ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اعمال دے 26ویں باب وِچ لوقا پولوس دے مسیح وِچ ایمان لہیا کے تبدیل ہون دی گواہی دا تیجی وری اندراج کردا اے۔ لوقا نے اِینوں تِن وری پیش کیتا، ایدی وجہ سمجھنا سوکھا اے۔ مسیح دے مرن تے مُردیاں وِچوں دوبارہ جی اُٹھن دے علاوہ، مسیحیت دی تاریخ وِچ ایہو جئیا کوئی واقعہ نئیں اے جیہڑا پولوس رسول دے مسیح وِچ ایمان لہیا کے تبدیل ہون توں زیادہ اہم ہووے۔

پولوس نوں ایس لئی گرفتار کیتا گیا سی کیوں جے اُوہنے منادی کیتی سی،

’’… کسی بندے یسوع دے بارے وِچ سی جیہڑا مر چکیا اے مگر پولوس اُوہنوں زندہ دسدا اے‘‘ (اعمال 25:19).

تے ہُن پولوس کھلوتا سی، شہنشاہ اگریپا دے اَگے، اپنے ہتھاں وِچ زنجیراں نال بنیا ہویا۔ اگریپا آپئے اِک یہودی سی۔ لہٰذا پولوس نے پرانے عہدنامے وِچوں مسیح دی مُردیاں وِچوں دوبارہ جی اُٹھن دی پیشن گوئیاں دی بنیاداں تے اُوس گل دا دفاع کیتا جس دی اُو منادی کردا سی۔ پولوس نے اپنے آپ دا ایہہ کہندے ہوئے دفاع کیتا کہ شہنشاہ اگریپا پہلاں ای توں مسیح دی مصلوبیت تے مُردیاں وِچوں دوبارہ جی اُٹھن دے بارے چہ جانندا سی۔ اُو مصلوبیت تے مسیح دا مُردیاں وِچوں جی اُٹھنا تقریباً تی وریاں پہلاں وقوع پزیر ہو چکیا سی۔ ہر یہودی ایس دے بارے وِچ جانندا سی، بشمول شہنشاہ اگریپا۔ لہٰذا پولوس نے کہیا،

’’… بادشاہ اِنہاں گلاں توں واقف اے تے میں اُوہدے نال کُھل کے گل کر سکنا آں۔ مینوں یقین اے کہ اِنہاں گلاں وِچوں کوئی وی [گل] اُوہدے کولوں چُھپی نئیں اے کیوں جے ایہہ ماجرا کسی کونے چہ نئیں ہویا سی‘‘ (اعمال 26:26).

ایہہ ماجرا کسی کونے وِچ نئیں ہویا سی۔‘‘ ایہہ اُوس دِن دا اِک عام یونانی تاثر سی۔ ڈاکٹر گیبیلعین Dr. Gaebelein دا تبصرہ کہندا اے،

یسوع دی مذہبی خدمات [دا پرچار] فلسطین وِچ بہت مشہور سی، تے اگریپا نے ایس دے بارے وِچ سُن رکھیا ہووے گا۔ یسوع دی موت تے مُردیاں وِچوں جی اُٹھنا بھرپور طور تے مصدقہ سی، تے مسیحی خوشخبری ہُن تیکر تِن دہائیاں توں اِعلان کر چکی سی۔ یقینی طور تے شہنشاہ اِیناں گلاں دے بارے وِچ جانندا سی، ’’کیوں جے ایہہ ماجرا کسی کونے چہ نئیں ہویا سی‘‘(مفسر دا بائبلی تبصرہ The Expositor’s Bible Commentary، فرینک ای۔ گیبیلیعین، ڈی۔ڈی۔ Frank E. Gaebelein, D.D.، جنرل ایڈیٹر، ژونڈروان اشاعتی گھر Zondervan Publishing House، 1981، جلد نہم، صفحہ 554؛ اعمال 26:25۔27 پر غور طلب بات)۔

بے شمار لوکی اَج سوچدے نے کہ مسیح دا مُردیاں وِچوں جی اُٹھنا کوئی غیرواضح واقعہ سی جیس دے بارے وِچ محض چند اِک جاہل مچھیرے ای جانندے سن۔ لیکن سچائی توں کُج وی دور نئیں ہو سکدا! مسیح دے مُردیاں وِچوں جی اُٹھن دے بارے چہ اسرائیل دا ہر یہودی جانندا سی، تے لگ بھگ تی وریاں تیکر رومی دُنیا وِچ ایس دی گل کیتی جاندی رئی سی! مسیح دے مُردیاں وِچوں جی اُٹھن نوں راز وِچ نئیں رکھیا گیا سی!

’’کیوں جے ایہہ ماجرا کسی کونے چہ نئیں ہویا‘‘ (اعمال 26:26).

+ + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے موبائل فون تے مہیا نے۔
WWW.SERMONSFORTHEWORLD.COM تے جاؤ۔
جیدے تے لفظ ’’ایپ اے اُوس سبز بٹن تے کلِک کرو۔
جیہڑا ہدایتاں سامنے آن اُوہناں تے عمل کرو۔

+ + + + + + + + + + + + + + + + + + + + + + + + + + + + + + + + + + + + + +

ڈاکٹر لینسکی Dr. Lenski نے کہیا،

اُو سب کُج جیہڑا یسوع دے بارے وِچ کہیا گیا سی قوم دے انتہائی مرکز یعنی دارالحکومت وِچ منتقل ہو چکیا سی، تے عدالتِ عالیہ Sanhedrin تے [رومی گورنر] پیلاطُس ایس وِچ شامل سن، تے یسوع اِک قومی شخصیت سی، جیدی شہرت لاگے تاگے دی سرزمیناں وِچ وی پھیل چکی سی۔ ’’کسی کونے تیکر نئیں سی‘‘ … کوئی غیر واضح نِکا جیہا معاملہ نئیں سی جیس دے بارے وِچ کوئی وی نہ جانندا ہوے، بلکہ اِک ایہو جئی گل سی جیہڑی ایس قدر وڈھی تے اہم سی، ایس قدر عوامی تے دور تیکر پہنچ جان آلی سی کہ اگریپا [شہنشاہ] ایس نوں اپنی مکمل شاہانہ توجہ دین لئی پابند ہو چکیا سی (آر۔ سی۔ ایچ۔ لینسکی، ڈی۔ڈی۔ R. C. H. Lenski, D.D.، رسولاں دے اعمال دی تاویل The Interpretation of the Acts of the Apostles، اُوگسبرگ اشاعتی گھر Augsburg Publishing House، 1961 ایڈیشن، صفحہ 1053؛ اعمال26:26 پر غور طلب بات)۔

’’کیوں جے ایہہ ماجرا کسی کونے چہ نئیں ہویا سی‘‘ (اعمال 26:26).

مسیح دے دشمناں دے کول ایہہ گل ثابت کرن لئی کہ اُو مرُدیاں وچوں زندہ نئیں ہویا سی تِن دہائیاں سن۔ تے ایدے باوجود اُو ناکام رئے سن۔ پاوین اُوہناں نے جنہی وی سخت کوشش کیتی سی، دشمن ایہہ گل ثابت کرن چہ ناکام رئے سن کہ مسیح مصلوب کیتے جان دے بعد مُردہ ای رہیا سی۔ جیس ویلے تیکر پولوس نے شہنشاہ اگریپا نال گل کیتی سی، ہزاراں یہودی، تے سینکڑوں غیریہودی، ’’مسیح مُردیاں وِچوں زندہ ہو چکیا اے‘‘ دا اِعلان کر رئے سن۔

مسیح دا مُردیاں وِچوں جی اُٹھنا مسیحیت دی بنیاد اے۔ جے یسوع دا بدن قبر وِچوں زندہ نہ ہوندا، تے مسیح ایمان دی کوئی بنیاد نہ ہوندی۔ آپئے پولوس رسول نے کہیا،

’’جے مسیح زندہ نئیں ہویا تے ساڈی منادی دا کوئی فائدہ نئیں تے تہاڈا ایمان لہیانا وی بے فائدہ [لائقِ مذمت] ٹھہرا‘‘ (1۔ کرنتھیوں 15:14).

کوئی تعجب دی گل نئیں اے کہ مسیح دے دشمناں نے ایہہ جُھٹلان لئی کہ اُو جی اُٹھا اے کیس قدر شدید سخت کوشش کیتی سی! تے ایدے باوجود اُو سب دے سب ناکام ہوئے سن۔ میں بے شمار موضوعات تے گریگ لوری Greg Laurie دے نال متفق نئیں آں، لیکن میں اُوہناں دے نال مسیح دے مُردیاں وچوں جی اُٹھن تے متفق آں۔ گریگ لوری نے تِن وجوہات پیش کیتیاں سن کیوں مسیح دے دشمن ناکام رئے سن – یسوع مسیح دے مُردیاں وچوں جی اُٹھن دے تِن ثبوت (گریگ لوریGreg Laurie ، کیوں مُردیاں وچوں جی اُٹھنا؟ Why the Resurrection?، ٹائیعن ڈیل اشاعتی گھر Tyndale House Publishers، 2004، صفحات 13۔24)۔ میں اُوہناں دی توضیح کرن جا رہیا آں۔

’’کیوں جے ایہہ ماجرا کسی کونے چہ نئیں ہویا سی‘‘ (اعمال 26:26).

I۔ پہلا، خالی مقبرہ۔

یسوع دا مُردیاں وِچوں جی اُٹھن دا پہلا ثبوت خالی مقبرہ اے۔ ایہہ حقیقت کہ یسوع دا مقبرہ اُوہدے مرن دے تِن دِن بعد خالی سی اُوہدے مُردیاں وِچوں جی اُٹھن دے عظیم ترین ثبوتاں وِچوں اِک اے۔ چاروں انجیلاں دے مصنفین ایس گل تے مکمل طور تے متفق نے کہ مسیح دا مقبرہ اُوہدے مرن دے تِن دِن بعد خالی سی۔ بے شمار دوجے گواہاں نے وی ایس حقیقت دی تثیق کیتی سی کہ مقبرہ خالی سی۔

مسیح دے مُردیاں وِچوں جی اُٹھن تے پرانا ترین حملہ ایہہ سی کہ کسی نے یسوع دے بدن نوں چُرا لہیا سی۔ سردار کاہناں نے

’’… سپاہیاں نوں اِک وڈی رقم ادا کیتی تے کہیا، تُسی ایہہ کہنا کہ رات دے ویلے جدوں اَسی سُتے سی تے اُوہدے شاگرد آئے تے اُوہنوں چُرا کے لے گئے… چنانچہ سپاہیاں نے رقم پھڑی تے جیویں اُوہناں نوں سیکھایا گیا سی اُوویں ای کیتا تے ایہہ گل اَج تیکر یہودیاں چہ مشہور اے‘‘ (متی 28:12۔15).

لیکن ایس دلیل نے انتہائی بے شمار لوکاں نوں قائل نئیں کیتا سی۔ عام فہم گل توں تہانوں پتا چلے گا کہ شاگرداں نے اُوہدے بدن نوں نئیں چُرایا سی تے ایہہ ظاہر نئیں کیتا سی کہ اُو مُردیاں وِچوں جی اُٹھیا سی۔ تِن دِن قبل اُوہی شاگرد اپنی حیاتیاں بچان لئی نٹھے سن جدوں مسیح نوں گرفتار کیتا گیا تے مصلوب کیتا گیا سی۔ ایہہ ایس دے بالکل اُلٹ اے کہ اِیناں خوف توں بھرپور لوکاں وِچ ایس قدر حوصلہ آیا ہووے گا کہ اُو یسوع دا بدن چوری کردے – تے فیر جرأت مندانہ طور تے منادی کردے کہ اُو مُردیاں وِچوں جی اُٹھیا اے – اپنی حیاتیاں نوں خطرے چہ پا کے! جی نئیں، ایہہ انتہائی شدید طور تے اِک خلافِ توقع دلیل اے! اُو حقائق سراسر مطابقت ای نئیں رکھدے۔ شاگرد تے اِک کمرے چہ بوہے نوں جندرا مار کے لُکے ہوئے سن، ’’یہودیاں دے خوف نال‘‘ (یوحنا20:19)۔ اُو صدمے وِچ سن۔ اُوہناں نوں یقین نئیں سی کہ اُو دوبارہ جی اُٹھے گا۔ مسیح دے پیروکاراں وِچوں کسی چہ وی اینا حوصلہ یا ایمان نئیں سی کہ اُو طاقت ور رومی گورنمنٹ نوں للکاردے تے یسوع دے بدن نوں چُراندے۔ ایہہ اِک نفسیاتی حقیقت اے جس نوں نظرانداز نئیں کیتا جا سکدا۔

واحد دوجے مشکوک لوکی، جیہڑے مسیح دا بدن چُرا سکدے سن اُو اُوہدے دشمن سن۔ ایس نظریے دے نال مسئلہ ایہہ اے مسیح دے دشمناں دے کول اُوہدی قبر نوں لُٹن دا کوئی متحرک نئیں سی۔ سردار کاہناں دے دوجے مذہبی رہنماواں نے مسیح نوں موت دے گھاٹ اُتاریا سی کیوں جے اُوہنے اُوہناں دے مذہبی نظام تے طرز زندگی نوں خطرے وِچ پایا سی۔ لوکی ایہہ سوچن گے کہ مسیح دوبارہ زندہ ہو گیا اُو آخیرلی گل سی جیہڑی ایہہ چاہندے سن! ایہہ وجہ اے کہ ایہہ مذہبی رہنما اِیناں شدید حداں تیکر گئے کہ اُوہدے دوبارہ جی اُٹھن دے کسی وی ثبوت نوں نابود کرن۔ متی دی انجیل سانوں دسدی اے کہ اُو رومی گورنر پینطُس پیلاطُوس دے کول گئے،

’’کہن لگے، خُداوند، سانوں یاد اے کہ ایس دھوکے باز نے اپنے جیوندے جی کہیا سی کہ میں تِن دِناں بعد زندہ ہو جاواں گا۔ لہٰذا حکم دے کہ تیجے دِن تیکر قبر دی نگرانی کیتی جائے۔ کہیں ایویں نہ ہو کہ اُوہدے شاگرد آ کے لاش نوں چُرا لے جان تے لوکاں نوں کہہ دین کہ اُو مُردیاں وِچوں زندہ ہو گیا اے۔ ایہہ بعد دا فریب پہلے آلے فریب توں وی بُرا ہووے گا‘‘ (متی 27:63۔64).

پیلاطُوس نے اُوہناں نوں نگران لے جان تے ’’جِیتھے تیکر اُوہناں تو ہو سکے‘‘ مقبرے دی نگرانی کرن لئی کہیا – پہرےدار موجود نے اُوہناں نوں لے جاؤو تے جِیتھے تیکر تہاڈے توں ہو سکے مقبرے دی نگرانی کرو (متی 27:65). لہٰذا اُوہناں نے مقبرے نوں مہر لگائی تے اوتھے پہرے دار کھڑے کر دِتے اُوہدی حفاظت کرن لئی (متی 27:66). تعجب انگیز طور تے، ایویں لگدا سی کہ ایناں سردار کاہناں تے مذہبی رہنماؤاں نوں مسیح دے خود اپنے شاگرداں دے مقابلے وچ مسیح دا مُردیاں وچوں جی اُٹھن دا زیادہ یقین سی!

سچائی ایہہ اے کہ مذہبی رہنماؤاں نے مسیح دے بدن نوں چرائے جان توں بچائے رکھن لئی شدید احتیاط برتی سی۔ اُو ثابت کرنا چاہندے سن کہ مسیح دا مُردیاں وچوں زندہ ہو جان دا وعدہ اِک جھوٹ سی۔ مذہبی رہنماؤاں نے اُو سب کُج کیتا جیہڑا اُو مسیح دے مُردیاں وچوں جی اُٹھن دی گردش کردی ہوئی کہانیاں نوں ختم کرن دے کسی وی موقع لئی کر سکدے سن۔ بدن نوں چُرانا اُو آخری گل ہوندی جیہڑی یسوع دے دشمن کر سکے ہوندے۔ لیکن جے اُوہناں نے بدن نوں چُرایا ہوندا، تے اُوہناں نے بِلاشبہ اینوں اُوس ویلے منظر عام تے لے آنا سی جدوں اُوہدے شاگرداں نے مُردیاں وچوں جی اُٹھن دے بارے وچ منادی کرنا شروع کیتی سی۔ لیکن مسیح دے دشمناں نے کدی وی اُوہدے بدن نوں پیش نہ کیتا۔ کیوں؟ سادہ جئی گل اے کیوں جے اُوہناں دے کول پیش کرن لئی کوئی بدن سی ای نئیں! مقبرہ خالی سی! مسیح مُردیاں وچوں جی اُٹھیا سی!

’’کیوں جے ایہہ ماجرا کسی کونے چہ نئیں ہویا سی‘‘ (اعمال 26:26).

اُو خالی مقبرہ مسیح دے مُردیاں وچوں جی اُٹھن دا پہلا ثبوت اے، لیکن اُوہدے علاوہ وی نے!

II۔ دوجی گل، چشم دید گواہاں دے واقعات۔

جدوں یسوع نوں مصلوب کیتا سی، تے اُوہدے شاگرد نااُمید سی۔ اُوہناں دا ایمان تباہ ہو چکیا سی۔ اُوہناں دے کول اُوہنوں فیر زندہ ویکھن لئی کدی وی کوئی اُمید نئیں سی۔ اُودوں یسوع آ گیا،

’’تے اُوہناں دے وچ کھلو کے کہن لگا، تہاڈے تے سلام!‘‘ (یوحنا 20:19).

شاگرداں نے اُوہنوں بار بار زندہ ویکھیا۔

’’دُکھ سہن دے بعد اُوہنے اپنے زندہ ہو جان دے کئی قوی ثبوت وی بہم پہنچائے تے اُو چالی دِناں تیکر اُوہناں نوں نظر آندا رہیا‘‘ (اعمال 1:3).

پولوس رسول نے کہیا کہ جی اُٹھا مسیح،

’’کیفا [پطرس] نوں تے فیر دُوجے رسولاں نوں وکھائی دِتا۔ اُوہدے بعد پنج سو توں ودھ مسیحی پراہواں نوں اِک ساتھ وکھائی دِتا … فیر یعقوب نوں وکھائی دِتا۔ ایدے بعد سب رسولاں نوں تے سب توں آخیر وچ مینوں وی وکھائی دِتا‘‘ (1۔ کرنتھیوں 15:5۔8).

ڈاکٹر جان آر۔ رائس نے کہیا،

غور کرو کیس قدر قطعی طور تے سینکڑاں لوکاں دی گواہی پُرلبریز سی جنہاں نے یسوع نوں مُردیاں وچوں جی اُٹھن دے بعد ویکھیا سی، کُج نے تے بار بار چالی دِناں دے دورانیے وچ ویکھیا سی! [اعمال 1:3]۔ بائبل دی حکمرانی ’’دو یا تِن گواہاں دے مُنہ وچ ہوندی‘‘ سی۔ ایتھے سینکڑاں گواہیاں سن۔ کئی لوکاں نوں اِک یا دو چشم دید گواہاں دی شہادت تے موت دی سزا سنائی جا چکی اے۔
     اِک اہم معاملے نوں نمٹان لئی صرف بارہ لوکاں دی فیصلہ ساز کمیٹی دے متفق ہون دی ضرورت پیندی اے۔ ایتھے تے واقعی چہ سینکڑاں چشم دید گواہ متفق سن کہ یسوع مُردیاں وچوں جی اُٹھیا سی۔ کوئی اِک وی شخص ایہہ کہندا ہویا وکھائی نئیں دِتا کہ اُو اُوہدے مرن دے تِن دِناں بعد اُوہدے مُردہ جسم نوں ویکھ چکے نے، نا ای کسی وی واقعے دی تردید کیتی سی۔
     اُوہناں گواہاں دی شہادت – چشم دید گواہاں، اُو گواہ جیہڑے نجات دہندہ دے نال پیش آندے رئے سن، اُوہنوں چھوندے رئے سن، اُوہدے ہتھاں تے پیراں وچ کِیلاں نوں محسوس کیتا سی، اُوہنوں کھاندے ہوئے ویکھیا سی، چالی دِناں تیکر اُوہدے نال گل بات کیتی سی – ریاست ہائے متحدہ دی سپریم کورٹ دے سمنے یا دُنیا وچ کسی وی عدالت دے سمنے درکار کسی وی کیس دے مقابلے وچ اُو گواہی بہت مضبوط ثبوت سی … اُو ثبوت ایس قدر شدید سی کہ صرف اُوہناں ای لوکاں نے جیہڑے یقین نئیں کرنا چاہندے سن تے ثبوت دی پڑتال نئیں کیتی سی اینوں مسترد کیتا۔ تعجب دی کوئی گل نئیں کہ بائبل اِعلان کردی اے کہ یسوع نے ’’خود نوں اپنی چاہت دے بعد بے شمار ناقابلِ تردید ثبوتاں دے ذریعے نال زندہ ظاہر کیتا،‘‘ اعمال 1:3 (جان آر۔ رائس، ڈی۔ڈی۔ John R. Rice, D.D.، یسوع مسیح دا مُردیاں وچوں جی اُٹھنا The Resurrection of Jesus Christ، خُداوند دی تلوار پبلیشرز Sword of the Lord Publishers، 1953، صفحات 49۔50)۔

’’کیوں جے ایہہ ماجرا کسی کونے چہ نئیں ہویا سی‘‘ (اعمال 26:26).

اُو خالی مقبرہ تے سینکڑاں چشم دید گواہ مسیح دے مُردیاں وچوں جی اُٹھن دے انتہائی مضبوط ثبوت نے۔ لیکن ایدے علاوہ وی ہور نے۔

III۔ تیجی گل، رسولاں دیاں شہادتاں۔

جے مُردیاں وچوں جی اُٹھنا اِک جھوٹ سی تے کیوں رسولاں وچوں ہر اِک نوں ایدا اعلان کرن دی وجہ نال ایس قدر شدید اذیتاں وچوں گزرنا پیا سی؟ رسولاں نے ناصرف مسیح دے مُردیاں وچوں جی اُٹھن دی منادی نوں کردے رہنا جاری رکھیا سی بلکہ اُوہناں نے ایدا اِنکار کرن دے مقابلے چہ مر جانا قبول کیتا! جیویں کہ اسی کلیسیا دی تاریخ پڑھدے آں تے سانوں پتا چلدا اے کہ ہر اِک رسول [ماسوائے یوحنا رسول دے – جینوں اذیت دِتی گئی تے جلا وطن کیتا گیا] ہولناک موت مریا کیوں جے اُوہناں نے منادی کیتی سی کہ مسیح مُردیاں وچوں زندہ ہو گیا سی۔ ڈاکٹر ڈی۔ جیمس کینیڈی Dr. D. James Kennedy نے کہیا،

     ایہہ اِک اشد ضروری اہم حقیقت اے۔ نفسیات دی تاریخ وچ ایہہ گل کدی وی نئیں مانی گئی کہ اِک ہستی اپنی حیاتی داؤ تے لگان لئی رضامند ہو جائے اُوس گل لئی جیہڑی اُو مرد یا عورت جانندا ہو کہ اِک جھوٹ اے۔ میں تعجب کیتا کردا سی کیوں ایویں سی کہ خُدا نے رسولاں نوں تے تمام ابتدائی مسیحیاں نوں ایس قدر شدید اذیتاں، ایس قدر غیر معمولی، ناقابلِ یقین مظالم وچوں گزاریا… ساڈے کول ایناں گواہاں دیاں ایمانداریاں، کردار، مصیبتاں، تے ایناں دیاں اموات، جیناں وچوں زیادہ تر نے اپنی گواہی اپنے خون دے نال مہربند کیتی موجود نے… چھوٹے پولوس نے کہیا، ’’لوکی مرن گے اُوہدے لئی جیدے وچ اُو سچ ہون دا یقین کرن گے … اُو تاہم اُوہدے لئی جِنے اُو جانندے ہون کہ اِک جھوٹ اے نئیں مرن گے‘‘ (ڈی۔ جیمس کینیڈی، پی ایچ۔ ڈی۔، D. James Kennedy, Ph.D.، میں کیوں یقین کردا آں Why I Believe، تھامس نیلسن پبلیشرز Thomas Nelson Publishers، ایڈیشن 2005، صفحہ 47)۔

ایہہ لوکی مرے سی کیوں جے اُوہناں نے کہیا سی کہ اُو مسیح دے مُردیاں وچوں جی اُٹھن دے چشم دید گواہ سن:

پطرس – نوں شدید کوڑے مارے گئے سن تے فیر اُلٹا مصلوب کیتا گیا سی۔
  اندریاس – نوں X دی شکل دی صلیب تے مصلوب کیتا گیا سی۔
     جیمس، زبدی دا پُتر – اُوہدا سر قلم کر دِتا گیا سی۔
        یوحنا – یوحنا نوں اُبلدے ہوئے تیل دے کڑاھے وچ ڈالا گیا سی، تے فیر
           پطمس دے جزیرے وچ جلا وطن کر دِتا گیا سی۔
              فلپس – نوں کوڑے مارے گئے سن تے فیر مصلوب کیتا گیا تھا۔
                 برتلمائی – دی زندہ حالت وچ کھال کھِچوا دِتی گئی سی تے فیر
                    مصلوب کیتا گیا سی۔
                        متی – دا سر قلم کر دِتا گیا سی۔
                          یعقوب، خُدا دا پراہ – اینوں ہیکل دی بُلندی توں تھلے سٹیا
                             گیا سی، تے فیر مار مار کے موت دے گھاٹ اُتار دِتا گیا سی۔
                                تدائی – نوں تیراں نال چھلنی کر کے مار دتا گیا سی۔
                                   مرقس – نوں گھسیٹ گھسیٹ کے مار دتا گیا سی۔
                                      پولوس – دا سر قلم کر دِتا گیا سی۔
                                        لوقا – نوں زیتون دے درخت تے پھانسی دِتی گئی سی۔
                                          تھوما – نوں نیزیاں نال چھلنی کیتا گیا سی، تے جلدے ہوئے
                                            تندور وچ سٹ دِتا گیا سی۔
(شہیداں دی نوی فوکسی دی کتاب The New Foxe’s Book of Martyrs، بریج لاگوس پبلیشرز Bridge-Logos Publishers، 1997، صفحات 5۔10؛ گریگ لاری Greg Laurie، مُردیاں وچوں جی اُٹھنا کیوں؟ Why The Resurrection? ٹائیعن ڈیل ہاؤس پبلیشرز Tyndale House Publishers،2004، صفحات 19۔20)۔

ایہہ لوکی ہولناک اذیتاں وچوں گزرے سن تے ہولناک اموات مرے سن کیوں جے اُوہناں نے کہیا سی کہ مسیح مُردیاں وچوں جی اُٹھا۔ لوکی کسی ایسی گل لئی جیہڑی اُوہناں نے ویکھی نئیں ہوندی اے نئیں مردے! ایناں لوکاں نے مسیح نوں اُوہدے قبر وچوں جی اُٹھن دے بعد ویکھیا سی! ایہہ ای وجہ اے کہ اذیت تے خود موت وی اُوہناں نوں ’’مسیح مُردیاں وچوں جی اُٹھیا اے‘‘ دا اِعلان کرن توں نئیں روک پائی!

پطرس نے اُوہنوں اوتھے ساحل تے توجہ نال ویکھیا سی،
اوتھے جھیل دے کنارے اُوہدے نال کھانا کھایا سی؛
یسوع کہہ رہیا سی، اُوہناں لباں دے نال جیہڑے کدی مُردہ سن،
’’پطرس، کی تُو مینوں پیار کردا اے؟‘‘
اُو جیہڑا مر چکیا سی فیر جی اُٹھیا اے!
اُو جیہڑا مر چکیا سی فیر جی اُٹھا اے!
موت دے مضبوط برفیلے شکنجے نوں توڑ ڈالیا –
اُو جیہڑا مر چُکیا سی فیر جی اُٹھا اے!
   (’’فیر جی اُٹھاAlive Again‘‘ شاعر پال ریڈر Paul Rader، 1878۔1938)۔

ایہہ لوکی بے اعتقادے بزدلاں توں بے خوف شہیداں وچ بدل گئے سن – کیوں جے اُوہناں نے مسیح نوں قبر وچوں جی اُٹھن دے بعد ویکھیا سی!

تھوما نے اوتھے کمرے وچ اُوہنوں پہچانیا سی،
اُوہنوں اپنا آقا تے خُداوند کہیا،
سوراخاں وچ اپنی انگلیاں نوں پایا
جیہڑے کِیلاں تے تلوار نال بنے سن۔
اُو جیہڑا مر چکیا سی فیر جی اُٹھا اے!
اُو جیہڑا مر چکیا سی فیر جی اُٹھا اے!
موت دے مضبوط برفیلے شکنجے نوں توڑ دتا –
اُو جیہڑا مر چکیا سی فیر جی اُٹھیا اے!
(پال ریڈر، ibid.)۔

میری کینی خواہش اے کہ ساڈیاں کلیسیاواں پال ریڈر وَلّوں تحریر کیتا گیا حمدوثنا دا اُو گیت فیر توں گانا سِکھ جان! جے تُسی مینوں لکھو تے درخواست کرو تے میں تہانوں اُوہدی موسیقی بھیج دواں گا۔ ڈاکٹر آر۔ ایل۔ ہائیمرز جونیئر نوں پی۔ او۔ بکس 15308، لاس اینجلز، کیلیفورنیا 90015 Dr. R. L. Hymers, Jr., P.O. Box 15308, Los Angeles, CA 90015 دے پتے تے خط لکھو – تے ’’فیر جی اُٹھاAlive Again‘‘ پال ریڈر دے گیت دی موسیقی لئی درخواست کرو۔

اسی مسیح دے مُردیاں وچوں جی اُٹھن دے ہور وی بے شمار ثبوتاں دے انبار کھڑے کر سکدے آں، لیکن ایہہ تہانوں قائل نئیں کرن گے۔ کُج لوکی جنہاں نے مسیح نوں اُوہدے مُردیاں وچوں جی اُٹھن دے بعد ویکھیا اُوہناں نے اودوں وی ’’شک کیتا‘‘ (متی 28:17). تہانوں مسیح دے کول ایمان دے وسیلے نال آنا چائیدا اے۔ قبل ازیں متجسم مسیح نے کہیا،

’’تُسی مینوں لبو گے تے جدوں تُسی مینوں اپنے سارے دل نال لبو گے اودوں مینوں پاؤ گے‘‘ (یرمیاہ 29:13).

’’کیوں جے انسان دل نال ایمان لہیا کے راستباز ٹھہرایا جاندا اے‘‘ (رومیوں 10:10).

میں بائیولا کالج Biola College دے (ہُن یونیورسٹی اے) اجتماعی ہال وچ، 28 ستمبر، 1961 دی سویر 10:30 وجے جی اُٹھے مسیح دا سمنا، ڈاکٹر چارلس جے۔ ووڈبریج Dr. Charles J. Woodbridge دا اِک واعظ سُنن دے بعد کیتا سی، جنہاں نے 1957 وچ ناقص انداز چہ بنی ہوئی آزاد خیالی دی وجہ توں فُلر تھیالوجیکل سیمنری نوں چھڈ دِتا سی، (ویکھو ھیرالڈ لِنڈسِل، پی ایچ۔ ڈی۔ Harold Lindsell, Ph.D.، بائبل لئی جنگ The Battle for the Bible، ژونڈروان پبلیشنگ ہاؤس Zondervan Publishing House، 1978 ایڈیشن، صفحہ 111)۔ تے تُسی وی جی اُٹھے مسیح نوں جان سکدے اُو – جے تُسی اُوہنوں کافی توں ودھ جاننا اے تے ’’تنگ بُوے توں داخل ہون لئی کوشش کرو‘‘ (لوقا13:24)۔ جدوں تُسی مسیح دے کول آندے اُو تے تہاڈے گناہواں دا کفارہ ادا ہو جاندا اے تے اُوہدے لہو دے وسیلے نال پاک صاف ہو جاندے اُو – تے تُسی مُردیاں وچوں اُوہدے جی اُٹھن دے وسیلے نال فیر جنم لے لیندے اُو۔ ایہہ میری دعا اے کہ تُسی جلد ای مسیح دے کول آؤ گے۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلیاں گیت مسٹر جیک نعان Mr. Jack Ngann نے گایا:
’’کلیاں مسیح وچ In Christ Alone‘‘
(شاعر کیتھ گیٹی اور سٹیوارٹ ٹاؤن اینڈ
Keith Getty and Stewart Townend، 2001)۔