دُکھاں دے تجربیاں دا علم | Sufferology

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایس واعظ دا عنوان ’’دُکھاں دے تجربیاں دا علم‘‘ اے۔ ’’suffer دُکھ‘‘ دا مطلب ہوندا اے ’’درد دا تجربہ کرنا، اُداسی نوں محسوس کرنا، اِک بُرے ویلے وچوں گزرنا۔‘‘ ’’ology اُولوجی‘‘ دا مطلب ’’دی تعلیم یا علم جاننا‘‘ ہوندا اے۔ انتھروپولوجی انسان دی سٹڈی ہوندی اے۔ زواُولوجی جانوراں دی سٹڈی ہوندا اے۔ تے ’’سفرولوجی sufferology‘‘ دکھاں دے تجربیاں دا علم ہوندا اے۔

میں پہلی وری ’’سفرولوجی‘‘ دا لفظ پاسٹر وورمبرانڈ ولوں اِک ٹیپ ریکارڈ کیتے ہوئے واعظ وچ سُنیا سی۔ پاسٹر وورمبرانڈ نے یسوع وچ ایمان رکھن دی وجہ توں رومانیہ وچ کیمونسٹاں دی قید چہ چودہ سال گزارے سی۔ اُوہناں نے زیرزمین مسیحیاں دے بارے وچ مسیح لئی اذیت سہی Tortured for Christ نامی اِک کتاب لکھی۔ پاسٹر وورمبرانڈ بیسویں صدی دے اِک بہت عظیم مسیحی سن۔ اپنے واعظ وچ، اُوہناں نے کہیا کہ مستقبل چہ دُکھاں لئی تیاری کرن دی راہ ہُنے دُکھاں وچوں گزرنا اے۔ اُوہناں نے مینوں ’’سفرولوجی‘‘ سِکھن لئی کہیا۔

چین وچ اِک حقیقی مسیحی لئی دُکھاں دا تجربہ کرنا حیاتی دا اِک عام حصہ اے۔ اُو ایس بارے چہ نئیں سوچ رئے ہوندے نے کہ اُو کیویں خوش رہ سکدے نے یا اُو کیویں امیر ہو سکدے نے۔ اُوہناں نوں کسی وی ویلے قید وچ ڈالا جا سکدا اے یا قتل کیتا جا سکدا اے۔ ایویں ای ایہہ شمالی کوریہ تے کیمونسٹ ممالک وچ ہوندا اے۔ اِک سنجیدہ مسیحی ہونا کوئی تعطیل نئیں ہوندی اے۔ ایہہ صلیب نوں برداشت کرن تے دُکھاں نوں برداشت کرن دی حیاتی ہوندی اے، جیدے وچ مسیح دے نقشِ قدم تے چلنا ہوندا اے۔

اج کل نوے ایونجیلیکلز شاذونادر ای دُکھاں دے بارے چہ کدی گل کردے نے۔ ایہہ ایس لئی اے کیوں جے اسی ’’اِرتداد یعنی ایمان نال برگشتگیThe Apostasy‘‘ دے زمانے وچ آں۔ بہت وڈے مصائب دے دور توں پہلاں جدوں حقیقی مسیحیت توں ’’بہت وڈی برگشتگی‘‘ ہوگی۔ نوے ایونجیلیکلز صرف مثبت گلاں تے خوش کرن آلیاں گلاں دے بارے وچ گل کردے نے۔ اُو خُدا دی محبت تے برکتاں دے بارے وچ گل کردے نے، لیکن کدی وی اُوہدی سزا دے بارے وچ گل نئیں کردے۔ اُو جنت دے بارے وچ گل کردے نے، لیکن جہنم دے بارے وچ گل نئیں کردے۔ اُو گل کردے نے کہ کیویں خُدا تہاڈی حیاتی نوں بہترین تے خوشگوار کر سکدا اے۔ جوئیل آسٹن Joel Osteen دی مشہور کتاب دا عنوان ’’تہاڈی بہترین حیاتی ہُنے اے Your Best Life Now: اپنی بھرپور توانائی دے نال حیاتی گزارن دے 7 مرحلے۔‘‘ اُوہدے چہ کِتھے وی دُکھاں دے تجربے نئیں نے! جھوٹے نبی کدی وی دُکھاں دے بارے چہ گل نئیں کردے!

اج نوجوان لوکی گرجا گھراں نوں چھڈ رئے نے۔ ایہہ ایس لئی اے کیوں جے اسی ’’ایمان نال برگشتگی‘‘ دے دور وچ آں، لوکاں دا بہت وڈی تعداد وچ برگشتہ ہونا۔ نوجوان لوکی ایس لئی گرجا گھر وچ نئیں جاندے کیوں جے اینا ذرا جیہا وی دُکھ سہنا نئیں چاہندے۔ اُو گرجا گھر جان لئی اپنا وقت نکالنا نئیں چاہندے۔

مُرتد چعین Chan ای دے بارے وچ سوچ لوؤ۔ اُو اُو نے جو آرنلڈ شیوارژنیگر Arnold Schwarzenergger نے کہیا ’’کُڑی نما بندہ girly man۔‘‘ اُوہدے لوکی اوتھے ایس لئی گئے کیوں جے اُو دُکھ چُکنا نئیں چاہندے۔ اُو کسی وی شے دا سمنا نئیں کرنا چاہندے۔ اُو ’’کُڑیاں وانگے لوکی girly men‘‘ نے۔ اُو اینوں آسانی نال پانا چاہندے نے تے فیر وی کہندے نے اسی گرجا گھر جاندے آں۔ اُو رفاقت رکھنا چاہندے نے تے ’’کُڑیاں وانگی کُڑیاں‘‘ نال طے شُدہ ملاقاتاں dates تے جاندے نے۔ اپنے بارے وچ کی خیال اے؟ کی تُسی دُکھ برداشت کرن لئی حوصلہ مند مرد یا عورت اُو؟ کی تُسی اِک مضبوط مسیحی ہونا چاہندے اُو؟ جے نئیں چاہندے اُو، تے کیوں نئیں فیر دوجے کُریاں نما لوکاں کُڑی نما کُریاں نال چعین دے کول چلے جاندے؟ لیکن میں تے ایتھے ای رُکاں گا! تے میں تہانوں وی ایتھے ای رُکن لئی للکاردا آں!

پاسٹر وورمبرانڈ بالکل صحیح سی۔ اذیت سہن لئی تیار رہنا – تے مسیحی حیاتی وچ ہُنے ای ودھنا – تہانوں اصل چہ دُکھاں دا تجربہ کرن دے ذریعے نال ’’سفرولوجی‘‘ دا مطالعہ کرنا چائیدا اے۔ اِک سہل حیاتی دی جانب دوڑ مت لگاؤو۔ دُکھاں وچوں گزرو تے تُسی اِک عمدہ مسیحی بن جاؤو گے، کسی وی گل لئی تیار مسیحی۔ اج میں دکھاں دے سہن دے بارے وچ چار نکات سمنے پیش کراں گا۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

I۔ پہلی گل، دُکھ سہنا خُدا ولوں تہاڈی بُلاہٹ اے۔

’’کیوں جے تُسی وی ایسے قسم دے چال چلن لئی بُلائے گئے ہو کیوں جے مسیح نے تہاڈے لئی دُکھ چُک کے اِک مثال قائم کر دِتی تاں جے تُسی اُوہدے نقشِ قدم دی پیروی کرو‘‘ (1۔پطرس2:21؛ صفحہ 1313 سیکوفلیڈ)۔

مسیح نے ’’ساڈے لئی اِک مثال قائم کر دِتی تاں جے تُسی اُوہدے نقشِ قدم دی پیروی کرو۔‘‘ ایہہ کہن چہ چنگا لگدا اے، ’’میں مسیح دی پیروی کر رہیا آں۔‘‘ بے شمار لوکی ایہہ کہندے نے۔ لیکن کی اُو کردے نے؟ کی تُسی کردے اُو؟

اُو مثال کی اے جیہڑی مسیح نے ساڈے لئی چھڈی؟ ایہہ دُکھ سہن دی مثال اے۔ بائبل تہانوں حکم دیندی اے کہ دُکھ سہن وچ مسیح دی پیروی کرو، ’’مسیح نے تہاڈے لئی دُکھ چُک کے اِک مثال قائم کر دِتی تاں جے تُسی اُوہدے نقشِ قدم دی پیروی کرو۔‘‘ بائبل کہندی اے کہ تُسی دُکھ سہن لئی ’’بُلائے گے‘‘ اُو، ’’کیوں جے تُسی وی ایسے ای قسم دے چال چلن لئی بُلائے گئے ہو۔‘‘ تہانوں مسیح دے نقشِ قدم تے چلن لئی بُلایا گیا اے – دُکھ سہن لئی۔ ایہہ ای صلیب دی راہ اے۔ ایہہ ای صلیب نوں برداشت کرنا اے۔ ایہہ راہ صرف رسولاں ای لئی نئیں اے، بلکہ سارے مسیحیاں لئی اے۔ یسوع نے کہیا،

’’جے کوئی بندہ میری پیروی کرنا چاہے تے اُو خود انکاری کرے تے روزانہ اپنی صلیب چُکے تے میرے پِچھے ہو لے‘‘ (لوقا9:23؛ صفحہ 1086)۔

یسوع نے صرف رسولاں نال گل نئیں کیتی سی۔ اُوہنے کہیا سی، ’’کوئی بندہ۔‘‘ خالص یونانی وچی واقعی چہ ایدا مطلب ’’کوئی وی‘‘ کوئی وی بندہ۔ ایہہ عورتاں تے وی لاگو ہوندا اے۔ جے کوئی وی یسوع دی پیروی کرنا چاہندا اے تے اُوہنوں خود انکاری کرنی چائیدی اے، تے اپنی صلیب نوں روزانہ چُکنا چائیدا اے۔ ’’انکاری‘‘ دا مطلب ہوندا اے ’’نہ کہنا۔‘‘ خود نوں نہ کہو! جیہڑا چنگا لگدا اے اُوہنوں نہ کہو! ایس دُنیا نوں نہ کہو! تے صلیب چُک لوو – مسیحی حیاتی نوں اپنا لوو، اُوہدیاں تکلیفاں دے نال نال اُوہدیاں خوشیاں نوں وی اپنا لوو۔ ایہہ نوے ایونجیلیکلز دی راہ نئیں اے۔ اُوہناں دا ہدف ہوندا اے، ’’اپنے آپ نوں ہاں کہوو۔‘‘ لیکن بائبل کہندی اے، ’’اپنے آپ نوں نہ کہوو۔‘‘ تہاڈے لئی ایہہ کی ہوئے گا؟

پولوس رسول نے کہیا، ’’مسیح یسوع دے چنگے سپاہی وانگوں دُکھ سہن وچ میرا شریک ہوو‘‘ (2:3؛ صفحہ 1280). ایہہ بائبل دی پہلی آیتاں وچوں اِک سی جنہاں تے تبلیغ کردے ہوئے میں نے ڈاکٹر ہائیمرز نوں سُنا سی۔ اُوہناں نے سانوں ڈاکٹر وورمبرانڈ دے بارے چہ دسیا سی۔ میں پاسٹر وورمبرانڈ دے کتاب نوں پڑھ چُکیا آں۔ میں جانندا سی میں درست گرجا گھر وچ آیا سی۔ اُو میرے لئی سی!

یسوع نے کہیا کہ صلیب نوں برداشت کرنا تمام مسیحیاں لئی ہوندا اے۔ ایہہ سارے سچے مسیحیاں لئی اِک امتحان تے ثبوت ہوندا اے۔ یسوع نے کہیا، ’’جیہڑا کوئی اپنی صلیب چُک کے میرے پِچھے نئیں چلدا، میرے لائق نئیں‘‘ (متی10:38؛ صفحہ1010)۔

دُکھ سہن دی بے شمار مختلف قسماں نے۔ اُو اذیتاں نے جنہاں دا چین وچ مسیحی سمنا کر رئے نے، جِیتھے اُوہناں نوں قید وچ ڈال دِتا جاندا اے یا قتل کر دِتا جاندا اے۔ امریکہ وچ تہانوں شاید لوکاں دیاں گلاں دے ذریعے نال ہلکی پھلکی اذیت دا تجربہ ہووے جیہڑے تہاڈے بارے بُرا بولدے نے کیوں جے تُسی اِک حقیقی مسیحی اُو۔ بائبل کہندی اے، ’’جِنے لوکی مسیح وچ دیندار حیاتی گزارنا چاہندے نے اُو سب ستائے جان گے‘‘ (2تموتاؤس3:12: صفحہ 1281)۔

فیر شیواں نوں ہتھوں کھو دین دے دُکھ نوں سہنا ہوندا اے کیوں جے تُسی اِک سنجیدہ مسیحی ہوندے اُو۔ تُسی کُج دُنیاوی لطافتاں نوں کھو دیندے اُو۔ تسی ’’چند روزہ گناہ دا لطف‘‘ کھو دیو گے (عبرانیوں 11:25؛ صفحہ 1302). اُودوں تُسی شاید کم پیسہ کماؤو گے جے تُسی مسیح دی پیروی نئیں کیتی۔ تہانوں شاید اپنا لائحہ عمل چھڈنا پئے تے اپنے کُج وقت نوں دینا پئے۔ اُو صرف محض نوے لوکاں لئی نئیں اے۔ اسی سان گیبرئیل وادی وچ اِک نوا گرجا گھر شروع کرن جا رئے آں۔ کی تُسی اِک بندے نوں گرجا گھر وچ لان لئی کم کرو گے؟ کی تُسی اینا جیہا کم کرو گے؟

یاد رکھو کہ تُسی ہُن مذید ہور خود نال تعلق نئیں رکھدے اُو۔ بائبل کہندی اے، ’’تُسی اپنے نئیں اُو… کیوں جے تُسی قیمت نال خریدے گئے اُو‘‘ (1کرنتھیوں6:19، 20: صفحہ 1217)۔ جے تُسی اِک مسیحی اُو، تے یسوع تہانوں اپنے لہو نال خرید چُکیا اے۔ تُسی اپنے نئیں اُو۔ تُسی اُوہدے ہو جاندے اُو۔ یسوع نوں اپنی راہ اپنی حیاتی دے نال اپنان دیو!

جدوں دُکھ آن تے حیران مت ہو جانا۔ یسوع نے کہیا، ’’دُنیا وچ تہانوں بہت مصائب دا سمنا کرنا پئے گا‘‘ (یوحنا16:33؛ صفحہ 1139)۔ پولوس رسول نے کہیا، ’’خُدا دی بادشاہی وچ داخل ہون لئی بہتیاں مصیبتاں دا سمنا کرنا لازم اے‘‘ (اعمال14:22؛ صفحہ 1169)۔ پطرس رسول نے کہیا،

’’عزیزو، مصیبت دی اگ جیہڑی تہاڈے چہ بھڑک اُٹھی اے اُو تہاڈی آزمائش لئی اے۔ ایدی وجہ توں تُسی تعجب نہ کرو کہ تہاڈے نال کوئی انوکھی گل ہو رئی اے۔ بلکہ خوشی نال مسیح دے دُکھاں وچ شریک ہوندے جاؤو‘‘ (1پطرس4:12، 13؛ صفحہ 1315)۔

اُو مصیبت تے درد جیہڑا تہاڈے کول آندا اے کوئی عجیب نئیں ہوندا اے۔ بائبل کہندی اے، ’’جِنے لوکی مسیح وچ دیندار حیاتی گزارنا چاہندے نے اُو سب ستائے جان گے‘‘ (2تموتاؤس3:12: صفحہ 1281)۔ کی اَج دُکھ تے اذیتاں موجود نے؟ تہانوں ایس گل تے بہتر طور تے یقین کر لینا چائیدا اے!

مارون روزنتھال نے کلیسیا دا قہر آلا قبل ازیں ریپچر The Pre-Wrath Rapture of the Church نامی کتاب لکھی۔ اُوس کتاب وچ اُوہناں نے بائبل وچوں وکھایا کیویں ریپچر توں پہلاں اُو بہت وڈی مصیبتاں دا نظریہ جیہڑا کہندا اے مسیحی مشکلاں تے دُکھاں توں بچ جان گے غلط اے۔ اُو دُرست سی۔ لیکن اُوہناں نوں ایدی بہت وڈی قیمت چکانی پئی۔ روزنتھال اِک یہودی ایماندار نے۔ اُو اِک تنظیم لئی کم کردے نے جیہڑی یہودانہ ایونجیل اِزم [انجیلی بشارت دی تبلیغ] کردی سی۔ لیکن اُو بہت وڈے مصائب توں پہلاں دے ریپچر تے اصرار کردے سن۔ روزنتھال نے کسی نہ کسی طرح اواج اُوچی کیتی! ایدی قیمت اُوہناں نوں اپنی نوکری کھو کے چکانی پئی۔ اُوہناں دے بارے وچ سوچو۔ اُوہناں دے کول تے ڈاکٹریٹ دی ڈگری وی نئیں سی۔ اُوہناں دا کوئی وجود نئیں سی جیہڑا کِتھے جان دے قابل ہوندا۔ اُو اپنی آمدنی کھو چکے سی۔ اُو اپنے بیلی کھو چُکے سی۔ اُو محض اِک چھوٹے جئے یہودی سی، جنہاں دا مذاق ایونجیلیکلز نے اُڈایا۔ لیکن روزنتھال کسی نہ کسی طرح ڈٹے رئے۔ اُو حوصلہ اے! کی تُسی اُوہناں دی مانن اینے مضبوط اُو؟ کی تُسی اینے ای مضبوط مرد یا عورت اُو کہ اُوس مسیحی حیاتی وچ ڈٹے رہو چاہے ایدے چہ دشواریاں ای کیوں نہ ہون؟ میں ایہہ کرن لئی تہانوں للکاردا آں!

بائبل وچ اُو مسیحی حیاتی امریکہ چہ نوے مُرتد ایونجیلیکلز دے اُوس ناں نہاد کہلائی جان آلی مسیحی حیاتی توں کہیں زیادہ مختلف اے۔ اُوہناں لئی ’’مسیحی حیاتی‘‘ لطافتاں دی اِک حیاتی ہوندی اے۔ اُو خود دی تکمیل دی اِک حیاتی ہوندی اے۔ اوہی نوے ایونجیلیکلز دی حیاتی اے – جیدے وچ چعین تے اُوہناں دے لوکی شامل نے۔ اوہی اُو سب کُج نے، محض نوے ایونجیلیکلز۔

حقیقی مسیحی حیاتی سنجیدہ ہوندی اے۔ ایہہ حیاتی نوں بدل ڈالن آلی ہوندی اے۔ زمین تے حیاتی دے مقابلے وچ مسیحی دی حیثیت نال حیاتی زیادہ اہم ہوندی اے۔ ایہہ حقیقی دعائیہ حیاتی ہوندی اے۔ ایہہ اُو حیاتی ہوندی اے جیہڑی بائبل دی فرمانبرداری کردی اے۔ ایہہ اُو حیاتی ہوندی اے جیہڑی بشراں نوں جِتن دیاں کوششاں کردی اے۔ ایہہ اُو حیاتی ہوندی اے جیہڑی مقامی کلیسیا لئی وقف ہوندی اے۔ ایہہ اُو حیاتی ہوندی اے جیہڑی دُکھ سہندی اے، تے دُکھاں نوں سہن دی توقع رکھدی اے – تے برداشت کردی اے، کیوں جے ایس دُنیا وچ ہور کُج وی لائق نئیں اے۔ اوہی چین وچ مسیحیاں دی حیاتی اے! اوہی رچرڈ وورمبرانڈ دی حیاتی سی! اوہی مارون روزنتھال دی حیاتی سی! اوہی میری حیاتی اے! خُدا کرے تہاڈی وی ایہی حیاتی ہووے!

II۔ دوجی گل، دُکھ سہنا تہاڈی پاکیزگی نوں جنم دیندا اے۔

اُوس لفظ ’’پاکیزگی‘‘ دا مطلب ہوندا اے ’’مقدس ہونا، خالص ہونا، اِک بہتر مسیحی ہونا۔‘‘ دُکھ سہنا تہاڈی پاکیزگی نوں جنم دیندا اے۔ جدوں تُسی اپنی حیاتی وچ دُکھاں توں گزردے اُو تے حیاتی وچ دباؤ نال گزردے اُو تے ایہہ گل تہانوں اِک بہتر مسیحی بناندی اے۔ بائبل کہندی اے، ’’[دباؤ] مصیبت توں صبر پیدا ہوندا اے؛ تے صبر توں مستقل مزاجی تے مستقل مزاجی توں اُمید پیدا ہوندی اے‘‘ (رومیوں5:3، 4؛ صفحہ 1197)۔ تُسی اِک بہتر مسیحی ہوو گے۔ بائبل کہندی اے مسیح لئی دُکھ سہنا اِک تحفہ ہوندا اے،

’’کیوں جے مسیح دی خاطر تہاڈے تے ایہہ فضل ہویا اے کہ نہ فقط اُوہدے تے ایمان لہیاؤ بلکہ اُوہدی خاطر دُکھ وی سہو‘‘ (فلپیوں1:29؛ صفحہ 1258)۔

ایمان نال برگشتگی دے ایس دور وچ فیصلہ ساز دُکھ سہنا نئیں چاہندے۔ اُو ’’فوری مسیحیت‘‘ چاہندے نے۔ جے تُسی گنہگاراں دی اِک دعا منگدے اُو، تے ایہہ سب کُج ختم ہو جاندا اے۔ تے کُج کرن لئی باقی نئیں بچدا ماسوائے نال نال گھسٹدے رہو جدوں تیکر کہ تہانوں [مسیح دے استقبال لئی بدلاں وچ چُک نئیں لہیا جاندا] ریپچر نئیں کر دِتا جاندا۔ لیکن اُو غلط نے! ڈاکٹر اے۔ ڈبلیو۔ ٹوزر نے کہیا،

فوری مسیحیت دے وکیل نشوونما دے قانون نوں فخر نال وکھاندے نے جیہڑا تمام فطرت وچ دوڑدا اے۔ اُو دُکھاں نوں سہن دے پاکیزہ اثرات تے عملی فرمانبرداری نوں نظر انداز کر دیندے نے۔ اُو روحانی تربیت دی ضرورت دے قریب توں گزر جاندے نے، جیہڑی کہ دُرست روحانی عادات نوں بنان لئی ضروری ہوندی اے تے دُنیا دے، ابلیس دے تے انساناں دے خلاف ڈٹے رہن لئی ضروری ہوندی اے (اے۔ ڈبلیو۔ ٹوزر A. W. Tozer، ’’’فوری مسیحیت‘ دی قلت‘‘، اُوس شاندار مسیحی That Incredible Christian وچ، موڈی پبلیشرز، فیر اشاعت 2018)۔

نوے ایونجیلیکلز ’’دُکھاں تے عملی فرمانبرداری‘‘ وچوں گزرنا نئیں چاہندے۔ نا ای چعین Chan تے اُوہدے لوکی۔ ایہہ ای وجہ اے کہ جو اُو ہُن نے اُوہدے مقابلے وچ اُو کدی وی بہتر نئیں ہو پان گے۔ درحقیقت، اُو ایدے توں وی بدتر ہو جان گے، جوں جوں اُو ایمان نال برگشتگی دی ڈھلوان تے تھلے نوں پھسلدے جان گے۔

کیویں تُسی صرف اِک بہتر مسیحی بن سکدے اُو؟ پینتیکوست مشن آلے تے کرشماتی مشن آلے کہندے نے ایہہ [اِک بہتر مسیحی بننا] بہت وڈے وڈے احساساں تے تجربیاں وچوں گزرن نال رونما ہوندا اے۔ لیکن تُسی اپنی ساری حیاتی جھٹکدے رہو، کودتے تے محسوس کردے تے چیخدے چلاندے رہو، تے اِک ذرہ وی نہ بڑھو – جے تُسی سرے نال نجات یافتہ ہوندے اُو۔ نوے ایونجیلیکلز سوچدے نے کہ تُسی بائبل دے مطالعے دے ذریعے نال اِک عظیم مسیحی بن سکدے اُو۔ جی ہاں، بائبل نوں پڑھنا دُرست ہوندا اے۔ لیکن اوہی کافی نئیں ہوندا اے۔ میں خود اپنی حیاتی تے ماضی وچ نظر ڈالدا آں۔ میں بائبل دی تعلیم دین آلے اِک گرجا گھر وچ گیا سی تے اِک ورے تیکر ہر اِتوار نوں تفسیراتی واعظاں نوں سُنیا سی – تے ایتھے تیکر کہ نجات وی نئیں پائی! میرے مسیح تے ایمان لہیا چُکن دے بعد، مینوں ایہہ سوچنا یاد اے میں مطالعہ کر سکدا آں تے مذید ہور زیادہ سِکھ سکدا آں تے کدی وی دھیمی یا مدھم، وسط درجے دے مذہب توں پرے نئیں جا سکدا – تے میں دُرست سی۔

فیر میری ملاقات ڈاکٹر ہائیمرز نال ہوئی۔ اُوہناں نے کُج انج دی تبلیغ کیتی سی جیہڑی میں پہلاں کدی وی کِتھے وی نئیں سُنی سی، کُج انج دا جیہڑا تُسی تقریباً کِتھے وی اج امریکہ وچ نئیں سُن سکدے۔ اُوہناں نے تبلیغ کیتی سی کہ مسیحی حیاتی ساری دی ساری جدوجہد دا سمنا کرن، خود نوں کم وچ جھونک دین، جنگ نوں لڑن وچ ودھدے جان دے بارے چہ ہوندی اے۔ اُوہناں نے تبلیغ کیتی سی کہ مسیحی نشوونما دراصل جدوجہد وچ رہن دے ذریعے نال ہوندی اے، کدی کدی زخمی ہون تے چوٹ سہن نال ہوندی اے، لیکن سونے وانگوں نکھر جاندی اے۔ اُوہناں نے تبلیغ کیتی سی کہ نشوونما تجربیاں دے سکول وچوں گزرن دے ذریعے نال ہوندی اے، جیہڑا مسیحی حیاتی دا سکول اے۔ اُوہناں نے تبلیغ دِتی سی کہ مسیحی حیاتی سفرولوجی [دُکھاں دے تجربیاں دا علم] تے حیاتی نوں بسر کرن دے ذریعے نال ہوندی اے۔ اُو تبلیغ اِک قیمتی خزانہ اے! میں ڈاکٹر ہائیمرز لئی خداوند دا شکر ادا کردا آں!

اوہی مسیحی حیاتی وچ ودھن دی راہ اے – ناکہ اُوس شے نوں تلاش کرنا جیہڑی تہاڈے لئی آسان ہووے، بلکہ خونی سمندراں وچ جہاز رانی کرن دے ذریعے نال، جیویں کہ حمدوثنا دا اِک گیت اینوں تحریر کردا اے۔ جے تُسی حیاتی نوں سفرولوجی وچوں گزر کے حیاتی بسر کردے نے تے تُسی اِک مضبوط تے بہتر مسیحی ہو جاؤو گے! تُسی مسیح دے تاج وچ اِک نگینہ ہوو گے۔ جدوں مسیح اپنی بادشاہت نوں قائم کرن لئی آئے گا، تے اُو تہانوں سونے تے چاندی توں ودھ کے انعام دئے گا! تُسی مسیح دی بُلاہٹ نوں سُن پاؤو گے؟

III۔ تیجی گل، دُکھاں نوں سہنا تہانوں برداشت کرن لئی تیار کردا اے۔

حیاتی بسر کرن لئی ایہہ چنگا دور نئیں اے۔ اسی ایمان نال برگشتگی the Apostasy دے دور وچ حیاتی بسر کر رئے آں، جدوں سچے مسیحی ایمان توں لوکی دور چلے جاندے نے۔ اینوں ’’بہت وڈی برگشتگی یا گمراہی‘‘ کہندے نے – hē apostasia – اوہی ایمان نال برگشتگی (II۔تھسلنیکیوں2:3؛ صفحہ 1272)۔ اسی اُوس دور وچ حیاتی بسر کر رئے آں جدوں ’’بدکار تے دھوکہ باز لوکی فریب دیندے نے تے فریب کھاندے کھاندے بگڑ جاندے نے‘‘ (2 تیموتاؤس3:13؛ صفحہ 1281)۔ اسی ہُن اِک انج دے دور وچ حیاتی بسر کر رئے آں جدوں ’’بے دینی دے ودھ جان دے باعث کئی لوکاں دی محبت ٹھنڈی پے جائے گی‘‘(متی24:12؛ صفحہ 1033)۔ اسی اُوس دور وچ حیاتی بسر کر رئے آں جدوں گرجا گھراں دی ممبرشپ کم ہوندی جا رئی اے تے حتّیٰ کہ اُو اپنے دروازے بند کر دیندے نے۔ اسی ’’ایمان نال برگشتگی‘‘ دے دور وچ حیاتی بسر کر رئے آں۔

دشوار دور ساڈے اگے کھلوتا اے، امریکہ لئی تے کلیسیاؤں لئی۔ ایدے باوجود ایونجیلیکلز اِک خوش فہم برتاؤ نال دوجے ول ودھدے جا رئے نے۔ اُو مینوں بلشیزار بادشاہ King Belshazzar تے اُوہدے لوکاں دی یاد دلاندے نے جیہڑا میڈیس Medes تے فارسیاں دے ہتھاں بابل دی شکست توں اِک راتی پہلاں شراب پین تے دعوتاں منان وچ مصروف سی! (ویکھو دانی ایل 5 باب)۔ بائبل کہندی اے،

’’تُسی خُدا دے سارے ہتھیار بنھ کے تیار ہو جاؤو، تاں جے جدوں اُوہناں دے حملہ کرن دا بُرا دن آئے تے تُسی اُوہناں دا مقابلہ کر سکو، تے اُوہناں نوں پوری طرح شکست دے کے قائم وی رہ سکو‘‘ (افسیوں6:13؛ صفحہ 1255)۔

اُوس آیت دا مطلب اے، ’’خود نوں تیار کر لوو، ورنہ تُسی ڈٹے رہن دے قابل نئیں رہو گے!‘‘ ایتھلیٹس اپنے کھیل دی مشق کردے نے، کی اُو نئیں کردے؟ جے اُو مشق نئیں کرن گے، تے اُو جِتن گے نئیں۔ ہر کوئی ایس گل نوں جانندا اے – ماسوائے ایونجیلیکلز دے!

کیویں نوے ایونجیلیکلز دی حیاتی کوئی سمجھ فراہم نئیں کردی! اُوہناں وچوں زیادہ تر تے سرے توں مسیحی ہوندے ای نئیں۔ اُوہناں وچوں چند اِک ای مضبوط مسیحی ہوندے نے، کیوں جے اُو خود تے لطف اندوز ہو چُکے ہوندے نے تے کدی وی دُکھاں دی اگ وچوں شیطان دے خلاف جنگ دے اِمتحان وچوں گزرے نئیں ہوندے۔ اُو اُوس باکسر دی مانند دھڑم نال گر جاندے نے جیہڑا اِک مقابلے وچ بغیر پریکٹس دے گِردا اے! جدوں مصیبتاں آندیاں نے، اُو ڈٹے نئین رہندے۔ جے اُو [دجال] دشمنِ مسیح دا سمنا کرو، تے اُو اُوہدے نشان نوں اپنا لین گے تے جدوں اُو انج کرن گے تے اُوہدا بہانہ بنا لین گے۔ تہاڈے خیال وچ چعین Chan تے اُوہدے لوکی کی کرن گے؟ اُو ہلے دُکھ نئیں چُکن گے، لہٰذا تے بعد چہ وی دُکھ نئیں چُکن گے۔ اُو ہتھیار ڈال دین گے! بائبل کہندی اے، ’’جے تُوں لوکاں نال پیدل دوڑ لگائی ہووے تے اُوہناں نے تینوں تھکا دِتا ہووے تے فیر توں گھوڑیاں نال بازی کیویں لئے گا؟‘‘ (یرمیاہ12:5: صفحہ 758)۔ جدوں ایہہ آسان ہوندا اے تے جے تُسی اینوں سنبھال نئیں سکدے، تے تُسی کی کرو گے جدوں ایہہ مشکل ہو جاندا اے؟ چنگا سوال اے!

میں 42 وریاں پہلاں یسوع تے پرہوسا کیتا۔ میں ابتدائی مسیحیاں دے بارے وچ پڑھائی کیتی – مسیح دا انکار کرن دے مقابلے وچ کیویں لوکی دُکھ سہن گے تے مر جان گے۔ میں رچرڈ وورمبرانڈ دی کتاب پڑھی – مسیح دا انکار کرن دے مقابلے وچ کیویں لوکی دُکھ سہن گے تے مر جان گے۔ فیر میں اپنے اردگرد ویکھیا۔ میں ایونجیلیکلز نوں لطف اندوزیاں وچ جکڑے ہوئے ویکھیا۔ میں لوکاں نوں اپنی گردن دے گرد صلیب لٹکائے ہوئے ویکھیا، لیکن اُوہناں دی حیاتی وچ کوئی صلیب نئیں سی۔ میں اِک غیر حقیقی دُنیا نوں ویکھیا۔ جیہڑا میں ویکھیا اُوہدے بارے وچ میں سوچیا۔ فیر میں شہیداں تے پاسٹر وورمبرانڈ دے بارے وچ سوچیا۔ ایہہ ایویں لگیا سی جیویں دو مختلف دُنیائیں تے دو مختلف مذہب سی۔ مینوں وکھائی نئیں دِتا کیویں ایونجیلیکلز اذیتاں دے تحت ڈٹے رہن گے۔ میں پُریقین نئیں سی کہ آیا میں ڈٹا رہاں گا! [کی تُسی ڈٹے رہو گے؟ کی تہانوں یقین اے؟ مینوں نئیں سی۔] میں تربیت پان لئی اِک جگہ دی تلاش کیتی۔ میں ایس گرجا گھر نوں لب لہیا تے ایدے وچ ٹکا رہیا۔ ساڈے گرجا گھر لئی خُداوند دا شکر ہووے!

آؤ مینوں ایس گل نوں اینے واضح طور تے لین دیو جِینے واضح طور تے میں کہہ سکدا آں: جے تُسی اُوس گل نوں سنبھال نئیں سکدے جیدے وچوں تُسی ہلے گزر رئے اُو، تے تُسی اُوس ویلے کامیاب نئیں ہو سکدے جدوں حالات مشکل تر ہو جاندے نے۔ چعین Chan تے اُوہدے لوکی اینوں نئیں کر پان گے۔ اُو اینوں ہلے سہل چاہندے نے، تے اُو پج جان گے جدوں ایہہ دشوار ہو جائے گا۔ اُوہناں دی مانند مت بنو! سفرولوجی دے سکول وچوں گزرو۔ ایدے نال چمٹے رہو۔ مشکل گلاں [حالات] توں مت چھپو۔ صحیح گل نوں کرو چاہے اُوہدے چہ کوئی مزہ نہ وی ہووے۔ دُرست گل نوں کرو چاہے دوجے اُوہنوں نہ کردے ہون۔ صحیح کم نوں کرو چاہے اُو تہاڈی راہ وچ اِک رکاوٹ ای کیوں نہ ہووے۔ دُرست گل نوں کرو چاہے ایدے توں تکلیف ای ہووے۔ تُسی دشوار ٹھوکراں تے دُکھاں توں گزر جاؤو گے، لیکن اُو تے کھلوتے رہن تے ڈٹے رہن دی راہ اے جدوں اصل امتحان ہوندا اے۔

کی تُسی ایہہ کرن لئی کافی مضبوط اُو؟ کی تُسی دُکھاں نوں سہن وچوں گزرن لئی مضبوط بندے اُو؟ کی تُسی مضبوط عورت اُو؟ میں تہانوں ایہہ کرن لئی للکاردا آں!

IV۔ چوتھی گل، دُکھ سہنا تہاڈے لئی انعام لاندا اے۔

جے تُسی اِک مسیحی دی حیثیت نال دُکھ سہندے اُو تے تہانوں مسیح دی بادشاہت وچ انعام ملے گا۔ بائبل کہندی اے، ’’جے اسی دُکھ چُکاں گے تے اسی اُوس [یسوع] دے نال حکمرانی وی کراں گے‘‘(2 تیموتاؤس2:12؛ صفحہ 1280)۔ فیر بائبل کہندی اے، ’’ساڈی ایہہ معمولی جئی مصیبت جیہڑی کہ عارضی اے ساڈے لئی انج دا ابدی جلال پیدا کر رئی اے جیہڑا ساڈے قیاس توں باہر اے‘‘ (2کرنتھیوں4:17؛ صفحہ 1233)۔ اُو دُکھ جیہڑا اسی ہلے سہہ رئے نے کُج وی نئیں اے جے اُوہناں دا موازنہ اُوس عظیم انعام توں کیتا جائے جیہڑا مسیح سانوں دئے گا!

سو وریاں توں کُج زیادہ عرصہ پہلاں صدر تھیوڈور روزویلٹ افریقہ توں اِک شکاری سفر توں واپس لوٹیا۔ اُوہناں نوں ویکھن لئی اِک بہت وڈا ہجوم آیا۔ جدوں اُو بحری جہاز توں تھلے اُترے، لوکاں نے شور مچایا تے تالیاں بجائیاں۔ فیر اُو ہجوم چلا گیا۔ لیکن اوتھے اِک ہور بند سی جیہڑا اُوسی بحری جہاز توں آیا سی۔ ھنری موریسن افریقہ لئی چالی وریاں تیکر مشنری رہ چکے سی۔ جدوں اُو تے اُوہناں دی ووہٹی جہاز تیکر آن جان لئی اِک عارضی پُل دے تختے تیکر پہنچے، کسی نے وی اُوہناں لئی تالیاں نئیں بجائیاں۔ کوئی اِک وی بندہ اُوہناں نوں مبارکباد دین لئی نئیں آیا۔

موریسن دُکھی سی۔ اُوہناں نے اپنی ووہٹی نوں کہیا، ’’ہر کسی نے صدر نوں خوش آمدید کہیا۔ اسی مشنری کم وچ چالی سال گزار دِتے تے کوئی وی پرواہ کردا ہویا محسوس نئیں ہویا۔‘‘ اُوہناں دی ووہٹی نے کہیا، ’’دوجے کمرے وچ جاؤو تے خُدا دے نال معاملہ طے کرو۔‘‘ اُو کمرے وچ چلے گئے۔ بعد چہ موریسن باہر آئے۔ اُو مذید ہور دُکھی نئیں سن۔ اُوہناں نے کہیا، ’’میں خُدا دے نال معاملہ طے کر لہیا اے۔‘‘ فیر اُوہناں نے اپنی ووہٹی نوں دسیا، ’’خُدا نے مینوں کہیا، تُسی ہلے تیکر گھر نئیں پہنچے ہو۔‘‘

موریسن ہُن جنت وچ نے۔ اُو لوکی جیہڑے اُوہناں توں پہلاں مرے سی جنہاں نوں اُوہناں نے مسیح لئی جِتیا سی اُوہناں نے اُوہناں دا استقبال کیتا۔ مسیح نے اُوہناں دا اِستقبال کیتا۔ ’’موریسن ایتھے نے! موریسن ایتھے نے!‘‘ اُوہناں نے ضرور پکاریا ہووے گا۔ تے اُوس شاندار انعام دے بارے وچ سوچو جیہڑا یسوع نے اُوہناں نوں بادشاہت وچ بخشیا ہووے گا! تاج تے شہر تے عزت تے جلال! اُو دُکھ پُلائے جا چُکے ہون گے جیویں ای موریسن نے اپنا تاج پایا ہووے گا! اُو درد پُلایا جا چُکیا ہوندا اے۔ میں مقدسین تے فرشتیاں نوں پکاردا ہویا تصور کر سکدا آں، ’’موریسن! موریسن!‘‘ ہُن اوتھے صرف جلال اے!

تہاڈے بارے وچ کی خیال اے؟ کی تُسی صلیب دی راہ اپناؤو گے؟ میں کہنا آں، ’’نوے ایونجیلیکلز دی کُڑی نما بندیاں آلی مسیحیت توں دور ہو جاؤو! چعین Chan دے کُڑی نما بندیاں آلے مذہب توں دور ہو جاؤو!‘‘ مرد بنو! عورت بنو! ساڈے نال آؤو۔ ساڈے نال ٹھہرو! مسیح لئی حیاتی نوں بسر کرو! اِک دِن درد پُلایا جا چُکیا ہو گا۔ تہانوں شاندار انعام ملے گا۔ میں مقدسین تے فرشتیاں نوں تہاڈے لئی گاندے ہوئے تصور کر سکدا آں۔ تہاڈے لئی، اوتھے صرف جلال ہووے گا!

مہربانی نال کھلوو تے ’’کی میں صلیب دا اِک سپاہی آں Am I a Soldier of the Cross?‘‘ دا بند نمبر 1، 2 تے 4 گاؤو۔

کی میں صلیب دا اِک سپاہی آں، برّے دے پِچھے چلن آلا،
تے کی مینوں اُوہدے مقصد نوں اپنان نال خوفزدہ ہونا چائیدا اے، یا اُوہدا ناں بولن توں شرمندہ ہونا چائیدا اے؟

کی مینوں آسمان تے سہولت دے پھولدار بستراں تے لے جایا جانا چائیدا اے،
جدوں کہ دوجے انعام جِتن لئی لڑو، تے خونی سمندراں وچوں گزرو؟

یقیناً مینوں لڑنا چائیدا اے، جے مینوں حکومت کرنی اے؛ خُداوندا! میرے حوصلے نوں ودھا،
میں سختیاں نوں جھیلاں گا، درد نوں برداشت کراں گا، تیرے کلام دے سہارے دے ذریعے نال۔
(’’کی میں صلیب دا اِک سپاہی آں؟Am I a Soldier of the Cross?‘‘ شاعر ڈاکٹر آئزک واٹز Dr. Isaac Watts، 1674۔1748)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔