ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مسیح نوں اُوس راتی گتسمنی دے باغ وِچوں گرفتار کیتا گیا سی۔ سپاہی اُوہنوں سینہیڈرن دے کول لے کے آئے سن جیہڑی کاہناں تے اُستاداں دی کونسل سی۔ ایہہ رہنما یسوع نوں سزا دینا چاہندے سن۔ اُوہناں نے یسوع دے بارے چہ جھوٹ بولن لئی بدکار لوکاں نوں تیار رکھیا ہویا سی۔ ایناں جھوٹے گواہاں نے کہیا کہ یسوع نے دعویٰ کیتا سی کہ اُو خُدا دے مَقدس نوں ڈھا کے فیر تِن دِناں وِچ کھڑا کر سکدا اے۔ یسوع نے اُو کدی وی نئیں کہیا سی، لیکن ایناں جھوٹے لوکاں نے فیر وی یسوع تے اِلزام دھریا سی۔ یسوع نے اُوہناں دے سوال دا جواب نئیں دِتا۔ فیر سردار کاہن نے یسوع کولوں اِیس اِلزام دا جواب منگیا۔ بائبل کہندی اے، ’’مگر یسوع خاموش رہیا‘‘ (متی26:63)۔ اُوہنے خاموشی اِختیار کیتے رکھی۔ اُوہنے جواب نئیں دِتا۔

جھوٹے گواہاں نوں جانن دی لوڑ نئیں سی کہ یسوع نے کی کہیا۔ ایہہ اُو لوکی سن جنہاں نوں بائبل وِچ ’’طعنہ زَن‘‘ کہیا گیا اے۔ اُوہناں نوں جواب نئیں چائیدا سی۔ اُو کسی جواب دے مستحق وی نئیں سن۔ تے اُوہناں نوں جواب ملیا وی نئیں سی۔

بائبل کہندی اے کہ یسوع ’’انسان دے دِل دا حال جانندا سی‘‘ (یوحنا2:25)۔ اُو جانندا سی کہ ہر بندہ کی سوچ رہیا سی۔ اُوہنے ہمیشہ دُرست جواب ای دِتا سی۔ اُوہناں طعنہ زَناں نوں، اُوہنے بالکل وی کُج نئیں کہیا سی۔ دوجے لوکاں نوں اُوہنے اِک سنجیدہ جواب دِتا۔ اَج میں لوکاں دے اُوہناں تیناں گروہاں دے بارے چہ گل کرن جا رہیا آں جنہاں نوں یسوع نے کیویں جواب دِتے سن۔

I۔ پہلا گروہ، یسوع نے طعنہ زَناں نوں کیویں جواب دِتا۔

کُج لوکاں نے یسوع نال گل کیتی سی لیکن اصل وِچ [اُوہناں نوں] اِک جواب نئیں چائیدا سی۔ اُو مخالف سن۔ اُو یسوع دے خلاف سن۔ اُوہناں وِچوں کُج تے اَج کل دے لفظاں وِچ ’’اُوہنوں نیوا وکھان‘‘ لئی کوششاں کر رئے سن۔ دوجے اُوہنوں مشکل وِچ پانا چاہندے سن۔ میں اُوہناں لوکاں نوں ’’طعنہ زَن‘‘ کہواں گا۔ اُوہناں وِچوں کُج نے کی کہیا تے مسیح نے اُوہناں دا جواب کیویں دِتا، آؤ اُوہنوں سُننے آں۔

اُوہدے مصلوب کیتے جان توں کُج دِن پہلاں، یسوع ہیکل وِچ گلاں کر رہیا سی۔ بائبل کہندی اے، ’’شریعت دے عالماں تے سردار کاہناں نے اُوسی ویلے اُوہنوں پھڑن دی کوشش کیتی‘‘ (لوقا20:19)۔ اُو ’’اُوہدی تاک وِچ لگے رئے تے اُوہناں نے راستبازاں دے بھیس وِچ جاسوس پیجھے تاں جے اُوہدی کوئی گل پھڑ سکن تے فیر اُوہنوں حاکم دے قبضۂ اِختیار وِچ دے دَین‘‘ (لوقا20:20)۔ جاسوس مسیح دے کول آئے تے اُوہدے کولوں اِک سوال پُچھیا۔ اُو کوئی ایماندارانہ سوال نئیں سی۔ اُو یسوع نوں اُوہدے ای لفظاں وِچ پھسانا چاہندے سن۔ اُو اُوہنوں مشکل چہ پانا چاہندے سن۔ اُوہناں نے کہیا، ’’اُے اُستاد، اَسی جاننے واں کہ توں سچا اے تے سچائی دی تعلیم دیندا اے تے کسی دی طرفداری نئیں کردا بلکہ سچائی نال خُدا دی تعلیم دیندا ایں: کی ساڈے لئی قیصر نوں ٹیکس دینا روا اے یا نئیں؟‘‘ (لوقا20:21، 22)۔ ’’کی سانوں روم نوں اپنے ٹیکس ادا کرنے چائیدے نے یا نئیں؟‘‘ جے یسوع کہندا ’’نئیں‘‘ تے اُو اُوہنوں روم دے نال مشکل چہ پا دیندے۔ لیکن مسیح نے اُوہناں دی چالاکی نوں سمجھ لہیا اُوہنے اُوہناں نوں کہیا، ’’مینوں اِک دینار لہیا کے وکھاؤ، اُوہدے تے کیدی تصویر اے تے کیدا ناں لکھیا ہویا اے؟ اُوہناں نے جواب دِتا، قیصر دا۔ تے اُوہنے اُوہناں نوں کہیا، جیہڑا قیصر دا اے قیصر نوں تے جیہڑا خُدا دا اے خُدا نوں ادا کرو‘‘ (لوقا20:24، 25)۔ مسیح جال وِچ نئیں پھنسیا سی۔ فیر اُوہنے گفتگو دا رُخ اُوہناں وَل ای موڑ دِتا۔ اُوہنے کہیا، ’’جیہڑا خُدا دا اے خُدا نوں ادا کرو‘‘ (لوقا20:25)۔ اُوہنے اُوہناں نوں اِک جواب دِتا سی، تے فیر اُوہنے اُوہناں نوں خُدا نوں نا جانن تے محبت نہ کرن دے اُوہناں دے گناہ دے بارے وِچ اُوہناں نوں یاد دہانی کرائی۔ بائبل کہندی اے، ’’اُو لوکاں دے سامنے اُوہدی کوئی گل نئیں پھڑ سکے بلکہ اُوہدے جواب توں دَنگ ہو کے چُپ رہ گئے‘‘ (لوقا20:26)۔

تے دوجے وقت تے، شریعت دے عالماں تے فریسیاں نے کہیا، ’’اے اُستاد، اَسی تیرے کولوں کوئی نشان ویکھنا چاہنے آں‘‘ (متی12:38)۔ اِک ’’نشان‘‘ دا مطلب ہوندا اے اِک معجزہ۔ اُوہناں نے اُوہنوں معجزہ کرن تے اُکسان دی کوشش کیتی سی۔ اُو یسوع تے پرہوسا کرنا نئیں چاہندے سن۔ اُوہناں نوں کوئی دلچسپی نئیں سی۔ ایس لئی یسوع نے اُوہناں لئی کوئی معجزہ نئیں کیتا۔ اُوہنے کہیا،

’’اُوس زمانے دے بُرے تے حرام کار لوکی نشان ویکھنا چاہندے نے مگر اُوہناں نوں یوناہ نبی دے نشان دے سِوا کوئی ہور نشان نئیں دِتا جائے گا۔ کیوں جے جیویں یوناہ تِن دِن تے تِن راتاں مچھلی دے ٹِڈھ وِچ رہیا اُویں ای اِبنِ آدم تِن دِن تے تِن راتاں زمین دے اندر رئے گا‘‘

یسوع نے گلاں دا رُخ اُوہناں وَل ای موڑ دِتا سی۔ اُوہنے اُوہناں نوں ’’بُرے تے حرامکار لوکی‘‘ کہیا۔ اُوس نے اُوہناں نوں یوناہ نبی دے نشان دے عِلاوہ ہور کوئی وی نشان پیش نئیں کیتا۔ جیویں یوناہ سمندر دی مخلوق دے ٹِڈھ وِچ سی تے باہر آیا، ایویں ای یسوع مرے گا، دفنایا جاوے گا تے فیر جی اُٹھے گا۔ مسیح دی موت، دفنایا جان تے مُردیاں وِچوں جی اُٹھنا اُوہناں دا واحد نشان سی۔ اُوہنوں اپنا لیہندے یا چھڈ دیندے!

جدوں یسوع نوں پاک جمعہ دے روز مصلوب کِیتا گیا سی، تے اُوتھے طعنہ زَن سن جیہڑے اُوہدے تے چیخے تے چِلائے سن۔ سردار کاہن تے شریعت دے عالماں تے بزرگاں نے اُوہدا مخُول اُڑایا سی، ایہہ کہندے ہویاں،

’’اینے ہوراں نوں بچایا لیکن اپنے آپ نوں نئیں بچا سکیا، ایہہ تے اسرائیل دا بادشاہ اے جے ہُن وی صلیب تو لتھ آئے تے اَسی اہدے تے ایمان لے آواں گے۔ اِیدا توکل خُدا تے اے؛ جے خدا اینوں چاہندا اے تے ہُن وی اینوں بچا لئے گا: کیوں جے اینے کہیا سی کہ میں خُدا دا پُتر آں‘‘ (متی27:42، 43)۔

ایس گل دا کِدرے وی اندراج نئیں اے کہ مسیح نے اُوہناں نوں جواب دِتا سی۔ اُو جواب پان دے مستحق نئیں سن، تے مسیح نے اُوہناں نوں کوئی وی جواب نئیں دِتا سی۔

جدوں مسیح نوں مصلوب کیتا گیا تے اُوہدے نال دو ڈاکوواں نوں وی مصلوب کیتا گیا سی، اِک نوں اُوہدے سجے تے دوجے نوں اُوہدے کھبے پاسے۔ اُوہناں وِچوں اِک نے ’’اُوہنوں [یسوع نوں] طعنہ دیندے ہوئے کہیا، جے تو مسیح اے تے اپنے آپ نوں تے سانوں بچا‘‘ (لوقا23:39)۔ ایس گل دا کیدرے وی اندراج نئیں اے کہ مسیح نے اُس بندے دی گل دا کوئی جواب دِتا سی۔ اُو مسیح تے پرہوسا کرنا ای نئیں چاہندا سی۔ اُوہنوں جواب چائیدا اے نئیں سی۔ تے اُوہنوں کوئی جواب ملیا وی نئیں۔ مسیح طعنہ زَناں دے نال سخت تے سیدھا سی۔ اُوہنے اُوہی کہیا جِنوں سُنن دے اُو مستحق سن۔ تے ہُن میں گل کراں گا کیویں مسیح نے ایک مختلف قسم دے بندے دی گل دا جواب دِتا۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

II۔ دوجا گروہ، یسوع نے متجسس لوکاں نوں کیویں جواب دِتا سی۔

کُج لوکی مسیح دے نال طعنہ زَناں وانگوں گل نئیں کردے سن۔ اُو اُوہدے تے پرہوسا تے نئیں کردے سن لیکن فیر وی اُو اُوس گل نوں سُنن وِچ دلچسپی رکھدے سن جیہڑی اُوہنے کہی سی۔ کُج لوکی دوجے لوکاں دے مقابلے چہ زیادہ آزادانہ طور تے گل کردے سن۔ اُو سارے دے سارے متجسس سن۔ سُنو مسیح نے کیویں اُوہناں دی گل دا جواب دِتا

اِک امیر نوجوان حکمران یسوع دے کول آیا۔ اُو مذہبی سی۔ اُوہنے اِک اخلاقی زندگی بسر کیتی سی۔ اُوہنوں خُدا تے بڑا غرور سی۔ اُوہدے یسوع دے نال گل بات وی ہو چکی سی۔ اُو سُننا چاہندا سی مسیح نوں کی کہنا سی۔ اُوہنے کہیا، ’’اے نیک اُستاد، میں کی کراں کہ ہمیشہ دی زندگی دا وارث بناں؟‘‘ (لوقا18:18)۔ یسوع نے اُوہنوں دس احکامات دی یاد دہانی کرائی۔ اُوس نوجوان بندے نے دسیا کہ اُو کیویں چنگی طرح نال اُوہناں تے عمل کردا رہیا سی، ’’ایناں ساریاں گلاں تے تے میں لڑکپن توں عمل کردا آ رہیا آں‘‘ (لوقا18:21)۔ فیر مسیح نے اُوس نوجوان بندے دے گناہ وَل اشارہ کیتا۔ اُوہنے اُوس نوں کہیا، ’’اِک گل تے عمل کرنا ہُنے باقی اے۔ اپنا سب کُج بیچ دے تے رقم غریباں وِچ ونڈ دے تے تینوں آسمان وِچ خزانہ لبھے گا۔ فیر آ کے میرے پیچھے ہو لئیں‘‘ (لوقا18:22)۔ ایہہ گل نشانے تے لگی۔ اُوس نوجوان بندے نوں اپنی دولت دے نال پیار سی تے اُو اُوہنوں چھڈنا نئیں چاہندا سی تے یسوع دے پیچھے نئیں آنا چاہندا سی۔ بائبل کہندی اے، ’’جدوں اُوس نوجوان نے ایہہ گل سُنی تے غمگین ہو کے ٹُر گیا کیوں جے اُو بہت دولت مند سی‘‘ (متی19:22)۔ یسوع نے اُوہنوں بالکل اُوہی جواب دِتا سی جِیدی اُوہنوں لُوڑ سی۔ اُوہنے اُوس بندے نوں جواب دِتا سی، اُوہدا سامنا اُوہدے گناہ دے نال کروایا سی۔

اِک دِن مسیح سامریہ وِچوں لہنگیا، ایہہ اِک تھاں اے جیتھے مذہبی یہودی جان توں اِتراندے سن۔ اُوہنے اِک سامری عورت دے نال گل کیتی – جیہڑی فریسی کدی وی نئیں کردے – تے اُوہدے کولوں پانی منگیا۔ اُو عورت حیران ہوئی کہ یسوع نے اُوہدے نال گل کیتی سی۔ یسوع نے کہیا، ’’جے توں خُدا دی بخشش نوں جانندی تے ایہہ وی کہ کون تیرے کولوں پانی منگ رہیا اے تے توں میرے کولوں منگدی تے میں تینوں ہمیشہ دی حیاتی دا پانی دیندا، تے تینوں فیر دوبارہ کدی وی ترّے نہ لگدی۔‘‘ اُوس عورت نے کہیا، ’’اے خُداوند، مینوں وی ایہہ پانی دے‘‘ (یوحنا4:15)۔ فیر یسوع نے اُوہنوں اُو جواب دِتا جِنوں سُنن دی اُوس عورت نوں لوڑ سی۔ اُو خُدا دا پُتر سی، تے اُو اُوہدے بارے چہ اُوہنوں ملن توں پہلاں ای جانندا سی۔ اُوہنے کہیا، ’’جا اپنے شوہر نوں سَد لہیا… توں پنج شوہر کر چکی اے تے جیس دے کول توں ہُن رہندی اے اُو بندہ وہ تیرا شوہر نئیں اے‘‘ (یوحنا4:16، 18)۔ اُوہنے اُوس دے گناہ تے اپنی انگلی رکھی سی۔ اُو روحانی طور تے بیدار ہو گئی۔ اُوہنے یسوع نوں دَسیا ’’میں جاننی واں کہ جِنہوں مسیح کہنے آں اُو آن آلا اے‘‘ (یوحنا4:25)۔ یسوع نے اُوہنوں جواب دِتا، ’’میں جیہڑا تیرے نال گلاں کر رہیا آں، اُوہی تے آں (یوحنا4:26)۔ اُوہنے یسوع تے پرہوسا کیتا تے بچائی گئی! اُو عورت سخت دِل تے مغرور نئیں سی جیویں اُو دولت مند حکمران سی۔ اُو جانندی سی کہ اُو اِک گنہگار سی۔ یسوع نوں جو کہنا سی اُو سُنن لئی تیار سی۔ یسوع نے اُوہدے نال بالکل صحیح طریقے نال گل کیتی سی۔ اُوہنے اُوہدی دلچسپی دائمی حیاتی دے حیاتی بخشن آلے پانی وِچ پیدا کیتی سی۔ فیر اُوہنے اُوہدے نال اُوس دے گناہ دی گل کیتی سی۔ آخیر وِچ اُوہنے اُوس دی رہنمائی اپنے تیکر کیتی سی۔

ہُن میں اِک ہور بندے دے بارے وِچ گل کرنا چاہنا واں۔ نیکودیمس اِک فریسی سی، یہودیاں دا اِک ربّی، اِک حاکم (یوحنا3:1)۔ یسوع نے اُوہنوں ’’بنی اسرائیل دا اُستاد‘‘ کہیا سی (یوحنا3:10)۔ خالص یونانی کہندے نے کہ نیکودیمس ’’اُوس اسرائیل دا اُستاد‘‘ سی۔ اُو اُوس زمانے دا اِک عظیم ترین یہودی اُستاد سی۔

نیکودیمس یسوع تے پرہوسا کرن لئی تیار نئیں سی۔ اُو یسوع دے کول چُھپ چُھپا کے ’’رات نوں‘‘ آیا سی، تاکہ کوئی اُوہنوں ویکھ نہ لے۔ لیکن اُو متجسس سی، تے ہُور زیادہ سیکھنا چاہندا سی۔ اُوہنے یسوع دے خُدا وَلوں آئے ہوئے اِک اُستاد دی حیثیت نال ستائش کیتی سی (یوحنا3:2)۔ یسوع نے اُوہنوں اِک جواب پیش کِیتا سی جیس دی اُوہنوں توقع نئیں سی، ’’جدوں تیکر کوئی نوے سرے توں پیدا نئیں ہوندا اُو خُدا دی بادشاہی نوں نئیں ویکھ سکدا‘‘ (یوحنا3:3)۔ اُوہنے روحانی پیدائش دے بارے چہ گل کیتی سی تے کہیا، ’’تیرا نوے سرے توں پیدا ہونا لازمی اے‘‘ (یوحنا3:7)۔

فیر یسوع نے اُوہنوں خود اپنی قربانی دے ذریعے نال نجات دے بارے چہ دَسیا۔ اُوہنے کہیا، ’’جیویں موسیٰ نے بیابان چہ پیتل دے سَپ نوں لکڑ تے لمکا کے اُچا کیتا اُوویں ضروری اے کہ ابنِ آدم [خود یسوع] نوں وی بُلند کیتا جائے: تاکہ جیہڑا کوئی اُوہدے تے ایمان لہیائے ہمیشہ دی حیاتی پائے‘‘ (یوحنا3:14، 15)۔ مسیح نے بالکل اُوہی کہیا سی جیدی اُس رَبّی نوں سُنن دی لوڑ سی۔ ایہہ گل نیکودیمس دے ذہن وِچ ٹکی رئی سی کیونکہ مسیح دے مرن دے بعد اُوہنے تے ارمیتیا دے یوسف نے یسوع دی لاش نوں لے کے اُوہنوں خوشبودار مسالے سمیت اِک سوتی چادر وِچ کفنایا (یوحنا19:38۔40)۔ حالانکہ کاہن تے رومی یسوع نال نفرت کردے سن، نیکودیمس یسوع دے نال اُس انتہائی دِن تیکر جدوں اُوہنوں مصلوب کیتا گیا سی کِھلوتا رہیا سی۔ روایت سانوں دسدی اے کہ اُو اِک مسیحی بن گیا سی۔

یسوع نے ہمیشہ ہر کسی نوں درست جواب دِتا۔ متجسس لوکاں نوں، اُوہنے مذید ہُور اَگے وَل نشاندہی کیتی – اُوہناں دے گناہ دی تے اپنی جانب۔ لیکن اِک تیجی قسم دے لوکی وی سن، تے مسیح نے اُوہناں نوں مختلف طریقے نال جواب دِتا۔

III۔ تیجا گروہ، یسوع نے سزایافتہ گنہگاراں نوں کیویں جواب دِتا۔

یسوع اُوہناں گنہگاراں نال جیہڑے اُہدے کول آندے سن محبت بھرا تے معاف کر دین آلا روئیہ اِختیار کردا سی۔ فریسی ایہو جئے لوکاں نوں غیرمناسب قرار دیندے سن۔ لیکن یسوع ایویں نئیں کردا سی۔ اُو اُوہناں نوں نئیں دسیا کردا سی کہ اُوہناں دے نال کیہڑی گل غلط اے۔ اُو شاید ای کوئی گل کردا سی۔ ایدے بجائے، اُو اُوہناں نوں سرے توں ای معاف کر دیا کردا سی! تہاڈے وِچوں کُج اُوہناں فریسیاں وانگر ہون گے، حیرت وِچ مبتلا تے مجروع کہ بدکار لوکاں نوں ایویں آسانی نال ای بچایا جائے گا، بغیر کسی مشاورت دے فوراً معاف کر دِتا جانا۔ لیکن ایہو ای سی جیہڑا یسوع نے کیتا سی۔ یسوع نے جو کِیتا ساڈے تے ظاہر کردا اے کہ اُو گنہگاراں نال کِینی محبت کردا سی تے گنہگاراں نوں معاف کر دا سی۔

اِک دِن یسوع یریحو گیا۔ اُوتھے اُوہدی ملاقات زکائی نال ہوئی۔ زکائی محصول لین آلیاں دا انچارج سی۔ اُو لوکاں کولوں روم نوں ٹیکس ادا کرن لئی بھتہ وصول کردا سی، تے اُوہدے وِچوں بے شمار پیسے اپنے لئی رکھ لہیا کردا سی۔ زکائی اِک گنہگار سی، جیدے کولوں سارے نفرت کردے سی۔ لیکن اُوہنے مسیح نوں کہیا، ’’ویکھ اے خُداوند، میں اپنا اَدھا مال غریباں نوں دینا واں تے جے میں دھوکے نال کسی دا کُج لیا اے تے اُوہدا چار گُنا واپس کرنا آں‘‘ (لوقا19:8)۔ اُوہناں چند لفظاں وِچ، زکائی نے اپنے گناہ دا اعتراف کیتا تے یسوع نوں ’’خُداوند‘‘ کہیا۔ اُوہنے ’’گنہگاراں دی کوئی دعا‘‘ نئیں کیتی سی۔ اُوہنے صحیح الفاظ ادا نئیں کیتے سی۔ اُو محض اِک سزایافتہ گنہگار سی جینے یسوع وَل رُخ کیتا سی۔ ایہو ای سب کُج سی۔ نجات دہند نے کہیا، اِبنِ آدم گم شُدہ نوں لبھن تے بچان لئی آیا اے‘‘ (لوقا19:10)۔ ایہو ای وجہ سی کہ اُو آیا سی۔ تے یسوع نے کہیا، ’’اَج ایس گھر وِچ نجات آئی اے‘‘ (لوقا19:9)۔ اُوس ٹیکس وصول کرن آلے نے نجات پائی سی۔

جدوں مسیح نوں مصلوب کیتا گیا سی، اُوہدے نال دو ڈاکوواں نوں وی مصلوب کیتا گیا سی، اِک نوں اُوہدے سجّے پاسے تے اِک نوں اُوہدے کھبے پاسے۔ اُوہناں وِچوں اِک نے یسوع نے طعنہ ماریا۔ اُوہنے کہیا، ’’جے توں مسیح اے تے خود نوں تے سانوں بچا لے‘‘ (لوقا23:39)۔ ایس گل دا کیدرے وی کوئی اندراج نئیں اے کہ یسوع نے اُوس بندے نوں سرے توں کوئی جواب دِتا ہووے۔

دوجے ڈاکو نے اپنے نال آلے نوں جھڑکیا تے کہیا، ’’کی تینوں خُدا دا خوف نئیں اے حالانکہ توں خود وی اُوہی سزا پا رہیا اے؟ اَسی تے اپنے جرماں دی سزا پا رئے آں تے ساڈا قتل کیتا جانا واجب اے لیکن اینے کوئی غلط کم نئیں کیتا اے‘‘ (لوقا23:40، 41)۔ اُوہنے اقرار کیتا سی کہ اُو اِک گنہگار سی تے سزا دا مستحق سی، جدوں کہ یسوع نے کوئی خطا نئیں کیتی سی۔ اُو بندہ اپنے گناہ دی سزایابی وِچ سی۔ فیر اُوہنے مسیح نوں کہیا، ’’اے خُداوند، جدوں توں بادشاہ بن کے آئے تے مینوں وی یاد رکھِیں‘‘ (لوقا23:42)۔

ایہہ ڈاکو فریسی وانگوں نئیں سی۔ اُو ہیکل وِچ نئیں گیا سی۔ اُو بائبل دے بارے چہ بہت زیادہ نئیں جانندا سی۔ اُو اِک ڈاکو سی – اُو ’’نیک‘‘ لوکاں وِچوں اِک نئیں سی۔ او نئیں جانندا سی دعا کیویں منگی جاندی اے یا کی کہنا چائیدا اے۔ لہٰذا اُوہنے سادگی نال کہیا، ’’اے خُداوند جدوں توں بادشاہ بن کے آئے تے مینوں وی یاد رکھیں۔‘‘

اپنے دِل چہ اُو اِک سزا یافتہ گنہگار سی۔ اُو جانندا سی کہ اُو بدکار سی۔ اُوہنے مسیح وَل رُخ کیتا سی تے اُو چند الفاظ کہے سن، ’’اے خُداوند، جدوں توں بادشاہ بن کے آئے تے مینوں وی یاد رکھیں۔‘‘ اُوہنے ’’گنہگاراں دی دعا‘‘ نئیں کہی سی۔ اُوہدے الفاظ ’’دُرست الفاظ‘‘ نئیں سن۔ اُوہنے فقط اُوہی کہیا جیہڑا اُوہنے کہیا۔ لیکن ’’اِبنِ آدم گمشُدہ نوں لبھن دے بچان آیا اے‘‘ (لوقا19:10)۔ یسوع نے ڈاکوں نوں اُوہدے گناہ تے ملامت نئیں کیتی سی۔ اُوہنے اُوہدے لفظاں دا معائنہ نئیں کیتا سی۔ اُوہنے اُوس بندے کولوں کسی وی گل دا کوئی وی تقاضا نئیں کیتا سی۔ ایدے بجائے اُوہنے کہیا، ’’توں اَج ای میرے نال فردوس وِچ ہووے گا‘‘ (لوقا23:43)۔ اُوس ڈاکو نے اُوتھے ای تے اُوسے ویلے نجات پا لئی سی!

اِک دِن یسوع نوں اِک فریسی دے گھر کھان لئی مدعو کیتا گیا۔ اِک عورت اندر داخل ہوئی۔ اُو اِک ’’گنہگار‘‘ سی (لوقا7:37)۔ تے اُو ایہہ گل جانندی سی۔ اُوہنے ’’یسوع دے پیراں دے کول پیچھے کھلو کے رونا شروع کر دِتا تے اپنے اتھروواں نال اُوہدے پیراں نوں بھگون لگی تے اپنے سر دے والاں نال اُوہناں نوں پُنج کے بار بار اُوہناں نوں چومن لگی تے عطر نال اُوہناں نوں مسح کرن لگی‘‘ (لوقا7:38)۔ اُوہنے یسوع کولوں کُج نئیں منگیا سی۔ اُوہنے یسوع دے نال کوئی گل وی نئیں کیتی سی۔ اُو بے وقعت سی۔ اُو یسوع دے پیراں وِچ اپنے اتھرو، اپنے بوسے تے اپنا عطر لے کے آئی سی۔

یسوع نے اُوہنوں اُوتھے تے اُوسی ویلے نجات دِتی سی۔ اُوہنے کوئی گل وی نئیں کِیتی سی۔ اُوہدے عملاں نے گل کیتی سی۔ مسیح نے اُوہدے کولوں کُج وی نئیں پُچھیا سی۔ اُوہنے اُوہنوں کرن لئی کُج وی نئیں کہیا سی۔ اُوہنے اُوہدے کولوں اُوہدے گناہ دے بارے چہ گل نئیں کیتی سی۔ اُوہنے اُو کی یقین رکھدی سی ایہہ جانن دی وی کوشش نئیں کِیتی سی۔ اُوہنے بالکل وہ اُوہدی مشاورت نئیں کیتی سی۔ اُوہنے اُوہنوں صرف اِینا ای کہیا سی، ’’تیرے گناہ معاف ہوئے‘‘ (لوقا7:48)۔ یسوع نے اُوہنوں فوراً ای معاف کر دِتا سی!

ڈاکٹر ہائیمرز تے میں ساڈے کول گل بات کرنے لئے آن آلے سزایابی چہ مبتلا گنہگاراں نوں ویکھ چکے آں۔ اَسی شاید ای اُوہناں نوں کُج کہیا سی۔ اُوہناں نے یسوع تے اُوسی ویلے تے اُوتھے ای پرہوسا کیتا سی تے اُوہناں نے ہمیشہ لئی نجات پا لئی سی۔

میں تہاڈے کولوں پُچھنا آں، اَج دی سویر تُسی یسوع دے نال کیتھے کِھلوتے اُو؟ میں اُمید کرنا واں کہ تُسی طعنہ زَن نئیں اُو۔ تہاڈے وِچوں کُج متجسس نے۔ تُسی تعجب کرو گے کہ میں تہانوں کی کہواں گا، یا تُسی کی سِکھ سکدے اُو۔ جے تُسی تجسس دے تحت آئے اُو تے تُسی کدی وی یسوع نوں نئیں لبھ پاؤ گے پاویں تُسی کِنی ای سخت کوشش کر لؤ، پاویں تُسی کِنا ای کُج سِکھ لؤ۔ لیکن جے تُسی سزایابی وِچ اِک گنہگار اُو تے اُو تہانوں اُوسی ویلے لبھ لئے گا! مسیح تے پرہوسا کرو تے اُو تہاڈے گناہ اپنے لہو وِچ دھو ڈالے گا۔ اُو تہانوں اِک لمحے وِچ ای بچا لئے گا۔ جے تُسی مسیح تے پرہوسا کرن دے بارے چہ میرے نال گل بات کرنا چاہو، تے مہربانی نال آؤ تے پہلی دو قطاراں تے تشریف رکھو۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلیاں گیت مسٹر جیک نعان Mr. Jack Ngann نے گایا سی:
’’تُسی یسوع دے نال کی کرو گے؟What Will You Do With Jesus?‘‘
(شاعر اے۔ بی۔ سِمپسن A. B. Simpson، 1843۔1919)۔