ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یسوع نے کوڑھ وِچ پئے اِک بندے نوں شفا دِتی۔ یسوع نے ’’اپنا ہتھ ودھایا، تے اُوہنوں چھوأ تے اُوہنوں کہیا، میں چاہنا واں کہ توں پاک صاف ہو جاوے‘‘ (مرقس1:41)۔ اُو بندہ فوراً ای کوڑھ دے مرض توں شفایاب ہو گیا۔ یسوع نے اُوس بندے نوں کہیا کسی نوں وی نہ دَسیں کہ اُوہنوں یسوع نے شفا دِتی اے۔ ایہہ ظاہر کردا اے کہ یسوع دورِ حاضرہ دے ’’ایمان دے شفابازاں‘‘ توں کیس قدر مختلف سی۔ بینی ھن Benny Hinn وگرے لوکی اپنی ’’شفایابی‘‘ دی مذہبی خدمات نوں مشہور کردے نے۔ اُو چاہندے نے کہ ہر کوئی ایناں شفایابیاں دے بارے چہ جانے، تاکہ اُوہناں دے کول بوہتی سارا ہجوم تے مذید ہُور پیسہ ہو جاوے۔ یسوع ایہو جئی شہرت نئیں چاہندا سی۔ یسوع دی منادی خوشخبری دی تبلیغ تے مرکوز سی۔ لیکن اُو بندہ جنہے شفا پائی سی اُوہنے یسوع دی فرمانبرداری نئیں کیتی۔ اُو گیا تے اُوہنے ساریاں نوں دَسیا۔ لوکاں دی بھیڑ ایس قدر بوہتی ودھ گئی کہ یسوع ہُن شہر وِچ نئیں جا سکدا سی۔

ہُن مرقس2:1۔2 آیت تے نظر پاؤ،

’’کُج دِناں بعد جدوں یسوع فیر توں کفرنحوم وِچ آیا تے خبر پھیل گئی ہُن اُو گھر وِچ اے۔ چنانچہ اینے لوکی جمع ہو گئے کہ ساری تھاں اُوہناں نال بھر گئی ایتھوں تیکر کہ بوہے دے لاگے وی تھاں نہ رئی تے یسوع نے اُوہناں نوں کلام سُنایا‘‘ (مرقس2:1، 2)

یسوع واپس کفرنحوم وِچ آیا تے ’’اُوس گھر‘‘ وِچ گیا (مرقس2:1)۔ ایہہ پطرس دا گھر سی۔ کئی وریاں پہلاں میری ووہٹی تے میں اُوس تھاں تے گئے سی۔ اُوہناں نے پطرس دے گھر نوں کھودیا سی۔ میری ووہٹی تے میں اُوتھے کِھلوتے سی تے پطرس دے گھر دے نقشے نوں ویکھیا سی۔ ایہہ اِک بہت وڈھا تجربہ سی۔ کدی کدی اَسی اُوہناں تھاواں دے بارے وِچ ایویں سوچنے واں جیویں کہ اُو تھاواں پریاں دی کہانیاں وِچ ہوندیاں سن۔ لیکن ایہہ حقیقی سی۔ اُوتھے اِک حقیقی گھر سی۔ اَسی اُوس گھر دا فرش ویکھیا سی تے جاننے ساں کہ اُو حقیقی سی۔

جدوں لوکاں نے سُنیا کہ یسوع پطرس دے گھر وِچ سی تے اُو ٹُرے آئے۔ اُوتھے ایس قدر بوہتی لوکی ہو گئے سن کہ اُو اندر نئیں داخل ہو پائے۔ یسوع بوہے توں باہر آیا، ’’تے اُوہنے اُوہناں نوں کلام سُنایا‘‘ (مرقس2:2)۔ جدوں میں اِک نوجوان بندہ سی تے اِک بندے کولوں خوشخبری دی منادی سُنن لئی لوکی جلسیاں وِچ جایا کردے سی۔ ماضی چہ 1950 دی دہائی وِچ، میں انجیل [خوشخبری] دے بے شمار مبلغین نے سُنیا، ڈاکٹر آر۔ جی۔ لی Dr. R. G. Lee، ڈاکٹر کے۔ اُوون وائٹ Dr. K. Owen White، ڈاکٹر ڈبلیو۔ اے۔ کرسویل Dr. W. A. Criswell جیسے لوگ، اور ڈاکٹر بلی گراھمDr. Billy Graham جدوں اُو چنگے سن۔ ایناں عظیم لوکاں وِچوں کسی نے وی لوکاں دے پِنڈیاں نوں ’’شفا نئیں دِتی‘‘ سی۔ اُو خوشخبری دی منادی لوکاں نوں جہنم توں نجات دلان لئی کیا کردے سن۔ لیکن ہُن ایہہ مختلف اے۔ ایہہ کُج سرکس وگرا بوہتی لگدا اے، جِتھے لوکی معجزہ ویکھن لئی آ رئے نے۔ یسوع نے ایناں لوکاں دے بارے چہ پیشن گوئی کیتی سی۔ اُوہنے کہیا، ’’جھوٹے نبی تے جھوٹے مسیح اُٹھ کھڑے ہون گے ایہو جئے وڈے وڈے نشان تے عجیب عجیب کم وکھان گے کہ جے ممکن ہووے تے چُنے ہوئے لوکاں نوں وی گمراہ کر دین‘‘ (متی24:24)۔ جو کُج میں ویکھ چکیا واں اُوہدے لحاظ نال، ’’ایمان دی شفا دین آلے ایہہ لوکی‘‘ بہروپیے نے، جیہڑے اُوہناں احمق لوکاں کولوں بے شمار پیسہ کماندے نے جیہڑے معجزات ویکھنے لئی آندے نے ناکہ چنگی خوشخبری دی منادی سُنن لئی۔ میں خوش آں کہ یسوع اُورل رابرٹس Oral Roberts، کیتھرین کوھلمین Kathryn Kuhlman، یا بینی ھن Benny Hinn وگرا نئیں سی۔ یسوع نے ’’اُوہناں نوں کلام سُنایا‘‘ (مرقس2:2)۔ جے تُسی جھوٹے معجزات ویکھنا چاہندے اُو تے تُسی شاید ایتھے وی دوبارہ واپس نئیں آؤ گے۔ ایتھے بپتسمہ دین آلی عبادت گاہ Baptist Tabernacle وِچ، اَسی تہاڈے کولوں پیسہ کمان لئی مظاہرہ نئیں کرنے آں۔ اَسی ’’کلام دی منادی‘‘ کرنے آں جیویں اُوس دِن یسوع نے کیتی سی!

بائبل دے عظیم اُستاد، ڈاکٹر جے۔ ورنن میگی Dr. J. Vernon McGee نے کہیا،

ساڈے خداوند دی مذہبی خدمت خُدا دے کلام [بائبل] دی تبلیغ کرنا سی، تے ایہو ای اُو شدت اے [جینوں] اَج وی کیتا جانا چائیدا اے… لہٰذا میں ایہہ پڑھن نال ایتھے خوشی محسوس کرنا واں کہ ساڈے خداوند نے اُوہناں نوں کلام دی منادی کیتی (بائبل میں سے Thru the Bible، مرقس2:2 تے غور طلب گل)۔

مرقس2:3۔5 آیات تے نظر پاؤ،

کُج لوکی اِک مفلوج نوں لہیائے جینوں چار بندے چکے ہوئے سی۔ جدوں اُو اُوس بیمار نوں بھیر دی وجہ توں یسوع دے کول نئیں لہیا سکے تے چھت تے چڑھ گئے تے اُوہناں نے چھت دا اُو حصہ پُٹ چھڈیا جیہدے تھلے یسوع بیٹھا ہویا سی تے مفلوج نوں چارپائی سمیت جیس تے اُو لیٹیا ہویا سی، شگاف وِچوں تھلے اُتار دِتّا۔ یسوع نے اُوہناں لوکاں دا ایمان ویکھ کے مفلوج نوں کہیا: پُتر! تیرے گناہ معاف ہوئے‘‘ (مرقس2:3۔5)۔

’’جدوں یسوع نے اُوہناں دے ایمان نوں ویکھیا‘‘ ایس دا مطلب ہوندا اے کہ اُوہناں لوکاں دے ایمان نوں جیہڑے یسوع دے سُنن لئی اُوس مفلوج بندے نوں لہیائے سی۔ ڈاکٹر میگی نے کہیا، ’’اَج ساڈے گرجا گھر وِچ جیس گل دی لُوڑ اے اُو اُوہو جئے ایمان دے نال مرداں تے عورتاں دی اے – کہ اُو باہر جان تے غیرنجات یافتہ لوکاں نوں لے کر آں… ایہہ اے جیہڑا اُوہناں لوکاں نے کیتا سی‘‘ (ibid.)۔ اُوہناں نے پطرس دی چھت نے پُٹ کے شگاف بنایا تے اُوس مفلوج نوں چھت وِچوں تھلے یسوع دی خوشخبری دی منادی نوں سُنن لئی اُتاریا! بعد چہ یسوع نے کہیا،

’’راہواں تے کھیتاں دی باڑاں وَل نکل جا تے لوکاں نوں مجبور کر کہ اُو آن‘‘ (لوقا14:23)۔

پرانے ویلیاں دے مبلغین اُوہناں لوکاں وگرے سن، اُوہناں لوکاں وگرے جِنہاں نے پطرس دے گھر دی چھت نوں اُڈھیر کے یسوع دے کول اپنے بیلی نوں پہنچان لئی شگاف کیتا سی، تاکہ اُو نجات پائے۔ میں پرانے ویلیاں دے لوکاں دی گل کر رہیا آں جیویں ڈاکٹر نیل ویور Dr. Neal Weaver۔ اُو لوکاں دے جیتن لئی ایس قدر زیادہ مخلص سن کہ اُوہناں نے اپنا پہلا گرجا گھر مرغیاں دے اِک ٹُٹے ہوئے باڑے وِچ شروع کیتا سی۔ اُوہناں دے کول صرف اِکہو واعظ سی۔ تے اُو اُوس دی ہر رات نوں منادی کیا کردے سی۔ کسے نے وی غور نئیں کیتا کہ اُو ہر رات نوں اُوہی واعظ ہویا کردا سی۔ نیل ویور اُوہناں لوکاں وگرے سن جنہاں نے چھت نوں پُٹ کے اپنے مفلوج بیلی نوں یسوع دے کول پہنچان لئی تھلے اُتاریا سی۔ ایہہ روح ساڈے پرانے ویلیاں دے بپتسمہ دین آلے بپٹسٹ لوکاں دی ہویا کردی سی۔ ایس قسم دی روح ساڈی سی جدوں اَسی ایس گرجا گھر نوں شروع کیتا سی۔

مینوں خوشخبری نوں سُنن لئی نو یا دس لوکاں توں بھری گڈی نوں لہیانا یاد آندا اے۔ اُو گیارہ لوکی میری ٹُٹی ہوئی وی ڈبلیو بگ VW Bug وِچ ٹُھنس ٹُھنسا کے بیٹھے سن۔ اَسی مشکلاں نال سانس لے پا رئے سن۔ اَسی گرجا گھر وِچ بچیاں نوں کِھچ تان کر لہیاندے سی۔ مینوں اُو رات یاد اے جدوں اَسی شام دی عبادت وِچ 100 لوکاں نوں پورا کرن دی کوشش کر رئے سی۔ اَسی سارا ویلہ بچیاں نوں لہیان وِچ لگا چھڈیا سی۔ جدوں عبادت شروع ہوئی تے ڈاکٹر کیگن Dr. Cagan نے لوکاں دی گنتی کیتی۔ اَسی اپنے ہدف نوں پورا کرن وِچ اِک بندے تو گھٹ رہ گئے سی۔ اُوس عبادت وِچ صرف 99 لوکی سن۔ اَسی اُداس سی کہ اَسی اپنے ہدف نوں پورا نئیں کیتا سی۔ بالکل اُوسی ویلے اِک بچے نے جینوں اَسی پہلے کدی وی نئیں ویکھیا سی بوہے وِچوں اپنے سر نوں اندر واڑدیاں ہویاں ویکھیا۔ کئی لوکاں نے اُوس نوجوان بندے نوں پھڑیا تے اُوہنوں اندر کِھچ لہیا! اُو ایس قدر عزت پان تے بوہتا خوش سی! ساڈے لوکی پرانے ویلیاں دے میتھوڈسٹ لوکاں وانگوں زور زور نال چیخا کردے سی! اُوسی راتی بہت زیادہ چیخاں تے تالیاں وجیاں سن! ایہہ اُوسی قسم دی خوشی سی جیہڑی اُوہناں لوکاں نے محسوس کیتی سی جدوں اُوہناں دا مفلوج دوست نجات پا گیا سی! کی اَسی اُو خوشی دوبارہ پا سکنے واں؟ جی ہاں، ایس بارے چہ کوئی سوال ای نئیں اُٹھدا۔ اَسی اُوس خوشی نوں دوبارہ محسوس کر سکنے آں!

چند اِک سال پہلاں ساڈے گرجا گھر دی عمارت نوں بچان لئی اِک لڑائی ہوئی سی۔ اِک بُرے بندے نے ساڈے لوکاں وِچوں 320 لوکاں نوں گرجا گھر دی اِک ہولناک تقسیم وِچ اپنے وَل کر لہیا سی۔ ساڈا گرجا گھر تقریباً دیوالیہ ہو ای چکیا سی۔ ساڈا گرجا گھر تقریباً ایس عمارت نوں گنوا ای چکیا سی۔ لیکن 39 لوکاں نے ’’نئیں‘‘ کہیا۔ اُوہناں 39 جرأت مند لوکاں نے دِن تے رات کم کیتا۔ اُوہناں نے پیسیاں دی اِک کثیر رقم چکائی۔ تے اُوہناں نے ایس عمارت نوں بچایا۔ اُوہناں نے دو ملین ڈالر دے قرض دا ہر پیسہ ادا کیتا!

میں اُوس رات نوں کدی وی نئیں بُھلا سکدا جدوں میں گروی دے کاغذات نوں جلایا۔ جدوں شعلے اُتے نوں بھڑکے تے اَسی پرانے ویلیاں دے میتھوڈیسٹاں وانگوں چلائے! اُوس راتی بہت زیادہ شور شرابا تے تالیاں وجیاں سن! ایہہ اُوس خوشی وانگوں سی جیہڑی اُوہناں لوکاں نے محسوس کیتی سی جدوں اُوہناں نے اپنے مفلوج بیلی نوں چھت توں تھلے اُتاریا سی، تے یسوع نے اُوس نوں پطرس دے گھر وِچ شفا بخشی سی! کی اَسی اُوس وگری خوشی نوں دوبارہ پا سکنے واں؟ جی ہاں، ایس بارے وِچ کوئی سوال ای نئیں پیدا ہوندا۔ اَسی اُوس خوشی نوں دوبارہ محسوس کر سکنے آں! اَسی ہُن اِک نوی لڑائی وِچ داخل ہو رئے آں، اِک ایہو جئی لڑائی جیہڑی ساڈے گرجا گھر نوں ایس ترقی کردی ہوئی دُنیا وِچ جدوجہد کردے ہوئے گرجا گھراں لئی روشنی دا اِک مینار بنائے گی – ساری دُنیا دے وڈے وڈے شہراں وِچ تمام جدوجہد کردے ہوئے گرجا گھراں لئی روشنی دا اِک مینار!

میں ہُن اِک بُڈھا بندا واں، اِک لڑائی ماضی دے جنگجوواں نوں خطرے دا اشارہ دیندی اے۔ لہٰذا میں اب پادری جان کیگن Pastor John Cagan نال مخاطب آں، تے تُسی تمام لوکاں نال جیناں نے مستقبل وِچ جان کیگن دے پِچھے ٹُرنا اے۔ ایس واعظ دا اختتام کرن لئی میں اپنے دنیا دار ہیرو ونسٹن چرچل لئی اِک مرتبہ فیر اپیل کرن لئی ایس توں بہتر ہُور کوئی راہ نئیں سوچ سکدا۔ 1941 وِچ، جیس سال میں پیدا ہویا، ھٹلر دے بم ہر رات نوں لندن شہر نوں مسمار کر رئے سن۔ کسی قسم دی وی کوئی آس نئیں سی کہ انگلستان دے اُوس چھوٹے جئے جزیرے دے کول ھٹلر دی دیوہیکل جنگی مشین دی انتہائی شدید قوت دے خلاف جنگ جیتن دا کوئی موقع ملدا۔ ایہہ اُوہی ویلا سی جدوں بُڈھے بندے چرچل نے ایہہ گل اُوہناں نوجوان لوکاں نوں جہیڑے اُوہدی پیروی کر رئے سی آکھی، ’’کدی وی ہمت نئیں ہارنا، کدی وی ہمت نئیں ہارنا۔ کدی وی نئیں، کدی وی نئیں، کدی وی نئیں!‘‘ تے خداوند تمام تر مشکلاں دے خلاف اُوہناں دے نال سی۔ خُداوند تمام تر خدشات دے خلاف اُوہناں دے نال سی۔ جدوں دنیا وچ ہر کسی نے سوچیا اُو ہار جان گے۔ چھوٹے جئے انگلستان نے اُوس جنگ نوں جِت لہیا – کیوں جے خداوند اُوہناں دے نال سی!!!

تے پادری جان دے لئی تے تہاڈے سارے نوجوان لوکاں لئی جہیڑے اُوہناں دے پِچھے چلن گے، میں ایہو ای کہواں گا جہیڑا چرچل نے کہیا، ’’ایہہ تاریک دِن نئیں نے۔ ایہہ عظیم دِن نے، اُو عظیم ترین جہیڑے اسی کدی ویکھ چکے آں! کدی وی ہمت نئیں ہارنا، کدی وی ہمت نئیں ہارنا، کدی وی نئیں، کدی وی نئیں، کدی وی نئیں!‘‘

ایہہ لڑائی شاید سخت تے سنگ دِلانہ لگے۔ ایونجیلیکل گرجا گھر واقعی چے اپنے سارے نوجوان لوکاں نوں کھو رئے نے۔ جہیڑے کدی بڑے قوی مغربی بپٹسٹ سی ہن ہر ورے اپنے 200,000 نوجوان لوکاں نوں کھو دیندے نے۔ ایونجیلیکل گرجا گھر دُنیا دی نظراں دے سمنے مر رئے نے۔ ہر ورے تقریباً 4,000 ایونجیلیکل گرجا گھر ہمیشہ لئی اپنے دروازیاں نوں بند کر دیندے نے۔ اگلے چند وریاں چے ایونجیلیکل مسیحیت دا مقصد ہمیشہ ہمیشہ لئی گواچ جاوے گا۔ ساڈے کول کی آس بچی اے؟ ’’میری آس یسوع دے خون تے راستبازی توں گھٹ کسی وی ہور شے تے نئیں ٹکی اے!‘‘ کیوں جے خود خُداوند یسوع مسیح نے ساڈے نال فتح دا وعدہ کیتا سی! مسیح نے کہیا، ’’ایس چٹان تے میں اپنی کلیسیا تعمیر کراں گا؛ تے موت وی ایس تے غالب نہ آن پاوے گی‘‘ – ایس تے غالب نئیں آنی چائیدی! تے اَج دی رات میں جانندا آں، اپنے روح دی گہرائیاں چے، کہ خداوند یسوع مسیح درست سی۔ اُو سچا سی جدوں اُوس نے کہیا، ’’ایس چٹان تے میں اپنی کلیسیا تعمیر کراں گا تے موت وی ایس تے غالب نہ آن پاوے گی۔‘‘

اسی تبدیلی لہیا سکنے آں! لیکن انج کرن لئی سانوں جنگجواں دی اِک فوج ہونا چائیدا اے! تہانوں جان کیگن دے پِچھے چلنا چائیدا اے تے مسیح تے اُوہدے مقصد لئی جنگجواں دا اِک قوی دستہ بننا چائیدا اے! اسی شاگرداں توں بھریا ہویا اِک گرجا گھر پا سکنے آں! اسی نوجوان مرداں تے عورتاں نال جہیڑے مسیح دے سپاہی ہون بھریا ہویا گرجا گھر پا سکنے آں! اسی شیطان تے اُوہدے ظالم آسیباں تے غالب آ سکنے آں! اسی کر سکنے آں کیوں جے خداوند یسوع مسیح نے انج کہیا، ’’میں ایس چٹان تے اپنی کلیسیا تعمیر کراں گا؛ تے موت وی ایس تے غالب نہ آن پاوے گی۔‘‘

چرچل دی دوجے لفظاں چے گل نوں دھراندے ہوئے، میں اَج دی راتی تہاڈے وچوں ہر اِک نوں کہنا آں،

     ساڈی کلیسیا وچ جیوندی جاگدی مسیحیت دی بقا دا انحصار ایس لڑائی تے ٹکیا ہویا اے۔
     شیطان دی تمام قوت تے غضب چھیتی ای ساڈے تے پین آلا اے۔ ابلیس جانندا اے کہ اُوہنوں اِیس کلیسیا دی مضبوط گرفت وچوں سانوں توڑنا پئے گا ورنہ اِیس جنگ نوں ہار جاوے۔ جے اسی شیطان تے اُوہدی آسیباں دی فوج دے خلاف ڈٹ جاندے آں تے شاگرد بنن لئی مزید ہور نوجوان لوکاں نوں لہیان لئی لڑنے آں، تے اسی شاید ساری دنیا وچ دوجیاں نوں بخوبی متاثر کراں گے – ساڈی ویب سائٹ دے ذریعے نال۔
     لیکن جے اسی مزید ہور نوجوان لوکاں نوں لہیان چے ناکام رئے، جے اسی اُوہناں نوں اِک اِک کر کے ہر اتوار نوں لہیان چے ناکام رئے، تے اسی دوجے گرجا گھراں نوں متاثر کرن لئی قابل نئیں رواں گے، تے ایونجیلیکل گرجا گھراں دی ساری دی ساری ساکھ اِک نوے تاریک دور دی اتھاہ گہرائیاں چے ڈوب جاوے گی، زیادہ منحوس بناں گے تے تاریکی دی قوّتاں دے وسیلے نال دراز ہوواں گے۔ آؤ اِیس لئی خود نوں اپنی ذمہ داریاں دے نال نتھی کر لئیے۔ آؤ ساڈی وچوں ہر اِک لڑن آلا شاگرد بنے۔
     دوجی جنگِ عظیم دے شروع چے وزیر اعظم نی ویلی چیمبرلین Neville Chamberlain، لارڈ ھیلفیکس Lord Halifax تے اُوہناں دے پیروکاراں نوں ھٹلر دے سمنے سرنگوں ہونا چائیدا سی۔ چرچل نے ’’نئیں‘‘ کہیا۔ تے چرچل ساڈے گرجا گھر چے اُوہناں دو مناداں نوں وی ’’نئیں‘‘ کہے گا جہیڑے ساڈے کولوں چاہندے نے کہ اسی وی ہمت ہار جائیے! اُو لڑائی توں نٹھ رئے سن۔ تُسی اُوہناں دے پِچھے مت جانا!
     جے ساڈے گرجا گھر دی طویل کہانی نوں اختتام پزیر ہونا ای اے تے آؤ ایس نوں صرف اُوس ویلے ختم ہون دئیے جدوں ساڈے وچوں ہر اک زمین تے خود اپنے ای خون چے پیا دم توڑ رہیا ہووے! آؤ ساڈے وچوں ہر اِک اُو سب کچھ کر گزرن دئیے جہیڑے اُو ساڈے نال کسی نوں لہیان لئی کر سکدے نے، کہ اُو وی مسیح دی پیروی کرن لئی متاثر ہوئے ہون! جے اُوس دعا دا جواب مل جاوے تے لوکی یاد رکھن گے، تے خُدا یاد رکھے گا، اسی کی کیتا – تے خدا تے لوکی کہن گے، ’’ایہہ ساڈا بہترین ویلا سی!‘‘

مہربانی نال کھڑیں ہوں تے حمدوثنا دا گیت نمبر 1 ’’ودھی چلو، مسیحی سپاہیو Onward, Christian Soldiers‘‘ گاؤ۔

ودھی چلو، مسیحی سپاہیو، جنگ دے لئی قدم ودھائی چلو،
   یسوع دی صلیب دی قیادت وِچ ودھی چلو:
مسیح جیہڑا شاہی حاکم اے دشمناں دے خلاف رہنمائی کردا اے؛
   جنگ وِچ اُوہدے چنڈھے نوں اَگے وددھا ہویا ویکھو۔
ودھی چلو، مسیحی سپاہیو، جنگ دے لئی قدم ودھائی چلو،
   یسوع دی صلیب دی قیادت وِچ ودھی چلو۔
جیویں اِک طاقتور فوج خدا دے گرجا گھر نوں چلاندی اے؛
   پراہؤ، اَسی قدم ودھا رئے آں جیتھے مقدساں نے قدم ودھائے سن؛
اَسی تقسیم نئیں ہوئے آں، اَسی سب اِکو ای بدن آں،
   عقیدے تے اُمید وِچ اِک، صدقے وِچ اِک
ودھی چلو، مسیحی سپاہیو، جنگ دے لئی قدم ودھائی چلو،
   یسوع دی صلیب دی قیادت وِچ ودھی چلو۔

فیر اَگے ودھو، تُسی لوکی، ساڈی خوشی آلی پیھڑ وِچ شامل ہوؤ،
   فاتحانہ گیت وِچ ساڈیاں واجاں نال اپنی واجاں نوں رَلا لو؛
جلال، ستائش تے تعظیم یسوع بادشاہ دی ای ہووے؛
   لا تعداد زمانیاں توں ایہہ ای لوکی تے فرشتے گاندے آئے نے۔
ودھی چلو، مسیحی سپاہیو، جنگ دے لئی قدم ودھائی چلو،
   یسوع دی صلیب دی قیادت وِچ ودھی چلو:
(’’ودھی چلو، مسیحی سپاہیو Onward, Christian Soldiers‘‘ شاعرہ سابین بارنگ گوولڈ Sabine Baring-Gould، 1834۔1924)۔

کیڑا کہے گا، ’’جو میں کر سکدا آں اُو میں ایس گرجا گھر نوں مسیح دی اِک فوج بنان لئی کراں گا۔‘‘ ایتھے سمنے چلے آؤ جدوں کہ اسی ’’ودھی چلو، مسیحی سپاہیو Onward, Christian Soldiers‘‘ گاؤ۔ عورتوں، سانوں تہاڈی لوڑ اے۔ بُڈھے مرد حضرات، سانوں تہاڈی لوڑ اے۔ نوجوان لوکو، اسی ایہہ کر سکنے آں! ہُنے ایتھے آؤ تے ساڈے نال دعا منگو۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلیاں گیت مسٹر جیک نینگ Mr. Jack Ngann نے گایا سی:
’’کنڈیاں دا تاج A Crown of Thorns‘‘
1(شاعر عرا ایف. سٹین فِل Ira F. Stanphill، 1914۔1993).