ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
طیش زدہ قوماں – تے پیارا نجات دہندہ!THE RAGING NATIONS – AND THE LOVING SAVIOUR! ڈاکٹر آر۔ ایل۔ ہائیمرز، جونیئر ولّوں لاس اینجلز دی بپتسمہ دین آلی عبادت گاہ وچ دِتا گیا اک واعظ ’’کافر [قوماں] کیوں طیش چہ نے تے لوکی فضول [کھوکھلے] منصوبے کیوں بُنّدے نے؟ خُداوند تے اُوہدے مسیح دے خلاف زمین دے بادشاہ صف آرا ہوندے نے تے حاکم سازش کردے نے تے اُو کہندے نے آؤ اَسی اُوہناں دے بندھن توڑ دیے، تے اُوہناں دیاں بیڑیاں اُتار کے سُٹ دیے۔ اُو جیہڑا آسمان تے تخت تے بیٹھا اے ہنسدا اے؛ تے خُداوند اُوہناں دا مُخول اُڑاندا اے۔ فیر اُو اپنے غصے چہ اُوہناں نوں تنبیہ کرے گا تے اپنے غضب چہ اُوہناں نوں ایہہ کہندیاں ہویاں ڈرائے گا کہ میں تے اپنے بادشاہ نوں اپنے مُقدس پہاڑ صِیّون تے بیٹھا چکیاں آں۔ میں خداوند دے فرمان دا اعلان کراں گا: اُوہنے مینوں کہیا، توں میرا پُتر اے؛ اَج تُوں میرے توں پیدا ہویا اے۔ میرے کولوں منگ تے میں قوماں نوں تیری میراث تے ساری زمین نوں تیری ملکیت بنا دیاں گا۔ توں لوہے دے شاہی عصا دی مدد نال اُوہناں تے حکومت کرے گا تے اُوہناں نوں مٹی دے برتناں وانگوں چکنا چور کر دیں گے۔ ایس لئی ہُن اے بادشاہو، دانشمند بنو؛ تے اَے زمین دے حکمرانو! خبردار ہو جاؤ۔ ڈردے ہویاں خُداوند دی عبادت کرو تے کنمبدے ہویاں خوشی مناؤ۔ پُتر نوں چُمّو کدرے اینج نہ ہو کہ اُو خفا ہو جائے تے تُسی اپنی راہ وِچ ای فنا ہو جاؤ، کیوں جے اُوہدا غضب پل بھر وِچ بھڑک سکدا ے۔ مبارک نے اُو سب جیہڑے اُوہدے چہ پناہ لیندے نے‘‘ (زبور2:1۔12)۔ |
مسیحائی زبوراں وِچ ایہہ سب توں پہلا زبور اے۔ ایہہ ایس موجودہ اِختیار [فرمانرواواں] دے بارے چہ اِک پیشنگوئی دی حیثیت نال گل کردا اے۔ ایہہ مسیح دی پہلی آمد توں لے کے اُوہدی دوجی آمد تیکر دے بارے وِچ وی گل کردا اے۔
’’کافر [قوماں] کیوں طیش چہ نے تے لوکی فضول [کھوکھلے] منصوبے کیوں بُنّدے نے؟‘‘ (زبور2:1)۔
+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔
+ + + + + + + + + + + + + + + + + + + + + + + + + + + + + + + + + + + + + + + + +
ایہہ نسل انسانی دے اِخلاقی زوال دی اِک تصویر اے۔ اُوس لمحے توں جدوں یسوع پیدا ہویا، قوماں اُوہدے خلاف بوہتی طیش وکھا چکیاں نے۔ ایس آیت دے حوالے نال اَسی اعمال 4 باب وِچ سیکھنے آں،
’’توں اپنے خادم داؤد دی زبانی کہیا، قوماں طیش وِچ کیوں نے تے اُمتّاں نے فضول منصوبے بُنّے؟ زمین دے بادشاہ، خُداوند تے اُوہدے مسیح دے خلاف اُٹھ کھڑے ہوئے تے فرمانرواواں نے مل کے مخالفت کیتی۔ ایہہ حقیقت اے کہ ہیرودیس، پینطُس پیلاطُس، غیریہودی تے یہودی ساری مل کے مُقدس خادم یسوع دے خلاف ہو گئے جنہوں توں مسیح مقرر کیتا‘‘ (اعمال4:25۔27)۔
’’خُداوند دے خلاف تے اُوہدے مسح کیتے ہوئے [یسوع] دے خلاف۔‘‘ ایہہ ظاہر کردا اے کہ اُوہناں قوماں نے طیش چہ آنا شروع کر دِتا سی جدوں اُو [یسوع] پیدا ہویا سی تے ہیرودیس بادشاہ نے اُوہنوں بیت اللحم وِچ قتل کرن دی کوشش کیتی سی۔ تے قوماں اُوہدے خلاف [اُوس ویلے تیکر] طیش وِچ آنا جاری رکھن گِیاں جدوں تیکر اُو ایس زمانے دے اخیر وِچ دوجی وری آ نئیں جاندا۔ ایس دُنیا چہ مسیح دے اُوہدے پیروکار اِک ایذارساں اقلیت رہ چکے نے۔ دُنیا مسیح دے خلاف اے۔ داؤد نے کہیا کہ قوماں طیش وِچ نے کیوں جے اُو یسوع مسیح، خُداوند دے مسح کیتے ہوئے دے خلاف نے۔ دورِ حاضرہ دے ایونجیلیکل گرجا گھر [کلیسیاواں] مسیح نوں ٹھکراندی ہوئی دُنیا دے نال ہولناک تقلید کردی ہویاں وکھائی دیندیاں نے۔ ساری دُنیا وِچ مسیح دی غلط ترجمانی و بیانی کیتی جاندی اے تے وحشیانہ طور تے تے حملہ کیتا جاندا اے، جیویں کہ تُسی اخباراں وِچ پڑھن نال ویکھ سکدے اُو۔
ایہہ شیطان دیاں چالاں دا اِک حصہ اے۔ ایہہ جنگاں تے ہنگامے، تے فاقے تے انقلابات گرجا گھراں یا کلیسیاواں وِچ ایمان تون برگشتگی [اِرتداد]، چُوٹھے نبی تے چُوٹھے مسیح، تے تہذیب دا انقریب ٹُٹنا آپئے خُدا تے بائبل دے مسیح دے بارے وِچ پیدائشی نفرت دی علامتاں نے۔ بائبل پیش گوئی کردی اے ’’زمین تے قوماں نوں اذیت پہنچے گی‘‘ (لوقا21:25)۔ ایہہ گل اَج سچ اے، کہ ساڈے زمانے دا بہت زیادہ سائنسی عِلم تباہی دے ہتھیار پیدا کرے گا جیہڑے جیویں کہ اَسی جاننے آں تہذیباں نوں نیست و نابود کرن دے قابل ہون گے! امریکہ وِچ، خُدا سانوں اِک عظیم صدر ڈونلڈ ٹرمپ رکھن دی اِجازت دے چکیا اے۔ لیکن صدر توں نفرت کی جاندی اے!اُوہناں نال کیوں اینی نفرت کی جاندی اے؟ میں یقین کرنا واں ایہہ ایس لئی اے کیوں جے اُو مسیحیاں دے بارے وِچ برداشت کرن دی اِستعداد لئی ٹھوس چٹان وانگوں ڈٹ چکے نے، تے اُو ساڈے ہُن تیکر دے سب توں زیادہ حامی صدر نے۔ ابراہام لنکن دے علاوہ ہُور کسی نے وی مذہبی آزادی تے ساڈے شہریاں دی حیاتی دے حق لئی ایس قدر شدید حمایت نئیں کیتی۔ تے ایہدے باوجود اُو اُوہناں نال نفرت کردے نے۔ اُو اُوہناں نال نفرت کردے نے جیویں اُو اُن عظیم مسیحیاں نال نفرت کردے نے جنہاں نے سب توں پہلاں ساڈے وطن دی بنیاد رکھی!
مسیح دے ویری ساڈے بانی آباؤاِجداد، پیوریٹنز، تے کوئی وی جیہڑا مسیح تے خُدا لئی ڈَٹ جاندا اے، اُوہدے خلاف طیش وِچ آ جاندے نے! تُسی بوہتا جانندے اُو کہ اَج اُو ہائی سکولاں تے یونیورسٹیاں وِچ کی تعلیم دیندے نے۔
ساڈے لوکاں وَلوں ویکھی جان آلی پہلے نمبر تے فلم ’’جوکرJoker‘‘ اے۔ ایہہ غلیظ تے کراہیت آمیز فلم اِک جنونی دے بارے وِچ اے، جیہڑا آسیب زدہ بن جاندا اے تے وقتی لذت لئی قتل کرن نکل پیندا اے۔ ایہہ اے جیہڑا ہالی ووڈ ساڈے نوجوان لوکاں دے ذہناں وِچ اُنڈیل رہیا اے۔ تے فیر اَسی سوچنے آں کیوں اِک توں بعد دوجا طالب علم بندوق چُکدا اے تے باقی طالب علماں نوں قتل کردا اے! ایہہ نیشنل رائفل ایسوسی ایشن نئیں اے جِنہوں کالعدم کرن دی لوڑ اے۔ ایہہ ایہو ای خدا توں نفرت کرن آلے، مسیح نوں ٹھکران آلے ہالی ووڈ وِچ تے کانگرس وِچ انتشار پھیلان آلے لوکی نے جنہاں نوں کالعدم کرن دی لوڑ اے!
’’کافر [قوماں] کیوں طیش چہ نے تے لوکی فضول [کھوکھلے] منصوبے کیوں بُنّدے نے؟‘‘ (زبور2:1)۔
’’کافر [قوماں] کیوں طیش چہ نے تے لوکی فضول [کھوکھلے] منصوبے کیوں بُنّدے نے؟ خُداوند تے اُوہدے مسیح دے خلاف زمین دے بادشاہ صف آرا ہوندے نے تے حاکم سازش کردے نے تے اُو کہندے نے آؤ اَسی اُوہناں دے بندھن توڑ دیہیے، تے اُوہناں دیاں بیڑیاں اُتار کے سُٹ دیہیے‘‘ (زبور2:1۔3)۔
چنگھاڑدی راک موسیقی توں لے کے ’’جوکر‘‘ وگری آسیبی فلماں تیکر، ایہہ سب کُج ساڈے معاشرے وِچ اے، لاقانونیت تے اِشتراکیت دی واج ساڈے خداوند تے ساڈے مسیح دی واج نوں ڈبو رئی اے! تے کُج وڈیرے لوکی ساڈے وگرے اِک سچے گرجا گھر توں خوفزدہ نے۔ اُو خوفزدہ نے کہ اَسی اُوہناں دیاں اُولاداں دا دماغ [زبردستی مائل یا] خراب کر دیاں گے! میں کہنا واں اُوہناں دے بچیاں دے ذہناں نوں تے دِلاں نوں مسیح دے لہو دے وسیلے نال مائل کرن دی لُوڑ اے جیہڑا اُوہنے سانوں ساڈے گناہ توں پاک صاف کرن لئی صلیب تے وگایا سی!!!
خُدا دا ردعمل کی اے؟ خُدا ساڈے بارے وِچ تے ساڈی جھوٹی طرزِ زندگی دے بارے چہ کی سوچدا اے؟ چوتھی آیت تے نظر پاؤ،
’’اُو جیہڑا آسمان تے تخت تے بیٹھا اے ہنسدا اے؛ تے خداوند اُوہناں دا مُخول اُڑاندا اے‘‘ (زبور2:4)۔
میرے خیال وِچ ساڈی ایس دُنیا دی دیوانگی تے خدا تحقیر وِچ ہنس رہیا اے۔ یسوع مسیح نے کہیا،
’’ڈر کے مارے تے آن آلی مصیبتاں دا انتظار کردیاں کردیاں اُوہناں دے ہوش و حواس اُڈ جان گے، ایس لئی کہ آسمان دیاں قوتاں ہلا دِتیاں جان گیاں‘‘ (لوقا21:26)۔
یسوع نے ’’آخری دِناں‘‘ تے ’’ایس زمانے دے خاتمے‘‘ دے بارے چہ دسیا۔ مسیح نے اپنی دوجی آمد دے بارے چہ دسیا۔ جدوں مسیح مسیح آوے گا تے ’’زمین تے قوماں نوں اذیت پہنچے گی‘‘ (لوقا21:25)۔ اُوس لفظ ’’اذیت distress‘‘ دا یونانی وِچ اصل مطلب ہوندا اے ’’ہر پاسیوں کُچلے جانا۔‘‘ اُوس لفظ ’’ہر پاسیوں perplexity‘‘ دا مطلب ہوندا اے ’’بچن دی کوئی راہ نئیں۔‘‘ اَسی اینہوں اینج بیان کر سکنے آں – ’’زمین تے قوماں ہر پاسیوں کُچلی گیاں، فرار دی کوئی راہ نئیں۔‘‘ ہر پاسیوں دباؤ۔ اِک دے بعد دوجا بُحران سیاسی رہنماواں نوں فراف دی کوئی راہ نہ ہون دی وجہ توں غصے وِچ مبتلا کر رہیا اے۔ ہُنے ایہہ وسطی امریکہ وِچ اے۔ فیر مشرقی وسطیٰ وِچ بحران ہوندا اے۔ فیر ایہہ شمالی کوریا وَل ٹُر جاندا اے، تے واپس اسرائیل تے عرب وِچ آ جاندا اے۔ کانفرنساں، رہنماواں دے اِجلاس، سفیر اِک توں دوجی کانفرس وَل نٹھدے نے۔ قوماں شدید تکلیف تے اذیت وِچ نے – ہر پاسیوں کُچلیاں ہوئیاں تے فرار دی کوئی راہ نئیں!!! تعجب دی کوئی گل نئیں خُداوند آج ساڈی دُںیا جیس حالت چہ اے اُوہدے تے تحقیر دے نال ہنسدا اے!!!
خُداوند تے مسیح دے بارے چہ نسل انسانی کہندی اے، ’’آؤ اَسی اُوہناں دے بندھن توڑ دیئے تے اُوہناں دیاں بیڑیاں اُتار کے سُٹ دیئے‘‘ (زبور2:3)۔ لہٰذا اِخلاقی زوال وِچ ڈگیا ہویا انسان چند اِک وریاں وِچ مریخ تے لوکاں نوں بھیجن دے بارے چہ خواب ویکھدا اے! کی ہووے گا گا جے اَسی مریح تے ٹُر جانے آں؟ اَسی اُوتھے کی لے کے جاواں گے؟ اَسی اُوتھے ایہو ای ہر پاسے آلے دباؤ لے کے جاواں گے، جنہاں توں فرار دی کوئی راہ نئیں اے، جیہڑے اَسی زمین تے تخلیق کر چکے آں! ایہو ای اے جیہڑا اَسی لے کے جاواں گے! نام نہاد کہلائی جان آلی ’’ترقی‘‘ دے ہزارہاں وریاں بعد – ساڈی دُنیا زمانیاں دی پیڑھی ترین پیچیدہ صورتحال وِچ اے!
اَسی امن دے شہزادے، مسیح دے بغیر امن لہیان دے کھوکھلی کوششاں وِچ کروڑوں ڈالرز خرچ کر چکے آں! دوجے زبور وِچ پیش کیتی گئیاں قوماں دی اذیت دی تفصیل ایس نسل تے ہر طرح نال پوری اُتردی اے! انسان دی دانشمندی خُدا دے نال حماقت اے۔ تعجب دی کوئی گل نئیں اُو [خُدا] توہین کرن لئی ساڈے تے ہنسدا اے!
ایس دُنیا دے مُردگی توں باہر نکلن دی صرف اِک ای راہ اے۔ مسیح نے کہیا، ’’جدوں ایہہ گلاں ہونا شروع ہو جان تے سیدھے کِھڑے ہو کے سر اُتّے چُکنا کیوں جے تہادی مخلصی نیڑے اے‘‘ (لوقا21:28)۔ مسیح دی دوجی آمد ای ساڈی ایس پرانی دُنیا دے مسئلے دا واحد جواب اے!
خُدا کی کرے گا؟ آیت6 توں 11 تیکر سانوں دسدی اے خُدا کی کرے گا!
’’میں تے اپنے بادشاہ نوں اپنے مُقدس پہاڑ صِیّون تے بیٹھا چکیاں آں۔ میں خداوند دے فرمان دا اعلان کراں گا: اُوہنے مینوں کہیا، توں میرا پُتر اے؛ اَج تُوں میرے توں پیدا ہویا اے۔ میرے کولوں منگ تے میں قوماں نوں تیری میراث تے ساری زمین نوں تیری ملکیت بنا دیاں گا۔ توں لوہے دے شاہی عصا دی مدد نال اُوہناں تے حکومت کرے گا تے اُوہناں نوں مٹی دے برتناں وانگوں چکنا چور کر دیں گے۔ ایس لئی ہُن اے بادشاہو، دانشمند بنو؛ تے اَے زمین دے حکمرانو! خبردار ہو جاؤ۔ ڈردے ہویاں خُداوند دی عبادت کرو تے کنمبدے ہویاں خوشی مناؤ‘‘ (زبور2:1۔11)۔
من جاؤ کہ ساڈے کول جواب نئیں اے۔ من جاؤ کہ خُدا ای قادرِ مطلق حکمران اے! ’’ڈردے ہوئیاں خُداوند دی عبادت کرو تے کنمبدے ہویاں خوشی مناؤ‘‘ (زبور2:11)۔
مسیح آسمان توں تھلے اُترے گا تے بالاآخر ساڈی مصیبت زدہ، خوفزدہ دُنیا وِچ امن لہیائے گا!
ہُن آیت 12 تے نظر پاؤ۔ کِھلو جاؤ جدوں میں اینوں پڑھاں۔
’’ پُتر نوں چُمّو کدرے اینج نہ ہو کہ اُو خفا ہو جائے تے تُسی اپنی راہ وِچ ای فنا ہو جاؤ، کیوں جے اُوہدا غضب پل بھر وِچ بھڑک سکدا ے۔ مبارک نے اُو سب جیہڑے اُوہدے چہ پناہ لیندے نے‘‘
ایس انبیانہ زبور نوں ختم کرن لئی کیس قدر شاندار طریقہ – ’’پُتر نوں چُمّو۔‘‘
خُداوند دا پُتر یسوع اے۔ اُوہنوں چومو۔ اُوہدے تے پروہسا کرو۔ اُو صلیب تے ساڈے سارے گناہواں دا مکمل کفارہ ادا کرنے لئی قربان ہو گیا۔ اُو تہانوں ابدی حیاتی بخشن لئی مُردیاں وِچوں جی اُٹھیا۔ اُو ساڈے توں صرف چاہندا اے کہ اُوہدے تے پروہسا کریے۔ تے یسوع اَج دی سویرے تہانوں کہندا اے،
’’اے محنت کشو، تے بوجھ نال دبے لوکو! میرے کول آؤ۔ میں تہانوں آرام بخشاں گا‘‘ (متی11:28)۔
یسوع تہانوں آرام بخشے گا۔ یسوع تہانوں تہاڈے دِل دیاں تکلیفاں تے خوفاں توں نجات دلائے گا۔ یسوع تہانوں دائمی حیاتی بخشے گا۔
میں جاننا آں یسوع تہاڈے لئی اُو کرے گا۔ میں کیویں جاننا واں؟ کیوں جے یسوع نے اُو میرے لئی کیتا! میں کوئی مسیحی گھرانے توں نئیں آیا سی۔ میں گمراہ تے تنہا سی۔ فیر اِک سویرے مٰں صرف یسوع تے پروہسا کیتا۔ اُوہنے میرے گناہواں نوں معاف کیتا تے مینوں دائمی حیاتی بخشی۔ میں جاننا واں کہ اُو ایہہ تہادے لئی وی کرے گا۔ میرے دوواں پُتراں کولوں پُچھو۔ اُو جانندے نے کہ جو میں تہانوں دس چکیا آں وہ میرے بارے وِچ سچ اے۔ میں ہُن اِک وڈیرا بندہ آں، تے میں تہانوں کہہ سکنا آں، اپنا سارا پروہسا یسوع تے رکھو۔ اُو تہانوں نجات دلائے گا تے تہانوں امن تے دائمی حیاتی بخشے گا۔
مسیح تے پروہسا کرن تے اُوہدے وسیلے نال نجات پان وِچ مدد کرن لئی ڈاکٹر کیگن Dr. Cagan ایتھے ہون گے۔ جدوں اَسی عبادت توں جائیے، تے کیوں نہ ایتھے آیا جائے تے ایس مہذہب پادری صاحب ڈاکٹر کیگن نال گل کیتی جائے، تے اُوہناں نوں تہاڈے لئی دعا کرن دیئے۔ یسوع نے کہیا، ’’کیونکہ خُداوند نے دُنیا نال ایس قدر محبت کیتی کہ اپنا اِکلوتا پُتر بخش دِتا تاں جے جو کوئی اُوہدے تے ایمان لہیائے ہلاک نہ ہووے بلکہ ہمیشہ دی حیاتی پائے‘‘ (یوحنا3:16)۔
ایتھے اُتّے تشریف لہیاؤ تے ڈاکٹر کیگن نال گل کرو تے اُو تہاڈے لئی دعا کرن گے!
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔