دو آیتاں وچ جہنم توں کیویں دور رہیا جائے!!! | How to Keep Out of Hell in Two Verses

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

پولوس نے کرنتھیوں دی کلیسیا نوں کہیا، ’’میں تہانوں اُو خوشخبری سُناندا آں‘‘ (1 آیت)۔ اُوس لفظ ’’خوشخبری‘‘ دا مطلب ’’چنگی خبر‘‘ ہوندا اے۔ ایہہ یسوع دے بارے وچ چنگی خبر اے۔ فیر پولوس اُوہناں نوں خوشخبری پیش کردا اے۔ ایہہ ایتھے ساڈی تلاوت وچ اے۔

’’مسیح کتابِ مقدس دے مطابق ساڈے گناہواں لئی قربان ہویا، دفن ہویا تے کتاب مقدس دے مطابق تیجے دن زندہ ہو گیا‘‘ (1 کرنتھیوں15:3، 4)۔

بچا لئے جانا یا نجات پانا کوئی پیچیدہ گل نئیں اے۔ تُسی شاید سوچو ایہہ اے۔ تُسی شاید کہو، ’’میں مذہب دے بارے وچ تعلیم حاصل کرنا چاہنا واں۔‘‘ تُسی شاید سوچو، ’’جے میں زیادہ مطالعہ کراں گا تے اِک دِن وچ نجات پا لواں گا۔‘‘ لیکن تعلیم پانا کدی وی تہانوں نجات نئیں دلائے گا۔ تُسی اپنی ساری حیاتی تعلیم حاصل کر سکدے اُو تے کدی وی مسیحی نئیں بن پاندے۔ یسوع تے پرہوسا کرنا تعلیم حاصل کرن دے ذریعے نال نئیں ہوندا۔ تہانوں صرف تھوڑا جیہا جانن دی لوڑ ہوندی اے۔ ہر اِک گل جیہنوں جانن دی تہانوں لوڑ اے بالکل ایتھے ای ساڈی تلاوت وچ اے،

اج دی سویر میں تہانوں دسن جا رہیا واں کیویں تُسی ہمیشہ لئی نجات پا سکدے اُو جو بائبل دی ایناں دو سادہ جئیاں آیتاں وچ ظاہر کیتا گیا اے۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈی تلاوت شروع ہوندی اے، ’’مسیح کتاب مقدس دے مطابق ساڈے گناہواں لئی قربان ہویا۔‘‘ اُو پہلا لفظ ’’مسیح‘‘ اے۔ ایدا مطلب ہوندا اے ’’مسح کیتا ہویا،‘‘ ’’چُنیا ہویا۔‘‘ عبرانی دا لفظ ’’مسیحا‘‘ اے۔ مرقس دی انجیل ایناں لفظاں دے نال شروع ہوندی اے، ’’یسوع مسیح، خُدا دے بیٹے دی خوشخبری ایویں شروع ہوندی اے‘‘ (مرقس 1:1). اُوہدا ناں یسوع اے۔ اُوہدا خطاب مسیح اے۔ یسوع ای اُو مسیح اے، اُو مسیحا، اُو جیہنوں خداوند نے چُنیا اے۔ ایہی وجی اے کہ بائبل اُوہنوں ’’یسوع مسیح‘‘ پکاردی اے۔ اسی اُوہنوں اوہی اج دے دِن کہنے آں۔

ایدا کی مطلب ہوندا اے کہ یسوع ای مسیح اے؟ پہلی گل، ایدا مطلب ہوندا اے کہ یسوع تہاڈی تے میری طرح کوئی عام جیہا بندہ نئیں اے۔ مسیح صرف اِک ای اے۔ یسوع اِک بندہ سی، لیکن حیاتی گزارن آلے دوجے بندیاں توں اُو مختلف سی، کیوں جے اُو خُدا دا پُتر سی۔ پطرس رسول نے اُوہنوں کہیا، ’’تُو زندہ خدا دا پُتر مسیح اے‘‘ (متی 16:16). جدوں یسوع نے بپتسمہ لہیا، خُدا باپ نے آسمان توں کہیا، ’’ایہہ میرا پیارا پُتر اے جیس توں میں بہت خوش آں‘‘ (متی 3:17). یسوع ناصرف اِک انسان ای نئیں اے۔ اُو خُدا دا پُتر وی اے۔ اُوہنے اُو کم کیتے جیہڑے صرف خُدا ای کر سکدا اے۔ اُوہنے دُنیا نوں تخلیق کیتا۔ بائبل کہندی اے، ’’ساریاں شیواں اُوہدے ای وسیلے نال پیدا کیتیاں گئیاں‘‘ (یوحنا 1:3). یوحنا دا پہلا باب اُوہنوں ’’کلام‘‘ پکاردا اے۔ ایہہ کہندا اے، ’’ابتدا وچ کلام سی تے کلام خُدا دے نال سی تے کلام ای خُدا سی‘‘ (یوحنا 1:1). یسوع خُدا دے نال سی تے یسوع ای خُدا سی۔ عام طور تے جدوں لوکی ’’خدا‘‘ کہندے نے تے اُو خُدا باپ دے بارے وچ گل کر رئے ہوندے نے۔ لیکن یسوع وی اینا ای خُدا اے جینا کہ اُو [خدا] باپ اے۔

تہاڈے وچوں کُج نے یسوع دے بارے وچ اینا کُج نئیں سوچیا ہوئے گا۔ تہاڈے لئی، اُو تاریخ وچ اِک ہستی اے۔ لیکن اُو مسیح، خُدا دا پُتر اے۔ ایہہ گل ہر اِک شے نوں بدل دیندی اے! جے تُسی یسوع تے پرہوسا کردے اُو تے تُسی خُدا بیٹے تے پرہوسا کردے اُو۔ جے تُسی اُوہدے تے پرہوسا نئیں کردے تے تُسی خُدا نوں ٹھکرا چُکے اُو۔

میں تہانوں پچھنا واں، ’’تُسی یسوع دے نال کی کرو گے؟‘‘ یسوع ای خُدا بیٹا اے۔ تُسی اُوہدے نال کی کرن جا رئے اُو؟ تُسی اُوہدے قدماں وچ گر سکدے اُو تے اُوہدے تے پرہوسا کر سکدے اُو۔ اُو تہاڈے گناہ معاف کر دے گا تے تہانوں دائمی حیاتی بخشے گا۔ یا تُسی اُوہنوں ’’فیر کسی ہور ویلے‘‘ جیویں لفظاں دے نال دور پیج سکدے اُو۔ لیکن اُودوں تُسی خدا نوں دور پیج دِتا ہوندا اے! تہاڈے لئی ماسوائے سزا دے کُج نئیں بچیا ہوندا۔ تُسی سزا دے ویلے کی کہو گے جدوں کہ تُسی خُدا دے پُتر نوں دور پیج چُکے ہوندے اُو؟ تہاڈے کول کوئی اُمید نئیں ہوئے گی۔ تہاڈے کول تہاڈے گناہ لئی اِک خوف نال بھرپور سزا ہوئے گی۔

تُسی یسوع دے نال کی کرو گے؟ حمدوثنا دا اِک پرانا گیت کہندا اے،

تُسی یسوع دے نال کی کرو گے؟ غیر جانبدار تُسی ہو نئیں سکدے؛
کسی نہ کسی دِن تہاڈا دِل کہہ رہیا ہوئے گا، ’’اُو میرے نال کی کرے گا؟‘‘
(’’تُسی یسوع دے نال کی کرو گے؟‘‘ شاعر اے۔ بی۔ سمپسن A. B. Simpson، 1843۔1919)۔

II. دوجی گل، اُو الفاظ ’’ساڈے گناہواں لئی قربان ہویا۔‘‘

ساڈی تلاوت کہندی اے، ’’مسیح ساڈے گناہواں لئی قربان ہویا۔‘‘ کسی نوں وی ایہہ یقین کرن وچ کوئی مسئلہ نئیں ہوندا کہ مسیح مر گیا۔ ہر کوئی مردا اے۔ میں مر جاواں گا۔ تُسی مر جاؤ گے۔ اُو تہانوں سنجیدگی نال سوچن تے مجبور کردا اے۔ بائبل کہندی اے، ’’انسان دا اِک وری مرنا تے اُوہدے بعد عدالت دا ہونا مقرر اے‘‘ (عبرانیوں 9:27). تُسی یقینی طور تے مر جاؤ گے۔ تے تُسی خُداوند دی عدالت دا سمنا کرو گے۔ کی تُسی عدالت دا سمنا کرن لئی تیار اُو؟ بس تہاڈے نال کی ہوئے گا جدوں تُسی مر جاؤ گے؟ بائبل کہندی اے، ’’اپنے خُدا نال ملن لئی تیار ہو‘‘ (عاموس 4:12). کی تُسی خُدا نال ملن لئی تیار اُو؟

ساڈی تلاوت کہندی اے، ’’مسیح ساڈے گناہواں لئی قُربان ہویا۔‘‘ ایہہ کوئی عام جئی موت نئیں اے۔ یسوع اِک خاص مقصد لئی قُربان ہویا سی۔ اُو تہاڈے گناہ دی ادائیگی لئی قُربان ہویا سی۔ یسوع نے صلیب تے تہاڈے گناہ نوں خود تے لد لہیا سی۔ بائبل کہندی اے، ’’اُو خود اپنے ای بدن تے ساڈے گناہواں دا بوجھ لئے ہوئے صلیب تے چڑھ گیا‘‘ (1۔ پطرس 2:24). فیر، بائبل کہندی اے، ’’مسیح نے وی یعنی راستباز نے ناراستاں دے گناہواں دے بدلہ وچ اِک ای وری دُکھ چُکیا تاں جے اُو تہانوں خُدا تیکر پہنچائے‘‘ (1۔ پطرس 3:18). تے بائبل کہندی اے، ’’اُو ساڈی خطاواں دے سبب نال گھائل کیتا گیا تے ساڈی بداعمالی دے باعث کُچلا گیا؛ جیہڑی سزا ساڈی سلامتی دا باعث ہوئی اُو اُوہنے چُکی تے اُوہدے کوڑے کھان نال اسی شفایاب ہوئے۔ اسی سارے بھیڈاں وانگوں بھٹک گئے، ساڈے وچوں ہر اِک نے اپنی اپنی راہ لی تے خُداوند نے ساڈے ساریاں دی بدکاری اُوہدے تے لد دِتی‘‘ (اشعیا53:5، 6)۔

ایدے بارے چہ کوئی غلطی مت کرئیے گا – تُسی اِک گنہگار اُو۔ تُسی کہہ سکدے اُو، ’’میں اینا ای چنگا آں جیہنے دوجے لوکی نے۔‘‘ لیکن ایدے نال کوئی مدد نئیں ہوندی۔ ایدا بس ایہی مطلب ہوندا اے کہ تُسی تے اُو گنہگار نے۔ تُسی تے اُو مشکل وچ نے۔ اُوہناں ساریاں گلاں دے بارے وچ سوچو جیہڑیاں تُسی کر چکے اُو۔ یاد کرو تُسی اپنے کمپیوٹر تے کی کیتا سی۔ فیر سوچو تُسی کی کہیا سی۔ سوچو تُسی کدوں جھوٹ بولیا سی۔ سوچو کدوں تُسی دوجے لوکاں دے بارے وچ بُری گلاں کیتیاں سن۔ فیر سوچو تُسی کی محسوس کیتا سی۔ اپنے غصے دے بارے وچ سوچو۔ اپنی شہوت دے بارے وچ سوچو۔ یاد کرو تُسی عمل کرن دے بارے وچ کی سوچیا۔ تُسی مینوں اُوہدے بارے وچ دسنا نئیں چاہو گے۔ تُسی نئیں چاہو گے کہ لوکاں نوں پتا چلے، لیکن خُدا جانندا اے۔ فیر اپنے خود غرض دِل دے بارے وچ سوچو۔ خُدا تہاڈے دِل نوں جانندا اے۔ خُدا تہاڈے بارے وچ ہر اِک گل نوں جانندا اے۔

ایہی وجہ اے اُو تہانوں جنت وچ آن نئیں دے سکدا۔ بائبل کہندی اے، ’’تہاڈی بدکاری نے تہانوں اپنے خدا توں دور کر دِتا اے تے تہاڈے گناہواں نے اُوہنوں تہاڈے توں ایویں روپوش کیتا کہ اُو سُندا نئیں‘‘ (اشعیا 59:2). تہاڈے گناہ دی ادائیگی نئیں ہوئی۔ تہاڈا گناہ ڈھانپا نئیں گیا۔ تہاڈا گناہ تہانوں خُدا توں جدا کر دیندا اے۔ خدا تہانوں جنت وچ آن نئیں دے سکدا۔

ایتھے صرف اِک ای جواب اے۔ ایتھوں باہر نکلن دی صرف اِک ای راہ اے۔ یسوع صلیب تے تہاڈے گناہ دی ادائیگی لئی قربان ہویا۔ یسوع دا کوئی گناہ نئیں سی۔ بائبل کہندی اے اُو ’’گناہ دے بغیر‘‘ سی (عبرانیوں 4:15). اُو کیوں قربان ہو گیا سی؟ اُو تہاڈی خاطر قربان ہویا۔ تہاڈے گناہ یسوع تے لد دِتے گئے۔ تہاڈے گناہ نوں دھون لئی اُوہنے صلیب تے اپنا لہو وگایا۔ بائبل کہندی اے، ’’یسوع مسیح اُوہدے پُتر دا لہو سانوں سارے گناہ تو پاک صاف کردا اے‘‘ (یوحنا 1:7)۔ تہاڈے گناہ دی ادائیگی دے لئی ہُور کوئی راہ نئیں سی۔ میں تہاڈے گناہ دی ادائیگی نئیں کر سکدا۔ میں خود اِک گنہگار آں۔ تُسی اپنے گناہ دی ادائیگی نئیں کر سکدے۔ تُسی آپئہے اِک گنہگار اُو۔ صرف یسوع ای تہاڈے گناہ دی ادائیگی کر سکدا اے – تے اُو اُوہنے کیتی۔ یسوع ای واحد راہ اے جیہڑی تہاڈے گناہ دی ادائیگی کردا اے، تاں جے خُدا ایہدے لئی تہاڈی عدالت نہ لائے۔ بائبل کہندی اے، ’’آسمان دے تھلے لوکاں نوں کوئی دوجا ناں نئیں دِتا گیا اے جیس دے وسیلے توں اَسی نجات پا سکن‘‘ (اعمال4:12)۔

تُسی یسوع دے نال کی کرو گے؟ تہانوں کُج نہ کُج تے کرنا ای اے۔ کی تُسی اَج دی سویرے اُوہدے تے پروہسا کرو گے؟ کیا کی تُسی اُوہنوں دور کر دیو گے؟ جے تُسی اُوہنوں دور پیج دیو گے تے تُسی ہمیشہ دے لئی گمراہ ہو جاؤ گے۔ ’’آسمان دے تھلے لوکاں نوں کوئی دوجا ناں نئیں دِتا گیا اے جیس دے وسیلے توں اَسی نجات پا سکن‘‘

III. تیجی گل، اُو الفاظ ’’کتابِ مقدس دے مطابق۔‘‘

ساڈی تلاوت کہندی اے، ’’کلام مقدس دے مطابق مسیح ساڈے گناہواں لئی قربان ہویا۔‘‘ صلیب تے یسوع دی موت کوئی حادثہ نئیں سی۔ ایہدی سینکڑوں سال پہلاں بائبل وِچ پیشن گوئی کیتی جا چکی سی۔ ایس دا منصوبہ خُدا وَلوں بنیا ہویا سی!

یسوع دے پیدا ہون توں ست سو ورے پہلاں، خُدا اشعیا نبی دی معرفت دسدا اے، ’’اُو [مسیحا] ساڈی خطاواں دی وجہ توں گھائل کیتا گیا تے ساڈی بداعمالی دی وجہ توں کُچلا گیا؛ جیہڑی سزا ساڈی سلامتی دی وجہ بنی اُو اُوہنے چُکی تے اُوہدے کوڑے کھان دی وجہ توں اَسی شفایاب ہوئے‘‘ (اشعیا53:5)۔ فیر نبی کہندا اے، ’’فیر وی اے خُدا دی مرضی سی کہ اُوہنوں کُچلے تے غمگین کرے تے حالانکہ خُداوند اُوہدے جان نوں گناہ دی قربانی قرار دیندا اے‘‘ (اشعیا53:10)۔ یسوع نوں صلیب تے کہنے مصلوب کروایا؟ انسانی ہتھ تے اُوہناں رومی سپاہیاں دے سن۔ لیکن ایہہ خُداوند خُدا سی جنہے ایہہ رونما ہون دِتا۔ ’’یہ اُس خُدا دی مرضی سی کہ اُوہنوں کُچلے۔‘‘ یسوع نے صلیب تے ’’خدا دے مقررہ انتظام تے علمِ سابق دے مطالبق‘‘ مصلوب کیتا گیا سی (اعمال2:23)۔ خُدا نے ایہہ جان بوجھ کے کیتا سی۔ بائبل کہندی اے کہ یسوع ’’بنائے عالم توں ذبح کیتا ہویا برّہ‘‘ اے (مکاشفہ13:8)۔ کائنات دے تخلیق کیتے جان توں پہلاں اے خُدا نے ایہہ منصوبہ بنا لہیا سی کہ یسوع تہاڈے گناہواں لئی قربان ہووے گا۔

کی مسیح دی موت کوئی ’’ایہنا وڈا معاملہ اے‘‘؟ جی آہو، کیوں جے تہاڈے گناہ اُونہا ای وڈا اے! تہاڈا گناہ خُدا دے لئی جارحانہ اے۔ صلیب تے مسیح دے بغیر تُسی کدی وی نجات نئیں پاؤ گے۔ کوئی وی کدی وی نئیں نجات پائے گا۔ خُدا جانندا سی کہ انسان گناہ کرے گا۔ لہٰذا اُوہنے بچن دی وحڈ راہ، واحد جواب دا منصوبہ بنیا۔ یسوع، خُدا دا پُتر، تہاڈے گناہ دی ادائیگی دے لئی تہاڈی تھاں تے مرے گا۔ یسوع دی موت اِک آفاقی منصوبہ سی، کائنات دے مقابلے وِچ بہت وڈا منصوبہ۔ ایہہ تہانوں بچان دی واحد راہ سی۔

تُسی کی کرن جا رئے اُو؟ کی تُسی خُدا دے پُتر نوں چلے جان دیو گے؟ کی تُسی صلیب تے اُوہدی موت نوں نظر انداز کرن جا رئے اُو جیویں کہ ایہہ تہاڈے لئی کوئی معنی ای نئیں رکھدی؟ فیر تہانوں عدالت دا سامنا کرنا ہووے گا، تے تہانوں جہنم وِچ آپئے اپنے گناہ دی ادائیگی کرنی پہئے گی۔ یا کی تُسی یسوع تے پروہسا کرو گے؟ کی تُسی نجات دہندہ دے کول آؤ گے تے اُوہدے لہو دے نال اپنے گناہ اُوہنوں دھون دیو گے؟ کی تُسی یسوع وَل مُڑو گے تے اُوہدے تے پروہسا کرو گے؟

IV. چوتھی گل، اُو الفاظ ’’اُو دفنایا گیا۔‘‘

ساڈی تلاوت کہندی اے، ’’تے اُو دفنایا گیا۔‘‘ یسوع دے مُردہ جسم نوں اِک منگی ہوئی قبر وچ دفنایا گیا سی۔ اُوہنوں کیوں دفنایا گیا سی؟ کُج لوکاں نے کہیا کہ یسوع حقیقتاً مریا نئیں سی۔ اُو کہندے نے کہ صلیب تے اُو [جانکنی وچ] بے ہوش ہویا سی تے اپنے شاگرداں دے ذریعے نال بچا لہیا گیا سی۔ لیکن دفنایا جانا ظاہر کردا اے اُو واقعے چہ مریا سی، اینا ای مردہ جینا کوئی مردہ ہوندا اے۔ ہائیڈلبرگ دی مسیحی تعلیم دسدی اے، ’’اُوہنوں کیوں دفنایا گیا سی؟‘‘ فیر اُو جواب دیندی اے، ’’اُوہدا دفنایا جانا ایس گل دی گواہی دیندا اے کہ اُو واقعے چہ مر گیا سی۔‘‘

یسوع دا دفنایا جانا خُدا دے منصوبے دا حصہ سی۔ یسوع نے کہیا، ’’ابنِ آدم [یسوع بذاتِ خود] تِن دن تے تِن رات زمین دے اندر رہوے گا‘‘ (متی 12:40). اُوہدا دفنایا جانا ظاہر کردا اے کہ اُوہدی موت حقیقی سی۔ تے اُوہدا دفنایا جانا ظاہر کردا اے کہ اُوہدا فیر زندہ ہونا، اُوہدا مُردیاں وچوں جی اُٹھنا حقیقی سی۔ ایہہ مینوں ساڈے پنجویں موضوع ول لے آندا اے۔

V. پنجویں گل، اُو الفاظ ’’کتابِ مقدس دے مطابق اُو تیجے دِن زندہ ہو گیا۔‘‘

ساڈی تلاوت کہندی اے، ’’کتابِ مقدس دے مطابق اُو تیجے دن زندہ ہو گیا۔‘‘ یسوع مُردہ ای نئیں رہیا سی۔ تیجے دن، پاشکا دے اتوار دی سویر، اُو مُردیاں وچوں جی اُٹھیا، فیر کدی نہ مرن لئی۔ یسوع اِک اُمید نال بھرپور تصور دی حیثیت نال [ایس لئی] جی نئیں اُٹھیا سی کہ اُوہدی تعلیمات لوکاں دے دلاں وچ وسدی رہن گئیاں۔ جی نئیں، یسوع سچی مچی تے جسمانی طور تے اِک حقیقی گوشت تے ہڈیاں دے بدن وچ فیر جی اُٹھیا سی۔

بائبل کہندی اے کہ یسوع دے زندہ ہو جان دے بعد، ’’اُوہنوں [پطرس] دے ذریعے ویکھیا گیا سی، فیر بارہ [شاگرداں] نے ویکھیا، اُوہدے بعد، اُو پنج سو توں ودھ مسیحی پراہواں نوں اِک ای وری وکھائی دِتا سی‘‘ (1۔ کرنتھیوں 15:5، 6). مسیح روح دی حیثیت نال زندہ نئیں ہویا سی۔ اُو کوئی تصور دا دھوکہ نئیں سی۔ یسوع نے تھوما [رسول] نوں کہیا، ’’اپنی اُنگلی لہیا تے میرے ہتھاں نوں ویکھ تے اپنا ہتھ ودھا تے میری پسلی نوں چھُو، شک مت کر بلکہ اعتقاد رکھ‘‘ (یوحنا 20:27). یسوع جسمانی طور تے مُردیاں وچوں جی اُٹھیا سی۔ چالیس دِن بعد آسمان وچ ’’اُوہنوں چُک لہیا گیا سی‘‘ (اعمال 1:9). اِک دن زمین تے اُو اپنی بادشاہی قائم کرن لئی فیر لوٹے گا۔

ایہہ سب دا سب ’’کتابِ مقدس دے مطابق‘‘ ہویا سی۔ مسیح توں ہزار سل پہلاں زبور نویس نے لکھیا، ’’تُو میری جان نوں پاتال وچ نئیں چھڈے گا تے نہ اپنے مقدس نوں سڑنے ای دے گا‘‘ (زبور 16:10). یسوع نے ایہی گل مرن توں کافی عرصہ پہلاں کہی سی، ’’اُوہدے بعد یسوع نے اپنے شاگرداں تے ظاہر کرنا شروع کر دِتا کہ اُوہدا یروشلیم جانا لازمی اے تاں جے اُو بزرگاں، سردا کاہناں تے شریعت دے عالماں دے ہتھوں بہت دُکھ چُکے، قتل کیتا جائے تے تیجے دن جی اُٹھے‘‘ (متی 16:21). تہانوں نجات دلان لئی یسوع دا مُردیاں وچوں جی اُٹھنا خُدا دے منصوبے دا اُوہناں ای حصہ سی جیناں کہ اُوس [یسوع] دا مرنا۔ جے یسوع مُردیاں وچوں زندہ نہ ہوندا، تے کوئی وی نجات پایا ہویا نہ ہوندا۔ بائبل کہندی اے، ’’جے مسیح زندہ نہ ہویا تے تہاڈا ایمان بے فائدہ اے تے تُسی ہُنے تیکر اپنے گناہواں وچ گرفتار ہو‘‘ (1۔ کرنتھیوں 15:17).

یسوع دے مُردیاں وچوں جی اُٹھن دا کی مطلب نکلدا اے؟ ایہہ ثابت کردا اے کہ یسوع واقعی وچ خدا دا پُتر سی۔ اُو ’’پاکیزگی دی روح دے اعتبار نال مُردیاں وچوں جی اُٹھن دے باعث بڑی قدرت دے نال خُدا دا پُتر ٹھہریا‘‘ سی (رومیوں 1:4). اُوہدا جی اُٹھنا ثابت کردا اے کہ اُوہدی خوشخبری سچی اے۔

اُوہدا جی اُٹھنا ظاہر کردا اے کہ یسوع نے موت تے فتح پائی سی۔ یسوع نے کہیا، ’’میں زندہ آں، میں مر گیا سی لیکن ویکھ میں تاابد زندہ رہواں گا‘‘ (مکاشفہ 1:18). جدوں یسوع جی اُٹھیا تے اُوہنے ہمیشہ لئی موت تے فتح پائی۔ چونکہ یسوع جی اُٹھیا سی، لہٰذا اُو سارے لوکی جیہڑے اُوہدے تے پرہوسا رکھدے نے دائمی حیاتی پاندے نے۔ بائبل کہندی اے، ’’اُوس فانی جسم نوں بقا دے لباس دی لوڑ اے تاں جے ایس مرن آلے جسم نوں حیاتِ ابدی مل جائے‘‘ (1۔ کرنتھیوں 15:53). فیر سارے مسیح کہن گے، ’’موت فتح دا لقمہ ہو گئی اے‘‘ (1۔ کرنتھیوں 15:54).

ایہہ سب کُج تہاڈے لئی سی۔ تُسی ایدے بارے وچ کی کرن جا رئے اُو؟ خدا دا پُتر قربان ہویا تاں جے تہاڈے گناہ معاف کیتے جان۔ اُو تہانوں دائمی حیاتی بخشن لئی فیر جی اُٹھیا۔ اُوہنے ایہہ ایس لئی کیتا کیوں جے اُو تہاڈے نال محبت کردا اے۔ یسوع دی محبت نال ودھ کے کوئی محبت نئیں اے۔ تُسی کی کرن جا رئے اُو؟ کی تُسی دور چلے جاؤ گے؟ کی تُسی قریب توں گزر جاؤ گے؟ کی تُسی اپنے گناہ تے تے اپنی خودغرضانہ حیاتی تے قائم رہو گے؟ کی تُسی اُوہنوں چند لفظاں نال چلے جان دیو گے؟ یا کی تُسی اُوہدے تے پرہوسا کرو گے؟ بائبل کہندی اے، ’’خداوند یسوع مسیح تے ایمان لہیا تے تُو نجات پائے گا‘‘ (اعمال 16:31). ایتھے دو گلاں نے جیہڑی تُسی کر سکدے اُو۔ تُسی منہ موڑ سکدے اُو، یا تُسی اُوس [یسوع] تے پرہوسا کر سکدے اُو۔ تُسی کی کرو گے؟ میں دعا منگنا واں تُسی پرہوسا کرو گے۔ جے تُسی یسوع تے پرہوسا کرن دے حوالے توں ساڈے نال گل بات کرنا چاہو تے مہربانی نال کمرے دے سمنے ہُنے چلے آؤ۔ آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔