مسیح دے گوشت نوں کھانا تے لہو نوں پینا | Eating the Flesh and Drinking the Blood of Christ

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یسوع نے پنج جَو دیاں روٹیاں تے دو مچھلیاں لہیاں۔ اوہنے شکر ادا کیتا تے خوراک دی ایہہ نکّی جہئی مقدار تعداد وِچ ودھدی گئی۔ معجزانہ طور تے اُوس دِن اُوہناں پنج روٹیاں تے دو مچھلیاں نال پنج ہزار لوکاں نے ٹَڈ پَر کے کھانا کھادا۔ اُوہنے گلیل دی جھیل نوں پار کِیتا تے فیر واپس آ گیا۔ لوکی دوبارہ رَل کے جمع ہو گئے تے یسوع نے حیاتی دی روٹی تے اپنا واعظ پیش کیتا۔ اِیدے آخر وِچ اُوہنے کہیا،

’’میں اُو حیاتی دی روٹی آں جہیڑی آسمان توں اُتری اے: جے کوئی ایس روٹی وِچوں کھائے گا تے ہمیشہ زندہ رئے گا۔ ایہہ روٹی میرا گوشت اے جیہڑا میں ساری دُنیا دی حیاتی لئی دیواں گا۔ یہودیاں وِچ جھگڑا شروع ہو گیا تے اُو کہن لگے: ایہہ بندہ سانوں کیویں اپنا گوشت کھان لئی دے سکدا اے؟‘‘ (یوحنا6:51۔52)۔

لوکی اِک دوجے دے نال بحث کرن لگے۔ کُج نوں سمجھ آ چکی سی یسوع دے کہن دا مطلب کی سی۔ باقیاں نے مکمل طور تے اُوہنوں غلط لہیا سی۔ اُوہناں وِچوں زیادہ تر اُوہدے خلاف سن۔ اُو چیخ اُٹھے، ’’ایہہ بندہ سانوں کیویں اپنا گوشت کھان لئی دے سکدا اے؟‘‘ فیر یسوع نے اُوہناں نوں کہیا،

’’میں تہانوں سچ سچ کہنا آں کہ جدوں تیکر تُسی ابنِ آدم دا گوشت نہ کھاؤ تے اُوہدا لہو نہ پیو، تہاڈے وِچ حیاتی نئیں۔ جیہڑا کوئی میرا گوشت کھاندا تے میرا لہو پیندا اے اُوہدے وِچ ہمیشہ دی حیاتی اے تے میں اُوہنوں آخری دِن فیر توں زندہ کراں گا‘‘(یوحنا6:53۔54)۔

ایہہ گل دلچسپی دا باعث اے کہ کیویں یسوع دی ایس تعلیم نوں اکثر گھوما پھرا کے تے مسخ کر کے پیش کیتا جا چکیا اے۔ کافر رومی شہنشاہوں نے ابتدائی مسیحیاں تے آدم خور ہون دا اِلزام لاہیا۔ ’’ایہہ لوکی رات نوں خُفیہ طور تے ملدے نے تے اِک بندے دا گوشت کھاندے تے اُوہدا لہو پیندے نے۔‘‘ کُج نے کہیا۔ ’’ایہہ اِک مُردہ یہودی دا بدن کھاندے تے اُوہدا لہو پیندے نے،‘‘ دوجیاں نے کہیا۔ فیر، عجیب طور تے، لنگدے ویلے دے نال نال خود مسیحیاں نے ایہو گل کہنی شروع کر دِتی سی۔ میرا قیاس اے کہ مسیح وِچ غیر تبدیل شُدہ کافر لوکی کلیسیاواں وِچ وڑ آئے سن۔ ایناں آیتاں دے روحانی رُخ نوں نہ سمجھدے ہویاں، اُوہناں نے تعلیم دینی شروع کر دِتی کہ عبادت دے دوران روٹی تے مَے اصل وِچ حقیقی بدن تے یسوع دے لہو وِچ تبدیل ہوجاندی اے۔ لیکن بائبل دی ایہہ آیت ایس گل دے بارے چہ گل نئیں کردی۔

’’فیر یسوع نے اُوہناں نوں کہیا، میں تہانوں سچ سچ کہنا آں کہ جدوں تیکر تُسی ابنِ آدم دا گوشت نہ کھاؤ تے اُوہدا لہو نہ پیو، تہاڈے وِچ حیاتی نئیں۔ جیہڑا کوئی میرا گوشت کھاندا تے میرا لہو پیندا اے اُوہدے وِچ ہمیشہ دی حیاتی اے تے میں اُوہنوں آخری دِن فیر توں زندہ کراں گا‘‘(یوحنا6:53۔54)۔

آؤ غور کرنے آں یسوع دا کہن دا کی مطلب نئیں سی، تے فیر غور کرنے آں اُوہدا اصل وِچ مطلب کی سی۔

I۔ پہلی گل، اُوہدے گوشت نوں کھانا تے اُوہدے لہو نوں پیّن دا مطلب کی نئیں ہوندا۔

ایس دا ایہہ مطلب نئیں ہوندا اے کہ خُدا دے کھانے[آخری کھانے] وِچ تقلیب دا عمل رونما ہویا سی۔ کاتھولک واقعی وِچ اُہناں لفظاں دا ترجمہ کردے نے جدوں مسیح نے کہیا، ’’ایہہ میرا بدن اے‘‘ (متی26:26)، ’’ایہہ میرا لہو اے‘‘ (متی26:28)۔ ڈاکٹر تھائیسن Dr. Thiessen نے کہیا،

ایہہ کلیسیا [کاتھولک کلیسیا] ایس گل تے قائم اے کہ کاہن دی تقدیس دے وسیلے نال اُو روٹی تے مَے سچ مچ مسیح دے لہو تے بدن وِچ تبدیل ہو جاندی اے؛ تے کہ ایہہ تقدیس مسیح دی قربانی دا اِک نوا نزرانہ اے (ھنری سی۔ تھائیسن، پی ایچ۔ ڈی۔ Henry C. Thiessen, Ph.D.، سلسلہ بہ سلسلہ علم الہٰیات وِچ تعارفی لیکچرز Introductory Lectures in Systematic Theology، عئیرڈ مینز پبلیشنگ کمپنی، 1949، صفحات427۔428)۔

بپتسمہ یافتہ ہون دی وجہ توں، اَسی ایس نظریہ تے قائم نئیں آں۔

ایس دے علاوہ، اَسی لوتھر مشن آلیاں تے اینجلیکل مشن والیاں دے نال وی متفق نئیں آں، جیہڑے کہندے نے کہ یوخرست دی تقدیس دے بعد یسوع دے بدن تے لہو دا روح رواں تقدیس کی گئی روٹی تے مَے دے نال ہی باہمی طور تے رہندا اے۔ لوتھر نے وِچکار دی اک راہ اپنائی۔ اُوہنے کہیا کہ،

یوخرست لین آلا مسیح دے سچے بدن تے لہو وِچ، اُوہدے نال تے اُوہدے تحت روٹی تے مَے وِچ باہمی شراکت کردا اے۔ اُو اِجزا بذاتِ خود غیر تبدیل شُدہ رہندے نے، لیکن تقدیس دی دعا دے بعد علامتی طور تے اُوہناں دا محض ونڈنا شرکت کرن آلیاں لئی مسیح دے نال مِلانا ہوندا اے۔ ایہہ تقلیبِ عمل [یوخرست دے تقدیس دے بعد مسیح دے بدن تے لہو دا روح رواں تقدیس کیتی گئی روٹی تے مَے دے نال ای باہمی طور تے رہندا اے] دی حیثیت نال منیا جاندا اے… تے بدن تے لہو، کسی پُراِسرار طریقے نال، اصل وِچ یوخرست لین آلے نوں ملدے نے، چاہے اُو ایماندار ہووے یا نا ہووے… [لیکن] یسوع ایہہ اصول دسدا اے: ’’روح حیاتی بخشدی اے؛ جسم نال کوئی فائدہ نئیں اے‘‘…، یوحنا6:63) (تھائیسنThiessen، ibid.، صفحات 428۔429)۔

تاہم، بپٹسٹ اور اصلاح پرستوں میں سے زیادہ تر زوونگلی Zwingli کے نظریے تے قائم نے، کہ اُو

… روٹی تے مَے آسمان وِچ مسیح دے بدن دی غیر موجودگی دی محض یادگاراں نے۔ اُوس دا نظریہ [زوونگلی دا] شروع شروع وِچ اصلاح پرست کلیسیاواں وِچ مؤثر ہوندا گیا… بائبل دا نظریہ مسیح دی موت لئی یادگار دی حیثیت نال خُداوند دے آوس آخری کھانے دی [نمائندگی کردا اے] (تھائیسن Thiessen، ibid.، صفحات 429، 431):

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

’’میری یاد وِچ ایہی کیا کرو‘‘ (1کرنتھیوں11:24)۔

تے پیالہ نال تعلق رکھدے ہوئے، یسوع نے ایہو ای کہیا،

’’جدوں وی اینوں پیو، میری یادگاری لئی پیا کرو‘‘ (1کرنتھیوں11:25)۔

چونکہ خُدا دا آخری کھانا اِک یادگاری اے، ساڈی تلاوت ایس دے بارے وِچ گل نئیں کر سکدی۔ تلاوت دا خُدا دے آخری کھانے دے مقابلے وِچ کِدرے زیادہ گہرا مطلب اے۔

کھان تے پیّن لئ ایتھے یسوع دا حوالہ دو وجوہات دی وجہ توں [خداوند دے آخری کھانے] یوخرست دے فرمان لئی حوالہ نئیں سی: (1) یوخرست نوں ہلے تیکر لاگو نئیں کیتا گیا سی، تے (2) جے یسوع یوخرست دے لئ حوالہ دے رہیا سی تے فیر حوالے دی تعلیم ایہہ ہو سکدی اے کہ ہر کوئی جیہڑا یوخرست نوں لیندا اے دائمی زندگی پائے گا (جان میک آرتھر، ڈی۔ڈی۔ John MacArthur, D.D.، میک آرتھر کا مطالعہ بائبل The MacArthur Study Bible، ورڈ پبلیشنگ Word Publishing، 1997، صفحہ 1593؛ یوحنا6:53۔58 پر غور طلب بات)۔

II دوجی گل، اُوہدے گوست نوں کھان تے اُوہدے لہو نوں پِیّن دا مطلب ہوندا کی اے۔

ایس دا مطلب ہوندا اے کہ مسیح دے کول آنا، جیویں یسوع نے یوحنا6:37 وِچ نشاندہی کیتی،

’’جو کُج باپ مینوں دیندا اے اُو میرے تیکر پہنچ جائے گا تے جیہڑا میرے کول آئے گا میں اُوہنوں اپنے توں جُدا نئیں ہون دیواں گا‘‘ (یوحنا6:37)۔

اوہدا مطلب ایہہ ہوندا اے کہ مسیح وِچ ایمان لہیا کے تبدیل ہون آلی ہستی نجات دی باقی تمام اُمیداں نوں پیچھے چھڈ دیندی اے، تے اصل وِچ جی اُٹھے مسیح دے کول آندی اے۔ پس، مسیح وِچ ایمان لہیا کے تبدیل ہون آلی ہستی مسیح دے گوشت تے لہو وِچ شراکت کردی اے۔ اُو مسیح وِچ ایمان لہیا کے تبدیل ہوئی ہستی ایمان دے وسیلے نال مسیح وِچ متحد ہو جاندی اے۔

ایس دا مطلب ہوندا اے کہ جو کوئی وی مسیح نوں قبول کردا اے اُوہدے کول ہُن دائمی حیاتی آ چکی ہوندی اے۔ ہُن آیت 54 تے نظر پاؤ۔

’’جیہڑا وی میرا گوشت کھاندا تے میرا لہو پیندا اے اُوہدے وِچ ہمیشہ دی حیاتی اے…‘‘ (یوحنا6:54)۔

’’میں تہانوں سچ سچ کہندا واں جیہڑا وی میرے تے ایمان لہیائے گا ہمیشہ دی حیاتی پائے گا‘‘ (یوحنا6:47)۔

لہٰذا، یسوع سانوں واضح طور تے دسدا اے کہ ’’[اُوہدے] گوشت دے کھان تے [اُوہدے] لہو نوں [پِیّن]‘‘ دا مطلب اُوہدے وِچ یقین کرنا ہوندا اے! ایس دا مطلب اُوس [یسوع] دے بارے وِچ گلاں تے یقین کرن توں کہیں زیادہ ہوندا اے۔ ایس دا مطلب اُس [یسوع] ’’تے‘‘ یقین رکھنا ہوندا اے – اُوس [یسوع] تے پرہوسا رکھنا ہوندا اے، اُوہدے کول آنا ہوندا اے۔ جیس لمحے تُسی یسوع دے کول آندے ہو تے اُوس دے نال متحد ہوندے اُو، تہاڈےکول ہمیشہ دی حیاتی آ جاندی اے!

’’میں تہانوں سچ سچ کہنا آں جیہڑا کوئی میرے تے ایمان لہیائے گا ہمیشہ دی حیاتی پائے گا‘‘ (یوحنا6:47)۔

اُوس لمحے وِچ، مسیح دا لہو تہانوں تمام گناہ توں پاک صاف کر دیندا اے۔ اُوس لمحے وِچ، صلیب تے اُوہدی موت تہاڈے گناہ دے خلاف خُدا دے قہر دی تشفی کردی اے، تے تُسی دائمی حیاتی پا جاندے اُو!

تہاڈے ریکارڈ وِچ گناہ درج ہو چکیا اے۔ تے اپنے گناہ دے ریکارڈ توں چھٹکارہ پان لئی ہُور کوئی دوجی راہ نئیں اے ماسوائے تہاڈی تھاں تے مسیح دی موت دے علاوہ – تے اپنے گناہ توں اُوہدے پاک خون دے وسیلے نال پاک صاف ہونا!

اُوہنے اپنے لہو دے پیّن تے کھان دے اِظہار دے انداز نوں مسیح تے ایمان دی اعلیٰ تے افضل قربت دی عکاسی لئی استعمال کیتا اے۔ ایہہ روحانی ملاپ، جیس دے وسیلے نال مسیح ایمانداراں لئی اِک نوی حیاتی تے غذائیت نوں مہیا کردا اے، جیس دی تصویر کشی بعد وِچ [پودے دی] بیل تے شاخاں دے ملاپ دی حیثیت نال کیتی گئی اے (15:1۔8)۔ ایس نوں کدی کدی ’’پُراِسرار ملاپ‘‘ کہیا گیا اے، کیوں جے ایس دی فطرت فہم و سمج توں بالا تر ہوندی اے (مذہبی سُدھار دے مطالعہ بائبل دا روح Spirit of the Reformation Study Bible، ژونڈروان پبلیشنگ ہاؤس، 2003، صفحہ 1713؛ یوحنا6:51۔58 پر غور طلب بات)۔

ایہو ای ایس گل دا مطلب سی جدوں یوحنا رسول نے کہیا،

’’جنیاں نے اُوہنوں قبول کیتا، خُدا نے اُوہناں نوں ایہہ حق بخشیا کہ اُو خُدا دے فرزند بنن‘‘ (یوحنا 1:12).

اُوہنوں قبول کرن دا مطلب ہوندا اے کہ تُسی مسیح یسوع دے نال اِک ’’پُراِسرار ملاپ‘‘ دا تجربہ کردے اُو۔

ڈاکٹر سی۔ ایل۔ کیگنDr. C. L. Cagan، اپنی کتاب ڈاروِن توں تخلیق تیکر From Darwin to Design وچ دسدے نے کہ اُو کیویں مسیح دے کول آئے سی۔

میں یاد کر سکدا آں، بالکل اُوہناں آخیرلے لمحات تیکر، جدوں میں اُوہدے تے پرہوسا کیتا … ایویں لگدا سی جیویں میں فوراً ای اُوہدا سمنا کر رہیا آں … میں یقینی طور تے یسوع مسیح دی موجودگی وچ سی تے اُو یقینی طور تے میرے لئی دستیاب سی … اُوس لمحے وچ، چند اِک لمحات ای دے اندر، میں یسوع دے کول چلا آیا۔ میں یسوع دے کول ’’پار کر کے‘‘ چلا گیا… میں رُخ بدلیا تے براہ راست تے فوراً ای یسوع مسیح دے کول چلا آیا۔ میرا سفر مکمل ہو چُکیا سی۔ ایمان حقیقی سی۔ ایہہ سب توں وڈا ثبوت سی (سی۔ ایل۔ کیگن، پی ایچ۔ ڈی۔ C. L. Cagan, Ph.D.، ڈاروِن توں ڈاروِن توں تخلیق تیکر From Darwin to Design، وائیٹیکر ہاؤس پبلیشرز Whitaker House Publishers، 2006، صفحہ 19)۔

آؤ کھڑے ہوو تے اپنے گیت دے ورق توں حمدوثنا دا گیت نمبر ست گاؤو۔

میری غلامی، دُکھاں تے انیرہیاں توں باہر،
   یسوع، میں آنا واں، یسوع میں آنا واں؛
تیرے نور، شادمانی تے آزادی وِچ داخلے لئی۔
   یسوع، میں تیرے کول آن لئی آنا واں؛
میری بیماری توں نکل کے، تیری تندرسی وِچ،
   میری چاہت توں نکل کے تے تیرے خزانیاں وِچ
میرے گناہ توں باہر تے خود تیری ذات وِچ
   یسوع، میں تیرے کول آن لئی آنا واں؛
(’’یسوع، میں آنا واں Jesus, I Come‘‘ شاعر ولیم ٹی. سلیپر
      William T. Sleeper، 1819۔1904).

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں گیت گایا: ’’اُوہنے میری جان خرید لی He Bought My Soul‘‘
(شاعر سٹیوارٹ حیمبلعن Stuart Hamblen، 1908۔1989)۔