ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

بچے اپنے پسندیدہ کھڈانیاں نال کھیڈنا پسند کردے نے۔ کُج بچیاں دے کول [بُھس] بھرے ہوئے جانور ہوندے نے۔ میری بہن دے کول اِک رِیچھ سی۔ اِک ہُور بچے دے کول [رونی نال] ٹھونسیا ہویا اِک وڈا کُتا سی۔ اُو کُتا وریاں توں اُوہدی حیاتی دی حصہ سی۔ بعد چہ اُوہنے کُتے نوں ’’ریٹائر‘‘ کر دِتا تے اُوہدے نال کھیڈنا چھڈ دِتا۔

جدوں می بچہ سی، میرے کول بلاکس دا اِک سیٹ سی جیس تے حروفِ تہجی دے حروف لکھے سن۔ میں اُوہناں نوں لائناں تے نمونیاں وِچ ترتیب دِتا۔ بعد چہ میں ایہناں دے بارے چہ بُھل گیا، لیکن تیس وریاں بعد میں اُوہناں نوں فیر توں ویکھیا جدوں میرے ماں پیو نے اُوہناں نوں میہنوں واپس موڑیا۔ اُوہناں نے ایہناں ساریاں وریاں دے دوران اُوہناں نوں سانبھ کے رکھیا ہویا سی!

بچپن چہ، میں سیاست دے بارے چہ نہئیں سوچدا سی یا صدر کون ہووے گا۔ میں اپنے بچے پیدا کرن دے بارے چہ نہئیں سوچدا سی۔ میں حیاتی دی معنی دے بارے چہ نہئیں سوچ رہیا سی۔ ’’جدوں میں بچہ سی… میں بچے وانگوں ائ سوچیا سی۔‘‘

جدوں میں وڈھا ہویا تے میرے کول سوچن دے لئی دوجیا گلاں سن۔ کالج وِث میں گریڈز دے بارے چہ سوچ رہیا سی۔ میں روزی کمان دا سوچ رہیا سی۔ میں اپنی حیاتی نوں اَگے ودھان دے بارے چہ سوچ رہیا سی۔ بعد چہ میں خدا دے بارے چہ سوچنا شروع کیتا، تے میری حیاتی کی سی، تے جدوں میں مر گیا تے کی ہووے گا۔ میں مسیح تے پروہسا کیتا تے اِک شاگرد دے طور تے اُوہدی خدمت کرن لگا۔ لیکن میں اِک نیا مسیحی سی۔ میں اِک بچہ سی۔ جدوں میں لوکاں دی نجات پا جان دے لئی دعا کیتی تے میں ایہناں لوکاں دے ناماں دی اِک لمبی فہرست نوں ہلا کر رکھ دِتا سی جِنہاں نوں میں جانندا سی، ایہناں وِچوں کسی دے لئی وی حقیقت چہ دعا کیتے بغیر۔ ایس گرجا گھر وِچ میں بہتر طریقے نال دعا کرنی سیکھی۔ میں 42 وریاں توں مسیحی آں۔ ہُن میں واعظاں دی منادی کرن، لوکاں نوں یسوع وَل لے جان، تے گرجا گھر وِچ مسیح دے لئی کام کرن دے بارے چہ سوچنا آں! میں اِک بچے وانگوں نہئیں بلکہ اِک آدمی وانگوں سوچنا آں۔ ’’جدوں میں جوان ہو گیا تے میں بچگانہ گلاں چھڈ دِتیاں۔‘‘

اَج بُہتیرے لوکی ہُنے وی بچے نے – ایتھوں تیکر کہ جدوں اُو وڈیرے وی ہو چکے ہوندے نے۔ اُو خود تے قابو نہئیں رکھ سکدے۔ اُو توقع کردے نے کہ اُوہناں دا خیال رکھا جائے گا۔ اُو دوجیاں دی مدد نہئیں کر سکدے کیوں جے اُو ہُنے وی اپنے دماغ وِچ بچے نے۔ اُو کدی وڈہے نہئیں ہوندے۔

لیکن بائبل کہندی اے کہ مسیحی ضرور بالغ ہو جاندے نے! اُو بچیاں دے طور تے شروع کردے نے۔ جے تُسی نئے مسیحی اُو، تے تُسی مسیح وِچ بچے اُو۔ لوکی بعض اوقات نئے مذہب تبدیل کرن آلیاں نوں ’’مسیحی بچے‘‘ کہندے نے۔ شروع وِچ مسیح چہ بچہ بننا بالکل چنگا اے۔ ایہہ اُو واحد تھاں اے جِیتھروں تُسی شروعات کر سکدے اُو۔ لیکن بعد چہ، خدا توقع کردا اے کہ تُسی اِک روحانی مرد یا عورت بن جاؤ۔ پولوس رسول نے ساڈی تلاوت لکھی،

’’جدوں میں بچہ سی تے بچے وانگوں ای بولدا سی، بچے وگری طبیعت سی، اِک بچے وانگوں ای سمجھدا سی، میں اِک بچے وانگوں ای سوچدا سی: لیکن جدوں میں جوان ہویا تے بچپن دیاں گلاں چھڈ دِتیاں‘‘ (1 کرنتھیوں13: 11)۔

انجیلی بشارت دے کُج نئے لوکی سوچدے نے کہ گرجا گھر صرف محظوظ ہون دے لئی اِک تھاں اے۔ تہانوں محظوظ کرن دی ذمہ داری گرجا گھر دی اے۔ تہانوں چنگا محسوس کران دے لئی اُوتھے گرجا گھر ہوندا اے تے جدوں تُسی اُداس ہوندے اُو تے تہاڈے چہ جان پان دے لئی گرجا گھر ہوندا اے۔ گرجا گھر تہانوں کُج گلاں دی تعلیم دیندا اے۔ گرجا گھر تہانوں بیلی فراہم کردا اے۔ گرجا گھر تہانوں خوشی فراہم کرن دے لئی اُوہتھے ہوندا اے۔ جے تُسی اُو سوچدے اُو تے تُسی اپنی ساری حیاتی وِچ اِک مسیحی بچہ اُو جےتُسی سرے توں کوئی مسیحی اُو۔

بائبل بچیاں توں لیکے وڈیریاں تیکر مسیح وِچ ودھن دے بارے چہ گل کردی اے۔ جدوں تُسی یسوع تے پروہسا کردے اُو، تے تہاڈی نجات ہمیشہ دے لئی طے ہو جاندی اے۔ تہاڈے گناہ معاف ہو گئے نے، مسیح دے لہو وِچ دُھل گئے نے۔ تُسی خدا نوں مِلن دے لئی تیار اُو۔ ایہہ گل ہمیشہ دے لئی طے ہو جاندی اے۔ ایہہ تبدیل نہئیں ہوندی۔ لیکن تُسی ہںے بالغ نہئیں ہوئے اُو۔ تُسی مسیح وِچ بچے اُو۔ تہانوں مضبوط تے بوہتا مقدس تے بوہتا روحانی بنن دے عمل وِچ لنگہن دی لوڑ اے۔ ایہنوں ’’تقدس‘‘ کہندے نے۔ نجات ہمیشہ دے لئی طے ہو جاندی اے جدوں تُسی یسوع تے پروہسا کردے اُو۔ لیکن تقدیس، مسیح وِچ پروان چڑھنا تہاڈی ساری حیاتی تیکر جاری رہندا اے۔

بائبل سانوں بچیاں توں لے کے وڈیریاں تیکر مسیح وِچ ودھن دے بارے چہ دسدی اے۔ پہلا یوحنا اُوہدا دوجا باب، 12 تا 14 تیکر آیتاں تے نظر پاؤ۔

’’پیارے بچو، میں تہانوں ایس لئی لکھ رہیا آں کہ مسیح دے ناں دی خاطر تہاڈے گناہ معاف کر دِتے گئے نے۔ بزرگو، میں تہانوں ایس لئی خط لکھ رہیا آں، کیوں جے تُسی اُوہنوں جیہڑا ابتدا توں موجود اے جان لیہیا اے۔ جوانو، میں تہانوں ایس لئی لکھ رہیا آں کہ تسی اُوس شریر یعنی ابلیس تے غالب آ گئے اُو۔ بچو، میں تہانوں ایس لئی لکھ رہیا آں کہ تُسی خدا باپ نوں جان چکے اُو۔ بزرگو، میں تہانوں ایس لئی لکھ چکیاں آں کیوں جے تُسی اُوہنوں جیہڑا ابتدا توں موجود اے جان لیہیا اے۔ جوانو، میں تہانوں ایس لئی لکھ چکیا آں کیوں جے تُسی مضبوط اُو تے خدا دا کلام تہاڈے اندر بسیا ہویا اے تے اُسی اُوس شریر یعنی ابلیس تے غالب آ گئے اُو‘‘ (1یوحنا2: 12۔14)۔

ایہناں آیتاں وِچ یوحنا نے مسیح وِچ ودھن نوں تین مرحلیاں وِچ پیش کیتا۔

سب توں پہلاں چھوٹے بچے نے۔ ایس دا ایہہ مطلب نہئیں کہ ابتدائی اسکول وِچ لوکی۔ ایس دا مطلب اے نئے مسیحی، اُو لوکی جِنہاں نے صرف یسوع تے پروہسا کیتا اے۔ جے تُسی اِک نئے مسیحی اُو، تے تُسی مسیحی وِچ اِک ’’چھوٹا بچہ‘‘ اُو۔ مسیح وِچ چھوٹے بچے مکمل طور تے بچائے گئے نے، بالکل ایویں ای جیویں بالغ مسیحی نے۔ بائبل کہندی اے، بچو، میں تہانوں لکھنا واں، کیوں جے تہاڈے گناہ اُوہدے ناں دی خاطر معاف کیتے گئے نے‘‘ (1 یوحنا11: 2)۔ ایہہ اُوہی گل اے جیہڑی مسیح وِچ بچے جانندے نے۔ تہاڈے گناہ معاف ہو گئے نے کیوں جے تُسی مسیح تے پروہسا کردے اُو۔

لیکن تُسی اِک بچے دی ای حیثیت نال تے نہئیں رہندے۔ بائبل کہندی اے، ’’کہ ہُن اَسی بچے نہئیں رہواں گے‘‘ (افسیوں 4: 14)۔ ساڈی تلاوت کہندی اے، ’’جدوں میں آدمی بنیا۔‘‘ بچپن وِچ مت رہنا۔ جیہنی چھیتی ہو سکے بالغ ہون لئی ودھو۔

تُسی اینج کیویں کردے اُو؟ جواب بوہتا سادہ اے۔ ہر اُو شے جیہڑی تہانوں پڑھن تے اِک بہترین مسیحی بنن دے لئی درکار اے، تہاڈے لئی بالکل تہاڈے سامنے دستیاب اے۔ بائبل تہاڈے سامنے اے۔ تہاڈی اپنی اِک بائبل اے۔ ایہہ خدا دا کلام اے۔ ایہہ ’’نفع بخش اے… کہ خدا دا آدمی کامل [بالغ، مکمل، وڈھا] ہووے، سارے چنگے کماں دے لئی مکمل طور تے آراستہ‘‘ (2۔ تیمتھیس 3: 16، 17)۔ ایہنوں ہر روز پڑھو۔ جیہڑا کُج تُسی پڑھدے اُو ایہدے تے غور کرو۔ ایہدے بارے چہ سوچو۔ جیویں جیویں تُسی بائبل دے بارے چہ سوچو گے تے ایہدے تے عمل کرو گے، تُسی اِک مضبوط مسیحی بن جاؤ گے۔

دعا تہاڈے سامنے اے۔ ہر روز دعا کرو۔ جدوں خدا تہاڈی دعا دا جواب دیندا اے تے جواب دین دے لئی اُوہدا شکریہ ادا کرو۔ ایہہ تہاڈی مدد کرے گا جدوں خدا تہانوں اُو دیندا اے جیہڑا تُسی منگدے اُو۔ ایہہ تہاڈے ایمان نوں مضبوط کرے گا تاکہ تُسی اگلی وری بہتر دعا کر سکو۔

کلام دی تبلیغ – واعظ – تہاڈے سامنے نے۔ صرف عبادتاں وِچ ای بیٹھے نہ رہوو۔ ہر واعظ نوں غور نال سُنو، ایتھوں تیکر کہ جے تہانوں لگے کہ تُسی پہلاں وِچ کُج کُج سُنیا ہویا اے۔ ساڈے گرجا گھر وِچ اَسی تہاڈی مدد کرنے آں جیہڑی میں ایتھے کدرے ہُور نہئیں ویکھی۔ اَسی تہانوں ہر واعظ دی مکمل نقل یا کاپی [مسوّدہ] دینے آں – تہاڈی اپنی زبان وِچ۔ ایس نعمت نوں ضائع نہ کرو۔ مخطوطات یا مسوّدات گھر لے جاؤ تے اُوہناں نوں غور نال پڑھو۔ تُسی چھیتی ای اِک بہترین مسیحی بن جاؤ گے۔

پادری صاحبان نوں سُنو۔ خدا نے اُوہناں نوں تہانوں اِک مضبوط، بالغ، عمر چہ ودھے ہوئے مسیحی بنن وِچ مدد کرن دے لئی پیجھیا اے۔ افسیوں، 4باب، 11 توں 12 آیتاں نوں کھولو۔ بائبل کہندی اے،

’’تے اُوس [خدا] نے بعض نوں مبشر تے بعض نوں اُستاد مقرر کیتا؛ تاکہ مقدس لوکی خدمت کرن دے لئی مکمل طور تے تربیت پان تے مسیح دے بدن دی ترقی دا باعث بنن‘‘ (افسیوں4: 11، 12)۔

اپنی بائبل نوں ایس ای تھاں تے کُھلا رکھو۔ انگریزی دے لفظ ’’perfect یعنی مکمل طور تے‘‘ ایہدے نال اُلجھن وِچ نہ پیہیو۔ ایہدا مطلب ایہہ نہئیں کہ تُسی خدا وانگوں کامل ہوو گے۔ اُو یونانی لفظ جیس نے ’’کامل‘‘ دا ترجمہ کیتا اے اُہدا مطلب اے ’’بالغ، اُو شخص جیہڑا مقصد تیکر پہنچ گیا ہووے۔‘‘ مسیح نے کلیسیا نوں پادری تے اِستاد دِتے تاکہ مسیحیاں نوں بالغ ہون تے وڈھا ہون چہ مدد ملے۔ مسیح نے پادری تے اُستاد دِتے تاکہ تُسی مسیحی حیاتی دے مقصد تیکر پہنچ سکو تے اِک ٹھوس، بالغ مسیحی بن سکو۔

پادریاں دی سنو۔ اُو واعظ سنو جیہڑے اُو دیندے نے۔ جدوں تہانوں کوئی سوال ہووے تے اُوہناں نال گل کرو۔ جدوں تہانوں کوئی مسئلہ ہووے تے اُوہناں نال گل کرو۔ جدوں تُسی اپنی حیاتی وِچ کوئی وڈا فیصلہ کرن جا رئے ہوو تے اُوہناں نال گل کرو۔ اُو تہانوں غلطی نہ کرن وِچ مدد کرن گے۔ ایس لئی ای خدا نے اُوہناں نوں تہانوں بخشیا اے۔ جے تُسی اینج کرو گے تے تُسی بوہتی اَگے ودھو گے۔ اگلی آیت، آیت 13 تے نظر پاؤ۔ ایہہ کہندی اے کہ تُسی ’’مسیح دی معموری دے قد دے مطابق اِک کامل آدمی بن جاؤ گے‘‘ (افسیوں 4: 13)۔ تُسی اِک مکمل، مضبوط، بالغ مسیحی ہوو گے جیہڑے مسیحی حیاتی دے مقصد تیکر پہنچ چکے نے۔

ہُن ایہدے بعد دی آیت نوں ویکھو، آیت 14۔ ایہہ کہندی اے کہ خدا نے ایہناں بندیاں نوں کلیسیا نوں کیوں دِتا، ’’فیر اَسی آئیندہ ایہو جئے بچے نہ رہواں گے کہ سانوں ہر غلط تعلیم دی تیز ہوا پانی دی لہراں وانگوں اُچھالدی رہووے تے اَسی چالباز تے مکار لوکاں دے گمراہ کر دین آلے منصوبیاں دا شکار بنندے رہیے‘‘ (افسیوں 4: 14)۔ خدا چاہندا اے کہ تُسی ’’ہُن بچے نہ رہوو‘‘۔ ایسے لئی پادری تے اُستاد کلیسیا نوں دِتے جاندے نے۔ جے تُسی ایہناں دیاں گلاں سنو گے تے تُسی مذید بچے نہئیں رہوو گے۔ تے تُہانوں ’’ایدھر اُودھر اُچھالیا‘‘ نہئیں جائے گا تے ’’چالباز تے مکار لوکاں دے گمراہ کر دین آلے منصوبیاں‘‘ نال دھوکہ نہئیں دِتا جائے گا جیہڑے تہانوں دھوکہ دین دے انتظار وِچ جھوٹ بولدے نے۔ جے تُسی ایہناں لوکاں [پادری صاحبان تے اُستاداں] کے قریب رہوو گے جِنہاں نوں خدا نے کلیسیا نوں بخشیا اے، تے تہانون دھوکہ نہئیں دِتا جائے گا۔ تہانوں ایدھر اُودھر نہئیں اُچھالیا جائے گا۔ تُسی اِدھر اُدھر دیاں گلاں نال آزمائش وِچ نہئیں پہوو گے۔ تُسی اِک مضبوط، مکمل بالغ مسیحی ہوو گے۔ تہاڈے لئی اینج ای ہووے!

وڈھے ہون دا اِک ہور طریقہ اے۔ لوکی ایس بارے چہ گل کردے نے کہ اُو کِیہناں اسکولاں وِچ گئے سن۔ لیکن اِک ہُور اسکول اے جیس وِچ نہ کتاباں نے تے نہ ای کوئی کلاس۔ ایہہ حیاتی دی درس گاہ اے، لوکی کہندے نے، ’’میں حیاتی دے سکول وِچ گیا سی۔‘‘ ’’میں بُرے تجربیاں دے اسکول وِچ گیا سی۔‘‘ جدوں تُسی حیاتی دا سامنا کردے اُو، آزمائشاں تے مصیبتاں وِچوں لنگہدے اُو، حیاتی دے بُرے تجربیاں وِچوں گزردے اُو تے تُسی تجربہ حاصل کردے اُو تے اِک مضبوط انسان بن جاندے اُو جیہڑا حیاتی نوں سنبھال سکدا اے۔

یوحنا رسول نے صرف بچیاں دے بارے چہ نہئیں لکھیا۔ اُوہنے ’’نوجواناں‘‘ دے بارے چہ لکھیا۔ اُوہنے کہیا، ’’نوجوانو، میں تہانوں ایس لئی لکھ رہیا آن کہ تُسی اُوس شریر یعنی ابلیس گے غالب آ گئے اُو‘‘ (1 یوحنا 2: 13)۔ فیر، اُوہنے کہیا، ’’جوانو، میں تہانوں ایس لئی لکھ چکیا واں کیوں کہ تُسی مضبوط اُو تے خدا دا کلام تہاڈے اندر وسیا ہویا اے تے تُسی اُوس شریر یعنی ابلیس تے غالب آ گئے اُو‘‘ (1 یوحنا 2: 14)۔

ایہہ نوجوان مضبوط ہوئے کیوں جے اُو شیطان دے خلاف لڑے! جی ہاں، اَسی ابلیس تے اُوہدے شیطاناں دے خلاف جدوجہد وِچ آں۔ بائبل کہندی اے،

’’اَسی لہو تے گوشت یعنی انسان نال نہئیں بلکہ تاریکی دی دُنیا دے حاکماں، اختیار آلیاں تے شرارت دی روحانی فوجاں نال لڑنا اے جیہڑیاں آسمانی مقاماں وِچ نے‘‘ (افسیوں6: 12)۔

تُسی ایس توں بچ کے نٹھ نہئیں سکدے۔ اَسی شیطان دے خلاف چنگ وِچ آں۔ جے تُسی ایس لڑائی توں پِچھے ہٹ جاندے اُو، تے تُسی کدی وی جوان مرد [یا عورت]‘‘ نہئیں بن پاؤ گے۔ تُسی ہمیشہ اِک مسیحی بچے ای رہوو گے، جے تُسی ماڑے جہئے وی مسیحی اُو۔

تے آزمائشاں وِچوں لنگہن توں مت گھبراؤ۔ دباؤ وِچوں لنگہن توں نہ گھبراؤ۔ بائبل نے جیس لفظ دا ترجمہ ’’مصیبت‘‘ کیتا اُوہدا مطلب ’’دباؤ‘‘ اے۔ تے بائبل کہندی اے،

’’اَسی اپنی مصیبتاں وِچ وی خوش ہونے آں: کیوں جے اَسی جاننے آں کہ مصیبت نال صبر پیدا ہوندا اے تے صبر نال مستقل مزاجی [تجربہ]‘‘ (رومیوں5: 3، 4)۔

پریشانیاں تے مصیبتاں کولوں مت چھپو۔ دباؤ کولوں پیچھا مت چھڑاؤ۔ ایہدی توقع رکھو۔ ایہہ تہانوں صابر بنائے گا تے تہانوں تجربہ دیوے گا۔ بائبل اینج کہندی اے! تُسی اِک مضبوط، پروان چڑھے ہوئے مسیحی بن جاؤ گے۔

یوحنا رسول صرف بچیاں تے جواناں دے بارے چہ ای نہئیں لکھدا۔ اُو ’’بزرگاں‘‘ دے بارے وِچ وی لکھدا اے۔ اُوہنے کہیا، ’’بزرگو، میں تہانوں ایس لئی لکھ رہیا آں، کیوں کہ تُسی اُوہنوں جیہڑا ابتدا توں موجود اے جان لیہیا اے‘‘ (1 یوحنا2: 13)۔ اُو ’’جیہڑا ابتدا توں سی‘‘ یسوع مسیح اے (1 یوحنا1: 1)۔ تُسی پُچھ سکدے اُو، ’’کی سارے مسیحی یسوع نوں نہئیں جانندے؟‘‘ جی ہاں، اُو یسوع دے وسیلے توں معاف کیتے جاندے نے۔ جی ہاں، اُو یسوع نوں جانندے نے۔ لیکن ایہہ آیت ایس توں وی ودھ کے کیس گل دے بارے چہ دس رئی اے۔ ایہہ ایس تصدیق شُدہ، گہرے رشتے دے بارے چہ گل کر رئی اے جیہڑا اِک بالغ مسیحی اپنے نجات دہندہ دے نال رکھدا اے۔ ایس آیت تے میتھو پول Matthew Poole دی تفسیر کہندی اے، ’’بزرگو، کیوں جے اییہو جئے لوکاں دا بوہتا تجربہ ہوندا اے۔‘‘ بائبل دے مبصر جان گل John Gill نے کہیا کہ ایہہ بزرگ ’’ایہو جئے نے، جیہڑے دوجیاں دے مقابلے وِچ، کامل [مکمل، بالغ] سن… تے سمجھ وِچ، مرد، بزرگ سن، نہ کہ مسیح وِچ بچے۔ میرے بیلیوں، ایہہ تہاڈا مقصد اے! تُسی مسیح وِچ پیو یا ماں بن سکدے اُو۔ تُسی کام تے آزمائشاں نوں سنبھال سکدے اُو تے جیہڑا وی حیاتی تہاڈے تے لاددی اے۔ تُسی دوجیاں دے لئی مثال بنو گے۔ تہانوں عجیب و غریب لوکاں دے عجیب و غریب لفظاں نال اِیتھے اُوتھے نہئیں اُچھالیا جائے گا۔ تُسی مسیحی حیاتی نوں سنبھال سکو گے۔ تُسی ’’ثابت قدم، غیر متزلزل، ہمیشہ خداوند دے کام وِچ فائدہ مند رہوو گے‘‘ (1 کرنتھیوں 15: 58)۔ ہںے سیکھنا تے ودھنا شروع کرو۔ تُسی کر سکدے اُو! ایہہ تہاڈا مقصد اے – تے تُسی ایس تیکر پہنچ سکدے اُو! میری دعا اے کہ تُسی پہنچو گے۔

لیکن تہاڈے وِچوں ایتھے کُج مسیحی نہئیں نے۔ یسوع نے تہاڈے گناہ دھون دے لئی اپنا لہو وگایا، لیکن تُسی اُوہدے تے پروہسا نہئیں کیتا۔ ایہہ ایس لئی ہو سکدا اے کہ تُسی وڈا نہئیں ہونا چاہندے؟ کی تُسی مسیح توں باہر، کلیسیا دی مکمل رفاقت توں باہر، خدا توں باہر رہن دے عادی ہو گئے اُو؟ کی تُسی مردے ویلے اپنے گناہ دے لئی خدا دی سزا دا سامنا کرو گے، کیوں جے تُسی ہُنے مسیح دے کول نہئیں آؤ گے؟ کاش اینج نہ ہووے۔ جے تُسی یسوع تے پروہسا کرن دے بارے وِچ ساڈے نال گل کرنا چاہندے اُو، تے براہ کرم ہُنے کمرے دے سامنے آ کے کِھلو جاؤ۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔