آخری دِناں دیاں نشانیاں

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

شاگرد جاننا چاہندے سی دُنیا دا خاتمہ کدوں ہووے گا۔ اُوہناں نے کہیا، ’’تیری آمد تے دُنیا دے آخیر ہون دا نشان کی اے؟‘‘ (متی24:3)۔ اُوہناں نے مسیح نوں اُوہناں نوں نشانیاں دسن لئی کہیا۔ اُوس نے اُوہناں نوں بے شمار نشانیاں دسیاں، جیہڑیاں متی24 باب وِچ درج نے، تے اُوس دے متماثل لوقا21 باب دے حوالے وِچ درج نے۔ متی 24 باب بے شمار نشانیوں نوں پیش کردا اے۔ تے لوقا21 باب اُوہناں وِچ مذید ہُور نوں پیش کردا اے۔ اَسی اَج دی راتی زیادہ تر لوقا21 باب نوں سُناں گے۔ ’’تیری آمد تے دُنیا دے آخیر ہون دا نشان کی اے؟‘‘ مسیح نے لوقا21 باب توں اُوہناں نشانیاں وِچوں بے شمار نوں پیش کیتا، لیکن پہلاں 2پطرس کھولو۔

2پطرس، تین باب، آیت 3 نوں کھولو۔ ایہہ سیکوفیلڈ مطالعۂ بائبل دے ورقے 1319 تے اے۔ ایہہ کہندی اے،

’’سب توں پہلاں تہانوں ایہہ جان لینا چائیدا اے کہ آخیرلی دِناں وِچ ایہو جہئے لوکی آن گے جیہڑے اپنی نفسانی خواہشاں دے مطابق حیاتی گزارن گے تے تہاڈا ہاسا اُڑان گے‘‘ (2پطرس3:3)۔

اَج دی راتی میں ’’آخیرلی دِناں دی نشانیاں‘‘ دے موضوع تے گل کراں گا، جیوں جے اِسی بالکل ایسی ویلے آخیرلی دِناں وِچ حیاتی بسر کر رئے آں۔ ویلہ گھٹ اے۔

2پطرس 3:3 وِچ اُوس تاثر تے غور کرو، ’’آخیرلی دِناں وِچ ایہو جہئے لوکی آن گے۔‘‘ اُوہناں لفظاں ’’آخیرلی دِناں‘‘ تے غور کرو۔ تہانوں اُو تاثر تے تصور بائبل وِچ بار بار لبھے گا۔

بائبل تعلیم دیندی اے کہ تاریخ وِچ اِک ایہو جہیا نکتہ اے جیہڑا آخیرلی دِناں دی حیثیت نال جانیا جاندا اے۔ بائبل دے بےشمار اُستاد کہندے نے کہ اَسی ایس ویلے اُوسی زمانے وِچ ہیں۔ میرے خیال چہ اُو سچے نے۔ بائبل تاریخاں طے کرن دے بارے چہ خبردار کردی اے۔ لیکن ویلے دا اِک ایہو جیہا زمانہ اے جیہڑا ’’آخیرلی دِناں‘‘ دی حیثیت نال سیانیا جاندا اے۔ ہر علامت نشاندہی کردی اے کہ اَسی بالکل ایسی ویلے اُوسی عمومی دورانیہ وِچ ہیں۔ لیونارڈ ریونحل Leonard Ravenhill نے کہیا، ’’ایہہ آخری اِیام نے۔‘‘

2پطرس3:3 وِچ اگلا لفظ ’’ہاسا اُڈان وال‘‘ نے۔ ایہہ لوکی مسیح دی دوجی آمد تے دُنیا دے خاتمے دے آئیڈیے دا مخُول اُڑاندے نے۔ اُو نقل لاہندے نے، مخُول اُڑاندے نے تے ہاسا اُڑاندے نے۔ اُو طعنہ زن تے بے اعتقادے نے۔ اُو کہندے نے، ’’اَسی خُدا نوں کدرے وی نئیں پاندے۔ ساڈا نئیں خیال کہ خُدا دُنیا دا خاتمہ کرن جا رہیا اے۔ سانوں تے ایس گل دا وی یقین نئیں اے کہ خُدا اِک اے۔‘‘ اُو مستقبل وِچ ہون آلے انصاف دے تصور دا مذاق اُڑاندے تے ہسدے نے، اُو اِک دوجی وسعت توں، آسمان توں ایس زمین تے یسوع مسیح دے واپس آن دے تصور دا مخُول اُڑاندے نے۔ اُو خدا دے غضبناک قہر وِچ دُنا دے خاتمے دے سارے تصور تے ہسدے نے۔

اُو کیوں مخُول اُڑاندے تے ہسدے نے؟ اگلے چند لفظ سانوں دسدے نے، ’’اپنی نفسانی خواہشاں دے مطابق حیاتی گزار رئے نے‘‘ یا ’’اپنی خود دی نفسانی خواہشاں دے تعاقب وچ نے۔‘‘ اُو گناہ وچ حیاتی بسر کر رئے نے۔ ایس لئی اُو نئیں چاہندے کہ مسیح آئے تے اُوہناں دی گناہواں تُوں بھرپور طرزِ حیاتی وچ مداخلت کرے۔ اُوہناں نوں اپنی نفسانی خواہشاں نال پیار اے، اُوہناں نوں اپنے گناہواں نال ایس قدر محبت اے کہ اُو نئیں چاہندے مسیح آئے تے اِیس لئی اُو خدا دے انصاف دے بارے وچ جیہڑی بائبل تعلیم دیندی اے اُوس نوں مسترد کردے نے! اُو محبت دا اِک خدا اے، لیکن اُو قہر تے انصاف دا وی اِک خدا اے۔ اُو گناہ تے بدکاری دے خلاف غصے دا اِک خُدا اے۔ ایہہ مخُول اُڑان آلے منافقین ثبوت دا معائنہ نئیں کردے۔ اُو بائبل نوں نئیں پڑھدے۔ اُو سچائی دے بارے وچ جاننا نئیں چاہندے – کیونکہ اُو منافقین نے۔ اُو مخُول اُڑان آلے نے، جیہڑے اپنی نفسانی خواہشاں دے مطابق حیاتی گزار رئے نے!

فیر اگلی آیت کہندی اے، ’’اُو جان بُجھ کر ایہہ گل پُل جاندے نے کہ آسمان خدا دے حکم دے مطابق زمانۂ قدیم … (7 ویں آیت نوں ویکھو)۔ ’’لیکن اُو آسمان تے زمین جیہڑے ہُن نے، اُسی کلام دے وسیلے نال محفوظ کیتے گئے نے، جیہڑے اگ وچ جلائے جان لئی بے دیناں دی عدالت تے ہلاکت دے دِن تِیکر باقی رہن گے‘‘ (2۔ پطرس 3:3۔7).

’’لیکن خُداوند دا دن رات وچ چور دی مانند آ جاوے گا؛ اُوس دِن آسمان بڑے شوروگُل دے نال غائب ہو جان گے تے اجرامِ فلکی شدید حرارت دے نال پگھل کر رہ جان گے تے زمین تے اُوہدے اُتے دیاں تمام شیواں جل جان گِیاں۔‘‘

کلام پاک دا ایہہ حوالہ کہندا اے کہ انصاف دا اِک دن آن آلا اے۔ ساری دی ساری گناہ توں بھرپور دُنیا نوں اِک نہ اِک دن خُدا دے انصاف دی عدالت وچ کھڑا ہونا ہی پئے گا۔ جے تُسی مسیح چہ ایمان لہیا کر تبدیل نئیں ہوئے ہو تے اُوس دِن تُسی خدا دے حضور وچ کھڑے ہوو گے۔ تہانوں تہاڈے گناہواں لئی سزا دِتی جائے گی جے تُسی نجات نئیں پائی اے۔

تے شاگرد اُسی آن آلے دِن دے بارے چہ پُچھ رئے سی۔ اُوہناں نے کہیا، ’’تیری آمد تے دُنیا دے خاتمے دی نشانی کی ہووے گی؟‘‘ (متی 24:3).

ہُن مسیح نے اُوہناں نوں بے شمار نشانیاں دسیاں، تے میں اُوہناں وچوں چند اِک نوں پیش کرن جا رہیا واں۔

I۔ پہلی نشانی، ماحولیاتی نشانیاں ہون گِیاں جیہڑیاں ظاہر کرن گِیاں کہ خاتمہ نیڑے اے۔

’’تھاں تھاں تے وڈے وڈے بھونچال آن گے، قحط پین گے تے وباواں پھیلن گِیاں؛ دہشتناک واقعات رونما ہون گے تے آسمان تے عظیم نشانات ظاہر ہون گے۔ سورج، چن تے تاریاں وچ نشان ظاہر ہون گے تے زمین تے قوماں نوں اذیت پہنچے گی کیوں جے سمندر تے اُوس دی لہراں دا زور و شور اُوہناں نوں خوف زدہ کر دئے گا؛ ڈر دے ماریاں تے آن آلی مصیبتاں دا انتظار کردے کردے اُوہناں دے ہوش و حواس باقی نہ رہن گے‘‘ (لوقا 21:11، 25۔26).

ایس دے بارے چہ سوچو! یسوع نے کہیا کہ لوکاں دے دِل ہوش و حواس کھو دین گے جدوں اُو ویکھن گے کہ ’’زمین تے‘‘ کی رونما ہو رہیا اے۔ اُوہنے کہیا کہ مایوسی تے رنج تے شدید کوفت تے انتہائی خوف ہووے گا ’’اُوہناں گلاں دی وجہ توں جیہڑیاں زمین تے رونما ہون جا رہیاں نے۔‘‘

زیادہ عرصہ نئیں گزریا سائنسداناں نے قطبِ شمالی دے اُتے اُوزون دی تہہ وِچ اِنّہ ای وڈا جِنّہی کہ مائینMaine دی ریاست اے سوراخ پایا اے۔ ٹائم Time میگزین دے کول اِک خبر دی کہانی اے – جیہڑی سرورق تے پیش کیتی گئی – ’’اُو بہت وڈی نیوکلیائی دھماکے ورگی تباہی The Big Meltdown‘‘ جوں جوں آرکٹکArctic وِچ درجہ حرارت بڑھتا اے، تے ایہہ سیارے دے اِرد گرد اِک ٹھنڈک پیجدا اے۔‘‘ (ٹائم میگزین، 4 ستمبر، 2000، ورقے 52۔56)۔ ٹائم [میگزین] نے کہیا، ’’ایتھوں تیکر کہ برف دا جزوی جہیا پگھلنا وی شمالی کُرّے دے موسم نوں تباہ کر ڈالے گا۔‘‘ ٹائم دے آرٹیکل وِچ، ڈاکٹر رچرڈ آلے Dr. Richard Alley، جیہڑے کہ پین سٹیٹ یونیورسٹی Penn State University وِچ اِک جیوفزسسٹ نے، اُوہناں نے دسیا کہ ’’لکھی ہوئی تاریخ وِچ جنہاں گھٹ ہوندیاں ہویا درجہ حرارتاں نے انساناں وِچ تبدیلیاں نوں متاثر کیتا اُونہاں دے مقالبے وِچ درجہ حرارت دا ڈِگنا کِدرے (انتہائی شدید طور تے) بہت زیادہ اے۔‘‘ کی ایہہ انسانی نسل دا خاتمہ ہووے گا؟ ڈاکٹر آلے کہندے نے، ’’جی نہیں، لیکن ایہہ نسل انسانی لئی اِک تکلیف دہ زمانہ ہووے گا۔ انتہائی تکلیف دہ۔‘‘

حیاتی بندوقاں تے جنگاں نال بھری پئی سی،
تے ہر کوئی فرش تے روندا جا چکیا سی۔
میں خواہش کرنا واں کہ اِسی سارے تیار ہوندے۔
(’’میں خواہش کرنا واں کہ اِسی سارے تیار ہوندے I Wish We’d All Been Ready‘‘ شاعر لیری نارمن Larry Norman، 1947۔2008)۔

ڈاکٹر آلے ورگے سائنسدان خوف دے نال اذیت وِچ مبتلا رہندے نے

’’اور آن آلی مصیبتاں دا انتظار کردے کردے اُوہناں دے ہوش و حواس باقی نہ رہن گے‘‘ (لوقا21:26)۔

جدوں تُسی قطبِ شمالی دے پگھلن تے برف دے زمانے تے نظر پاندے ہو جیس دے بارے چہ اُو کہندے نے یکدم آ جائے گا، اگلے 25 وریاں وِچ، تے ایہہ خوف وِچ مبتلا کر دین آلی گل ہوندی اے۔ جدوں تہانوں احساس ہوندا اے کہ ایڈز AIDS دی وباء افریقہ نوں تباہ کر رہی اے، جیس دا ختم ہونا نظر ای نئیں آندا – تے ایہہ خوف وِچ مبتلا کر دین آلی گل ہوندی اے۔ جدوں تُسی اینٹی بائیوٹک مزاحمت، ٹیوبرکیلوسس تے دوجی نئی ’’بلاواں‘‘ وگریاں بیماریاں دی تجدید تے نظر پاندے اُو جیہڑیاں کسی وی جانی جان آلی دوائی توں ٹھیک نئیں ہوندیاں – تے ایہہ خوف وِچ مبتلا کر دین آلی گل ہوندی اے۔

تعجب دی کوئی گل نئیں جے ایس قدر زیادہ نوجوان لوکاں وِچ مستقبل دے بارے وِچ خوف ہوندا اے۔ حالیہ رائے شماری ظاہر کردی اے کہ اَج دے دور دے بلوغت دی جانب ودھدے ہوئے 80 فیصد نوجوان سوچدے ای نئیں کہ اُوہناں دے کول کوئی چنگا مستقبل اے۔ اُو رائے شماری ظاہر کردی اے کہ بلوغت وَل ودھدے ہوئے ایہہ نوجوان اکثر ماحول وِچ مسائل دے بارے چہ فکر مند ہوندے نے، جیویں کہ قطبِ شمالی دا پگھلنا تے برف دا زمانہ یا پانی دی اُو دُنیا جیہڑی ایہہ پیدا کر دے گا۔

نوجوان لوکاں نوں جبلّتی طور تے پتا لگ جاندا اے کہ ساڈی دُنیا بدترین ہوندی جا رئی اے۔ تے ایہہ گل اُوہناں نوں خوف وِچ مبتلا کر دیندی اے۔ تُسی کی کر سکدے اُو جدوں مغربی کیلیفورینا وِچ سارا سال یخ بستہ سردی ہووے؟

’’تے ڈر دے مارے تے آن آلی مصیبتاں دا انتظار کردے کردے اُوہناں دے ہوش و حواس باقی نہ رہن گے‘‘ (لوقا21:26)۔

نوجوان لوکی شدت دے نال خوفزدہ نے کہ نسل انسانی ساڈے سیارے نوں تباہ کر رئی اے۔ تے میں اُوہناں دے فکر وِچ شامل آں – مکمل طور تے!

میری بیوی تے میں اپنے صحن وِچ کھلوتے سی، میں اُوہناں کولوں پوچھیا، ’’آخیرلی وری کدوں تُسی اِک مونارک تتلی ویکھی سی؟ اُو آخیری وری کدوں سی جدوں تُسی اِک مینڈک ویکھیا سی؟ اُو ختم ہو چکے نے – یا نہیات چھیتی خٹم ہون والے نے۔‘‘ اُوہناں نے مینوں کہیا، ’’جی ہاں، اَسی واقعی چہ اپنے ماحول دا ستیاناس کر چکے آں۔‘‘ اِک بندے نے مینوں کہیا، ’’اَسی اپنے آلنے نوں آلودہ کر چکے آں تے دُںیا نوں تباہ کر رئے آں۔‘‘ افسوسناک طور تے، مینوں اِتفاق کرنا پہیا۔ اُو قطعی طور تے سچا سی۔

تے ماحولیاتی مطالعہ وِچ جیہڑیاں خوف چہ مبتلا کر دین آلیاں گلاں ویکھنے آں، جنہاں دا تزکرہ ہر روز اخبار چہ ہوندا اے، اُو نشانیاں نے کہ دُنیا دا خاتمہ تے مسیح دی دوجی آمد انتہائی قریب نے۔ بائبل کہندی اے، ’’اپنے خُدا نوں مِلن لئی تیار رہ۔‘‘ تہاڈے کول تیار ہون لئی ویلہ نئیں رہ گیا! لیری نارمن نے کہیا،

حیاتی بندوقاں تے جنگاں نال بھری پئی سی،
تے ہر کوئی فرش تے روندا جا چکیا سی۔
میں خواہش کرنا واں کہ اِسی سارے تیار ہوندے۔

ایہو ای وجہ اے کہ تہانوں گرجا گحر وچ آن دی تے ُہنے ای مسیح نوں لبھن دی لُوڑ اے! ساڈی دُنیا وِچوں ویلہ مُکن ڈھیا اے۔ تہانوں مسیح نوں لبھن لئی چھیتی کرن دی لُوڑ اے، مسیح چہ ایمان لہیا کے تبدیل ہو جاؤ، تے سزا دے نازل ہون توں پہلاں ایس گرجا گھر وِچ شدت دے نال شامل ہو جاؤ۔ جدوں تُسی مسیح وِچ ہوندے اُو، خُدا تُہاڈی حفاظت کرن دا تے تہانوں نقصان توں محفوظ رکھن دا وعدہ کردا اے۔

مینوں لُکہا لے، اے میرے نجات دہندہ، لُکہا لے،
جدوں تیکر کہ حیاتی دا طوفان لنگ نہ جاوے؛
حفاظت دے نال محفوظ ٹھکانے دی رہنمائی کر،
آخر کار میری روح نوں قبول کر لے!
(’’یسوع، میری روح دے عاشق Jesus, Lover of My Soul‘‘ شاعر چارلس ویزلی Charles Wesley، 1707۔1788)۔

II۔ لیکن دوجی نشانی، نسلیاتی نشانیاں ہون گِیاں جیہڑیاں ظاہر کرن گِیاں کہ خاتمہ نیڑے اے۔

’’فیر اُوہنے اُوہناں نوں کہیا، اِک قوم (یونانی میں ایتھنوسethnos یا تہذیبی گروہ) دوجی قوم (تہذیبی گروہ) دے خلاف تے اِک سلطنت (بیزیلینBasilean = قومی گروہ) دُوجی سلطنت (قومی گروہ) دے خلاف کھلو جائے گا‘‘ (لوقا 21:10).

ایہی ہے جیہڑا اسی اج کل ویکھ رئے آں۔ ساڈی تمام تر ٹیکنالوجی تے سائنس دے نال اسی نسلاں دے درمیان تہذیبی اختلاف تے قوماں دے درمیان جنگاں نوں روکن دے قابل نئیں آں۔ ہر صدر یہودیاں تے عربیاں دے درمیان امن لیان دی کوشش کردا اے۔ لیکن ساڈے سارے دے سارے صدر ناکام ہو جاندے نے! صرف جدوں مسیح آئے گا تے تمام قبیلیاں تے تہذیبی گروہاں دے درمیان امن آئے گا! صرف جدوں مسیح واپس آئے گا تے اُو تمام قوماں تے نسلاں دے درمیان امن لیائے گا۔ کوئی وی دوجا ایہہ نئیں کر سکدا – ایتھوں تِیکر کہ آن آلا درجال (مسیح دا دشمن) وی مکمل طور تے کامیاب نئیں ہوئے گا۔ صرف یسوع مسیح ای مختلف نسلاں تے تہذیبی گروہاں تے قوماں دے درمیان امن لہیا سکدا اے – جدوں اُو واپس زمین تے آئے گا (تے صرف اُوسے ویلے ای) زمین تے حقیقی امن ہووے گا تے تمام لوکاں تے سلامتی ہووے گی!

III۔ فیر، تیجی نشانی، ساڈے آلے دوالے ہر پاسے یہودیاں نال مخالفت دیاں نشانیاں ہون گِیاں، جیہڑیاں ظاہر کرن گِیاں کہ خاتمہ نیڑے اے۔

بے شمار بیوقوف لوکی یہودیاں توں نفرت کردے نے، جیہڑے زمین تے خُدا دے چُنیدہ لوکی نے۔ لوقا 21 باب وچ حوالہ کہندا اے:

’’تے جدوں یروشلیم دی فوجاں نوں محاصرے (گھیرے) وچ ویکھو تے سمجھ جاؤ کہ اُوس دی ویرانی دے دِن نیڑے آ گئے نے‘‘ (لوقا 21:20).

اینٹی سیمِٹ اِزم anti-Semitism (یہودیوں نال مخالفت)، یہودیوں نال نفرت، آخیرلی دِناں وچ اِیس قدر شدید ہو جاوے گی، کہ غیر قوماں دیاں وڈی وڈی فوجاں یروشلیم وچ یہودی لوکاں دے خلاف اُٹھ کھڑیاں ہون گیاں تے اُوہناں نوں تباہ کرن دی تاک وچ ہون گیاں، جیویں دوجی جنگِ عظیم وچ ھٹلر نے کیتا سی۔ لیکن یہودی زمین تے خُدا دے چُنے ہوئے لوکی نے، بائبل دے مطابق، بائبل کہندی اے،

’’ساڈے آباؤ اجداد دی وجہ توں اُو خدا دے عزیز نے‘‘ (رومیوں 11:28).

جے ایہہ ابراہام، موسیٰ تے انبیاء دی وجہ نال نہ ہوندا تے تُسی اج دی راتی ایتھے ہوندے ای نا۔ ایہی وجہ اے کہ بائبل تے یقین رکھن آلے بپٹسٹ اسرائیل دے بہت وڈے حمایتیاں وچوں نے۔

لیکن بائبل تعلیم دیندی اے کہ آخیرلی دِناں وچ گناہ توں بھوپور دُنیا یہودیاں دے خلاف ہو جائے گی۔ خُدا کہندا اے:

’’میں یروشلیم نوں ساریاں قوماں لئی جنبش نہ کھان آلی چٹان بنا دیاں گا‘‘ (زکریاہ 12:3).

ایہو ای اے جیہڑا بالکل ہُنے رونما ہو رہیا اے۔ ایہہ اِک علامت اے کہ اسی ہُنے آخیرلی دِناں وچ حیاتی بسر کر رئے آں۔

IV۔ تے فیر، چوتھی نشانی، مذہبی نشانیاں ہون گِیاں – جھوٹے مذہباں وچ دھوکے بازی دیاں نشانیاں، جیہڑیاں ظاہر کرن گِیاں کہ خاتمہ نیڑے اے۔

’’تے اُوس نے کہیا، خبردار، گمراہ نہ ہو جانا کیوں جے کئی لوکی میرے ناں توں آن گے… تُسی اُوہناں دے پِچھے نہ ٹُر جانا‘‘ (لوقا 21:8).

’’جھوٹے مسیح تے جھوٹے نبی اُٹھ کھڑے ہون گے تے ایہو جئے وڈے وڈے نشان تے عجیب عجیب کم وکھان گے کہ جے ممکن ہووے تے چُنیاں ہویاں لوکاں نوں وی گمراہ کر دین‘‘ (متی 24:24).

TBN تے جیہڑا تُسی ویکھدے اُو اُوس وچوں زیادہ تر – اِیس علاقے وچ جیہڑا کُج تُسی چینل 17 تے ویکھدے اُو – اِک فریب اے۔ بینی ھِن اِک دھوکہ باز اے۔ جوئیل آسٹن اِک دھوکہ باز اے۔ زیادہ تر ایونجیلیکل ریڈیو تے ٹیلی وژن اِک دھوکہ نے۔ ایہی وجہ اے کہ میں صرف ڈاکٹر میگی Dr.McGee دی تجویز دیناں واں، تے کسی وی دوجے دی نئیں! میں نئے نئے نرم خو ایونجیلیکلز تے پرہوسا نئیں کرنا واں!

’’کیوں جے ایہو جہیا ویلا آ رہیا اے کہ جدوں لوکی صحیح تعلیم نوں برداشت نئیں کرن گے بلکہ اپنی نفسانی خواہشاں دے مطابق بہتیرے اُستاد بنا لین گے تاں جے اُ اُوہی کُج دسن جیہڑا اُوہناں دے کناں نوں چنگا معلوم ہووے‘‘ (2۔ تیموتاؤس4:3).

اُو نشانی بالکل ایسے ویلے رونما ہو رئی اے! خاتمہ نیڑے اے!

V۔ پنجویں، مذہبی ایذا رسانیاں دی نشانیاں ہون گیاں، جیہڑیان ظاہر کرن گیاں کہ خاتمہ نیڑے اے۔

ساری دُنیا وِچ بے مثل شرع نال مسیحیاں تے ایذا رسانیاں ہو رئیاں نے۔ مثال دے طور تے، کیمونسٹ چین وِچ بے شمار مسیحیاں نوں خُفیہ طور تے مِلنا پیندا اے لاس اینجلز ٹائمز Los Angeles Times بندیاں نوں جیتن آلی تِن ہستیاں دے بارے چہ ایہہ خبر پیش کیتی جِنہاں نوں چین وِچوں خوشخبری نوں وڈن دی وجہ توں مُلک توں کڈ دِتا گیا:

چین وِچ، ریاست ہائے متحدہ U.S. دے تِن مبشراں (بشراں نوں جیتن آلے) نوں وسطی چائنہ وِچ پروٹسٹنٹ عبادت گزاراں دے اِک زیر زمین تہہ خانے وِچ اِکٹھا روکے رکھن دے بعد مُلک توں کڈ چکیا اے، حقوق دے اِک گروہ نے خبر دِتی۔ اُو رپورٹ… اِیناں خبراں دے نال پیش کیتی گئی سی کہ درجناں چینی عبادت گزاراں نوں جنہاں نوں اُوہناں دے نال روکے رکھیا سی جیل پیجیا جا چکیا اے۔ چین وِچ ہانگ کانگ دی بنیاد تے مشتمل انسانی حقوق تے جمہوری تحریک دے اطلاعی سنٹر دی خبر دے مطابق اضافی پچاس پروکاراں دے… تِن صوبیاں وِچ پروٹسٹنٹ رفاقتاں نوں گرفتار کیتا گیا سی۔

یسوع نے مسیحیاں تے کی جان آلی ایذا رسانیاں دے بارے وِچ پیشن گوئی کیتی سی جیہڑی اَسی اَج ہوندیاں ہویا ویکھ رئے نے۔ اُوہنے کہیا،

’’اُو تہانوں محض میرے ناں دی وجہ توں گرفتار کرن گے، ستان گے، عبادت خانیاں دیاں عدالتاں وِچ حاضر کرن گے، قید خانیاں وِچ پان گے‘‘ (لوقا21:12)۔

فیر اُوہنے کہیا کہ ایتھوں تیکر کہ ماں پیو تے رشتے دار وی تہانوں اذیتاں پُہچان گے جے تُسی اِک حقیقی مسیحی بن جاندے اُو۔ اَسی ایہہ بار بار بالکل ایتھے لاس اینجلز وِچ رونما ہوندیا ہویا ویکھ چکے آں۔ مسیح نے کہیا:

’’تے تہاڈےوالدین، ویر، رشتے دار تے بیلی تہاڈے نال بے وفائی کرن گے… تے میرے ناں دی وجہ توں سارے لوکی تہاڈے نال نفرت کرن گے‘‘ (لوقا21:16۔17)۔

مسیح نے کہیا کہ بے شمار ماں پیو تے بیلی تہاڈے نال اصل وِچ نفرت کرن لگن گے جے تُسی اِک حقیقی مسیحی بن جاندے اُو۔ ھنسو مت۔ ایہہ گل پہلاں ای توں ساری دُنیا وِچ سچی ہو چکی اے۔ اُو ساڈے نال نفرت کردے نے، سانوں قتل کردے نے، تے اَج دی راتی دُنیا وِچ زیادہ تر سانوں قید وِچ پا دیندے نے۔

پہلاں تے اُو اپنے طور تے کوشش کردے نے کہ تہانوں ایس گرجا گھر وِچ واپس آن توں تے نجات پان توں روکن۔ لیکن جے تُسی ایتھے گرجا کرن لئی آندے رہنا جاری رکھدے اُو تے جے تُسی نجات پا لیندے اُو، تے اُو شاید تہاڈے خلاف ہو جان تے ایتھوں تیکر کہ تہاڈے توں نفرت کرن۔ اُو عام طور تے کئی مہینیاں دے بعد ایس تے قابو پا لیندے نے، جدوں اُو ویکھدے نے کہ اُو تہانوں روک نئیں سکدے۔

لیکن قیمت نوں شمار کرو! کسی نوں ایہہ گل پسند نئیں آندی جے تُسی اِک حقیقی مسیحی بن جاندے اُو! کوئی تہاڈے خلاف آئے گا! اِک تاریک دور وِچ اِک حقیقی مسیحی بنن دی قیمت چکانی پیندی اے۔ ایہہ نشانی اے کہ اَسی آخیرلی دِناں وِچ آں۔

VI۔ تے بالاآخر، مسیح سانوں اِک چھٹی نشانی پیش کردا اے، ساڈے تے ایہہ ظاہر کرن لئی کہ اَسی خاتمے دے نیڑے آں۔ میں اینوں ’’نفسیاتی نشانی‘‘ بُلانا واں۔

تُسی خبردار رہوو (توجہ دو)، کِدرے ایویں نہ ہو جاوے کہ تہاڈے دِل شکم پُری تے شراب نوشی تے ایس حیاتی دی فکراں (پریشانیاں) نال سُست پے جان (بوجھل ہون یا بوجھل کر دِتے جان) تے اُو دِن تہاڈے تے پھندے وانگوں ناگہاں آ پئے۔ کیوں جے اُو روئے زمین تے موجود سارے لوکاں تے ایویں ای آ پئے گا‘‘ (لوقا21:34۔35)۔

اِک نوجوان بندہ جیہڑا چند اِک وری گرجے لئی آیا اُوہنے کہیا، ’’میں اگلے اِتوار نوں نئیں آ سکدا۔ مینوں اپنی خالہ دی نقل مکانی کروان چہ مدد کرنی اے۔‘‘ اُوہدے کول اینج کرن لئی چھ دِن سن۔ لیکن ایس گل نوں اِتوار دی سویر ای رونما ’’ہونا سی‘‘۔ اُو جندڑی دے مسلیاں نال بوجھل ہو چکیا اے۔ اَج لوکی سرسری تے احمقانہ وجوہات لئی گرجا گھر آن توں قاصر ہو جاندے نے۔ اُو ایس جندڑی دی دیکھ بھال دے نال دب جاندے نے۔ تے خُدا دی سزا دا دِن اُوہناں تے ناآگہی وِچ آ جائے گا – جیدی اُو بالکل وی توقع نئیں کر رئے ہون گے، تے خاتمہ آ جاوے گا!

تُسی منشیات تے جنس کولوں تے کنی کترا سکدے اُو، لیکن خاندانی مسلیاں دے نال جیہڑے تہانوں اندرو اندر ای چوس لیندے نے دب جاندے اُو۔ میں گزرے وریاں وِچ بے شمار نوجوان جوڑیاں نال اُو رونما ہوندیاں ہویا ویکھ چکیا واں۔

’’پس ہر ویلے جاگدے رہوو تے دعا وِچ لگے رہوو، تاں جے تُسی اِیناں ساریاں گلاں توں جیہڑیاں ہون آلیاں نے، بچ کر اِبنِ آدم دے حضور وِچ کھلون دے لائق ٹھہرو‘‘ (لوقا21:36)۔

تے دُنیا دے خاتمے تے آن آلی سزا لئی تیار ہون لئی ایہو ای اے جیس دی تہانوں کرن دی لُوڑ اے۔ تِن گلاں نے جنہاں دی تہانوں کرن دی لُوڑ اے:

(1) ایس گرجا گھر وِچ آؤ۔ باقی کُج وی ہُور تہاڈی مدد نئیں کرے گا جے تُسی اینج نئیں کردے

(2) مسیح دے کول آؤ۔ اُو تہاڈے گناہواں لئی مر گیا۔ اُو واقعی چہ تے جسمانی طور تے مُردیاں وِچوں زندہ ہویا۔ اُو بالکل ہُنے خُدا دے سجے پاسے تے زندہ بیٹھا اے۔ اُو اُوتھے ہُنے تہاڈے لئی موجود اے۔ اُوہدے کول جاؤ، یسوع تے پرہوسا کرو تے نجات پاؤ!

(3) تہانوں ناصرف ایس گرجا گھر وِچ آن دی لُوڑ اے، تہانوں ناصرف مسیح دے کول آن دی لُوڑ اے، بلکہ تہانوں دعا منگن دی وی لُوڑ اے۔ یسوع نے کہیا کہ آخیرلی دِناں وِچ اِک کامیاب مسیحی حیاتی بسر کرن لئی دعا ای اُو ایک چابی اے۔

تُسی آن آلی سزا توں کیویں فرار ہون جا رئے اُو؟ بائبل کہندی اے، ’’ [مسیح نے] صلیب تے خود اپنے ای بدن تے ساڈے گناہواں دا بوجھ برداشت کیتا‘‘ – صلیب تے۔ مسیح تہاڈا متبادل ہو سکدا اے۔ اُوہنوں تہاڈی تھاں تے سزا دِتی گئی سی، صلیب تے تہاڈے گناہ دا کفارہ ادا کرن لئی! مسیح نے اُوس صلیب تے اپنے قیمتی لہو نوں وگایا سی۔ اُوہدا لہو تہاڈے تمام گناہواں نوں دھو سکدا اے – تے تُسی تیار ہووے گے جدوں خاتمہ ہووے گا! میں تہانوں اِج دی راتی ای یسوع مسیح تے پرہوسا کرن لئی کہہ رہیا واں! چارلس ویزلی نے کہیا،

مینوں لُکہا لے، اے میرے نجات دہندہ، لُکہا لے،
جدوں تیکر کہ حیاتی دا طوفان لنگ نہ جاوے؛
حفاظت دے نال محفوظ ٹھکانے دی رہنمائی کر،
آخر کار میری روح نوں قبول کر لے!

اَج دُنیا لئی یسوع ای اُو جواب اے،
اُوس توں اُتے ہُور کوئی نئیں اے، یسوع ای اُو راہ اے!

یسوع تے اَج دی رات ای پرہوسا کرو تے اُو تہاںوں نجات دے گا! آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں تنہا گیت مسٹر بینجیمن کینکیڈ گریفتھ Mr. Benjamin Kincaid Griffith نے گایا سی:
’’ میں خواہش کرنا واں اَسی ساری تیار ہوئے ہوندے I Wish We’d All Been Ready‘‘ (شاعر لیری نارمن Larry Norman، 1947۔2008؛ پادری نے ترمیم کیا)۔

آخیرلی دِناں دیاں نشانیاں