ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مینوں اینج لگدا اے کہ ساری نبیاں وِچوں اشعیا عظیم ترین نبی سی۔ لیکن اشعیا کیویں خُدا دا اِک ایہو جیہا بندہ بن گیا؟ اشعیا دے چھٹے باب وِچ، ساڈے کول جواب موجود اے۔

’’جیس ورے عُزیّاہ بادشاہ فوت ہویا میں خُداوند نوں اِک بُلند و بالا تخت تے جلوہ افروز ویکھیا تے اُوہدی قِبا دے گھیر نال ہیکل معمور ہو گئی سی‘‘ (اشعیا6:1)۔

اشعیا نے سرافیم نوں پکار پکار کے ایہہ کہندے ہویاں سُنیا سی، ’’قُدوس قُدوس، رب الافواج قُدوس اے؛ ساری زمین اُوہدے جلال توں معمور اے‘‘ (اشعیا6:3)۔

نوجوان اشعیا نے عُزیّاہ بادشاہ نوں پیار کیتا سی جیہڑا اِک نیک تے معزز بادشاہ سی۔ لیکن ہُن اُو نیک بادشاہ مر چکیا سی۔ ہُن اشعیا دے نال کی ہووے گا جدوں کہ اُو نیک بادشاہ مر چکیا سی؟ میرے خیال وِچ اُوس نوجوان شخص نے تہاڈے وِچوں کُج وگرا محسوس کیتا سی۔ تُسی ذہبی دباؤ دا شکار محسوس کردے اُو ساڈے گرجا گھر ختم ہو چکیا اے۔ لیکن خُداوند دا اشعیا دے نال ہُنے ناطہ نئئیں ٹُٹیا سی۔

خُداوند دے ایس تصور نے اُوہدی جان نوں گرفت چہ جکڑ لہیا سی۔ اشعیا مایوس کُن افسردگی وِچ نئیں پہیا سی۔ ایہدے بجائے، خُداوند دے تصور یا رویا نے اُوہنوں اِک مختلف انداز دے نال گرفت وِچ کیتا سی۔ اُوہنے کہیا،

’’میرے تے افسوس، میں تباہ ہو گیا کیوں جے میرے ہونٹ ناپاک نے تے میں ناپاک ہونٹاں آلے لوکاں دے وِچکار رہناں واں تے میں بادشاہ نوں جیہڑا رب الافواج اے ویکھیا اے‘‘ (اشعیا6:5)۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

نوجوان اشعیا لئی ایہہ روحانی رکاوٹ نوں عبور کرنا سی! ایس رکاوٹ نوں عبور کرن دا شاید تہانوں وی تجربہ ہویا ہوئے۔ لیکن تہانوں کسی ہور شے دے مقابلے وچ خدا توں مذید ہور زیادہ دی خواہش کرنی چائیدی اے! ڈاکٹر اے۔ ڈبلیو۔ ٹوزر Dr. A. W. Tozer نے کہیا، ’’اُو گرجا گھر توں چلے نئیں جاندے کیوں جے اُو خدا نوں نئیں چاہندے – بلکہ اُوہناں نوں کُج اینج دا مل چُکیا ہوندا اے جیدی خواہش اُو خُدا دے مقابلے وچ زیادہ کر چکے سن… جدوں اُوہناں دی پرانی فطرت دے جذبات اُبھرے تے اُوہناں نے خُدا توں اپنیاں نظراں موڑ لئیاں تے اپنے گرجا گھر توں نکل گئے۔ اُوہناں نے بے دین مرداں یا عورتاں دے نال تعلق قائم کیتے۔ اُو دُنیاوی دوستیاں وچ پے گئے۔ اُوہناں نے اُوہناں نوکریاں نوں قبول کیتا جیہناں وچ خُدا نوں خوش کرن تے جلال بخشن دی کوئی توقع ای نئیں ہوندی۔ اُو واپس دُنیا وچ چلے گئے۔ اُوہناں دے نصیب وچ جو اُو سب توں ودھ چاہندے سن لکھا جا چُکیا سی… میں اُوہناں نوں ایہہ تعلیم دین دے ذریعے نال کہ تُسی اِک چنگے مسیحی بن سکدے اُو تے ایس موجودہ دُنیا نال محبت کر سکدے اُو دُھوکہ دین تے سزا دین توں انکار کردا آں۔ کیوں جے تُسی کر ای نئیں سکدے۔ جی ہاں، تُسی اِک منافق ہو سکدے اُو تے ایس دُنیا نال محبت کر سکدے اُو۔ تُسی اِک دھوکہ باز پادری ہو سکدے اُو تے ایس دُنیا نال محبت کر سکدے اُو۔ تُسی دورِ حاضرہ دے اِک گھٹیا مبشر ہو سکدے اُو تے دُنیا نال محبت کر سکدے اُو۔ لیکن دُنیا نال محبت کردے ہون تے بائبل دے اِک حقیقی مسیحی نئیں ہو سکدے۔ ایس اصول تے تنہا ڈٹے رہنا مینوں دُکھ پہنچائے گا، لیکن میں ایدے بارے وچ تہاڈے نال جھوٹ نئیں بولاں گا‘‘ (ٹوزر دے واعظ گاہ توں The Tozer Pulpit)۔

فیر، ڈاکٹر ٹوزر نے کہیا، ’’میری رائے وچ، اج دی سب توں وڈی واحد لوڑ ایہہ اے کہ اُوہناں بے دِلے، سطحی مبشرین نوں خُدائے عالی شان دے تصور دے نال دھکیل دینا چائیدا اے تے اُوس [خدا دی] قبا دے گھیر توں ہیکل نوں معمور کرنا چائیدا اے۔‘‘ خُدا دے اُوس طرح دے تصور دے بغیر ’’اسی خود اپنی چالاکیاں وچ چھڈ دِتے جاندے آں تے گھٹیا تے دکھاوے آلی سرگرمیاں نوں کرن تے مجبور کر دِتے جاندے آں کہ گرجا گھر دے لوکاں دی توجہ مرکوز کر سکئیے… اسی تنگ ہو جان توں ایس قدر خوفزدہ نے کہ اسی دُنیاداری لئی اپنے بوہے کھول چُکے نے۔ ایہہ صرف روحانی المیے ول رہنمائی کردی اے… خُدا ول اپنے رویے وچ، دُنیا ول اپنے رویے وچ تے گناہ ول اپنے رویے وچ انجیلی بشارت دے پرچار دی تعلیم دی قلت ہوندی جا رئی اے‘‘ (ہوا چہ جُھکنا Leaning Into the Wind)۔

آیت 5 تے غور کرو،

’’اُودوں میں چل اُٹھیا، میرے تے افسوس! میں تباہ ہو گیا کیوں جے میرے ہونٹ ناپاک نے تے میں ناپاک ہونٹاں آلے لوکاں دے وچکار رہندا آں تے میں بادشاہ نوں جیہڑا رب الافواج اے ویکھیا اے‘‘ (اشعیا6:5)۔

ایہہ اُوسی ویلے ہویا سی کہ نوجوان اشعیا خُدا دی اگ دے وسیلے نال پاک صاف ہویا سی ’’تیری بدکاری دور ہوئی تے تیرے گناہ دا کفارہ ہو گیا‘‘ (اشعیا 6:7).

ہُن آیت 8 تے نظر پاؤ۔ ’’میں خُداوند نوں ایہہ کہندے ہوئے سُنیا، میں کیہنوں بھیجاں تے ساڈے ولوں کون جائے؟ اُودوں میں کہیا، میں حاضر آں۔ مینوں بھیج دے‘‘ (اشعیا 6:8).

جدوں گرجا گھر دی تقسیم ہوئی سی تے مینوں یقینی محسوس ہویا کہ میں انجیلی بشارت دے پرچار لئی اپنے جوش نوں کھو دیاں گا۔ لہٰذا میں اپنی ہر رات نوں اُوہناں تِن لوکاں دے نال گزارن دا اِرادہ کیتا جیہڑے مسیح لئی اپنا سب کُج چھڈ چکے سن – پادری رچرڈ وورمبرانڈ Richard Wurmbrand، جان ویزلی John Wesley تے چین لئی اخیرلے مشنری بانی جاناتھن گوفورتھ Jonathan Goforth۔ ایہہ اِک دانشمندانہ فیصلہ سی۔ میں اپنی خواب گاہ توں منسلک باتھ روم نوں اپنی دعا دی جگہ تے خُدا دے ایناں لوکاں دے نال رفاقت دی جگہ بنایا۔ وورمبرانڈ توں میں ثابت قدم رہنا سِکھیا۔ ویزلی توں میں اِک دے بعد دوجی آزمائش وچوں گزرنا سِکھیا۔ لیکن گوفورتھ تے اُوہناں دی ووہٹی روسالینڈ Rosalind توں، میں سِکھیا کہ سانوں دوزانوں ہو کے دعا وچ اگے ضرور بڑھنا چائیدا اے۔ ہڈسن ٹیلر Hudson Taylor نے اِک خط لکھیا جیہنے گوفورتھ تے اُوہناں دی ووہٹی نوں متاثر کیتا۔ ہڈسن ٹیلر نے کہیا، ’’اسی اِک مشن دی حیثیت نال دو وریاں تیکر [چینیاں دے] حونان Honan دے صوبے وچ داخل ہون دی کوشش کردے رئے، تے صرف حال ای وچ کامیاب ہوئے۔ بھائی، جے تُسی اُوس صوبے وچ داخل ہو چُکے اُو تے تہانوں دوزانوں ہو جانا چائیدا اے۔‘‘ ہڈسن ٹیلر ولوں اُو لفظ شمالی حونان دے مشن لئی گوفورتھ دا نعرہ بن گئے۔

فیر اُوہناں دی بچی دا انتقال ہو گیا۔ گوفورتھ نے لکھیا، ’’جرٹروڈ Gertrude مر چکی اے۔ ساڈا اِک ناخوشگوار نقصان ہویا اے۔ دو ہفتیاں توں وی کم عرصہ پہلاں تیکر اُو بالکل ٹھیک ٹھاک سی لیکن 24 جولائی نوں اُو مر گئی، پیچیش [دی بیماری] نال چھ دِناں تیکر اُوہدے بیمار رہن دے بعد اُو مر گئی۔ مینوں اِک ریڑھی تے اُوہدی لاش نوں پچاس میل تیکر لے جانا پیا… اوتھے اِک شام دے دھندلکے وچ اسی اپنی پیاری بچی نوں سکون لئی دفنایا۔‘‘ چھوٹی چھوٹی دو چینی بچیاں ہر سویرے ساڈی بچی دی انمول قبر تے تازہ پُھل چڑھان آندیاں سن۔

جرٹروڈ دی موت دے بعد، مسز گوفورتھ دے ہاں اِک خوبصورت نِکا wee جیہا مُنڈا پیدا ہویا۔ اُو اُوہنوں ’’وی ڈونلڈ Wee Donald‘‘ پکاردے سن۔ اُو تھلے ڈِگیا سی تے اُوہدا نِکا جیہا سر ٹکرایا سی۔ اُوہنے ہولے ہولے اپنے ہتھاں تے پیراں نال کم کرنا چھڈ دِتا۔ گرمیاں دی شدید حدت وچ، 25 جولائی نوں جدوں اُو صرف اُنیس ماہ دا، وِی ڈونلڈ مر گیا۔ دوجی وری گوفورتھ اپنے نِکے جئے مُنڈے دے بدن نوں اِک ریڑھی وچ پچاس میل تیکر لے کے گیا۔ وِی ڈونلڈ نوں اپنی نِکی بہن جرٹروڈ دی قبر دے پہلو وچ دفنایا گیا۔ اپنی واپسی دے فوراً بعد، گوفورتھ تے اُوہناں دی پیاری ووہٹی نے شمالی حونان دے اندرون وچ اپنے نئے گھر وچ جان لئی تیاریاں شروع کر دِتیاں۔ اُوہناں دا پنج ماہ نِکا بچہ پال اُوہناں دے نال گیا۔

فیر جوناتھن گوفورتھ ٹائیفائیڈ بخار نال شدید بیمار پے گئے۔ اُوہناں دی حیاتی، موت تے حیاتی دے ترازو وچ لٹک گئی۔ 3 جنوری نوں فلورنس بچی پیدا ہوئی۔ اُوہناں گرمیاں وچ ایس قدر شدید گرمی سی کہ نِکا پال گرمی لگن نال تقریباً مردے مردے بچیا، لیکن جدوں گرمی دا زور ٹُٹیا تے اُو زندہ رہن وچ کامیاب رہیا سی۔

بے شمار ہولناک سختیاں تے آزمائشاں آئیاں۔ اُوہناں دا پہلا بچہ بہار وچ مر گیا۔ اُوہناں دے بعد وچ ہون آلے بچے ملیریا تے مینن گائٹس نال مر گئے۔ بعد وچ گوفورتھ تے اُوہناں دی ووہٹی نوں باکسر آلی بغاوت توں نٹھنا پیا۔ اُو صرف معجزانہ طور تے قتل ہوندے ہوندے بچے سن۔

مسز روزلینڈ گوفورتھ بہری ہو گئی سن۔ اُو [مسٹر گوفورتھ] اُوہناں دے کن بن گئے۔ جدوں گوفورتھ مکمل طور تے اَنے ہو گئے تے اُو [مسز گوفورتھ] اُوہناں دیاں اَکھاں بن گئیں۔ اُو جیس ویلے اُوہناں دی ووہٹی باتھ روم وچ سی تے سوندے ای وچ وفات پا گئے سن۔ اُوہناں دے جنازے تے، اُوہناں دے پُتر پال نے اُوہناں دے بارے وچ کہیا، ’’میرے لئی میرے پیو اِک عظیم انسان سن۔‘‘ اُوہناں دی بیٹی روتھ ویت نام وچ اِک مشنری سی۔ روتھ نے اپنی ماں نوں خط وچ لکھیا، ’’میں پیو دے جان دے صرف جلالی حصے دے بارے وچ سوچ سکنی آں … خُدا نے اُوہناں دا اِک اعلیٰ خدمت لئی محض عہدہ بڑھایا اے۔‘‘

اُو کتاب، گوفورتھ آف چائنہ اُوہناں دی موت دے بعد اُوہناں دی ووہٹی روزلینڈ نے لکھی سی۔ روزلینڈ گوفورتھ سچے طور تے کیس قدر شاندار مشنری سن!

اُوہناں دی پہلی ملاقات اُوہناں [مسٹر گوفورتھ] دی پھٹی ہوئی بائبل ویکھن دے بعد ہوئی سی، ’’میں اُوہناں دی بائبل نوں تقریباً چیتھڑے چیتھڑے پایا سی، تے جگہ جگہ تے نشانیاں لگیاں ہوئیاں سن۔‘‘ روزلینڈ نے کہیا، ’’ایہی شخص اے جیدے نال شادی کرنا میں پسند کراں گی۔‘‘ اُوس خزاں وچ اُوہناں نے اُوہناں [مسز گوفورتھ] نوں کہیا، ’’کی تُو چین لئی میرے نال اپنی حیاتی گزارنا پسند کریں گی؟‘‘ اُوہناں دا جواب ’’ہاں‘‘ وچ سی۔ چند اِک دِن دے بعد اُوہناں [مسٹر گوفورتھ] نے اُوہناں نوں کہیا، ’’کی تُو میرے نال وعدہ کریں گی کہ تُو مینوں ہمیشہ اجازت دئے گی کہ میں اپنے خداوند تے اُوہدے کم نوں ہمیشہ پہلے نمبر تے رکھاں، ایتھوں تیکر کہ تیرے توں وی پہلاں؟‘‘ اُوہناں نے اُوہناں نوں [مسٹر گوفورتھ نوں] جواب دِتا، ’’جی ہاں، میں دواں گی، ہمیشہ لئی۔‘‘ اُوہناں نوں بالکل وی نئیں معلوم سی اُوس وعدے دی اُوہناں نوں کی قیمت چکانی پئے گی!

’’میں خُداوند نوں ایہہ کہندے ہوئے سُنیا، میں کیہنوں بھیجاں تے ساڈے ولوں کون جائے؟ اُودوں میں کہیا، میں حاضر آں۔ مینوں بھیج دے‘‘ (اشعیا6:8)۔

ساڈا گرجا گھر اُوہناں لوکاں نوں گنوا چُکیا اے جیہڑے مشنری بنن لئی تیار نئیں سی۔ ایہہ میری دعا اے کہ ایتھے اج دی دوپہری موجود ہر شخص مشنری بنے گا۔ اپنے انٹرنیٹ دے مشن نوں جاری رکھن دی خاطر لوڑ دے مطابق پیسہ جمع کرن لئی سانوں اِک سخت دور توں گزرنا پئے گا۔ تُسی تے میں ساری دُنیا لئی مشنری ہو سکدے آں (1) بشراں نوں جیتن دے ذریعے نال؛ (2) اپنے عالمگیری مشن لئی دعا کرن دے ذریعے نال؛ (3) ہر ماہ اینے پیسے دین دے ذریعے نال کہ ساڈے انٹرنیٹ مشن دی مدد ہو پائے ساڈے واعظاں نوں پھیلان لئی، بشمول ایہہ آلا کہ تیجی دُنیا وچ مشنریاں دی خوشخبری نوں پھیلان وچ مدد ہو پائے۔ اِک مشنری پادری صاحب نے ساڈے موزوں موقعاں دے بارے چہ اج کہیا، ’’سانوں عالمی مشن دے نال عالمی مسیحی ہونا چائیدا اے کیوں جے ساڈا خدا عالمی خدا اے۔‘‘ کی تُسی روزلین گوفورتھ دے نال جواب دیو گے، ’’جی ہاں، میں کراں گا\ گی، ہمیشہ لئی‘‘؟

میرے سارے تخّیل نوں پورا کر، نجات دہندہ، میں دعا منگنا واں، اج مینوں صرف یسوع نوں ویکھ لین دے؛
   حالانکہ وادی وچوں تُو میری رہنمائی کردا اے، تیرا کدی نہ مدھم ہون آلا جلال میرا احاطہ کردا اے۔
میرے سارے تخّیل نوں پورا کر، الٰہی نجات دہندہ، جدوں تیکر تیرے جلال نال میری روح جگمگا نہ جائے۔
   میرے سارے تخّیل نوں پورا کر، کہ سب ویکھ پان، تیرا پاک عکس میرے چہ منعکس ہوندا اے۔

میرے سارے تخّیل نوں پورا کر، ہر خواہش، اپنے جلال لئی رکھ لے؛ میری روح راضی اے۔
   تیری کاملیت دے نال، تیری پاک محبت توں، آسمان بالا توں نور نال میری راہگزر نوں بھر دیندی اے۔
میرے سارے تخّیل نوں پورا کر، الٰہی نجات دہندہ، جدوں تیکر تیرے جلال نال میری روح جگمگا نہ جائے۔
   میرے سارے تخّیل نوں پورا کر، کہ سب ویکھ پان، تیرا پاک عکس میرے چہ منعکس ہوندا اے۔

میرے سارے تخّیل نوں پورا کر، گناہ دے نتیجہ نوں ناکام کر دے، باطن وچ جگمگاندی چمک نوں چھاں دے۔
   مینوں صرف تیرا بابرکت چہرہ ویکھ لین دے، تیرے لامحدود فضل تے میری روح نوں لبریز ہو لین دے۔
میرے سارے تخّیل نوں پورا کر، الٰہی نجات دہندہ، جدوں تیکر تیرے جلال نال میری روح جگمگا نہ جائے۔
   میرے سارے تخّیل نوں پورا کر، کہ سب ویکھ پان، تیرا پاک عکس میرے چہ منعکس ہوندا اے۔
(’’میرے سارے تخّیل نوں پورا کرFill All My Vision‘‘ شاعر ایوس برجیسن کرسچنسن Avis Burgeson Christiansen، 1895۔1985)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔