ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

تقریباً دو وریاں پہلاں ساڈے گرجا گھر نے مینوں خوشخبری دی منادی کرن لئی انڈیا بھیجیا سی۔ میں غریب پنڈ تے وڈے وڈے شہراں وچ گیا۔ اُو جگہ پُر ہجوم سی! ریاست ہائے متحدہ دی اِک تہائی زمین وچ جِنے لوکی ہوندے نے انڈیا وچ اُوہدے چار گُنا ودھ لوکی سن – لہٰذا ایہہ ساڈے مُلک توں بارہ گُنا ودھ پُر ہجوم اے۔ شہراں وچ، میں اِک توں بعد اِک سڑک، میل در میل، لوکاں نوں تِن یا چار فٹ دے فاصلے نال کھلوتے ہوئے یا بیٹھے ہوئے ویکھیا تے دُکاناں صرف دس یا بارہ فٹ چوڑی سن۔

ایہہ لاتعداد لکھاں لوکی روحانی تاریکی وچ جیندے تے مر جاندے نے۔ میں غریب لوکاں نوں ننگے پیر ہندو بُتاں نوں چاول تے پھل نذر چڑھان لئی جاندے ہوئے ویکھیا۔ اِک شہر وچ میں اِک مینار تے چڑھیا۔ میں تھلے نظر دوڑائی تے سینکڑاں ہزاراں لوکاں نوں اِک وسیع انسانی چونٹیاں دے گھروندے دی وانگوں ویکھیا۔ اُوہناں وچوں کِنے گھٹ لوکاں نے مسیح تے پرہوسا کیتا! لکھاں ایس راہ یا اُوس راہ تے دوڑے – ابلیس دے ذریعے نال روحانی دھوکے وچ جکڑے ہوئے – سب دے سب مسیح دے بغیر۔

میں افریقہ وچ تِن ملکاں چہ گیا۔ ایہہ کوئی مختلف نئیں سی۔ اوتھے لکھاں لوکی جلد بازی وچ سی تے نسدے پھردے سی – لیکن کِنے گھٹ لوکی مسیح وچ ایمان لہیا کے تبدیل شُدہ سی! وریاں پہلاں میں کاروبار دے سلسلے چہ نیویارک شہر گیا سی۔ کی اُو مختلف سی؟ فیر میں ان گنت ہزاراں لوکاں نوں اِک دوجے نال رگڑ کھاندے ہوئے، بغیر گلاں کردے ہوئے سڑکاں تے جاندے ہوئے ویکھیا، جیہڑے دولت دے جھوٹے خدا نوں لبھ رئے سی۔ کُج ناں دے کاتھولک تے پروٹسٹنٹ سی – لیکن کِنے گھٹ لوکاں نے نجات پائی ہوئی سی!

تقریباً وی وریاں پہلاں ساڈے گرجا گھر نے مینوں اسرائیل بھیجیا سی۔ میں یروشلیم دے شہر نوں ویکھن گیا۔ کی اُو مختلف سی؟ جی نئیں۔ فیر اوہی اِک وسیع انسانی چونٹیاں دا گھروندا سی جِتھے لوکی ایس راہ یا اُوس راہ تے تیزی نال آ جا رئے سی۔ اُوہناں وچوں بے شمار مذہبی سی۔ کُج سیاہ لباس زیب تن کیتے ہوئے سی۔ اُو ہر ہفتے، عادتاً مذہبی جلسیاں وچ جاندے سی۔ اُوہناں وچوں کِنے گھٹ لوکاں دی زندگی دائمی سی!

سال دے ایناں وقتاں چہ، جِنوں کاتھولک ’’روزہ‘‘ کہندے نے جیہڑا ایسٹر تیکر چلدا اے، اسی یسوع دے مرن توں اِک ہفتے پہلاں نوں یاد کردے نے، خصوصی طور تے اُوہدی موت تے مُردیاں وچوں فیر جی اُٹھن۔ یروشلیم وچ دو ہزار وریاں پہلاں، کی ایدے توں مختلف سی؟ جی نئیں، اُو مختلف نئیں سی۔ انسانی فطرت ہمیشہ وانگوں انج دی ای سی – گواچی ہوئی تے مسخ شُدہ۔ اُو انج دی کیوں نہ ہوندی؟ یروشلیم وچ انسانیت نے – ایتھوں تیکر کہ اپنی بہترین سطح تے – اپنی بہترین ذات نوں ظاہر کیتا، تے خُدا دے پُتر نوں مصلوب کر دِتا۔ اوتھے جو کُج ہویا ساڈے تے دو اہم گلاں ظاہر کردا اے۔

I۔ پہلی گل، بے شمار لوکاں نے مسیح نوں مسترد کر دِتا۔

لوکاں دی اِک کثیر تعداد نے نجات دے بغیر ای حیاتی بسر کیتی تے مر گئے۔ بائبل کہندی اے، ’’کوئی راستباز نئیں، نئیں، اِک وی نئیں: کوئی وی سمجھدار نئیں اے، کوئی خُدا دا طالب نئیں، سب دے سب گمراہ ہو گئے، اُو کسے کم دے نئیں رئے؛ کوئی نئیں جیہڑا بھلائی کردا ہو، اِک وی نئیں‘‘ (رومیوں 3:10۔12). فیر بائبل کہندی اے، ’’اُو تمام دے تمام گناہ دے قابو وچ نے‘‘ (رومیوں 3:9). سب آدم دی اولاد نے، جیہڑا خُدا دے خلاف بغاوت تے خودغرضی وچ اِک دِل دے نال پیدا ہوئے نے۔ تُسی آدم دے اِک بچے اُو، جیہڑے گناہ وچ اِک دِل دے نال پیدا ہوئے اُو۔ کوئی شاید سوچے، ’’ایہہ گل ٹھیک نئیں اے کہ ایس قدر زیادہ لوکی گواچے نے۔‘‘ تے جواب اے، ’’سارے گواچے نے تے سزا دے مستحق نے۔ ایہہ فضل دا اِک معجزہ اے کہ کوئی نجات پا چُکیا اے۔‘‘ صرف چُنے ہوئے لوکی ای اُوس فضل نوں پاندے نے تے نجات یافتہ نے۔ ساڈی تلاوت کہندی اے، ’’کیوں جے بُلائے ہوئے تے بہت نے لیکن چُنے ہوئے گھٹ نے۔‘‘ لوکاں دی اِک بہت کثیر تعداد مسیح تے پرہوسا کیتے بغیر ای حیاتی بسر کردی تے مر جاندی اے۔ اُوس ہفتے وچ یروشلیم وچ لوکاں دے بارے وچ سوچو۔

پہلاں، اوتھے اُو ہجوم سی۔ یقین دہانی لئی، جدوں کھجوراں دے اِتوار نوں یروشلیم وچ اُو سواری کردا ہویا داخل ہویا۔ جذبات نال لبریز دیوانہ وار اُو چیخے سن، ’’ابنِ داؤد نوں ہوشعنا: مبارک اے اُو جیہڑا خُدا دے ناں توں آندا اے؛ عالم بالا تے ہوشعنا‘‘ (متی 21:9). لیکن کی اُوہناں نے نجات دہندہ تے پرہوسا کیتا سی؟ جی نئیں، اُو صرف جذبات وچ آ کے چیخے سن، بالکل جیویں اج ہجوماں وچ لوکی کردے نے۔ آخیر نوں، یسوع اُوس ویلے دی معزز ہستی سی۔ یسوع اُو مبلغ سی جِنے بیماراں نوں شفا دِتی سی تے مُردیاں نوں زندہ کیتا سی۔ شاید اُو اسرائیل نوں رومیوں توں آزاد کروا دے۔ اُوہناں نے حوصلہ افزائی کیتی تے خوشی نال نعرے لائے، جیویں کہ لوکی اَج کل مشہور ہستیاں تے کھلاڑیاں دی حوصلہ افزائی کردے نے۔ لیکن پنج دِن بعد، جدوں مسیح پیلاطُس دے اگے کھلوتا سی، ’’اوہی لوکی ایہہ کہندے ہوئے چیخے، اینوں صلیب دو، اینوں صلیب دو‘‘ (لوقا 23:21). ایہہ سب جذبہ سی، مسیح وچ پرہوسا نئیں سی۔ ہجوم نے نجات دہندہ دی موت لئی چیخاں ماریاں سن۔

فیر اُوتھے رومی سن۔ اُو تلوار دے زور تے اسرائیل تے حکمرانی کردے سن۔ کوئی وی اُوہدے خلاف اپنے ہتھ اُوچے نئیں کر سکدا سی۔ کوئی وی اپنے آپ نوں بادشاہ نئیں کہلا سکدا سی تے ایدی سزا توں بچ نئیں سکدا سی۔ تے ایس لئی اُوہناں نے مسیح نوں مصلوب کر دِتا سی، اپنے گورنر، پینطُس پیلاطُس دے حکماں تے۔ اُوہناں نے اُوہدے اِک سخت کوڑے دے نال کوڑے مارے تے جدوں تیکر کہ اُو ادھموا نئیں ہو گیا اُوہدی کھال دے چیتھڑے اُڑائے۔ اُوہناں نے یسوع دے ہتھاں تے پیراں وچ بھاری کیل ٹھوکے، اُوہنوں اِک صلیب تے کِلاں دے نال لٹکا دِتا۔ اوتھے اُوہناں نے اُوہنوں اذیت وچ مرن لئی چھڈ دِتا۔

اسی رومیوں دے بارے وچ ظالم تے کمینیاں دی حیثیت نال سوچدے آں، تے اُو ایویں ای سی۔ لیکن میں کہیا سی کہ اُو انسانیت دی بہترین سطح سی جِنے خُدا دے پُتر نوں مصلوب کیتا سی، تے اُو انج دی ای سی۔ رومیوں نے اِک سلطنت قائم کیتی سی جِنے صدیاں تیکر حکمرانی کیتی سی۔ لوکی اَج وی ایدے بارے وچ گلاں کردے نے۔ روم دا شہر اپنے زوال توں پہلاں اَٹھ سو وریاں تیکر قائم رہیا سی۔ اُو زمین تے عظیم ترین طاقت سی۔ تے ایدے باوجود اُوس عظیم روم نے مسیح نوں اِک باغی غلام دے وانگوں سزا دِتی، شرمندگی تے لہو چہ صلیب تے ننگا لٹکیا ہویا۔ ایہہ سی انسانیت دی اُو بہترین سطح جِنے یسوع دے نال ایہہ کیتا۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

ہُن سینہیڈرن Sanhedrin دا سوچو۔ ایہہ ربّیاں (استاداں، عالمینِ بائبل) دی اُو عدالت سی جیہڑی یہودی لوکاں دے مذہبی معاملات نوں سنبھالدی سی، جیدی قیادت سردا کاہن کائیفا کردا سی۔ اُو انسانیت دے بارے وچ بہترین لوکی سن۔ اُو سچے خُدا وچ یقین رکھدے سی۔ اُوہناں دے درمیان کوئی وی بُت پرست؛ زناکار، یا شرابی نئیں سی۔ اُو مذہب دی ہر تفصیل دی سختی نال توں پابندی کردے سی۔ اُوہناں نے پرانے عہدنامے دے صحائف دا گہرائی نال مطالعہ کیتا ہویا سی، جِناں وچ مسیحا دے بارے وچ پیشنگوائیاں وی سن۔ اُوہناں وچوں بے شمار نوں توریت (بائبل دی پہلی پنج کتاباں) زبانی یاد سن۔ ایدے باوجود اِیناں عالم فاضل، مذہبی لوکاں نے مسیح نوں مسترد کر دِتا کیوں جے اُوہناں نوں اپنا اعلٰی مرتبہ کھون دا خوف سی۔ اُوہناں نے مسیح نوں گتسمنی وچ گرفتار کروایا۔ اُوہناں نے اُوہدے تے اِک غیرقانونی مقدمے وچ سزا نافذ کیتی۔ ایہہ صرف ایس لئی سی کیوں جے اُوہناں دے کول اِک شخص نوں مارن لئی کوئی اِختیار نئیں سی کہ اُو یسوع نوں رومی گورنر دے کول لے گئے سی۔ اوتھے اُوہناں نے شدید غصے دے عالم وچ پیلاطُس توں تقاضا کیتا، ’’اِینوں مصلوب کیتا جائے۔ اینوں مصلوب کیتا جائے‘‘ (متی 27:22، 23). سینہیڈرن دے ذریعے نال، انسانیت دی بہترین سطح اپنے خدا دی موت لئی چلائی سی۔

تُسی کہندے اُو، ’’میں اُوہناں لوکاں دے وانگوں نئیں آں۔ میں تے یسوع دے ہتھاں وچ کِل نئیں ٹھوکے سی۔ میں تے اُوہدی موت لئی نئیں چلایا سی۔‘‘ لیکن تُسی وی تے اُوہناں وانگوں اُوہنوں مسترد کر دِتا۔ اپنی ذاتی جدوجہد دے ذریعے نال، تُسی مسیح وَلّوں اپنا مُنہ موڑ لہیا۔ تُسی شاید سوچدے اُو کہ تہاڈا معاملہ خصوصی اے، اِک مستثنیٰ قرار دِتے جان آلا عمل اے، تے کہ تہاڈے کول اِک چنگا بہانہ اے۔ لیکن اپنی جدوجہد وچ، تُسی اخیر وچ اُوس یسوع دے خلاف ہو جاندے اُو۔

دو مخصوص لوکاں دے بارے وچ سوچو۔ واضح معاملہ یہوداہ دے بارے وچ اے۔ اُو یسوع دے نال تِن وریاں تیکر سی۔ اُو شاگرداں دی رقوم دا خیال رکھدا سی، کیوں جے اُوہدے ’’کول تھیلی‘‘ سی (یوحنا 12:6). مسیح دے پِچھے پِچھے چلنا اُوہدا سبب سی۔ اُو خود لئی پیسے نکالدا سی، کیوں جے اُو ’’اِک چور سی‘‘ (یوحنا 12:6). اِک روز اُوہنے اِک عورت نوں تھوڑے جئے خالص تے بہت قیمتی عِطر دے نال یسوع دے پیراں نوں دھوندے ہوئے ویکھیا۔ یہوداہ نے ایہہ کہندے ہوئے اِعتراض کیتا، ’’ایہہ عِطر اگر بیچ دِتا جاندا تے تِن سو دینار وصول ہوندے جیہڑے غریباں وچ تقسیم کیتے جا سکدے سن؟‘‘ (یوحنا 12:5). ایہہ بِلاشُبہ قیمتی سی، کیوں جے اِک ’’دینار‘‘ اِک مزدور دی اِک دِن دی کمائی سی۔ تِن سو دینار تقریباً اِک ورے دی کمائی سی۔ یہوداہ ایس قدر زیادہ پیسے دے ضیائع نوں برداشت نئیں کر پایا سی۔ اُو چاہندا سی کہ اُو پیسہ اُوہدی تھیلی وچ آ جاندا کہ اُو اُوہنوں استعمال وچ لے آ ندا تے اُوہدے وچوں چوری کر پاندا۔ چیزاں اُوس طرح نال نئیں چل رئیاں سن جیویں اُوہندی اُمید کیتی سی۔ ایویں وکھائی دیندا سی کہ بالاآخر اُو کدی وی امیر نئیں ہو پائے گا۔ زیادہ عرصہ نئیں گزر پایا سی کہ چاندی دے تی سِکّیاں دے عوث یسوع دے نال دھوکہ کرن لئی راضی ہو گیا سی۔ جی ہاں، یہوداہ یسوع دے نال چلدا سی، لیکن اخیر وچ اُوہنے پیسے نوں چُنیا سی تے نجات دہندہ نوں مسترد کر دِتا سی۔

ہُن رومی گورنر پینطُس پیلاطُس دے بارے وچ سوچو۔ اُو اِک سخت گیر شخص سی جیہڑا امن برقرار رکھن لئی طاقت دا استعمال کردا سی۔ اُوہنے کئی لوکاں نوں موت دی سزا سُنائی سی۔ لیکن اُوہدی اپنی اِک اندرونی جدوجہد سی۔ اِک گورنر دی حیثیت نال، اُو جاندا سی کہ یسوع دا پُرجوش استقبال کیتا گیا سی جدوں اُو پنج روز پہلاں اِک گدھے تے سوار ہو کے یروشلیم وچ داخل ہویا سی۔ اُوہدی بیوی نے اُوہنوں دسیا سی، ’’ اُوس نیک آدمی دے نال تے کُج مت کرنا‘‘ (متی 27:19). جدوں شرعی عالمین [سینہیڈرن] نے تقاضا کیتا کہ اُو مسیح نوں موت دی سزا سُنائے تے پیلاطُس نے تعجب کیتا۔ اُوہنے یسوع دا اِنٹرویو لہیا تے ایہہ کہندے ہوئے اُوہنوں باہر لہیایا، ’’میں تے اینوں مجرم نئیں سمجھدا‘‘ (یوحنا 18:38). اُو یسوع نوں مصلوب نئیں کرنا چاہندا سی۔ ایدے بجائے، اُوہنے یسوع نوں کوڑے لگوائے جان لئی پیج دِتا۔ اُوہنے سوچیا سی ایدے توں الزام لگان آلیاں نوں تسلی مل جائے گی تے یسوع نوں مرنا نئیں پئے گا۔ اُوہنوں کوڑیاں دے لگوائے جان دے بعد پیلاطُس نے فیر کہیا، ’’میں کسے بِنا تے وی ایدے تے فردِ جرم عائد نئیں کر سکدا‘‘ (یوحنا 19:4).

پیلاطُوس اِک اندرونی جدوجہد وچ سی۔ اُو جاندا سی کہ یسوع بے گناہ اے۔ اُو اُوہنوں مصلوب کرنا نئیں چاہندا سی۔ بائبل کہندی اے، ’’پیلاطوس نے یسوع نوں چھڈ دین دی کوشش کیتی‘‘ (یوحنا 19:12). اُوہنے یسوع نوں آزاد کیوں نئیں چلے جان دِتا؟ اُوہدے اپنے دِل وچ، اُوہدے جرم دے احساس تے معصومیت توں بالاتر، اُوہدی نوکری داؤ تے سی، اُوہدا اعلیٰ رُتبہ داؤ تے سی۔ اُو اُوہدے خُدا سی، تے عالمینِ شریعت [سینہیڈرن] نوں ایہہ گل پتا سی۔ اُو چیخے سی، ’’جے اگر ایس شخص نوں چھڈے گا تے تُو قیصر دا خیر خواہ نئیں‘‘ (یوحنا 19:15). اُو پیلاطوس دے بارے وچ روم وچ شہنشاہ نوں شکایت لگا سکدے سن۔ اُو کہہ سکدے سن کہ اُوہنے اِک شخص نوں آزاد چھڈ دِتا جیہڑا خود نوں بادشاہ کہلاندا اے (حالانکہ مسیح دی بادشاہی ’’ ایس دُنیا دی نئیں‘‘ سی، یوحنا 18:36، تے پیلاطوس ایہہ گل جاندا سی)۔ قیصر گورنر دے نال ناراض ہو سکدا سی، تے پیلاطوس اپنا رُتبہ کھو سکدا سی، ایتھوں تیکر کہ اپنا سر وی گنوا سکدا سی۔ پیلاطوس نے اُوس شے نوں چُنیا جیہڑی اُوہدے لئی زیادہ اہمیت رکھدی سی، تے بے گناہ خُدا دے پُتر نوں مصلوب کر دِتا۔

کی تُسی کوئی بہتر اُو؟ تہاڈی خود دی اپنی جدوجہد ہوندی اے۔ تہاڈی اپنی وجوہات ہوندیاں نے۔ تُسی کہندے اُو، ’’میرے کول گرجا گھر وچ آن لئی وقت نئیں اے۔ مینوں کرن لئی تے دوجے کم نے۔‘‘ تُسی سوچدے ہو اُو اِک اچھا بہانہ اے۔ تُسی سوچدے اُو کہ تُسی مستثنیٰ قرار دیے جان لئی خاص بندے اُو۔ لیکن تُسی وی ہر کسی دی وانگوں ایویں ای اُو۔ ہر کوئی ’’خود اِنکاری کرن لئی تے روزانہ اپنی صلیب چُکن لئی تے یسوع دی پیروی کرن لئی‘‘ بُلایا گیا اے (لوقا 9:23). تُسی خدا نوں سُنن توں انکار کردے اُو تے مسیح نوں مسترد کر دیندے اُو۔

تُسی کہندے اُو، ’’میں ایتھے اینا خوش محسوس نئیں کردا جِنا میں چاہندا آں۔ کُج لوکی چھڈ کر چلے گئے تے میں بُرا محسوس کردا آں۔ تے میرا ایہہ آلا یا اُو آلا مسئلہ اے۔ میری اِک اندرونی جدوجہد ہوندی اے۔ میں مسیح تے پرہوسا نئیں کر سکدا۔‘‘ تُسی سوچدے اُو کہ مستثنیٰ قرار دیے جان لئی تُسی اِک خاص بندے اُو۔ تُسی وی اوہویں ای اُو جیویں کوئی وی دوجے لوکی ہون جیہڑے خود نوں پہلاں رکھدے نے۔ تُسی بالکل پیلاطوس تے یہوداہ دی وانگوں اُو، تے جے توبہ نئیں کردے تے مسیح تے پرہوسا نئیں کردے، تے تُسی اُوہناں ای دے نال جہنم وچ جاؤ گے۔

II۔ دوجی گل، خُدا چند اِک نوں ای مسیح ول کھِچدا اے۔

یسوع نے کہیا، ’’میرے کول کوئی نئیں آندا، جدوں تیکر کہ پیو جِنے مینوں بھیجیا اے اُوہنوں کھِچ نہ لائے‘‘ (یوحنا 6:44). خدا کُج لوکاں نوں مسیح ول کھِچدا اے۔ اوہی، تے صرف اوہی، بچائے جاندے نے۔

پطرس دے بارے وچ سوچو۔ اُوہنے یسوع دا تِن واری انکار کیتا۔ اُوہنوں پُچھیا گیا، ’’کی تو وی اُوہدے شاگرداں وچوں اے؟‘‘ لیکن پطرس نے ’’انکار کیتا تے کہیا، میں نئیں آں‘‘ (یوحنا 18:25). اِک عورت نوں اُوہنے کہیا، ’’اے عورت، میں اُوہنوں نئیں جانندا‘‘ (لوقا 22:57). اُوس راتی پطرس نے مسیح نوں مسترد کیتا سی، اُوہدا تِن واری اِنکار کرن نال۔ جے مسیح نے اُوہنوں اُوس ای حالت وچ چھڈ دِتا ہوندا تے اُو اپنی حیاتی گزاردا تے جہنم وچ جا چکیا ہوندا۔ لیکن پطرس چُنیدہ لوکاں وچوں اِک سی، چُنے ہوئے لوکاں وچوں اِک۔ پطرس نے دائمی حیاتی لئی خود نوں پیش نئیں کیتا سی۔ نا ای دوجے شاگرداں نے کیتا سی۔ یسوع نے ایہہ اُوہناں نوں پیش کیتی سی۔ مُردیاں وچوں جی اُٹھن دے بعد اُوہنے ’’اُوہناں تے پھونکیا تے کہیا پاک روح پاؤ‘‘ (یوحنا 20:22). جیویں کہ ریڈیو تے بائبل دے عظیم اُستاد ڈاکٹر جے۔ ورنن میگی Dr. J. Vernon McGee نے کہیا، ’’ایناں لوکاں نوں نوی احیاء [فیر جنم] ملی سی۔ ایس توں پہلاں، اُوہناں وچ خُدا دا پاک روح بسیا ہویا نئیں سی‘‘ (جے ورنن میگی، ٹی ایچ۔ ڈی۔ J. Vernon McGee, Th.D.، بائبل وچوں Thru the Bible، تھامس نیلسن پبلیشرز، جلد چہارم، صفحہ 498؛ یوحنا20:21 تے غور طلب گل)۔

اُوس راتی توما رسول اوتھے نئیں سی۔ اُو یسوع دے کول نئیں آیا سی۔ اُوہنے ایہہ یقین کرن توں انکار کر دِتا سی کہ یسوع مُردیاں وچوں زندہ ہو چُکیا سی۔ توما نے کہیا، ’’جدوں تیکر میں کِلاں دے سوراخ اُوہدے ہتھاں وچ ویکھ کے اپنی انگلی اُوہناں وچ نہ پا لواں تے اپنے ہتھ توں اُوہدی پسلی نہ چھو لواں، اودوں تیکر یقین نہ کراں گا‘‘ (یوحنا 20:25). اِک ہفتے بعد مسیح آندا اے، ’’ بُووے بند سن‘‘ (یوحنا 20:26). توما یسوع دے پِچھے نئیں گیا سی۔ مسیح اُوہدے کول آیا سی، بند دروازیاں تے دیواراں وچوں! تے یسوع نے توما نوں کہیا، ’’اپنی اُنگلی لا تے میرے ہتھاں نوں ویکھ، تے اپنا ہتھ بڑھا تے میری پسلی نوں چھو، شک مت کر بلکہ اعتقاد رکھ‘‘ (یوحنا 20:27). توما نے یسوع تے پرہوسا کیتا تے مسیح وچ ایمان لہیا کے تبدیل ہو گیا! لیکن ایدا سہرا توما دے سر نئیں جاندا۔ جی نئیں، سارے دا سارا سہرا مسیح دے سر جاندا اے، جیہڑا بند دروازیاں وچوں گیا، توما دے کول آیا، تے اُوہنوں خود اپنے ہتھ تے پیر [ویکھن لئی] پیش کیتے!

میں مسیح دے شاگرداں دے بارے وچ گل کر چُکیا آں۔ ہُن مینوں خُدا دا اِک ہور شخص نوں کھِچ کے لہیان دے بارے چہ تہانوں دس لین دیو۔ میں رومی سپہ سالار دے بارے وچ گل کر رہیا آں، جیہڑا سو سپاہی دا کمانڈر سی۔ اُوہنے لوکاں نوں قتل ہوندے ہوئے ویکھیا سی۔ اُوہنے خود لوکاں نوں قتل کیتا سی۔ اُو ایس قدر بے شمار مصلوبیّتاں نوں ویکھ چُکیا سی کہ ایہہ اُوہدے لئی معمول بن چُکیاں سن۔ لیکن اُوہنے یسوع دے بارے وچ کُج مختلف ویکھیا سی۔ مسیح دے مرن دے بعد، سپاہی نے کہیا، ’’ایہہ شخص درحقیقت خُدا دا پُتر اے‘‘ (مرقس 15:39). روایت سانوں دسدی اے کہ اُو شخص اِک مسیح بن گیا سی۔ جدوں اُو اُوس سویر سو کے اُٹھیا سی تے اُو مسیح دی تلاش نئیں کر رہیا سی۔ اُو یسوع تے پرہوسا کرن دے بارے وچ نئیں سوچ رہیا سی۔ ایہہ مسیح سی جِنے اُوہدے تے ظاہر کیتا کہ اُو حقیقت وچ کی سی۔ جی ہاں، خُدا کُج دی چھانٹی کردا اے، اکثر انتہائی غیر متوقع لوکاں دی، تے بچائے جان لئی مسیح ول کھِچدا اے۔

ہُن میں اِک ہور شخص دے بارے وچ گل کرنا چاہندا آں جیدا تذکرہ بائبل وچ نئیں کیتا گیا سی تے ایہہ تذکرہ بعد وچ کیتا گیا۔ اُو سب لوکاں وچوں مسیح وچ ایمان لہیا کے تبدیل ہون آلا سب توں زیادہ غیر متوقع، جی ہاں ناممکن بندہ سی۔ تے ایدے باوجود اُو سب لوکاں وچ سب توں زیادہ عظیم مسیحی سی۔ میں تُرسُس دے ساؤل دی گل کر رہیا آں، جیہڑا پولوس رسول بنیا سی۔ اُوہدا ناں چاراں انجیلاں دے واقعات وچ پیش نئیں کیتا گیا، ایدے باوجود ایہہ کہنا صحیح ہوئے گا کہ اُو اوتھے سی۔ ساؤل اِک انتہائی سخت تے مذہبی بندہ سی، ’’شریعت دے اعتبار نال اِک فریسی‘‘ (فلپیوں 3:5). اُوہدی تربیت ایسے شہر [یروشلیم] وچ عظیم اُستاد گملی ایل دے قدماں وچ ہوئی سی‘‘ (اعمال 22:3). اُوہنے ایس قدر شدید محنت تے مطالعہ کیتا سی کہ اُو دوجے نوجوان لوکاں توں اگے نکل گیا سی (ویکھو گِلتیوں 1:14). کیوں جے اُو ’’اپنے آباؤاجداد دی روایات تے انتہائی سرگرمی نال عمل کردا سی‘‘ (گلتیوں 1:14). بے شمار عالمین سوچدے سن کہ ساؤل خود شینہیڈرن [شریعت دے عالمین] دے اراکین وچوں اِک سی۔

اُوہنے اپنی حیاتی یروشلیم وچ بسر کیتی سی۔ حتّیٰ کہ جے اُو کِتھے دور وی ہوندا تے فسح نوں منان لئی یقینی طور تے واپس آ جاندا سی۔ جی ہاں، اُو یروشلیم وچ ای سی جدوں مسیح شہر وچ داخل ہویا، جدوں یسوع نے منادی کیتی تے جدوں اُوہنوں مصلوب کیتا گیا سی۔ اُو شخص کی سوچ رہیا سی؟ اُو اپنے تمام دِل و دماغ دے نال یسوع دے خلاف سی۔ اُوہنے نجات دہندہ دے مصلوب کیتے جان دی منظوری دِتی سی۔ اسی جانندے آں اُو کنج دا سی، کیوں جے اُو اوتھے ای سی جدوں ستیفنس نوں مسیح دی منادی کرن تے سنگسار کیتا گیا سی۔ اُو لوکی جنہاں نے اُوہنوں سنگسار کیتا سی ’’اُوہناں نے اپنے چوغے لا کے اِک نوجوان شخص دے قدماں چہ رکھ دِتے سی، جیدا ناں ساؤل سی‘‘ (اعمال 7:58). تے ساؤل اُوہدی موت تے رضامندی ظاہر کر رہیا سی‘‘ (اعمال 8:1). ساؤل اِستیفانس دے قتل کرن دی حمایت وچ سی۔ فیر اُو مسیحیاں دے پِچھے ہور وی زور و شور نال پے گیا سی۔ ’’ساؤل نے کلیسیا نوں تباہ کرنا شروع کر دِتا، اُو گھر گھر جاندا سی تے مَرداں تے عورتاں نوں قید کراندا سی‘‘ (اعمال 8:3). اُو اپنی تمام تر قوت و طاقت دے نال مسیحیاں دے پِچھے پے گیا سی، گھراں وچ گُھسدا سی، لوکاں نوں کھِچ کھِچ کے باہر کڈدا تے اُوہناں نوں قیدخانیاں وچ سُٹ دیندا سی۔ فیر ’’ساؤل ایس دوران جیہڑا خُداوند دے شاگرداں نوں مار ڈالن دی دھمکیاں دیندا رہندا سی سردار کاہن دے کول گیا تے اُوہدے توں دمشق دے عبادتخانیاں لئی انج دے خطوط منگے جیہڑے اُوہنوں اِختیار دین کہ جے اُو کسی ہور نوں ایس طریقے تے چلدا ہویا پائے، خواہ اُو مرد ہو یا عورت تے اُوہناں نوں گرفتار کر کے یروشلیم لے آئے‘‘ (اعمال 9:1، 2). اُو اِک دوجے شہر وچ اوتھے دے مسیحیاں تے حملہ کرن دی غرض نال راہ وچ سی۔

ساؤل مسیح دا اِک بہت وڈا دشمن سی۔ اُو نفرت نال بھریا پیا سی تے غیر معمولی ولولے دے نال ایمانداراں نوں اذیتاں دیندا سی۔ اُو یسوع دی تلاش وچ نئیں سی۔ اُوہنوں یسوع نئیں چائیدا سی۔ اُوہنوں یسوع نال نفرت سی۔ ایدے باوجود اُو کُج عرصے بعد مسیح وچ ایمان لہیا کے تبدیل ہو گیا سی۔ اُو خدا دے چُنیدہ لوکاں وچوں اِک سی۔ خُدا نے اُوہنوں نجات لئی چُنیا سی۔ خُدا نے اُوہنوں یسوع ول اُوس ویلے کھِچیا سی جدوں اوہی اخیرلی گل سی جیہڑی اُو چاہندا سی۔

ساؤل یسوع دے کول نئیں آیا سی۔ یسوع اُوہدے کول آیا سی! مسیح نے دمشق دی راہ تے ساؤل نال گل کیتی سی، ’’میں یسوع آں جِنوں تو ستا رہیا اے‘‘ (اعمال 9:5). ساؤل اُوسے ای ویلے اوتھے ای بیدار ہو گیا سی۔ اُو چند اِک دِن بعد مسیح وچ ایمان لہیا کے تبدیل ہو گیا سی تے پولوس رسول بنیا سی۔

پولوس نے اپنی مسیح وچ ایمان لہیان دی تبدیلی دا سہرا اپنے سر نئیں لیا سی۔ اُوہنے کدی وی خود اپنے پرہوسے دی عظمت یا اپنے دِل دی شریف النفسی دے بارے وچ گل نئیں کیتی سی۔ ایدے بالکل متضاد! چند اِک ورے بعد پولوس نے لکھیا، ’’خُدا نے مینوں میرے پیدا ہون توں پہلاں ای چُن لہیا تے جدوں اُوہدی مرضی ہوئی اُوہنے اپنے فضل نال مینوں اپنی خدمت لئی بُلا لیا تاں جے اُو اپنے پُتر یسوع مسیح دا عرفان مینوں بخشے تے میں غیر یہودیاں نوں اُوہدی خوشخبری سُناؤاں‘‘ (گلِتیوں 1:15، 16). اُوہناں چند لفظاں وچ پولوس نے سارا جلال خُدا نوں دِتا۔ خُدا نے اُوہنوں اُوہدی ماں دے رحم توں علیحدہ کر دِتا سی۔ یعنی کہ، خُدا نے اُوہنوں اُوہدے پیدا ہون توں پہلاں ای چُن لہیا سی۔ خُدا نے [اُوہنوں] اپنے فضل دے وسیلے نال بُلایا۔‘‘ پولوس یسوع تے پرہوسا نئیں کرنا چاہندا سی۔ خُدا نے اُوہنوں فضل دے وسیلے نال بُلایا سی۔ پولوس نے نئیں سِکھیا سی یسوع تے کیویں پرہوسا کیتا جائے یا نجات پان لئی اپنے طریقے دا مطالعہ کیتا۔ اُوہنے کہیا ایہہ خُدا دا فضل سی ’’کہ اپنے پُتر دا عرفان مینوں بخشے۔‘‘ ایہہ سب دا سب خُدا دے وسیلے نال سی، فضل نال سی!

خُدا چند اِک نوں نجات دین لئی چُن چُکیا اے۔ اُوہناں وچوں کُج اُو لوکی نے جنہاں دی کوئی توقع وی نئیں کرے گا کہ اُو مسیح وچ ایمان لہیا کے تبدیل ہو جان گے، جیویں کہ پولوس۔ لیکن اُو چُنیدہ سی تے مسیح وچ ایمان لہیا کے اُو تبدیل ہو گئے سی۔ میں اُوہناں وچوں اِک سی۔ میں اِک خود غرض، لالچی بے اعتقادہ سی۔ مسیح وچ ایمان لہیا کے تبدیل ہونا اُو اخیرلی گل سی جیہڑی میں چاہندا سی۔ ایدے باوجود خُدا میرے تیکر پہنچیا تے مینوں مسیح ول کھِچیا، تے اج میں ایتھے آں۔ تے شاید ایویں ای تہاڈے لئی وی اُو۔ تُسی چاہے کوئی وی ہو، چاہے تُسی کوئی سا وی گناہ سرزد کیتا ہووے، جے تُسی یسوع تے پرہوسا کردے اُو تے تُسی ہمیشہ لئی نجات پا جاؤ گے۔ مسیح تہاڈے گناہ دی ادائیگی لئی صلیب تے مریا سی۔ اُوہنے تہاڈے گناہ نوں دھون لئی اپنا لہو وگایا سی۔ تہانوں حیاتی بخشن تے موت تے ہمیشہ لئی فتح پان دی خاطر اُو مُردیاں وچوں زندہ ہو گیا سی۔ جے تُسی یسوع تے پرہوسا کردے اُو تے تُسی اج ای نجات پا جاؤ گے! جے تُسی مسیح تے پرہوسا کرن دے بارے وچ میرے نال گل بات کرنا چاہو، تے مہربانی نال تشریف لاؤو تے پہلی دو قطاراں وچ تشریف رکھو۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلیاں گیت گایا گیا:
’’کی تہاڈے لئی ایہہ کُج نئیں اے؟ Is It Nothing To You?‘‘
(شاعر جین ای۔ ھال Jane E. Hall، 19 ویں صدی؛ بند 1 تے 3)۔