ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یسوع نے آکھیا، اِک بشر نوں تبدیل ہونا ای چائیدا اے – مسیح چہ ایمان لہیان دی تبدیلی پانی چائیدی اے– ورنہ او جنت چہ نئیں جا سکے گا۔ او یونانی لفظ جیدے توں ’’تبدیل ہو گیا converted‘‘ دا ترجمہ ہویا ’’ایپیس ٹریفوepistrepho‘‘ اے۔ ایدا مطلب ’’پلٹنا ہُوندا‘‘ اے۔ ایہہ کوئی گنہگار دی دعا پڑھنا یا ہتھ کھڑا کرنا نئیں ہوُندا اے۔ ایہہ دِل دی اوہ تبدیلی ہوُندی اے جیہڑی خُدا اِک گنہگار نوں نوے جنم تے دیندا اے۔ یسوع نے نیکودیمس نوں آکھیا، ’’جِدّوں تیکر کوئی نوے سِرے توں پیدا نئیں ہُوندا او خدا دی بادشاہی نوں نئیں ویکھ سکدا‘‘ (یوحنا 3:3). فیر، یسوع نے آکھیا، ’’تہانوں نوے سِرے توں پیدا ہونا ضروری اے‘‘ (یوحنا 3:7). ایہہ دل دی اِک انقلابی تبدیلی ہُوندی اے۔ بائبل کہندی اے، ’’جے کوئی مسیح چہ اَے تے او نوا مخلوق اے۔ پرانیاں چیزاں جاندیاں رہیاں، ویکھو او نوّیاں ہو گئیاں‘‘ (2۔ کرنتھیوں 5:17). ایہہ محض صرف گنہگار دی اِک دعا پڑھ لینا نئیں اے۔ ایہہ مسیح چہ ایمان لہیا کے تبدیل ہونا ہُوندا اے! اج دی سویر میں اِک گنہگار نوں مسیح چہ ایمان دلا کے تبدیل کرن لئی ہدایات دے بارے چہ گل کرنا چاواں گا۔

مسیح چہ ایمان لہیان دی تبدیلی کِی ہوُندی اے؟ اسی کِی چانے آں کہ کِی رونما ہوئے؟ گنہگار نوں مسیح چہ ایمان لہیا کے تبدیل ہون دی ضرورت ہُوندی اے ناکہ اِک فیصلہ کرن دی۔ چارلس فِنّی (1792۔1875) دے زمانے توں ’’فیصلہ سازیت‘‘ ساری دُنیا چہ بے شمار گرجا گھراں چہ مسیح چہ ایمان لہیا کے تبدیل ہون دی جگہ لے چکی اے۔ لاکھاں لوکی اِک فیصلہ کر چکے نے، لیکن مسیح چہ ایمان لہیا کے تبدیل نئیں ہوئے نے۔

’’فیصلہ سازیت‘‘ ہے کی؟ مسیح چہ ایمان لہیا کے تبدیل ہونا کی اے؟ درج ذیل ڈاکٹر ہائیمرز تے میرے پیو ڈاکٹر کیگن وَلّوں اَج دا اِرتداد Today’s Apostasy وِچ تحریر کیت گئی تعریف بیان کیتی گئی اے۔

فیصلہ سازیت اُو اعتقاد اے جیس وِچ اِک بندہ سامنے آن دے ذریعے نال، ہاتھ کھڑا کرن دے ذریعے نال، اِک دعا پڑھن دے ذریعے نال، اِک عقیدے وِچ یقین کرن نال، آقائیت دی بعیت لین نال، یا کسی دوجے بیرونی، انسانی عمل وغیرہ دے ذریعے نجات پا لیندا اے، جیہڑی کی مساوی طور تے، تے نالے ثبوت دی حیثیت نال، اندرونی تبدیلی دے معجزہ نوں لہیا جانا ہوندا اے؛ ایہہ اُو اعتقاد ہوندا اے کہ اِک بندہ محض اِک بیرونی فیصلے دی آڑھت دے ذریعے نال نجات پا لیندا اے؛ اُو اعتقاد، کہ اِنہاں وِچوں کسی وی ایک انسانی عمل نوں ادا کرن دے ذریعے نال ایہہ ظاہر ہو جاندا اے کہ اِک بندہ نجات پا لیندا اے۔

مسیح وِچ ایمان لہیا کے تبدیل ہونا پاک روح دے اُوس عمل دا نتیجہ ہوندا اے جیہڑا ایک گمراہ گنہگار نوں راستبازی تے تجدید لئی یسوع مسیح وَل کھیچدا اے، تے خدا دی حضوری وچ گنہگار دی ساکھ نوں گمراہ توں نجات یافتہ وچ بدل دیندا اے، اُوس مسخ شُدہ بشر لئی الہٰی حیاتی دی توسیع کردا اے، ایویں مسیح وچ ایمان لہیا کر تبدیل ہوئے بندے دی حیاتی وچ اِک نوی سمت پیدا کردا اے۔ نجات پان دا معروضی پہلو راستبازی ہُوندا اے۔ نجات دا امتیازی پہلو تجدید یا احیاء ہُوندا اے۔ نتیجہ مسیح وچ ایمان لہیان دی تبدیلی ہُوندا اے۔ (آج دا اِرتداد Today’s Apostasy، ورقے 17، 18)۔

فیصلہ کرنا اِک انسانی عمل ہُوندا اے جیہڑا کوئی وی کسی وی ویلے کر سکدا ہے۔ مسیح وچ ایمان لہیا کر تبدیلی دا فیصلہ کرنا اِک فوق الفطرت عمل ہُوندا اے جیہڑا اِک بندے دی حیاتی نوں تے دائمی تقدیر نوں ہمیشہ لئی بدل دیندا اے۔

اِک فیصلے نوں کرنا اِک بندے نوں مسیح وچ ایمان لہیا کر تبدیل کرن دے مقابلے چہ کِدرے زیادہ آسان ہُوندا اے۔ مبلغ، شمار کرن لئی ’’فیصلیاں‘‘ دی اِک بہت وڈی تعداد نوں حاصل کر سکدا اے۔ تُسی اِک فیصلہ کِدرے وی، کسی وی ویلے کر سکدے اُو۔ تُسی لوکاں دے نال اُوہناں دے وڈے بوہے تے یا اِک ہوائی جہاز وچ، یا کسی وی دوجی جگہ تے گنہگار دی دعا پڑھ سکدے اُو۔ تُسی اُوہناں دا شمار کر سکدے اُو، لیکن تُسی غالباً اوہناں نوں فیر فیر کدی وی نئیں ویکھ پاندے۔ اُوہناں نے اِک فیصلہ کیتا ہُوندا اے، لیکن مسیح وچ ایمان لہیان دی تبدیلی دا تجربہ نئیں کیتا ہُوندا اے۔

مسیح وچ ایمان لہیا کر تبدیل ہون لئی، زیادہ تر لوکاں نوں گرجا گھر آن لئی تے بے شمار وری خوشخبری نوں سُنن دی لُوڑ ہُوندی اے ایس توں پہلاں کہ اُو اینوں سمجھ پان تے مسیح تے پرہوسا کرن۔ کج لوکی تے مہینیاں تے ایتھوں تیکر کہ سالاں تیکر گرجا گھر آندے نے ایس توں پہلاں کہ اُو مسیح وچ ایمان لہیا کر تبدیل ہون۔

لوکاں دی مسیح تیکر رہنمائی کرن لئی تہانوں اُوہناں دے نال، انفرادی طور تے آپئی گل کرنی چائیدی اے، اُوہناں دا تہانوں مدعو کرن تے رد عمل دا اظہار کرن دے بعد۔ اُوہناں نوں دوجی تھاں تے لے جاؤ جیتھے تُسی اُوہناں دے نال گل بات کر سکو۔ اُوہناں دی اِک فوری دعا وچ بلا ارادہ رہنمائی مت کرو۔ گنہگار دی دعا منگنا ایہو جہیا نئیں ہوندا جیویں کہ یسوع تے پرہوسا کرنا ہُوندا اے۔ ہتھ کھڑا کرنا، اَگے ودھ آنا، یا بپتسمہ پا لینا ایہو جہیا نئیں ہوندا اے جیویں کہ یسوع تے پرہوسا کرنا ہُوندا اے۔ اُو کم کرنا ثابت نئیں کردا کہ اِک بندہ مسیح تے پرہوسا کر چکیا اے۔ یسوع تے پرہوسا کرنا خود اپنی ذات وچ کج مختلف، کج منفرد تے خصوصی ہُوندا اے۔ یسوع تے پرہوسا کرنا یسوع ہی تے پرہوسا کرنا ہُوندا اے۔

اِک بندے دی مسیح تے پرہوسا کرن لئی رہنمائی کرنا تے مسیح وچ ایمان لہیا کے اِک حقیقی تبدیلی دا تجربہ کرن لئی وقت، کوشش، بصیرت، دعا تے خدا دا فضل درکار ہُوندا اے۔ ڈاکٹر ہائیمرز تے ڈاکٹر کیگن مسیح وچ ایمان لہیا کر تبدیل کرن لئی لوکاں دی مشاورت تی وریاں توں وی زیادہ عرصے توں کرن ڈئے نے۔ درج ذیل کج گلاں نے جیہڑیاں اُو سِکھ چُکے نے۔

1۔ پہلی گل، پادری صاحبان نوں گنہگاراں نوں سننا چائیدا اے۔

بِنا تصدیق کیتیاں قبول مت کرو – جیویں کہ لگ بھگ سارے ایونجیلیکل مبلغین کردے نے – کہ گنہگار پہلاں ای توں خوشخبری نوں سمجھدا اے۔ تہانوں اُہنوں سُننا چائیدا اے تے جاننا چائیدا اے کہ اُوہدا ایمان کی اے۔ اُوہدا مذہبی پس منظر کی اے؟ اُو یسوع دے بارے چہ کی ایمان رکھدا اے؟ کی اُو سوچدا اے کہ مسیح اِک روح اے؟ کی اُو سوچدا اے کہ مسیح پہلاں ای توں اُوس دے دل وچ رہندا اے؟ کی اُو سوچدا اے کہ یسوع اُوہدے نال ناراض اے؟ کی اُو سوچدا اے کہ اُو جنت وچ جا رہیا اے یا نئیں؟ جانن دی کوشش کرو کہ اُو کی سوچدا اے۔ فیر اُوس تے سچائی ظاہر کرو تے اُوہدی سچے مسیح وَل رہنمائی کرو۔

گنہگار کیویں رہندا اے؟ کی کوئی ایہو جئی شے اے جیہڑی شاید اُہنوں اِک مسیح حیاتی بسر کرن تو روکے – فحش فلماں، زنا، یا خاندان دے افراد دی مخالفت؟ گنہگاراں نوں نجات پان لئی خود نوں کامل نئیں بنانا ہوندا – اُو نئیں کر سکدے۔ لیکن کوئی وی جیہڑا رضامندانہ تے ثابت قدمانہ طور تے بہت وڈے گناہ تے ڈٹیا رہندا اے مسیح تے پرہوسا نئیں کر رہیا ہوندا۔ ایس دے بجائے اُو خود تے پرہوسا کردا اے۔

جے تُسی گنہگاراں نوں سُندے نئیں تے تُسی اُوہناں دی مدد نئیں کر سکدے۔ لبھو کیوں اُو گنہگار تہاڈے نال گل بات کرن لئی آیا اے۔ اُو چاہندا کی اے یسوع اُوس لئی کی کرے؟ اُو کیوں آیا سی؟ اِک بندے نے کہیا اُو چاہندا اے کہ یسوع اُوہنوں نوکری دلائے۔ لیکن اُو نجات نئیں ہوندی اے! جے یسوع اُوہنوں نوکری دلا وی دیندا اے، اُو فیر وی گمراہ ای رہندا اے۔ اُس بندے نوں یسوع دے خون دے وسیلے نال اپنے گناہواں دی معافی چاہنی چائیدی اے۔

2۔ دوجی گل، گنہگار یسوع مسیح دے بارے چہ غلطیاں کردے نے۔

گنہگار یسوع دے بارے چہ کی سوچدا اے؟ اُوہنوں پُچھو، ’’یسوع ہُونے کیتھے اے؟‘‘ بائبل کہندی اے کہ یسوع آسمان وچ ’’خدا باپ دے داہنے ہتھ تے‘‘ اے (رومیوں 8:34). لیکن زیادہ تر گمراہ بپتسمہ یافتہ لوکی سوچدے نے یسوع پہلاں ای توں اُوہناں دے دِلاں وچ اے، یا اُو اِک روح اے جیہڑی ہوا وچ تیر رئی اے۔ تُسی یسوع دے کول نئیں آ سکدے جے تہانوں معلوم نئیں کہ اُو کیتھے اے۔

گنہگار توں پُچھو، ’’یسوع کون اے؟‘‘ بے شمار لوکی سوچدے نے اُو محض اِک بندہ اے، تاریخ دے عظیم اُستاداں وچوں اِک۔ لیکن اُو ’’یسوع‘‘ کسی نوں وی نجات نئیں دلا سکدا۔ کُج لوکی سوچدے نے کہ اُو کوئی روح اے، یا کہ یسوع پاک روح اے۔ لیکن مسیح روح نئیں اے۔ یسوع دے مُردیاں چوں جی اُٹھن دے بعد، بائبل کہندی اے،

’’اُو ایس قدر ہراساں تے خوفزدہ ہو گئے کہ سمجھن لگے کہ اُو کسی روح نوں ویکھ رئے نے۔ تے یسوع نے اُوہناں نوں کہیا تُسی کیوں کبھرائے ہوئے اُو تے تہاڈے دِل وچ شکوک کیوں پیدا ہو رئے نے؟ میرے ہتھ تے پیراں نوں ویکھو، اے میں ای آں: مینوں چُھو کر ویکھو کیوں جے روح دی ہڈیاں ای ہوندیاں نے تے نہ گوشت جیویں کہ تُسی میرے وچ ویکھ رئے اُو۔ ایہہ کین دے بعد اُوس نے اُوہناں نوں اپنے ہتھ تے پیر وکھائے، لیکن خوشی تے حیرت دے مارے اُوہناں نوں یقین نئیں آ رہیا سی۔ لہٰذا یسوع نے اُوہناں نو کہیا، ایتھے تہاڈے کول کھان لئی کُج اے؟ اُوہناں نے اُوہنوں بھنی ہوئی مچھلی دا قتلہ تے شہد دے چھتے دا ٹکڑا پیش کیتا۔ تے اُوہنے اُو لہیا تے اُوہناں دے سامنے کھادا‘‘ (لوقا 24:37۔43).

اُوہدے مُردیاں وچوں جی اُٹھن دے بعد یسوع نے کھانا کھادا۔ اِک روح کھانا نئیں کھاندی۔ اِک روح دیاں ہڈیاں تے گوشت نئیں ہوندا جیویں کہ مسیح دا سی۔ تے اِک روح – ایتھوں تیکر کہ پاک روح – دے کول گناہ نوں دھو ڈالن واستے لہو نئیں ہوندا!

گنہگار توں پُچھو، ’’کی یسوع تہاڈے نال ناراض اے؟‘‘ بے شمار کاتھولک لوکی تے دوجے لوکی سوچدے نے کہ اُو ہے۔ اُو اِک ناراض ’’مسیح‘‘ وچ یقین رکھدے نے – جیہڑا کہ نئے عہدنامے دا یسوع نئیں اے۔ بائبل کہندی اے کہ یسوع گنہگاراں نال محبت کردا اے۔ اُوہنے صلیب تے اُوس ڈاکو نوں معاف کیتا سی تے اُوس عورت نوں وی معاف کیتا سی جہیڑی زنا دی حالت وچ پھڑی گئی سی۔ کیویں اِک گنہگار کسی تے پرہوسا کر سکدا اے جیہڑا اُوس دے نال ناراض ہووے؟ ایناں غلطیاں نُوں درست کرو تے گنہگار دی رہنمائی حقیقی یسوع ول کرو۔

3۔ تیجی گل، گنہگار نجات دے بارے چہ غلطیاں کردے نے۔

نجات دے بارے وچ تِن اہم قسم دی غلطیاں ہُوندیاں نے۔ بےشمار گنہگار سوچدے نے کہ جے اُو ایناں گلاں وچوں اِک نوں کردے نے تے اُو نجات پا لین گے – یا جے اُوہناں نے ایناں گلاں وچوں اِک تے وی عمل کیتا ہوندا اے، تے اُو ثابت کردا اَے کہ اُو نجات پا چُکے نے۔ درج ذیل اُو تِن اہم گلاں نے جنہاں تے گنہگار مسیح دے بجائے پرہوسا کردا اے۔

جسمانی عمل: بپتسمہ لینا، اگے ودھنا، ہتھ کھڑا کرنا، آقائیت کی بعیت لینا، چند اِک گناہواں نوں چھڈ دینا (ایہہ بائبل دی توبہ نئیں اے، جیہڑی کہ ذہن دی اِک تبدیلی ہُوندی اے)، یا گنہگار دی دعا کہنا۔ اے انسانی عمل نے جیہڑے کسے نوں نجات نئیں دِلا سکدے۔ بائبل کہندی اے، ’’ایہہ ساڈے نیک کماں دا پھل نئیں سی بلکہ اُوس دا فضل سی کہ اُوہنے سانوں نجات بخشی‘‘ (طِطُس 3:5).

ذہنی اعمال: دُرست خیالات رکھنا، یا یسوع تے نجات دے بارے وچ بائبل دے حقائق تے یقین رکھنا۔ گنہگار اکثر کہندے نے، ’’میں یقین کرنا واں کہ یسوع صلیب تے میرے لئی قُربان ہویا۔‘‘ لیکن کروڑوں لوکی اُوس حقیقت وچ یقین رکھدے نے۔ ایتھوں تیکر کہ ابلیس وی یقین رکھدا اے کہ یسوع خُدا دا بیٹا اے جیہڑا صلیب تے قربان ہویا تے فیر جی اُٹھیا۔ اُوہنے اے ویکھیا سی۔ بائبل کہندی اے، ’’شیاطین [آسیب] وی یقین کردے تے کپکپاندے نے‘‘ (یعقوب 2:19). گنہگار نوں یسوع مسیح بخود تے پرہوسا کرنا چائیدا اے ناکہ اُوس دے بارے وچ کسی حقیقت تے۔

جذباتی اعمال: احساسات تے تجربات، مسیح دی تلاش کرن دے بجائے ’’یقین دہانی‘‘ نوں تلاش کرنا، یا حیاتی وچ بہتری محسوس کرنا۔ احساسات اُتے تھلے ہوندے رہندے نے۔ ہر کسی دے کول چنگے خیالات تے احساسات ہوندے نے۔ ہر کسی دے کول بُرے خیالات تے احساسات ہوندے نے۔ گنہگار اے گل جاندا اے۔ اُوہدے خود اپنے کول ایہہ احساسات ہوندے نے۔ جے تُسی اپنے احساسات تے پرہوسا کردے اُو، تے تُسی سوچو گے کہ تُسی نجات پا جاؤ گے تے فیر گمراہ ہو جاندے اُو، گمراہ ہو جاندے نے تے فیر نجات پا لیندے نے، اپنی ساری حیاتی وچ تُسی ایہو ای کردے رہندے ہو۔ نجات صرف مسیح وچ اے، احساسات وچ نئیں اے۔ حمدوثنا دا اِک پرانا عظیم گیت کہندا اے،

میری اُمید کسی کم گل تے تعمیر نئیں اے
   ماسوائے یسوع دے لہو تے راستبازی تے؛
میں میٹھے ترین جھانسے [ذہنی کیفیت، احساس] تے پرہوسا کرن دی جرأت نئیں کراں گا
   بلکہ کُلی طور تے یسوع دے ناں تے جھکاں گا۔
مسیح تے، جیہڑا ٹھوس چٹان اے کھڑا واں،
   باقی دی تمام زمین دلدلی ریت اے؛
باقی دے تمام زمین دلدلی ریت اے۔
   (’’ٹھوس چٹان The Solid Rock،‘‘ شاعر ایڈورڈ موٹ Edward Mote، 1797۔1874)۔

ایناں غلطیاں نوں دُرست کر لو تے گنہگار دی رہنمائی براہ راست یسوع بخود وَل اُوس دے لہو دے وسیلے نال گناہ دی معافی لئی کرو۔

بے شمار جھوٹے تصورات نے مسیح دا تزکرا کیتا، لیکن اُوہناں نے ’’اُوہنوں [یسوع نوں] ماتحت رکھیا‘‘ یا ’’اُوہنوں [یسوع نوں] کسی ہُور گل وِچ ’’لپیٹ کے‘‘ پیش کیتا۔ کُج لوکی سوچدے نے جے تُسی بپتسمہ پا چکے ہو، تے تُسی مسیح وِچ نجات پا لیندے ہو۔ ایہہ گل مسیح نوں بپتسمہ دے پانی دے ’’تحت‘‘ تے ’’ذریعے نال‘‘ پیش کردی اے۔ بے شمار لوکی سوچدے نے جے تُسی گنہگار دی دعا پڑھ لیندے ہو تے تُسی نجات پا جاؤ گے، تے اُو دعا ایویں ای اے جیویں یسوع تے پرہوسا کرنا ہوندا اے۔ لہٰذا اُو لوکاں نوں دعا منگن لئی مجبور کردے نے تے اُوہناں نو شمار کر لیندے نے، جدوں کہ اُوہناں وِچوں انتہائی چند اِک ای سیوع تے پرہوسا کرنے تے اُوس وِچ ایمان لہیا کے تبدیل ہوندے نے۔ ایہہ اے مسیح نوں دعا دے الفاظ دے ’’ماتحت‘‘ تے ’’ذریعے نال‘‘ پیش کرنا۔ بائبل کہندی اے کہ ’’یسوع مسیح بخود‘‘بنیاد دا اہم ترین پتھر اے (افسیوں2:20)، ناکہ گنہگار دی اِک دعا۔ گنہگار دی یسوع مسیح بخود وِچ پرہوسا کرن لئی رہنمائی کرو۔

میں لوکاں نوں اِک غلطی وِچوں نکل کے دوجی غلطی نوں کردیا ہویاں ویکھ چکیا واں۔ اُو اِک احساس دی تلاش کرن توں شروع کردے نے۔ اگلی وری اُو کہندے نے، ’’میرے کول کوئی احساس نئیں سی۔ میں صرف یقین کیتا سی کہ مسیح میرے لئی قربان ہویا سی۔‘‘ اُو گنہگار اِک احساس نوں تلاش کرن دی غلطی توں نکل کے مسیح دے بارے وِچ اِک حقیقت تے پرہوسا کرن دی غلطی چہ پے جاندے نے۔ گنہگار نوں اُوس دی جھوٹ دی پناہ گاہواں وِچوں لبھ لبھ کے کڈو تے اُوس دی مسیح وَل رہنمائی کرو۔

4۔ چوتھی گل، گنہگاراں نوں اپنے دِلاں دے گناہ دی سزایابی دی لُوڑ ہوندی اے۔

اِک گنہگار نوں اپنے دِل دے گناہ دی سزایابی وِچ ہونا چائی دا اے۔ ہر کوئی اعتراف کردا اے کہ اُو کِدرے نہ کِدرے گنہگار اے۔ ہر کوئی اعتراف کردا اے کہ اُو کام نئیں اے، کہ اُو کُج غلط کم کر چکیا اے۔ میں ایس بارے چہ گل نئیں کر رہیا واں۔

میں اصلی تے مخصوص گناہواں دی آگاہی دے بارے چہ گل نئیں کر رہیا واں۔ جی ہاں، گنہگار بے شمار گناہ کر چکیا ہوندا اے۔ لیکن محض اُوہناں گناہواں دے بارے چہ سوچنا ای اُوہنوں بچا نئیں پائے گا۔ جے تُسی مخصوص گناہواں دی اِک فہرست وِچ جاؤ تے گنہگار شاید سوچدا اے، ’’میں اُو کم نئیں کر رہیا آں، ایس لئی مینوں بچا لیا جانا چائیدا اے۔‘‘ یا اُو سوچدا اے، ’’میں اُو کم کرنے چھڈ دیاں گا تے اُو ظاہر کر دے گا کہ میں نجات پا چکیا واں۔‘‘

گناہ ایس توں کہیں زیادہ گہرائی وچ ہوندا اے۔ ہر کوئی باطن وچ گنہگار ہوندا اے، اِک گنہگار فطرت دے نال جیہڑی آدم توں وراثت چہ ملی ہوندی اے۔ ہر کسی دا اِک بدکار دِل ہوندا اے۔ بائبل کہندی اے، ’’دِل ساریاں شیواں توں ودھ کہ حیلہ باز تے لاعلاج ہوندا اے‘‘ (یرمیاہ 17:9). ہر گنہگار اندروں خود غرض ہوندا اے۔ ہر گنہگار اپنے دل وچ خدا دے خلاف ہوندا اے۔ ایہہ اُوہناں مخصوص گناہواں دے مقابلے وچ جیہڑے اِک بندہ کر چکیا ہوندا اے کئیں زیادہ گہرا ہوندا اے۔ اُو جو کردے نے اُوس وچ ظاہر ہو جاندا اے جیہڑے اُو ہوندے نے ۔ گنہگار جو وی کردا اے اُوس دے مقابلے وچ کئیں گہرا ترین اُوس دا دل، اُوس دا سارا وجود، گناہ توں بھرپور تے غلط ہوندا اے۔ گنہگار نوں خود اپنے دل دے گناہ نوں محسوس کرنا چائیدا اے۔ اُوہنوں اپنی تبلیغ وچ تے جدوں تُسی اپنے اُوس واعظ دے بعد گل کردے اُو اُوس دے دِل دے گناہ دے بارے وچ دسو۔

اِک گنہگار خود اپنے دِل نوں تبدیل نئیں کر سکدا، جیویں کہ اِک بکری خود نوں اِک پھیڈ وچ تبدیل نئیں کر سکدی۔ ایہہ اے جیہڑا ایس دا مطلب ہوندا اے کہ اُو گمراہ اے تے خود نوں بچا نئیں سکدا اے۔ اُو خود نال مسیح تے پرہوسا نئیں کر سکدا۔ صرف خُدا ای اُوہنوں یسوع وَل کھِچ سکدا اے۔ مسیح نے کہیا، ’’میرے کول کوئی نئیں آندا جدوں تیکر کہ پیّو جیس نے مینوں پیجیا اے اُوہنوں کھِچ نہ لہیائے‘‘ (یوحنا 6:44). اینوں ’’انجیل دا شکنجہ the Gospel vise‘‘ کہندے نے – گنہگار نوں مسیح ول آنا چائیدا اے، لیکن اُو ایہہ کر نئیں سکدا اے۔ اُو خود نُوں بچان لئی کُج وی نئیں کردا۔ جیویں کہ بائبل کہندی اے، ’’نجات خُدا وَلّوں آندی اے‘‘ (یوناہ 2:9). گنہگار نوں اشعیا دی مانند ہونا چائیدا اے جنہے کہیا، ’’میرے تے افسوس! میں تباہ ہو گیا‘‘ (اشعیا6:5). اُوہنوں اُوس دے دِل دا گناہ وکھاؤ۔ اُوس تے ظاہر کرو کہ اُو خود نوں نئیں بچا سکدا۔ اُوہنوں وکھاؤ کہ اُوہنوں رحم دی لُوڑ اے۔ فیر اُو شاید مسیح ول آ جاوے۔

5۔ پنجویں گل، جے گنہگار اپنے دل دے گناہ دی سزایابی وچ آ جاندا اے تے اُوہدی مسیح تیکر رہنمائی لئی کوشش کرو۔

میں ہر کسی دی جیہڑا میرے نال گل بات کرن لئی آہندا اے مسیح تیکر رہنمائی نئیں کردا! کُج لوکی صرف متجسس ہوندے نے۔ اُو اپنے گناہ توں معاف کیتا جانا نئیں چاہندے۔ کُج لوکی صرف ایس لئی آندے نے کیونکہ اُو دوجیاں نوں آندیاں ہویاں ویکھدے نے۔ کُج لوکاں وچ اپنے گناہ دا کوئی احساس ای نئیں ہوندا تے کوئی خدا وَلّوں بخشی ہوئی بیداری نئیں ہوندی۔ اُوہناں لوکاں دی جیہڑے ایتھے اوتھے مزاق کردے پھردے نے مسیح تے پرہوسا کرن لئی دعا وچ رہنمائی کرنا اُوہناں نوں صرف مسیح وچ ایمان لہیان دی جھوٹی تبدیلی ول راغب کرے گا۔ کدوں وکھائی دیندا اے کہ اِک بندا شاید مسیح تے پرہوسا کردا اے؟

گنہگار نوں ’’خود نال کراہت‘‘ ہونی چائیدی اے، جیویں کہ ساڈے گرجا گھر وچ اِک کُڑی نے کہیا، اُوہنوں ’’خود تُوں ہار تسلیم کر لینی‘‘ چائیدی اے۔ اُوہنوں ’’خود دے خاتمے تیکر پہنچ جانا‘‘ چائیدا اے۔ اشعیا خود نوں ختم کرن دی حد تیکر پہنچ چُکیا سی جدوں اُوس نے کہیا، ’’میرے تے افسوس! میں تباہ ہو گیا‘‘ (اشعیا 6:5). اُوہدوں مسیح تے پرہوسا کرنا کِدرے بُہتا آسان ہو جاندا اے۔ اُو کُج سِکھن دی کوشش نئیں کر رہیا ہُندا۔ اُوہنوں اُوس نوں بچان لئی مسیح دی لوڑ ہوندی اے۔

گنہگار نوں خود نال مسیح تے پرہوسا کرنا ہوندا ہے۔ گنہگار دی یسوع مسیح بخود تے اُوس دے لہو دے وسیلے نال گناہ دی معافی ول رہنمائی کرو۔ تُسی شاید اِک بندے دی اِک سادہ جہئی دعا وچ رہنمائی کر سکدے اُو جیویں کہ ’’یسوع، میں تجھ تے پرہوسا کرناں واں۔ اپنے لہو دے نال میرے گناہواں نوں دھو ڈال۔‘‘ یا شاید کوئی وی دعا سرے نال ہوندی نئیں اے، محض براہ راست مسیح ول اُوس دے خون دے ذریعے معافی پان لئی مُڑنا۔ گنہگار نوں اِک دعا منگن دی لُوڑ نئیں ہوندی اے۔ گنہگار نوں ذہن وچ مسیح دی تصویر بنان دی لُوڑ نئیں ہوندی اے۔ لفظاں دا ’’دُرست‘‘ ہونا ضروری نئیں ہوندا اے۔ کُج لوکی رٹ لیندے نے – تے واپس دہراندے نے – اُو ’’درست‘‘ لفظاں تے پرہوسا کردے نے لیکن مسیح تے پرہوسا نئیں کردے۔ صلیب تے ڈاکو نے بالکل درست الفاظ ادا نئیں کیتے سن۔ اُوہنے کہیا، ’’خداوندا، جدوں تو بادشاہ بن کے آئے تے مینوں یاد رکھیں‘‘ (لوقا 23:42). لیکن اُو جاندا سی کہ اُو اِک بے بس گنہگار سی تے اُوس نے مسیح ول رُخ کر لہیا۔ ایہہ اینا ای سادہ سی! خُداوند نے اُوہنوں کہیا، ’’تُوں اَج ای میرے نال فردوس وچ ہووے گا‘‘ (لوقا 23:43). لفظاں نوں ادا کرن دے مقابلے توں مسیح تے پرہوسا کرنا کئیں زیادہ اہم ہُوندا اے!

6۔ چھٹی گل، تہاڈے گنہگار دے نال گل کر چُکن دے بعد، اُوہنوں چند سادہ جئے سوالات پُچھو۔

اُوہنوں پُچھو، ’’کی تُسی یسوع تے پرہوسا کر چُکے اُو؟‘‘ جے اُو کہندا اے، ’’جی نئیں،‘‘ تے اُوہدے نال فیر گل بات کرو۔ جے اُو کہندا اے ’’آہو‘‘ تے اُوہنوں پُچھو اُوہنے کدوں یسوع تے پرہوسا کیتا۔ جے اُو کہندا اے، ’’میں اپنی ساری حیاتی اُوس تے پرہوسا کردا رہیا واں‘‘ یا ’’میں اُوہدے تے بہت عرصہ پہلاں تُوں پرہوسا کر لہیا سی،‘‘ تے اُو میسح تے ایمان لہیا کے تبدیل نئیں ہویا اے۔

جے اُو کہندا اے، ’’میں بالکل ہُنے ای میسح تے پرہوسا کیتا اے،‘‘ تے اُوہنوں پُچھو اُوہنے کی کیتا۔ اُوہنوں اے دسن تے مجبور کرن دی کوشش کرو کہ اُو اپنے لفظاں وچ اُوہدے پرہوسا کرن دے عمل نوں بیان کرے۔ لوکی ’’گرجا گھر دے لفظاں‘‘ نوں رٹ سکدے نے جیہڑے اُو سنّدے نے تے اُوہناں نوں واپس دہرا سکدے نے چائے اُو مسیح وچ ایمان لہیا کے تبدیل نہ وی ہوئے ہون۔ اپنے پرہوسے وچ اُوس گنہگار نے کی کیتا سی؟ کی اُوہنے مسیح دے بارے وچ کسی گل تے یقین کیتا سی؟ کی اُوہنے اِک احساس تے پرہوسا کیتا سی؟ یا کی اُوہنے براہ راست مسیح بخود تے پرہوسا کیتا سی؟

اُوہنوں پُچھو، ’’یسوع مسیح تہاڈے لئی کی کر چُکیا اے؟‘‘ جے اُو بندہ مسیح دے بارے وچ اُوہدے خون دے وسیلے نال اپنے گناہ معاف کیتے جان دی گل نئیں کردا اے، بلکہ اپنی خود دی سوچاں تے احساسات تے اچھائیاں دے بارے وچ گل کردا اے تے اُو نجات پایا ہویا نئیں ہوندا!

اُوہنوں پُچھو، ’’جے تُسی اَج مر جاندے اُو، تے کی تُسی جنت وچ جاؤ گے یا جہنم وچ؟‘‘ جے اُو کہندا اے ’’جنت‘‘ تے اُوہنوں پُچھو کیوں۔ اُو خدا نوں کی کہے گا جے خدا نے اُوہنوں پُچھیا اُوہنوں کیوں جنت وچ جانا چائیدا اے؟ جے اُو بندہ نیک کماں دے بارے وچ گل کردا اے یا مسیح تے اُوس دے خون دے علاوہ کوئی ہَور گل کردا اے تے اُو نجات پایا ہویا نئیں ہوندا! فیر اُوہنوں پُچھو، ’’اَج توں اِک ورے بعد، جے تہانوں کوئی بُرا خیال آ جائے تے تُسی مر جاؤ تے تُسی کیتھے جاؤ گے؟‘‘ جے اُو کہندا اے ’’جہنم،‘‘ تے اُو نیک ہون تے انحصار کر رہیا ہوندا اے ناکہ مسیح تے۔ فیر تُسی اُوہنوں پُچھ سکدے اُو، ’’اَج توں اِک ورے بعد، جے تُسی گرجا گھر چھڈ دیو تے کدی وی واپس نہ آؤ تے اِک عورت (یا بندے) دے نال شادی کیتیاں بغیر حیاتی بسر کرو، اُوس دے نال جنسی تعلق رکھو، تے تُسی ہر روز نشہ لیندے رہوو، تے کی تُسی اِک مسیحی ہوو گے یا نئیں؟‘‘ جے اُو کہندا اے ’’ہاں‘‘ تے اُوہنے کدی وی گناہ دے مسئلے نوں نئیں نمٹایا، اُو ہُنے تیکر گمراہ ای اے۔

اُوہنوں ایہہ پُچھنا اہم اے صرف کہنا ای نئیں اے، ’’میں یسوع تے پرہوسا کیتا،‘‘ بلکہ بیان کرنا اپنا پرہوسہ کرن دے لمحے وچ یسوع دے نال اُوہنے کی کیتا۔ تُسی اُوہدے پرہوسا کرن دے ویلے دے بارے سننا چاہندے اُو، ناکہ اُوہدی حیاتی دی ساری کہانی یا اُو سب کُج جیہڑا اُوس دن رونما ہویا سی۔ میں مخصوص خیالات یا احساسات دی تلاش نئیں کرنا آں۔ بلکہ اُوہدے گناہ دے جُز تلاش کرنا آں تے مسیح دے خُون دے ذریعے تُوں اُوہدے گناہ دی معافی میسح بخود تے پرہوسا کرن دے عمل دے ذریعے توں تلاش کرنا آں۔ اُوس تجربے دی تفصیلات مختلف لوکاں لئی شاید مختلف ہووے۔ میں اُوس اصلیت لئی جیس وچ اُو بندہ کہندا اے، خالص پن دی تلاش کرنا آں۔

جے اُوس بندے توں غلطی ہو جاندی اے، تے غلطی نوں درست کرو تے اُوہدے نال فیر گل بات کرو۔ لیکن اِک بندہ جیہڑا ہر وری فیر اِک اُو ای غلطی کردا اے ظاہر کردا اے کہ اُو مسیح وچ ایمان لہیا کے تبدیل ہون دے بارے وچ سنجیدہ نئیں ہوندا اے۔ اُو جنہاں نوں خداوند نجات ول کھِچ رہیا ہوندا اے واعظاں نوں سُنن گے تے تہاڈی نصیحت نوں سُنن گے۔ اُو جیہڑے نئیں سُنن گے مسیح تے ایمان لہیا کے تبدیل نئیں ہون گے۔

مایوس نہ ہوو جے اُو بندہ تہاڈے اُوہدے نال گل بات کرن دے بعد نجات یافتہ نئیں پایا جاندا۔ چند اِک لوکی مسیح وچ ایمان لہیا کے تبدیل ہو جاندے نے اُوس پہلی ای وری جدوں اُوہناں نے خوشخبری نوں سُنیا ہوندا اے، لیکن زیادہ تر نئیں ہوندے۔ زیادہ تر لوکاں نوں بار بار آنا پیندا اے ایس توں پہلاں کہ اُو مسیح تے پرہوسا کرن۔

ہر بندے دی اِک توں زیادہ وری پڑتال کرو۔ آندے نال ای بپتسمہ مت دیو۔ اُوہناں نوں گھٹ توں گھٹ اِک ورے تیکر انتظار کرن لئی کہوو، تے غالباً ساڈے زمانے وچ گرجا گھراں دی مُرتد حالت نوں ویکھدیاں ہویاں دو سال بہتر رہن گے۔ غالباً دو یا تین ورے بہتر ہون گے۔ ایہہ تہانوں ویلہ دے گا اے ویکھن لئی کہ آیا اُوہناں دا ایمان خالص اے۔ تُسی اُوس ویلے دے دوران اِک بندے دی مختلف طریقیاں نال جانچ کر سکدے اُو۔ تُسی اوہدے کولوں اُوہدی گواہی دے بارے پُچھ سکدے اُو – گرجا گھر دی عبادت توں ہٹ کے۔ تُسی اُوہدے کولوں ہفتیاں یا مہینیاں بعد پُچھ سکدے اُو۔ اُو جنہاں نے مسیح تے پرہوسا نئیں کیتا سی اُوس ’’گواہی‘‘ نوں پُل جان گے جیہڑی اُوہناں نے آپئی تراشی سی تے اِک یا دو ورے بعد غلطیاں کرن گے۔ اُو صرف ’’پاس ہونا‘‘ تے منظور کیتا جانا چاہندے نے، لیکن اُوہناں نے یسوع تے پرہوسا نئیں کیتا ہوندا۔ دوجے لوکی کُج لفظاں نوں رٹ سکدے نے تے اُوہناں نوں واپس دہرا سکدے نے، لیکن جدوں تُسی مختلف طریقیاں نال مختلف ویلیاں وچ پُچھدے اُو تے اُوہناں نوں پتا نئیں چلدا کی کہنا اے، کیوں جے اُوہناں دے کول یسوع تے پرہوسا کرن دا ذاتی تجربہ نئیں ہوندا۔

اُوہدے رویّے تے کردار تے نظر پاؤ۔ اِک بندہ جیہڑا تہاڈے گرجا گھر نوں چھڈ دیندا اے تے تہانوں سُنن توں انکار کر دیندا اے ظاہر کردا اے کہ اُو گناہ دے بارے وچ سنجیدہ نئیں سی تے اُوہنے مسیح تے پرہوسا نئیں کیتا سی۔ اِک بندہ جیدا رویّہ گرجا گھر تے مسیحی حیاتی دے بارے وچ مسلسل بُرا ہوندا اے ظاہر کردا اے کہ اُو گناہ دے بارے وچ سنجیدہ نئیں سی تے اُوہنے مسیح تے پرہوسا نئیں کیتا سی۔

7۔ ستویں گل، مشاورے دے بارے وچ مذہبی خدمتاں دے سچے امتحان نوں یاد رکھو۔

مشاورت دے بارے وچ مذہبی خدمت دا سچا امتحان ایہہ ہوندا اے: کی تُسی اِک بندے نوں دس سکدے اُو کہ اُوہنے مسیح تے پرہوسا نئیں کیتا سی تے اُو اُوس دِن مسیح تے ایمان لہیا کے تبدیل نئیں ہویا سی؟ کی تُسی اِک بندے نوں دس سکدے اُو کہ اُوہنوں فیر آنا چائیدا اے تے اپنی نجات دے بارے وچ تہاڈے نال فیر گل بات کرنی چائیدی اے؟ میں کسی ایہو جئے پادری صاحب دے بارے وچ نئیں جاندا جیہڑا اے کردا ہووے۔ ایہو ای وجہ اے کہ ساڈے گرجا گھر گمراہ لوکاں نال پرے ہوئے نے، بشمول سنڈے سکول دے اُستاد، مُناد حضرات، پادری صاحبان دیاں ووہٹیاں تے آپئی پادری صاحبات۔ پادری صاحبان ہر اِک دے نال جنہے اُوہناں دی دعوت دا ردِ عمل ظاہر کیتا ہوندا اے اِک دعا منگن تے اصرار کردے نے۔ اُو ایہہ ایس لئی کردے نے تاکہ اُو بپتسمیاں دی تعداد نوں شمار کر سکن۔ تقریباً جنہیاں نوں اُوہناں نے بپتسمہ دِتا ہوندا اے اُوہناں وِچوں اِک وی نجات پایا ہویا نئیں ہوندا۔ اُو گرجا گھر دے نال وفادار نئیں رہندے نے کیوں جے اُوہناں نے فیر جنم نئیں لہیا ہوندا۔ اے لوکی ’’اخلاقی طور تے ڈِگے ہوئے‘‘ نئیں ہوندے۔ اُو گمراہ ہوندے نے کیوں جے مبلغ نے کدی وی ویلہ ای نئیں کڈیا ہوندا کہ ایس گل نوں یقینی بنائے کہ اُو مسیح وچ ایمان لہیا کے تبدیل ہو چُکے نے۔ آیا تُسی اِک بندے نوں دس سکدے اُو کہ اُو ہُنے تیکر گمراہ اے تے اُوہنوں فیر آن دی لوڑ اے، ایہہ تہاڈی مذہبی خدمت دا سچا امتحان ہوندا اے۔ کی تُسی اُوہناں لوکاں دی مانند ہو جیہڑے ’’خُدا ولوں عزت پان دی بجائے انساناں ولوں عزت پان دے زیادہ دلدادہ ہوندے نے‘‘؟ (یوحنا 12:43). یا کی تُسی سچ بولدے اُو چاہے لوکاں نوں اُو اچھا لگے یا نئیں؟

ایہہ کہن دا اِک طریقہ ہوندا اے: کی تُسی مسیح وِچ ایمان لہیان دی حقیقی تبدیلی وِچ یقین رکھدے اُو – مسیح وِچ اِک حقیقی پرہوسا جیہڑا اِک حقیقی مسیحی حیاتی دا نتیجہ ہوندا اے؟ جے تُسی ہر اِک نوں دعا وِچ لہیاں تے اصرار کردے اُو یا اُوہناں نوں ہتھ کھڑا کرن تے مجبور کرد اُو یا اِک کارڈ تے دستخط کرن تے مجبور کردے اُو، تے تُسی اِک ’’فیصلہ ساز‘‘ ہو۔ تُسی اُوہناں انسانی جاناں دی ویکھ بھال نئیں کر رئے اُو جنہاں نوں خُدا نے تہاڈے کول پیجیا اے۔

میں اُمید کرنا واں کہ تہاڈے وِچوں کُج مسیح تے ایمان لہیا کے حقیقی طور تے تبدیل ہون وِچ یقین رکھدے نے۔ میں یقین کرنا واں کہ تہاڈے وِچوں کُج ہر بندے دے نال ویلہ کڈن دی لوڑ نوں ویکھدے نے، ایس گل نوں یقینی بنان لئی کہ اُو مسیح تے پرہوسا کردا اے تے مسیح وِچ ایمان لہیا کے تبدیل ہو چکیا اے۔ ایہہ اے جیہڑا اِک وفادار پادری کردا اے۔ وفادار چرواہے اپنی پیڈھاں دی پروا کردے نے۔ میں اُمید کرنا واں کہ اُسی اپنے طور تے بہترین کم کرو گے ایس گل نوں یقینی بنان لئی کہ تہاڈے لوکی مسیح تے پرہوسا کر چکے نے تے ایمان لہیا کے تبدیل ہو چکے نے۔

تُسی شاید سوچو کہ میں ایس گل تے بہت زیادہ تفصیل وچ جا چکیا واں کہ مسیح وِچ ایمان لہیا کے تبدیل ہونا واقعی چہ اِک سادہ جئی گل اے جیدے لئی زیادہ نئیں سوچنا پیندا۔ لیکن کی ہوندا جے طبّی پیشہ نوں اِک بچے نوں کیویں جنم دینا اے دی تفصیلات جانن لئی ماہر وضع حمل دی لوڑ درکار نہ ہوندی؟ کی ہوندا جے اُو سارے دے سارے اِک اُو ای کم کردے، یا اپنے ہتھاں نوں نہ دھوندے، یا نئیں جانّدے ہوندے کہ پُٹھے بچے دی پیدائش دے نال کی کیتا جائے، وغیرہ؟ جے اَسی بچیاں دی پیدائش نوں ایسی طریقے نال ورتاندے جیویں اَسی بندیاں دے نئے جنم نال کرنے آں تے کروڑوں بچے غیرضروری طور تے مر جاندے – کیوں جے بالکل اسی ویلے کروڑوں بشر غیر ضروری طور تے مردے نے تے جہنم وِچ جاندے نے کیوں نے اَسی اُوہناں دے مسیح وِچ ایمان لہیان دی تبدیلی نوں یقین بنان لئی کافی ویلہ نئیں کڈدے، یا لوکاں نوں اپنے بائبل سکولاں تے سیمنریاں وِچ اینوں کیویں کرنا اے ایس دی تعلیم نئیں دیندے – جیتھے ایہہ سرے توں پڑھایا ای نئیں جاندا!!!

میں ہومر روڈیھور Homer Rodeheaver د موسیقی تےُوسوالڈ جے۔ سمتھ Oswald J. Smith دی شاعری وِچ ’’فیر یسوع آیاThen Jesus Came‘‘ دے الفاظ پڑھن جا رہیا واں۔ جدوں یسوع تہاڈی حیاتیاں وِچ آندا اے، اُوہدا لہو تہانوں تمام گناہواں توں پاک صاف کر دیندا اے؛ اُو لہو جیہڑا اُوہنے صلیب تے وگایا سی ہُن وی تہاڈے گناہواں نوں پاک صاف کرن لئی مہیا اے۔ تے یسوع تہانوں دائمی حیاتی بخشن لئی مُردیاں وِچوں زندہ ہویا۔ صرف یسوع تے پرہوسا کرو تے اُو تہاڈے گناہواں نوں معاف کر دے گا تے تہانوں ہمیشہ دی حیاتی بخشے گا۔ میں اُمید کرنا واں کہ تُسی اِج شامی 6:15 بے واپس آؤ گے تے ساڈے نال رات دا کھانا کھاؤ گے۔ ڈاکٹر ہائیمرز ’’اِک اَنّے دا یسوع توں شفا پانا‘‘ نامی مبشراتی واعظ دی تبلیغ کرن گے۔ اَج شامی 6:15 بجے واپس آن نوں یقینی بناؤ تے ڈاکٹر ہائیمرز دے گل کرن دے بعد کھانا کھان لئی رُکو۔

کوئی شاہراہ دے کنارے تے کلا بیٹھا بھیک منگ رہیا سی،
اُوہدی اَکھاں انّیاں سن، اُو روشنی نوں نئیں ویکھ سکدا سی۔
اُوہنے اپنے چیتھڑیاں نوں مضبوطی نال پھڑیا تے سایاں وِچ کپکپایا
فیر یسوع آیا تے اُوہدی تاریکی نوں نٹھان دی پیشکش کیتی۔
جدوں یسوع آندا اے تے آزمان آلے دی قوت ٹُٹ جاندی اے؛
جدوں یسوع آندا اے تے اتھرو پُنجے جاندے نے۔
وہ رنج والم لے لیندا ے تے حیاتی نوں جلال نال بھر دیندا اے،
کیوں جے سب کُج بدل جاندا اے جدوں یسوع رہن لئی آندا اے۔

گھر تے دوستاں توں شیطانی روح نے اُوہنوں دور کیتا،
مزاراں وِچ اُوہنے بدنصیبی وِچ بسیرا کیتا؛
اُوہنے اپنے آپ نوں کلا کر لہیا جیویں ای بدروحواں دی قوتاں نے اُوس تے قبضہ کیتا،
فیر یسوع آیا تے اُوس نے اسیر نوں آزادی دلائی۔
جدوں یسوع آندا اے تے آزمان آلے دی قوت ٹُٹ جاندی اے؛
جدوں یسوع آندا اے تے اتھرو پُنجے جاندے نے۔
وہ رنج والم لے لیندا ے تے حیاتی نوں جلال نال بھر دیندا اے،
کیوں جے سب کُج بدل جاندا اے جدوں یسوع رہن لئی آندا اے۔

ایس لئی اَج لوکاں نے نجات دہندہ نوں قابل سمجھا اے،
اُو جنون، جنسی لذت تے گناہ نوں فتح نئیں کر سکے؛
اُوہناں دے ٹوٹے ہوئے دِلاں نے اُوہناں نوں تنہا تے اُداس چھڈ دیتا اے،
فیر یسوع آیا تے ساڈے درمیان خیمہ زن ہویا۔
جدوں یسوع آندا اے تے آزمان آلے دی قوت ٹُٹ جاندی اے؛
جدوں یسوع آندا اے تے اتھرو پُنجے جاندے نے۔
وہ رنج والم لے لیندا ے تے حیاتی نوں جلال نال بھر دیندا اے،
کیوں جے سب کُج بدل جاندا اے جدوں یسوع رہن لئی آندا اے۔
(’’فیر یسوع آندا ہےThen Jesus Came‘‘ شاعر اُوسولڈ جے۔ سمتھ، 1889۔1986؛
موسیقی ترتیب دی ہومر روڈیہورHomer Rodeheaver، 1880۔1955؛ نے)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں اکلیاں گیت مسٹر بینجیمن کینکیڈ گریفتھ Mr. Benjamin Kincaid Griffith نے گایا سی:
(’’فیر یسوع آندا ہےThen Jesus Came‘‘ شاعر اُوسولڈ جے۔ سمتھ، 1889۔1986؛
موسیقی ترتیب دی ہومر روڈیہورHomer Rodeheaver، 1880۔1955؛ نے)۔