اِستوار دِل | The Fixed Heart

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اِیناں آیتاں وِچ ’’دِل‘‘ جیہڑا اے اُو ذہن وَل حوالہ دیندا اے۔ ایمان توں برگشتگی دے ایس دور وِچ اِک ’’اِستوار‘‘ ذہن رکھنا کوئی سہوکھی گل نئیں اے۔ لیکن حالانکہ اے سہوکھا نئیں اے، ایہہ سادہ اے۔ اِک کٹر مسیحی نے اپنے ذہن نوں بائبل تے ثابت قدمی نال اِستوار کیتا ہویا ہوندا اے۔ اُوس کٹر مسیح نے اپنے ذہن نوں ثابت قدمی دے نال مقامی کلیسیا تے اِستوار کیتا ہویا ہوندا اے جیتھے اُو مسیح وِچ ایمان لہیا کے تبدیل ہویا سی تے اُوہنے تعلیم پائی سی۔ اُوس کٹر مسیح نے اپنے ذہن نوں ثابت قدمی دے نال خُدا دی فرمانبرداری تے اُوہدے کلام دے فرمانبرداری کرن تے اِستوار کیتا ہویا ہوندا اے۔

داؤد نے اپنے بادشاہ بنن توں پہلاں زبور 57 لکھیا سی۔ اُو آسیب زدہ ساؤل بادشاہ کولوں اِک غار وِچ چھپ رہیا سی، جیہڑا اُوہنوں قتل کرن لئی لبھ رہیا سی۔ اُوس پریشانی دے ویلے وِچ، داؤد نے فیصلہ کیتا کہ اُوہدا دِل تے ذہن خُدا دی فرمانبرداری لئی ثابت قدمی دے نال اِستوار رئے گا۔ اِک سچے مسیحی دا دِل ’’اِستوار‘‘ ہوندا اے، خُدا تے بائبل تے ایس قدر اِستوار ہوندا اے کہ اُوہنوں ہلایا نئیں جا سکدا۔ پولوس رسول نے کہیا،

’’پرہاوو! میں ہُن ساڈے خُداوند یسوع مسیح دے ناں نال تہاڈے ترلے پانا واں کہ تُسی اِک دوجے نال موافقت رکھو تاں جے تہاڈے وِچ تفرقے پیدا نہ ہون تے تُسی سب اِک دِل تے اِک رائے ہو کے مکمل طور تے متحد رہوو‘‘ (1 کرنتھیوں1:10)۔

ایہہ اِتحاد اُوہناں مسیحیاں تے مشتمل ہوندا اے جنہاں دے دِل استوار ہوندے نے۔

I. پہلی گل، ایہہ اِتحاد اِک کلیسیا وِچ ٹُٹ جاندا اے جدوں رہنمائی کرن آلے اِراکین غیرنجات یافتہ تے جسمانی نیت رکھن آلے ہُون۔

’’جیس وِچ خُدا دا روح نئیں اُو خُدا دیاں گلاں قبول نئیں کردا کیوں جے اُو اُوہدے نزدیک بیوقوفی دیاں گلاں نے تے نہ ای اُوہناں نوں سمجھ سکدا اے کیوں جے اُو صرف پاک روح دے ذریعہ سمجھی جا سکدیاں نے‘‘ (1کرنتھیوں2:14)

خُلاصہ ایہہ اے کہ دماغ دے گناہ دے سوا کوئی گناہ نئیں اے۔ بائبل کہندی اے کہ ’’جسمانی نیت خُدا دی مخالفت کردی اے‘‘ (رومیوں8:7)۔ جسمانی نیت دے کول عداوت نئیں ہوندی – ایہہ عداوت اے۔

پاک صحائف جدوں ’’ذہن‘‘ دی گل کردے نے تے اُو تنہا دماغی اِستعداد وَل حوالہ نئیں دیندے۔ جسمانی نیت رکھن آلے اِک بندے دا ذہن خُدا دے خلاف ہوندا اے۔ اُوہدے وِچ ’’شخصیت، مرضی، روحانی سمجھ بوجھ تے درد مندی دے نال نال دماغی استعداد وی شامل ہوندی اے – سب دے سب فطری طور تے ’’خُدا دی مخالفت‘‘ کردے نے (رومیوں8:7)۔

نوح دے دِناں وِچ خُدا نے ویکھیا سی کہ انسان دی بدکاری زمین تے بوہتی ودھ گئی سی۔ خُدا نے اُو ویکھیا سی جیہڑا بیرونی طور تے ویکھیا نئیں جا سکدا سی۔ پیدائش6:5 وِچ، ترجمہ اے، ’’[انسان] دے دِل دے خیالات ہمیشہ بدی وَل مائل رہندے نے‘‘ (پیدائش6:5)۔ ایس آیت توں اِسی ویکھنے آں کہ گناہ اپنی جڑاں ذہن چہ رکھدا اے – اُودھروں گناہ جذبات نوں، ذہنی استعداد نوں تے مرضی نوں آلودہ یا غلیظ کردا اے۔ مختصراً – سارا گناہ ذہن چہ داخل ہویا، جنہوں بائبل چہ ’’دِل‘‘ دی حیثیت نال جانا جاندا اے۔ ایہو ای وجہ اے کہ یسوع نے کہیا،

’’بُرے خیالات، قتل، زنا، بدچلنی، چوری، جھوٹی گواہی، بدگوئیاں، دِل ای توں نکلدیاں نے‘‘ (متی15:19)۔

گناہ دے ہر عمل توں پہلاں ’’بُرے خیالات‘‘ آندے نے۔ چند اِک گناہ ای ذہن وِچ خیال دے جنم لین توں پہلاں سرزد ہوندے نے۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

مثال دے طور تے جان والڈرِپ John Waldrip نوں ای لے لؤ۔ اُوہناں دا ساڈے گرجا گھر نوں تقسیم کرن لئی چعین Chan دی مدد کرن دا فیصلہ والڈرِپ دے ایس خیال دے نال شروع ہویا سی جیہڑا اُو سوچدے سن کہ میں جان بُجھ کے اُوہناں نال بُری طرح پیش آندا سی تے بے عزتیاں کردا سی۔ فیر، میرے عیباں تے مہینیاں تیکر غوروفکر کرن دے بعد، والڈرِپ نوں مینوں نقصان پہنچان دا موقع نظر آ گیا۔ ایویں اُوہدا ذہن ابلیس دے ذریعے ساڈے گرجا گھر دی تقسیم لئی چیعن دی مدد کرن دے بُرے کم دے لئی تیار کیتا گیا سی۔ بائبل کہندی اے، ’’جیویں اُو اپنے دِل وِچ سوچدا اے اُوویں ای اُو اے‘‘ (اِمثال23:7)۔ ڈاکٹر اے۔ ڈبلیو۔ ٹوزر Dr. A. W. Tozer نے کہیا، ’’اخلاقی طرزِ عمل… ذہن دی کدرے گہرائی وِچ وجود چہ آندا اے‘‘ (’’اِستوار دِل دے کرمThe Blessedness of the Fixed Heart ‘‘)۔

ایس دے علاوہ ایس گل تے وی غور کرو چیعن نے کی کیتا۔ اُو والڈرِپ دے کول گیا کہ اُوہنوں اپنے نال متفق کرن لئی راضی کرے۔ کیوں؟ کیوں کہ چعین جانندا سی کہ والڈرِپ میرے خلاف کینہ رکھدا سی۔ چعین نے ایہدے بارے چہ مہینیاں تیکر سوچیا سی، کیوں جے چعین آپئی میرے نال کینہ رکھدا سی۔ پیس چعین نے اپنے تعصب نوں میرے توں لُکایا تے ساڈے کُج لوکاں نوں کیویں ’’چوری‘‘ کیتا جائے ایہہ منصوبہ بنایا۔ ڈاکٹر ٹوزر نے کہیا، ’’خیالات اِک عمل تے پنپدے نے۔ ایہہ محبت یا رغبت نوں جھنجھوڑدا اے، جیہڑی کہ [بالاآخر] مرضی نوں عمل کرن لئی متحرک کردی اے۔ اُو گناہ جیہڑا بعد وِچ ہوندا اے ’انسان لئی، شاید ایس قدر واضح ہوندا اے کہ کوئی تصور وی نئیں کر سکدا ایہہ دِل وِچ اِک خیال دی حیثیت نال شروع ہویا سی۔ بیوقوف دولت مند نے ’’آپئے سوچ لہیا سی‘ (لوقا12:15۔21)۔ تے نتیجے دے طور تے عمل دی اُو راہ اپنائی سی جیس نے اُوہدے کولوں اُوہدی جان لے لئی‘‘ (ibid.)۔

ساڈے گرجا گھر وِچ کُج عورتاں ساڈے گرجا گھر دی تقسیم توں ایس قدر بے چین ہو گئیاں سن کہ اُوہناں نے ’’آپئے سوچ لہیا‘‘ کہ میں اُوہناں دے بچیاں نوں نقصان پہنچاواں گا، لہٰذا اُوہناں نے اپنے بچیاں نوں میرے نال گل بات کرن توں منع کیتا۔ پس، اُوس طرح دی اِک عورت اُو گل پُل گئی، تے نا ای بیٹا وی پُل گیا جیہڑی یسوع نے کہی سی،

’’بندے دے دشمن اُوہدے اپنے ای گھر دے لوکی ہون گے۔ جیہڑا اپنے پیو یا اپنی ماں نوں میرے تون زیادہ پیار کردا اے میرے لائق نئیں اے تے جیہڑا کوئی اپنے پُتر یا اپنی تہی نوں میرے توں زیادہ پیار کردا اے میرے لائق نئیں اے‘‘ (متی10:36، 37)۔

’’اُوس طرح دی اِک ماں افسیوں5:24 دے اُوہناں لفظاں نوں پُھلا بیٹھی – ’’جیویں کلیسیا مسیح دے تابع اے اُویں ای بیویاں وی ہر گل وِچ اپنے شوہراں دے تابع رہین‘‘ (ترچھی لکھائی میرے وَلوں اے)۔ ایویں اُوہناں دا پُتر ڈٓانواں ڈول ہوندا رہیا سی – جسمانی نیت رکھن آلی مان تے روحانی پیو دے وِچکار۔ آخر کار اُوہنے اپنی ماں دے اَگے ہتھیار سُٹ دِتے، اپنے پیو دی سُنن توں انکار کر دِتا تے پادری دی سُنن توں انکار کر دِتا۔ اُوہنے گرجا گھر نوں چھڈ دِتا، تے اپنی ماں دے نال اُوہدی رہنمائی کرن آلی واحد ہستی دی حیثیت نال، اُوہنے اِک نوے ایونجیلیکل گرجا گھر وِچ جان لئی [اپنی ماں] دی پیروی کیتی۔ اُو اپنے پیو دے ایمان نوں کھو دیندا اے تے اِک نوا کمزور ایونجیلیکل بن جاندا اے۔ ایس قسم دی ماں نوں یسوع دی ماں ، مریم دی مثال دی پیروی کرنی چائیدی اے۔ اُوہنے اپنے پُتر یسوع دے بارے چہ کہیا، ’’جیہڑا کُج اُو تہانوں کہوے کر دینا‘‘ (یوحنا2:5)۔ بائبل کہندی اے،

’’دانا عورت اپنا گھر بناندی اے لیکن بیوقوف اُوہنوں اپنے ہتھاں نال ای گرا دیندی اے‘‘ (اِمثال14:1)۔

’’جیہڑا دانشمندی دے نال نال ٹُردا اے دانشمند بنندا اے لیکن احمقاں دا نال نقصان پہنچاندا اے‘‘ (امثال13:20)۔

’’بے وفا اپنیاں روّشاں دا پورا اجر پان گے تے نیک بندے اپنی روّش دا‘‘ (امثال14:14)۔

ڈاکٹر کرسویل Dr. Criswell نے کہیا، ’’اُو ’بے وفا‘ خود اپنی راہ وچ چلن نال اخلاقی لِحاظ دے باوجود لطف انگیزیاں پاندا اے (حوالہ ویکھو آیت 12). اُو ’نیک بندہ‘ واضح طور تے برعکس اے (اشعیا 3:10)‘‘ (کرسویل مطالعہ بائبل)۔ ڈاکٹر اے۔ ڈبلیو، ٹوزر نے کہیا، ’’ساڈے سارے اعمال ساڈے ذہن توں جنم لیندے نے … ایہہ گل واضح طور تے کلام وچ سکھائی گئی اے: ’سب توں ودھ کے اپنے دِل دی حفاظت کر کیوں جے اُو حیاتی دا سرچشمہ اے‘‘‘ (امثال 4:23). ڈاکٹر کرسویل نے کہیا، ’’حیاتی دے اخلاقی اعمال تے روئیے ساڈے دِل دی حالت توں متعین ہوندے نے … دِل ای کسی دی رغبت یا محبت دی نشست تے اخلاقی شعور دا مرکز ہوندا اے‘‘ (ibid.، امثال4:23)۔

II. دوجی گل، اِک حقیقی مسیحی دے کول اپنے خیالات نوں قابو کرن دی قوت ہوندی اے۔

آن آلے وریاں وچ، تُسی جذبات تے احساسات نوں مسترد کرن دی دانشمندی نوں ویکھ پاؤ گے۔ ’’اِستوار‘‘ دِل خُدا تے اُوہدے کلام دی فرمانبرداری تے ٹِکیا رہندا اے۔ وقت گزرن دے نال نال، مرد تے خواتین جنہاں دے دِل ’’اِستوار‘‘ ہوندے نے مسز ہائیمرز تے ڈاکٹر کیگن جئے مضبوط مسیحی بن جان گے۔ اُو جیہڑے اپنے ’’احساسات‘‘ تے چلدے نے یا تے ایمان نال برگشتہ ہو جان گے، یا بہتر طور تے کہواں تے، جذبات وچ بہندے ہوئے ایونجیلیکلز تے کرشماتی مشن آلے رہن گے۔

ڈاکٹر ٹوزر نے کہیا، خُدا دا کدی وی اِرادہ نئیں سی کہ انسان وگری ہستی نوں اپنے احساسات دا کھِلونا ہونا چائیدا اے … دِل دے خیالات تے اِرادے غلط ہوندے نے، تے نتیجے دے طور تے ساری حیاتی غلط ہو جاندی اے… ہر روز پاک صحائف نوں پڑھو تے اُوہناں دی فرمانبرداری کرو… ساری حیاتی دا رخ اُوس [یسوع] دی ستائش گان لئی مُڑ جائے گا جِنے ساڈے نال محبت کیتی تے ساڈے گناہواں نوں خود اپنے لہو نال دھو کے سانوں پاک صاف کیتا‘‘ (’’سچا مذہب احساس نئیں ہوندا اے بلکہ رضامندی ہوندی اے‘‘)۔

ڈاکٹر ٹوزر نے کہیا، ’’مرضی وچ خیالات نوں قابو کرن دی قوت ہوندی اے… جے ایویں نہ ہوندا، تے فلپیوں لئی پولوس دے لفظ نفسیاتی طور تے ناقابلِ مدافعت ہو جان گے:

’’غرض اَے پراہوو! ایناں گلاں تے غور کردے رہیا کرو جیہڑیاں سچ، لائق، مناسب، پاک، دلکش تے پسندیدہ نے یعنی جیہڑیاں اچھی تے قابلِ تعریف نے‘‘ (فلپیوں 4:8).

ایہہ کہیں زیادہ اہم اے کہ سانوں دیندار خیالات سوچنے چائیدے نے… کہ مقابلے وچ اسی ’روحانی‘ محسوس کراں۔ احساسات تے پرہوسا کرنا کدی وی محفوظ نئیں ہوندا اے۔ اُوہناں تے پرہوسا کرنا کدی وی محفوظ نئیں ہوندا۔ محفوظ ترین بندہ اُو ہوندا اے جیہڑا کہہ سکے، ’’میرا دل خُداوند تے پرہوسا کرن لئی اِستوار اے‘‘(اِستوار دِل دا کرمThe blessedness of the Fixed Heart ‘‘)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔