ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

4 جُون، 2011 ’’ٹیّانانمین سکوائر دے قتلِ عام‘‘’’Tiananmen Square Massacreدی بائیسویں برسی نوں نمایاں کردا اے۔ 1989 وِچ چھ ہفتیاں تیکر، ہزاراں چینی طالب نے سوچ دے اظہار دی آزادی لئی پُر امن طریقے نال مظاہرہ کیتا سی۔ فیر 4 جُون دے ابتدائی گھنٹیاں وِچ، حکومت دی فوج نے ہزاراں غیر مُسلح مظاہرین تے انّے وائی گولیاں برسا کے، ہزاراں لاتعداد نوں قتل کیتا تے ہزاروں توں وی زیادہ نوں زخمی چھڈ دِتا۔ ہُونگ یُو جیان Hong Yujian جیہڑے کہ پینسیلوانیا یونیورسٹی دے اِک تبادلہ شُدہ طالبِ علم سن، اُوہناں نے بیجینگ وِچ رونما ہون آلے ایس ظلم و ستم نوں ٹیلی وژن تے ویکھیا۔ اُوہناں نے کہیا کہ ٹیّانانمین سکوائر دے قتل عام نے اُوہناں دی سائنس تے سیاست وِچ اُمید دا سوال کھڑا کر دِتا تے مسیح بنن وِچ رہنمائی کیتی سی۔

’’اُوہناں نے کہیا کہ ٹیّانانمین دے قتلِ عام نے اُوہناں نوں تے دوجیاں نوں اُوہناں دے اپنے گناہ تے مسیح دے لئی طلب نوں ویکھن وِچ مدد کیتی سی: ’’میرے خیال وِچ خُدا نے چینی لوکاں لئی راہ ہموار کرن واسطے تے اُوہناں نے دِلاں نوں تیار کرن لئی ایس واقعے نوں استعمال کیتا سی‘‘ (عالمی رسالہ، World Magazine ، 6 جُون، 2009، صفحہ 38).

’’سب کُج یسوع لئی۔‘‘ کورس گاؤ!

سب کُج یسوع لئی! سب کُج یسوع لئی! میرے سارے ویلے تے میرے سارے دِن؛
سب کُج یسوع لئی! سب کُج یسوع لئی! میرے سارے ویلے تے میرے سارے دِن؛
   (’’سب کُج یسوع لئی‘‘ شاعر میری ڈی۔ جیمس Mary D. James، 1810۔1883)۔

عالمی رسالہWorld Magazine لکھدا اے،

گذشتہ 20 سالوں میں چین وِچ مسیحیت دے بڑھن دی شرع بہت تیزی نال پھیلی اے۔ ماہرین بہت تیزی نال شہر بنن دے عمل تے بااثر مفکرین دی ودھدی ہوئی تعداد دا مسیح نوں قبول کرن دا تزکرہ کردے نے۔ (ibid.)۔

1949 وِچ، جدوں اشتراکیت پسنداں نے چین تے قبضہ کیتا، اُوس ویلے اُوتھے دس لاکھ توں گھٹ چینی مسیحی سن۔ اَج اندازہ لایا جاندا اے کہ چین وِچ 160 ملین توں وی کافی زیادہ مسیحی نے! چین وِچ امریکہ، کینیڈا، برطانیہ تے آسٹریلیا نوں ملا کر جنہے مسیح ہوندے نے اُس توں وی زیادہ مسیحی چین وِچ اِتوار نوں گرجا گھر چہ ہوندے نے! ڈاکٹر سی۔ ایل۔ کیگن، اِک ماہر شماریات نے اندازہ لایا کہ ہُن چین وِچ ہر روز دے 24 گھنٹیاں دے ہر گھنٹے وِچ 700 توں زیادہ لوکی مسیحیت وِچ تبدیل ہو رئے نے۔ ’’سب کُج مسیح دے لئی۔‘‘ ایہہ کورس دوبارہ گاؤ!

سب کُج یسوع لئی! سب کُج یسوع لئی! میرے سارے ویلے تے میرے سارے دِن؛
سب کُج یسوع لئی! سب کُج یسوع لئی! میرے سارے ویلے تے میرے سارے دِن؛

ہر تھاں دے مسیحیاں دے لئی چین وِچ مسیحیت دی تاریخ بہت دلچسپ ہونی چائی دی اے۔ چین وِچ جدید مسیحی تبلیغی تحریک رابرٹ موریسن Robert Morrison (1782۔1834) نال شروع ہوندی سی۔ رابرٹ نوں چین وِچ لندن دی مسیحی مبلغینِ تبلیغ دی انجمن نے 1807 وِچ پیجیا سی۔ اُوہناں دی معاونت ولیم مِلن William Milne نے کیتی سی، اُوہناں نے [موریسن نے] مکمل بائبل دا ترجمہ چینی زبان وِچ 1821 تیکر کیتا سی۔ چین وِچ اُوہناں دے 27 وریاں دے دوران صرف کُج ای چینیاں نے بپتسمہ لہیا سی – فیر وی اُو تمام وفادار مسیحی رئے سن۔ موریسن دا چینی زبان وِچ بائبل دا ترجمہ تے اناجیل دے ادب دی اشاعت چین وِچ مسیحی انجیلی بشارت دی بنیاد بنی سی۔

1853 وِچ اِک انگریز طبی ڈاکٹر جیمس ہڈسن ٹیلرJames Hudson Taylor نے چین لئی بحری سفر کیتا سی۔ 1860 وِچ اُوہناں نے چین دے اندرونی وفد China Inland Mission دی بنیاد رکھی سی، جو کہ ہُن سمندر پار دے مسیحی تبلیغی مبلغین دی رفاقت Overseas Missionary Fellowship دے نام توں جانی جاندی اے۔ ڈاکٹر ٹیلر دے رفقاء آخرکار چین دے تمام اندرون وِچ پھیل گئے سن۔ ہڈسن ٹیلر1905 وِچ چَینگشاہ Changsha وِچ فوت ہوئے سن۔

جَون سُنگ 1901 وِچ پیدا ہوئے سن۔ چین دی تاریخ وِچ اُو اِک عظیم مبشرِانجیل دے طور تے پہچانے جاندے نے۔ ہزاراں دی تعداد وِچ اُو جیہڑے اُوہناں دی تبلیغات دے تحت تبدیل ہوئے سن، اشتراکیت پسنداں دے 1949 وِچ قبضہ کر لین دے بعد وی مسیح دے وفادار رئے سن۔ جدید تاریخ وِچ، گذشتہ 60 وریاں وِچ چین وِچ مسیحیت دی عظیم تجدیدِ نو چہ مسیحیاں دی تعداد بہت تیزی نال ودھی اے۔ اَج دی سویر میں تہانوں ڈاکٹر جَون سُنگ دی غیرمعمولی کہانی دسّاں گا۔ میں اُوہناں دی حیاتی دا خلاسہ دسن دا آغاز شروع کراں گا ڈاکٹر عیلگِن ایس۔ مُوئیرDr. Elgin S. Moyer توں۔

جَون سُنگ (1901۔1944)، چین دے مشہور قومی مبشرِ انجیل؛ چین، فُوکئین، ھِینگھوا وِچ پیدا ہوئے؛ اِک میتھوڈسٹ پادری دے پُتر سن۔ [تقریباً نو وریاں دی عمر چہ فرضی ’’تبدیل‘‘ ہوئے سن۔] ذہین طالبِ علم، ویزلِیان یونیورسٹی۔ اُوہائیو سٹیٹ یونیورسٹی، تے یونین تھیولوجیکل سیمنری۔ علمِ کیمیا وِچ پی ایچ ڈی سن۔ چین چہ واپس سائنس پڑھان دی بجائے انجیل دی تبلیغ لئی آئے سن۔ اپنی منفرد قوت تے پُر تاثیر تبلیغ وِچ پندرہ ورے لنگہائے (عیلگِن ایس۔ مُوئیر، پی ایچ۔ ڈی۔، کلیسیا دی تاریخ وِچ کون، کی سی Who Was Who In Church History، موڈی اشاعت خانہ، شمارہ1968 ، صفحہ 394).

’’سب کُج یسوع دے لئی۔‘‘ دوبارہ گاؤ!

سب کُج یسوع لئی! سب کُج یسوع لئی! میرے سارے ویلے تے میرے سارے دِن؛
سب کُج یسوع لئی! سب کُج یسوع لئی! میرے سارے ویلے تے میرے سارے دِن؛

ہُنے جَون سُنگ دی حیاتی دا ایہہ صرف نِکا جہیا خاکہ اے۔ ماضی دی مذید تفصیل وِچ جائیے، میں یقین نئیں کردا کہ اُوہناں نے نو وریاں دی عمر وِچ مذہب تبدیل کیتا سی۔ مینوں یقین نئیں اے کہ اُوہناں نے مذہب تبدیل کیتا سی جدوں تیکر اُو فروری 1927 وِچ 26 وریاں دی عمر دے نہ ہو گئے۔

امریکہ وِچ بہت وریاں بعد جَون سُنگ نے آپئے کہیا سی کہ اُوہناں نے مذہب تبدیل نئیں کیتا سی جدوں تیکر کہ اُو ایک روحانی بحران توں نئیں گزرے سن۔ جدوں اُو نو ورے دی عمر دے سن تے ہینگھوا وِچ اِک تجدیدِ نو ہویا سی۔ اِک مہینے دے اندر اندر تقریباً 3,000 پیشے بنے سن۔ پاک جمعہ دی اِک سویر اُوہناں نے ’’یسوع گتسمنی دے باغ وِچ‘‘ اِک واعظ سُنیا سی۔ مبلغ نے سوئے ہوئے شاگرداں دا موازنہ یسوع دی بے خوفی دے نال کیتا سی۔ واعظ دے آخیر تے بہتیرے لوکی دُکھ دے نال رو رئے سن۔ اُوہناں غمگساراں وِچ اِک میتھوڈسٹ دا نو وریاں دا پُتر، جَون سُنگ وی سی۔ مینوں ایویں لگدا اے کہ جَون سُنگ نے اپنی حیاتی یسوع دے ناں ’’وقف‘‘ کر چھڈی سی لیکن اُوس ویلے حقیقتاً مذہب تبدیل نئیں کیتا سی۔ جیویں کہ مُجھ توں پہلاں پادری، ڈاکٹر ٹیموتھی لِن Dr. Timothy Lin (جِنہاں دے پیو وی اِک مبلغ سن) جَون سُنگ نے تیرہ وریاں دی عمر توں اپنے پیو دی مدد کرنا تے تبلیغ کرنا شروع کر دِتا سے۔ لیکن، ڈاکٹر لِن وانگوں، اُوہناں نے ہلے تیکر حقیقی تبدیلی دا تجربہ نئیں کیتا سی۔ جَون سُنگ اِک مستقل مزاج طالبِ علم سن تے ہائی سکول اپنی جماعت وِچ نمایاں کامیابی دے نال مکمل کیتا سی۔ ایس ویلے دے دوران اُو ’’ننھے پادری‘‘ دی حیثیت توں پہچانے جان لگے سن۔ لیکن اپنے تمام تر اشتیاق تے فعالیت دے باوجود اُوہناں دا دِل مکمل طور تے مطمئین نئیں سی۔ جیہڑا کم اُو اپنی منادی وِچ کر رئے سن اُوہناں نے اُوہنوں ایویں بیان کیتا ’’اِنّا قابلِ دید جِنّا کِنگ فیشر پرندے دے پَر دا نیلا رنگ، اِنّا وافر جِنّا موسمِ سرما وِچ سبزہ، لیکن خُداوند یسوع نوں پیش کرن لئی اِک وی تازہ پھل توڑ کر دین لئی نئیں سی‘‘(لیزلی ٹی۔ لیعل Leslie T. Lyall ، جَون سُنگ کی حالاتِ زندگی A Biography of John Sung ، چینی اندرونی وفد China Inland Mission، اشاعت 1965، صفحہ 15).

1919 وِچ، 18 وریاں دی عمر وِچ، سُنگ نے امریکہ جان دا فیصلہ کیتا، تے اُوہائیو ویزلیان یونیورسٹی نے وظیفے دے نال اُوہناں نوں قبول کیتا۔ اُوہناں نے علمِ طبیعات تے علمِ اِلہٰیات دے نصابِ تعلیم دی تیاری دا آغاز کیتا سی، لیکن علمِ الہٰیات دی تیاری دے سلسلیاں نوں چھڈیا سی تے حساب تے علمِ کیمیا وِچ ماہر ہون دا فیصلہ کیتا۔ اُو باقاعدہ طور تے گرجا گھر جاندے تے طالبِ علماں دے درمیان انجیلی بشارت دے گروہ منظم کردے۔ لیکن اپنے امتحان دی آخری معیاد وِچ اُوہناں نے دُعا تے بائبل دے مطالعے نوں نظر انداز کرنا شروع کر دِتا تے اپنے امتحانی پرچاجات وِچوں اِک وِچ نقل کیتی۔ تین سو دی جماعت دے اوّل چار طالب علماں وِچوں اِک اُو سن جِنہاں نے اِمتیازی طور تے 1923 وِچ گریجوایشن کیتی سی۔ اُوہناں نوں کیمیا تے طبیعیات لئی نقد انعام تے سونے دے میڈل نال نوازیا گیا سی۔ اُوہناں نوں انجمنِ فی بِیٹا کپّا Phi Beta Kappa دے لئی چُنیا گیا سی، جیہڑی کہ سب توں بہترین عالماں دی اِک خصوصی تنظیم سی، جنہے اُوہناں نوں اِک سونے دی چابی دِتّی جیہڑی کہ علمیت وِچ شاندار اِمتیازیت دی نشانی سی۔

ہُن اُوہناں نوں بے شمار یونیورسٹیاں ولّوں وظیفے دی پیشکشاں ہُون لگیاں جنہاں وِچ ہارورڈ وی شامل سی۔ اُوہناں نے سائنس دی ماسٹر ڈگری لئی اُوہائیو سٹیٹ یونیورسٹی دا وظیفہ قبول کیتا سی۔ اُوہناں نے ایہہ ڈگری صرف نو مہینیاں وِچ مکمل کر لئی سی! اُوہناں نے ہارورڈ وِچ دوا دے نال علاج [میڈیسن] کرن دے مطالعے لئی وظیفے دی پیشکش ہوئی۔ اُوہناں نوں اِک ہُور پیشکش اِک مذہبی مطالعے دی درسگاہ [سیمنری] توں وی ہوئی۔ اُوہناں نوں احساس ہویا کہ اُوہناں نوں علم الہٰیات دا وی مطالعہ کرنا چائی دا اے، لیکن اُوہناں نے جیہڑی شُہرت پائی سی اُوس نے اُوہناں دی مذہبی رہنما بنن دی خواہش دی شدت نوں کم کر دِتا۔ ایس دے بجائے اُوہناں نے اُوہائیو سٹیٹ یونیورسٹی وِچ کیمیا دے ڈاکٹری توں متعلق نصابِ تعلیم وِچ داخلہ لے لیا۔ اُوہناں نے اپنی پی ایچ ڈی صرف اکیس مہینیاں وِچ مکمل کر لئی! ایویں اُو پہلے چینی سن جِنہاں نے ریاست ہائے متحدہ توں پی ایچ ڈی دا اعزاز حاصل کیتا۔ اخباراں وِچ اُوہناں نوں ’’اُوہائیو دے مشہور ترین طالبِ علم‘‘ دے طور تے بیان کیتا گیا۔ لیکن اُوہناں دے دِل دی گہرائیاں وِچ سکون نئیں سی۔ ودھدے ہوئے روحانی انتشار نے لنگدے ہوئے ویلے دے نال شدید ذہنی دباؤ تے گھبراہٹ دا مظاہرہ کیتا‘‘(لِیعل Lyall ibid., صفحہ 22).

ایسی دوران اُو آزاد خیال الہٰیات تے اُوہناں دی ’’معاشرتی انجیل‘‘ دی تعلمیات دے زیر اثر آئے۔ آزاد خیال الہٰیات سیکھاندی سی کہ یسوع اِک بُلند مرتبہ و معزز مثال سی، لیکن نجات دہندہ نئیں سی۔ مینوں لگدا اے کہ جَون سُنگ نے جدوں اُو نو وریاں دی عمر دے سن تے یسوع نوں اِک ’’بُؒلند مرتبہ تے معزز مثال‘‘ سمجھیا سی، تے ایسی وجہ توں اُوس ویلے اُوہناں دی مذہبی تبدیلی مصنوعی سی۔ لیکن خُدا ہُن تیکر اُوہناں نوں سد رئیا سی۔ اِک شام نوں جدوں اُو تنہائی وِچ بیٹھے سن تے اُوہناں نوں محسوس ہویا کہ خُدا دی آواز اُوہناں نو کہہ رئی اے، ’’آدمی جے ساری دُنیا حاصل کر لے مگر اپنی جان نوں گنوا بیٹھے تے اُوہنوں کی فائدہ ہووے گا؟‘‘

اگلے دِن اُوہناں نے اِک آزاد خیال میتھوڈسٹ پروفیسر توں مذہبی تبدیلی کیتی۔ اُوہناں نے پروفیسر نوں دسیا کہ حقیقتاً اُو امریکہ، علم الہٰیات دا مطالعہ کرن لئی آئے سن۔ پروفیسر نے اُوہناں نوں نیویارک دی اِک انتہائی آزاد خیال ’’یونین تھیولوجیکل سیمنری‘‘ وِچ مذہبی تعلیم دے لئی للکاریا۔ صرف چند لمحیاں دی ہچکچاہٹ دے بعد اُوہناں نے جان دا فیصلہ کر لہیا۔ یونین سیمنری وِچ اُوہناں نے مکمل وظیفہ دِتا گیا تے گزر بسر کرن لئی فیاض دِلانہ خرچہ۔ بعد چہ اُوہناں نے کہیا سی کہ اُوہناں نوں مذہبی منادی وِچ کوئی دلچسپی نئیں سی، لیکن صرف اپنے پیو نوں تسلی دین لئی اِک سال تیکر علمِ الہٰیات دا مطالعہ کرنا چاہندے سن، تے فیر واپس سائنسی پیشہ ای اختیار کرنا سی۔ اُوہناں دا دِل تاریکی تے افراتفری دے نال پرہیا ہویا سی۔

1926 دے موسمِ خزاں وِچ ڈاکٹر جَون سُنگ نے یونین تھیولوجیکل سیمنری دی فہرست وِچ اپنا اندراج کر لہیا۔ انتہائی آزاد خیال ڈاکٹر ہنری سلواین کوفّین Dr. Henry Sloane Coffin اُوس ویلے ہُنے صدر بنے ای سن۔ پروفیسراں دے درمیان انتہائی شدید آزاد خیال ڈاکٹر ہیری ایمرسن فوسڈِیک Dr. Harry Emerson Fosdick وی شامل سن، جیہڑے کہ ’’بنیاد پرستی دے خلاف کئی کتاباں دے مصنف سن، جیویں کہ ’’بائبل دا جدید استعمال The Modern Use of the Bible‘‘ تے ’’آقا دی مردانگی The Manhood of the Master۔‘‘ فوسڈِیک دے سب توں مشہور تقریر ’’کی بنیاد پرستاں نوں جِتّنا چائیدا اے؟‘‘ سی (1922)۔ اُو ہر ہفتے اپنی ریڈیو دی نشریات وِچ مسیح دے جسمانی طور تے مُردیاں وِچوں جی اُٹھن تے بائبل دی صداقتاں دے خلاف تبلیغ کردے سی۔ ایہہ سیمنری بائبل تے تنقید تے انجیلی بشارت دی الہٰی تعلیم نوں مسترد کرن دی اِک مشہور ترین تھاں سی۔ بائبل دی کوئی وی گل جِنہوں سائنسی طریقے نال ثابت نئیں کیتا جا سکدا سی اُوہنوں لائق مذمت تصور کر کے ٹُھکرا دیا جاندا! پیدائش دی کتاب نوں غیر تاریخی قرار دِتا تے معجزات تے یقین نوں غیر سائنسی۔ تاریخی یسوع نوں اِک مثالی حُسنِ مجسم دی نقل دے طور تے پیش کیتا، جدوں کہ اُوس [یسوع] دی موت تے جسمانی طور تے مُردیاں وِچوں جی اُٹھن جیہے تبدلیاتی اقدار نوں تسلیم ای نئیں کیتا گیا۔ دعا نوں ویلے نوں ضائع کرن دی حیثیت نال تصور کیتا گیا۔ ایہو جئے نقطۂ نظر نال [غیر متفق ہونا] اپنے آپ نوں تضحیک تے ہمدردی دا مستحق قرار دینا سی‘‘ (لیعل Lyall، ibid.، صفحات29۔30)۔

ڈاکٹر سُنگ نے اپنی تمام تر دماغی اِستعدادی قوتاں دے نال اپنے آپ نوں آزاد خیال اِلہٰی علم دے مطالعے وِچ غرق کر چھڈیا۔ اُوس سال دے دوران اُنہاں نے اعلی تعلیمی کامیابیاں حاصل کیتیاں، لیکن بُدھ مت مذہب تے ٹاؤ اِزم Taoism دے مطالعے دے سبب توں مسیحیت توں منکر ہو گئے سی۔ ایس اُمید دے نال کہ خود منکری اُوہناں نوں سکون دلائے گی، اُوہناں نے اپنے کمرے وِچ بدھ مت مذہب دے ضیحیفیاں دے جاپ کرنے شروع کر دِتے سن۔ اُوہناں نے لکھیا، ’’میری روح بیاباناں وِچ بھٹکدی سی۔‘‘

اُوہناں دی حیاتی ناقابلِ برداشت بن گئی۔ اُوہناں نے لکھیا، ’’نہ میں سو سکنا واں تے نا کھا سکنا واں… میرا دِل گہری ترین افسردگیاں نال پرہیا ہویا سی۔‘‘ سیمنری وِچ موجود عہدے داراں نے محسوس کیتا کہ اُو مسلسل اِک ذہنی دباؤ دی حالت وِچ سن۔

ایہو ای اُو کیفیت سی جیس وِچ اُو اپنے کُج ہُور طالب علماں دے نال ڈاکٹر آئی۔ ایم۔ ہالڈیمین Dr. I. M. Haldeman نوں سُنن لئی گئے، جیہڑے کہ نیویار دے پہلے بپتسمہ دین آلے گرجا گھر دے بنیاد پرست پادری سن۔ ڈاکٹر ہالڈیمین اپنی ایس گل دی وجہ توں مشہور سن، ’’جیہڑا وی کنواری توں پیدائش دی تردید کردا اے بائبل دی مسیحیت نوں تردید کردا اے۔‘‘ ڈاکٹر ہالڈیمین دا بِلاواسطہ متصادم ہیری ایمرسن فوسڈِیک تے یونین تھیولوجیکل سیمنری دے نال سی۔ جَون سُنگ اُوہناں [ہالڈیمین] دی تبلیغ تجسس دی وجہ توں سنن لئی گئے سن۔ لیکن اُوس راتی ڈاکٹر ہالڈیمین نے تبلیغ نئیں کیتی۔ اُوس دے بجائے اِک پندرہ سالہ کُڑی نے اپنی گواہی پیش کیتی۔ اُوہنے صیحیفیاں نوں پڑھیا تے یسوع دی تبّدلیاتی صلیب موت تے گفتگو کیتی۔ سُنگ نے کہیا اُو خُدا دی موجودگی نوں محسوس کر سکدے نے۔ اُوہناں دے سیمنری دے بیلیاں نے اُوہناں دی تضحیک کیتی، لیکن اُو خود لگا تار مذید چار شاماں انجیلی بشارت دی عبادتاں وِچ شریک ہون لئی واپس جاندے رئے۔ ’’سب کُج یسوع دے لئی۔‘‘ دوبارہ گاؤ۔

سب کُج یسوع لئی! سب کُج یسوع لئی! میرے سارے ویلے تے میرے سارے دِن؛
سب کُج یسوع لئی! سب کُج یسوع لئی! میرے سارے ویلے تے میرے سارے دِن؛

اُوہناں نے جان ویزلی، جارج وائٹ فیلڈ تے دوجے عظیم مبلغاں جہے انساناں دی مسیحی حالاتِ زندگیاں پڑھنا شروع کیتا تاں جے اُوہناں قوتاں نوں دریافت کر سکن جیہڑیاں اُوہناں نے پہلے بپتسمہ دین آلے گرجا گھر دے اُوہناں انجیلی بشارت دے جلسیاں وِچ محسوس کیتی سی۔ سیمنری وِچ اِک اجلاس دے دوران اِک مقرر نے یسوع دی تبّدلیاتی صلیب موت دے خلاف سخت الفاظ بولے۔ جَون سُنگ لیکچر دے آخیر چہ کھلو گئے تے حیرت ذدہ طالب علماں دی اِک جماعت دے سامنے اُوہنوں جواب دِتا۔

آخر کار، 10 فروری، 1927 نوں اُوہناں نے حقیقی مذہبی تبدیلی دا تجربہ کیتا۔ ’’اُوہنان نے اپنی حیاتی دے سارے گناہ اپنے اگے پھیلے ہوئے ویکھے۔ شروع چہ ایویں لگدا سی جیویں اُوہناں توں چھٹکارہ پان دی کوئی راہ نئیں اے تے اُو لازمی طور تے جہنم وِچ جان گے۔ اُوہناں نے اپنے گناہواں نوں بُھلن دی کوشش کیتی، لیکن نئیں بُھلا سکے۔ اُوہناں ای [گناہواں] نے اُوہناں دا دِل چیر چھڈیا… اُوہناں نوں ایویں محسوس ہویا کہ اُو اُوتھے صلیب دے قدماں ہیٹاں نے تے قیمتی لہو نال اپنے سارے گناہواں نوں دھون [صاف کرن] دی التجا کر رئے نے… آدھی رات تیکر اُوہناں نے رونا تے دعاواں کرنا جاری رکھیا۔ فیر اُوہناں نوں محسوس ہویا کہ اِک واج کہہ رئی اے، ’پُتر، تیرے گناہ معاف کیتے گئے،‘ تے اُوہناں دے گناہواں دا تمام بوجھ یکدم اُوہناں دے موڈیاں توں اُتردا ہویا محسوس ہویا… ’اُو ھیلیلویا!‘ چیخ کے اپنے قدماں تے اُچھل پئے۔‘‘ (لیعلLyall، ibid.، صفحات33۔34)۔ اُو خداوند دی ستائش کردیاں ہویاں تے چیخدے ہویاں اجتماعی سون آلے کمرے توں نٹھے۔ ہُن اُوہناں نے ہر کسی نال اُوہدے لئی یسوع دی لُوڑ دے بارے وِچ گل بات کرنا شروع کر دِتی، جنہاں وِچ اُوہناں دے ہم جماعت تے سیمنری دے اِساتذہ وی شامل سن۔ ’’سب کُج یسوع دے لئی۔‘‘ دوبارہ گاؤ!

سب کُج یسوع لئی! سب کُج یسوع لئی! میرے سارے ویلے تے میرے سارے دِن؛
سب کُج یسوع لئی! سب کُج یسوع لئی! میرے سارے ویلے تے میرے سارے دِن؛

سیمنری دے صدر نے سوچیا کہ اُوہناں نے شدید عالمانہ فلسفیاتی کوششاں دی وجہ توں دماغی توازن کھو دیا اے، تے اُوہناں نوں [جَون سُنگ نوں] اِک پاگل خانے دی دماغی مریضاں دے ہسپتال وِچ داخل کر چھڈیا۔ اُوہناں نے پاگل خانے وِچ چھ مہینے گزارے۔ ایس ویلے دے دوران اُوہناں نے بائبل شروع توں آخیر تیکر چالی وری پڑھ لئی۔ ’’ایس طرح دماغی ہسپتال جَون سُنگ لئی حقیقتاً الہٰیاتی کالج بن گیا۔ جَون سُنگ نے یونین سیمنری دے نال تعلقات اُوس دِن توڑ دِتے سن جدوں اُوہناں نے آزاد خیال الہٰیاتی کتاباں نوں جلایا سی، ایہہ کہہ کر کہ ایہہ ’’شیطاناں دیاں کتاباں‘‘ نے۔ یونین سیمنری نے کدی وی چین دی تاریخ دے سب توں عظیم مبشر انجیل دے نال اپنے تعلقات تے فخر محسوس نئیں کیتا۔

چین وَل اپنے بحری سفر وِچ واپسی تے اُو جانندے سن کہ اُو آسانی نال کسی وی چینی یونیورسٹی وِچ کیمیا دے پروفیسر دے طور تے رُتبہ حاصل کر سکدے نے۔ ’’اِک دِن، جیویں ای جہاز اپنے بحری سفر دے اختتام دے قریب سی، جَون سُنگ تھلے اپنے کمرے وِچ گئے، اپنے کمرے دے صندوق وِچوں اپنی سننداں، میڈلز تے اپنی انجمن دے چانیاں کڈیاں تے اُوہناں نوں جہاز توں تھلے [سمندر وِچ] سُٹ دِتا۔ سارا کُج ماسوائے اپنے ڈاکٹر بنن دی سند دے، جیہڑی اُوہناں نے اپنے پیو دی تسلی لئی محفوظ رکھی سی۔‘‘ (لیعل Lyall، صفحہ40)۔

چین دی تاریخ وِچ مشہور ترین مبشرِ انجیل بنن لئی، ڈاکٹر جَون سُنگ نے 1927 دے موسمِ خزاں وِچ شنگھائی دی زمین تے کشتی توں باہر قدم رکھیا سی۔ اُوہناں نوں اکثر ’’چین دا ویزلی Wesley of China‘‘ وی کہیا جاندا اے۔ جَون سُنگ انجیل دے اِک شدید قوی مبلغ بن گئے۔ صرف تین سالاں ای دے وِچ اُوہناں دی تبلیغ نال چین وِچ 100,000 توں وی زیادہ لوکاں نے مذہب تبدیل کیتا! اُوہناں نے برما، کمبوڈیا، سِنگاپور، اِنڈونیشا تے فلپائین دے جزائر وِچ وی تبلیغ کیتی۔ اُو ہمیشہ اِک ترجمان دے نال تبلیغ کردے، ایتھوں تیکر کہ چین وِچ وی، کیونکہ اُوہناں دی بولی وسیع پیمانے تے نئیں بولی جاندی سی۔ وائٹ فیلڈ وانگوں، جَون سُںگ ذاتی طور تے زیادہ تر اُوہناں لوکاں نوں ہدایات دیندے سن جیہڑے اُوہناں دی تبلیغ دا ردعمل ظاہر کردے سی۔ ’’اَج چین تے تائیوان چہ مسیحی لوکی سُنگ دی منادی دے بہت مقروض نے؛ بیسویں صدی وِچ مشرقِ بعید لئی اُو خداوند وَلّوں عظیم تحفیاں وِچوں اِک سن‘‘(ٹی۔ فراق، جے۔ ڈی۔ ڈگلِس، پی ایچ۔ ڈی۔، دی کتاب مسیحی تاریخ وِچ کون، کی اے، ٹائنڈیل ہاؤس، 1992، صفحہ 650). ڈاکٹر سُنگ دی بہترین مختصر حالاتِ زندگی لکھی اے ریورنڈ ولیم ای۔ شوبرٹ نے Rev. William E. Schubert جیس دا ناں، ’’مجھے جَون سُنگ یاد ہے‘‘I Remember John Sung ‘‘، جیہڑی کہ مہیا اے www.strategicpress.org. یہاں پر کلک کریں خریدنے کے لیے ریورنڈ شُوبرٹ کی حالاتِ زندگیRev. Schubert’s biography ۔ یہاں پر کلک کیجیے خریدنے کے لیے ڈاکٹر جَون سُنگ کی حالاتِ زندگی مصنف لیزلی لِیعل a biography of Dr. John Sung by Leslie Lyall (اینی چنگی نئیں اے جنی شُوبرٹ دی لیکن دلچسپ اے مگر کُج کُج تنقیدی)۔ یہاں پر کلک کیجیے خریدنے کے لیے ڈاکٹر جَون سُنگ کی ڈائری، باعنوان ’’ شمارہ جو کبھی کھو گیا تھا۔ The diary of Dr. John Sung, titled “The Journal Once Lost.” ‘‘ یہاں پر کلک کیجیے پڑھنے کے لیے وِکی پِیڈیا میں ڈاکٹر جَون سُنگ پر ایک جریدہ a Wikipedia article on Dr. Sung ۔

اُو کینسر دی وجہ نال 1944 وِچ بیالیس وریاں دی عمر چہ فوت ہوئے سن۔

’’آدمی جے ساری دُنیا حاصل کر لے مگر اپنی جان نوں گنوا بیٹھے تے اُوہنوں کی فائدہ ہووے گا؟‘‘ (مرقس8:36)۔

ایہہ میری دعا اے کہ تُسی وی حقیقی تبدیلی دا تجربہ کرو جیویں ڈاکٹر سُنگ نے کیتا۔ میں دعا کرنا واں کہ خُدا تہاڈے تے ایس حیاتی دا خالی پن ظاہر کرے؛ تے کہ خُدا تہانوں گناہ دے گہرے راسخ عقیدے دے تحت لہیائے؛ تے خُدا تہانوں مسیح وَل متوجہ کرے تاں جے اُوس [یسوع] دے کفارہ ادا کرنے آلے لہو نال گناہواں توں پاک صاف کرے۔ تے میں دعا کرنا واں کہ تُسی اَج شام 6:00 واپس آؤ ڈاکٹر سُنگ دے بارے وِچ اِک ہور واعظ سُنن لئی جیس دا عنوان اے، ’’آزاد خیال سیمنری وِچ ڈاکٹر سُنگ دے نال‘‘ “With Dr. Sung at the Liberal Seminary” (یہاں کلک کیجیے اِسے پڑھنے کے لیے) ۔ آمین۔ مہربانی نال کھلو جاؤ تے اپنے گیتاں دے ورقے توں حمدوثنا دا گیت نمبر اِک گاؤ، ’’یسوع نے اِس تمام کی قیمت چکائی Jesus Paid It All‘‘

میں نجات دہندہ نوں کہندے ہوئے سُننا واں، ’’تیری قوت بِلاشُبہ چھوٹی اے،
کمزوری دے بچے، جاگدا رہ تے دعا منگ، میرے وِچ ای اپنا سب کُج لبھ۔‘‘
یسوع نے ایس تمام دی قیمت چکائی، اُوہدا میں مکمل مقروض واں؛
گناہ نے اِک سُرخی مائل دھبہ چھڈیا اے، اُوہنے اُونوں دھو کر برف وانگو سفید کر دِتا اے۔

اے خداوند، ہُن بلاشبہ میں تیری قوت نوں پا لہیا اے، تے واحد تیری قوت ای،
کوڑھیاں دے داغاں نوں بدل سکدی اے، تے پتھر دِل نوں پگھلا سکدی اے۔
یسوع نے ایس تمام دی قیمت چکائی، اُوہدا میں مکمل مقروض واں؛
گناہ نے اِک سُرخی مائل دھبہ چھڈیا اے، اُوہنے اُونوں دھو کر برف وانگو سفید کر دِتا اے۔
   (’’یسوع نے ایس تمام دی قیمت چکائی Jesus Paid It All‘‘ شاعرہ ایلوینہ ایم۔ ھال Elvina M. Hall، 1820۔1889)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلیاں گیت مسٹر بینجمین کینکیڈ گریفتھ Mr. Benjamin Kincaid Griffith نے گایا سی :
’’سب کُج یسوع لئیAll For Jesus‘‘
شاعر میری ڈی۔ جیمس Mary D. James، 1810۔1883)۔