ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
جھوٹے مسیحی لَبھ گئے!THE FALSE CHRISTIAN DISCOVERED! ڈاکٹر آر۔ ایل۔ ہائیمرز، جونیئر ولّوں لاس اینجلز دی بپتسمہ دین آلی عبادت گاہ وِچ دِتا گیا اِک واعظ ’’مینوں اے خُداوند، اے خُداوند کہن آلا ہر بندہ خُدا دی بادشاہی وِچ داخل نئیں ہووے گا مگر اُو جیہڑا میرے آسمانی باپ دی مرضی دے مطابق عمل کردا اے ضرور داخل ہووے گا۔ اُوس دِن کئی لوکی مینوں کہین گے: اے خُداوند، اے خُداوند! کی اَسی تیرے ناں دے نال نبوت نئیں کیتی؟ تیرے ناں تے بدروحواں نوں نئیں کڈیا تے تیرے ناں تے بے شمار معجزے نئیں وکھائے؟ اُوس ویلے میں اُوہناں نوں صاف صاف کہواں گا کہ میں تہاڈے نال کدی واقف ای نئیں سی۔ اے بدکارو، میرے اَگوں دور ہو جاؤ‘‘ (متی7:21۔23)۔ |
میں اپنی تلاوت نوں 21 ویں آیت توں لینا آں،
’’مینوں اے خُداوند، اے خُداوند کہن آلا ہر بندہ خُدا دی بادشاہی وِچ داخل نئیں ہووے گا مگر اُو جیہڑا میرے آسمانی باپ دی مرضی دے مطابق عمل کردا اے ضرور داخل ہووے گا‘‘ (متی7:21)۔
ایہہ واعظ میرے اپنے خیالات تے مشتمل نئیں اے۔ ایہہ خود مسیح دے لفظاں تے عظیم پیوریٹن تبصرہ نگار میتھیو مِیڈ Mathew Mead (1699.1629) دے رائے تے مشتمل اے۔ بائبل دے تبصرہ نگار جان میک آرتھر John MacArthur بجا طور تے مِیڈ Mead دی کتاب تقریباً مسیحی دریافت ہویا The Almost Christian Discovered دی حمایت کردے نے۔ میں وی ایہدی حمایت کرنا آں۔
’’مینوں اے خُداوند، اے خُداوند کہن آلا ہر بندہ خُدا دی بادشاہی وِچ داخل نئیں ہووے گا مگر اُو جیہڑا میرے آسمانی باپ دی مرضی دے مطابق عمل کردا اے ضرور داخل ہووے گا‘‘ (متی7:21)۔
اک بندے دے کول شاید بہت زیادہ شعور ہوندا اے، مسیھ دے بارے چہ بہت زیادہ علم ہوندا اے تے ایس دے باوجود اُو گمراہ ہوندا اے۔ فریسیاں دے کول بہت زیادہ معلومات سن، تے ایس دے باوجود اُو منافقاں دی اک نسل سن۔ بہت افسوس! اُوہناں وِچوں بے شمار فریسی انتہائی زیادہ علم دے نال جہنم واصل ہو چکے نے! مزید ہُور جانن لئی صرف جاننا تجسس تے مشتمل ہوندا اے۔ جیہڑا تُسی جانندے ہو کہ اُوہدی نمائش کرن لئی جاننا صرف بے مقصد فخر ہوندا اے۔ جیہڑا تُسی جانندے اُو اُوہنوں جاننا تے اُوہنوں اپنی حیاتی چہ شامل کرنا سچی مسیحیت ہوندی اے!
+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔
+ + + + + + + + + + + + + + + + + + + + + + + + + + + + + + + + + + + + + + + + +
کسی بندے دے کول عظیم روحانی تحائف ہو سکدے نے تے ایس دے باوجود وی اُو گمراہ ہو سکدا اے۔ دعا دا تحفہ اِک روحانی تحفہ اے۔ اِک بندہ شاید شاندارانہ طریقے نال دعا منگ سکدا ے تے فیر وی غیرنجات یافتہ ہو سکدا اے۔ کسی بندے دے کول شاید منادی کرن دا عظیم تحفہ ہو سکدا اے تے اُو نجات یافتہ نئیں ہوندا اے۔ یہوداہ اِک عظییم مبلغ سی۔ یہوداہ نے کہیا، ’’اے خداوند، اے خُداوند! اَسی تیرے ناں تے [منادی] کیتی تے تیرے ناں تے بدروحواں نوں کڈیا۔‘‘ اُو بے شک حقیقی مسیحیاں وِچ باہر جا کے منادی کردا رہیا تے دعائیں منگدا رہیا تے ایس دے باوجود ہُنے تیکر حقیقی مسیحی نئیں سی۔ اِک بندہ شاید اپنی دعاواں دے نال تے منادی دے ذریعے دوجیاں دی مدد کردا اے تے ایس دے باوجود خود لئی کوئی مدد نئیں کر سکدا۔
منادی کرن تے دعا منگن دی قوت مبلغ دے اِختیار تے منحصر نئیں کردی اے بلکہ خُدا دے اِختیار تے کردی اے جیہڑا ایہدے چہ برکت پاندا اے۔ کوئی شاید اُوس مبلغ دی تبلیغ دی وجہ توں مسیح چہ ایمان لہیا کے تبدیل ہو گیا تے فیر وی خود مبلغ نوں جہنم چہ جھونکا گیا! پینڈلیٹن Pendleton نے ملکۂ مریم Queen Mary دے دِناں چہ سینڈرز Sanders نوں خوشخبری سنان تے ڈٹے رہن دی تبلیغ کیتی جیہدی اُوہنے منادی کیتی سی، تے ایس دے باوجود اِک مُرتد بن گیا جیہڑا جہنم چہ گیا! میں نوجوان لوکاں ںوں جاننا آں جیہڑے قوت توں بھر پور مبلغ سن لیکن بعد چہ صرف منافق ثابت ہوئے! اِک بندہ شاید رسولاں وِچوں اِک وانگوں تبلیغ کر سکدا اے تے اِک فرشتے وانگوں دعا منگ سکدا اے تے ایس دے باوجود اُو خود اِک گمراہ شخص ہوندا اے۔ اِک عظیم بشپ نے کہیا، ’’غریب اَن پڑھ لوکی جنت چہ جاندے نے جدوں کہ اَسی، اپنے تمام تر علم دے نال جہنم چہ ڈِگ جانے آں۔‘‘ اِک بندے دے کول شاید عظیم تر تحائف ہو سکدے نے تے ایس دے باوجود اُو صرف اِک گمراہ بندہ ہوندا اے۔ سچے فضل دا اِک اؤنس دس پونڈز دے تحائف توں کئیں زیادہ قیمتی ہوندا اے۔ یہوداہ نے مسیح دے پیروی کیتی سی! اُوہنے مسیح دی خوشخبری دی منادی کیتی سی، اُوہنے بدروحواں نوں کڈیا سی، مسیح دے ناں تے، اُوہنے اُوسی دسترخوان تے کھانا کھادا تے پانی پیتا سی جیہدے تے مسیح نے کھانا کھایا تے پانی پیتا سی؛ ایس دے باوجود یہوداہ صرف اِک منافق سی، جیہڑا ’’خود اپنی ای تھاں‘‘ جہنم چہ گیا! اُو جیہڑا پاک ہون دا دکھاوا کردا اے تے ایس دے باوجود دینداری نوں اپنی حیاتی وِچ شامل نئیں کردا ’’اُوہدے کول دینداری دی وضع تے ہوندی اے، لیکن اُو اِختیار دا انکار کردا اے۔‘‘
اِک ہستی شاید مسیحی ہونا تسلیم کردی اے تے ایس دے باوجود کدی وی اُوہدا دِل مسیح وِچ ایمان لہیا کے تبدیل نئیں ہویا ہوندا۔ بے شمار لوکی راستباز لگدے نے، لیکن اُو اپنی راستبازی نوں اِک نقاب دی مانند اُوڑھے رکھدے نے، تاں جے اپنے دِل دی بغاوت تے تکبر نوں چُھپا لین۔ ایہہ گل اِک شخص دی وضاحت کردی اے جنہے سیمنری توں تعلیم حاصل کیتی تے کاہانت لئی مسح کیتا گیا سی۔ لیکن اُوہدا دِل مسیح وِچ ایمان لہیا کے تبدیل نئیں ہویا سی۔ لہٰذا اُو اِک خوبصورت کُڑی دے مگر جان لئی ساڈے گرجا گھر نوں چھڈ کے ٹُر گیا۔ ’’دیماس نے دُنیا دی محبت چہ پے کے مینوں چھڈ دِتا‘‘ (2تیموتاؤس4:10)۔ ایہہ گل ڈاکٹر کرھیٹن ایل۔ چعین دی وضاحت کردی اے جنہاں نے صرف اِک منافق ہونا ثابت کیتا جدوں اُوہناں دا تکبر تے اُوہناں دی بغاوت نظراں وِچ آئی، جدوں اُوہناں دا نقاب چہرے توں لتھیا تے اَسی اُوہناں نوں اِک منافق دی حیثیت دے نال ویکھیا۔
’’اُوس دِن کئی لوکی مینوں کہین گے: اے خُداوند، اے خُداوند! کی اَسی تیرے ناں دے نال نبوت نئیں کیتی؟ تیرے ناں تے بدروحواں نوں نئیں کڈیا تے تیرے ناں تے بے شمار معجزے نئیں وکھائے؟ اُوس ویلے میں اُوہناں نوں صاف صاف کہواں گا کہ میں تہاڈے نال کدی واقف ای نئیں سی۔ اے بدکارو، میرے اَگوں دور ہو جاؤ۔‘‘
عام تے جنگلی چوہے چوہے شاید گھراں چہ رہ لین۔ لیکن جدوں گھر گِردا ہویا وکھائی دیندا اے تے اُو نٹھ جاندے نے، کیوں جے اُو اِک دوجی محفوظ تھاں دی تلاش کردے نے۔ گرجا گھر دے خوشگوار دِن بے شمار جھوتے منافق لوکاں نوں ایہدے چہ لے کے آندے نے۔ لیکن جدوں گرجا گھر لرزدا اے، اُو نٹھ جاندے نے – جیہڑا ثابت کردا اے کہ اُو حقیقی مسیحی نئیں سن چاہے پہلاں اُوہناں نے کُج وہ کہیا ہووے۔ ایتھے [درج ذیل] اُوہناں وِچوں کُج نے۔
اِک بندے نے کہیا، ’’جیتے ایہہ ساڈی رہنمائی کرن گے میں ایناں دی پیروی کراں گا۔ یسوع چاہے مینوں مشکلاں تے مصیبتاں چکنیاں پین… مینوں حیاتی بخشی اے۔ یسوع دے عظیم ناں دی ستائش ہووے۔‘‘ ایہدے باوجود ایہو ای بندہ جدوں ساڈے گرجا گھر دی تقسیم شروع ہوئی تے نٹھن آلیاں وِچوں سب توں پہلا سی۔
اِک چینی کُڑی نے کہیا، ’’میں چاہنی آں کہ لوکی اُوہناں عظیم گلاں نوں جان لین جیہڑیاں خُدا میرے لئی کر چکیا اے۔ کاش خُدا میری حیاتی نوں اپنی گواہی لئی استعمال کرے۔‘‘ لیکن اُو تے گرجا گھر دی تقسیم شروع ہون توں وی پہلاں گرجا گھر تو نٹھ گئی سی!
اِک دوجے نوجوان چینی بندے نے کہیا، ’’میں اِظہار نئیں کر سکدے یسوع دے وسیلے نال نجات پانا کِنا عظیم ہو سکدا اے… میں چاہنا آں کہ دوجے لوکی اُو عظیم گلاں جان لین جیہڑیاں مسیح میرے لئی کر چکیا اے۔ ایس دے باوجود کُج ای عرصے دے بعد اُوہنے چعین دی پیروی کیتی تے گرجا گھر نوں چھڈ دِتا تے ظاہر کر دِتا کہ اُوہدیاں گلاں کوئی معنی نئیں رکھدیاں سن۔ اُو ہُن وی اِک گمراہ منافق ای سی جیہڑا جہنم وِچ جا رہیا اے!
ویت نام توں اِک نوجوان بندے نے کہیا، ’’اُوس تمام تر محبت دے نال جیڑی یسوع دے کول میرے لئی اے، میں اُوہنوں بہت زیادہ پیار نئیں کر سکدا۔ میں یسوع میرے نجات دہندہ دے لئی اپنی حیاتی پیش کرنا آں۔‘‘ اِک سال دے بعد اُوہنے نجات دہندہ نوں دھوکہ دِتا تے مُرتد چعین دے نال گرجا گھر نوں چھڈ دِتا۔
کالج دے اِک دوجے نوجوان طالب علم نے کہیا، ’’میں خُدا دا یسوع مسیح دے قیمتی لہو دے وسیلے نال مینوں پاک صاف کرن لئی شکریہ ادا کرنا آں۔ خُداوند دی ستائش ہووے!‘‘ چنگا لگدا اے، کی چنگا نئیں لگدا؟ لیکن جلد ای، اُو کُڑی دے ایہہ کہن دے بعد، اُو گناہواں دی دُنیا وِچ واپس ٹُر گئی تےساڈے گرجا گھر نوں چھڈ دِتا۔
اِک امریکی نثاد جاپانی کُڑی نے کہیا، ’’میری گواہی ایس قدر سادہ اے۔ میں یسوع تے پروہسا کیتا تے اُوہنے مینوں نجات دلائی‘‘ – تے اُوہنے گرجا گھر نوں چھڈن تے مُرتد چعین دے نال جان دے نال اُوس [یسوع] نوں قیمت چکائی!
میکسیکو دے اِک بندے نے کہیا، ’’مینوں محبت کرن آلے نجات دہندہ دے ذریعے نال رحم وکھایا گیا سی، تے ایہہ گل میں کدی وی نئیں بُھل پاواں گا‘‘ – لیکن کُج ای عرصے دے بعد اُو جیہڑا اُوہنے کہیا سی بُھل گیا، تے مُرتد چعین دے مگر نٹھ گیا۔ میرے کول اُوہدی اِک تصویر اے جیہدے وِچ اُو باغی منافقین دے نال مُرتد چعین دے لاگے کِھلوتا اے۔
چین توں اِک نوجوان عورت نے کہیا، ’’یسوع میرے نال محبت کردا اے! ہُن میں اپنے نجات دہندہ یسوع دے لئی گانا چاہنی آں!‘‘ چنگا لگدا اے، کی چنگا نئیں لگدا اے؟ لیکن بہت ای چھیتی اُوہناں نے ساڈے گرجا گھر نوں دھوکہ دِتا تے مُرتد چعین دے نال نٹھ گئی!
کسی نے مینوں کہیا، ڈاکٹر ہائیمرز، مذید ہُور چینی لوکاں نوں شامل مت کرو۔ اُو سارے دے سارے دوغلے ہوندے نے!‘‘ بوہتا سچ سی، جدوں تیکر اُو مسیح چہ ایمان لہیان دی حقیقی تبدیلی دا تجربہ نئیں کردے اُو ایہنے ای گمراہ نے جنہے کہ اُو جنہاں دا میں ایتھے تزکرہ کیتا۔ یسوع نے کہیا، تہانوں نوے سرے توں جنم لینا ہووے گا‘‘ (یوحنا3:7)۔
’’گھٹیا فضل‘‘ تے ایمان لہیان دے آسان تعلیم‘‘ نوی اصطلاحات نے، لیکن ’’اینٹی نو میئین اِزم Antinomianism‘‘ نئیں اے۔ مارٹن لوتھر Martin Luther (1546-1483) نے سانوں اِک جملہ دِتا سی۔ ایہہ اُوہناں لوکاں وَل نشاندہی کردا اے جیہڑے نجات دے سارے فائدے پانا چاہندے نے لیکن فرائض اِک وی ادا کرنا نئیں چاہندے (سولی ڈیو گلوریا اشاعت خانے Soli Deo Gloria Publications، میتھیو مِیڈ Mathew Mead دی کتاب تقریباً مسیحی دریافت ہویا The Almost Christian Discovered دا سرِورق، جیس دے پیش لفظ جان میک آرتھر John MacArthur نے لکھے)۔
مُرتد چعین دے لوکاں وِچوں اِک کہندا اے، ’’ڈاکٹر ہائیمرز سوچدے نے کوئی وی اُوس ویلے تیکر نجات نئیں پا سکدا جدوں تیکر اُو ایس گرجا گھر وِچ حاضر نئیں ہوندا۔‘‘ اُوہدی طرح دے مُرتد تقریباً کسی وی قسم دا جھوٹ اپنے گمراہ تے بدکار گناہواں نوں ڈھانپن لئی بول سکدے نے۔ تے مینوں تعجب نئیں ہوندا اے کہ ایس بندے نے ایویں جھوٹ بولیا، کیوں جے اُو بالکل دُرست طور تے جانندا اے کہ میں کدی وی اُو گل نئیں کیتی – نا ہی میں ایہدے وِچ یقین رکھنا واں۔
لیکن میں ایہہ یقین رکھنا واں کہ [کلیسیا] گرجا گھر ’’مسیح دا بدن‘‘ ہوندا اے (افسیوں4:12)۔ اُو جیہڑے ایس گرجا گھر نوں چھڈ کے ٹُر جاندے نے ایس بدن نوں کمزور کردے نے۔ جیہڑے اُوس دی کلیسیا تے حملہ کردے نے، اُوس دے بدن تے حملہ کردے نے۔ جیہڑے اُوہدے گرجا گھر نوں تقسیم کردے نے اُوس دے بدن نوں تقسیم کردے نے۔ جیہڑے اُس دے گرجا گھر دے رُکن نئیں ہوندے، اُو اُوہدے بدن دے رُکن نئیں ہوندے۔ بے شمار نوے ایونجیلیکل لوکی پاک کلام نوں سنجیدگی نال نئیں لیندے۔ ایہو ای وجہ اے کہ اُو مسیح دے بدن توں مُرتدی ظاہر کردے نے!
کُج لوکی ایس گل نوں ’’سنگِ میل‘‘ دا نظارہ کہندے نے۔ مینوں پرواہ نئیں تُسی اینوں کی کہندے اُو، ایہہ بائبل دی پوزیشن اے۔ کلیسیا یعنی گرجا گھر ’’مسیح دا بدن‘‘ ہوندا اے!
میں اَج دی سویر تہانوں یسوع دے کول آن لئی کہنا آں۔ اُو مُردیاں وِچوں جی اُٹھیا اے۔ اُو اُتے آسمان چہ خُدا دے سجے پاسے بیٹھا اے۔ یسوع دے کول آؤ۔ دُنیاداری تے گناہ توں رُخ موڑو۔ یسوع تے پروہسا کرو، تے اُو اپنے قیمتی لہو دے وسیلے نال تہاڈے تمام گناہ پاک صاف کر دے گا! یسوع تے پروہسا کرو تے تُسی اُوہدے بدن دا حصہ بن جاؤ گے، جو کہ کلیسیا اے۔ آمین۔
جے تُسی یسوع تے پروہسا کرن دے بارے چہ ساڈے نال گل بات کرنا چاہندے اُو تے مہربانی نال آؤ تے بالکل ہُنے آؤ تے سامنے کِھلو جاؤ۔ اُودھوں تیکر اَسی حمدوثنا دا گیت نمبر5 ’’میں جیہو جیہا وی آں Just As I Am‘‘ گانے آں۔
بغیر اِک اِلتجا دے، میں جیہو جیہا وی آں، مگر کہ تیرے لہو میرے لیے وگایا گیا،
تے کہ توں مینوں اپنے کول بُلان لئی بیقرار اے، اے خُدا دے برّے، میں آیا! میں آیا!
انتظار کیتاں بغیر، میں جیہو جیہا وی آں، میری جان نوں اِک تاریک دھبے توں چھڑان لئی،
تیرے لئی جیدا لہو اِک داغ مٹا سکدا اے، اے خُدا دے برّے، میں آیا! میں آیا!
بے شک اُچھالا گیا، میں جیہو جیہا وی آں، بوہتی کشمکش وِچ، بوہتے شکوکاں وِچ،
میں اپنے خوف تے جھگڑیاں دے نال تے بغیر، اے خُدا دے برّے، میں آیا! میں آیا!
(’’میں جیہو جیہا وی آں Just As I Am‘‘ شاعرہ شارلٹ ایلیٹ Charlotte Elliott، 1789۔1871، پادری صاحب نے ترمیم کیتی)۔
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔