ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مہربانی نال اپنی بائبل وچوں یوحنا2:23 کھولو۔ ایہہ انتہائی اہم اے۔

’’جدوں اُو عیدِ فسح تے یروشلیم وچ سی تے بوہتے لوکی اُوہدے معجزے ویکھ کے اُوہدے ناں تے ایمان لے آئے۔ مگر یسوع نون اُوہناں تے اعتبار نئیں سی ایس لئی کہ اُو سب انساناں دا حال جانندا سی۔ اُوہنوں ایہہ لوڑ نئیں سی کہ کوئی آدمی اُوہنوں کِسے دوجے آدمی دے بارے چہ دسے کیوں جے اُو انسان دے دل دا حال جانندا سی‘‘ (یوحنا2:23۔25)۔

ایتھے ویکھو۔ ایتھے جنہاں لوکاں دے بارے وچ گل کیتی گئی اے اپنے ’’ایمان‘‘ وچ سطحی سن۔ اُو صرف ’’اُوہناں معجزاں نوں جیہڑے [یسوع] نے کیتے‘‘ ویکھن لئی آئے سن۔ ایس لئی یسوع نے ’’اُوہناں تے اعتبار نئیں کیتا۔‘‘ کیوں؟ کیوں جے ’’اُو سب دے دلاں دا حال جانندا سی… اُو اِنسان دے دِل دا حال جانندا سی۔‘‘ یسوع کی جانندا سی اِنسان دے دِل وچ کی سی؟ اُو جانندا سی کہ،

’’کیوں جے اندروں یعنی اُوہدے دِل توں بُرے خیال باہر آندے نے جیویں حرامکاری، چوری، خونریزی، زِنا، لالچ، بدکاری، مکروفریب، شہوت پرستی، بدنظری، بدگوئی، نخوت تے حماقت۔ ایہہ سب بُرائیاں انسان دے اندروں نکلدیاں نے تے اُوہنوں ناپاک کر دیندیاں نے‘‘ (مرقس 7:21۔23).

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

یسوع نے اُوہدے تے اعتبار نئیں کیتا سی کیوں جے اُو جانندا سی کہ اُو مکمل طور تے اخلاقی زوال وچ گرے ہوئے سن!

میں چکمہ کھا چُکیا آں، ایتھوں تیکر کہ حال ای چہ، لوکاں دے دِلاں وچ مکمل اِخلاقی زوال دی گہرائی دا احساس نہ کرن دی وجہ توں! جدوں کرھیٹن نے ڈاکٹر کیگن نوں اِک ای میل لکھی تے کہیا، ’’ساڈا گرجا گھر اِک گھر اے تے میں وعدہ کرنا واں میں کدی وی اینوں نئیں چھڈاں گا،‘‘ میں اُوہدا یقین کیتا۔ بالکل اُوسی ویلے جدوں اُوہنے اُو ڈاکٹر کیگن نوں لکھیا، اُو جان والڈرپ دے نال اِک خفیہ ملاقات کر رہیا سی ایہہ منصوبہ بنان لئی کہ کیویں سانوں چھڈا جائے تے ساڈے گرجا گھر دی تقسیم کیتی جائے! دوجے لفظاں وچ، کرھیٹن نے اُوس ای میل وچ ڈاکٹر کیگن دے نال جھوٹ بولیا سی! اُوہدی دھوکہ دہی اُوہدے مکمل اِخلاقی زوال دا نتیجہ سی! بالکل اپنے ’’پیو‘‘ آدم وانگوں، کرھیٹن نے جھوٹ بولیا۔ بالکل یہوداہ وانگوں، اُوہنے اپنی گناہ توں بھرپور فطرت نوں لُکان لئی جھوٹ بولیا! اُوہدی حیاتی وچ مکمل اِخلاقی زوال دی قوت کدی وی ٹُٹّی نئیں سی! ڈاکٹر کیگن نے کہیا کہ کرھیٹن بالکل ’’غلط، خود دی تلاش وچ، تے شیطانی وی سی۔‘‘

ایتھے اِک ہور اے۔ اُوہنے سانوں اُوہدے تے پرہوسا کرن تے اُکسان لئی گواہی دین دا چکمہ دِتا۔ اُوہنے اپنی بغاوت تے یسوع دے اگے اپنے ’’گھٹنے ٹیکن‘‘ نوں اِک ماہر عوامی مقرر وانگوں بیان کیتا۔ فیر اُوہنے لکھیا، ’’[یسوع] لئی میری محبت جیویں اُوہنے میرے نال پیار کیتا اے دے موازنے وچ بہت نِکی اے۔ میں مسیح لئی کدی وی بہت کُج نئیں کر سکاں گا۔ [یسوع دی] خدمت کرنا ای میری خوشی اے! یسوع ای میری اُمنگ تے سمت اے۔ میں خود تے پرہوسا نئیں کردا بلکہ [یسوع] تنہا اُوسے ای وچ اپنی اُمید رکھنا واں… مسیح میرے کول آیا تے ایس ای وجہ توں میں اُوہنوں نئیں چھڈاں گا۔‘‘

میں اُوہدے تے یقین کیتا! اُو اِک چنگا مقرر سی ایس قدر چنگا کہ میں جدوں میں کینسر تے آرتھیرائٹس نال تکلیف وچ مبتلا ساں تے اپنی جگہ تے اُوہنوں منادی کرن دین تے پرہوسا کیتا۔ لیکن اُو مکمل طور تے اِک مسخ شُدہ یا بگڑیا ہویا مُنڈا سی، جیہنے جھوٹ بولیا سی جدوں اُوہنے ایہہ گواہی دِتی سی۔ اُوہنے مینوں دھوکہ دِتا تے میں اُوہدی گواہی نوں اپنی سوانح حیات وچ تحریر کر ڈالیا۔ صرف بعد چہ مینوں پتا چلیا کہ اُوہدی ساری دی ساری ’’گواہی‘‘ اِک جھوٹ سی۔ اُوہنے کہیا، ’’مسیح میرے کول آیا تے ایس ای وجہ توں میں اُوہنوں نئیں چھڈاں گا۔‘‘ لیکن اُوہدے تھوڑے ای عرصے بعد اُوہنے ساڈے گرجا گھر نوں چھڈ دِتا۔ ہُن اُو میرے توں لُکدا پھردا اے، بالکل جیویں باغ عدن وچ آدم خُدا دی اواج توں لُکدا پھردا سی۔ ڈاکٹر ھنری سی۔ تھائیسن Dr. Henry C. Thiessen نے کہیا، ’’انسان گمراہ ہون توں لے کے، خود اپنے دل نوں بدل نئیں سکیا… اُو دیندار دُکھ دے نال توبہ نئیں کر سکدا۔ ایہہ سارے دے سارے نتیجے انسان تے گمراہی دی اِک نتیجے دی حیثیت نال نازل ہوئے‘‘ (تھائیسن، سلسلہ بہ سلسلہ علم الہٰیات تے لیکچرز Lectures in Systematic Theology، عیئرڈمیزEerdmans، 1949 ایڈیشن، صفحات268، 269)۔ میں ایس نوجوان شخص دے نال اِک بیلی دی حیثیت نال برتاؤ کیتا۔ لیکن جدوں سانوں اُوہدی سب توں ودھ لوڑ سی، دیماس وانگوں، اُوہنے ’’ایس موجودہ دُنیا دی محبت وچ پے کے‘‘ مینوں چھڈ دِتا (2۔ تیموتاؤس 4:10). اُوہدا مکمل اِخلاقی زوال اُوہدے تے کیویں اِک المیہ لے کے آیا!

فیر اِک نوجوان خاتون سی جیہنے ایہی کم کیتا! میں اُوہدی وی چال وچ آ گیا سی، تے اُوہدی گواہی نوں اپنی سوانح حیات وچ آخر وچ تحریر کر ڈالیا۔ اُوہنے تے ایتھوں تیکر کہ جیس نوجوان شخص دے بارے وچ میں گل کیتی اُوہدے انتہائی لفظاں دی نقل لکھ ڈالی۔ اُوہنے اُوسی شخص دے بالکل اوہی لفظ کہے، واضح طور تے اُوسے ای توں نقل کیتے ہوئے، ’’میں اینوں مذید ہور برداشت نئیں کر پائی۔ مینوں مسیح نوں پانا ای سی!‘‘ ’’اُو میرا ہیرو میرا خُداوند اے… یسوع نے مینوں زندہ رہن لئی تے اُوہنوں جلال بخشن لئی اِک نئی اُمنگ بخشی… ہُن، یسوع دی وجہ توں، میں اُو کرنا چاہنی آں جو میں اُوہنوں [یسوع نوں] خوش کرن لئی کر سکنی آں۔‘‘

کھوکھلے لفظ! اُو گرجا گھر وچ پیانو وجان آلی سی۔ کرسمس توں اِک ہفتہ پہلاں اُوہنے ساڈے گرجا گھر نوں چھڈ دِتا – کوئی پیانو وجان آلا وی نئیں سی! کیویں دا پاگل پن! بائبل کہندی اے،

’’اُوہناں دے سینے عمر بھر دیوانگی نال بھرے رہندے نے تے اُوہدے بعد اُو مُردیاں وچ جا ملدے نے‘‘ (واعظ 9:3).

ایہہ دیوانگی اے جیہڑی مکمل اِخلاقی زوال وچوں اُبل کے نکلدی اے!

ایس لئی خُداوند نے یسوع اپنے اِکلوتے پُتر نوں دُنیا چہ پیجیا۔ یسوع مسیح آخیرلا آدم اے۔ ’’آخیرلا آدم حیاتی بخشن آلی روح بنیا‘‘ (1۔ کرنتھیوں 15:45) پہلاں آدم ساری دی ساری نسل انسانی لئی مکمل اِخلاقی زوال لہیایا۔ آخیرلا آدم یسوع مسیح اے۔ دورِ حاضرہ دی انگریزی وچ، ’’آخیرلا آدم حیاتی بخشن آلی روح بنیا‘‘ (ESV).

یسوع مسیح ’’جیتھے میں گنہگاراں نوں بچان لئی آیا‘‘ (1۔ تیموتاؤس 1:15). اشعیا دا 53 واں باب مسیح دی موت، اُوہدے کوڑے کھان، ساڈی تھاں تے اُوہدے قربان ہون دی اِک انبیانہ تصویر سانوں پیش کردا اے۔ ایہہ یسوع دی موت تے مُردیاں وچوں فیر جی اُٹھن ای توں اے کہ ساڈے مکمل اِخلاقی زوال نوں شفا مل سکدی اے تے اسی اُوس مکمل اِخلاقی زوال توں نجات پا سکنے آں جو سانوں پہلاں آدم دے گناہ توں نصیب وچ ملی۔ مسیح نے ساڈے گناہ دا کفارہ ادا کرن لئی اپنا لہو وگایا تے سانوں تمام گناہ توں پاک صاف کیتا۔ بائبل کہندی اے، ’’یسوع مسیح اُوہدے پُتر دا لہو سانوں تمام گناہ توں پاک صاف کردا اے‘‘ (1۔ یوحنا 1:7). ایہہ ساڈی تھاں تے یسوع دے دُکھ سہن تے قربان ہو جان ای دی وجہ توں اے کہ اسی گناہ دی لعنت توں نجات پا سکنے آں تے خُدا دے نال صلح وچ آ جانے آں! بائبل کہندی اے،

’’مگر تُسی جیہڑے پہلاں دور سی ہُن مسیح یسوع وچ ہو کے اُوہدے لہو دے وسیلہ نال نزدیک ہو گئے ہو‘‘ (افسیوں 2:13).

’’نجات کسی ہور دے وسیلہ نال نئیں اے کیوں جے آسمان دے تھلے لوکاں نوں کوئی دُوجا ناں نئیں دِتا گیا اے جیدے وسیلہ نال اسی نجات پا سکاں‘‘ (اعمال 4:12).

اِختتام وچ، ڈاکٹر ٹوزر دے ایناں لفظاں نوں یاد رکھو،

’’ایہہ شُبہ نال بھرپور اے کہ کوئی وی شخص جیہڑا یسوع دے کول اُوہدے توں مدد [مانگن] لئی آندا اے نجات پا سکدا اے لیکن اُوہدے نال فرمانبردار رہن دا اِرادہ نئیں رکھدا‘‘ (’’راستبازی دی جڑ The Rood of the Righteous، صفحہ 85)۔

خُداوند یسوع مسیح نے کہیا، ’’تُسی میرے بیلی ہو بشرطیکہ میرے کہن تے عمل کردے رہیو‘‘ (یوحنا15:14)۔

فیر یسوع میسح نے کہیا، ’’تنگ بوہے وچ داخل ہون دی پوری کوشش کرو کیوں جے میں تہانوں کہناں واں کہ بوہتے اندر جان دی کوشش کرن گے لیکن نہ جا سکن گے‘‘ (لوقا13:24)۔

تے مسیح نے ایہہ وی کہیا، ’’جے تُسی توبہ نئیں کرو گے تے تُسی وی ایویں ای ہلاک ہو گے‘‘ (لوقا13:5)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔