ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مسیحیاں دا مسیح دے نال اِک گہرا بلکہ معتمدہ رشتہ ہو چکیا اے۔ ساڈی تلاوت چہ یوحنا رسول نے لکھیا، ’’میں زندہ نئیں آں بلکہ مسیح میرے چہ زندہ اے۔‘‘ اینوں مسیح دے نال اِتحاد کہندے نے۔ ’’اِتحاد‘‘ دا مطلب کی ہوندا اے۔ اَسی امریکہ دی متحد ریاستاں وِچ حیاتی بسر کر رئے آں۔ ایہہ پنجا ریاستاں نے کوئی وکھرے وکھرے مُلک نئیں نے۔ اُو اِک اِتحاد وِچ اکٹھیاں بنیاں ہوئیاں نے – متحدہ ریاستاں۔ اِک شادی تے، اِک مرد تے اِک عورت رشتۂ ازدواج چہ متحد ہوندے نے۔ اُو اِک اِتحاد وِچ اکٹھے ہوندے نے۔ تے ایویں ای یسوع دے نال وی اے۔ مسیحی لوگ، مسیح دے نال متحد ہوندےنے، اُوہدے نال اِکٹھے، اُوہدے نال منسلک۔

حیاتی چہ نزدیک ترین رشتہ شادی چہ شوہر تے ووہٹی دے درمیان محبت تے جذباتی تعلق ہُوندا اے۔ بائبل رشتۂ ازدواج دی محبت نوں نجات دہندہ یسوع مسیح تے اِک مسیحی دے درمیان محبت آلی شادی دی اِک عکاسی دے طور تے استعمال کردی اے۔ بائبل کہندی اے کہ ’’مرد اپنے ماں پیّو نوں [چھڈے گا] تے اپنی ووہٹی دے کول رہے گا، تے دوویں مِل کے اِک تن ہون گے۔ ایہہ اِک عظیم پیھد اے: لیکن میں مسیح تے کلیسیا نال تعلق رکھدیاں ہویاں گل کرنا واں‘‘ (افسیوں5:31، 32)۔ اُو یونانی لفظ جنہے ’’پیھد یا اِسرارmystery‘‘ دا ترجمہ کیتا مسٹیرئین musterion اے۔ ایہہ اِک گہری سچائی وَل حوالہ دیندا اے جیہڑی کہ ذہن دے ذریعے نال مکمل طور تے سمجھی نئیں جا سکدی۔ مرد تے عورت دے وِچکار تعلق اِک مسیحی تے مسیح یسوع دے درمیان اِتحاد دی اِک تصویر اے۔

نشید الاناشید یا غزل الغزلات کہندی اے، ’’میرا محبوب میرا اے تے میں اُہدی آں‘‘ (2:16)۔ قطعی طور تے ایہہ اِک ووہٹی دی اپنے بندے وَل محبت نوں ظاہر کردا اے۔ روحانی طور تے ایہہ مسیحی تے یسوع مسیح دے وِچکار محبت نوں ظاہر کردا اے۔ اِک شوہر تے اِک ووہٹی اِک دوجے نال شدت نال محبت کردے نے۔ اُو اینے قریبی طور تے جُڑے ہوندے نے کہ بائبل اُوہناں نوں ’’اِک تن‘‘ کہندی اے (پیدائش2:24)۔ جنہے کہ ایہہ قریب نے اُوس حساب نال، شوہر تے ووہٹی دے وِچکار اِتحاد اِک مسیحی تے اُہدی عظیم ترین تے سچی محبت نجات دہندہ یسوع مسیح دے وِچکار اُس قربت دا صرف اِک سایہ اے۔ اَج دی سویر میں اُس اِتحاد دے بارے چہ چار نکات یا موضوع سامنے پیش کراں گا۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

I۔ پہلا موضوع، کیوں مسیح دے نال اِتحاد اِک گمشدہ، گمراہ یا غیرنجات یافتہ بندے نال تعلق نئیں رکھدا اے۔

اَج ایتھے تہاڈے وِچوں کُج [لوکی] گمراہ یا گمشدہ یا غیرنجات یافتہ نے۔ تُسی مسیح تے پرہوسا نئیں کردے حالانکہ اُو تہاڈے لئی ای صلیب تے قربان ہویا سی تے اُوہنے اپنا لہو وگایا سی۔ تُسی گرجا گھر آندے اُو، لیکن مسیح دے نال تہاڈا کوئی تعلق نئیں ہوندا اے۔ چونکہ تُسی مسیح تے پرہوسا نئیں کردے، ایس لئی اُوہدے نال تہاڈا کوئی اِتحاد وی نئیں ہوندا اے۔ ایس واعظ دے الفاظ تہاڈے لئی نئیں نے، تُسی مسیح دے نال متحد ہوئے بغیر ای حیاتی بسر کرو گے تے مر جاؤ گے۔ تُسی کیوں مسیح دے نال اِتحاد چہ نئیں اُو؟ کیوں جے تُسی ہونا ای نئیں چاہندے! یسوع نے کہیا، ’’تُسی حیاتی پان لئی میرے کول آن توں انکار کردے اُو‘‘ (یوحنا5:40)۔ تُسی یسوع دے کول نئیں آندے اُو۔ لہٰذا تہاڈے کول حیاتی نئیں ہوندی اے۔ تُسی ہمیشہ، ہمیشہ، ہمیشہ لئی باہر ای رہوو گے، جہنم چہ جلدے ہوئے، کیوں جے ایہہ ہو ای سی جیدا تُسی انتخاب کیتا اے۔

تُہاڈے وِچوں کُج اپنے گناہ دے بارے چہ بوہتا نئیں سوچدے۔ تُسی کہندے اُو، ’’آہو جی، میں گنہگار آں۔‘‘ لیکن تُسی خُدا دے خلاف اپنے ہولناک جرائم دے بارے چہ سزایاب نئیں ہوئے ہوندے۔ تُسی اپنے آپ نوں اِک ناپسندیدہ ہستی دی حیثیت نال نئیں ویکھدے – بلکہ خُدا ویکھدا اے۔ تہاڈا دِل بدکار تے بُرا ہوندا اے، لیکن ایہہ تہانوں ایس قدر پریشان نئیں کردا اے۔ تُسی چاہندے اُو کہ یسوع تہاڈے خیالات نوں دُرست کرے تے تہاڈی تھوڑی بوہتی ٹیوننگ کرے۔ لیکن تُسی اپنے پیھڑے گناہ دی پرواہ نئیں کردے اُو۔ تُسی اپنے بُرے دِل دے نال حیاتی بسر کر سکدے اُو۔ تے تُسی اینج ای کردے اُو – مسیح وَل مُڑے بغیر۔ تُسی مسیح تے پرہوسا ایس لئی نئیں کردے کیوں جے تُسی اُوہنوں چاہندے ای نئیں اُو۔ اِک دِن اُو کہے گا، ’’میں تہانوں کدی جانندا ای نئیں سی۔ اے بدکارو! میری نظراں توں دور ہو جاؤ‘‘ (متی7:23)۔

تہاڈے وِچوں کُج لوکی تے بالکل وی کسی وی گل دے بارے چہ بوہتا سوچدے ای نئیں اُو۔ تُسی ایتھے بیندے اُو، ایدے نال کوئی فرق نئیں پیندا۔ جے تُسی اپنے بیلیاں نال گل کر رئے اُو یا فلم ویکھ رئے اُو – تے اُو ٹھیک ہوندا اے۔ تُسی اُو سارا کُج سارا دِن کر سکدے اُو۔ لیکن جدوں تُسی خوشخبری یعنی بائبل سُنندے اُو، تے تُسی مناد دے مُکن دا انتظار نئیں کردے تاں جے تُسی بچ سکو۔ مسیح تہانوں کہے گا، ’’میں تہانوں کدی جانندا ای نئیں سی۔ اے بدکارو! میری نظراں توں دور ہو جاؤ۔‘‘

تہاڈے وِچوں تے کُج لوکی مسیح بخود دے بارے چہ وی بوہتا نئیں سوچدے۔ تُسی اُوہدے کولوں دی لنگ جاندے اُو۔ تُسی نئیں چاہندے کہ اِک پادری صاحب تہانوں نصیحت کرے یا تہاڈی رہنمائی کرے۔ تُسی واعظاں دے اُوہناں مسوّدیاں نوں وی نئیں پڑھدے جیہڑے اَسی تہانوں دینے آں۔ تُسی اپنے گناہ دے بارے چہ سوچدے ای نئیں اُو تُسی ہفتے دے دوران اپنی جان دے بارے چہ سوچدے ای نئیں اُو۔ تُسی اُس [یسوع] نوں نظرانداز کر دیندے اُو۔ اُس لفظ ’’نظر انداز neglect‘‘ دا مطلب کسی گل نوں گزر جان دینا، اُوہنوں توجہ نہ دینا ہوندا اے۔ تُسی اپنی جان نوں نظرانداز کر دیندے اُو۔ تے بائبل کہندی اے،، ’’اینی وڈی نجات توں غافل رہ کے اَسی کیویں بچ سکنے آں؟‘‘ (عبرانیوں2:3)۔ تُسی بچ نئیں سکو گے۔ اِک دِن مسیح تہانوں کہوے گا، ’’میں تہانوں کدی جانندا ای نئیں سی۔ اے بدکارو! میری نظراں توں دور ہو جاؤ۔‘‘

جے تُسی گمراہ یا گمشدہ یا غیرنجات یافتہ اُو، تے مسیح دے نال مِلاپ دا تہاڈے نال کوئی تعلق نئیں اے، کیوں جے تُسی اُوہدے تے پرہوسا نئیں کردے اُو۔ لیکن ہُن مینوں تہاڈے وِچوں باقی سارے لوکاں دے نال گل کرنی چائیدی اے۔

II۔ دوجا موضوع، مسیح دے نال ملاپ کی نئیں ہوندا اے۔

یسوع مسیح دے نال اِک مسیحی دا ملاپ محض کوئی تاریخی یا عقیداتی اعتقاد نئیں ہوندا اے۔ اُو مسیح دے نال مِلاپ نئیں ہوندا! کسے نے مینوں دَسیا، ’’یسوع تے پرہوسا کرنا بالکل ایویں ای اے جیویں ایہہ یقین کرنا کہ اُو میرے لئی قربان ہویا۔ ایہہ کرن لئی مینوں اُس یسوع تے انحصار کرنا ہوندا اے [میں یقین کیتا سی کہ اُو مینوں بچا لئے گا]۔ لاکھاں لوکی یقین کردے نے جیہڑا تُسی کردے اُو۔ شیاطین آپئے یقین کردے نے جیہڑا تُسی [یقین] کردے اُو۔ بائبل کہندی اے، ’’ایہہ تے شیاطین وی منّدے نے تے تھرتھراندے نے‘‘ (یعقوب2:19)۔ تُسی شیاطین دے مقابلے چہ مسیح وِچ اینے ای اُو جنہے اُو نے!

جیہڑا تہاڈے کول اے اُو مسیح وِچ اِتحاد نئیں اے! اُو سراسر تعلق ہوندا ای نئیں اے۔ تُسی یسوع دے بارے چہ حقائق تے یقین رکھدے ہویاں یسوع توں دور کھڑے ہوندے اُو۔ کی ہووے جے اِک بندہ کہوے، ’’میں پرہوسا کرنا واں کہ اُو [کُڑی] میرے لیے صحیح آلی ہووے گی‘‘؟ کی ایہہ گل اُوہنوں شادی شُدہ کر دیوے گی؟ جی نئیں! اہدے چہ کدرے وی شادی نئیں اے۔ ایتھے کدرے وی کوئی محبت نئیں اے، ملاپ نئیں اے، ’’اِک تن‘‘ ہونا نئیں اے، سراسر تعلق ای نئیں اے! ایہہ محض تہاڈے ذہن چہ خیالات ہوندے نے۔

یسوع مسیح دے نال اِک مسیحی دا ملاپ کوئی انسانی احساسات دا معاملہ نئیں ہوندا اے۔ بیشک اَسی اَج اپنی جسمانی آکھاں دے نال یسوع نوں نئیں ویکھدے۔ نا ای اَسی اُوہدی واج نوں باآوازِ بُلند سُننے واں، نا ای اَسی اُس یسوع نوں سُنگھ پانے واں، نا ای اَسی اُس یسوع نوں اپنے ہاتھاں نال چھو پانے واں۔ مسیح دے مُردیاں وِچوں جی اُٹھن دے چالی دِن بعد، اُو اُتے آسمان چہ ٹُر گیا سی تے اُو ہُنے وی اُوتھے ای اے۔ بائبل کہندی اے،

’’اُو اُوتے چکیا گیا تے اِک بدلی نے اُوہنوں اُوہناں دیاں نظراں توں لُکا لہیا‘‘ (اعمال1:9)۔

مسیح آسمان چہ اے۔ اَسی اَج اُوہنوں ایتھے نئیں ویکھنے آں۔ ایہہ ای وجہ اے کہ چند اِک ورے بعد پولوس رسول نے لکھیا، ’’اَسی ایمان دے سہارے حیاتی گزارنے آں ناکہ آکھاں ویکھے تے‘‘ (2کرنتھیوں5:7)۔ اُو لفظ جیدے توں ’’ایمانfaith‘‘ دا ترجمہ ہویا اُوہدا مطلب ہوندا اے ’’پرہوسا۔‘‘ ’’اَسی ایمان دے سہارے حیاتی لنگہانے آں ناکہ آکھاں ویکھے تے۔‘‘ اَسی یسوع تے اُوہنوں ویکھے بغیر پرہوسا کرنے آں۔ اَسی یسوع تے اُوہنوں محسوس کیتے بغیر پرہوسا کرنے آں۔ تی وریاں بعد پولوس رسول نے مسیحیت دی اِک نوی نسل لئی لکھیا،

’’اگرچہ تُسی یسوع نوں نئیں ویکھیا مگر اُوہدے نال محبت کردے اُو۔ تُسی ہُنے وی اُوہنوں نظراں دے اَگے نئیں پاندے مگر اُوہدے تے ایمان رکھدے اُو تے ایہو جئی خوشی منادے اُو جیہڑی بیان توں باہر اے تے جلال نال بھری ہوئی اے‘‘ (1پطرس1:8)۔

اُوہناں نے کدی وی یسوع نوں نئیں ویکھیا۔ اُوہدے باوجود اُوہناں نے اُوہدے تے پرہوسا کیتا۔ اُوہناں نے اُوہدے نال محبت کیتی۔ اُوہناں نے خوشی منائی۔ اُو مسیح دے نال مِلاپ وِچ سن۔ تقریباً اُوہدے دو ہزار وریاں بعد کسے نے مینوں دَسیا کہ یسوع نے تھوما نوں کی کہیا سی،

’’تُو تے مینوں ویکھ کے میرے تے ایمان لہایا، مبارک نے اُو [لوکی] جنہاں نے مینوں ویکھیا وی نئیں تے فیر وی ایمان لہیائے‘‘ (یوحنا20:29)۔

میرے نجات پا چکن توں پہلاں اُوس آیت نے میرے نال گل کیتی سی۔ میں یسوع تے پرہوسا کر پایا تے اُوہنوں ویکھیاں بغیر یا اُوہنوں محسوس کیتے بغیر برکت پائی۔

شادی شُدہ لوکی اِک دوجے نال محبت کردے نے ایتھوں تیکر کہ جے اُو سینکڑوں میل اِک دوجے توں دور وی ہوں۔ اُو اِک دوجے نوں ویکھدے، سُنّدے یا چھوندے وی نئیں، لیکن اُو کسی نہ کسی طور تے جُڑے ہوئے ہوندے نے۔ اُوہناں نوں اِک دوجے دے نال اِکھٹے ہون لئی اِک دوجے نوں محسوس نئیں کرنا پیندا۔ اُو اِک دوجے دے نال متحد ہوندے نے، ’’اِک تن‘‘ ایتھوں تیکر کہ جدوں اُوہناں دے جسم دور دور ہوندے نے۔

تے بالکل ایویں ای مسیح دے نال ہوندا اے۔ کُج لوکی خود تے ایہہ ثابت کرن لئی کہ اُو یسوع دے نال نے اِک احساس لبھدے نے۔ یا اُو اُوہدے توں چاہندے نے کہ اُو اُوہناں دی ذہنی ٹیوننگ کرے۔ لیکن اُو اُس طریقے نال کدی وی یسوع نوں نئیں پا سکدے۔ مسیح دے نال ملاپ کوئی ایہو جئی گل نئیں ہوندی اے جیہڑی کہ تہاڈے ذہن چہ چلدی رہندی اے۔ جدوں دو لوکاں دی شادی ہوندی اے، تے اُو پرہوسے دے اِک براہ راست عمل وِچ اِکٹھے جُڑے ہوندے نے۔ یسوع دے کول آنا وی بالکل ایویں ای ہوندا اے – مسیح بخود وِچ اِک براہ راست پرہوسا۔

III۔ تیجا موضوع، مسیح دے نال مِلاپ ہوندا کی اے۔

یسوع دے نال مِلاپ اُوہدے تے پرہوسا کرن دے نال شروع ہوندا اے تے ایہہ ہمیشہ تیکر جاری رہندا اے۔ میں کسی قوی احساس دے بارے چہ گل نئیں کر رہیا آں، جیویں کہ جیدے بارے چہ پینتیکوست مشن آلے تے کرشماتی مشن آلے گل کردے نے۔ تُسی شاید اُوہنوں بالکل وی محسوس نہ کر پاؤ۔ تُسی ہر ویلے اُوہدے بارے چہ سوچدے وی نئیں اُو۔ کون سوچ سکدا اے؟ لیکن اُوہدے نال منسلک ہو جان گے۔ ایہہ اِک ذاتی تے روحانی مِلاپ ہوندا اے – پاویں تُسی اینوں جان پاؤ یا محسوس کر پاؤ، پاویں تُسی نہ کر پاؤ۔ ایہہ گہرا ترین رابطہ ہوندا اے جیہڑا تُسی کدی پا سکو گے۔ ایہہ کوئی احساس نئیں ہوندا اے۔ ایہہ ذہن وِچ کوئی گل نئیں ہوندی اے۔ میں اینا ای کر سکنا واں کہ ایہدے بارے چہ بائبل وِچوں کُج الفاظ تہانوں پیش کراں۔

آخری کھانے دے موقعے تے، اُوہدے مصلوب کیتے جان توں اِک رات پہلاں، یسوع نے کہیا، ’’انگور دی بیل میں واں تے تُسی میری ڈالیاں اُو‘‘ (یوحنا15:5)۔ مسیح انگور دی بیل اے۔ مسیحی [لوکی] اُوہدی شاخاں نے۔ اُو شاخاں انگور دی بیل دے نال منسلک ہوندیاں نے۔ اُو اپنی حیاتی انگور دی بیل توں حاصل کردیاں نے۔ جے اُو انگور دی بیل وِچ نہ ہوندیاں، تے اُو خشک ہو جاندیاں تے مُرجھا جاندیاں۔ اُوسے راتی اُوہنے کہیا، ’’اُس دِن تُسی جان جاؤ گے کہ میں اپنے باپ وِچ آں تے تُسی میرے وِچ اُو تے میں تہاڈے وِچ آں‘‘ (یوحنا14:20)۔

اہدا کی مطلب ہوندا اے کہ اِک مسیحی یسوع مسیح ’’وِچ‘‘ ہوندا اے تے یسوع مسیح اُس [مسیحی] ’’وِچ‘‘ ہوندا اے؟ چونکہ اَسی زمین تے آں تے یسوع آسمان چہ اے، تے ایہہ گل جسمانی نئیں ہو سکدی۔ یسوع آسمان چہ اے، ناکہ جسمانی طور تے تہاڈے وِچ۔ جی نئیں، ایہہ اِک روحانی مِلاپ اے ایس قدر گہرا، ایس قدر پاکیزہ، اِیس قدر ذاتی کہ الفاظ ایہدی حقیقت دا صرف سایہ ای ہو سکدے نے۔ تے ایہدے باوجود، جے تُسی اِک مسیحی اُو، تے تُسی یسوع ’’وِچ‘‘ ہوندے ہو، مسیح دے نال متحد، تے اُو تہاڈے نال متحد ہوندا اے۔ تُسی شادی شُدہ ہوندے ہو، جی ہاں، شادی شُدہ توں وی کہیں بوہتی ہوندے ہو۔ اُوہدے لئی۔ اُو تہاڈے نال اِک ’’دائمی محبت‘‘ دے نال پیار کردا اے (یرمیاہ31:3)۔ جے تُسی یسوع تے پرہوسا کر چکے اُو، تے اُو تہانوں کدی وی نئیں چھڈے گا۔ مسیح نے کہیا، ’’میں اُوہناں نوں ہمیشہ دی حیاتی دینا آں، اُو کدی وی ہلاک نئیں ہون گے تے کوئی اُوہناں نوں میرے ہتھ توں کھو نئیں سکدا‘‘ (یوحنا10:28)۔ یسوع تہانوں کدی وی نئیں چھڈے گا۔ اُو تہانوں کدی وی دوبارہ گمراہ یا گمشدہ یا غیرنجات یافتہ نئیں ہون دے گا۔ اُو تہاڈے نال تہاڈی ساری حیاتی محبت کرے گا تے اُو تہاڈے نال تمام ابدیت لئی محبت کرے گا!

IV۔ چوتھا موضوع، مسیح دے نال مَلاپ کی کردا اے۔

سادگی نال ایہنوں کہیا جائے تے، مسیح دے نال مِلاپ ای اُو گل اے جیہڑی اِک ایماندار نوں حیاتی گزاردے رہن تے قائم رکھدی اے۔ ایہہ ملاپ – پاویں تُسی اینوں محسوس کرو یا نا کرو – ہوندا ای اے جیہڑا کہ برداشت کرن لئی تے آخیر تیکر پرہوسا کرن لئی برقرار کیتے رکھتا اے، حتیٰ کہ جے حیاتی ناخوشگوار تے سخت وی ہووے، حتیٰ کہ تکلیف تے پریشانی وِچوں وی، حتیٰ کہ جے اُمید کدرے دور وکھائی دے رئی ہووے۔ یسوع نے کہیا،

’’میریاں پیڈھاں میری واج سُنّدیاں نے، تےمیں اُوہناں نوں جاننا واں، تے اُو میرے پِچھے پِچھے ٹُردیاں نے‘‘ (یوحنا10:27)۔

مسیحی [لوکی] یسوع دی واج نوں سُنندے نے۔ اُو اُوہنوں جانندے نے تے اُو اُوہناں نوں جانندا اے۔ تے اُو اُوہدے پچھے پچھے ٹُردے نے۔ اُو کیوں نہ ٹُرن؟ اُو کیویں واپس مُڑ سکدے نے؟ کیویں اِک دُلہن اپنے دولہے کولوں اپنا مُکھ مُوڑ سکدی اے؟ کیویں اِک محبوب اپنی محبوبہ توں مُنہ موڑ سکدا اے؟ تہاڈے وِچوں کُج سوچدے نے کہ مسیحی حیاتی وِچ جاری رہن تے ڈٹے رہن لئی تہانوں انتہائی مضبوط ہونا ہوندا اے۔ لیکن مسیحی جاری رہندا اے، برداشت کردا اے، ثابت قدم رہندا اے، اپنے خود دے زور یا قوتِ اِرادی دی وجہ توں نئیں بلکہ مسیح دی قوت دے وسیلے نال جیہڑا اُوہدے نال محبت کردا اے، اُوہدی رہنمائی کردا اے، اُوہنوں اپنے کول رکھدا اے تے اُوہنوں گود چہ چُکدا اے۔ اُو ایہدے علاوہ کیویں کُج ہُور کر سکدا اے؟

اُو ایماندار پرہوسے چہ حیاتی لنگہانی جاری رکھدا اے حتیٰ کہ جدوں سب کُج انیرے چہ ہووے۔ بہوتا عرصہ پہلاں، ایوب تکلیف برداشت کر رہیا سی تے اُو نئیں جانند سی کہ کیوں۔ اُوہنے اپنی دولت گنوائی، اپنے بچے گنوائے تے بالاآخر اپنی صحت گنوائی۔ اُو اِک غریب بندہ سی، اِک غلیظ مرض وِچ مبتلا۔ اُوہنوں کوئی اندازہ نئیں سی کیوں خُدا نے ایہہ سب کُج اُوہدے نال ہون دِتا۔ لیکن ایوب نے کہیا، ’’خواہ اُو میرے قتل دا حکم دیوے فیر وی میں اُوہدے تے اُمید رکھاں گا‘‘ (ایوب13:15)۔ اُوہنے خُدا تے پرہوسا کیتا سی پاویں کُج وی رونما ہوجاندا۔

حبقوق نبی دے زمانے چہ، یروشلیم اپنے گناہ دی وجہ توں سزا دے تحت سی۔ جلد ای کسدی آن گے تے شہر نوں توڑ پھوڑ ڈالن گے تے لوکاں نوں اسیر کر لین گے۔ ایہدے باوجود حبقوق نے کہیا، ’’نیکو کار اپنے ایمان نال جیوندا رہووے گا‘‘ (حبقوق2:4)۔ اُو اپنے پرہوسے نال جیوندا رہووے گا۔ تے حبقوق نے کہیا،

’’اگرچہ انجیر دا درخت نہ پھولے تے تاک وِچ انگور نہ لگن، زیتون پھل نہ دے تے کھیتاں وِچ پیداوار نہ ہووے، تے بھیڑ خانیاں وِچ پیڈھاں نہ ہون تے موشی خانیاں چہ مویشی نہ ہون۔ فیر وی میں خُداوند چہ مسرور رہواں گا، میں اپنے نجات دہن آلے خُدا توں خوش رہواں گا‘‘ (حبقُوق3:17۔18)۔

خُداوند نے ابراہام نال وعدہ کیتا سی کہ اُو اِک عظیم قوم دا باپ ہووے گا۔ خُداوند نے اُوہنوں اسرائیل دی سرزمین بخشی سی۔ ابراہام زمین دے صرف اِک چھوٹے جہئے ٹکڑے دے نال مر گیا۔ اُوہدے بچے سن لیکن کدی وی اُو اِک عظیم قوم نوں نئیں ویکھ پایا۔ لیکن ابراہام خُدا دے پرہوسے چہ متحد سی۔ جیویں کہ بائبل کہندی اے،

’’اَسی ویکھیاں ہوئیاں شیواں تے نئیں بلکہ اندیکھیاں شیواں تے نظر کرنے آں کیوں جے ویکھیاں ہوئیاں شیواں چند روزہ نے مگر اندیکھی شیواں ہمیشہ لئی نے‘‘ (2 کرنتھیوں4:18)۔

زمین دیاں شیواں تھوڑا فرق پاندیاں نے۔ اُو صرف وقتی ہوندیاں نے۔ اَسی خُدا دیاں گلاں نوں ہُنے نئیں ویکھ پاندے، لیکن اُو دائمی ہوندیاں نے، ہمیشہ لئی۔ ابراہام نے ایمان دے وسیلے نال نجات پائی سی – پرہوسے دے ذریعے نال۔ تے پرہوسے چہ اپنیاں آکھاں نال اُس وعدے نوں ویکھے بغیر ای مر گیا سی۔ بائبل ایوب، حبقوق تے ابراہام وگرے لوکاں لئی کہندی اے،

’’ایہہ سارے لوکی ایمان رکھدیاں ہویاں مر گئے تے وعدہ کیتیاں ہوئیاں شیواں نہ پا سکے، لیکن دور توں اُوہناں نوں ویکھ ویکھ کے خوش ہوندے رئے‘‘ (عبرانیوں11:13)۔

خُدا نے تہانوں بُھلایا نئیں اے۔ جیویں کہ بائبل کہندی اے، ’’خُدا بے انصاف نئیں اے جیہڑا تہاڈے کماں نوں تے اُس محبت نوں بُھل جائے جیہڑی تُسی اُوہدی خاطر اُوہدے لوکاں دی خدمت کرن نال ظاہر کیتی تے ہُن وی کر رئے اُو‘‘ (عبرانیوں6:10)۔ تہاڈے شاید مسائل ہون۔ تُسی شاید حوصلہ شکنی محسوس کردے ہوو۔ لیکن خُدا اُوہدے لئی تہاڈے چنگے کماں نوں نئیں بُھلدا اے۔ اُو ویکھدا اے تے اُو یاد رکھدا اے۔

اِک دِن تہانوں ویکھے بغیر پرہوسا تے حیاتی بسر نئیں کرنی پئے گی۔ اِک دِن بائبل دے وعدے پورے ہو جان گے۔ یسوع فیر آئے گا! ’’تے اُس دِن اُو کوہِ زیتون تے اپنے قدم رکھے گا‘‘ (زکریاہ14:4)۔ مسیح واپس آوے گا تے اپنے تخت توں دُنیا تے اِک ہزار وریاں تیکر حکمرانی کرے گا! فیر دائمی حالت آئے گی۔ اَسی اِک نوے یروشلیم وِچ حیاتی بسر کراں گے، اِک شہر جیہڑا 1,500 میل اُوچا ہووے گا۔ اُوتھے ایمان دی لوڑ نئیں ہووے گی۔ تہانوں موتیاں دے پھاٹک تے جواہرات دیاں دیواراں نظر آن گئیاں۔ تُسی روشنی دے بغیر ویکھ پاؤ گے، کیوں جے ’’اُوتھے فیر رات نئیں ہووے گی، تے اُو چراغ تے سورج دی روشنی دے محتاج نئیں ہون گے کیوںکہ خُداوند آپئے اُوہناں نوں روشنی دیوے گا تے اُو ابد تیکر بادشاہی کردے رہن گے‘‘ (مکاشفہ22:5)۔ کوئی اِک کہندا اے، ’’کی تہانوں یقین اے؟‘‘ جی ہاں، کیوں جے خُداوند اِس بارے چہ دِس چکیا اے! تے اِس گل نوں ہور بوہتا پُر یقین کرن لئی، اگلی آیت کہندی اے، ’’ایہہ گلاں سچ تے برحق نے‘‘ (مکاشفہ22:6)۔ جے تُسی یسوع تے پرہوسا کر چکے اُو تے دور تیکر نظریے نوں اپناؤ۔ اَگے ویکھو۔ جی ہاں، ’’تُسی دُنیا وِچ مصیبت چکدے اُو‘‘ (یوحنا16:33)، مگر مسیح نے کہیا، ’’ میں دُنیا تے غالب آیا واں‘‘ (ibid.)۔ یسوع لئی خُداوند دا شکر ہووے! اُو تہانوں انتہائی خاتمے تیکر ویکھدا رہوے گا!

لیکن جے تُسی یسوع تے پرہوسا نئیں کیتا اے، تے ایہدے وچوں کُج وی تہاڈے لئی نئیں اے۔ جے تُسی ایس واعظ دے بعد میرے نال گل بات کرنا چاہندے اُو، تے مہربانی نال آؤ تے اگلی قطاراں وچ تشریف رکھو۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں تنہا گیت مسٹر جیک نعان Mr. Jack Ngann نے گایا: ’’ٹھوس چٹان
     The Solid Rock،‘‘ شاعر ایڈورڈ موٹ Edward Mote، 1797 1874 -)۔