ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

کلیسیا تے مظالم ڈھائے گئے۔ ستِیفنُس نوں بالکل حال ای چہ مسیح دی منادی کرن تے سنگسار کیتا گیا سی۔ ساؤل (جیہڑا بعد چہ پولوس رسول بنیا سی) ہُنے تیکر مسیح چہ ایمان لہیا کے تبدیل نئیں ہویا سی۔ اُو یسوع دا اِک دشمن سی۔ جدوں ستِیفنُس نوں سنگسار کیتا گیا سی، تے ساؤل نے اُوہناں لوکاں دے ہجوم دے پیچھوں کِھلو کے جنہاں نے اُنہوں [ستِیفنُس] سنگسار کیتا سی وِیکھیا سی۔ بائبل کہندی اے، ’’ساؤل اُوہدی موت نال راضی سی‘‘ (اعمال8:1)۔ فیر ’’اُوتھے کلیسیا دے خلاف ظلماں دا اِک سلسلہ شروع ہو گیا‘‘ (آیت1)۔ اپنی نفرت وِچ، ساؤل باؤلہ ہو گیا سی۔ اُوہنے ’’کلیسیا نوں تباہ کیتا‘‘ – اُوہنے کلیسیا نوں برباد کیتا (آیت3)۔ اُو گھر گھر جاندا تے مرداں تے عورتاں نوں باہر گھسیٹ کے قید کراندا سی۔ مسیحی ’’گھروں دور یا بیرون مُلک وِکھر‘‘ گئے سن (آیت4)۔ کیس قدر ہولناک المیہ!

ایہہ پطرس دے پینتیکوست دے موقع تے منادی کرن دے کُج ای مہینیاں بعد ہویا سی۔ تُسی شاید سوچو کہ کلیسیا کُچلی گئی ہووے گی۔ ایہہ شاید غائب ہو گئی سی۔ ایہہ شاید چُھپ گئی ہووے گی جیویں جو ایہہ رہ چکی سی اُوہدا سکڑیا ہویا سایہ ہووے۔

لیکن ایہہ نئیں ہویا سی۔ کلیسیا پہلاں توں وی ہُور زیادہ مضبوط ہو گئی سی۔ ایہہ کامیاب ہوئی سی! لوکاں نے کی کِیتا سی؟ بائبل کہندی اے، ’’کلیسیا دے لوکی وِکھر جان دے بعد جیتھے جیتھے گئے کلام دی خوشخبری سُناندے رئے‘‘ (اعمال8:4)۔ ایہہ کِنہے کیتا سی؟ ایہہ رسول نئیں سن۔ ایہہ لوکی سی۔ بائبل کہندی اے، ’’رسولاں دے سِوا، سارے مسیحی یہودیہ تے سامریہ دے آلے دوالے وِکھر گئے (آیت1)۔ اُوہناں نے کلام دی خوشخبری کو سُنانا جاری رکھیا سی۔ جی ہاں، کلیسیا نے ہولناک طور تے تکلیف چُکی سی۔ لیکن اُو کامیاب ہوئی سی۔ تُسی وی کامیاب ہو سکدے اُو۔ میں تہانوں دو گلاں دِسن جا رئیا آں کہ کیویں تُسی جو ہو اُوس توں بہتر ہو سکدے اُو۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

I۔ پہلی گل، تُسی خُداوند دے کلام دے ذریعے نال کامیاب ہو سکدے اُو۔

اُوہناں ابتدائی مسیحیاں نوں معلوم سی کہ یسوع نے کہیا سی،

’’ایس لئی تُسی جاؤ تے ساریاں قوماں نوں شاگرد بناؤ، تے اُوہناں نوں باپ بیٹے تے پاک روح دے ناں نال بپتسمہ دو: تے اُوہناں نوں ایہہ تعلیم دو کہ اُوہناں ساریاں گلاں تے عمل کرن جنہاں دا میں تہانوں حکم دِتا اے تے ویکھو، میں دُنیا دے اَخیر تیکر ہمیشہ تہاڈے نال آں‘‘ (متی28:19، 20)۔

تے اُو جانندے سی کہ مسیح نے کہیا،

’’تُسی یروشلیم تے تمام یہودیہ تے سامریہ وِچ بلکہ زمین دی انتہا تیکر میرے گواہ ہووے گے‘‘ (اعمال1:8)۔

اُو جانندے سی کہ اُوہناں لئی خدا دا منصوبہ سی کہ ساری دُنیا چہ مسیح دا چرچا کرن۔ اُو جانندے سی کہ مسیح نے ہمیشہ اُوہناں دے نال رہن دا وعدہ کیتا سی۔

اُو جانندے سن کہ ظلم ہون گے۔ مسیح نے شاگرداں نوں کہیا سی، ’’جے دُنیا تہاڈے نال دشمنی رکھدی اے تے یاد رکھو کہ اُوہنے پہلاں میرے نال وی دشمنی رکھی اے‘‘ (یوحنا15:18)۔ فیر یسوع نے کہیا، ’’جے دُنیا آلیاں نے مینوں ستایا اے تے اُو تہانوں وی ستان گے‘‘ (یوحنا15:20)۔ اُو مسیحی حیران نئیں ہوئے سن جدوں اُوہناں تے حملہ کیتا گیا سی۔ یسوع نے کہیا سی ایہہ ہووے گا۔ ظلماں نے اُوہناں نوں توڑیا نئیں سی۔ اُو اُٹھ کِھلوئے سن تے اَگے ودھے سن!

تہانوں ستایا جا چکیا اے، ساڈا گرجا گھر اندرو تے باہروں، اندرون تے بیرون توں مصیبتاں برداشت کر چکیا اے۔ زمانہ ساز چعینChan نے ساڈے نال بہت بُرائیاں کیتیاں۔ لیکن حیران مت ہوو۔ ایہدی توقع کیتی جا سکتی اے۔ پولوس رسول نے کہیا، ’’دیماس نے دُنیا دے محبت وِچ پے کے مینوں چھڈ دِتا‘‘ (2تیموتاؤس4:10)۔ فیر پولوس رسول نے کہیا، ’’سکندر ٹھٹھیرے نے میرے نال بہت بُرائیاں کیتیاں‘‘ (2تیموتاؤس4:14)۔ پولوس نے منادی کیتی، ’’تہاڈے ای وِچوں ایہو جئے لوکی اُٹھ کِھلون گے جیہڑے سچائی نوں توڑ مروڑ کے پیش کرن گے تاکہ شاگردان نوں اپنے وَل کر لین‘‘ (اعمال20:30)۔ تے ایہدے چہ حیران ہون آلی کوئی گل نئیں اے کہ زمانہ ساز چعین نے ساڈے نال بہت برائیاں کیتیاں۔ پطرس رسول نے کہیا،

’’عزیزو، مصیبت دی اَگ جیہڑی تہاڈے وِچ بھڑک اُٹھی اے اُو تہاڈی آزمائش دے لئی اے۔ ایہدی وجہ توں تعجب نہ کرو کہ تہاڈے نال کوئی انوکھی گل ہو رئی اے بلکہ خوشی دے نال مسیح دے دُکھاں وِچ شریک ہوندے جاؤ تاکہ جدوں اُوہدے جلال دے ظاہر ہون دا ویلہ آئے تے تُسی ہُور وی خوش و خرم ہو سکو‘‘ (1پطرس4:12، 13)

’’ایس دی وجہ توں تعجب نہ کرو۔‘‘ حیران مت ہوو، ’’کہ تہاڈے نال کوئی انوکھی گل ہو رئی اے۔‘‘ کی اُو خُداوند دا کلام نئیں اے؟ کی خُداوند نے ایہہ کہیا نئیں سی؟

کی یسوع نے سانوں دَسیا نئیں سی کہ اُو ساڈے نال ہووے گا؟ اُوہنے کہیا، ’’ویکھو، میں دُنیا دے اَخیر تیکر ہمیشہ تہاڈے نال آں‘‘ (متی28:20)۔ اُوہدے توں پہلاں اُوہنے کہیا سی، ’’مینوں آسمان تے زمین تے پورا اِختیار دے دِتا گیا اے‘‘ (متی28:18)۔ جی ہاں، مصیبت آوے گی۔ مسیح نے کہیا سی ایہہ ہووے گا۔ لیکن یاد رکھو کہ مسیح کُل اِختیار رکھدا اے، تے اُو ساڈے نال ہووے گا۔ کوئی وی اُوہنوں شکست نئیں دے سکدا، نا ای ابلیس، نا ای آسیب، تے نا ای زمانہ ساز چعین۔ یسوع نے کہیا،

’’میں اپنی کلیسیا قائم کراں گا؛ تے موت وی اُوہدے تے غالب نہ آنے پائے گی‘‘ (متی16:18)۔

مسیح نے ایہہ کہیا سی۔ تُسی ایہدے تے اعتبار کر سکدے اُو!

تے تُسی مسیح دے محبت تے پروہسا کر سکدے اُو۔ بائبل مسیح دے بارے چہ کہندی اے، ’’کلیسیا اُوہدا بدن اے‘‘ (افسیوں1:22، 23)۔ فیر، بائبل کہندی اے، ’’کوئی بندہ اپنے جسم نال دشمنی نئیں کردا بلکہ اُوہنوں کِھلاندا پِلاندا تے پالدا پوسدا اے جیویں مسیح کلیسیا نوں: کیوںکہ اُوہدے بدن دے اعضاء آں (افسیوں5:29، 30)۔ ہر کوئی خود اپنے بدن نال محبت کردا اے۔ اُو مسیح دا وعدہ اے۔ تُسی ایناں آیتاں دا دعویٰ دعاواں وِچ کر سکدے اُو۔ تُسی اُوہناں نال حوصلہ تے قوت پا سکدے اُو۔ تُسی اِک کامیاب مسیحی ہو سکدے اُو!

II۔ دوجی گل، تُسی اپنا کردار تعمیر کرن دے ذریعے نال کامیاب ہو سکدے اُو۔

پچھلے اِتوار نوں میں ’’تابعداری تے پروہسا!‘‘ نامی اِک واعظ دی منادی کیتی سی۔ میں تہانوں اِک رومی سپہ سالار دے بارے چہ دسیا سی۔ مسیح اِک بندے دے نوکر نوں شفا دین لئی آیا سی۔ سپہ سالار نے مسیح نوں کہیا، ’’میں خود وی کسی دے اختیار وچ آں، تے سپاہی میرے اِختیار وچ نے۔ جدوں میں اِک نوں کہنا واں کہ جا تے اُو چلا جاندا اے تے دوجے نوں کہنا واں کہ آ تے اُو آ جاندا اے تے کسی نوکر نوں کُج کرن لئی کہواں تے اُو کردا اے‘‘ (لوقا 7:8). اُوہنے یسوع نوں کہیا سی، ’’تینوں میرے گھر آن دی ضرورت نئیں اے۔ میں جانندا آں کہ تُو میرے نوکر نوں اوتھے جائے بغیر وی شفایاب کر سکدا اے۔‘‘ اُوہنے ایہہ کیوں کہیا سی؟ کیوں ایس ای طرح رومی دُنیا وچ کم کیتے جاندے سن۔ جدوں سپہ سالار اِک حکم دیندا سی تے اُو جانندا سی اُوہدے سپاہی اُو کرن گے۔ اُو ’’تابعداری تے پرہوسے‘‘ دے اِک انج دے سماج توں آیا سی جِیتھے لوکاں دا کردار چنگا ہوندا سی۔ اُو اپنے وعدیاں نوں پورا کردے سن۔ اُو اوہی کردے سن جو اُوہناں نوں کہیا جاندا سی۔ اُوہدی تہذیب چنگی سی۔

اِک چنگی کلیسیا پان لئی، تہاڈا کردار وی چنگا ہونا چائیدا اے۔ تہاڈا کردا ای ہوندا اے جیہڑا تعین کردا اے تُسی کیویں دے انسان اُو۔ تہاڈا کردار جیہڑا تُسی عمل کردے اُو اُوہدی راہ وچ آندا اے۔ بائبل کہندی اے، ’’ایہہ سب کُج شائستگی تے قرینے نال عمل وچ آئے گا‘‘ (1۔ کرنتھیوں 14:40). اسی اِک چنگی کلیسیا نئیں پا سکدے جے سب کُج قرینے نال نہ ہووے۔ اسی اِک چنگی کلیسیا اُوہناں لوکاں دے نال نئیں پا سکدے جیہڑے اپنے وعدیاں تے قائم نئیں رہندے نے۔ اسی اِک چنگی کلیسیا نئیں پا سکدے جے لوکی گرجا گھر دی تقسیم وچ چلے جان۔

تُسی اپنے کردا نوں کیویں بہتر بنا سکدے اُو؟ اسی اپنی تہذیب نوں کیویں بہتر بنا سکدے نے؟ اُو دوویں سوال اِک ای نے۔ جدوں اِک بندہ چنگا ہوندا اے، تے اُوہدا کردا چنگا ہوندا اے۔ جدوں اِک برادری چنگی ہوندی اے، تے اُوہناں دے کول اِک چنگی تہذیب ہوندی اے۔ ایہہ اِک ای گل اے۔ تُسی اینوں کیویں کردے اُو؟ سادہ جئیاں گلاں دے نال شروع کرو۔ کی تُسی عبادت لئی وقت تے آئے؟ اینوں اِک مرتبہ نئیں بلکہ ہر اِتوار نوں کرو۔ کی اَج تُسی بائبل دا مطالعہ کیتا؟ ایہہ ہر روز کرو۔ کی تُسی جیہڑی بائبل دی آیت پڑھی اُوہدے تے دھیان کیتا؟ اینوں ہر روز کرو۔ کی اَج تُسی دعا منگی؟ ایہہ ہر روز کرو۔ کی تُسی ایس ہفتے واعظ دا مسوّدہ پڑھیا؟ اینوں ہر ہفتے پڑھو۔ کی ہووے جے تُسی اِک دِن لئی بائبل نہ پڑھو یا دعا نہ منگو؟ جے تُسی اِک دِن پُل جاندے اُو، تے چھڈ مت دیو۔ بس اگلے دِن اُوہنوں بہتر کرو! ماضی نوں پُل جاؤو۔ ایہہ لنگ چُکیا اے۔ ہُنے جاری رہوو تے کل بہتر کرو! ایہہ اِک چنگا کردار ہوندا اے!

میں کیوں ’’ہر every‘‘ کہندے رہنا جاری رکھدا آں؟ کیوں جے ’’ہر every‘‘ اِک چنگے کردار تے جو کُج تُسی اِک وری کردے اُو تے فیر اُوہدے بارے وچ پُل جاندے اُو، دے درمیان فرق ہوندا اے۔ کوئی وی کُج نہ کُج اِک وری کردا اے! لاپرواہ بے ضابطہ لوکی اُوویں کر سکدے نے۔ عجیب تے جذباتی لوکی اونج کر سکدے نے۔ تُسی ایہہ ویکھ چُکے اُو۔ کوئی وی کسی نہ کسی شے دے بارے وچ اِک وری تے پُرجوش ہو جاندا اے۔ تُسی لوکاں نوں ایویں کردیاں ہویاں ویکھ چُکے اُو۔ اُو بائبل نوں پڑھدے نے۔ اُو دعا منگدے نے۔ اُو واعظ دا مسوّدہ پڑھدے نے۔ اُو اِک مرتبہ گرجا گھر لئی جوش وچ آ جاندے نے۔ لیکن اینوں کردے رہن تے برقرار رہنا اُوہناں لئی انتہائی مشکل سی جدوں اُوہناں نے پُرجوش محسوس نئیں کیتا۔ ایس لئی اُوہناں نے اپنی راہ لئی۔

اُوہناں دے وچ تے اِک چنگے مسیحی دے وچ فرق کی اے؟ اُو لفظ ’’ہر every‘‘ سارا فرق بناندا اے۔ کوئی وی کُج نہ کُج پہلی وری کردا اے۔ اِک چنگے کردار آلا چنگا مسیحی اینوں ’’ہر every‘‘ وری کردا اے، چاہے اُو پُرجوش محسوس کرے یا نہ کرے۔ اُو ’’ہرevery‘‘ ای ہوندا اے جیہڑا اِک بندے نوں بناندا اے ’’ثابت قدم، اٹل، خُداوند دی خدمت وچ ہمیشہ سرگرم‘‘ (1۔ کرنتھیوں 15:58). جدوں کلیسیا وچ موجود لوکی ایہہ کردے نے، تے اُوہناں دی اِک چنگی تہذیب ہو جاندی اے۔

تُسی کہندے اُو، میں کیویں اُوس ’ہرevery‘ نوں حاصل کراں؟ میں کیوں اُو ’ہرevery‘ ہستی بناں؟‘‘ میں جواب دیندا آں، ’’اِک دِن وچ اِک وری۔‘‘ اپنی بائبل نوں کل پڑھو۔ اُوہدے تے دھیان کل دوو۔ دعا کل منگو۔ اُو کل اے۔ فیر اوہی کم اگلے دِن کرو، تے فیر اگلے دِن۔ واعظ دا مسوّدہ ایس ہفتے دے اِختتام تے پڑھو۔ اینوں اگلے ہفتے کرو، فیر اگلے ہفتے۔ ایناں گلاں نوں اِک مرتبہ کرو، تے فیر ایناں نوں دوبارہ کرو۔ فیر دوبارہ کرو۔

ایویں اُو ’’ہرevery‘‘ ہستی بنا جاندا اے۔ ایناں گلاں نوں دِن وچ اِک وری کرو۔ روکو مت۔ ہمت موت ہارو۔ جے تُسی اِک دِن ناکام ہوندے اُو، اُوہناں نوں اگلے دِن دُرست طریقے نال کرو۔ جی ہاں، اُوہناں نوں اِک دِن کرو۔ فیر اُوہناں نوں اگلے دِن کرو، کیوں جے اُو اِک نوا دِن ہوندا اے۔ تُسی خود وچ اِک عادت ڈال لوو گے۔ تُسی ہر روز صبح اپنے کپٹر پہندے اُو، کی نئیں پہندے؟ اُو اِک عادت اے۔ تُسی ایہہ اِک بچے دی حیثیت نال ہر روز کیتا جدوں تیکر ایہہ تہاڈی عادت نئیں بن گئی۔ تُسی اپنے کپڑے پہندے اُو چاہے تُسی چنگا محسوس کرو یا بُرا، چاہے تُسی جلدی وچ ہوو یا تسلی نال اُو۔ ایہہ تہاڈے کردار دا حصہ بن گیا اے۔ ایہہ تہاڈا حصہ بن گیا اے۔ تے تُسی انج ای اپنی مسیحی حیاتی وچ کر سکدے اُو۔

جدوں میں کالج وچ سی، تے میں اِک بہت چنگے پرانی طرز دے سکول دا اشتہار ویکھیا۔ اُوہدے تے لکھیا سی، ’’تہاڈے پُتر دے کردار دی تعمیر لئی۔‘‘ اُو اِشتہار سچا سی۔ اُوس سکول توں گریجوایشن کرن آلے طالب علم منسٹرز، ملٹری دے لیڈر، بزنس مین، تے وکیل بنے۔ بے شمار نے عزت دے نال سیاسی مقامات تے خدمت سرانجام دِتی۔ اُو ساریاں دے نال چنگے شہری سن، جنہاں نوں اسی چنگے لوکی کہنے آں۔ اُوس سکول نے کردار دی تعمیر کیویں کیتی؟ اپنے طالب علماں نوں سادہ جئیاں گلاں نوں کرن دی تربیت دین نال۔ اُوہناں نوں جماعت وچ وقت تے آنا ای ہوندا سی۔ اُوہناں نوں سلیقے نال لباس زیب تن کرنا ہوندا سی۔ اُوہناں نوں اپنے کمریاں دی دیکھ بھال کرنا ہوندی سی۔ اُوہناں نوں ہوم ورک چھڈ دین دی اِجازت نئیں سی۔ اُوہناں نوں نشے وچ ہون یا منشیات دا استعمال کرن دی اِجازت نئیں سی۔ اُوہناں نے اپنے طالب علماں نوں ’’تابعداری تے پرہوسے‘‘ دی تعلیم دِتی سی۔ اج لوکی نئیں چاہندے کہ سکولاں وچ کسی قسم دے اصول ہون، لیکن پرانے طریقے اسی چنگے سن۔ اُو طالب علم اُو لوکی بنے جنہاں تے تُسی اعتبار کر سکدے سی۔ اُوہناں دا کردار چنگا سی۔ اُوہناں نے اِک چنگی تہذیب بنائی سی۔ تے ایویں تُسی وی کر سکدے اُو۔

جے تُسی اُو کردے رہنا جاری رکھو جیہڑا اِک چنگا، کٹر مسیحی کردا اے، تے تُسی اِک چنگے کٹر مسیح خود ای بن جاؤ گے۔ تُسی اِک عادت دی تعمیر کر لوو۔ اُو عادت تہاڈا حصہ بن جائے گی۔ تُسی دعا منگو گے تے بائبل پڑھو گے چاہے تُسی کیویں ای محسوس کیوں نہ کر رئے ہوو۔ تُسی جلسیاں وچ ویلے تے آؤو گے چاہے تُسی کیویں ای محسوس کر رئے ہوو۔ تُسی گرجا گھر نوں سہارا دیو گے چاہے تُسی کیویں ای محسوس کر رئے ہوو۔ تُسی اِک بہتر کردار پاؤو گے۔ ایویں اِک چنگا کردار پایا جاندا اے!

ہُن مینوں تہاڈے وچوں اُوہناں دے نال جیہڑے گمراہ نے گل کرنی چائیدی اے۔ تُسی یسوع تے پرہوسا نئیں کیتا اے۔ تہاڈے وچ کُج اپنی نجات لئی کوشش کرن لئی انتہائی سُست نے۔ یسوع نے کہیا، ’’داخل ہون لئی کوشش کرو‘‘ (لوقا 13:24)، لیکن تُسی انج کردے نئیں اُو۔ اوویں مسیح وچ ایمان لہیا کے تبدیل ہون دی توقع مت کرو۔ لیکن جے تُسی واقعی یسوع تے پرہوسا کردے اُو، تے اُو تہاڈے گناہ معاف کر دئے گا۔ اُوہنے تہاڈے گناہ نوں دھون لئی صلیب تے اپنا لہو وگایا سی۔ چاہے تُسی کنج دا ای گناہ کر چُکے ہوو، چاہے تُسی کِینے ای ناکام رئے ہوو، یسوع تہانوں نجات دِلا دئے گا جے تُسی اُوہدے تے پرہوسا کرو گے۔ اِک پرانا حمدوثنا دا گیت کہندا اے،

اپنی بے انتہا شرمناک ہر تے نقصان توں نکل کر، یسوع، میں آنا واں، یسوع، میں آنا واں؛
تیری صلیب دی پُرجلال فتح وِچ آن لئی، یسوع، میں تیرے کول آن لئی آنا واں۔
   (’’یسوع، میں آنا واں Jesus, I Come‘‘ شاعر ولیم ٹی۔ سلیپر William T. Sleeper، 1819۔1904)۔

جے تُسی یسوع تے پروہسا کرن دے بارے چہ ساڈے نال گل بات کرنا چاہو تے مہربانی نال آؤ تے کمرے دے اَگے ہُنے کھڑے ہو جاؤ۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔