ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یسوع بیت صیدا چہ آیا سی۔ لیکن اُوہنے بیت صیدا چہ منادی نئیں کیتی سی۔ اُوہدے شاگرد بیت صیدا وِچ اُوہدے کول اِک انّے بندے نوں لے کے آئے سی۔ لیکن مسیح نے اُوس بندے نوں اُوس شہر وِچ شفا نئیں دِتی۔ بیت صیدا اُو تھاں سی جیتھے یسوع نے پنچ روٹیاں تے دو مچھلیاں نوں بدلن دے ذریعے نال 5,000 لوکاں نوں کھانا کھلایا سی جو کہ اِنی خوراک سی جیہڑی 5,000 لوکاں نوں کھلان لئی بہتری سی۔ یسوع اُوتھے سمندر تے تُڑیا سی، تے اُوہنے اُوتھے بے شمار معجزات کیتے سن۔ ایس دے باوجود بیت صیدا دے لوکاں نے توبہ نئیں کیتی تے یسوع تے پرہوسا نئیں کیتا۔ لہٰذا مسیح نے اُوس شہر تے لعنت پیجی۔ مسیح نے کہیا ’’عدالت دے ویلے‘‘ خُدا دے ذریعے ایس دا سختی نال انصاف کیتا جائے گا۔

ہُن مسیح تے اُوہدے شاگرد اُوسے معلون شہر وِچ آئے سن۔

’’تے کُج لوکی یسوع دے کول اِک انّے نوں لہیائے تے ترلے کرن لگے کہ اُو اُہنوں چھوئے‘‘ (مرقس8:22)۔

ایہہ اِک تصویر اے کہ کیویں لاس اینجلز دے گناہ توں بھرپور شہر وِچ کیویں اِک نوجوان بندہ مسیح وِچ ایمان لہیا کے تبدیل ہوندا اے۔

I۔ پہلی گل، اُو شہر معلون سی، لیکن اُو چُنیا ہویا لڑکا نئیں!

’’چُنیدہ‘‘ اُو لوکی ہوندے نے جنہاں نوں خُدا نے بچان لئی چُنیا سی ایس توں پہلاں کہ اُوس نے ایس دُنیا نوں تخلیق کیتا، ’’خُدا دے چُنے ہوئے لوکاں نوں اُو شے مل گئی تے باقی ساریاں دے دِل سخت کر دِتے گئے‘‘ (رومیوں11:7)۔ سارے شہر نوں اَنّا کر دِتا گیا سی، خُدا چھڈ چکیا سی، کیوں جے اُوہناں نے مسیح نوں مسترد کیتا سی – ایس دے باوجود، حالانکہ سارے شہر نوں معلون کر دِتا گیا سی، اُوتھے شہر وِچ اِک بندہ سی جیہڑا چُنے ہوئے لوکاں وِچوں اِک سی، تے شاگر اُوسی بندے نوں یسوع دے کول لہیائے سی!

’’چُنیدہ‘‘ دا مطلب ہوندا اے چُننا یا منتخب کرنا۔ تخلیق توں پہلان خُدا نے نسل انسانی وِچوں جِنہاں نوں اُوس نے مخلصی بخشنی سی اُوہناں نوں چُن لہیا سی۔‘‘

ایہہ اَنّا بندہ اُوناں چُنیدہ وِچوں اِک سی۔ لہٰذا شاگرداں نوں ایسی اِک بندے دے کول پیجیا گیا سی کہ اُوہنوں یسوع دے کول لہیاں!

ہُن سار شہر اُوچھا ہو چکیا سی، یسوع نوں مسترد کرن دی وجہ توں فیصلہ ہو چکیا سی۔ اَسی لوکاں نوں گرجا گھر وِچ بُلان لئی باہر جانے آں۔ اَسی جاننے واں کہ اُوہناں وِچوں زیادہ تر نئیں آندے۔ اَسی جاننے واں کہ اُوہناں وِچوں سوچدے نے کہ اُو پہلاں ای توں بچائے جا چکے نے۔ اَسی لاس اینجلز وِچ ابلیس دے قبضے دے تحت زیادہ تر لوکاں نوں جاننے آں۔ اُو یسوع دے بارے چہ سُنن لئی گرجا گھر آن دے خیال ای توں نفرت کردے نے! ایس دے باوجود اَسی لوکاں نوں گرجا گھر آن دی دعوت دین لئی باہر جانے آں، حالانکہ اَسی جاننے آں کہ اُوہناں وِچوں زیادہ تر کدی وی نجات نئیں پان گے، کدی وی بچائے نئیں جان گے کیوں جے خُدا اُوہناں نوں پہلاں ای توں مسترد کر چکیا اے۔ بائبل کہندی اے، ’’خُدا نے اُوہناں نوں چھڈ دِتا… ذہناں دی شرمناک خواہشات وِچ چھڈ دِتا… اُو خُدا نال نفرت کرن آلے، مغرور، شیخی باز، ماں پیو دے نافرماں… اُوہناں دی تحقیر کرن آلے جیہڑے نیک نے… خُدا دی نسبت عیش و عشرت نوں زیادہ پسند کرن آلے‘‘ (رومیوں1:26۔30؛ 2تیموتاؤس3:3،4)۔

آہو، اَسی جاننے واں کہ ساڈے شہر منافقین، چرس پین آلیاں، شہوت پسنداں، سماجی بہبود دے مفت خوراں، بگڑے ہویاں تے اُوہناں لوکاں دے نال جیہڑے یسوع مسیح نال نفرت کردے نے پریا ہویا اے۔ میں ایہہ گل تہاڈے مقابلے چہ کِدرے بہتر طور تے جانند واں۔ میں ایس بے دین شہر لئی منادی کرن چہ سٹھ ورے لنگہا چکیا آں!

لیکن میں ایہہ گل وی جاننا واں کہ کِدرے نا کِدرے، اِہناں اپارٹمنٹاں وِچوں کسی اِک وِچ، اُوہناں بل کھاندیاں تنگ گلیاں وِچوں اِک وِچ، اُوہناں سکولاں وِچوں اِک وِچ – میں جاننا وان کہ اُوہناں تھاواں وِچوں اِک وِچ اُوتھے اِک نوجوان مرد یا عورت اے جِنہوں خدا چُن چُکیا اے، لفنگے گنہگاراں دی بہت زیادہ بھری ہوئی ہزاراں دی تعداد وِچوں چُنیا ہویا، یسوع مسیح، خُدا دے اِکلوتے پُتر دے وسیلے نال بچائے جان لئی چُنیا ہویا اے!!! میں یقین کرنا واں تُسی اُو چُنے ہوئے بندے ہو!

تے اُو نوجوان مرد یا عورت گرجا گھر لئی واپس آن گے، روح دے وسیلے نال پُر نور ہو جان گے، ابلیس توں چھٹکارہ پان گے تے یسوع مسیح دے اُوس لہو دے وسیلے نال جیہڑا صلیب تے وگیا سی دُھل کے پاک صاف ہو جان گے!!!

مصلوب کیتے گئے دے لہو توں بچایا گیا!
   ہُن گناہ توں بخشیا گیا تے اِک نوی زندگی دا آغاز ہویا،
پیو لئی گاؤ تے ستائش کرو تے پُتر لئی ستائش کرو،
   میں مصلوب کیتے گئے دے لہو نال بچایا گیا واں!
بچیا گیا! بچایا گیا! میں لہو دے وسیلے نال بچایا گیا واں! اُوس مصلوب کیتے گئے بندے دی وجہ توں
   (’’لہو دے وسیلے نال بچایا گیاSaved by the Blood‘‘ شاعر ایس۔ جے۔ ھینڈرسن S. J. Henderson، 1902)۔

آمین! خُداوند دی ستائش ہووے! ھیلیلویاہ! میں مصلوب کیتے گئے دے لہو نال بچایا جا چکتا واں!

ایہہ بندہ خُدا دے چُنیدہ وِچوں اِک سی۔ تے شاگر آئے تے اُوہنوں اُوس گناہ توں بھرپور، اِک شہر دے جہنمی کھڈے وِچوں کڈ کے لے گئے – بالکل جیویں اَسی گئے تے تُسی لوکاں نوں لے کے آئے! تے اُو اُوس اَنّے مُںڈے نوں یسوع دے کول لے کے آئے! آمین! اُو شہر معلون تے تباہ ہو چکیا سی، لیکن اُو چُنیدہ مُنڈا نئیں! اُو اُوہنوں یسوع دے کول لہیائے سن!

II۔ دوجی گل، اُو نوجوان بندہ اَنّا سی۔

اُو مکمل طور تے نابینا سی – اُو اینا ای اَنّا سی جنہی کہ اِک چمگاڈر ہوندی اے! اِینا ای اَنّا سی جِنہا کہ ٹرکی نامی اِک پرندہ دا اُو سر جنہوں اِک گدھ نے دھڑ توں جدا کر دِتا ہوندا اے!!! اُو تقریباً اِینا اِی اَنّا اے جنہے کہ تُسی ہو سکدے ہو! آہو، اُو نوجوان بندہ اَنّا سی – اَنّا!

ہُن، ایس دا کُج نہ کُج تے مطلب نِکلدا اے! ایہدا مطلب ہوندا اے اُو اَنّا اے، آہو! لیکن ایس دے مقابلے چہ نئے عہد نامے وِچ اِس دا مطلب کہیں زیادہ اے! ایس دا مطلب ہوندا اے، جیویں کہ میتھیو ھنری ایس نوں تحریر کردے نے، ’’روحانی اَنّا پن۔‘‘ تے لوقا دی انجیل سانوں دسدی اے کہ یسوع نے اشعیا61:1 دی گل نوں منادی لئی پورا کیتا ’’اَنّیاں نوں بینائی بخشنا‘‘ (لوقا4:18)۔

یسوع نے اِنّے بندے نوں ہتھوں پھڑیا سی، ’’تے اُوہنوں شہروں باہر لے آیا سی‘‘ (مرقس8:23)۔ ایہہ ظاہر کردا اے کہ اَنّے گنہگاراں نوں دوجے گنہگاراں توں وکھرا کرن دی لوڑ ہوندی اے جے اُو چاہندے نے کہ یسوع اُوہناں دے اَنّے پن نوں شفا بخشے۔ بائبل کہندی اے،

’’بے ایماناں دی بُری صُحبت توں دور رہ… اُوہناں وِچوں نکل کے وکھرے رہوو، خُداوند فرماندا اے… میں تہاڈے پیو ہوواں گا تے تُسی میرے پُتر تے تیہیاں ہووے گے، ایہہ قول خُداوند قادرِ مطلق دا اے‘‘ (2کرنتھیوں6:14، 17۔18)۔

بے شمار وری نوجوان لوکی بچایا جانا چاہندے نے، خُدا نوں جاننا چاہندے نے، لیکن اُوہناں نوں گناہ توں بھرے ہوئے سجناں دے ذریعے روکیا جاندا اے – اُو سجن جِنہاں نوں اُو یسوع لئی نئیں چھڈن گے۔ خُدا دا شکر کرو، یسوع ’’اُوہنوں شہر توں باہر لے گیا سی‘‘ایس توں پہلاں کہ اُو اُوہدی بینائی بحال کردا۔ اُوس نوں اُوس جہنمی رفاقت توں باہر کڈنا ای سی۔ باہر! باہر نکلو! باہر نکلو! اُوہنوں اُوہناں مکار بیلیاں توں دور ہونا ای سی جیہڑے اُوہنوں اَنّا رکھن دی کوششاں کرن گے! یسوع نے اُوہنوں ہتھ توں پھڑیا سی ’’تے اُوہنوں شہر توں باہر لہیا سی۔‘‘ میں یقین نئیں کردا کہ اُو بندہ نجات پا گیا ہوندا جے اُوہنے بیت صیدا وِچ اُوہناں بدکار لوکاں دے نال دوستی قائم رکھی ہوندی!

III۔ تیجی گل، اُوہدی بینائی بتدریج یعنی درجہ بہ درجہ سی۔

تے جدوں اُوہنے اُوہدیاں آنکھاں چہ تھوکیا [واقعی چہ، ’’اَکھیاں وچ تھوکیا‘‘]، تے اُوس تے اپنے ہتھ رکھے، یسوع نے اُوہنوں پوچھیا کہ آیا اُوہنوں [کُج] نظر آیا۔ تے اُوہنے اُتے ویکھیا، تے کہیا، مینوں لوکی تے وکھائی دیندے نے لیکن ایویں جیویں درخت ٹُر پھر رئے ہون۔ یسوع نے فیر اپنے ہتھ اُوس بندے دی اَکھاں تے رکھے تے جدوں اُوہنے نظر چُک کے ویکھیا تے اُو بینا ہو گیا، تے اُوہنوں ہر بندہ صاف وکھائی دین لگا‘‘ (مرقس8:23۔25)۔ اِمثال دی کتاب اُوس گل تے اِک چنگی رائے پیش کر دی اے،

’’راستبازاں دی راہ سویر دی پہلی کرن وانگر ہوندی اے، جیس دی روشنی دوپہر تیکر ودھ جاندی اے‘‘ (اِمثال4:18)۔

شروع چہ تُسی روحانی طور تے اَنأے ہوندے ہو۔ تُسی گرجا گھر وِچ آندے ہو، لیکن زیادہ تر جیہڑا تُسی سُندے اُو اُوہدے بارے چہ تُسی غیرواضح ہوندے ہو۔ فیر تُسی احساس کرنا شروع کر دیندے ہو کہ مسیح تہاڈی مدد کر سکدا اے۔ تُسی اُمید کرنا شروع کر دیندے ہو کہ اُو شاید تہاڈی مدد کرن دے قابل اے۔ لیکن تُسی اُوہنوں ویکھ نئیں سکدے، تے تُسی اُوہنوں محسوس نئیں کر سکدے۔ فیر تہانوں احساس ہوندا اے کہ ’’ایمان اُمید کیتی ہوئی شیواں دا یقین تے نادیدہ شیواں دی موجودگی دا ثبوت اے‘‘ (عبرانیوں11:1)۔

تھوما رسول نے کہیا سی، ’’میں یقین نئیں کراں گا۔‘‘ فیر یسوع آیا تے تھوما نے اُوہنوں ’’میرے خُداوند تے میرے خُدا‘‘ کہہ کر سدیا سی۔ تے یسوع نے تھوما نوں کہیا، ’’مبارک نے اُو جہناں نے مینوں ویکھیا وی نئیں تے فیر وی ایمان لہیائے۔‘‘ دو ہزار وریاں توں یسوع اُوہناں لاکھاں لوکاں نو بچا چکیا اے۔ ’’جِنہاں نے اُوہنوں ویکھیا وی نئیں تے فیر وی ایمان لہیائے۔‘‘

جان کیگن نوں سُون، اُوہناں نے کہیا، ’’مینوں کسی قسم دا سکون نئیں مل رہیا سی۔ میں مردا ہویا محسوس کر رہیا سی… [فیر] ایہہ ایس قدر واضح ہو گیا سی کہ مینوں صرف [یسوع] تے پرہوسا کرنا سی۔ کوئی جسمانی احساس نئیں سی، مینوں احساس دی لوڑ ای نئیں سی۔ میرے کول مسیح سی! میں صرف یسوع وَل ہی ویکھیا! ایہہ صرف ایمان ہی دے وسیلے نال سی کہ میں جان گیا سی کہ یسوع میرے تمام گناہ نوں دھو کر پاک صاف کر چُکیا سی، میں خود نوں تعجب کردیا ہویا پایا کہ میں اپنے ٹھوس ثبوت دی کمی نوں کیویں جان گیا، لیکن … بہت زیادہ احتیاط نال سوچن دے بعد مینوں امن تے سکون مل گیا سی میں جان گیا سی کہ میرا ایمان یسوع تے قائم اے۔ یسوع ای میرا واحد جواب اے۔‘‘

فلپ چعین نوں سنو۔ ’’مینوں اُو سوچنا یاد اے کہ میں کدی وی مسیح وِچ ایمان لہیا کے تبدیل نئیں ہو پاواں گا۔ میں تے ایتھے تیکر کہ شک کرنا شروع کر دِتا سی کہ آیا مسیح وِچ ایمان لہیان دی تبدیلی سرے توں حقیقی وی سی… [اُودھوں] ڈاکٹر ہائیمرز نے ایس موضوع تے تقریر کیتی کہ کیویں شیطان اُوہناں لوکاں نوں اَنّا کر دیندا اے جِنہاں دے کول مسیح نہیں ہوندا۔ میں کہیا کے اُوناں طریقیاں وچوں اِک کہ جنہاں نال شیطان ایویں کردا اے اُو اِک گمراہ بندے دے ذہن دے اندر کم کرنے دے ذریعے نال اے، تے اُوہنوں ایس گل تے سوچن لئی مجبور کرنا ہوندا اے کہ اُوس دے کول یقین دہانی دا احساس ہونا چائی دا اے۔ فیر ڈاکٹر ہائیمرز نے کہیا، مینوں یسوع تے تنہا یسوع ہی تے پرہوسا کرنا چائی دے اے۔ کوئی وی ہور نئیں، کُج وی ہُور نئیں۔ [میرے ذہن] دے شکوک تے خود تجزیاں وِچ گردش کرن تو بالکل پہلاں… ہُن یسوع اُوتھے سی۔ ہُن نجات دہندہ مینوں اپنے باواں وِچ اپنان لئی انتظار کر رہیا سی! میں کیویں اپنے گناہ تے ٹِکیا رہندا تے یسوع ول نہ ویکھدا، اُو ہستی جنہے میری روح نال محبت کیتی سی؟ میں اپنے گوڈیاں تے ڈِگ گیا تے یسوع مسیح بخود تے پرہوسا کیتا۔ میں اِک احساس دا تجربہ کرن دا انتظار نئیں کیتا۔ میں شیطان دے جھوٹ سُنن دا انتظار نئیں کیتا۔ مینوں اپنے گناہ توں پاک صاف ہون لئی یسوع دے کول جانا ای سی۔ مینوں انتظار نئیں کرنا چائی دا اے! یقین دہانی نوں تلاش کرن دے خیالات جا چکے سن۔ میں یسوع تے پرہوسا کیتا۔ یسوع [بخود] میری یقین دہانی تے اُمید بن گیا۔ یسوع نے میرے گناہ دا بھاری بوجھ چُک لہیا سی۔ اُوہنے خود اپنے لہو دے نال میرے ریکارڈ نوں پاک صاف کیتا۔ ہُن مینوں ’’یسوع، میری جان سے محبت کرنے والا Jesus, Lover of My Soul‘‘ جہے حمدوثنا دے گیت یاد آ گئے، تے مینوں یاد آ گیا کہ میرے کول یسوع دی شکل وِچ اِک دوست اے۔ خداوند دی ستائش ہووے کہ اُوہنے اپنے پُتر یسوع نوں اپنے لہو دے نال میرے گناہ دی معافی لئی پیجیا!‘‘

ہُن ایک کُڑی دے لفظاں نوں سُنو جِنہے کئی ورے تیکر یسوع نوں مسترد کیتا۔ اُوہنے کہیا، ’’میں اپنے گناہواں دی شدید سزایابی وِچ سی تے قطعی طور تے بے بس محسوس کیتا۔ میں تقریباً روزانہ دعا منگی۔ میں ہر روز واعظاں دے مسودیاں نوں پڑھیا۔ اُوہناں نے مدد نئیں کیتی کیوں جے میں ہُن تیکر ہُور زیادہ احساسات تے مذید ہُور ایمان دا انتظار کر رئی سی۔ میں ڈاکٹر کیگن نوں دسیا کہ میرا ذہن دُھندلاہٹ دا شکار اے، لہٰذا میں یسوع دے کول نئیں جا سکدی۔ ڈاکٹر کیگن نے کہیا، ’فیر اپنے دُھندلے ذہن نال ای یسوع دے کول ٹُر جا! اپنی مسیح وِچ ایمان لہیان دی تبدیلی توں تھوڑا ای عرصہ پہلاں، مسٹر گریفتھ نے گیت گایا سی، ’جے تُسی بہتر ہون تیکر انتظار کردے ہو، تے تُسی سرے توں کدی وی نئیں آؤ گے۔‘ [میں جان گئی کہ] میرے احساساتے تے [جذبات] کدی وی قابل پرہوسا نئیں نے، ایس لئی جیس طرح وی ہووے میں کدی وی اُوہناں تے پرہوسا نئیں کر سکدی۔ جدوں میں یسوع تے پرہوسا کیتا، اُوہنے مینوں معاف کر دِتا تے مینوں میرے تمام گناہواں توں پاک صاف کر دِتا۔ اُوہنے مینوں پاک صاف کیتا تے میرے تمام گناہواں نوں اپنے قیمتی لہو نال دھو ڈالیا۔ یسوع نے مینوں شیطان توں چھٹکارہ دوایا تے مینوں آزاد کیتا! میں یسوع دا غلام بننا پسند کراں گے جیہڑا میرے نال محبت کردا اے تے میری پرواہ کردا اے، بجائے ایس دے کہ میں شیطان دی غلامی وِچ رہنا جاری رکھاں، جیہڑا مینوں تباہ کر دے گا تے آخر وِچ مینوں جہنم وِچ پیج دیوے گا۔‘‘ تہاڈے گیتاں دے ورق تے ایہہ گیت نمبر2 اے۔ کِھلو جاؤ تے اینوں گاؤ!

یسوع، میری روح دے محبوب،
   مینوں اپنے سینے نال لپٹن دے،
جدوں تیکر نیڑے ترین پانیاں وِچ لہراں نے،
   جدوں تیکر طوفان زوراں تے اے:
مینوں چُھپا لے، اے میرے نجات دہندہ، چُھپا لے،
   جدوں تیکر کہ حیاتی دا طوفان لنگ نہ جاوے
حفاظت دے نال محفوظ ٹھکانے دی رہنمائی کر؛
   آخیر کار میری روح نوں قبول کر لے!
(’’یسوع، میری روح دے عاشق Jesus, Lover of My Soul‘‘ شاعر چارلس ویزلی Charles Wesley، 1707۔1788)۔

تُسی تشریف رکھ سکدے اُو۔

میں جاننا واں تُسی یسوع دے وسیلے نال اپنے گناہواں نوں پاک صاف کروانا چاہندے اُو! میں جاننا واں تُسی چاہندے اُو کہ یسوع تہانوں بچائے! کامل ہون دی توقع مت کرو۔ صرف توقع کرو کہ یسوع تہانوں تہاڈے قصور تے گناہ توں بچائے گا۔ کاملیت بعد چہ آئے گی۔ ہُن یسوع دے لفظاں نوں سُنو۔ ایہہ الفاظ یسوع نے خود اپنے مُنہ توں ادا کیتے سن۔

’’اے محنت کشو تے بوجھ نال دبے ہوئے لوکو، میرے کول آؤ۔ میں تہانوں آرام بخشاں گا‘‘ (متی11:28)۔

’’اے محنت کشو تے بوجھ نال دبے ہوئے لوکو، میرے کول آؤ۔ تُسی اکثر جدوں رات نوں سون لئی بستر وِچ جاندے اُو تے انتہائی گناہ توں بھرپور تے گمراہ محسوس کردے اُو۔ تُسی بستر وِچ رات نوں اپنے گناہواں دے بارے چہ فکر کردے ہوئے وڑدے ہو۔ کیوں اَج دی رات دوبارہ فکر کردے ہوئے بستر وِچ وڑیا جاوے؟ یسوع کہندا اے،

’’اے محنت کشو تے بوجھ نال دبے ہوئے لوکو، میرے کول آؤ۔ میں تہانوں آرام بخشاں گا‘‘

تہانوں یقین دہانی دی لُوڑ نئیں اے۔ تہانوں سکون دی لُوڑ نئیں اے۔ اپنی جان دے لئی سکون۔ اپنے گیتاں دے ورق تے حمدوثنا دے گیت نمبر3 نوں کھولو۔ اینوں گاؤ۔

میں تیری خوش آمدیدی واج نوں سُننا واں،
   جیہڑی مینوں خُداوندا تیرے وَل بُلاندی اے
کیوں جے تیرے قیمتی لہو وِچ پاک صاف ہون لئی
   جیہڑا کلوری تے وگیا سی۔
خُداوندا!ً میں آ رہیا آں، میں ہُنے تیرے کول آ رہیا واں!
   مینوں دُھو ڈال، مینوں لہو وِچ پاک صاف کر ڈال
جیہڑا کلوری تے وگیا سی۔
   (’’اے خُداوند میں آ رہیا واں I Am Coming, Lord، شاعر لوئیس ہارٹسو Lewis Hartsough ، 1828۔1919)۔

جے تُسی یسوع تے پرہوسا کرن دے بارے وِچ ساڈے نال گل بات کرنا چاہندے اُو تے مہربانی نال آؤ تے پہلی دو قطاراں وِچ تشریف رکھو۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں اکلیاں گیت مسٹر بینجیمن کینکیڈ گریفتھ Mr. Benjamin Kincaid Griffith نے گایا سی:
’’اے خُداوند میں آ رہیا واں I Am Coming, Lord‘‘
(شاعر لوئیس ہارٹسو Lewis Hartsough ، 1828۔1919)۔