ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
شہداء نوں یاد رکھو!REMEMBER THE MARTYRS! (Punjabi – A Language of Pakistan) ڈاکٹر کِرسٹوفر ایل کیگن وَلّوں ’’جان دین تیکر وفادار رہ تے میں تینوں حیاتی دا تاج دیاں گا‘‘ |
آج 29 جون اے۔ روایتی طور تے ایہہ اُو دِن سی جدوں شہنشاہ نیرو نے ظلم و ستم دے تحت پولوس رسول دا سر قلم کیتا گیا سی۔ شہداء دی آواز ایس دِن نوں ’’مسیحی شہداء دا دِن‘‘ کہیا اے۔
اُو یونانی لفظ جیس دا ترجمہ ’’شہید‘‘ اے ایس دا مطلب اے ’’گواہ‘‘ یا ’’گواہی‘‘۔ جدوں اِک مسیحی نوں یسوع تے پروہسا کرن دی وجہ توں مارا جاندا اے تے اُو موت ایس دی گواہی تے گواہ ہوندی اے۔
چین تے ویتنام وگری کیمونسٹ سرزمیناں وِچ، مسیحیاں نوں یسوع تے پروہسا کرن دی وجہ توں جیل وِچ سُٹیا جاندا اے تے ایتھوں تیکر کہ مار دِتا جاندا اے۔ بُہتیرے مُلکاں وِچ، مسیحیاں نوں جیل وِچ ڈالیا جا سکدا اے تے تشدد دا نشانہ بنایا جا سکدا اے۔ ایہناں وِچوں بوہتے لوکی جیل وِچ مر جاندے نے۔ مسیحیاں نوں اُوہناں دے اپنے گھراں یا سڑک تے مارا جاندا اے۔ اُوتھے ظلم و ستم، قید تے شہادت مسیحی حیاتی دا حصہ نے۔ لوکی یسوع تے ایہہ جانندے ہوئے پروہسا کردے نے کہ ایس دی وجہ توں ایہناں دی جاناں ضائع ہو سکدیاں نے۔ ایذا رسانی، حتّیٰ کہ موت وی ایہناں دے لئی عام، تقریباً معمول دی گل اے۔
ایتھے امریکہ وِچ شہادت تے دور دی گل اے۔ مسیحی ہون دی وجہ توں کسی نوں قید یا قتل نئیں کیتا جاندا۔ ایتھے اپنے آپ نوں مسیحی کہنا سہوکھا اے۔ زیادہ تر لوکی اینج کردے نے۔ لیکن دُنیا دے بُہتیرے حصیاں وِچ ہر ایماندار دے سر تے ظلم و ستم دی [تلوار] لٹکی ہوئی اے۔ پہلی تین صدیاں وِچ اینج ای سی۔ ابتدائی کلیسیاواں وِچ مسیحی دے لئی مصیبتاں برداشت کرنا تے مرنا عام سی۔ ہر مسیحی ایس دے بارے وِچ سوچدا سی۔ ہر نئے شاگرد نے ایس دے بارے وِچ سوچیا۔ ایتھوں تیکر کہ گمراہ ہوئے کافراں نے وی ایس دے بارے وِچ سوچیا۔ ابتدائی مسیحی اپنے مذھب دے نال نئیں کھیلدے سن۔ اُو سنجیدہ سن۔ اُوہناں نوں مسیح دے لئی مرنا پیہہ سکدا اے – تے بوہتے لوکاں نے اینج کیتا۔ اُو اُوہناں لوکاں دے لئی دُکھ محسوس کردے سن جیہڑے تکلیف وِچ سن۔ اُوہناں نے اُوہناں [لوکاں] دے لئی دعاواں کیتیاں۔ ابتدائی مسیحیاں نوں یاد سی کہ بائبل کی کہندی اے،
’’قیدیاں نوں یاد رکھو گویا تُسی خود اُوہناں دے نال ہو تے جِنہاں دے نال بدسلوکی کیتی جاندی اے اُوہناں نوں وی یاد رکھو گویا تُسی خود اُوہناں دے نال بدسلوکی دا شکار اُو‘‘ (عبرانیوں13: 3)۔
ایک جدید ترجمہ کہندا اے، ’’جیل وِچ بند لوکاں نوں ایس طرح یاد رکھو جیویں تُسی جیل وِچ اُوہناں دے نال اُو۔ تے جِنہاں دے نال بدسلوکی کی جاندی اے گویا تُسی خود تکلیف وِچ مبتلا اُو‘‘ (NIV)۔
اُوہناں مسیحیاں نوں یاد سی کہ یسوع نے اپنے شاگرداں نوں اذیت دے لئی تیار رہن دی تنبیہ کیتی جدوں اُوہنے کہیا،
’’پرھا اپنے پرھا نوں تے پیو اپنے بچے نوں قتل دے لئی حوالے کرے گا۔ بچے اپنے ماں پیو دے خلاف اُٹھ کِھلون گے تے اُوہناں نوں مروا ڈالن گے‘‘ (متی10: 21)
تے، یسوع نے کہیا،
’’اُوہناں کولوں مت ڈرو جیہڑے جسم نوں تے مار سکدے نے لیکن روح نوں نئیں بلکہ اُوہناں کولوں ڈرو جیہڑے جسم تے جان دوواں نوں جہنم وِچ ہلاک کر سکدے نے‘‘ (متی10: 28)۔
تے فیر دوبارہ، مسیح نے کہیا،
’’اُوس ویلے لوکی تہانوں پھڑ پھڑ کے سخت ایذا دین گے تے قتل کرن گے تے ساری قوماں میرے ناں دی وجہ توں تہاڈے نال دشمنی رکھن گئیاں‘‘ (متی24: 9)۔
مسیح دے مُردیاں وِچوں جی اُٹھن دے کُج ای ویلے بعد ایمانداراں تے ایذا رسانیاں کیتی گئیاں سن۔ ستِفنُس نوں مسیح دی منادی دے لئی سنگسار کیتا گیا سی۔ بائبل کہندی اے،
’’اُو اُوہدے تے زور نال چلائے تے اپنے کناں وِچ انگلیاں واڑ لہیاں تے اِک نال اِکٹھے ہو کے اُوہدے تے جھپٹ پیہئے تے اُوہنوں گھسیٹ کے شہر توں باہر کڈ لہیائے تے اُوہدے تے پتھر برسان لگے‘‘ (اعمال7: 57۔58)۔
ابتدائی کلیسیاواں وِچ، مصائب تے موت عام سی۔ اُوہناں دی توقع ہوندی سی۔ پولوس رسول تیار سی جدوں اُوہدا ویلہ آیا۔ جدوں اُو جیل وِچ سی، چھیتی ای مرن آلا سی، اُوہنے کہیا،
’’کیوں جے ہُن میں قربانی دی مَے وانگوں انڈیلیا جا رہیا واں تے میرے جان دا ویلہ آ گیا اے۔ میں چنگی کُشتی لڑ چکیا۔ میں دوڑ نوں ختم کر لہیا اے تے اپنے ایمان نوں مضبوط رکھیا اے۔ ہُن راستبازی دا اُو تاج میرے لئی رکھیا ہویا اے جیہڑا عادل تے منصف خدا مینوں جزا دے دِن عطا فرمائے گا۔ تے نہ صرف مینوں بلکہ اُوہناں ساریوں نوں وی جیہڑے بوہتے شوق نلا اُوہدے آں دی راہ ویکھدے نے‘‘ (2 تیمُتھِیُس4: 6۔8)۔
اِک دے علاوہ سارے رسول مسیح دے لئی شہید ہوئے:
پطرس – نوں سخت کورے مارے گئے تے فیر پُٹھا مصلوب کیتا گیا۔
اندریاس – نوں اِک X شکل دی سولی تے مصلوب کیتا گیا سی۔
جیمس، زبدی کے بیٹے – دا سر قلم کر دِتا گیا سی۔
یوحنا – نوں اُبلتے ہوءے تیل دے کڑاھے وِچ سُٹیا گیا تے فیر
پطمس دے جزیرے تے جلا وطن کر دِتا گیا۔
فلپس – نوں کوڑے مارے گئے تے فیر سولی تے ٹنگ دِتا گیا۔
بارتلمائی – کی زندہ حالت وِچ کھال اُدھیڑی گئی تے فیر سولی تے ٹنگ دِتا گیا۔
متی – دا سر قلم کیتا گیا سی۔
جیمس، خُداوند دے بھائی – نوں ہیکل توں اُوتوں سُٹ دِتا گیا سی
تے فیر مارا پیٹا گیا سی۔
تدّی – نوں تیراں نال ماریاں گیا سی۔
مرقس – نوں گھسیٹ کے موت وَل لے جایا گیا سی۔
پولوس – دا سر قلم کر دِتا گیا سی۔
لوقا – نوں زیتوں دے درخت تے لمکایا گیا سی۔
تھوما – نوں نیزیاں نال دوڑایا گیا تے فیر تندور دے
شعلیاں وِچ سُٹ دِتا گیا سی۔
(شہداء دی فاکس دی نئی کتاب The New Foxe’s Book of Martyrs،
پریج لوگوس پبلیشرزBridge-Logos Publishers، 1997، صفحات 5۔10؛
گریگ لاریGreg Laurie، قیامت کیوں؟ Why the Resurrection?
ٹائینڈیل ہاؤس پبلیشرزTyndale House Publishers، 2004، صفحات 19۔20)۔
پہلی تین صدیاں وِچ دس رومن شہنشاہواں دے تحت دس وڈیاں ایذا رسانیاں ہوئیاں۔ ایہناں وِچوں بعض نے سلطنت وِچ ہر مسیحی نوں قتل کرن تے ایمان نوں تباہ کرن دی کوشش کیتی۔ لیکن خدا دا فضل اُوہناں دے شر توں بوہتا مضبوط سی۔ زیادہ توں زیادہ لوکاں نے یسوع تے پروہسا کیتا۔ کلیسیا ودھدی تے ودھدی گئی۔ زمین توں مِٹن دے بجائے، مسیحیاں نے رومی سلطنت تے قبضہ کر لہیا! ایہو ای وجہ اے کہ یورپ، امریکہ تے بوہتی ساریاں دوجی سرزمیناں نوں اَج ’’مسیحی‘‘ [ناں نال] بولیا جاندا اے۔ ٹرٹولین Tertullian(160-220) نے لکھیا، ’’شہیداں دا لہو کلیسیا دا بیج اے۔‘‘ اَسی کہہ سکنے آں، ’’جِنہا بوہتا تُسی سانوں گھٹاؤ گے، اَسی ایہنا ای ودھاں گے۔‘‘
’’جان دین تیکر وفادار رہ تے میں تینوں حیاتی دا تاج دیاں گا‘‘ (مکاشفہ2: 10)۔
شہداء دا ناں صدیاں توں گونجدا رہیا اے۔ چودھویں صدی وِچ، ریمنڈ لُل Raymond Lull (1232-1316) شمالی افریقہ دے لوکاں نوں انجیل دی تبلیغ کرن گیا۔ اُوتھے اُوہنوں یسوع دی منادی کرن تے مشتعل ہجوم نے سنگسار کر دِتا۔ اُو خداوند یسوع دا وفادار سی، جیہڑا اُوہنوں شہید دا تاج عطا کرے گا۔
پیدرہویں صدی وِچ جان ہس John Huss(1369-1415) نوں گرفتار کیتا گیا تے فیر اُوہنوں آلاؤ وِچ جلا دِتا گیا۔ اُوہدا جرم کی سی؟ اُوہنے کہیا کہ لوکاں نوں مسیح دے وسیلے توں بچایا جاندا اے، اعمال نال نئیں۔ اُوہنے پروٹسٹنٹ اصلاح دی بنیاد رکھی۔ اِک صدی بعد مارٹن لوتھر نے اپنی جان نوں خطرے وِچ پا کے ایمان دے ذریعے فضل توں نجات دی تبلیغ کیتی – تے دُنیا نوں بدل دِتا!
سولہویں صدی وِچ ولیم ٹنڈیل William Tyndale(1494-1536) دا گلا گھونٹ کے اُوہنوں آلاؤ وِچ جلا دِتا گیا۔ اُوہدا جرم کی سی؟ اُوہنے بائبل دا انگریزی وِچ ترجمہ کیتا! کی ایہہ اُوس دے قابل سی؟ کنگ جیمز بائبل دا اَسی فیصد جیہڑا اَسی چار سو وریاں توں استعمال کیتا اے اُو تنڈیل دے کم توں اخذ کیتا گیا اے۔ ایہہ اُوہدے درد دی قیمت توں دس لاکھ گنا زیادہ سی۔ صدیاں دے دوران، مرد تے عورتاں مسیح دے لئی شہید دے طور تے مردے رئے نے۔ ہر اِک دے لئی جیس دا ناں اَسی جانندے رئے اِک ہزار تے دس ہزار توں بوہتے اُو لوکی نے جیہڑے صرف خدا ای نوں معلوم نے۔ چین وِچ 1900 دی باکسر بغاوت وِچ 180 مشنری تے دسیوں ہزار چینی مسیحی مارے گئے۔ اُو شہداء مسیح دی بادشاہت وِچ ہزار وریاں تیکر حکومت کرن گے۔
1934 وِچ مشنری جانJohn تے بیٹیBetty Stam اسٹام چین دے اندر اِک الگ تھلگ تھاں سنگتیہ Tsingteh پہنچے۔ اُوتھے اُوہناں دا انجیل دی تبلیغ کرن تے کیمونسٹاں نے سر قلم کر دِتا۔ اُوہناں دوواں دی عمراں تیس ورے توں گھٹ سن۔ جدوں یسوع اپنے بندیاں نوں انعام دین دے لئی آئے گا، جان تے ہیٹی اسٹام سربلند ہون گے۔
جم ایلیٹ Jim Elliot ایکواڈور دے اوکا انڈینز دا مشنری سی۔ 1956 وِچ ایس وحشی قبیلے نے ایہنوں تبلیغ کرن توں پہلاں ای مار سُٹیا۔ ایہناں دی عمر 28 ورے سی۔ جم ایلیٹ نے کہیا سی، ’’او کوئی احمق نئیں نے جیہڑے اُو شے دیندے نے جِنوں حاصل کرن دے لئی اُوہنے اپنے کول نئیں رکھ سکدے جِنہوں اُو کھو نئیں سکدے۔‘‘ کی اُو صحیح سن؟ بالکل! یسوع نے کہیا،
’’جان دین تیکر وفادار رہ تے میں تینوں حیاتی دا تاج دیاں گا‘‘ (مکاشفہ2: 10)۔
میں نے پادری رچرڈ ورمبرینڈ Richard Wurmbrandدی کتاب، مسیح دی لئی اذیت سہی Tortured for Christ پڑھی اے۔ تہاڈے وِچوں بوہتے ایہنوں پڑھ چکے نے۔ میں چین وِچ مظلوم مسیحیاں دے بارے وِچ ویڈیوز دا اِک سیٹ ’’اُو سولی: چین وِچ یسوع The Cross: Jesus in China ویکھیا اے، تُسی وی ویکھ چکے اُو۔ مارے گئے ہر شہید دے لئی، جیل وِچ قید ہر مصیبت زدہ مسیحی دے لئی، جیس دا ناں اَسی جاننے آں، ابدیت وِچ مذید ہُور دس ہزار انعامات نے۔ جسٹن ڈی لانگ Justin D. Longنے چونکا دین آلی حقیقت تے زور دِتا کہ بیسویں صدی وِچ پچھلی ساری صدیاں دے مقابلے وِچ بوہتے زیادہ لوکی اپنے عقیدے دے لئی مرے۔ اُوہناں نے کہیا، ’’ایس صدی [20ویں] دے دوران، اَسی 26 ملین توں بہوتے شہداء دے کیس درج کیتے نے۔ 33 بعد از مسیح توں لے کے 1900 تیکر، اَسی 14 ملین شہداء نوں دستاویز کیتا اے‘‘ (ویکھو ’’جدید ظلم و ستم Modern Persecution‘‘ Christianity.com پر، https://www.christianity.com/church/church-history/timeline/1901-2000/modern-persecution-11630665.html)۔
’’جان دین تیکر وفادار رہ تے میں تینوں حیاتی دا تاج دیاں گا‘‘ (مکاشفہ2: 10)۔
سانوں ایہہ امریکہ وِچ نظر نئیں آندا۔ لیکن ایہہ پوری دُنیا وِچ ہوندا اے۔ ساڈے ایتھے ایہہ سہوکھا اے۔ اَسی اِک پریشان دُنیا وِچ سکون دے جزیرے وِچ رہنے آں۔ لیکن اَسی زمین تے مسیحیاں دا صرف اِک چھوٹا جیہا حصہ آں۔ تیجی دُںیا وِچ امریکہ توں کِدرے بوہتے مسیحی نے۔
آج دی مسیحیتChirstianity Today دے اِک اداریے وِچ، ڈیوڈ نیف David Neff نے [نشاندہی کیتی] کہ امریکہ مسیحی عام مسیحی حیاتی نئیں لنگہاندے۔ ’’عام مسیحی اِک ترقی پزیر مُلک وِچ رہندا اے، اِک غیر یورپی زبان بولدا اے، تے ظلم و ستم دے مسلسل خطرے وِچ رہندا اے ۔۔ قتل، قید، تشدد یا عصمت دری دے… ستان آلیاں دی تلوار مسیحیاں دے والاں تے لمکدی اے۔ ہُنے وی کیمونسٹ مُلکاں تے اُوہناں مُلکاں وِچ جیتھے [دوجے مذھباں] دے ودھدی ہوئی لہر انصاف، رواداری تے مناسب عمل تے سیاسی کوششاں نوں زیر کر دیندی اے‘‘ (آج دی مسیحیتChirstianity Today، ’’ساڈا توسیع شدہ ستایا ہویا خاندان Our Extended Persecuted Family،‘‘ 29 اپریل، 1996؛ Christianity.com تے وی ویکھو، ibid.)
سانوں مسیحی حیاتی وِچ مصیبتاں دی توقع رکھنی چائیدی اے، پاویں اَسی قید وِچ ای کیوں نہ ہویے۔ جدوں لوکی تہاڈے بارے چہ بُرا کہندے نے کیوں جے تُسی اِک حقیقی مسیحی اُو، تے پیچھے نہ ہٹو۔ ایہہ چھیتی یا دیر نال ہر کسی دے نال ہوندا اے۔ مسیح دے لئی دُکھ چکنا کوئی تعجب دی گل نئیں ہونی چائیدی اے۔ ایہہ توقع کرن دی شے اے۔
مینوں یاد اے جدوں پادری ورمبرینڈ نے ساڈے گرجا گھر وِچ کئی وری گل کیتی سی۔ اُوہناں نوں مِلنا تے اُوہناں نوں کیمونسٹ مُلکاں وِچ مصیبت زدہ مسیحیاں دے بارے چہ سُننا اِک اعزاز دی گل سی۔ اِک ورے توں وی گھٹ عرصہ پہلاں، اِک چینی خاتون نے ساڈے گرجا گھر وِچ اپنی گواہی دِتی۔ اُو مسیحی ہون دی وجہ توں چھ وری کیمونسٹ چین وِچ جیل وِچ جا چکی سن۔ اُوہناں نے کہیا کہ گھر دے چرچ دے لئی ایہہ معمول دی گل اے کہ ایس دے کُج ارکان جیل وِچ ہون۔ ایہہ کوئی استثناء نئیں سی۔ ایہہ اوہی سی جیہڑا ہویا! اَج اَسی Groenewald خاندان نوں یاد کرنے آں، جنوبی افریقہ دے مسیحی، ایس لئی قتل کیتے گئے کیوں جے اُو یسوع تے ایمان رکھدے سن! تے ایہہ اُوس ویلے تیکر جاری رہے گا جدوں تیکر کہ مسیح واپس نئیں آندا تے کہندا اے، ’’مذید ہُور نئیں!‘‘
ٓؤ اَسی اُوہناں لوکاں نوں یاد کریے جیہڑے مسیح دے لئی مرے نے۔ اُوہناں دے بارے چہ اکثر سوچو۔ اُوہناں لوکاں نوں یاد رکھو جیہڑے ہُنے مسیح دے لئی دُکھ چُک رئے نے، تے اُوہناں دے لئی دعا کردے نے۔ جیویں دعا مسیحی حیاتی دا حصہ اے، بالکل اینج ای بائبل پڑھنا وی مسیحی حیاتی دا حصہ اے، اینج اَسی اپنی مسیحی حیاتی دے اِک حصے دے طور تے ایہناں لوکاں نوں یاد کریے جِنہاں نے مصیبتاں برداشت کیتیاں تے مر گئے۔ شہداء نوں یاد رکھو!
شہداء دی مثال سانوں ایس چھوٹی جیہئی تکلیف تے ایذا رسانی دا مقابلہ کرن وِچ مدد دیوے جیہڑی ہُن ساڈے تے اے۔ ایہہ جیل تے موت دے مقابلے وِچ کُج وی نئیں اے جیہڑی مسیحی ماضی وِچ سہندے رئے، ہُن بھگت رئے نے، تے زمانے دے قریب آن دے نال ای اُو ہُور بھگتن گے۔ آؤ ہُن اَسی جیہڑی ماڑی جئی تکلیف اے ایہنوں برداشت کر لہئیے، کیوں جے ایہہ بوہتی گھٹ اے۔
اُوہناں دی مثال توں دِل مضبوط کر لو۔ یسوع نے کہیا،
’’جان دین تیکر وفادار رہ تے میں تینوں حیاتی دا تاج دیاں گا‘‘ (مکاشفہ2: 10)۔
یسوع اپنا وعدہ پورا کرے گا۔ اُو ہر شہید نوں تاج بخشے گا! بائبل کہندی اے،
’’جے اَسی دُکھ اُٹھاواں گے تے اَسی اُوہدے نال بادشاہی وی کراں گے‘‘ (2 تیمُتھِیُس2: 12)۔
شہداء مسیح دے نال حکومت کرن گے جدوں اُو اپنی بادشاہی قائم کرن آئے گا۔ مسیح جیہڑے انعامات دے گا اُو ناقابلِ یقین نے۔ اُو تصور توں باہر نے۔ پولوس رسول نے کہیا،
’’میں جاننا واں کہ ایہہ دُکھ درد جیہڑے اَسی ہُن سہہ رئے آں اُوس جلال دے مقابلے وِچ کُج وی نئیں نے جیہڑا ساڈے تے ظاہر ہون نوں اے‘‘ (رومیوں8: 18)۔
فیر دوبارہ، بائبل کہندی اے،
’’جیہڑا نہ تے کسی اَکھ نے ویکھیا نہ کسی کن نے سُنیا نہ کسی دے خیال وِچ آیا، اُوہنوں خدا نے اُوہناں دے لئی تیار کیتا اے جیہڑے اُوہدے نال محبت رکھدے نے‘‘ (1کرنتھیوں2: 9)۔
’’کوئی وی اذیتاں جِنہاں نال مسیحی ہُن لنگہدے نے اُو اُوس شان دے مقابلے وِچ کُج وی نئیں اے جیہڑی اُو مسیح توں حاصل کرن گے۔ بائبل کہندی اے،
’’ساڈی ایہہ معمولی جئی مصیبت جیہڑی کہ عارضی اے ساڈے لئی اینج دا ابدی جلال پیدا کر رئی اے جیہڑا ساڈے قیاس توں وی باہر اے‘‘ (2کرنتھیوں4: 17)۔
جیویں کہ یسوع نے کہیا،
’’جان دین تیکر وفادار رہ تے میں تینوں حیاتی دا تاج دیاں گا‘‘ (مکاشفہ2: 10)۔
اُوہناں لوکاں دے بارے وِچ سوچو جِنہاں نے تکلیف چُکی اے۔ اُوہناں دی مثال توں طاقت حاصل کرو۔ شہداء نوں یاد رکھو! آمین
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔