ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

پادری رچرڈ وورمبرانڈ نے 14 ورے کیمونسٹ قیدخانیاں وِچ لنگہائے۔ اُوہناں وِچوں دو ورے قید تنہائی وِچ لنگہائے۔ ایہہ اے جیہڑا اُوہناں نے اُوہناں دو وریاں دے بارے چہ کہیا:

     مینوں ایس قیدخانے وِچ دو وریاں لئی قید تنہائی وِچ رکھیا گیا سی۔ میرے کول پڑھن لئی یا لکھن لئی کوئی وی مواد نئیں ہوندا سی۔ میرے کول ہان دین لئی صرف میرے خیالات ہوندے سن، تے میں کوئی سوچ وِچار وِچ پین آلا کوئی بندہ نئیں ساں، لیکن اِک ایہو جئی جِند سی جنہے شاید ای خاموشی [سکون] نوں جانیا سی۔ میرے کول خُدا سی۔ لیکن کی میں واقعی چہ خُدا دی خدمت وچ حیاتی لنگہائی سی – یا کی اُو پادری ہون دی حیثیت نال محض میرا پیشہ سی؟
     کی میں خُدا وچ یقین رکھیا؟ ہُن اِمتحان آ چُکیا سی۔ میں تنہا سی۔ اوتھے کوئی تنخواہ ملن آلی نئیں سی، کسے سنہری رائے تے غور کرنا نئیں سی۔ خُداوند نے مینوں صرف تکلیفاں بخشیاں سن۔ کی مینوں اُوہدے نال پیار کردے رہنا جاری رکھنا ہووے گا؟
     ہولی ہولی میں سِکھیا کہ خاموشی دے درخت تے سکون دا پھل لمکدا اے۔ میں اپنی حقیقی شخصیت دا احساس کرنا شروع کیتا تے ایس گل نوں یقینی بنایا کہ میں مسیح دا آں۔ میں جانیا کہ ایتھوں تیکر کہ ایتھے [قید تنہائی وچ] میرے خیالات تے احساسات خُدا ول مڑ گئے سن تے کہ میں اِک دے بعد دوجی راتی دعا، روحانی مشق تے ستائش وچ لنگہا سکدا سی۔ ہُن میں جان گیا سی کہ میں ڈرامہ نئیں کر رہیا سی۔ میں یقین کیتا سی! (پادری رچرڈ وورمبرانڈ Richard Wurmbrand، خُدا دے تہہ خانے وچ In God’s Underground، لیونگ سیکریفائس بُکس Living Sacrifice Books، 2004، صفحہ 57)۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

خُدا دے فضل نال وریاں دا تشدد وی پادری وورمبرانڈ نوں نہ توڑ سکیا۔ جدوں اُوہناں نوں آخرکار قید توں رہائی ملی تے اُو اپنی ووہٹی سبینہ تے اپنے پُتر مائیکل نال رہن لئی گھر چلے گئے۔ مائیکل نے اُوہناں نوں کہیا، ’’ابو، تُسی ایس قدر زیادہ تکلیفاں وچوں گزرے۔ میں جاننا چاہنا آں تُسی اپنی ساریاں تکلیفاں توں کی سِکھیا۔‘‘

میں اُوہنوں اپنیاں بانہواں وچ لہیا تے کہیا، ’’مائیکل، میں ایس تمام ویلے وچ بائبل نوں تقریباً پُل ای چُکیا سی۔ لیکن چار گلاں میرے ذہن وچ ہمیشہ رہندیاں سن۔ پہلی، خُدا ہوندا اے۔ دوجی، مسیح ساڈا نجات دہندہ اے۔ تیجی، دائمی حیاتی وہندی اے۔ چوتھی، ساریاں گلاں وچوں بہترین ہمیشہ محبت ہوندی اے۔‘‘

میرے پُتر نے کہیا، ’’ایہی کُج مینوں چائیدا سی۔‘‘ بعد وچ اُوہنے مینوں دسیا کہ اُو پادری بننا چاہندا سی۔ اج دے دِن تیکر مائیکل وورمبرانڈ اِک پادری نے جیہڑے رومانیہ وچ اپنے پیو دے کم نوں پناہ گزیناں دے نال جاری رکھے ہوئے نے۔ مائیکل نے چند اِک مہینیاں پہلاں ساڈے گرجا گھر وچ گل کیتی سی۔ جدوں ساڈے گرجا گھر دی تقسیم ہوئی سی، تے میں خوفزدہ سی کہ شاید میں جاری نہ رکھ پاواں۔ جیویں کہ تہانوں میری سوانح حیات توں پتا اے، مینوں بُرے حالات [روئیوں وچ تھلڑے درجے دی تبدیلی] توں گزرنا پیندا سی جیہڑے مینوں اکثر ذہنی دباؤ دے اوقات وچ کچل ڈالدے نے۔ جدوں میں قید وچ سی تے میں اپنیاں راتاں نوں جیویں پادری وورمبرانڈ کیتا کردے سی اونج ای گزارن دا منصوبہ بنایا۔ رات دے تقریباً 1:00 وجے میں ساڈی خوابگاہ دے کول غسل خانے وچ چلا جاندا۔ ایہہ اِک چھوٹا جیہا کمرہ اے، تقریباً پادری وورمبرانڈ دے قید خانے جینا۔ میں ساری راتی اوتھے ای گزاردا، اپنے غسل خانے دے ’’قید خانے‘‘ وچ رات دے 1:00 وجے توں لے کے سویرے 6:30 وجے تیکر۔ میں اپنا مراقبہ پادری وورمبرانڈ دی کتاب خُدا دے تہہ خانے وچ پڑھن دے ذریعے نال شروع کردا۔ فیر میں ڈاکٹر اے۔ ڈبلیو۔ ٹوزر دی خُدا تے انسان دے بارے وچ Of God and Men (کرسچن پبلیکیشنز، 1960) نامی کتاب نوں پڑھدا۔ جیویں کہ پادری وورمبرانڈ دی کتاب دے نال کردا اونج ای میں ہولی ہولی، بار بار ڈاکٹر ٹوزر دی کتاب نوں پڑھدا۔ فیر، اپنے ’’قید خانے‘‘ وچ ایتھے اوتھے پھردے ہویاں میں اُوہناں لوکاں لئی دعا منگدا جیہڑے ساڈے گرجا گھر نوں چھڈ کے جا چکے سن۔ ڈاکٹر ٹوزر تے رچرڈ وورمبرانڈ میرے پادری بن چکے سن۔ میں رویّاں وچ بدلدے اُتار چڑھاؤ توں وکھریا نئیں سی۔ میں اِتوار دی شامی تے اِتوار دی سویر منادی دے قابل سی، کئی مہینیاں وچ پہلی وری!

فیر میں چین توں اِک مشنری ماری مونسین Marie Monsen دی تحریراں پڑھن دا اضافہ کیتا۔ اج سارے چین وچ اُوس عظیم حیاتِ نو دا آغاز ایس ای چھوٹی جئی نارویجیئین مشنری دی دعا دے نال ہویا سی۔ میں ہُن اُوہناں دی کتاب بیداری The Awakening وچوں کُج چُنیدہ چُنیدہ شیواں پڑھاں گا۔

اُو 1907 وِچ کوریا جا کے اُوتھے اُوس حیاتِ نو دا تجربہ کرنا چاہندی سن جیہڑا اُوتھے شروع ہویا سی۔ لیکن خُدا نے اُوہناں نوں جواب وِچ کہیا، ’’جیہڑا تینوں [کوریا وِچ] چائیدا اے شاید ایتھے [چین وِچ] ای مل جاوے جِتھے توں ایں۔ مِس مونسین نے خُدا دے نال اِک پُرخلوص یعنی سنجیدہ وعدہ کیتا، ’’میں اُوس ویلے تیکر دعا منگدی رہواں گی جدوں تیکر کہ مینوں مِل نئیں جاندا۔‘‘

اُو کمرہ پار کر کے اپنی دعا دی تھاں تے جان لئی اُٹھی۔ اُوہناں نوں شیطان نے روک لہیا سی۔ ’’ایویں لگدا سی جیویں کسی اژدھے نے میرے پینڈے دے آلے دوالے کُنڈلی مار لئی سی تے میرے جسم وِچوں جان نچوڑ نچوڑ کے کڈ رہیا سی… اَخیر کار جدوں میں ہنبدے ہنبدے ساں لین دی کوشش کر رئی ساں تے میں اِک لفظ بُڑبُڑان وِچ کامیاب ہو گئی، یسوع! یسوع! یسوع! ہر وری جدوں میں تکلیف وِچ کراہندیاں ہویاں اُوس ناں نوں پکاردی تے ساں لیہنا سُکھا ہو جاندا تے آخیر وِچ اُو سَپ اُودھروں ٹُر گیا۔ میں اُوتھے مدہوش جیہئی کھلوتی سی۔ فیر میں سوچیا، ’تے دعا دا اِینا مطلب ہوندا اے جِنہا ایہہ سی تے کی میرے [حیاتِ نو لئی دعا منگن دے] وعدے دا مطلب وی اِینا ای اے جنہا کہ اُو اے!‘ اُوس تجربے نے مینوں اُوس حیاتِ نو دے نکے جہئے آغاز دے آثار توں پہلاں دے وی وریاں توں وی زیادہ عرصے نوں برداشت دے نال گزارن وِچ مدد دِتی سی۔ سچے طور تے، خُدا جلد بازی نال کم نئیں کردا۔‘‘

’’اِک دِن میں متی18:19۔20 پڑھ رہیا سی، ’جے تہاڈے وِچوں دو بندے اِتفاق کر کے جو کُج چاہن کہ ہو جاوے میرے آسمانی پیو وَلّوں اُوہناں لئی ہو جائے گا۔‘ اُو وعدہ اچانک تے واضح طور تے نیڑے ہو گیا سی – ایہہ نوی گل سی۔‘‘

اُوہناں نے دعا منگن لئی اِک دوجے ساتھی دی تلاش کیتی تے اخیر کار اِک دوجی خاتون نوں لبھ ای لہیا جنہاں نوں حیاتِ نو دی چاہت سی۔ مِس مونسین نے کہیا، ’’میری مشنری حیاتی وِچ اُو پہلا دِن جدوں اَسی دوواں نے رَل کے دعا منگی سی عظیم ترین دِن سی۔‘‘ اُوہناں دوواں خواتین نے اُوہدے بعد ہر روز حیاتِ نو دے لئی دعاواں منگیاں۔

فیر حیاتِ نو دا اِک لمس آیا جدوں بے شمار کافر خواتین گناہ دی گہری سزایابی دے تحت آیاں تے مسیح وِچ ایمان لہیا کے تبدیل ہوئیاں۔ مِس مونسین نے کہیا، ’’سارے فضل دے خُدا لئی میرا دِل شکرگزاری دے نال بھر گیا سی… ایہہ اِک طویل انتظار دے بعد ہویا سی، لیکن خُدا دی نظر وِچ دُرست ویلے تے ہویا سی۔‘‘

فیر اِک ایونجیلسٹ گناہ دی سزایابی دے تحت آیا تے مسیح وِچ ایمان لہیا کے تبدیل ہویا۔ فیر اِک دیندار نظر آن آلے پادری نے مِس مونسین کولوں اعتراف کِیتا، ’’میں کدی وی اِک گنہگار نئیں رہیا جنہوں نجات دہندہ دی لُوڑ ہوندی۔‘‘ اُوہنے کہیا کہ اُو ’’انّیاں دا اَنّا لیڈر‘‘ بنیا رہیا سی۔ میں اِک منافق پادری بنا رہیا سی۔‘‘ اُوہنے فضل پان دے تجربے وِچ اِک گنہگار دی حیثیت نال داخلہ لہیا تے مسیح دے وسیلے توں آزاد کر دِتا گیا۔ فیر اُوہنے کہیا، ’’میں جیہڑا مکمل طور تے اَنّا سی ہُن ویکھ سکنا واں۔‘‘ اُوہدی نوی گواہی بے شمار لوکاں لئی اِک عظیم برکت سی۔ ہُن، جیتھے کدرے مِس مونسین جاندی اُوتھے مسیح وِچ ایمان لہیان دی حقیقی تبدیلی ہوندی سی – ایتھوں تیکر کہ مشنریاں دے درمیان وِی۔

مِس مونسین نے اِک دعائیہ ساتھی [خاتون] دے نال 20 وریاں تیکر دعا منگی سی ایس توں پہلاں کہ خُدا اُوہناں نوں اُوس حیاتِ نو وِچ استعمال کردا جیہڑا سارے چین وِچ پھیل چُکیا اے تے ہُن جیدے بارے چہ ساری دُنیا وِچ گلاں ہوندیاں نے۔

لیزلی لیعال Leslie Lyall چینی حیاتِ نو تے چین وِچ گھریلو گرجا گھر دی تحریک تے بہت کُج لکھ چکے نے۔ مسٹر لیعال، ماری مونسین نوں ’’حیاتِ نو دی تحریک دا بانی‘‘ پکاردے نے۔ اُوہناں نے کہیا، ’’نئے جنم دے واضح تجربے تے اُوہناں دی خاموش توجہ نے دوجیاں نوں پیروی کرن لئی اِک نمونہ قائم کیتا اے۔‘‘

ساڈے گرجا گھر وِچ خُداوند اُوہناں وَل ویکھ رہیا اے جیہڑے ماری مونسین دے نال اُوس چیلنج نوں قبول کرن گے، ’’میں دعا مانگدا رہیا گا جدوں تیکر مینوں مِل نئیں جاندا۔‘‘

مِس مونسین نے کہیا، ’’میں یقین رکھنی واں کہ اُوہناں ’’دو یا تِن‘‘ لئی ویلہ آ چکیا اے کہ اُو اِک دوجے نوں لبھن تے ایمان دی دعا نوں جاری کرن جدوں تیکر کہ جواب پیش نئیں ہوجاندا۔‘‘ دعا لئی موضوعات ہون گے:

1۔ کہ رہنما تے دوجے ایماندار اُوس تمام نال خالی ہو جان جو ذات دے بارے چہ ہوندا اے۔

2۔ کہ سانوں دعائیہ حیاتِ نو لبھے تے ضمیر دا حیاتِ نو لبھے۔

3۔ کہ یسوع مسیح تے بشراں لئی ساڈی پہلی محبت بحال ہو جاوے۔

ایتھے امریکہ وِچ ساڈے چینی نوجوان لوکاں دے وِچکار جِتھے بے شمار لوکی شیطانی مادیت پرستی دے شکنجے وِچ جکڑے ہوئے نے اِک دعائیہ ساتھی لبھو تے حیاتِ نو لئی اِکھٹے رل کے دعا منگنا شروع کرو۔ میں دعا منگنا واں کہ تہاڈے وِچوں کُج لوکی تے اینج کرن گے تے ثابت قدم رہن گے جدوں تیکر کہ جواب نئیں آ جاندا! یسوع نے کہیا،

’’میں تہانوں فیر آکھناں آں کہ تہاڈے وِچوں دو بندے اِتفاق کر کے جو کُج چاہن کہ ہو جاوے میرے آسمانی پیو وَلّوں اُوہناں لئی ہو جائے گا۔ کیوں جے جِتھے دو یا تِن میرے ناں تے اِکھٹے ہوندے نے اُوتھے میں اُوہناں دے وِچکار موجود ہونا واں‘‘ (متی18:19، 20)۔

ڈاکٹر اے۔ ڈبلیو۔ ٹوزر نے کہیا، ’’اُوس ویلے تیکر بار بار دعا منگدے رہوو جدوں تیکر کہ جواب نئیں مل جاندا۔ اپنے لوکاں وَل اپنی قوتاں دا مظاہرہ وکھان لئی مدعو کیتے جان دا خُدا انتظار کردا اے‘‘ (دعا وِچ کیہو جیہا نفع؟‘‘) کِھلو جاؤ تے حمدوثنا دا گیت گاؤ، ’’مینوں دعا کرنا سیکھا دے۔‘‘

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔