ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

جے تُسی اپنے لئی خُدا دی بُلاہٹ دا جواب نئیں دیندے، تے ایہہ اِک بہت وڈا المیہ تے اِک ہولناک گناہ اے۔ اعمال دے اٹھویں باب وچ ایہہ دویں آیتاں ظاہر کردیاں نے کہ خُدا دی بُلاہٹ دُنیا وچ نوے سرے نال جنم لئے ہوئے ہر مسیحی لئی اے۔

ابتدائی کلیسیا وچ، ہر نوا ایماندار اِک بشر نوں جیتن آلا کہلایا جاندا سی۔ ایس لئی اُو رُکے نئیں سن جدوں ساؤل نے اُوہناں نوں گرفتار کیتا، اُوہناں نوں قید وچ پایا تے اُوہناں نوں ’’دوجے علاقیاں وچ پھیلا دِتا۔‘‘ اُو جیتھے وی سن تے اُوہناں دے نال جو کُج وی رونما ہویا، ’’کلیسیا دے لوکی وکھر جان دے بعد جِتھے جِتھے گئے، کلام دی خوشخبری سُناندے پھرے۔‘‘ میں بائبل دے کُج عالمین نوں جاننا آں جیہڑے کہندے نے کہ کلیسیا دا ’’تبلیغ کرنا‘‘ تے سامریہ وچ فلپس دا ’’تبلیغ کرنا‘‘ دو مختلف گلاں سن – لیکن میں اُوہناں نوں ایویں نئیں ویکھدا! اُوہناں وچوں ہر اِک، کلیسیا توں لے کے فلپس مناد تیکر، گناہ توں تباہ و برباد ہوئی اِک دُنیا لئی مسیح دی خوشخبری دی منادی کر رِیا سی۔ اِک کلیسیا تے اِک مناد اُو سی جیہڑے شعلہ فشاں سی، جیتھے جیتھے گئے – تے اُوہناں نے جو کُج وی کیتا اُو مسیھ دی خوشخبری پھیلاندے گئے۔ مسیح دی خوشخبری اُوہناں دے دِلاں وچ سی تے اُوہناں دے لباں تے سی – چاہے کُج وی ہوندا۔ ابتدائی کلیسیا اِک پُرجوش کلیسیا سی، جیہڑی مسیح وچ ایمان لہیا کے تبدیل ہون آلے نوے لوکاں دے نال گونج پیدا کر رئی سی، کیوں جے کلیسیا دا ہر رُکن مسلسل گمراہ بشراں دی تلاش وچ سی۔ تے اُو لوکی مسلسل اُوہناں لوکاں دی تلاش وچ رہندے سی جنہاں دے نال نجات دہندہ خُداوند یسوع مسیح دے بارے وچ گل بات کر پاندے!!!

ایہہ اج کل کیس قدر عجیب ہو چُکیا اے۔ اِک سیمنری، جیدا فرض تہانوں منادی لئی تے گواہی دین لئی لیس کرنا ہوندا اے، اصل چہ اُوہدا اُلٹ کردی اے! میں قدامت پسند [جدید خیالات دی مخالف]، بائبل وچ ایمان رکھن آلی سیمنریاں دے بارے وچ گل کر رہیا آں! میں اِک نوجوان شخص نوں [جدید خیالات دی مخالف] اِک قدامت پسند سیمنری وچ پیجیا۔ اُو اُوتھوں ایس گل تے غور کردا ہویا چلا آیا کہ اسی اپنے گرجا گھر وچ اُوہناں توں مختلف ’’منادی‘‘ کردے نے! میں ایس گل نوں سراسر قبول کرن لئی تیار سی! میں اُوہناں مُنڈیاں نوں بارہا دس چکیا سی کہ ساڈے منادی کرن دا طریقہ اعلیٰ درجے دا معیاری سی – تے جو ایناں نوے ایونجیلیکلز نے کیتا سرے توں منادی کرنا سی ای نئیں!!! ایناں نوے ایونجیلیکلز نوں ایس نوجوان بندے دی منادی نوں تباہ کرن چہ چند اِک سال ای لگے! میں کدی وی کسی نوں وی اُوس قدامت پسند [جدید خیالات دی مخالف] سیمنری وچ جدوں تیکر میں زندہ آں نئیں پیجاں گا!!!

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

فیر اوتھے ’’بُلاہٹ دا اِک جھوٹا گمان یا خبط وی اے۔ اُو کہندے نے کہ تہانوں بُلاہٹ لئی بُلایا ہویا ہونا چائیدا اے ورنہ تُسی منادی نئیں کر سکدے۔ اِک مبلغ نے ایہہ لکھیا، ’’اِک بُلاہٹ عمومی طور تے ضمیر وچ کسی دی خود اپنی روح وچوں شروع ہوندی اے …. ایہہ تہاڈے تے لاگو کر دِتی جاندی اے … تہاڈے تے مسلسل ایویں زبردستی پا دِتی جاندی اے۔‘‘ بدقسمتی نال ’’بُلاہٹ‘‘ دا اُو تصور بے شمار لوکاں نوں تباہ کر چُکیا اے، تے اُوہناں نوں پُراثر مبلغ ہون توں روک چُکیا اے۔ میں انج دے نوجوان لوکاں نوں جانندا آں جیہڑے مسلسل ایس قسم دے ’’احساس‘‘ دی تلاش وچ سی۔ جدوں اُوہناں نے بُلایا ہویا محسوس نئیں کیتا تے اُوہناں نے فرض کر لہیا کہ اُو خُدا ولوں ’’بُلائے ہوئے‘‘ نئیں سی۔ ہُن ایہہ ایس ای بندے دا تجربہ سی۔ اُو اِک سرجن سی جیہڑا منادی کرنا ای نئیں چاہندا سی۔ اُوہدے نال اِک اندرونی ’’جنون‘‘ دے ذریعے ’’زبردستی‘‘ کرنی پئی۔

لیکن اُو کلیسیا دی تاریخ نوں اینی بخوبی جانندا اے کہ جارج وائٹ فیلڈ نوں، جیہڑا تمام ادوار دے عظیم ترین مبلغین وچوں اِک نے، ’’مذہبی خادمین تے بزرگاں دے ذریعے نال ایہہ کرن لئی قائل کیتا گیا سی۔‘‘ اُوہناں نوں اِک مبلغ بنن توں خوف آندا سی! حیرت ناک طور تے، جان بنیعئن John Bunyan، تمام ادوار دے عظیم ترین بپٹسٹ مبلغ اِک ’’اندرونی مجبوری‘‘ دی وجہ توں نئیں ’’بُلائے گئے‘‘ سی۔ اُوہناں نوں اپنی گواہی دین لئی کہیا گیا سی۔ اُوہناں دی منادی کرن دی اہلیت ’’یکایک واضح ہو گئی سی۔ اُوسے ای دِن توں بنیعئن جان گئے سی کہ اُوہناں نوں منادی لئی ای بُلایا جا چُکیا سی‘‘ (پال چیپل Paul Chappell)۔

فیر ایتھے جان نیوٹن John Newton سی۔ اُو اِک خطرناک نوجوان بندہ سی جیہڑا اِک دہریے بن گئے سی! لوکی یقین نئیں کردے ایس قدر بُرا شخص وی مبلغ ہو سکدا سی۔ لیکن اُوہناں نوں اپنی نجات دی گواہی دین دا موقع فراہم کیتا گیا سی۔ ’’منادی لئی اُوہناں دی بُلاہٹ سب تے واضح ہو گئی سی‘‘ (پال چیپل)۔ جان نیوٹن اِک پادری بن گئے سی۔ اُو حمدوثنا دے اپنے گیت ’’حیرت انگیز فضل Amazing Grace‘‘ دی وجہ توں بہت مشہور نے۔ نیوٹن لندن وچ اِک اہم کلیسیا دی نگہبانی لئی چلے گئے۔ اُوہناں دے مرن توں تھوڑا عرصہ پہلاں، جان نیوٹن نے کہیا، ’’میری یاداشت تقریباً جا چکی اے، لیکن مینوں دو گلاں یاد نے: کہ میں اِک بہت وڈا گنہگار آں تے مسیح اِک عظیم نجات دہندہ اے۔‘‘

فیر ایناں دے بعد سی۔ ایچ۔ سپرجئین نوں وی یاد رکھو۔ سولہ سال دی عمر وچ، سپرجئین نے اپنے پہلے واعظ دی منادی کیتی سی جو کہ سادی جئی نجات دا اِک پیغام سی۔ ’’لیکن اُوہناں دا اندازِ بیان واضح سی، تے لوکاں دی دِلوں تیکر پہنچا سی‘‘ (پال چیپل)۔ اسی کیتھے منادی کرن لئی سپرجیئن دے پُراِسرار بُلاہٹ دے بارے چہ پڑھدے نے؟ ایہہ کیتھے نئیں ملدی! سانوں پڑھن توں صرف اینا پتا چلدا اے کہ 15 برس دی عمر وچ، سپرجیئن ہفتے دے روز انجیل دے کتابچے ونڈا کردے سن، تے سنڈے سکول وچ پڑھاندے سن۔ اُوہناں نوں قریبی گاؤں دے لوکاں لئی گرجا گھر دی منادی کرن آلی منسٹری دی مدد کرن لئی بھرتی کیتا گیا سی۔ صرف 16 برس دی عمر وچ سپرجیئن نے کسی دے گھر وچ اپنے پہلے واعظ دی منادی کیتی سی۔ جلد ای اُو ہفتے وچ کئی کئی وری منادی کر رئے سی۔

ایہہ لیو ایہہ وی تہانوں مل گیا! جارج وائٹ فیلڈ نوں منادی لئی اِک اندرونی، پُراِسرار تجربے دے ذریعے نال ’’بُلاہٹ‘‘ نئیں ہوئی سی۔ نا ای جان بنیعئن نوں ہوئی سی! تے نا ای جان نیوٹن نوں ہوئی سی تے نا ای ’’مبلغین دے شہزادے‘‘ سی۔ ایچ۔ سپرجیئن نوں ہوئی سی۔ ایناں عظیم ترین مبلغین وچوں ہر اِک نوں دوجیاں دے ذریعے نال منادی لئی بھرتی کیتا گیا سی! تے پہلی صدی توں ہُن تیکر ایہہ ایویں ای رونما ہویا اے۔

’’کلیسیا دے لوکی وکھر جان دے بعد جِتھے جِتھے گئے، کلام دی خُوشخبری سناندے پھرے۔ چنانچہ فِلپس سامریہ دے اِک شہر وچ گیا تے اوتھے مسیح دی منادی کرن لگیا‘‘ (اعمال 8:4،5).

میں تہانوں دس چُکیا آں کہ ماضی دے عظیم ترین مبلغین جیویں کہ امبروز، وائیٹ فیلڈ، جان نیوٹن، بنیعئن تے سپرجیعئن سب نوں دوجیاں دے ذریعے نال بھرتی کیتا گیا سی تے جو سرے توں کسی وی جذباتی ’’جنون‘‘ دے پیدا ہون دے ذریعے نال ’’پُراِسرار طور تے‘‘ بُلائے نئیں گئے سی!

ابتدائی کلیسیا اُوہناں لوکاں دے نال لبریز سی جیہڑے جیتھے وی گئے کلام دی منادی کردے رئے۔ اُوہناں وچوں کُج جیویں کہ فلپس سارمیہ وچ ’’اوتھے دے لوکاں نوں مسیح دی خوشخبری‘‘ دین لئی پیجیا گیا سی۔ گاہے بگاہے بائبل سانوں دسدی اے کہ خُدا دی وفاداری اے جیہڑی بشراں دے جیتن آلے پیدا کردی اے! کافی عرصہ پہلاں بِلی گراہم نے کہیا، ’’کی تُسی مسیح دی خاطر اپنی تمام تر قوت نوں بروءے کار لان لئی تیار اُو؟ تہاڈے کول تحائف تے قدرتی صلاحیت دی اِک ورائٹی اے جو دُنیا نوں بدل سکدی اے جے مسیح دے ہتھاں وچ سونپ دِتی جائے۔‘‘ فیر گراہم نے کہیا، ’’خُدا سانوں اِک کھُلا بُوہا فراہم کر چُکیا اے تے اُو سانوں اُو اُوزار تے ٹیکنالوجی فراہم کر چُکیا اے جیہڑے ساری دُنیا نوں چھو سکدے نے تے تُسی تے میں واقعی چہ ایہہ کرنا چائیں۔‘‘ ڈاکٹر گراہم دے کُج کمزور پہلو نے۔ لیکن اُوہناں نے گنہگاراں نوں مسیح دی منادی کردے رہنا جاری رکھیا جدوں تیکر اُو تقریباً 100 ورے دے نہ ہو گئے!

احکامات نوں برقرار رکھن دی گل کرو تے اُو نوجوان مالدار حکمران وفادار سی۔ لیکن اُو خود نوں مسیح لئی کھلے طور تے وقف کرن لئی رضامند نئیں سی۔ تہانوں اِک چناؤ کرنا ہوندا اے۔ کیوں جے تُسی جیہڑے کہ غیر نجات یافتہ اُو ایہہ حیاتی تے موت دے درمیان اِک چُناؤ ہوندا اے۔ کی تُسی مسیح نوں ذاتی طور تے اپنے نجات دہندہ دی حیثیت نال جانندے اُو؟ کی تُسی پُریقین اُو کہ تہاڈے گناہ اُوہدے لہو دے وسیلے نال جیہڑا صلیب تے تہاڈے لئی وگایا گیا سی دُھل کے پاک صاف ہو چکے نے؟

تہانوں اپنی گناہ توں بھرپور طرز حیاتی توں توبہ کرنی چائیدی اے۔ تہانوں اپنا سارا وزن مسیح تے پا دینا چائیدا اے۔ تہانوں تنہا مسیح تے ای پرہوسا کرنا چائیدا اے – تے تہانوں کلیسیا دی رفاقت وچ مسیح لئی وفادار ہونا چائیدا اے۔

ایکواڈور Ecuador وچ انڈیئنز لئی جم ایلیٹ Jim Elliot اِک مشنری دی حیثیت نال گئے سی۔ جدوں اُو انڈیئنز تیکر پہنچ گئے تے اُوہناں نوں قتل کر دِتا گیا۔ اُو یسوع لئی اِک شہید دی موت مرے۔ اپنے مرن توں پہلاں، اُوہناں نے لکھیا، ’’اُو کوئی بیوقوف نئیں ہوندا جیہڑا اُو دے دیندا اے جو اُو رکھ نئیں سکدا اُو پان لئی جینوں اُو کھو نئیں سکدا۔‘‘ کی تُسی پورے دِل نال مسیح دی خدمت کرن لئی تیار اُو تاں جے ساڈی کلیسیا مضبوط ہو پائے، ساری دُنیا وچ خوشخبری نوں لے جان لئی؟ کی تُسی یسوع دے کول ہُنے آؤ گے؟ اُو اُوہدے لئی جین وچ تہاڈی مدد کرے گا۔ میں دعا منگنا واں کہ تُسی یسوع تے ہُنے پرہوسا کرو گے۔ میں اِک حقیقی مسیحی بننا چاہنا واں۔ خُداوندا، بشراں نوں جیتن وچ تے ہمیشہ تیکر تیرے خاطر جین لئی میری مدد فرما! آمین۔

مہربانی نال کھلو جاؤ تے جان نیوٹن دا حمدوثنا دا گیت گاؤ۔ تہاڈے گیتاں دے ورق تے ایہہ آخری گیت اے، ’’حیرت انگیز فضل Amazing Grace۔‘‘

حیرت انگیز فضل! کیس قدر میٹھی اُو اواج، جیہنے میرے جئے تباہ حال نوں بچایا!
میں جیہڑا کدی کھو گیا سی، لیکن ہُن مل گیا آں، اَنا سی لیکن ہُن ویکھنا واں۔

ایہہ فضل ای سی جیہنے میرے دِل نوں خوف کرنا سِکھایا، تے فضل نے ای میرے سارے خوف ختم کیتے؛
کیس قدر قیمتی اُو فضل ظاہر ہویا سی اُوس لمحے وچ جدوں میں پہلی وری یقین کیتا سی!

بے شمار خطرات، مشقت تے شکنجیاں وچوں، میں پہلاں توں ای گزر چکیا واں؛
ایہہ فضل ای مینوں حفاظت نال اینی دور تیکر لہیایا، تے فضل ای میری گھر تیکر رہنمائی کرے گا۔

جدوں اسی اوتھے دس ہزار وریاں تیکر رہ چکے ہون، دمکتے چمکتے سورج وانگوں
تے ساڈے کول اُودوں وی خداوند دی ستائش وچ گان لئی اینے کم دِن نئیں ہون گے جینے اساں جدوں شروع کیتا سی اودوں سن۔
   (’’حیرت انگیز فضلAmazing Grace ‘‘ شاعر جان نیوٹن John Newton ، 1725۔1807).

جے تُسی یسوع تے پرہوسا کرن دے بارے وچ ساڈے نال گل بات کرنا چاہندے اُو تے مہربانی نال بالکل ہُنے سمنے تشریف لے آؤ تے ایتھے کھلو جاؤ!

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔