ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مذہبی اصلاح دا مطالعہ بائبل ایہہ رائے پیش کردا اے، ’’ایس آیت وچ ثواب دے انعامات دی تعلیم دِتی گئی اے۔ [مسیحی] [مقدس مقام دے آلے دوالے دے علاقہ] وچ فیصلے دے دِن مسیح دے سمنے کھلون گے تاں جے اُوہناں نے ایس حیاتی وچ جو کُج کیتا اے اُوہدے بدلے وچ اُوہناں نوں انعام ملے، جیدے وچ ساڈے دِلاں دے محرکات دا جائزہ وی شامل اے‘‘ (2 کرنتھیوں5:10 تے غور طلب گل)۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

ایسٹر سنڈے دے موقع تے کرھیٹین نے مکمل طور تے ایس آیت نوں چھڈ دِتا (12 اپریل، 2020). اُوہدے واعظ دا مرکز صرف موت لئی تیار رہن تے سی، ثواباں دے کسی وی تزکرے دے بغیر ’’جو کُج اسی کر چکے آں چاہے چنگا یا بُرا اُوہدے مطابق۔‘‘ اُوہنے کہیا، ’’مذہبی ہو جانا تہانوں خودکار طریقے نال موت لئی تیار نئیں کردا اے…‘‘

لیکن موت لئی تیاری دے مقابلے وچ بائبل وچ ہور وی بہت کُج اے۔ پطرس رسول نے کہیا،

’’تُسی جیہڑے ایناں گلاں توں پہلاں ای توں آگاہ اُو، ہوشیار رہوو، مبادا بے دیناں دی گمراہی ول مائل ہو کے خود ای غیر مستحکم ہو جاؤو۔ بلکہ ساڈے خداوند تے نجات دین آلے یسوع مسیح دے فضل تے عرفان وچ ودھدے جاؤو‘‘ (2پطرس3:17، 18)۔

ڈاکٹر لِن نے کہیا، ’’جے تُسی شیطان لئی تھاں خالی چھڈدے اُو، تے اُو تہاڈے پُرتکلف تے معقول لفظاں نوں تہانوں تے کسی نوں وی جیہڑا تہاڈی سُنندا اے دھوکہ دین لئی استعمال کرے گا‘‘… کرھیٹین نوں ایس بارے وچ سوچ لین دیو! لوتھر نے کہیا، ’’شیطاناں نال بھری ایہہ دُنیا… سانوں اَنّیہرے دے شہزادے وغیرہ نوں ختم کرن دی دھمکی [دے گی]۔ ہر مبلغ دا مقابلہ شیطانی قوت نال ہوندا اے! جیویں کہ پطرس رسول نے کہیا، ’’ہوشیار ہو جاؤو، مبادا بے دیناں دی گمراہی ول مائل ہو کے خود ای غیر مستحکم ہو جاؤو‘‘ (2 پطرس3:17)۔

کرھیٹین نے بالکل ایس ای منصوبے دی جیویں اُولیواس نے اپنایا سی پیروی کیتی سی۔ ایویں، اُوہدا وی اوہی انجام ہوئے گا جیہڑا اُولیواس دا ہوئے گا۔ اُو کیس قدر ہولناک انجام ہوئے گا! اُو اُوہناں ناپُختہ لوکاں نوں بیوقوف بنا سکدا اے جنہاں نے اُوہدی پیروی کیتی سی، لیکن اُو خدا نوں بیوقوف نئیں بنا سکدا! مسیح نے کہیا، ’’میں تیہنوں اپنے مُنہ توں اُگل دیاں گا‘‘ (مکاشفہ3:16)۔

صرف موت تے حیاتی تے توجہ مرکوز کرن دی وجہ نال، کرھیٹین سرے توں زیادہ تر مسیحی حیاتی نوں چھڈ ای جاندا اے!!! تے ایہہ گل اُوہنوں اِک جھوٹا نبی بنا دیندی اے۔

برطانوی اشاعت ’’ویکھ رئے تے انتظار کر رئے نے Watching and Waiting‘‘ دا حال ای وچ ایہہ کہنا سی،

خُدا دا کلام واضح طور تے کہندا اے، ’’ایہہ وی جان لیو، کہ زمانے دے آخر وچ بُرے دِن آن گے‘‘ (2۔ تیموتاؤس 3:1). ایدے توں ودھ کوئی ہور گل نئیں ہو سکدی۔ ہور وی صحائف نے جیہڑے اِک ای گل کہندے نے… اج ساڈیاں اَکھاں دے سمنے جو کُج ہو رہیا اے اُو ایناں پیشن گوئیاں دی صریحاً تکمیل اے… مذہبی رہنماؤاں تے سیاسی رہنماؤاں نے یکساں طور تے خدا دے کلام نوں ترک کیتا تے اپنی راہ کھو بیٹھے، جیدا مطلب ہوندا اے کہ عام عوام ایناں گلاں دی پرواہ ای نئیں کردی جیہڑی اہم ہوندیاں نے… بُت پرستی تے دہریت نے لوکاں دے ذہناں نوں ایس حد تیکر ڈھال دِتا اے کہ ’’سچائی نوں کُوچیاں وچ ٹھرکراں کھانی پئیاں‘‘ (اشعیا59:14)۔

وریاں پہلاں جیہڑی گل ڈاکٹر اے۔ ڈبلیو۔ ٹوزر Dr. A. W. Tozer نے کہی سی اُو اج وی سچی اے، ’’ساری دی ساری انجیلی بشارت دی دُنیا بڑی حد تیکر صحت مندانہ مسیحیت دے منافی نئیں اے… میرا مطلب بائبل دے مانن آلے ہجوم توں اے۔‘‘ (’’ساڈے کول بہترین مسیحی ضرور ہونے چائیدے نے We Must Have Better Christians،‘‘ صفحہ 12).

برطانیہ وچ پیدا ہون آلا مبشر لیونارڈ ریوین ہیل Leonard Ravenhill نے کہیا، ’’دنیاوی پادری مسیحی دُنیا دے کیڑے نے، خدا دے ناسور وچ بدبو آ رئی اے… اُوہناں نے مقدس کرائسوسٹوم St. Chrysostom نوں ایہہ کہن تے مجبور کر دِتا کہ مسیحی پادریاں دی روح نال جہنم ہموار اے۔‘‘ عظیم جان ویزلی نے اکثر ایناں لفظاں دا حوالہ دِتا، تے میں اُوہناں دے نال متفق آں! (’’سدوم دے کول کوئی بائبل نئیں اےSodom Has No Bible،‘‘ صفحہ 120).

ڈاکٹر ٹِموٹھی لِن Dr. Timothy Lin ایس قسم دے مبلغ نئیں سی۔ اُوہناں نے نہایت دلیری نال کہیا کہ 2 تیموتاؤس دا تیجا باب اِرتداد دا اِک انکشاف اے جیہڑا آخیرلے زمانے چہ گرجا گھراں وچ آنا اے۔ بالکل ایس اے ویلے اسی اُوس اِرتداد دے دور وچ حیاتی بسر کر رئے آں جیدی پیشن گوئی 2 تیموتاؤس 2:3 وچ کیتی گئی اے، ’’پہلاں ای گمراہ ہونا‘‘ دا مطلب ہوندا اے کہ بالکل ہُنے پیشن گوئی وچ کسی وی شے توں پہلاں ای اِرتداد (ہی اپوسٹیشیا hē apostasia) شروع ہوندا اے،

’’جیویں نوح دے دِناں وچ ہویا سی اوویں ای اِبنِ آدم دی آمد دے ویلے ہوئے گا۔ کیوں جے طوفان توں پہلاں دے دِناں وچ لوکی کھاندے پیندے تے شادی بیاہ کردے کراندے سی۔ نوح دے کشتی وچ داخل ہون دے دِن تیکر ایہہ سب کُج ہوندا رہیا‘‘ (متی24:37)۔

ایہہ ’’نوح دے دِن‘‘ نے – ’’اِرتداد the apostasy‘‘ لئی اِک دوجا ناں۔ اُو دِن شدید آسیبی سرگرمیاں نال بھرے پئے سی (پیدائش 6:3، 4). تے ڈاکٹر لِن بجا طور تے کہندے نے کہ آخیرلے زمانے دی آسیبی سرگرمی کلیسیاؤاں وچ لُک کے گھس جائے گی، کہ اُوہناں دی خصوصیت ای آسیبی سرگرمی دی وجہ توں جانی جائے گی۔

ڈاکٹر میرل ایف اُونگر Dr. Merrill F. Unger نے اِک شُہرہ آفاق کتاب بائبلی آسیبیت دا علم Biblical Demonology دے عنوان نال تحریر کیتی سی۔ ڈاکٹر وِلبر ایم سمتھ Dr. Wilbur M. Smith نے کہیا کہ اُونگر دی کتاب آن آلے وریاں لئی بائبلی آسیبیت دا معیاری علاج رئے گی۔‘‘ ڈاکٹر اُونگر نے کہیا،

شیطان تے بدروحاں انسانی دِلاں وچ شرارت [پھیلان] لئی آزاد ہو جان گے، گرجا گھر وچ تے [گرجا گھر] دے بغیر۔ پولوس رسول ایدے بارے چہ 2۔ تیموتاؤس 3:1۔5 وچ خبردار کردا اے (بائبلی آسیبیت دا علم Biblical Demonology، صفحہ 305).

فیر ڈاکٹر اُونگر 2 تیموتاؤس 3:1۔5 دی فہرست تحریر کردے نے۔ اُو ایہہ بیان کردے نے، ’’آخیرلے زمانہ وچ سمجھوتے دی روح تے آسان دنیا دی ہم آہنگی، کلیسیا دی ایس ای قدر خصوصیت، اعتقاد رکھن آلے مسیحیاں دے وچکار ہر طرح دی برائی دا سبب بنے گی… تمام روحانی حیاتی نوں مفلوج کر دے گی… اخلاقی استحکام لازمی طور تے متعین ہوئے گا‘‘ (ibid.).

ڈاکٹر ٹموتھی لِن نے ڈاکٹر اُونگر دے بیان وچ ایہہ ظاہر کر کے اضافہ کیتا کہ آخیرلے زمانہ دے گرجا گھراں وچ شیطان تے اُوہدے آسیب کیویں کم کردے نے۔ اپنی بائبل نوں 2 تیموتاؤس 3:1 لئی کھولو۔

’’ایہہ وی جان لوو، کہ آخیرلے زمانے وچ بُرے دِن آن گے۔ لوکی خودغرضی … نوں زیادہ پسند کرن آلے ہون گے‘‘ (2 تیموتاؤس3:1،2)۔

ڈاکٹر ٹِموٹھی لِن Dr. Timothy Lin نے کہیا، ’’اُو لفظ ’خطرناک perilous‘ دا نئے عہد نامے وچ صرف دو وری استعمال ہویا۔ ایتھے تے متی 8:28 وچ، جیتھے ایہہ اِک آسیب زدہ شخص دا بیان کردا اے۔ اج دے دور دی کلیسیا وچ لُکن دے لحاظ نال، شیطان ہر قسم دے دھوکے نوں استعمال کردا اے اُوہناں لوکاں نوں جکڑن لئی جیہڑے ایمان وچ کمزور نے۔

[آخیرلے دِناں دی] کلیسیا وچ آسیباں دی موجودگی دا مذید ہور انکشاف 2 تیموتاؤس 3:3 وچ پاک روح دے ذریعے نال اُوس لفظ ڈایابولوdiabolo دے استعمال نال ہوندا اے۔ حالانکہ ترجمہ ’جھوٹے الزام لگان آلے‘ کیتا گیا اے، ڈایابولو دا اصل چہ مطلب ’ابلیس‘ دے بارے ای وچ اے۔ ایدے توں سختی نال پتہ چلدا اے کہ شیطانی طاقتاں اُوہناں تمام لاقانونیت، ناانصافیاں، جھوٹے تے برے کماں نوں اُبھارن آلیاں تے قابو پا لین گئیاں جیہڑی آخیرلے دِناں وچ [گرجا گھراں] نوں متاثر کرن گئیاں۔

اپنے وچکار شیطان دی موجودگی نوں تسلیم نہ کرنا، زیادہ تر لوکی اکھاں بند کر کے ایدی تجاویز تے عمل کردے نے تے خود انحرافی تے انحطاط دے نال اپنے آپ نوں ضائع کردے نے… ایس گل دا احساس کیتے بغیر [کہ شیطان] اُوہناں دے احساس محرکہ دا مؤجب بنیا۔‘‘

دوویں ڈاکٹر جے ورنن میگی Dr. J. Vernon McGee تے ڈاکٹر میرل ایف۔ اُونگر Dr. Merrill F. Unger ڈاکٹر لِن دے نال متفق نے کہ 2۔ تیموتاؤس دا تیجا باب مسیح دی آمدثانی توں قبل، آخیرلے زمانے وچ کلیسیاواں دی اِک عکاسی اے۔ ڈاکٹر میگی تیجے باب نوں ’’آخیرلے زمانے وچ اِرتداد‘‘ کہندے نے۔

2۔ تیموتاؤس 3:1۔7 وچ گناہواں دی فہرست ’خود نال محبت کرن آلیاں‘ دے نال شروع ہوندی اے۔ پاک کلام دے محتاط مطالعے توں… آشکارہ ہوندا اے کہ اِبتدا توں ای انسان دے سارے دے سارے گناہ خود اُوہدے اپنے ای نفس توں پیدا ہوئے سن… یہودی لوکاں یا کسی وی فرد دے ذریعہ نال کیتے گئے سارے گناہواں دا خلاصہ اِک ای جملے وچ کیتا جا سکدا اے ’ساڈے وچوں ہر اِک نے اپنی اپنی راہ لی اے‘ (اشعیا 53:6). ایویں تمام گناہ دی وجہ دا خلاصہ دو نِکّے جہئے لفظاں وچ کیتا جا سکدا اے: ’اپنی ذات۔‘

اُوہ، نفس [میری اپنی ذات]، تُو کیس قدر خوفزدہ اے! تُو کِنّے گناہواں نوں تخلیق کر چکیا اے۔ تُو کیس قدر زیادہ پریشانیاں کھڑی کر چکیا اے۔ تُو پراہواں نوں اِک دوجے دے خلاف اُکساندا اے، تُو شوہراں تے ووہٹیاں نوں الگ کرن دا سبب بنندا اے، تُو بیلی بناندا اُے تے اِک دوجے دے خلاف ہو جاندا اُے تے گرجا گھر دی تقسیم دا سبب بنندا اُے۔

اُو ’خود نفسی‘ ہر روز ودھ توں ودھ اشتعال انگیز سرگرمیاں وچ ملوث ہو رئی اے۔ زمین ایناں خود ساختہ مذہبی خادماں توں بھری ہوئی اے جنہاں نوں خُدا نے نئیں بھیجیا اے… خود راستباز وڈھیریاں دے ذریعے نال… کی خُداوند کلیسیا وچ اپنے تخت نوں قائم کرے گا؟ اُو نئیں کرے گا! شیطان خلا نوں پُر کرن لئی داخل ہو جاندا اے تے دشمن ’خود اپنی ذات‘ دی مدد نال [گرجا گھر] وچ خاموشی نال داخل ہو جاندا اے۔

’خود نال محبت کرن آلے‘ ہون دا ظاہری مظہر۔ دوجا تیموتاؤس 3:1۔7 بہت سارے گناہواں دا انکشاف کردا اے جیہڑے اِک منبع توں نکلدے نے: ’خود نال محبت کرن آلے۔‘ ایویں، حوالے دا مرکزی نکتہ اے کہ خود نال محبت ہر قسم دی برائی ول لے جاندی اے – آؤ اسی انفرادی طور تے ایناں نوں ویکھنے آں۔

1. < زر دوست – پیسیاں نال محبت کرن آلے۔ لوکی خُدا دی تنبیہ نوں بھُل جاندے نے – ’کیوں جے زر دوستی ہر قسم دی بُرائی دی جڑ اے، تے بعض لوکاں نے دولت دے لالچ وچ آ کے اپنا ایمان کھو دِتا تے طرح طرح دے غماں نال اپنے آپ نوں چھلنی کر دِتا‘ (1۔ تیموتاؤس 6:10). انفرادی مسیحی جیہڑے اپنے معاملات وچ بے ایمانی کردے نے تے اپنی روز مرّہ دی گواہی تے مذہبی خدمت وچ خُدا دی قدرت دا تجربہ کیویں کر سکدے نے؟ بائبل کہندی اے، ’خواہ تہاڈی دولت ودھ وی جائے ایدے تے اپنا دِل مت لگاؤ‘ (زبور 62:10).

2. شیخی باز – مغرور افراد جنہاں نوں خود انمولیت دا احساس ہوندا اے۔ گھمنڈ آلا شخص نئیں پہچاندا کہ ایدے کول جو کُج وی اے یا جو کُج اُو حاصل کر چُکیا اے اُو ایدے تے خدا دے فضل دا نتیجہ اے۔ پاک کلام کہندا اے، ’تیرے کول کی اے جیہڑا تُو [خُدا توں] نئیں پایا؟‘ (1۔ کرنتھیوں 4:7). ’اُو نومُرید نہ ہو کے مغرور ہو جائے تے ابلیس دی سی سزا پائے‘ (1۔ تیموتاؤس 3:6).

3. مغرور – متکبر۔ اُو شاید اندروں محسوس کردے ہون کہ اُو ایہنے چنگے نئیں نے جیہنے کہ دوجے نے۔ اُو اکثر احساس کمتری نوں لُکان لئی اعلیٰ کارکردگی دا مظاہرہ کردے نے۔ خود نوں دھوکہ دینا شیطان وَلّوں ہوندا اے، اُو بُرائی آلا۔

4. بدگو – بے ادب۔ جیہڑے دوجیاں دے بارے وچ بُرائی کرن۔

5. ماں پیو دے نافرمان – افسیوں 6:3 دے مطابق دیندار پیو دے خلاف بغاوت نال حیاتی مختصر ہو جائے گی۔ میرے کول صدر ریگن دے پُتر رون دی توہین دے سوا کُج وی نئیں اے۔ اُوہدے پیو نے اُوہنوں سب کُج دِتا، لیکن اُو اج وی اپنے پیو دے خلاف سرکشی کردا اے، تے کھلم کھُلا اِک مُلحد بن کے اپنے پیو دے خُدا تے اعتقاد دا مذاق اُراندا اے۔ حقیر! اُو اِک خشک زدہ پران تعصبی بن گیا اے! اِک جھوٹے موٹے تے چالباز چہرے دے نال! ساڈے گرجا گھر وچ ہون آلا ہر اُو بچہ جیہڑا چھڈ کے چلا جاندا اے اپنے پیو تے ماں دوواں دی بدنامی کردا اے۔

6. ناشُکرے – احسان فراموش۔ قدیم چینی قول ایدے برعکس اے، ’ادائیگی دی توقع کیتے بغیر ہمدردی یا مہربانی دا مظاہرہ کرو؛ لیکن جدوں تہاڈے تے ہمدردی کی جاندی اے تے کدی وی اینوں فراموش نہ کرو۔

7. ناپاک – ایدا مطلب غلیظ تے بے دین ہوندا اے۔ اِک ناپاک شخص صرف اپنے دِل دی خواہشاں نوں پورا کرن وچ دلچسپی رکھدا اے۔ مُناداں دے اِک مخصوص چیئرمین نے اپنی تے اِک عورت دی فحش تصویراں لے کے اپنی ویب سائٹ تے پا دِتیاں۔ اُوہ، اِک ناپاک شخص دا پاگل پن! اِک ناپاک شخص خُدا دے حکم دا تمسخر اُراندا اے، ’پاک ہو جا، کیوں جے میں پاک آں۔‘

8. قدرتی محبت توں خالی – محبت نہ کرن آلا۔ اینج دے لوکی خُدا دے حکم ’اِک دوجے نال پیار کرو‘ دی پیروی کرن وچ ناکام ہو جاندے نے۔ ایدے نتیجے وچ، گرجا گھر وی اکثر رسم و رواج دی ہیکل بن جاندا اے، بجائے ایدے کہ دِل نال محسوس ہون آلی محبت آلا بن جائے۔ میں تے میری اہلیہ کسی ہور ریاست وچ اِک ’رفاقتی‘ اجلاس وچ ویلہ تے پیسا خرچ کر کے گئے۔ کسی نے ساڈے نال گل نہ کیتی تے نہ ای ساڈے نال سلام دعا کیتی۔ میں اپنی اہلیہ نوں کہیا، ’چلو چلیئے۔‘ اسی چلے آئے، تے فیر کدی وی کسی تے ’رفاقتی‘ اجلاس وچ نئیں گئے – تے نہ ای کدی جاواں گے۔ اُو بس ساڈے کولوں پیسے منگدے رہن دے علاوہ کُج وی نئیں کردے۔ میں اُوہناں دیاں درخواستاں نوں کوڑے دی ٹوکری وچ سُٹ دیناں واں!

9. عہدشکن یا جھگڑالو – صُلح نہ کرن آلے۔ جیہڑے صلح کرن تے تیار ای نئیں ہوندے۔ تُسی اُوہنوں تہانوں معاف کرن لئی کہہ سکدے اُو، لیکن تُسی اینج دا کُج وی نئیں کر سکدے جیہڑا ایس قسم دے لوکاں نوں خوش کر سکے۔ یسوع نے کہیا، ’جے تُسی لوکاں دے قصور معاف نئیں کرو گے تے تہاڈا پیو وی تہاڈے قصور معاف نئیں کرے گا‘ (متی 6:15).

10. بدنام کرن آلے یا جھوٹا الزام لگان آلے – شیطان (واقعی وچ بُرائی کرن آلا)۔ شیطان لوکاں وچ بدنیتی تے مبنی گپ شپ دے ذریعہ نال آپس وچ وگاڑ ڈالن نال محبت کردا اے۔

11. بے ضبط – ایدا مطلب ہوندا اے کہ کسی دے کول اپنے ذلیل جذبات نوں قابو کرن دی طاقت نہ ہونا؛ خود نفسی دے بغیر۔ اِک معروف پادری صاحب جن دے بارے وچ میں جاننا سی اُو اِک خفیہ شرابی سی۔ اِک راتی ایہہ ’پادری‘ ایس قدر نشے وچ سی کہ ایناں نے اپنی گڈی اِک سوئمنگ پول وچ گھُسا دِتی۔ ساڈے گرجا گھر وچ اِک مناد وچ خود تے قابو پان دی صلاحیت گھٹ سی تے ساڈے ای گرجا گھر وچ [اُوہنے] بے شمار لوکاں دے سمنے میرے نال مُکابازی کرن دی کوشش کیتی سی۔ افسوس نال [ایہہ کہنا پیہندا اے کہ] آخیرلے زمانے وچ گرجا گھر دے اراکین وچ ’خودنفسی نا ہونا‘ اِک عام خصوصیت اے۔

12. تُند مزاج – لغوی طور تے ’سفاکانہ۔‘ ایہہ حد توں زیادہ جارحانہ رویے دی وضاحت کردا اے۔ یسوع دے دِل نوں اینج دا ہون توں کیس قدر غم ہونا چائیدا اے۔

13. نیکی دے دشمن – بہتر طور تے ترجمہ کیتا جائے تے ’نیکی دے دشمن۔‘ آخیرلے زمانے وچ گرجا گھراں وچ ’نیکی دے دشمن‘ ودھ جان گے کیوں جے اراکین دی اِک بہت وڈی تعداد خود نال محبت کرن آلیاں دی ہوئے گی۔ دو انتہائی بے دین لوکی جنہاں نوں میں جاننا واں اُو ڈاکٹر کیگن Dr. Cagan دی واقعی وچ تحقیر کردے نے۔ کیوں؟ صرف ایس لئی کہ اُو خدا دے ایس قدر نیک تے وفادار بندے نے!

14. دغاباز – دھوکے باز۔ یہوداہ دے بارے وچ کہیا گیا، اُو شخص جیہنے یسوع دے نال دغابازی کیتی۔ بالاآخر دغاباز اُوس مقام تیکر پہنچ جان گے جیتھے اُو توبہ وی نئیں کر پان گے۔

15. بے حیا – بے پرواہ دا مطلب بے حیا ہوندا اے۔

16. گھمنڈی – مطلب جیہڑے تکبر نال اَنّے ہو چکے ہوندے نے۔

17. خُدا دی نسبت عیش و عشرت نوں زیادہ پسند کرن آلے – آخیرلے زمانے دے گرجا گھراں وچ اینج دے لوکی ہون گے جیہڑے مزے لین نوں اپنا خدا بنا لین گے۔ سانوں اپنی حیاتی وچ چنگی گلاں دے مالک بننا چائیدا اے نہ کہ اُوہناں دا غلام بنئیے۔ بائبل کہندی اے،

’’اے پراہوو، تہانوں التماس کرنا واں کہ جیہڑے لوکی اُوس تعلیم دی راہ وچ جیہڑی تُسی پائی اے روڑے اٹکاندے تے لوکاں وچ پھوٹ پاندے نے، اُوہناں توں ہوشیار رہوو تے اُوہناں توں دور ای رہوو۔ کیوں جے اینج دے لوکی ساڈے خداوند مسیح دی نئیں بلکہ اپنے ٹِہڈ دی خدمت کردے نے تے چکنیاں چُپڑیاں گلاں تے خوشامد توں سادہ دِلاں نوں بہکاندے نے‘‘ (رومیوں16:17، 18)۔

18. جیہڑے دینداری جئی وضح تے رکھن مگر حیاتی وچ دینداری دا کوئی اثر قبول نہ کرن۔

     آخیرلے زمانے وچ بے شمار گرجا گھراں وچ، ’خود نفس‘ خود حکمرانی کردا اے تے شیطان ہم آہنگی کردا اے۔ چونکہ اُوہناں دے کول کوئی حقیقی دینداری نئیں اے، ایس لئی اُو اِک ظاہری ہیت اختیار کر کے سمجھوتہ کردے نے، لیکن دینداری دی قوت غائب ہوندی اے۔ اِک شخص واعظ نال بولدا اے، لیکن خُدا وَلّوں کوئی پیغام نئیں سُنیا جاندا۔ جے اُوہناں دا دعائیہ اِجلاس ہوندا اے، تے خُدا دی قوت دا کدی وی اِظہار نئیں ہو پاندا۔ جے انجیل دی گل کیتی جاندی اے تے بے اعتقاداں دے دِل کدی وی نئیں چھیدے جاندے۔ میں ہر ہفتے کرھیٹن Kreighton تے والڈریب Waldrip دے ’واعظاں‘ نوں پڑھنا واں۔ اُوہناں دیاں گلاں وچ چاہے اُو کُج وی بولن قوت نئیں ہوندی اے۔ اُو کُج گلاں کہندے نے جیہڑیاں سچی ہوندیاں نے، لیکن اُو کھوکھلے لفظ ہوندے نے۔ کسی دے وی مسیح وچ ایمان لہیا کے تبدیل ہون دی توقع نئیں کیتی جاندی اے۔ کسی نال توقع نئیں کیتی جاندی کہ اُو اُوہناں دیاں گلاں سُن کے کسی گل [عادت] نوں اچھائی دی خاطر بدل لئے گا۔ اُو جو کہندے نے اُو گل تے [مذہبی طور تے اپاہج] کاتھولک یا ایپسکو پیلئین کاہن دے ذریعے نال وی سُنی جا سکدی اے۔ ’اُو اینج دے اُستاد بنا لین گے تاں جے اُو اوہی کُج دسن جیہڑا اُوہناں دے کَناں دا بھلا معلوم ہوئے‘ (2۔ تیموتاؤس 4:3). ایویں، ’اُو سِکھن دی کوشش تے کردے نے مگر کدی ایس قابل نئیں ہو پاندے کہ حقیقت نوں پہچان سکن‘ (2۔ تیموتاؤس 3:7).

19. ایہہ لوکی ’نکمی تے چھچھوری عورتاں‘ نوں اپنے بس وچ کر لیندے نے۔ ڈاکٹر لِن Dr. Lin نے کہیا، ’کمزور عورتاں اُو نے جیہڑیاں مختلف جذبات نال دوچار نے، جنہاں وچ اخلاقی پردے تے نیک سمجھ دا فقدان ہوندا اے۔ جدوں شیطان ساڈے تے اخلاقی نسبت پسندی دی اِک دے بعد دوجی لہر دا حملہ کر رہیا ہوندا اے، تے سانوں ایدے حرباں توں لاتعلق نئیں رہنا چائیدا اے۔‘ جے تُسی والڈریپ یا چیعین وگرے مُردہ گرجا گھراں وچ جاندے اُو تے تہانوں دُکھ محسوس نئیں ہوندا، تے ایدا مطلب ہوندا اے کہ تہاڈے وچ روحانی سمجھ نئیں اے!

اج گرجا گھر دے بے شماری اراکین خُدا دی اواج نوں سُن نئیں سکدے کیوں جے اُو خود نال محبت نوں باقی سب توں ودھ سمجھدے نے، تے اُوہناں دی حیاتیاں جسمانی گناہواں توں بھری ہوندیاں نے۔ جے تہاڈا دِل غلاظت تے ناراستبازی نال لبریز اے، تے ہمیشہ سِکھنا غم دی وجہ بنندا اے تے ویلے تے کوشش دا ضیاع اے، کیوں جے حقیقت دے مکمل علم تیکر پہنچن وچ کوئی پیشرفت نئیں کیتی جاندی اے۔ ایہہ تے پاک صاف دِل دا ہونا ہوندا اے جیہڑا سمجھ نال خُدا نوں سُنن دے قابل بناندا اے۔

کُج لوکی تے ہر اُوس اِجلاس وچ شامل ہوندے نے جیہڑا ہوندا اے، لیکن اُوہناں دے دِل سخت ہو چکے نے، تے ایس لئی اُو جیہنا زیادہ سِکھدے نے اُوہناں ای کم سِکھدے نے۔

بے شمار سوچدے نے کہ اُوہناں نوں سب کُج معلوم ہو چُکیا اے جدوں کہ اُو درحقیقت بے شمار بنیادی سچائیاں توں لاعلم ہوندے نے۔ اُو آندے نے، ویکھدے نے تے سُنندے نے، لیکن اُو اِدارک [سمجھن] توں قاصر رہ جاندے نے کیوں جے اُو آخیرلے زمانے دی کلیسیا وچ ہون آلے گناہواں وچ ملوث نے۔‘‘ (ڈاکٹر ٹموتھی لِن Dr. Timothy Lin، خُدا دی بادشاہیThe Kingdom of God)۔

میں پُریقین آں کہ کُج لوکی حیران ہو جان گے کہ ڈاکٹر لِن اِک بپتسمہ دین آلے گرجا گھر وچ اینج دے واعظ دیندے سی۔ اُو سوچدے نے کہ ایویں تبلیغ کرن توں گرجا گھر تقسیم ہو جائے گا۔ تاہم، اُوہناں دے مقابلے وچ ڈاکٹر لِن زیادہ دانشمند سی۔ اُوہناں نے بے شمار اِتواراں نوں ایس قسم دے موضوعات تے گل کیتی سی۔ اُوہدا نتیجہ کی سی؟ اِک پھٹ پین آلا حیاتِ نو جیہنے شمالی امریکہ وچ ڈاکٹر لِن دے گرجا گھر نوں سب توں وڈا چینی گرجا گھر بنا ڈالیا!

ایس آخیرلے دِناں وچ گرجا گھر دے رہنماؤاں دی گل کردے ہوئے ڈاکٹر لِن نے کہیا، ’’جے تُسی شیطان لئی تھاں چھڈ دیندے اُو، ’’جے تُسی شیطان لئی تھاں خالی چھڈدے اُو، تے اُو تہاڈے پُرتکلف تے معقول لفظاں نوں تہانوں تے کسی نوں وی جیہڑا تہاڈی سُنندا اے دھوکہ دین لئی استعمال کرے گا‘‘ (ibid.، صفحہ 63). والڈِریپ تے کرھیٹین نوں ایدے بارے وچ سوچن دیو!

مہربانی نال کھلو جاؤ تے لوتھر دا حمدوثنا دا عظیم گیت گاؤ!

خُداوند ساڈا عظیم قلعہ اے، اِک دفاعی مورچہ جیہرا کدی وی نئیں ہردا،
   ساڈا مددگار، اُو وددھی ہوئی فانی بُرائیاں دے سیلاب دے وِچکار سی۔
کیوں جے ہُن تیکر ساڈا قدیم دشمن اے، جیہڑا بدقسمتی ول تلاش جاری رکھدا اے؛
   اُوس دی کاری گری تے قوت بہت ای وڈی اے، تے اُو ظالم نفرت نال بھریا ہویا اے،
زمین تے اُوس دی برابری کوئی نئیں کر سکدا۔

کی اَسی خود اپنی ای قوت تے پرہوسا نئیں کیتا، ساڈی جدوجہد ہارن آلی ہووے گی،
   کی ساڈے وَل چنگے لوکی نئیں سن، جنہاں نوں آپئی خُدا نے چُنیا سی۔
مت پُچھو اُو کون ہون گے؟ یسوع مسیح، ایہہ اے اُو؛
   خُداوند صبااُوتھ اے اُس دا ناں، زمانیاں توں ایہو ای رہیا اے،
تے اُوہنوں ای جنگ جتنی چائی دی اے۔


تے بے شک ایہہ دُنیا شیاطین نال بھر گئی اے، جیہڑے سانوں نقصان پہنچان دی دھمکی دیندے نے،
   اسی خوف نئیں کراں گے، کیوں جے خُدا کہہ چُکیا اے کہ خُدا دی سچائی ساڈے ذریعے نال ظاہر ہوئے گی۔
سنگدلانہ تاریکی دے شہزادے – اسی اُوہدے لئی نئیں کپکپاندے؛
   اُوہدے انتقام نوں اسی برداشت کر سکنے آں، کیوں جے ویکھو! اُوہدی تباہی یقینی اے،
اِک چھوٹا جیہا لفظ اُوہنوں گِرا ڈالے گا۔

تمام زمینی طاقتاں توں ودھ کے اُو کلام اے، جی نئیں اُوہناں دا شکریہ جیہڑے برداشت کر رئے نے؛
   اُو روح تے تحفے ساڈے نے، اُوہدے ذریعے نال جیہڑا ساڈے نال کھلوتا اے۔
آؤ مال تے رشتہ داراں نوں جان دیو، ایس فانی حیاتی نوں وی؛
   ایس جسم نوں اُو شاید قتل کر دین، خُدا دی سچائی اُودوں وی زندہ رئے گی:
اُوہدی بادشاہی ہمیشہ لئی اے!
(’’خُداوند ساڈا قوی قلعہ اے A Mighty Fortress Is Our God‘‘
شاعر مارٹن لوتھر Martin Luther، 1483۔1546؛ فریڈریک ایچ۔ ہیج Frederick H. Hedge، 1805۔1890 نے ترجمہ کیا)۔

میں ایسٹر دے اِتوار دی صبح بہت ای سویرے جاگ گیا سی۔ میں ٹیلی ویژن لگایا تے پوپ دا ایسٹر دا پیغام سارے دا سارا سُنیا۔ اُوہناں نے کورونا وائرس دے بارے وچ چند لفظ کہے۔ اُوہناں نے کہیا پریشان نئیں ہونا۔ بس ایہہ ای کہیا! ایہہ والڈریپ تے چیعین دے ناں نہاد واعظاں توں بہتر نئیں سی۔

ڈاکٹر اے۔ ڈبلیو۔ ٹوزر Dr. A. W. Tozer نے کہیا، ’’شیطان اُوس مبلغ لئی کسی قسم دی پریشانی کھڑی نئیں کرے گا جیہڑا تی منٹاں تیکر بولے گا تے جیہڑا کُج اُو کہے گا اُوہدا خلاصہ ہوئے ’نیک بنو تے تُسی بہتر محسوس کرو گے۔‘

تُسی اینے ای نیک ہو سکدے اُو جیہنا تُسی چاہندے اُو تے فیر وی جہنم وچ جاؤ گے جے تُسی یسوع مسیح وچ اپنا پرہوسا نئیں کیتا! شیطان اُوس مبلغ لئی کسی قسم دی پریشانی کھڑی نئیں کرے گا جیدا واحد پیغام اے ’نیک بنو!‘‘‘

فیر ڈاکٹر ٹوزر نے ہور کہیا، ’’فضل انسان نوں نجات دلائے گا، لیکن اُو انسان تے اُوہدے بُت نوں نجات نئیں دلائے گا۔ مسیح دا لہو تنہا پشیمان گنہگار دی ڈھال بنے گا، لیکن کدی وی گنہگار تے اُوہدے بُت دی نئیں۔ ایمان گنہگار دا انصاف کرے گا، لیکن اُو کدی وی گنہگار تے اُوہدے گناہ دا انصاف نئیں کرے گا‘‘ (’’انسان: خُدا دی بسیرے دی تھاں Man: The Dwelling Place of God،‘‘ صفحہ 90).

تے اِک آخیرلی وری۔ ڈاکٹر ٹوزر نے کہیا، ’’اِک اوسط گرجا گھر وچ اسی سُننے آں… اوہی جانا مانا جملہ، مذہبی طرز، لفظاں وچ اُوہناں دا سطحی تے عارضی تاثر، لیکن عبادت گزار خُدا توں قریب تر نئیں اے، اخلاقی طور تے بہتر نئیں اے، تے جنت دے بارے وچ اینا پُریقین نئیں اے جیہنا اُو پہلاں سی‘‘ (’’ادھی رات دے بعد پیدا ہویا Born After Midnight،‘‘ صفحہ 89)۔

’’کہوو، بیچارے دُنیا دے باسی، ایہہ ہو سکدا اے
کہ میرا دِل تیرے نال حسد کرے؟‘‘
   (جرہارڈ ٹرسٹیجن Gerhard Tersteegen، 1697۔1769)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔