ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ساڈی تلاوت کہندی اے، ’’تیرا کلام [بائبل] میرے قدماں دے لئی چراغ اے، تے میری راہ دے لئی روشنی۔‘‘ جے تُسی بائبل دے قریب رہوو تے ایہدے تے عمل کرو تے تُسی غلط نہئیں ہوو گے۔ زبور نویس نے لکھیا، ’’میں تیرا کلام اپنے دِل وِچ محفوظ کر لیہیا اے، تاکہ میں تیرے خلاف گناہ نہ کراں‘‘ (زبور 119: 11)۔ زبور وِچ صرف دو آیتاں پہلاں اَسی پڑھنے آں، ’’جوان اپنی روش کیویں پاک رکھے گا؟ تیرے کلام دے مطابق حیاتی لنگہان نال‘‘ (زبور 119: 9)۔ بائبل تہانوں گناہ توں بچائے گی۔ جے تُسی ایہنوں پڑھو تے ایہدے تے عمل کرو تے ایہہ تہاڈے دماغ، تہاڈی روح تے تہانوں حیاتی نوں پاک صاف کرن وِچ مدد کرے گی۔

نوجوان لوکو، جے تُسی بائبل پڑھن وِچ بوہتا ویلہ لنگہاؤ گے تے انٹرنیٹ تے ویڈیو گیمز کھیڈن وِچ یا سوشل میڈیا تے اپنا ویلہ ضائع کرن وِچ گھٹ ویلہ لنگہاؤ گے، تے تُسی اِک بہتر انسان بنو گے! جے تُسی بے راہ روی دا شکار ہون آلے بیلیاں دے بارے چہ سوچن دی بجائے بائبل نوں پڑھن تے ایہدے بارے وِچ سوچن چہ بوہتا ویلہ صرف کردے اُو، تے تُسی اِک چنگے مسیحی بن جاؤ گے۔ تُسی ماڑی توں ماڑی تے وڈی توں وڈی مشکل وِچ لنگ پاؤ گے! جے تُسی بائبل نوں پڑھدے تے یاد کردے اُو تے ایہدے تے عمل کردے اُو، تے تُسی خدا دے خلاف گناہ نہئیں کرو گے۔ مبشر ڈوائٹ ایل موڈی Dwight L. Moody نے کہیا، ’’بائبل تہانوں گناہ توں دور رکھے گی، یا گناہ تہانوں بائبل توں دور رکھے گا۔‘‘ اُس سچے سن! اَسی کئی وری اینج ہوندا ویکھیا اے۔ جیہڑے لوکی بائبل دے قریب رئے تے ایہدے تے عمل کیتا اُو مشکل ویلے وِچ وی مضبوط مسیحی رئے نے۔ اُو لوکی جنہاں نے بائبل دی نافرمانی کیتی – چند سادہ آیات – تے گناہ دی آواز نوں سُنیا، اپنا راستہ گنوا چکے نے۔ بائبل اِک بہتری نرہنما کیوں اے؟

بائبل خدا دا لکھیا ہویا کلام اے۔ کیوں جےبائبل خدا دا کلام اے، ایہہ بالکل سچ اے۔ ایہہ ہر اُوس موضوع تے سچ اے جیس تے ایہہ گل کردی اے۔ یسوع نے خدا باپ نوں کہیا، ’’تیرا کلام سچا اے‘‘ (یوحنا 17: 17)۔ فیر دوبارہ، مسیح نے کہیا، ’’صحیفے نوں توڑا نہئیں جا سکتا‘‘ (یوحنا 10: 35)۔ پولوس رسول نے کہیا،

’’ہر صحیفہ جیہڑا خدا دے الہٰام توں اے، اُو تعلیم دین تے تنبیہ کرن، سُدھارن تے راستبازی چہ تربیت دین دے لئی مفید اے تاکہ خدا دا بندہ ایس لائق بنے کہ ہر نیک کام کرن دے لئی تیار ہو جائے‘‘ (2 تیمتھیس3: 16۔17)۔

ساڈی تلاوت وِچ جیس یونانی لفظ دا ترجمہ ’’اِلہٰام نال کیتا گیا‘‘ اے اُو تھیوپنیوسٹوس theopneustos اے، جیس دا مطلب اے ’’خدا دی سانس لین آلا۔‘‘ اصل عبرانی تے یونانی وِچ بائبل دا ہر لفظ خدا وَلوں پھونکیا گیا سی، جیہڑا نبیاں تے رسولاں دے ذریعے دِتا گیا سی۔ II پطرس دی کتاب سانوں دسدی اے کہ ’’خدا دے مقدس لوکی روح القدس نال متاثر ہوندے ہوئے بولے‘‘ (2۔ پطرس 1: 21)۔ یونانی لفظ جیس دا ترجمہ ’’منتقلmoved‘‘ کیتا گیا اے فعل فیرو pherō توں آیا اے۔ ایس ای لفظ نوں اعمال27: 15 وِچ ایہہ بیان کرن دے لئی استعمال کیتا گیا اے کہ ہوا اِک بحری جہاز نوں کیویں منتقل کردی اے۔ خدا نے نبیاں تے رسولاں نوں بالکل اُوہی الفاظ لکھن دی تحریک دِتی جیہڑی اُو چہاندا سی کہ اُو لکھن۔

تے بائبل ای اے ’’اُو تعلیم دین تے تنبیہ کرن، سُدھارن تے راستبازی چہ تربیت دین دے لئی مفید اے تاکہ خدا دا بندہ ایس لائق بنے کہ ہر نیک کام کرن دے لئی تیار ہو جاؤ‘‘ (II تیمتھیس3: 16۔17)۔ تعلیم دین دے لئی بائبل تہاڈے لئی نفع بخش (مفید) اے۔ ایہہ تہانوں سچ بتائے گی کہ کیس شے تے یقین کرنا اے۔ بائبل تنبیہ کردی اے تے درست کردی اے۔ ایہہ تہانوں دسدی اے کہ تہاڈی حیاتی وِچ کی غلط اے۔ بائبل تہانوں دسدی اے کہ مسیح حیاتی کینج گزاری جائے، کیوں جے ایہہ ’’راستبازی دی ہدایت‘‘ دیندی اے۔ تُسی بائبل دے مطابق حیاتی بشر کر سکدے اُو۔ یسوع نے کہیا، ’’انسان صرف روٹی نال ای جیوندا نہئیں رئے گا، بلکہ ہر اُوس گل نال جیہڑی خدا دے مُنہ توں نکلدی اے‘‘ (متی 4: 4)۔ بائبل دی پیروی تہانوں اِک بالغ مسیحی بنا دیوے گی، کیوں جے یونانی لفظ دے ترجمے ’’کامل‘‘ دا مطلب اے ’’بالغ‘‘ یا ’’مکمل‘‘۔ تُسی ’’سارے چنگے کام‘‘ کرن دے لئی تیار ہوو گے۔ بائبل تہاڈے لئی خدا دا کلام اے، پاویں تُسی ہُنے تیکر بچائے نہئیں گئے، یا اِک نئے مسیحی، یا کئی وریاں دی مسیحی اُو۔ اَج میں تہانوں دسنا چاہنا آں کہ بائبل نے میرے لئی کی کیتا، تے بائبل تہاڈی کیویں مدد کر سکدی اے۔

جدوں میں کالج وِچ سی، میں مسیحی نہئیں سی۔ لیکن کسی نے میہنوں اِک بائبل دِتی تے میں ایہنوں پڑھیا – حالانکہ میں ہُنے گمراہ ای سی۔ میں پیسے دا لالچی سی، لیکن بائبل نے میہنوں دسیا، ’’قہر دے دِں دولت نال فائدہ نہئیں ہوندا، لیکن راستبازی موت توں نجات دیندی اے‘‘ (امثال 11: 4)۔ میں گمراہ ہوئے دوجے لوکاں وانگوں اُوسی سڑک تے سی، تے میں سوچیا کہ ایہہ جین دا واحد راستہ اے۔ لیکن بائبل نے میہنوں دسیا، ’’ایہو جئی راہ وی اے جیہڑی انسان نوں راست معلوم ہوندی اے، لیکن ایہدا انجام موت اے‘‘ (امثال 14: 12؛ 16: 25)۔ میں سوچ سکنا آں کہ میں صحیح سی، لیکن میں ہر وری غلط ہونا واں! خدا نے میہنوں بائبل دی اُو آیتاں میرے تبدیل ہونا توں بوہتی پہلاں دِتیاں سن۔ اُوہناں دے بغیر میں شاید کدی وی نجات نہ پاندا!

جے تُسی ہُنے وی گواچے ہوئے اُو، تے بائبل نوں ’’تہاڈے قدماں دے لئی چراغ تے تہاڈے راستے دے لئی روشنی‘‘ بنن دیو۔ تُسی خود تے پروہسا نہئیں کر سکدے۔ بائبل نوں سنو۔ سُنو جدوں ایہہ کہندی اے، ’’میرے چہ … کوئی نیکی بسی ہوئی نہئیں‘‘ (رومیوں 7: 18)۔ سنو جدوں بائبل کہندی اے، ’’میں جسمانی آں، گناہ دی غلامی وِچ بِکیا ہویا آں‘‘ (رومیوں 7: 14)۔ اپنے دِل دے گناہ دے بارے وِچ سوچو۔

تُسی خود تے پروہسا نہئیں کر سکدے۔ تُسی اپنے آپ نوں ویکھ کے کدی وی نہئیں بچ پاؤ گے۔ ایہہ اُوہی اے جیہڑا بائبل سکھاندی اے۔ بائبل کہندی اے، میرے وَل ویکھو، تےنجات پاؤ‘‘ (اشعیا 45: 22)۔ بائبل کہندی اے، ’’اَسی ایمان دے بانی تے کامل کرن آلے یسوع تے اپنی نظراں جمائے رکھو‘‘ (عبرانیوں 12: 2)۔ جس دن مبلغین دا شہزادہ، سی ایچ سپرجئین C. H. Spurgeon، اِک پندرہ سالہ لڑکے دے طور تے نجات پا گیا، اُوہنے اِک بندے نون آدمی دی منادی کردے ہوئے سُنیا، ’’تہاڈے وِچوں بہوتے لوکی اپنے وَل ویکھ رئے نے، لیکن اُوتھے ویکھن دا فائدہ نہئیں۔‘‘ فیر ایس بندے نے نوجوان سپرجئین نوں کہیا، ’’نوجوان، توں بوہتا دُکھی نظر آنا اے تے ہمیشہ توں دُکھی رہویں گا – حیاتی وِچ دُکھی تے موت وِچ دُکھی – جے توں میری تلاوت نوں نہئیں مانندا۔ لیکن جے توں ہُنے مان لئے تے ایس ای لمحے، توں نجات پا جائیں گا۔‘‘ سپرجئین نے اُوس ای ویلے تے اُوسی تھاں تے یسوع وَل ویکھیا، تے ہمیشہ دے لئی نجات پا گیا!

جے تُسی اِک نوجوان مسیحی اُو، تے بائبل نوں ’’اپنے قدماں دے لئی چراغ تے اپنے راستے دے لئی روشنی‘‘ بنن دیو۔ بہوتی پہلاں خدا نے میہنوں میری ’’حیاتی دی آیت‘‘ دِتی سی، 1 یوحنا 2: 17۔ ایس دا کہنا اے،

’’دُنیا تے اُوہدی خواہش دوویں مُک جان گئیاں لیکن جیہڑا خدا دی مرضی تے چلدا اے اُو ہمیشہ تیکر باقی رہندا اے‘‘ (1۔ یوحنا2: 17)۔

اُو آیت میری حیاتی دا موضوع تے رہنما بن گئی۔ زمانہ لنگہدا جا رہیا اے۔ لیکن جے تُسی یسوع تے پروہسا کردے اُو تے خدا دی مرضی تے عمل کردے اُو، تے تُسی ہمیشہ دے لئی زندہ رہوو گے!

اِک نئے مسیحی دے طور تے، بائبل نے میہنوں گرجا گھر آن نوں کہیا۔ بائبل کہندی اے، ’’باہم جمع ہونا نہ چھڈو جیویں کہ بعض لوکی کردے نے بلکہ اَسی اِک دوجے نوں نصحیت کریے‘‘ (عبرانیوں 10: 25)۔ کمزور نئے انجیلی بشارتدے لوکاں نوں بے وقوف بنان دیو۔ تُسی ’’کلیسیا چہ شامل ہو جاؤ، جیہڑا اُوہد [یسوع دا] جسم اے‘‘ (افسیوں 1: 22، 23)۔ بائبل نے میہنوں بشراں نوں جیتن دے لئی کہیا، ’’نکل کے شاہراہواں تے باڑاھاں وِچ جاؤ، تے اُوہناں نوں آن تے مجبور کرو، تاکہ میرا گھر بھر جائے‘‘ (لوقا 14: 23)۔ بائبل نے میہنوں پادری صاحب دی گل سُنن نوں کہیا، کیوں جے ایہہ کہندا اے،

’’اُوس ای نے بعض نوں رسول مقرر کیتا، بعض نوں نبی تے بعض نوں مبشر تے بعض نوں کلیسیا دے پاسبان تے بعض نوں اُستاد؛ تاکہ مقدس لوکی خدمت کرن دے لئی مکمل طور تے تربیت پان تے مسیح دی ترقی دا باعث ہون۔ ایتھوں تیکر کہ اَسی سارے دے سارے خدا دے پُتر نوں پورے طور تے جانن تے اُوہدے تے ایمان رکھن وِچ اِک ہو جائیے تے کامل انسان بن کے مسیح دے قد دے اندازے تیکر پہنچ جائیے‘‘ (افسیوں4: 11۔13)۔

خدا نے کلیسیا نوں پادری صاحبان تے اُستاد دِتے تاکہ مسیحیاں دی ترقی وِچ مدد کرن تے اُوہناں نوں مسیح دے کام دے لئی تیار کرن۔ جے اَسی اُوہناں دی سُناں گے، تے اَسی کامل (بالغ، مکمل) مسیحی بن جاواں گے، مسیح دی معموری وِچ تعمیر ہو جاواں گے۔ کی آیت ایہو ای نہئیں کہندی؟ جے تُسی ایہناں لوکاں نوں سُنندے اُو جیہڑے خدا نے تہانوں دِتے نے، تے تُسی اِک مضبوط مسیحی بن جاؤ گے۔ جے تُسی نہئیں سُنندے، تے تُسی نہئیں بنو گے!

بائبل نے میہنوں ثابت قدم رہنا تے خود تے قابو رکھنا سکھایا۔ بائبل کہندی اے، ’’تُسی ثابت قدم رہوو، اٹل رہوو‘‘ (1 کرنتھیوں 15: 58)۔ بائبل کہندی اے، ’’روح دا پھل محبت، خوشی، امن، تحمل، نرمی، نیکی، ایمان، حلیمی، تحمل اے‘‘ (گلِتیوں 5: 22، 23)۔ لفظ ’’تحمل‘‘ دا ترجمہ ’’خود تے قابو‘‘ کیتا جا سکدا اے۔ میہنوں اُو چنگی طرح نال یاد اے! روح دا پھل خود تے قابو پانا اے! جیہڑے لوکی مسیح دے نال چل رئے نے اُو خود تے قابو رکھدے نے۔ جیہڑے لوکی خود تے قابو نہئیں رکھدے اُو پیچھے ہٹ جاندے نے یا گمراہ ہو جاندے نے۔

جے کوئی میہنوں مسیحی حیاتی دا راز چند لفظاں وِچ دسن نوں کہندا اے، تے میں کہواں گا، ’’طاقت چہ رہنا‘‘۔ تہاڈے تحائف تے صلاحیتاں ایہنی اہم نہئیں نے جیہنی کہ ایہہ گل۔ تہاڈی ذہنی علمیت ایہنی اہم نہئیں اے جیہنا کہ ایہہ گل اے۔ طاقت چہ رہنا – طاقت چہ رہنا تے پاویں حیاتی مشکل ہووے یا اُداس، جاری رہنا ہوندا اے – اُوہی اے جِنہوں مسیحی حیاتی وِچ تہانوں بنان دی لوڑ اے۔ اپنی گل تے قائم رہوو۔ اِک دے بعد دوجا قدم جمائے رکھو۔ اِک ویلے چہ اِک دِن جئیو۔ تُسی اینج کر لؤو گے۔ تُسی ایہدے وِچوں لنگ جاؤ گے۔ تے تُسی مضبوط ہو جاؤ گے!

اِک بوڑھے مسیحی دے طور تے، میں اپنی حیاتی وِچ اداس ویلے لنگہائے نے۔ چیزاں نوں بہتر بنان دا کوئی طریقہ نہئیں سی۔ میہنوں صرف ایس دے ای ذریعے جینا پیہیا۔ لیکن کسی نے میہنوں بائبل دی ایہہ آیت دِتی، ’’خداوند دا انتظار کرو: مضبوط رہوو تے حوصلہ رکھو، تے اُو تہاڈے دِل نوں مضبوط کرے گا تے خداوند دی آس رکھ‘‘ (زبور 27: 14)۔ تے بائبل نے میہنوں کہیا، ’’اپنی راہ خداوند دے سپرد کر۔ اُس تے اعتقاد کرھ تے اُو ای سب کُج کرے گا … خداوند دے سامنے چپ چاپ کھڑا رہ، تے صبر نال اُوس دی آس رکھ‘‘ (زبور 37: 5، 7)۔ ایس دے علاوہ کرن نون کُج نہئیں سی۔ لیکن خدا دا کلام سچ اے!

تے اِک ہُور گل۔ دعا دے بارے وِچ بائبل دی اِک آیت توں میہنوں کئی وری تسلی تے برکت لبھی اے۔ ہر سال جدوں میں ایس آیت تے پہنچنا آں تے ایہہ میہنوں حیران کر دیندی اے گویا ایہہ نئی سی۔ ہاں، میں جانناں آں کہ آیت موجود اے۔ فیر وی ایہہ میرے کول آندی اے جدوں میہنوں ایہدی لوڑ ہوندی اے۔ آیت عبرانیوں 4: 16 ویں آیت اے،

’’اَسی خداوند دے تخت دے کول دلیری نال چلیے تاکہ اُو ساڈے تے رحم کرے تے اَسی اُوس فضل نوں حاصل کریے جیہڑا ضرورت دے ویلے ساڈے کام آئے‘‘ (عبرانیوں4: 16)۔

اوہ، کیہنا سکون اے، اُو آیت میرے لئی کیہنی وڈی نعمت اے! اَسی دلیری نال دعا وِچ خدا دے کول آ سکنے آں۔ اُو سانوں ضرورت دے ویلے مدد کرن دے لئی رحمت تے فضل عطا کرے گا۔ جدوں وی میں ایہنوں پڑھنا آں اُو آیت میرے لئی بہوتا کُج کردی اے۔ ایہہ تہاڈے لئی وی اینج ای کرے گا! تے میں اکثر عبرانیوں 10: 19 وِچ خدا دے کلام دا دعویٰ کرنا آں،

’’ایس لئی پراہوو، سانوں یسوع دے لہو دے وسیلہ توں اُوس نئی تے زندہ راہ توں پاک ترین مکان وِچ داخل ہون دی ہمت اے‘‘ (عبرانیوں10: 19)۔

میں اِک عظیم مسیحی نہئیں آں۔ میں کمزور آں۔ میں افسردہ ہو جاناں آں۔ لیکن خدا دا وعدہ سچا اے! اپنی کمزوری تے ناکامی وِچ وی، یسوع دے لہو نال، میں سیدھے آسمان دے پاک ترین مکان وِچ مُقدّس مَقدس وِچ جا سکنا آں تے اپنی دعا خدا دے حضور پیش کر سکنا آں، بالکل اینج ای جیویں میں اُوتھے پہلاں توں ای موجود آں، بالکل اینج ای جیویں میں صاف تے پاک آں۔ میری وجہ توں نہئیں بلکہ یسوع دے لہو دی وجہ توں۔ کیہو جیہا اِک وعدہ اے!

میں تہانوں دسیا اے کہ بائبل نے میرے لئی کی کیتا اے۔ ہُن میں ایس بارے وِچ گل کرنا آں کہ تُسی بائبل وِچوں زیادہ توں زیادہ کینج فائدہ چک سکدے نے۔

پہلی گل، ایس گل نوں یقینی بناؤ کہ ہر روز بائبل نوں ضرور پڑھو۔ ہر روز اِک ای ویلے وِچ اینج کرن دی کوشش کرو۔ بہوتی سارے لوکی ایہہ سویرے کردے نے، لیکن جے تہاڈا لائحہ عمل مشکل اے، تے تُسی ایہنوں کسی ہُور ویلے کر سکدے اُو۔ ساڈے گرجا گھر وِچ اَسی تہانوں ہر ہفتہ نوں بائبل پڑھن دا چارٹ دیہنے آں۔ جے تُسی ایس چارٹ تے عمل کردے اُو، تے تُسی اِک ورے وِچ پوری بائبل پڑھ لؤو گے۔ ساڈے وِچوں بُہتیرے لوکی پرانے عہدنامے دا حصہ سویرے تے نئے عہدنامے دا حصہ شام نوں پڑھدے نے۔

جے ایہہ تہاڈے لئی مشکل اے، تے کیوں نہ صرف نئے عہد نامے دا حصہ دو وری پڑھیے؟ایہدے چہ تہانوں گھٹ ویلہ لگے گا۔ زیادہ اہم، تُسی ایہنوں بہتر طور تے سمجھو گے کیوں جے تُسی ایہدے توں دو وری لنگ چکے اُو۔ سویرے ایہنوں پڑھو۔ دِن دے دوران، تُسی جو کُج پڑھدے اُو ایہدے بارے چہ سوچو۔ فیر شام نوں دوبارہ پڑھو۔ خدا تہانوں اپنے کلام دے ذریعے برکت دیوے گا۔

اِک مختصر دعا دے نال اپنی بائبل پڑھنا شروع کرو۔ زبور نویس نے دعا کیتی، ’’میری اَکھاں کھول دے، تاکہ میں تیری شریعت توں حیرت انگیز شیواں ویکھاں‘‘ (زبور 119: 18)۔ خدا نوں پُچھو کہ اُو اُوس دِن تہانوں اپنے کلام وِچوں کُج وکھائے۔ شاید تُسی صحیح لفظاں وِچ دعا کرنا چاہوو گے جیہڑے میں زبور توں نقل کیتے نے۔

ختم کرن دے بعد، تُسی جو کُج پڑھیا اے ایس دے بارے چہ سوچن دی کوشش کرو۔ ہو سکدا اے کہ تُسی دِن دے بعد وی اینج کرنا چاہوو۔ ایہنوں اپنے دماغ وِچ پلٹ دیو۔ زبور نویس نے لکھیا، ’’ہائے! میں تیری شریعت نال کیہنا پیار کرنا آں! ایہہ سارا دِن میرا مراقبہ اے‘‘ (زبور 119: 97)۔ ایس دا مطلب بائبل تے غور کرنا اے۔ ایس دا مطلب اے کہ خدا دے کلام وِچ جو کُج تُسی ویکھیا اے ایس تے سوچنا یا ایہنوں ’’ہضم کرنا‘‘ تاکہ اُو تہاڈے وِچ ’’سمو‘‘ جائے تے تہاڈے نال رہوے۔ بائبل کہندی اے، ’’تیرے کلام دا [دِل وِچ] داخلہ روشنی بخشدا اے۔ ایہہ سادہ لوح نوں سمجھ دیندا اے‘‘ (زبور 119: 130)۔ بائبل تہانوں نور تے سمجھ دیوے گی – بالکل ٹھیک!

جے تُسی کسی گل دا مطلب نہئیں سمجھدے تے کی ہووے گا؟ ہمت نہ ہارو! اپنے آپ توں پریشان نہ ہوو۔ سمجھ نہ آں تے وی ایہنوں پڑھو۔ کسی کتاب یا انٹرنیٹ تے ایس دی تحقیق کرن توں باز نہ آؤ۔ ایہہ تہاڈے پڑھن وِچ خلل دالے گا، کافی ویلہ لگے گا، تے ہو سکدا اے کہ تہانوں فیر وی صحیح سمجھ نہ لگے۔ تُسی مایوس ہو سکدے اُو تے ہار منن وانگوں محسوس کر سکدے اُو۔ اینج نہ کرو۔ ذرا حوالہ پڑھو۔ جیویں جیویں تُسی مسیح وِچ ودھو گے تے گرجا گھر وِچ بہوتا ویلہ لنگہاؤ گے، تُسی مذید ہُور سِکھو گے۔ اگلی وری جدوں تُسی بائبل پڑھو گے، تے تُسی ایہنوں بوہتا سمجھو گے، تے ایہنوں بہتر طور تے سمجھو گے۔

ہُن سُنو – جیہڑا میں گھر وِچ بائبل پڑھن دے بارے وِچ ہُنے کہیا اے ایس دا اِطلاق گرجا گھر وِچ واعظاں وِچ بائبل نوں سُنن تے ہوندا اے۔ بائبل گرجا گھر وِچ اُونج ای اے جیویں کہ گھر وِچ اے۔ ہے نا؟ عبادت توں پہلاں، یا واعظ شروع ہون توں پہلاں، خدا کولوں دعا کرو کہ اُو پیغام دے دوران اپنے کلام دے ذریعے تہانوں کُج وکھائے۔ صرف واعظ نوں ای سُنن دے لئی نہ بیٹھو۔ ایہہ صرف اُوہی کُج نہئیں اے جیہڑا تُسی کرتے اُو جدوں تُسی لنچ یا ڈنر دا انتظار کر رئے ہوندے اُو۔ ایہہ اِک پیغام اے جیس دی تیاری دے لئی مبلغ نے کام کیتا – تے ایہنوں خدا استعمال کر سکدا اے۔ ایہہ مت کہو، ’’ایہہ صرف اِک واعظ اے۔ میں ایہہ پہلاں ای جانناں آں، ایس لئی میہنوں سُنن دی لوڑ نہئیں اے۔ پاویں تُسی نجات پا گئے اُو یا گمراہ رئے اُو، خدا کولوں دعا کرو کہ اُو تہاڈے نال گل کرے۔ جدوں واعظ دِتا جائے تے ایہنوں غور نال سُنو۔ ساڈے گرجا گھر وِچ اَسی تہانوں گھر لے جان دے لئی لفظ بہ لفظ مسودہ دیہنے آں۔ کیوں نہ ایہنوں گھر لے جا کے پڑھیے۔ ایہدے بارے چہ کیوں نہئیں سوچدے؟ ایہدے بارے چہ دعا کیوں نہئیں کردے؟ ایہہ اِسی گل دے لئی اے! جدوں تُسی ایہنوں گرجا گھر وِچ سُننے آں، یا جدوں تُسی ایہنوں بعد وِچ پڑھدے اُو، تے سوچو کہ واعظ وِچ کی سی۔ ایہہ تہانوں چنگا کرے گا!

مسیحی حیاتی وِچ کامیاب ہون دے لئی تہانوں بہوتی زیادہ اِلہٰیات جانن دی لوڑ نہئیں اے۔ تہانوں بائبل وِچوں سب کُج جانن دی لوڑ نہئیں اے۔ تہانوں صرف چند آسان آیتاں نوں پھڑنا ہووے گا، جیہو جئی کہ میں پیش کیتی اے۔ جے تُسی بائبل دی صرف اِک آیت سِکھ سکدے اُو – یا کسی آیت دا حصہ وی – تے ایہنوں اپنے ذہن وِچ رکھ سکدے اُو، تے ایہنوں اپنی حیاتی دا حصہ بنا سکدے اُو، تے تُسی راہ وِچ اُو۔ جے تُسی اپنے ذہن وِچ پنج یا دس آیات یاد رکھ سکدے اُو – تے اپنی حیاتی وِچ – تے تُسی بہوتا چنگا کر رئے اُو! پنج یا دس آیتاں جِنہاں دی تُسی اطاعت کردے اُو اُو ہزار آیتاں توں بوہتی قیمتی نے جِنہاں نوں تُسی نہئیں مانندے! مسیحی حیاتی لنگہان دے لئی تہانوں کی جانن دی لوڑ اے؟ بوہتا نہئیں۔ نجات۔ دعا۔ انجیلی بشارت۔ مقامی گرجا گھر۔ استقامت۔ جے تہاڈے کول اُو شیواں نے، تے تُسی اِک عظیم مسیحی اُو۔ جے تُسی اینج نہئیں کردے، تے ایس توں کوئی فرق نہئیں پیہندا کہ تُسی کی جانندے اُو، تُسی ناکام ہو جاؤ گے۔ بائبل تے مضبوطی نال قائم رہوو – ایتھوں تیکر کہ صرف چند آیتاں تے ای۔ خدا دا تھوڑا جیہا کلام تہانوں اِک دِن دے ارد گرد بیٹھن تے ویلہ لنگہان نال بوہتا چنگا کرے گا – اِک ہفتے نال زیادہ، اِک ورے توں زیادہ، حیاتی بھر توں زیادہ۔ صرف چند آیتاں، بس تہانوں جاننا نے۔ اُوہناں نوں سِکھو۔ اُوہناں نوں حفظ کرو۔ اُوہناں دے بارے وِچ سوچو۔ تے سب توں ودھ کے – ایہناں دی اطاعت کرو۔ ایہناں نوں جیو۔ بائبل نوں تہاڈے قدماں دے لئی چراغ تے تہاڈے راستے دے لئی روشنی بنن دیو۔

ایس توں کوئی فرق نہئیں پیہندا کہ تُسی کینج محسوس کردے اُو، بائبل دے نال قائم رہوو۔ چند آیتاں کافی نے جے اُو تہاڈے دِل وِچ ہون، جے تُسی اُوہناں دے مطابق حیاتی لنگہاؤ۔ بس تہانوں ایس دی ای لوڑ اے۔ پاویں کُج وی ہو جائے، بائبل دی ایہناں چند آیتاں نوں تہاڈا محور بنن دیو۔ ایہناں نوں اپنا چراغ تے روشنی بنن دیو۔ تہانوں سب کُج جانن دی لوڑ نہئیں اے۔ ایہہ وفاداری اے جیہڑی اہم اے! خدا تہانوں برکت دیوے جیویں تُسی اُوہدے کلام تے عمل کردے اُو۔

تہاڈے وِچوں بعض نے کدی وی یسوع تے پروہسا نہئیں کیتا۔ تسی ہُنے وی بائبل نوں سُن سکدے اُو تے ایہنوں [تہاڈی] تبدیلی دے لئی تہاڈی رہنمائی کر لین دیو۔ بائبل کہندی اے،

’’تے کینج توں بچپن توں اُوہناں مقدس کتاباں نال واقف اے جیہڑیاں تیہنوں مسیح یسوع تے ایمان لیہیا کے نجات حاصل کرن دا عرفان بخشدیاں نے‘‘ (II تیمتھیس3: 15)۔

جے تُسی ایس گل نوں منندے اُو جیہڑی بائبل نجات دے بارے وِچ کہندی اے، تے تُسی یسوع تے پروہسا کرو گے۔ بائبل تہانوں دسدی اے کہ ’’مسیح صحیفیاں دے مطابق ساڈے گناہواں دے لئی قربان ہو گیا‘‘ (1 کرنتھیوں 15: 3)۔ بائبل تہانوں دسدی اے، ’’یسوع مسیح دا لہو … سانوں سارے گناہواں توں پاک کردا اے‘‘ (1 یوحنا 1: 7)۔ بائبل تہانوں دسدی اے کہ مسیح مُردیاں وِچ جی اُٹھیا تے ’’اَسی وی اُوہدے نال زندہ رہواں گے‘‘ (رومیوں 6: 8)۔ تے بائبل کہندی اے، ’’خداوند یسوع مسیح تے یقین رکھو، تے تُسی نجات پاؤ گے‘‘ (اعمال 16: 31)۔ میں دعا کرنا ٓآں کہ تُسی بائبل دی اطاعت کرو گے تے یسوع تے پروہسا کرو گے۔ جے تُسی مسیح تے پروہسا کرن دے بارے وِچ میرے نال گل کرنا چاہندے اُو، تے مہربانی نال اَگے آ کے پہلی دو قطاراں وِچ بیٹھو۔ آمین

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں تنہا گیت مسٹر نیک نعان وَلوں گایا گیا سی:
’’تیرا کلام میرے دِل وِچ پنہاں اے Thy Word Have I Hid In My Heart‘‘ (شاعر ارنسٹ او سیلرز Ernest O. Sellers، 1869۔1952)۔