوس دا ناں بولن توں شرمندہ ہونا چائی دا اے؟

کی مینوں آسمان تے سہولت دے پھولاں آلے بستراں تے لے جایا جانا چائی دا اے،
جدوں کہ دوجے انعام جیتن لئی لڑن، تے خونی سمندراں وِچوں گزرن؟

کی میرا سامنا کرن لئی کوئی دشمن نئیں؟ کی مینوں سیلاب وِچ شامل نئیں ہونا چائی دا اے؟
ایس غلیظ دُنیا وِچ اِک دوست نوں فضل دلان لئی، مینوں خُدا تیکر پہنچان لئی؟

یقیناً مینوں لڑنا چائی دا اے، جے مینوں حکومت کرنے اے؛ خُداوندا! میرے حوصلے نوں ودھا،
میں سختیاں نوں جھیلاں گا، درد نوں برداشت کراں گا، تیرے کلام دے سہارے دے وسیلے نال
   (’’کی میں صلیب دا اِک سپاہی واں؟Am I a Soldier of the Cross?‘‘ شاعر ڈاکٹر آئزک واٹز Dr. Isaac Watts، 1674۔1748)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔