ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ساڈی تلاوت یسوع دے گتسمنی دے باغ وِچ اُوہدے مصلوب ہون توں اِک رات پہلاں، دعا کرن دے بارے چہ دسدی اے۔ اُو شدید دباؤ دے تحت سی جدوں اُوتھے اُوہدے تے ساڈے گناہ دا بوجھ پایا گیا سی، اُوہدے لئی کہ اپنے بدن چہ چُک کے اگلے دِن صلیب تیکر لے کے جائے۔ لوقا دی انجیل سانوں دسدی اے،

’’اُو سخت درد تے کرب وِچ مبتلا ہو کے ہُور وی دِلسوزی نال دعا کرن لگا تے اُوہدا پسینہ لہو دیاں بونداں وانگوں زمین تے ٹپکن لگیا‘‘ (لوقا22:44)۔

اُس رات مسیح نے ’’سخت درد تے کرب وِچ مبتلا ہو کے‘‘ دعا مانگی سی۔ ساڈی تلاوت کہندی اے کہ اُوہنے پکار پکار کے تے اَتھرو وگا وگا کے خُدا کولوں دعاواں تے اِلتجاواں کیتیاں۔‘‘ یسوع دی دعا جذبات تے احساس توں بھرپور سی، شدید رونا تے اَتھرو۔ اَج دی رات میں دعا چہ جذبات تے احساس دے بارے وِچ گل کرنا چاہنا واں۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

I۔ پہلی گل، احساس دے نال جھوٹی دعا۔

پینتیکوست مشن آلے تے کرشماتی مشن آلے بے شمار لوکی سوچدے نے کہ چیخنا چِلانا تے رونا، جذبات تے احساسات، دعا دے ضروری جُز ہوندے نے، اُو سوچدے نے کہ چیخن تے رون دا مطلب ہوندا اے کہ پاک روح دعا وِچ موجود اے تے جے کپکپانا تے چیخ و پکار نئیں ہوندی اے تے پاک روح اُوتھے موجود نئیں ہوندا اے۔ اُو ایہہ گل ناصرف دعا لئی کہندے نے بلکہ جیویں لوکی عمل کردے نے جدوں اُو گیت گاندے نے، جدوں اُو اِک واعظ نوں سُندے نے، تے جدوں اُو باقی سب کُج کردے نے جیہڑا اِک گرجا گھر وِچ ہوندا اے۔ لیکن اُو غلطی تے نے۔ جذبہ خود اپنے آپ لئی کوئی معنی نئیں رکھدا۔ ایہہ دعا توں دور لے جا سکدا اے۔ ایتھوں تیکر کہ ایہہ شیطانی ہو سکدا اے۔

مینوں دعا وِچ جھوٹے جذبے دی بائبل وِچوں تہانوں اِک مثال تے لین دیو۔ ایلیاہ نے بعل دے نبیاں دا سامنا کیتا سی۔ اُوہنے اُوہناں نوں بعل دے اَگے زور زور دے نال پکار کے اِک دِن تیکر دعا مانگن لئی کہیا، جدوں کہ اُو اسرائیل دے خُدا کولوں دعا مانگے گا۔ جیہڑا وی خُدا اَگ دے ذریعے نال جواب دیوے گا اُو ظاہر کر دے گا کہ اُوہی سچا خُدا اے۔ بعل دے نبی اپنی دعاواں وِچ جذباتی تے دیوانے ہو گئے۔ ایہہ گل اَج بے شمار گرجا گھراں وِچ چنگی لگے گی! اُو ’’سویر توں دوپہر تیکر بعل کولوں دعا منگدے رئے تے چِلا چِلا کے کہندے رئے کہ اے بعل سانوں جواب دے لیکن کوئی اثر نئیں ہویا۔ کسی نے وی جواب نئیں دِتا۔ تے اُو اُوسی مذبح دے گرد جیہڑا اُوہناں نے بنایا سی نچدے ٹپدے رئے‘‘(1سلاطین18:26)۔ دوپہر وِچ، ’’اُو ہُور وی اُوچی واج نال پکارن لگے تے اپنے دستور دے مطابق تلواراں تے نیزیاں نال اپنے آپ نوں گھائل کرن لگے ایتھوں تیکر کہ اُوہناں دا لہو وگ پہیا‘‘(1سلاطین18:28)۔ لیکن ’’نہ تے کسی نے جواب دِتا تے نہ کوئی متوجہ ہویا‘‘(1سلاطین18:29)۔ فیر ایلیاہ نے خُدا کولوں اِک سادہ جئی دعا منگی تے خُدا نے آسمان توں اَگ پیجی۔ اُو شیطانی جذبات، اُتے تھلے اُچھلنا کودنا، چیخنا تے زور زور نال پکارنا تے باقی سب کُج نال جھوٹے نبیاں نوں کوئی فائدہ نئیں ہویا۔ احساس خود اپنے آپ وِچ کوئی معنی نئیں رکھدا۔

جذبات نوں خود اپنے آپ لئی میں کئی وری ویکھ چکیا آں۔ ایہدے نال کدی وی کوئی فائدہ نئیں ہویا۔ اِک وری میں تفتیشی کمرے چہ اِک کُڑی دی مشاورت کر رئیا سی، اُوہدی مسیح وَل رہنمائی کرن دی کوشش کر رئیا سی۔ اُوہنے رونا تے کپکپاندے رہنا جاری رکھیا۔ جدوں میں اُوہنوں اینج کرن توں منع کیتا تے اُو باز نہ آئی۔ اُوہنے کہیا اُو اپنے گناہواں دے بارے چہ رو رئی اے، لیکن اُوہنے اُوس رون دھون تے ہٹ کے مسیح وَل جان لئی کدی وی کوشش نئیں کیتی۔ اُوہنے کدی وی مسیح وَل اپنی توجہ مرکوز کرن دی کوشش نئیں کیتی۔ اُوہنے کدی وی نجات نئیں پائی۔ بعد چہ اُوہنے گرجا گھر نوں چھڈ دِتا تے گہرے گناہ دی دُنیا چہ ٹُر گئی۔

کُج لوکی بہت جذباتی ہوندے نے۔ اُو وِکھر جاندے نے تے کسی وی گل تے رو پیندے نے۔ مینوں اِک ہور دوجی کُڑی یاد اے جنہے اُوہی کیتا سی۔ ایہہ اِک واعظ دے بعد نئیں ہویا سی، یا جدوں اُوہدی مسیح تے پرہوسا کرن دے بارے چہ مشاورت ہوئی سی۔ ایہہ کسی وی ویلے ہو جاندا سی۔ اُو پھوٹ پھوٹ کے اَتھرو بہاندی تے روندی۔ او مسیح تے، یا گرجا گھر تے، یا بائبل تے اپنے ذہن نوں مرکوز نئیں کر پائی۔ اِک روز اُوہنے دُکھی محسوس کیتا۔ اُوہنے اپنے جذبات دا تعاقب کیتا تے گرجا گھر نوں چھڈ گئی۔ میں فیر کدی اُوہنوں دوبارہ نئیں ویکھیا۔

رونا تے چیخنا چِلانا کسی وی گل نوں ’’حقیقی‘‘ نئیں بناندا۔ ایہہ دعا نوں حقیقی نئیں بناندا۔ خود نوں رولان دی کوشش کرنا یا چیخن چِلان دی کوشش کرن نال کوئی وی فائدہ نئیں ہوندا۔ جدوں تُسی دعا کردے اُو، تے جیہڑی گل دے بارے چہ تُسی دعا مانگدے اُو اُوہدے ای بارے چہ سوچو۔ تُسی شاید اَتھروواں دے نال دعا منگ سکدے اُو یا شاید تُسی نہ وی منگو۔ یسوع نے گتسمنی دے باغ چہ جذبات دا اظہار کیتا سی۔ اُوہنے ’’پکار پکار کے تے اَتھرو وگا وگا کے‘‘ دعاواں منگیاں۔ لیکن ایہہ رونا ایس لئی نئیں سی۔ اُوہدے اَتھروواں نے دعا نوں چنگا نئیں بنایا سی۔ اُوہدے اَتھرو اُوہدی اپنی دعا وِچوں نکلے سن۔ اُو اُوہدی دعا وِچوں اُجاگر ہوئے سن۔ اُو اپنی پریشانی، اپنے دباؤ تے درد وِچ خُدا دے اَگے اَتھرو وگا وگا کے رویا سی، جدوں اُوہدے تے نسل انسانی دے گناہ دا بوجھ پایا گیا سی۔ اُوہدا رونا اوُس سنجیدگی نال، اُوس فکر نال، اُوس ضرورت نال، اُوس بوجھ نال، اُوس تکلیف نال آیا سی۔ تے اینج ای تہاڈے نال ہوندا اے۔ رون دی کوشش مت کرو۔ رون لئی منصوبہ نہ بناؤ یا رون لئی تیاری مت کرو۔ بس دعا منگو۔ خُدا شاید رون وِچ تہاڈی رہنمائی کر دے، یا شاید اُو نہ کرے، لیکن دونوں ای صورتاں وِچ ایہہ اِک حقیقی دعا ہووے گی۔

II۔ دوسری گل، احساس دے بغیر جھوٹی دعا۔

اَج جنہوں ’’دعا‘‘ کہندے نے اُوہدے وِچوں بے شمار تے سرے توں دعاواں ہوندیاں ای نئیں نے۔ ایہہ اِک شخص جو کہندا اے بس اُوہی ہوندی اے، خُدا دی حضوری وِچ سچی دعا نئیں ہوندی اے۔ ایہہ الفاظ ہوندے نے جیہڑے چنگے لگدے نے، جیہڑے مذہبی لگدے نے، لیکن اُو محض دکھاوا ہوندے نے، بغیر کسی معنی دے، خُدا وَل رُخ کیتے بغیر تے اُوس خُدا کولوں کسی شے نوں منگے بغیر۔

میں گریجوایشن دیاں کئی تقریباں وِچ جا چکیا آں۔ تقریب توں پہلاں ’’مناجات‘‘ کہلائی جان آلی کوئی گل ہوندی اے۔ اینوں دعا ہونا چائیدا اے، لیکن اُو ہوندی نئیں اے۔ اُو ہستی چند اِک جملے دہراندی اے جیہڑے گریجوایشن دے چنگا ہون لئی منگے جاندے نے، تے طالبات دی چنگی حیاتیاں لئی منگے جاندے نے۔ لیکن کوئی وی خُدا کولوں جواب پان دی توقع نئیں کردا تے اصل وِچ نا کُج کردا اے تے نا کُج بدلتا اے – کم از کم اُو شخص تے نئیں جیہڑا ایہہ ’’دعا منگ رئیا‘‘ اے۔ ایس قسم دی مناجات وِچ دِل دا کوئی تاثر یا احساس کدی وی نئیں ہوندا اے۔

اِک وری میں واشنگٹن ڈی۔ سی، ساڈے مُلک دے دارلحکومت گیا۔ اُوتھے میں نیشنل کیتھیڈرل چہ گیا۔ صدر ریگن ہُنے حال ای وِچ فوت ہوئے سن، تے اُو اُوہناں دے جنازے نوں ادا کرن دیاں تیاریاں کر رئے سن۔ اُوتھے میں اِک ایپی سکوپل کاہن نوں اِک ’’دعا‘‘ دے الفاظ ادا کردے ہوئے سُنیا۔ لیکن اُو سرے توں دعا منگ ای نئیں ریا سی۔ اُو اِک کتاب وِچوں الفاظ پڑھ رئیا سی۔ اُوہی بس [دعا] سی۔ اُو خُدا کولوں کُج وی کرن لئی نئیں منگ رئیا سی۔ اُوہنوں جواب دی توقع نئیں سی۔ اُوہنے محض الفاظ کہے سن کیوں جے اُوہی سی جیہڑی کرن لئی اُوہدی ذمہ داری سی۔ اُوتھے دِل نال کوئی وی احساس نئیں سی۔

یسوع نے اِک فریسی دے بارے چہ دسیا جیہڑا ہیکل وِچ دعا منگن لئی گیا سی۔ اُوس شخص نے کہیا، ’’اے خُدا، میں تیرا شکر ادا کرنا آں کہ میں دوجے بندیاں وانگوں نئیں آں، جیہڑے لُٹیرے، ظالم تے زناکار نے تے ایس محصول لین آلے وانگوں وی نئیں آں۔ میں ہفتہ چہ دو وری روزہ رکھنا آں تے اپنی ساری آمدنی دا دسواں حصہ نذر کر دینا آں‘‘ (لوقا18:11، 12)۔ اُو سرے توں دعا منگ ای نئیں رئیا سی۔ اُوہنے خُدا کولوں کسی وی شے لئی دعا نئیں منگی سی۔ ایہدے بجائے اُوہنے خُدا نوں دسیا سی کہ اُو کِنا چنگا سی۔ مسیح نے کہیا کہ اُوہنے صرف ’’خود دے نال‘‘ دعا کیتی سی (لوقا18:11)۔ اُوہنے جذبے دا اظہار نئیں کیتا سی۔ اُو اپنے دِل نال دعا نئیں منگ رئیا سی۔

مسیح نے فریسیاں دی اُوہناں دی جھوٹیاں دعاواں لئی ملامت کیتی سی۔ اُوہنے کہیا، ’’اے شریعت دے عالموں تے فریسیوں، اے ریاکارو! تہاڈے تے افسوس، کیوں جے تُسی بیواؤں دے گھراں تے قبضہ کر لیندے اُو تے دکھاوے لئی لمبی لمبی دعاواں کردے اُو‘‘ (متی23:14)۔ اُو لمبی لمبی دعا کردے سن ایہہ ظاہر کرن لئی کہ اُو پاک سن۔ لیکن اصل چہ اُو جو چاہندے سن اُو بوڑھی عورتاں کولوں اُوہناں دا پیسا تے گھر ہتھیانا ہوندا سی۔ بس ایہہ اینی ای سادہ جئی گل اے۔ جیہڑا وی احساس اُوہناں نے ظاہر کیتا اُو اِک بیرونی دکھاوا سی تاکہ اُو چنگے وکھائی دین۔ اُو دِل نال دعا نئیں منگدے سی۔ اُوہناں دے دِل چنگے نئیں ہوندے سن۔

تُسی شاید کہوو، ’’میں اُوہناں وانگوں نئیں آں۔‘‘ لیکن کی تُسی جھوٹی دعا مانگدے اُو، محض لفظاں نوں ادا کردے رہن نال؟ میں ایہہ کر چکیا واں۔ اپنے پرائیوٹ دعا دے ویلے وِچ، کی تُسی صرف اُوہناں لوکاں دا تے اُوہناں گلاں دا تزکرہ کیتا جناں دے لیے تُسی دعا منگ رئے اُو، اُوہناں دے بارے چہ سوچے بغیر، خُدا کولوں جوابات واقعی چہ منگے بغیر؟ کی تُسی گرجا گھر دے دعائیہ اِجلاساں وِچ اُو کر چکے اُو؟ میں کر چکیا آں۔ کی تُسی دعا منگ چُکے اُو کیوں جے تُسی ای کُج نہ کُج دعا منگنی سی – کیوں جے دعا منگن لئی تہاڈی واری آئی اے؟ تُسی خُوش ہوندے اُو جدوں اِجلاس ختم ہوندا اے تے تہانوں ہُن مذید ہُور دعا نئیں منگنی پہئے گی۔ اُو حقیقی دعا نئیں سی۔ ایہہ بس کُج سی جیدے وِچوں تُسی لنگہے سی۔ کی تُسی کسی ہُور نوں متاثر کرن لئی ’’چنگی طرح نال دعا‘‘ منگن دی کوشش کر چکے اُو؟ میں کسی نوں جاننا واں جنہے ویلے توں بہت پہلاں ای اپنی دعا دی تیاری کر لئی سی۔ اُو اصل چہ اِک دعا نئیں سی، اُو اِک خطاب سی، اِک تقریر سی۔ میں کہنا آں، ’’اپنی دعاواں دا منصوبہ مت بناؤ، اُوہناں لئی دعا منگو!‘‘ دعائیہ اِجلاس توں پہلاں، چند اِک منٹ خُدا کولوں اپنی دعا کرن وِچ مدد منگو۔ تے جدوں تُسی اِجلاس وِچ دعا منگو یا خود نال دعا کرو، تے جیہڑی تُسی دعا منگ رئے اُو اُوہدے بارے چہ سوچو۔ سوچو صورتحال کیس قدر پیہڑی ہوندی جے خُدا مدد نئیں کردا اے۔ سوچو تہانوں خُدا دے جواب دی کیس قدر لُوڑ ہوندی اے۔ روزہ رکھنا تہاڈی دعا منگن وِچ مدد کرے گا، کیوں جے ایہہ تہاڈی توجہ نوں مرکوز کردا اے تے خُدا نوں ظاہر کردا اے کہ تُسی سنجیدہ اُو۔ اپنی دعا وِچ وَل رُخ کرو تے اُوہدے کولوں اُو دین لئی اِلتجا کرو جیہڑا تُسی منگدے اُو۔ تُسی شاید احساس دے نال بخوبی رو وی پاؤ۔ خُود نوں مت روکو۔ ایہہ ہون لئی خُدا تہانوں تحریک دیندا اے۔ کدی کدی تُسی شاید نہ وی روؤ۔ خود نوں رون لئی مجبور مت کرو۔ اِک دعا چنگی نئیں ہوندی کیوں جے اُوہدے وِچ رونا ہوندا اے – تے ایہہ چنگی نئیں ہوندی کیوں جے ایس وِچ کوئی رونا نئیں ہوندا۔ اِک دعا چنگی ہوندی اے جدوں اُوہدے وِچ خُدا ہوندا اے!

III۔ تیجی گل، سچی دعا احساس دے نال تے بغیر۔

ساڈی تلاوت کہندی اے کہ مسیح نے باغ وِچ ’’پکار پکار کے تے اَتھرو وگا وگا کے‘‘ دعا منگی۔ لیکن کدی کدی سچی دعا نوں جواب مِل جاندا اے جیہڑی تھوڑے جئے احساس یا بغیر احساس دے ہو جاندی اے۔ میں تہانوں دس چکیا واں کیویں بعل دے نبیاں نے اپنے جھوٹے خُدا کولوں دعا منگی سی۔ ہُن مینوں دس لین دیو کیویں ایلیاہ نے دعا منگی سی۔ اُوہنے کہیا،

’’اے خُداوند، ابراہام، اضحاق اور اسرائیل دے خُدا! اَج معلوم ہو جاوے کہ اسرائیل وِچ توں ای خُدا اے تے میں تیرا خادم آں تے میں ایناں ساریاں گلاں نوں تیرے ای حکم دے نال کیتا اے۔ مینوں جواب دے اے خُداوند، مینوں جواب دے تاکہ ایہہ لوکی جانن کہ اے خُداوند تو ای خُدا اے‘‘ (1 سلاطین 18:36، 37)۔

ایس گل دا کوئی وی ریکارڈ نئیں کہ ایلیاہ چیخیا سی۔ ایس گل دا کوئی وی ریکارڈ نئیں کہ اُو اُچھلایا تے کودیا سی۔ اُوہنے یقینی طور تے خود نوں نئیں وڈیا سی! اُوہنے صرف خُدا دی حضوری چہ اِک سنجیدہ دعا منگی سی۔ اُوہنے خُدا کولوں لوکاں تے ظاہر کرن لئی کہیا سی کہ اُوہی سچا خُدا سی۔ تے خُدا نے اُوہدی دعا دا جواب دِتا سی تے ایلیاہ دی قربانی نوں جلان لئی آسمان توں اَگ پیجی سی۔ لوکاں نے کہیا، ’’خُداوند ای خُدا اے؛ خُداوند ای خُدا اے‘‘ (1سلاطین18:39)۔ ایلیاہ دی سنجیدہ دعا، جیدے چہ جذبات دا کوئی ریکارڈ نئیں، بعل دے نبیاں دی دیوانگی دے برعکس واضح ہوندی اے۔ سچی دعا نوں احساس دے ہون دی لُوڑ نئیں ہوندی اے۔ ایہدے چہ خُدا دے ہُون دی لُوڑ ہوندی اے!

لیکن زیادہ تر اوقات، احساس ، حتیٰ کہ اَتھرو، حقیقی دعا دے نال آ جاندے نے۔ جے تہانوں اپنی لُوڑ دی سمجھ آ جاندی اے، تے احساس دا ہونا تہاڈے لئی قدرتی ہوندا اے۔ تُسی شاید خُدا نوں شدید جنون تے چاہت نال، فوری لُوڑ دے تحت تے رو رو کے پکاردے اُو۔ تُسی شاید وِکھر جاؤ تے اَتھروواں دے نال اِلتجا کرو۔ گاہے بگاہے بائبل دعا تے اَتھروواں نوں جوڑتی ہے۔ زبور نویس نے دعا منگی، ’’اے خُداوند میری دعا سُن، میری فریاد تے کن لا؛ میرے اَتھروواں تے نظر پا‘‘ (زبور39:12)۔

حزقیاہ بادشاہ مرن دی حد تیکر بیمار سی۔ حزقیاہ نے خُدا کولوں دعا منگی۔ اُوہنے کیویں دعا منگی؟ بائبل کہندی اے، ’’تے حزقیاہ زار زار رویا‘‘(2سلاطین20:3)۔ بِلاشُبہ اُو رویا سی۔ اُو مرن آلا سی۔ اُو شدت دے نال رویا سی۔ اُو اپنی دعاواں وِچ زار زار رویا سی۔ فیر خُداوند دا کلام اشعیا نبی تے نازل ہویا سی۔ اشعیا نے کہیا، ’’واپس جا تے میری قوم دے پیشوا حزقیاہ نوں کہہ کہ خُداوند تیرے باپ داؤد دا خُدا یوں فرماندا اے کہ میں تیری دعا سُن لئی اے تے تیرے اَتھرو ویکھ لئے نے: میں تینوں شفا بخشاں گا‘‘(2سلاطین20:5)۔ ’’میں تیرے اتھرو ویکھ لئے نے۔‘‘ خُداوند نے حزقیاہ دی بے بس تے اِلتجا آمیز دعا دے اَتھروواں نوں ویکھ لہیا سی۔ تے خُداوند نے جواب دِتا تے بادشاہ دی حیاتی نوں بچا لہیا۔

نئے عہد نامے وچ، اِک بندہ یسوع دے کول آیا۔ اُوہدا پُتر آسیب دے قبضے وچ سی۔ مسیح نے اُوہنوں پُچھیا کی تو اعتقاد رکھدا اے کہ تیرا بیٹا شفا پا جائے گا۔ تے ’’لڑکے دے پیو نے روندے ہوئے اَتھروواں دے نال کہیا، خُداوند میں اعتقاد رکھنا آں، تو میرے اعتقاد نوں ہور وی پختہ ہون وچ مدد کر‘‘ (مرقس 9:24). یسوع نے لڑکے وچوں بدروح نوں کڈ دِتا۔ اکثر ایس حوالے نوں ایہہ ظاہر کرن لئی استعمال کیتا جاندا اے کہ اُو جیہڑا ایمان وچ کمزور ہوندا اے جوابات پا سکدا اے۔ ’’میرے اعتقاد نوں ہور وی پختہ ہون وچ مدد کر۔‘‘ لیکن حوالہ ایہہ وی کہندا اے کہ پیو ’’رویا سی‘‘ تے مسیح نال ’’اَتھروواں دے نال‘‘ بولیا سی۔ ایہہ بندہ شاگرداں وچوں اِک نئیں سی۔ اُو مسیح وچ ایمان لہیا کے تبدیل ہویا اِک شخص وی نئیں سی۔ اُو تے بس ’’ہجوم وچوں اِک‘‘ سی، جمگٹھے وچوں محض اِک شخص (مرقس 9:17). لیکن اُو اپنے پُتر نوں یسوع دے کول لے آیا سی تے اَتھروواں دے نال اُوہنوں پُکاریا سی۔

کیوں اُوس بندے نے یسوع نوں اَتھروواں دے نال پُکاریا سی؟ اُو کوئی دعائی جنگجو نئیں سی۔ اُوہنے تے ایتھوں تیکر کہ نجات وی نئیں پائی سی۔ ایویں مسیح دے نال گل کرنا اُوہدے لئی قدرتی سی، کیوں جے اُوہنے خود اپنی مایوس کُن لُوڑ نوں ویکھیا سی۔ اُوہدا پُتر آسیب زدہ سی تے یسوع دے بغیر اُوہنوں آزاد کران دا ہور کوئی رستہ نئیں سی۔ اُوس بندے نے خود نوں رون لئی مجبور نئیں کیتا سی۔ اپنی لُوڑ دی وجہ توں، اپنی مایوسی دی وجہ نال، اُوہدے اَتھرو نکل پئے سن۔ محسوس کیتی ہوئی لُوڑ، مایوسی تے نااُمیدی دی اِک آگاہی، کئی وری رون تے اَتھروواں تیکر لے جاندی اے۔ اُوہنے احساس دے نال اِک حقیقی دعا وچ گل کیتی سی۔

تے ایہہ گل سانوں ساڈی تلاوت ول واپس لے جاندی اے۔ مسیح نے باغ وچ ’’پکار پکار کے تے اَتھرو وگا وگا کے‘‘ دعا منگی سی۔ اُو نکی نکی جئیاں گلاں تے رون آلا بندہ نئیں سی۔ اُو کوئی جذباتی لڑکی نئیں سی جیہڑی ہر گل تے روندی ہووے۔ اُو تی وریاں توں زائد عمر دا اِک بالغ بندہ سی۔ اُو کیوں رویا سی؟ کیوں جے اُوہنے اپنے دِل وچ ہلچل محسوس کیتی سی۔ اُوہنے ہر بندے تے عورت دے گناہ نوں خود تے رکھے جاندے ہوئے محسوس کیتا سی۔ اُوہنے اوس ہولناک تکلیف دے بارے وچ سوچیا سی جِنوں اُوہنے اگلے دِن صلیب تے برداشت کرنا سی، ورنہ کوئی وی نجات نئیں پا سکے گا۔ ایدے باوجود انسانی گناہ دے بوجھ نے اُوہنوں تقریباً مار ای ڈالیا سی۔ خُدا دے فضل دے بغیر، اُو اُوسی راتی باغ وچ مر گیا ہوندا تے صلیب تیکر کدی وی نہ پہنچ پاندا۔ مسیح اپنے دِل وچ ڈُب گیا سی۔ تے ایسے لئی اُوہنے ’’پکار پکار کے تے اتھرو وگا وگا کے‘‘ دعا منگی سی۔ اُوس حالت وچ ایہہ گل عام تے قدرتی سی۔ ایہہ حیران کُن ہوندا جے اُوہنے احساس دے نال دعا نہ منگی ہوندی۔ یسوع نے ’’پکار پکار کے تے اتھرو وگا وگا کے‘‘ دعا منگی سی۔ تے ساڈی تلاوت دسدی اے کہ اُوہدی ’’سُنی گئی‘‘ سی۔ خُدا نے اُوہدی دعا دا جواب دِتا سی تے اگلے دِن صلیب تیکر جان لئی اُوہنوں زندہ رکھیا سی۔ خُدا نے اُوہدے ’’پکارن تے اتھرو وگان‘‘ دا جواب دِتا سی۔

مسیحی، میں تہانوں پُچھنا آں، ’’کی تُسی پکار پکار کے تے اتھرو وگا وگا کے دعا منگدے اُو؟‘‘ میں ہر دعا دے بارے وچ جیہڑی تُسی کہندے اُو گل نئیں کر رہیا آں۔ لیکن میں تہانوں فیر پُچھنا واں، ’’کی تُسی کدی وی پکار پکار کے تے اتھرو وگا وگا کے دعا منگی اے؟‘‘ میں منگ چُکیا واں، تقریباً اینی اکثر وری نئیں جِنی مینوں منگنی چائیدی اے۔ کی تُسی کدی لُوڑ دے بوجھ دے نال دعا منگی، خُدا کولوں جواب لئی اِلتجا کردے ہوئے – کدی کدی پکار پکار کے تے اتھرو وگا وگا کے؟ جے تُسی کدی وی نئیں کیتا تے تہاڈی اِک چنگی دعائیہ حیاتی نئیں اے۔ جے تُسی ایویں دے اُو تے دعا منگنا مت روکو تے اُوس ویلے تیکر انتظار کرو جدوں تیکر تہاڈیاں دعاواں بہتر نئیں ہو جاندیاں۔ ایہہ نئیں اے جیہڑا خُدا چاہندا اے۔ لیکن خُدا کولوں اپنی لُوڑ دی سزایابی بخشن لئی دعا منگو تے فیر تُسی احساس دے نال دعا منگو گے۔ جے تُسی روزہ رکھدے اُو، جدوں کدی وی تُسی پُکھ محسوس کرو، تے سوچو تُسی کیس گل لئی دعا منگ رئے اُو۔ خُدا ول رُخ کرو تے دعا منگو۔

تہاڈے وچوں کُج گمراہ نے۔ تُسی یسوع تے پرہوسا نئیں کیتا اے۔ میں تہانوں پُچھنا آں، ’’کی تُسی اپنے گناہ نوں رون تے اتھروواں نال محسوس کردے اُو – گھٹ توں گھٹ کدی کدی؟‘‘ کی تہانوں اپنے گناہ دی کوئی سزایابی ہوندی اے؟ رونا ای ہدف نئیں ہوندا اے – یسوع ہدف ہوندا اے۔ اُسی تے پرہوسا کرو چاہے تُسی روہوو یا نہ روہوو۔ لیکن میں کہنا آں، ’’کی تُسی اپنے دِل دے گناہ تے کوئی افسوس محسوس کیتا؟‘‘ تہانوں کرنا چائیدا اے، کیوں جے تہاڈا دِل ’’شدید طور تے مکارانہ‘‘ اے (یرمیاہ 17:9). خُدا توں اپنے دل دے ہولناک گناہ نوں تہانوں وکھان لئی دعا منگو۔ فیر خُدا توں دعا منگو کہ اُو تہانوں مسیح ول کھِچے۔

تہاڈی لُوڑ دا جواب یسوع اے۔ اوہی تہاڈے گناہ دی ادائیگی تے علاج اے۔ اُو ہر گناہ دی ادائیگی لئی صلیب تے قربان ہو گیا سی، ایتھوں تیکر کہ تہاڈے دِل دے گناہ دی ادائیگی لئی وی۔ اُوہنے تہاڈے گناہ نوں ڈھانپن تے اُوہنوں ہمیشہ لئی دھون دی خاطر اپنے لہو نوں وگایا۔ اُو مُردیاں وچوں موت تے حیاتی دے نال فتح پان لئی زندہ ہو گیا، ناصرف اپنے لئی بلکہ تہاڈے لئی۔ جے تُسی یسوع تے پرہوسا کردے اُو، تے تُسی ہمیشہ لئی نجات پا لوو گے۔ جے تُسی مسیح تے پرہوسا کرن دے بارے وچ ساڈے نال گل بات کرنا چاہندے اُو، تے مہربانی نال آؤ تے پہلی دوواں قطاراں وچ تشریف رکھو۔ آْمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلیاں گیت مسٹر جیک نعان Mr. Jack Ngann نے گایا:
’’مینوں دعا کرنا سِکھا Teach Me to Pray،
(شاعر البرٹ ایس۔ ریٹسز Albert S. Reitz ، 1879۔ 1966)۔