ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
مصر توں باہر بُلایا گیا!CALLED OUT OF EGYPT! (Punjabi – A Language of Pakistan) ڈاکٹر آر ایل ہائیمرز جونئیر وَلوں لکھیا گیا اِک واعظ ’’چنانچہ اُو اُٹھیا تے بچے تے اُوہدی ماں نوں نال لے کے راتوں رات مصر روانہ ہو گیا… تے اُو اُٹھیا تے بچے تے اُوہدی ماں نوں نال لے کے اسرائیل دی سرزمین چہ چلا گیا‘‘ (متی2: 14)۔ |
مصر افریقہ دے شمالی سرے تے واقع اے۔ مصر قدیم زمانے چہ طاقتور تے شاندار سی۔ لیکن چھٹی صدی قبل مسیح دے بعد توں، مصر دی شان و شوکت تے طاقت گھٹدی چلی گئی۔ درحقیقت، کسی وی قوم وِچ مصر دی قدیم طاقت تے شان تے ایس دے بعد دی اہمیت دے وچکار کُج مضبوط تضادات نے۔
جدوں یوسف مریم تے یسوع نوں مصر لے گیا، اُو ملک پہلاں ای توں اپنی بوہتی ساری طاقت گواچ چکیا سی۔ یوسف نوں خدا وَلوں مصر چہ نٹھن دی تنبیہہ کیتی گئی سی۔ یہودیاں دا اُوتھے جانا عام سی۔ مصر دے ہر وڈے شہر چہ یہودی پناہ گزیناں دی وڈی تعداد موجود سی۔ اِسکندریہ دے عظیم شہر وِچ دس لاکھ توں زیادہ یہودی مہاجرین سن۔ روایت سانوں دسدی اے کہ یوسف مریم تے یسوع نوں قاہرہ شہر دے اِک یہودی علاقے وِچ لے گیا۔
پوری بائبل وِچ مصر دُنیا دی ایک تصویر اے۔ بائبل چہ، ’’دُنیا‘‘ ایس سیارے دا حوالہ نئیں دیندی جیس تے اَسی رہنے آں۔ ایہہ ’’کوسموس‘‘، ’’دُںیا دا نظام‘‘ دی گل کردا اے، جیس طرح نال شیواں ہُن نے۔ ایس توں مُراد خدا دے بغیر انسانی معاشرہ اے۔ مصر دُنیا دا سب توں طاقتور ملک سی جیس تے ایہناں دے بادشاہ فرعون دے حکومت سی۔ اُوہناں نے اہرام بنائے۔ اُوہناں دیاں وڈی فوجاں سن۔ اُو جھوٹے معبودوں دی پرستش کردے سن۔ لیکن اُو حقیقی خدا نوں نئیں جانندے سن۔ اُوہناں نے یہودیاں نوں غلامی وِچ رکھیا۔ آہو، مصر خدا دے بغیر دُنیا دی علامت اے۔ تے مصر غلامی تے گناہ دی غلامی دی علامت اے۔ بائبل وِچ مصر دے متعدد اطلاقات دیتے گئے نے۔
I۔ پہلی گل، مصر دُںیا دی اِک تشبیہہ اے۔
پیدائش 12: 10 وِچ، اَسی پڑھے آں:
’’تے اُوہناں دِناں وِچ اُوس مُلک چہ قحط پیہیا تے ابرام مصر چلا گیا تاکہ کُج عرصہ تیکر اُوتھے رہے کیوں جے قحط نہایت شدید سی‘‘ (پیدائش12: 10)۔
ایس آیت تے سیکوفیلڈ دی غور طلب گل کہندی اے،
’’مصر (دُنیا) دا سہارا دُنیا دے حسمانی وسائل نوں گواچی ہوئی روحانی طاقت نوں بدلن دے رجحان دا خاصا اے…
ابرام نوں مصر وِچ برکت نئیں ملی سی۔ اُو خدا دے ہتھ نا ایس توں کڈیا گیا، تے کنعان نوں واپس آیا۔
بعد چہ پیدائش دی کتاب وِچ یوسف نوں اِک کھڈے وِچ سُٹ دِتا گیا تے ایس دے غیرت مند پراہواں نے ایہنوں مُردہ حالت وِچ چھڈ دِتا۔ کُج مدیانی خانہ بدوشاں نے جیہڑے اُودھروں لنگ رئے سن یوسف نوں کھڈے توں کڈ کے مصر وِچ غلام دے طور تے بیچ دِتا۔
’’تے ایس وِچکار چہ مِدیانیاں نے یوسف نوں مصر وِچ فوطیفار دے ہتھ جیہڑا فرعون دا اِک حاکم تے پہرہ داراں دا اِک سردار سی، بیچ دِتا‘‘ (پیدائش37: 36)۔
دوویں صورتاں چہ، ابرام تے یوسف دے نال، مصر گناہ دی دُنیا دی اِک تشبیہہ، یا تصویر اے۔
یوسف غلامی توں اُٹھیا تے مصر چہ اِک عظیم آدمی بن گیا، تے بعد چہ ایس دے عبرانی رشتہ دار ایس سرزمین وِچ ایس دے پیچھے ٹُر گئے۔ عبرانیاں دی تعداد چہ اضافہ ہویا ایتھوں تیکر کہ اُو اُوتھے اِک طاقتور نسلی گروہ بن گئے۔ لیکن اِک نیا فرعون یہودیاں دی خلاف ہو گیا تے اُوہناں نوں غلام بن لہیا۔ جدوں خدا نے اُوہناں دے قابلِ رحم حالت ویکھی تے اُوہنے موسیٰ نوں اُوہناں نوں غلامی توں نجات دلانے دے لئی پیجیا:
’’اُوہناں چار سو تیس وریاں دے بعد ٹھیک اُوسی روز خداوند دے ساری لوکی جوق در جوق مصر توں نکل گئے‘‘ (خروج12: 41)۔
ایہہ ایہناں لوکاں دی اِک تشبیہہ یا تصویر اے جیہڑے تبدیل ہو گئے سن۔ دُنیا نوں پیچھے چھڈ رئے نے، تے گناہ توں نکل کے یسوع مسیح دے کول آ رئے نے۔
مکاشفہ 11: 8 وِچ یروشلم نوں ’’عظیم شہر، جیہڑا روحانی طور تے سدوم تے مصر کہلاندا اے، کہا گیا اے، جیتھے ساڈے خداوند نوں وی مصلوب کیتا گیا سی۔‘‘ یروشلم اُوس ویلے، مصیبت دے دور چہ ایہنا گنہگار ہووے گا کہ بائبل ایس دا موازنہ سدوم تے مصر نال کردی اے۔
ہوسیع 11: 1 کہندی اے،
’’جدوں اسرائیل بچہ اے سی تے میں نے اُوہدے نال محبت کیتی تے اپنے پُتر نوں مصر توں بُلایا‘‘ (ہوسیع11: 1)۔
ہوسیع دی ایہہ آیت متی2: 15 وِچ ایس ویلے پوری ہوئی جدوں یوسف یسوع نوں مصر توں کڈ کے مقدس سرزمین تے واپس لے گیا۔ متی2: 15 تے سکوفیلڈ دی غور طلب گل کہندی اے،
ایتھے جِہناں لفظاں دا حوالہ دِتا گیا اے اُو ہوسیع11: 1 وچ نے، تے حوالہ ایس سچائی نوں واضح کردا اے کہ پیشن گوئی دے الفاظ اکثر پہلاں ظاہر ہون توں کدرے بوہتے پوشیدہ تے گہرے معنی رکھدے نے۔ اسرائیل، قومی طور تے، اِک ’’پُتر‘‘ سی، لیکن مسیح عظیم ’’پُتر‘‘ سی۔
اَسی اپنی تلاوت چہ پڑھنے آں کہ یوسف ’’اُٹھیا، تے جھوٹے بچے (یسوع) تے اُوہدی ماں نوں لے کے اسرائیل دی سرزمین وِچ آیا‘‘ (متی2: 21)۔ ایہہ مسیح وِچ ایماندار دے گناہ دی دُنیا نوں چھڈن دی اِک تصویر اے۔ کی لاس اینجلز گناہ دی دُنیا دا حصہ اے؟ تُسی شرط لگا سکدے اُو کہ ایہہ اے! کوئی وی ایہنوں ویکھ سکدا اے!
اَج دی کمزور نئی انجیلی بشارت دُنیا دا اِک حصہ اے۔ ایہہ اُوہی نے جیہڑے نئی انجیلی بشارت آلے کردے نے – اُو دُنیا دے نال فٹ ہون دی کوشش کردے نے۔ تے اُو اینج کردے نے – لیکن ایہنوں تبدیل کیتے بغیر۔ ایہدے بجائے، دُنیا ایہناں نوں بدل دیندی اے۔ ایہو ای اُو شے اے جیہڑی مرتد چیعن Chan پیش کردا اے – اِک سہوکھا گرجا گھر تے اِک سہوکھا پادری۔ ایس توں پہلاں اولیواس Olivas وانگوں، مرتد چیعن دا گروپ دُنیا وِچ واپسیدے راستے دی اِک راہ اے۔ لیکن میں کہنا واں، گناہ دی دُںیا توں مُکھ موڑو تے یسوع دی پیروی کرو!
II۔ دوجی گل، مصر نوں چھڈ دینا چائیدا اے۔
تُسی مسیحی نئیں بن سکدے تے فیر وی دُنیا دا حصہ بن سکدے اُو۔ تہاڈے وِچوں کُج ہنے وی مصر چہ رہنا چاہندے نے۔ تہاڈے وِچوں دوجے لوکی ایس ویلے تیکر انتظار کر رئے نے جدوں تیکر کہ تُسی خدا دے فضل نوں چھڈ کے مصر وَل نٹھو، گویا اُوتھے کُج چنگا سی۔ لیکن اُوتھے نئیں اے۔ جے تُسی اِک حقیقی مسیحی بننا چاہندے اُو تے تہانوں مصر نوں چھڈ دینا چائیدا اے، تے ایہنوں ترک کرنا چائیدا اے، تے دُنیا دے نال نئیں رہناچائیدا جے تُسی اِک حقیقی مسیحی بننا چاہندے اُو۔ فینی کروسبیFanny Crosby، جیہڑے حمدوثنا دی اِک عظیم مصنف نے اُوہناں نے کہیا:
دُنیا لَے لے، لیکن یسوع مینوں دے دے، ایس دی ساری خوشیاں ماسوائے اِک ناں دے کُج وی نئیں نے؛
لیکن اُوہدا پیار ہمیشہ دے لئی قائم اے، دائمی وریاں دے دوراں وی یکساں۔
ہائے ، اُو رحم دی گہرائی تے بُلندی! ہائے اُو محبت دیاں وسعتاں!
ہائے، نجات دہندہ دی اُو بھرپوری، عالم بالا دی دائمی حیاتی دا وعدہ!
(’’دُنیا لے لے، لیکن یسوع مینوں دے دے Take the World, But Give Me Jesus‘‘ شاعر فینی کراسبی Fanny Crosby، 1820۔1915)۔
جے تُسی نجات حاصل کرنا چاہندے اُو تے تہانوں ایہہ کہن دے لئی تیار ہونا پیہئے گا، ’’دُنیا لے لے، لیکن یسوع مینوں دے دے‘‘!
بائبل کہندی اے:
’’نہ دُنیا نال محبت رکھو نہ دُنیا دیاں شیواں نال۔ جے کوئی بندہ دُںیا نال محبت رکھدا اے تے اُوس چہ خدا باپ دی محبت نئیں اے۔ کیوں جے جیہڑا کُج دُنیا وِچ اے یعنی جسم دی خواہش، اَکھاں دی خواہش تے حیاتی دا غرور، اُو خدا وَلوں نئیں اے بلکہ دُںیا وَلوں اے‘‘ (1 یوحنا2: 15)۔
تہانوں اِک حقیقی مسیحی بنن دے لئی، تہانوں مصر کولوں مُکھ موڑنا، ایس دُنیا تے ایہدے گناہواں توں مُکھ موڑنا چائیدا اے۔ تہاڈی تبدیلی باطنی ہونی چائیدی اے – ’’ہر شے نال جیہڑی دُنیا چہ اے، جسم دی ہوس، تے اَکھاں دی ہوس تے حیاتی دا غرور‘‘ سب توں ودھ کے اے (1 یوحنا2: 15-16)۔
ایسے لئی اَسی II کرنتھیوں6: 17-18 وِچ پڑھنے آں،
’’لہٰذا خداوند خود فرماندا اے کہ اُوہناں وِچوں نکل کے الگ رہوؤ تے جیہڑی سے ناپاک ہووے اُوہنوں مت چھوؤ فیر میں تہانوں قبول کراں گا، مٰں تہاڈا باپ ہوواں گا، تے تُسی میرے پُتر، دیھیاں ہوؤ گے۔ ایہہ قول خداوند قادرِ مطلق دا اے‘‘ (II کرنتھیوں6: 17۔18)۔
ساڈی تلاوت چہ ایہدی کیہو جئی اِک عکاسی پائی گئی اے!
’’چنانچہ اُو اُٹھیا تے بچے تے اُوہدی ماں نوں نال لے کے راتوں رات مصر روانہ ہو گیا… تے اُو اُٹھیا تے بچے تے اُوہدی ماں نوں نال لے کے اسرائیل دی سرزمین چہ چلا گیا‘‘ (متی2: 14)۔
تہانوں لاس اینجلز دے مصری گناہ توں باہر آنا چائیدا اے – تے فیر مسیح بخود وِچ آنا چائیدا اے!
III۔ لیکن، تیجی گل، مصر نوں بشارت دی جانی چائیدی اے۔
جیویں کہ یسوع نوں مصر توں بُلایا گیا سی، اینج ای تہانوں دُنیا توں بلایا گیا اے۔ لیکن، جیویں کہ مصر وِچ پیجیا گیا سی، اینج ای تہانوں اِک گواہ دے طور تے دُنیا وِچ پیجیا گیا اے۔
یسوع نے کہیا،
’’میری دعا ایہہ نئیں کہ تو اُوہناں نوں دُنیا توں (جسمانی طور تے) چُک لے، بلکہ ایہہ اے کہ توں اُوہناں نوں شیطان توں محفوظ رکھ‘‘ (یوحنا17: 15)۔
دوجی تے تیجی صدیاں وِچ کُج مسیحیاں نے دُنیا توں جسمانی طور تے بچن دے لئی صحرا وِچ خانقاہواں وِچ جان دی غلطی کیتی۔ لیکن مسیح سانوں جسمانی طور تے دُںیا توں باہر لے جان دے لئی نئیں آیا سی، بلکہ سانوں ’’برائی توں‘‘ باز رکھن دے لئی آیا سی (یوحنا17: 15)۔
درحقیقت، یسوع نے کہیا:
’’جیس طرح توں مینوں دُنیا چہ پیجیا اُونج ای میں وی اُوہناں نوں دُنیا چہ پیجیا اے‘‘ (یوحنا17: 18)۔
یسوع سانوں گناہ دی دُنیا توں باہر بُلاندا اے، ایس دے خاطر مقامی گرجا گھر وِچ علیحدہ حیاتی گزارن دے لئی۔ لیکن فیر اُو سانوں فیر توں دُنیا چہ گواہی دین تے دوجیاں نوں جیتن دے لئی پیجدا اے۔
’’یسوع نے فیر توں اُوہناں نوں کہیا، تہاڈے تے سلامتی! جیویں باپ نے مینوں پیجیا اے اُونج ای میں تہانوں پیہج رہیا آں‘‘ (یوحنا20: 21)۔
فیر توں، یسوع نے کہیا:
’’راہواں تے کھیتاں دی باڑاں وَل نکل جا تے لوکاں نوں مجبور کر کہ اُو آں تاکہ میرا گھر بھر جائے‘‘ (لوقا14: 23)۔
تُسی خدا دے گھر نوں کیویں بھردے اُو؟ اِک ویلے وچ اِک! ہر اِک بندہ، اِک ایہو جیہا بندہ اے جیہدے لئی یسوع مریا۔ اِک ویلے وچ اِک بندے نوں لہیاؤ! اوتھوں ای تُسی شروع کردے اُو۔ جیویں کہ اِک گیت کہندا اے،
اُوہناں نوں اندر لے کے آؤ، اُوہناں نوں اندر لے کے آؤ،
اُوہناں نوں گناہ دے میداناں وچوں اندر لے کے آؤ؛
اُوہناں نوں اندر لے کے آؤ، اُوہناں نوں اندر لے کے آؤ،
آوارہ گردی کردے ہوئیاں نوں یسوع دے کول لہیاؤ۔
(’’اُوہناں نوں اندر لے کے آؤBring Them In‘‘ شاعر ایلیکسزینہ تھامس Alexcenah Thomas، 19ویں صدی؛ ڈاکٹر ہائیمرز وَلّوں ترمیم کیتی گئی)۔
بائبل کہندی اے:
’’ہُن جدوں کہ اسی مسیح دی ایلچی آں، جیویں کہ خُدا ساڈے ذریعہ لوکاں نال مخاطب ہوندا اے۔ لہٰذا اسی مسیح وَلّوں اِلتماس کرنے آں کہ خُدا نال میل ملاپ کر لوو‘‘ (II کرنتھیوں5: 20)۔
میں اَج تہانوں دس رہیا واں کہ یسوع مسیح تہاڈے گناہواں دا کفارہ ادا کرن لئی صلیب تے مریا۔ لیکن اُو قبر وچ مردہ نئیں رہیا۔ اُو لفظی تے جسمانی طور تے مُردیاں وچوں جی اُٹھیا۔ اُو آسمان تے چڑھ گیا، تے زندہ اے، خُداوند خُدا دے داہنے ہتھ تے بیٹھا اے۔ جے تُسی پوری طرح نال یسوع مسیح ول رجوع کردے اُو، تے اُو تہانوں گناہ، تے اُوہدی سزا توں بچائے گا۔ یسوع مسیح دے کول آؤ، تے اُو تہانوں بچائے گا – ہُنے ای! جے تُسی یسوع تے پرہوسا کرن دے بارے وچ ساڈے نال گل بات کرنا چاہندے اُو، تے مہربانی نال ہُنے ای کمرے دے سامنے آ جاؤ۔ آمین۔
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔
|
لُبِ لُباب مصر توں باہر بُلایا گیا!CALLED OUT OF EGYPT! ڈاکٹر آر ایل ہائیمرز جونئیر وَلوں لکھیا گیا اِک واعظ ’’چنانچہ اُو اُٹھیا تے بچے تے اُوہدی ماں نوں نال لے کے راتوں رات مصر روانہ ہو گیا… تے اُو اُٹھیا تے بچے تے اُوہدی ماں نوں نال لے کے اسرائیل دی سرزمین چہ چلا گیا‘‘ (متی2: 14)۔
I۔ پہلی گل، مصر دُنیا دی اِک تشبیہہ اے، پیدائش12: 10؛ پیدائش37: 36؛ II۔ دوجی گل، مصر نوں چھڈ دینا چائیدا اے، 1یوحنا2: 15۔16؛ II کرنتھیوں6: 17۔18 .
III۔ تیجی گل، مصر نوں بشارت دی جانی چائیدی اے، یوحنا17: 15، 18؛ یوحنا20: 21؛ |