ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اُو فوجی افسر تے اُو جیہڑے اُوہدے نال سی رومی سن۔ ایہہ چند رومی سپاہی صرف اوہی لوکی سن جیہڑے ’’بہت خوفزدہ‘‘ سن تے جدوں اُوہناں نے صلیب تے مصلوب مسیح نوں ویکھیا تے اُو ’’حیرت نال بھر‘‘ گئے سی!

مینوں بخوبی یاد اے میں اِک نوبالغ دی حیثیت نال کیویں محسوس کیتا سی جدوں مینوں اِک بپتسمہ دین آلے گرجا گھر وچ پہلی مرتبہ مصلوبیت دے بارے وچ دسیا گیا سی۔ میری اَکھاں آنسواں نال بھر گئیاں سن تے میں تعجب تے ’’حیرت نال بھر‘‘ گیا سی۔ باقی دوجے نوجوان لوکی صلیب تے مسیح دے مرن توں مکمل طور تے متاثر نئیں ہوئے سی۔

اُوس دِن میرے وچ تے دوجے نوجوان لوکاں دے وچکار کی فرق سی؟ ایہہ میرے لئی نیا تے حقیقی سی۔ اُوہناں لئی اُو محض اِک ہور عبادت سی! فرق ایہہ سی کہ میں جاننا سی کہ میں گمراہ سی۔ دوجے بچیاں نے سوچیا سی کہ اُو نجات یافتہ سی کیوں جے اُوہناں نے دعا پڑھی سی تے بپتسمہ یافتہ سی۔ ڈاکٹر اے۔ ڈبلیو۔ ٹوزر Dr. A. W. Tozer نے کہیا، ’’جیہڑا شخص اپنی سچی عقیدت دے لائق کوئی مقصد لب نئیں پاندا اُو گمراہ ہو جاندا اے، تے ایہہ ساڈی گمراہی دا ای حصہ ہوندا اے کہ اسی نئیں جانندے کہ اسی کینے گمراہ آں‘‘ (’’آدمی: خُدا دے بسیرے دی تھاں Man: The Dwelling Place of God،‘‘ صفحہ 93)۔

میں سوچیا سی کہ میں عجیب سی تے کہ دوجے بچے نارمل سی۔ دوجے بچے پُریقین سی کہ اُو ٹھیک سن، تے ایس لئی، اُوس مصلوب ہوئے یسوع دے کول اُوہناں لئی کُج وی نئیں سی۔ میں صلیب تے یسوع دے بارے وچ تعجب توإ شدت ما؛ خوفزدہ سی۔ اُوہناں نے سُنے بغیر ای مبلغ دے لفظاں نوں ہوا وچ اُڑا دِتا! ’’ایمان دی بُنیاد پیغام دے سُنن تے اے تے پیغام دی بنیاد خُدا دے کلام تے اے‘‘ (رومیوں10:17)۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

یہودی لوکاں نے سوچیا سی اُو پہلاں ای توں نجات یافتہ سی۔ لہٰذا اُوہناں نے کُج وی محسوس نئیں کیتا جدوں زلزلہ آیا تے یسوع نوں اُوہناں دے گناہ دی خاطر مردے ہوئے ویکھیا۔ ڈاکٹر ٹوزر Dr. Tozer دی گل سُنو جیہڑے کہ دانٹے دی جہنم Dante’s Inferno دی گل کردے نے:

دانٹے، جہنم وچوں اپنے تصوراتی سفر وچ گمشدہ روحاں دے اِک گروہ دے کول پہنچا سیاہ ہوا وچ بِلامقصد گردش کردے ہوئے مسلسل آہاں بھر رئی سن تے ماتم کر رئی سن۔ اُوہدے گائیڈ، ورجِل نے واضح کیتا کہ ایہہ ’بدبخت لوکی‘ سی، ’جیہڑے تقریباً روح دے بغیر‘ سی، جیہڑے جیس ویلے اُو زمین تے زندہ سی تے اینی کافی اخلاقی قوت وی نئیں رکھدے سی کہ یا تے نیک ہو جاندے یا بد بن جاندے۔ اُوہناں نے نہ تے ستائش نہ ای الزام کمایا۔ تے اُوہناں دے کول اُوہناں دی سزا وچ شامل سی اُو فرشتے جیہڑے نہ تے خُدا دی نہ شیطان ای دی حمایت کر پائے۔ ایس سارے کمزور تے لاپرواہ عملے دا نصیب اِک جہنم دے وچکار، جیہنے کہ اُوہناں دی تحقیر کیتی، معلّق [لٹکے] ہونا سی تے اِک جنت دے وچکار جیہڑی کہ اُوہناں دی غلیظ موجودگی نوں قبول نہ کر پائی معلّق [لٹکے] ہونا سی۔ ایتھوں تیکر کہ اُوہناں دے ناماں دا تذکرہ وی نہ جنت وچ یا زمین تے یا جہنم وچ فیر نئیں ہونا سی۔ ’ویکھو،‘ گائیڈ نے کہیا، ’تے گزر جاؤ۔‘
     کی ڈانٹے اپنے انداز وچ صرف اوہی گل کہہ رئے سن جیہڑی ساڈے خداوند نے لُدیسیہ دی کلیسیا نوں کافی عرصہ پہلاں کہی سی، ’کاش کہ تُو سرد ہوندا یا گرم۔ پس چونکہ تُو نہ سرد اے تے نہ گرم بلکہ نیم گرم اے ایس لئی میں تیہنوں اپنے منہ توں نکال پھینکن نوں آں‘؟
     ساڈے وچ اخلاقی جوش دی سطح کم ہون دی اہمیت دی گہرائی ایدے نالوں کئیں زیادہ گہری ہوئے گی کہ اسی یقین کرن نوں تیار نئیں آں‘‘ (’’خدا تے لوکاں دے بارے وچ Of God and Men‘‘)۔

صلیب دے آلے دوالے اُوہناں لوکاں دے بارے وچ سوچو۔ اُوہناں نے زلزلے نوں ویکھیا۔ اُوہناں نے سورج نوں سہ پہر 3:00 وجے لُکدے ہوئے ویکھیا۔ اُوہناں نے لوکاں نوں یسوع تے کفر بکدے ہوئے سُنیا۔ لیکن اُوہدے وچوں کِسے وی گل نے ہجوم نوں سرے توں متاثر ای نئیں کیتا۔

لیکن اُو کافر رومی فوجی افسر اپنے دِل وچ شدت توں متاثر ہویا سی۔ او تعجب نال بھر گیا سی جدوں اُوہنے سُنیا تے اوہی گلاں ویکھیاں جیہڑی اُوہناں ’مذہبی‘ لوکاں نے ویکھیاں تے سُنیاں سن۔

آدم نے گناہ کیتا تے، اپنے خوف وچ، خُدا دی حضوری توں لُکن دی کوشش کیتی۔ ڈاکٹر ٹوزر نے کہیا، ’’روح وچ خُدا دے لمس دی تھاں کُج وی نئیں لے سکدا‘‘ (’’الوہی فتح The Divine Conquest،‘‘ صفحہ25)۔

خُداوند نے اُوس دِن میری روح نوں ’’چھوا‘‘ سی تے میں حیرت زدہ رہ گیا سی۔ میں ہُنے تیکر نجات نئیں پائی سی، لیکن میں شدید طور تے متاثر ہویا سی۔ تے ایہی گل مینوں محض اِک مذہب توں پرے لے گئی سی – حتمی طور تے یسوع تے پرہوسا کرن لئی تے سچے طور تے نجات یافتہ ہون لئی!

کوئی شاید کہہ سکدا اے کہ میں ’’چُنیدہ لوکاں‘‘ وچوں اِک آں۔ لیکن ایہہ اُوس حقیقت توں لُکن دی اِک راہ اے جیہڑی میں محض ویکھیا سی، خُداوند دے فضل نال، کہ مینوں یسوع مسیح دی لوڑ سی – ایہہ مُردہ دُنیا جو پیش کردی اے اُوہدے وچوں کسی وی شے دے مقابلے وچ بہت زیادہ! جے تُسی اُو ویکھ چکے اُو، تے تُسی وی شاید ’’چُنیدہ لوکاں‘‘ وچوں اِک اُو! روایت سانوں دسدی اے کہ ایہہ فوجی افسر اِک سچا مسیحی رہیا۔ تے میں اُوس روایت نوں اپنے تمام دِل دے نال قبول کردا آں! ٹھوس روایت سانوں دسدی اے کہ ایہہ شخص مسیح لئی شہید ہویا! تے ایہہ سب توں وڈا اعزاز اے جیہڑا کوئی مسیح حاصل کر سکدا اے!

ایہہ جانن نال سانوں حیران نئیں ہونا چائیدا اے کہ اُوہناں ’’مذہبی‘‘ لوکاں وچوں زیادہ تر جنہاں نے صلیب تے مسیح دا مذاق اُڑایا، اُوہنوں کدی وی ویکھیا جدوں اُو تِن دِن بعد، مُردیاں وچوں جی اُٹھیا سی!

کرونا وائرس دے بارے وچ کی خیال اے؟ مُردہ لوکی سانوں کہندے نے کہ گرجا گھر توں دور رہوو۔ نیویارک دا مئیر ساڈے توں چاہندا اے کہ گرجا گھر توں دور رہیے۔ اُو اِک غیر نجات یافتہ شخص اے! مینوں تے ایتھوں تیکر کہ جنگلی گھوڑیاں دا جُھنڈ وی ایسٹر سنڈے دے دن – گرجا گھر توں دور نئیں رکھ سکدا!

ہُن پولوس رسول نوں سُنو،

’’لیکن جو کُج میرے لئی نفع دا باعث سی، میں اُوہنوں مسیح دی خاطر نقصان سمجھ لہیا اے۔ میں اپنے خداوند یسوع مسیح دی پہچان نوں اپنی بڑی خُوبی سمجھدا آں تے ایس سبب نال میں دُوجی تمام شیواں توں ہتھ دھو لئے تے اُوہناں نوں کُوڑا سمجھدا آں تاں جے مسیح نوں حاصل کر لواں۔ تے اُوسے وچ پایا جاواں لیکن اپنی شریعت آلی راستبازی دے نال نئیں بلکہ اُوس راستبازی دے نال جیہری مسیح تے ایمان لہیان نال حاصل ہوندی اے۔ ایہہ راستبازی خدا وَلّوں اے تے ایمان دی بنا تے دِتی جاندی اے۔ میں ایہی چاہنا آں کہ مسیح نوں تے اُوہدے جی اُٹھن دی قدرت نوں جاناں، اُوہدے نال دُکھاں وچ شریک ہون دا تجربہ حاصل کراں تے اُوہدی موت توں مشابہت پیدا کر لواں تاں جے کسی طرح مُردیاں وچوں جی اُٹھن دے درجہ تیکر جا پہنچاں۔ ایدا مطلب ایہہ نئیں کہ میں اُوس مقصد نوں پا چُکا آں یا کامل ہو چُکا آں بلکہ میں اُوس مقصد نوں پان لئی نَسّا چلا جا رہیا واں جیدے لئی مسیح نے مینوں پھڑیا سی۔ پراہوو! میرا ایہہ گمان نئیں کہ میں اُوہنوں پا چُکیا واں بلکہ صرف ایہہ کہہ سکنا واں کہ جیہڑیاں شیواں پِچھے رہ گئیاں نے اُوہناں نوں بھُل کے اَگے دیاں شیواں ول ودھدا جا رہیا واں۔ تے تیزی نال دوڑ رہیا واں تاں جے نشانہ تیکر جا پہنچاں تے اُو انعام حاصل کر لواں جیدے لئی خدا مینوں یسوع مسیح دے ذریعہ اُتے بُلا رہیا اے‘‘ (فلپیوں 3:7۔14).

آؤ اِینوں ای اپنا ہدف بناؤ! خُدا تہانوں ایس ایسٹر سنڈے تے ہمیشہ برکت دے! آمین۔

مہربانی نال کھلوو تے چارلس ویزلی Charles Wesley دا تحریر کیتا ہویا گیت ’’اوہ ہزار زباناں لئی O For a Thousand Tongues‘‘ گاؤ، تہاڈے گیتاں دے ورق تے نمبر 1 اے!

ہائے، اِک ہزار لوکاں نوں مخلصی بخشن آلے دی ستائش گان لئی،
میرے خُداوند تے بادشاہ دا جلال، اُوہدے فضل دی فتح،

میرے شفیق آقا تے میرے خُداوندا، اعلان کرن وچ میری مدد کر،
تیرے ناں دی تعظیم نوں پوری زمین تے پھیلان دی خاطر۔

یسوع اُو ناں جیہڑا ساڈے خوفاں نوں لُبھاندا اے، جیہڑا ساڈے غماں نوں ختم ہون دا حکم دیندا اے؛
جیہڑا گنہگاراں دے کَناں وچ موسیقی اے، جیہڑا حیاتی، صحت تے سکون اے۔

اُو تنسیخ شُدہ گناہ دی قوت نوں توڑدا اے، اُو قیدی نوں آزادی دیندا اے؛
اُوہدا لہو غلیظ ترین نوں پاک صاف کر دیندا اے؛ اُوہدا لہو میرے لئی فائدہ مند اے!
     (’’اوہ ہزار زباناں لئی O For a Thousand Tongues‘‘ شاعر چارلس ویزلی Charles Wesley، 1707۔1788)۔

ہُن گاؤ، ’’اختلاف ختم ہو گیا The Strife Is O’er۔ ‘‘

ہیلیلویاہ! ہیلیلویاہ! ہیلیلویاہ!
تصادم ختم ہوگیا، جنگ اختتام پذیر ہوئی؛
حیاتی دی فتح جِت گئی اے؛
فتح دا گیت شروع ہو چُکیا اے۔ ھیلیلویاہ!
ہیلیلویاہ! ہیلیلویاہ! ہیلیلویاہ!

موت دیاں قوتاں نے اپنا پورا زور لگا لہیا،
لیکن مسیح نے اُوہناں دے لشکر نوں منتشر کردِتا؛
آؤ پاک خوشی دے نعرے چلا کے لگاؤ۔ ہیلیلویاہ!
ہیلیلویاہ! ہیلیلویاہ! ہیلیلویاہ!

تِن اُداس دِن جلدی نال لنگ گئے؛
اُو جلال دے نال مُردیاں وچوں جی اُٹھیا؛
ساڈے جی اُٹھے سربراہ نوں تمام جلال ہوئے! ہیلیلویاہ!
ھیلیلویاہ! ہیلیلویاہ! ہیلیلویاہ!

اُوہنے منہ پھاڑے جہنم دے بوہے بند کر دِتے؛
آسمان دے اُچے پھاٹکاں دی سلاخاں ڈِگ گئیاں:
اُوہدی فتوحات نوں ستائش دے حمدوثنا دے گیت دسن دیو۔ ھیلیلویاہ!
ھیلیلویاہ! ہیلیلویاہ! ہیلیلویاہ!

خُداوندا، تیرے کوڑے کھان دے سبب نال جنہاں نے تیہنوں زخمی کیتا،
موت دے ہولناک ڈنگ توں تیرے خادم آزاد ہوئے،
کہ اسی زندہ رہ سکاں تے تیرے لئی گان۔ ھیلیلویا!
ھیلیلویا! ھیلیلویا! ھیلیلویا!
     (’’اختلاف ختم ہو گیا The Strife Is O’er ‘‘ فرانس پاٹ Francis Pott نے ترجمہ کیتا، 1832۔1909)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔