ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مہربانی نال متی10:1 کھولو۔ ایہہ سیکوفیلڈ بائبل وِچ ورقہ 1008 تے اے۔ پہلی آیت دے پہلے حصے تے نظر پاؤ۔

تے فیر اُوہنے اپنے بارہ شاگرداں نوں کول سدیا…‘‘

اُوس لفظ شاگرد disciple‘‘ دا ترجمہ یونانی لفظ ’’میٹھیٹیس mathétés‘‘ توں لہیا گیا اے۔ نئے عہدنامے وِچ اُو لفظ اِک ایہو جئے بندے وَل اشارہ کردا اے جیہڑا اِک اُستاد کولوں سیکھدا اے تے اُوس اُستاد دی پیروی کردا اے۔ ایس دا اِطلاق اُوہناں بارہ شاگرداں تے ہوندا اے جِنہاں نے یسوع دی پیروی کیتی سی۔

ایہہ میرا مقصد اے کہ تہاڈے تے ظاہر کراں کیویں مسیح نے اُوہناں بارہ لوکاں نوں سدیا، تے کیویں اُوہناں نوں اُوہناں دے دوبارہ جنم لین توں پہلاں تربیت دِتی سی۔ ایس طریقے نال اَج ساڈے زیادہ تر گرجا گھراں وِچ نئیں ہوندا اے۔ غیرمرائی زباناں بولن آلے پینتیکوسٹل فرقے توں لیکر بنیاد پرست بائبل دے اِساتذہ تیکر – اُوہناں ساریاں نوں جِنہاں نوں میں جاننا واں اِک ای گل نوں تھوڑا جیہا بدل کے کردے نے۔ اُو عام طور تے اِک نوے بندے نوں پھنسادے نے تے کُج ایس طرح دی گل کردے نے، ’’کی تُسی جنت چہ جانا چاہندے اُو؟‘‘ اُو نوے بندے نوں اُوس ویلے تیکر دباؤ چہ پائے رکھدے نے جدوں تیکر اُوہناں وِچوں زیادہ تر لوکی کہہ نئیں دیندے، ’’ہاں، میں چاہنا واں۔‘‘ فیر بندے نوں جیتن آلا کہندا اے، ’’اِہناں لفظاں نال میرے نال رل کے دعا منگو۔‘‘ اُو مضطرب نوا بندا اُوہناں لفظاں نوں بُڑبُڑاندا اے جیہڑے ’’بندے نوں جیتن آلا‘‘ کہندا اے – جو کُج ایہو جئی گل کردا اے جیویں جوئیل آسٹن اپنے واعظاں دے اختتام تے کردا اے، ’’اَسی یقین رکھنے واں کہ جے تُسی اُو الفاظ کہہ دِتے، تے تُسی بالکل ہُنے ای دوبارہ جنم لہیا اے۔‘‘ چنگے گرجا گھراں دے وِچ اُو اُوہناں لوکاں دے ناں تے فون نمبر لکھ لیندے نے جنہاں نال اُوہناں نے دعا منگی سی – تے فیر، کُج دِناں بعد اُو اُوس نام نہاد کہلائے جان آلے تبدیل ہوئے بندے دے کول ’’مقصد نوں کامیابی نال تکمیل تیکر پہچان‘‘ لئی کسی نہ کسی نوں پیجدے نے۔ میرے تجربے وِچ ایہہ مشکلاں نال ای کدی کوئی حقیقی مسیح پیدا کردا اے۔ اُو بندہ جیدے نال اُوہناں نے دعا منگی سی عام طور تے مسیح وِچ ایمان لہیا کر تبدیل ہویا بندہ نئیں ہوندا اے۔ اُو اکثر یا تے ’’بندے نوں جیتن آلے‘‘ توں چُھپدے پھردے نے یا اُو اُوس توں ’’دور ٹُر جان‘‘ لئی چیخدے نے! جدوں تُسی ’’مقصد نوں کامیابی نال تکمیل تیکر پہچان‘‘ دی کوشش لئی اُوہناں دے کول جاندے اُو تے اُو بہتر طریقے نال ردعمل دا اِظہار نئیں کردے!

ایس طریقے وِچ غلطی کی اے؟ ایہہ عام طور تے کم نئیں کردا اے! حقیقت وِچ ایہہ مشکلاں نال ای کدی کم کردا اے۔ میں سٹھ وریاں توں اِک بپتسمہ دین آلا مبلغ رہیا واں تے ایہہ میرا تجربہ اے۔ ایہہ ’’کم‘‘ کیوں نئیں کردا اے؟ ایہہ شاگرداں نوں پیدا کیوں نئیں کردا اے؟ ایہہ ایس لئی ہوندا اے کیوں جے ساڈے وِچوں زیادہ تر نے ایس تے اُوس طریقے نالوں زیادہ دھیان نئیں دِتا ہوندا جیدے نال یسوع نے شاگرداں نوں دھیان دین تے مجبور کیتا سی! ایہہ وجہ اے!

تُسی شاید سوچو میں ’’آقائیت دی نجاتLordship Salavation‘‘ دی تعلیم دے رہیا واں، لیکن میں نئیں دے رہیا۔ میں اُو تعلیم نئیں دے رہیا واں جیہڑی جان میک آرتھر یا پال واشر دیندے نے۔ ایہہ جانن لئی کہ کیوں میں ’’آقائیت دی نجاتLordship Salavation‘‘ نوں مسترد کرنا واں، مہربانی نال اُو پڑھو جیہڑا میں ایس دے بارے چہ ساڈی کتاب ’’مردی ہوئی قوم نال تبلیغPreaching to a Dying Nation ورقہ 117۔119 وِچ کہیا۔ اُو ساری دی ساری کتاب ساڈی ویب سائٹ www.sermonsfortheworld.com تے پڑھی جا سکدی اے۔ نجات یسوع تے پرہوسا کرن توں تے اُوس دے خون دے وسیلے نال پاک صاف ہون دے ذریعے نال ملدی اے۔

لیکن چاراں انجیلاں وِچوں مینوں ایک تھاں وِکھا دیو جیتھے یسوع نے لوکاں دی رہنمائی ’’گنہگاراں دی دعا‘‘ کیہن لئی کی ہووے، تے فیر ’’مقصد دی کامیابی نال تکمیل لئی‘‘ اُوہناں دے پیچھے گیا ہووے۔ تُسی مینوں اِک وی تھاں نئیں وکھا سکدے جیتھے یسوع نے ایویں کیتا ہووے! اُوہنے ہمیشہ ’’مقصد دی کامیابی نال تکمیل لئی‘‘ پہلے کم کیتا۔ اُوہنے پہلے اُوہناں نوں جان لین دِتا کہ اُو کیس کم نوں کرن پہلاں جا رئے سن!

ایس طریقے نال یسوع مسیح نے اپنے لوکاں نوں تبدیل کیتا سی! اُو جانندا سی کہ اُوہناں نوں شاگردی دی سخت سچائیاں نوں سُنن دی لوڑ سی – ایس توں پہلاں کہ اُو اُوہدے تے سچے طور نال پرہوسا کردے تے نجات پاندے!

’’لیکن،‘‘ شاید کوئی کہندا، ’’سخت سچائیاں اُوہناں نوں خوفزدہ کر کے دوڑا دیندیاں۔‘‘ بے شک! اُو سخت سچائیاں اُوہناں وِچوں زیادہ تر نوں خوفزدہ کر کے دوڑا دیندیاں! مسیح دے بے شمار شاگرداں نے اُوہنوں چھڈ دِتا سی۔ اُوہنے اُوہناں نوں ٹھہرن دی اِلتجا نئیں کیتی سی۔ اُوہنے بارہ نوں کہیا سی، ’’کی تُسی وی مینوں چھڈ کے جانا چاہندے اُو؟‘‘ (یوحنا6:67)۔ سب چھڈ کے نئیں گئے سن! اُو جیہڑے ٹِکے رئے تے تعلیم پائی مسیح دے چٹان وانگر مضبوط شاگرد تے صلیب دے سپاہی بنے!

ڈاکٹر آئزک واٹز نے 18 ویں صدی چہ مبشران دی پرانے زمانے دی قسم نوں کہیا سی۔ آئزک واٹز نے کہیا،

کی میں صلیب دا اِک سپاہی واں، برّے دے پیچھے چلن آلا،
تے کی مینوں اُوس دے مقصد نوں اپنان توں خوفزدہ ہونا چائی دا اے، یا اُوس دا ناں بولن توں شرمندہ ہونا چائی دا اے؟

یقیناً مینوں لڑنا چائی دا اے، جے مینوں حکومت کرنے اے؛ خُداوندا! میرے حوصلے نوں ودھا،
میں سختیاں نوں جھیلاں گا، درد نوں برداشت کراں گا، تیرے کلام دے سہارے دے وسیلے نال
(’’کی میں صلیب دا اِک سپاہی واں؟Am I a Soldier of the Cross?‘‘ شاعر ڈاکٹر آئزک واٹز Dr. Isaac Watts، 1674۔1748)۔

اَسی نوے لوکاں کولوں توقع نئیں رکھ سکدے کہ اُو مسیح لئی خونی جنگ وِچ پہلے سر دے بل کُود جان۔ ایہہ سُؤکھا ہوندا جے اُو کردے۔ لیکن میں اُوس طرح دے نال مسیح نئیں بنیا سی۔ مینوں پہلاں سکھنا پہیا سی کہ صلیب نوں برداشت کرن آلا مسیح ای اُو سچا مسیحی سی۔ مینوں کُج سخت شاگردی وِچوں لنگنا پہیا سی ایس توں پہلاں کہ میں یسوع تے پرہوسا کردا، ایس توں پہلا کہ میں صلیب دا اِک سپاہی بنندا۔ تے ایویں ای تہانوں کرنا چائی دا اے!

جیہڑا میں بالکل ہُنے کہیا اُو اَج ساڈے زیادہ تر گرجا گھراں وِچ عملی طور تے نئیں کیتا جاندا! ایس دے باوجود، ایہہ سچ نئیں اے۔ ’’یقیناً مینوں لڑنا چائی دا اے، جے مینوں حکومت کرنی اے، خُداوندا، میرے حوصلے نوں ودھا۔‘‘ ایہہ سی جیہڑا 18ویں صدی دے عظیم مبشراتی حمدوثنا دے مصنف نے تحریر کیتا سی۔ تے ایہی سی جیہڑا ہزاراں لکھاں لوکاں نے ٹخنیاں تیکر برف وِچ دھنسے ہوئے جارج وائٹ فیلڈ تے جان ویزلی دی منادی توں پہلاں گایا سی! لیکن تُسی ایس حمدوثنا دے گیت نوں اَج انتہائی بے شمار عبادتاں وِچ گایا جاندا ہویا نئیں سُنو گے! میرے خیال وِچ شاید ایسے لئی جیہڑے گیتاں دی کتاباں اَسی ہُن استعمال کرنے آں اُوہناں چہ عام طور تے ’’مسیحی جنگ‘‘ تے ایس قدر گھٹ حمدوثنا دے گیت ہوندے نے۔ مسیح جنگ تے سنجیدہ شاگردی لئی بلان آلے گیت ہُن دے مقابلے وِچ انتہائی کم مہشور نے جنے اُو اُوس ویلے 18ویں صدی وِچ سن جدوں آئزک واٹز نے ’’کی میں صلیب دا اِک سپاہی واں؟‘‘ لکھیا سی۔

ایہہ گل سانوں آپئی انجیل دے پیغام وَل لے جاندی اے۔ مسیح نے اپنے شاگرداں نوں خوشخبری دی تعلیم کدوں دینی شروع کیتی سی؟ 1کرنتھیوں15:3، 4 خوشخبری دے بنیادی حقائق نوں پیش کردیاں نے:

’’کیوں جے اِک بڑی اہم گل جیہڑی میرے تیکر پہنچی تے میں تہانوں سُنائی ایہہ اے کہ کتابِ مقدس دے مطابق مسیح ساڈے گناہواں لئی قربان ہویا، دفن ہویا تے کتابِ مقدس دے مطابق تیجے دِن زندہ ہو گیا‘‘ (1۔ کرنتھیوں15:3، 4)۔

یسوع نے اپنے شاگرداں نوں خوشخبری تقریباً اُوہناں دے اُوہدی پیروی کرن دے اِک سال بعد پیش کرنی شروع کیتی سی۔ ایہہ متی16:21، 22 وِچ درج اے،

اُوہدے بعد یسوع نے اپنے شاگرداں تے ظاہر کرنا شروع کر دِتا کہ اُوس دا یروشلم جانا لازمی اے تاکہ اُو بزرگاں، سردار کاہناں تے شریعت دے عالماں دے ہتھوں بہت دُکھ سہوے، قتل کیتا جائے تے تیجے روز جی اُٹھے۔ فیر پطرس اُوہنوں الگ لے گیا تے ملامت کرن لگا کہ خُداوند! ہرگز نئیں، تیرے نال ایویں کدی نئیں ہووے گا‘‘ (متی16:21، 22)۔

پطرس یسوع دی تقریباً اِک سال توں پیروی کر رہیا سی۔ ایس دے باوجود پطرس نے یسوع دی ایہہ کہن لئی کہ اُو ’’قتل کیتا جاوے گا تے تیجے دِن دوبارہ جی اُٹھے گا‘‘ ملامت کیتی سی (متی16:21)۔ ایہہ گل واضح اے کہ پطرس نوں ہُن وی خوشخبری دی سمجھ نئیں آئی سی گھٹ توں گھٹ اُوہدے یسوع دا شاگرد بنن دے اِک ورے بعد وی۔

بعد چہ اُوسی ورے یسوع نے دوبارہ شاگرداں نوں اُو خوشخبری پیش کیتی،

’’اور جدوں اُو گلیل چہ جمع ہوئے تے یسوع نے اُوہناں نوں کہیا، ابنِ آدم بندیاں دے حوالہ کیتا جائے گا۔ اُو اُوہنوں قتل کر ڈالن گے تے اُو تیجے دِن جی اُٹھے گا۔ تے شاگرد ایہہ سُن کے نہایت ای غمگین ہوئے‘‘ (متی17:22، 23)۔

غور کریں کہ اُو یسوع دی پہلے ای ظاہری شکل تبدیل ہوندیاں ہوئے ویکھ چکے سن۔ یسوع دی شکل دے تبدیل ہون نوں ویکھن دے بعد شاگرد اِک نوجواں بندے وِچوں بدروح نوں نئیں کڈ پائے سن۔ جدوں اُوہناں نے یسوع کولوں پُچھیا اُو کیوں نئیں بدروح نے کڈ پائے، یسوع نے کہیا، ’’تہاڈی بے اعتقادی دی وجہ توں‘‘ (متی17:20)۔ فیر یسوع نے دوبارہ اُوہناں نوں خوشخبری سُنائی، ’’اُو اُوہنوں [یسوع نوں] قتل کرن گے، تے تیجے دِن اُو [یسوع] جی اُٹھے گا۔ تے اُو [شاگرد] ایہہ سُن کے نہایت غمگین ہوئے‘‘ (متی17:23 NKJV)۔ شاگرداں نوں ہُن وی خوشخبری دی سمجھ نئیں آئی سی!

تیجی وری یسوع نے شاگرداں نوں خوشخبری سُنائی اُو متی 20:17۔19 وِچ پیش کیتی گئی اے۔ اُوہدی مماثلت وِچ حوالہ لوقا18:31۔34 چہ پیش کیتا گیا اے۔

’’یسوع نے بارہ شاگرداں نوں اپنے نال لہیا تے اُوہناں نوں کہین لگا، ویکھ، اَسی یروشلم جا رئے آں تے نبیاں نے جو کُج ابنِ آدم دے بارے چہ لکھیا اے اُو پورا ہووے گا۔ اُو غیر یہودی لوکاں دے حوالہ کیتا جائے گا۔ اُو اُوہنوں ٹھٹھیاں چہ اُڈان گے، بے عزت کرن گے تے اُوس تے تھوکن گے۔ اُوہنوں کوڑیاں نال مارن گے تے قتل کر ڈالن گے۔ لیکن تیجے دِن اُو فیر زندہ ہو جائے گا۔ ایہہ گلاں اُوہناں دی سمجھ چہ نہ آ سکیاں تے یسوع دا ایہہ قول تے اُوس دا مطلب اُوہناں توں پوشیدہ رہیا‘‘ (لوقا18:31۔34)۔

یسوع دا اپنے شاگردوں نوں اِیس گل دی دو سالاں تیکر تعلیم دین دے بعد وی اُوہدے شاگرداں نوں فیر وی خوشخبری دی سمجھ نئیں آئی سی،

’’تے ایہہ گلاں اُوہناں دی سمجھ چہ نہ آ سکیاں تے یسوع دا ایہہ قول تے اُوس دا مطلب اُوہناں توں پوشیدہ رہیا‘‘ (لقا18:34)۔

حتیٰ کہ بے شمار وری خوشخبری سُنن دے بعد وی، شاگرد ہُن وی سمجھ نئیں پائے سن یسوع کیس بارے چہ گلاں کر رہیا سی!

لیکن یسوع نے اُوہناں نوں دوبارہ دَسیا، ’’تہانوں پتا اے کہ دو دِن دے بعد عید فسح اے تے اِبنِ آدم [یسوع] نوں پکڑوایا جائے گا تاکہ اُومصلوب کیتا جاوے‘‘ (متی26:2)۔

ہُن خوشخبری نوں بار بار سُن چکن دے بعد، شاگرداں وِچوں اِک، یہوداہ، نے سردار کاہناں لئی یسوع نوں دھوکہ دین دا فیصلہ کیتا! (متی26:14، 15)۔

اِک وری فیر دوبارہ یسوع نے اُوہناں نوں خوشخبری سُنائی (متی26:31، 32)۔ پطرس تے دوجے شاگرد گتسمنی دے باغ چہ سو گئے سی۔ جدوں پہرے دار یسوع نے گرفتار کرن لئی آئے، پطرس نے اپنی تلوار میان چوں کڈی تے پہرے داراں نوں قتل کرن دی کوشش کیتی۔ ’’فیر سارے شاگرد اُوہنوں [یسوع نوں] چھڈ کے نٹھ گئے‘‘ (متی26:56)۔

ہُن اَسی، بالاآخر، نوے جنم وَل ودھدنے آں، گیارہ شاگرداں دا مسیح وِچ ایمان لہیا کر تبدیل ہونا۔ یہوداہ پہلاں ای اپنے آپ نوں پھائے لا چُکیا سی تے کدی وی نوے جنم دا تجربہ نہ کر پایا۔ جی اُٹھیا مسیح دوجے شاگرداں نوں ملیا۔ اُوس نے اُوہناں نوں اپنے زخم وکھائے،

’’فیر اُوس نے اُوہناں دا ذہن کھولیا تاکہ اُو کلام پاک نوں سمجھ پان‘‘ (لوقا24:45)۔

اُوہناں دے نوے جنم دا آغاز ایتھے رونما ہویا سی، جدوں یسوع نے خوشخبری توں تعلق رکھدیاں ہویاں ’’اُوہناں دے ذہن نوں کھولیا تاکہ اُو پاک کلام نوں سمجھ پان‘‘ (لوقا24:46)۔

ہُن یوحنا20:21۔22 کھولو۔ ایتھے شاگرداں دا نوا جنم ہوندا اے۔ جی اُٹھیا یسوع اُوہناں دے کول آندا اے،

’’یسوع نے فیر کہیا، تہاڈے تے سلامتی، جیویں پیو نے مینوں پیجھیا اے ایویں ای میں تہانوں پیجھنا واں۔ تے جدوں اُو ایہہ کہہ چُکیا تے ایہہ کہہ کے اُوہنے اُوہناں تے پھُکیا تے کہیا، پاک روح پاؤ‘‘ (یوحنا20:21، 22)۔

اُوہناں نے پاک روح نوں پایا، تے بالاآخر اُوہناں نے دوبارہ جنم لے لہیا!

پرانے تبصرہ نگار ایس گل نال متفق نے، تہانوں میتھیو ھنری تے خصوصی طور تے جان چارلس ایلیکوٹ نوں لوقا24:45 تے پڑھنا چائی دا اے۔ ڈاکٹر جان ورنن میگی نے کہیا، ’’میں ذاتی طور تے یقین رکھنا واں کہ جیس لمحے ساڈے خداوند نے اُوہناں تے پُھکیا تے کہیا، ’’تُسی پاک روح پاؤ،‘‘ اِنہاں لوکاں نے احیاء [نوا جنم] پایا سی۔ ایس توں پہلاں اُو خدا دے روح دے وسیلے نال لبریز نئیں ہوئے سن… یسوع مسیح نے اِنہاں لوکاں وِچ دائمی زندگی نوں پُھکیا سی‘‘(جے۔ ورنن میگی، بائبل وِچوں Thru the Bible، یوحنا20:22 تے غور طلب گل)۔

ڈاکٹر تھامس ھیل نے وی ایس گل نوں انتہائی واضح کیتا، ’’شاگرداں دی زندگی چہ پاک روح دا دِتا جانا سب توں زیادہ اہم واقعہ سی۔ کیوں جے ایہہ اُوسی ویلے ہویا سی کہ اُوہناں نے دوبارہ نوا جنم لہیا سی… ایہہ اے جدوں اُوہناں نے سچا تے مکمل ایمان پایا سی۔ ایہہ اے جدوں اُوہناں نے روحانی زندگی پائی سی‘‘(تھامس ھیل، ایم۔ڈی۔ Thomas Hale, M.D.، اِطلاق شُدہ نئے عہد نامے دا تبصرہ The Applied New Testament Commentary، یوحنا20:22 تے غور طلب گل، صفحہ 448)۔

میں مسیح دے شاگرداں دے نئے جنم تے ایہہ مطالعہ، تہانوں چند اِک وجوہات دی بِنا تے پیش کیتا۔

1.   ایہہ پہلاں نوے جنم دے دورِ حاضرہ دے تصور نوں دُرست کردا اے، جیس دے بعد شاگردی آندی اے۔ ایہہ اُو نظریہ اے جیس نوں واقعی چہ اَج ساڈے گرجا گھر قائم کیتے ہوئے نے۔

2.   ایہہ سانوں شاگرد بنان لئی مسیح دا طریقہ پیش کردا اے: پہلاں تُسی اُوہناں نوں تعلیم دیو، تے فیر تُسی اُوہناں تے مسیح وِچ ایمان لہیا کے تبدیل ہون لئی کم کرو۔ ایہہ اُوہدا اُلٹ اے جیہڑا جہاز راناں دے ذریعے نال اِک کتاب شاگرد بنان دا گواچیا ہویا فن The Lost Art of Disciple Making وِچ پیش کیتا گیا اے۔ میری رائے چہ ایہہ کتاب غلط اے۔ یسوع نے اُوہناں نوں نوا جنم لین توں پہلاں شاگرد ہون لئی تعلیم دِتی سی۔

مسیح نے عظیم مقصد (متی28:19، 20 NASB) وِچ سانوں ’’شاگرد بنان‘‘ لئی حکم دِتا۔

ایس لئی تُسی جاؤ تے [ساریاں قوماں نوں، NASB] شاگرد بناؤ تے اُوہناں نوں پیو، پُتر تے پاک روح دے ناں توں بپتسمہ دیو، تے اُوہناں نوں ایہہ تعلیم دیو کہ اُو ساریاں گلاں تے عمل کرن جنہاں دا میں تہانوں حکم دِتا اے تے ویکھو، میں دُنیا دے اخیر تیکر ہمیشہ تہاڈے نال آں۔ آمین‘‘ (متی28:19، 20)۔

میرے عالم فاضل پادری صاحب، ڈاکٹر ٹموتھی لِن Dr. Timothy Lin نے کہیا،

’’صرف اُو فعل ’شاگرد بناؤ‘‘ فعل لازم دی اصطلاح وِچ اے… دوجے لفظاں چہ ’جاؤgo‘ [ایتھے] کوئی حکم نئیں اے، لیکن ’شاگرد بناؤ‘ حکم اے۔ ایہہ عظیم مقصد دا اہم مرکزی موضوع اے‘‘ (کلیسیا دی نشوونما دا راز The Secret of the Church Growth، ورقہ 57)۔

یسوع سانوں ’’ساریاں قوماں نوں تعلیم‘‘ دین دا حکم دیندا اے – زیادہ واجبی طور تے ترجمہ ایویں اے ’’شاگرد بناؤ‘‘ - ڈبلیو اے کرسویل۔ درحقیقت نوی امریکہ معیاری بائبل ایس دا ایس ای طرح نال ترجمہ کردی اے، ’’شاگرد بناؤ۔‘‘

ایہہ پہلاں تِن سو وریاں چہ جماعتاں چہ کیتا گیا سی، جیتھے نوے لوکاں نوں اُوہناں نوں بپتسمہ دین توں پہلاں شاگردی دی تعلیم دِتی جاندی سی۔ ڈاکٹر فلپ شیعف Dr. Philip Schaff، جیہڑے اِک مسیحی تاریخ نگار نے، اُوہناں نے کہیا، ’’ایس ہدایت دا [دورانیہ] مقررہ سی کدی دو وریاں دا، تے کدی کدی تِن وریاں دا۔‘‘ ہیپولائیٹس Hippolytus 217 بعد از مسیح توں لیکر 235 بعد از مسیح تیکر روم دے پشپ سن۔ ہیپولائیٹس نے کہیا، ’’[اُوہناں نوں] پاک کلام دے سُنن آلایاں دی حیثیت نال تِن ورے تیکر لنگہا لین دیو‘‘(ہیپولائیٹس دا رسولی رواج The Apostolic Tradition of Hippolytus، حصہ دوئم)۔

شاگردی دا ایہہ دورانیہ بپتسمہ لین توں پہلاں آندا اے۔ اعمال دی کتاب وِچ پولوس رسول نومسیحیاں نوں تعلیم دیندا اے، ایس دے بارے چہ گھٹ توں گھٹ دو مثالاں نے۔ برنباس پولوس نوں انطاکیہ لیہایا۔

’’تے اُو دوویں سال بھر کلیسیا چہ رہ کے بہتیرے لوکاں نوں تعلیم دیندے رئے‘‘ (اعمال11:26)۔

پولس نے ایہوی سب کُج لیسٹرا Lystra، آئی کونیئم Iconium، تے دوبارہ، انطاکیہ وِچ کیتا سی،

’’اُو شاگرداں دی حوصلہ افزائی کردے تے اُوہناں نوں نصیحت دیندے سن کہ اپنے ایمان تے مضبوطی نال قائم رہیو تے کہندے سن کہ سانوں خُدا دی بادشاہی چہ داخل ہون لئی بُہتیری مصیبتاں دا سامنا کرنا لازم اے‘‘ (اعمال14:22)۔

ڈاکٹر شیف نے کہیا، ’’کلیسیا اِک کافرانہ دُنیا دے وِچکار سی… اُوس نے [لوکاں نوں] اِساتذہ دے ذریعے نال بپتسمہ دین لئی تیار کرن دی لوڑ نوں ویکھ لیا سی… [اُو جماعتاں]… کلیسیا لئی دُنیا وِچوں اِک پُل سن… جیہڑیاں نوسیکھیاں دی پُختگی وَل رہنمائی کردیاں سن۔ اُوہناں [سیکھن آلایاں] نوں بے اعتقاداں دی حیثیت نال نئیں لیا جاندا سی، بلکہ نصف مسیحیاں [جیہڑے ہالے تیکر شاگرد نئیں بنے سن] دی حیثیت نال لہیا جاندا سی‘‘ (مسیحی کلیسیا دی تاریخ History of the Christian Church، جلد دوئم، ورقہ 256)۔

اَس اپنی سویر دی عبادت نوں شاگردی دی اِک جماعت چہ تبدہ کرن جا رئے آں۔ میں یقین رکھنا واں کہ خود ساڈے اپنے بچیاں نوں رکھن لئی ساڈے گرجا گھراں دی ناکامی، تے دُنیا وِچوں نوجوان لوکاں نوں بھرتی کرن لئی ساڈی ناکامی، اُوس حقیقت لئی سُراغ لا سکدی اے کہ گرجا گھراں نوں احساس نئیں ہوندا کہ اَج نوجوان لوکی خُدا نوں نہ مانن آلے نے، اُو کافر جنہاں نوں شاگرد بنانا چائی دا اے ایس توں پہلاں کہ اُو نوے جنم دا تجربہ کرن، تے مسیحی زندگی نوں بسر کرن۔ مغربی بپٹسٹ ہر ورے چہ 200,000 ممبراں نوں کھو دیندے نے جیہڑے صرف ’’نصف مسیحی‘‘ ہوندے نے – شاگرد کدی وی نئیں بنے ہوندے! جان ایس ڈِکرسن John S. Dickerson نے کہیا کہ نوجوان مسحیاں دی مبشراتی آبادی ’’موجودہ امریکیاں دی تقریباً 7 فیصد توں ڈِگ کے تقریباً 4 فیصد یا گھٹ ہو جاوے گی – جدوں تیکر کہ نوے شاگرداں نوں جنم نئیں دیا جاندا‘‘ (بہت وڈی مبشراتی کساد بازاری The Great Evangelical Recession، ورقہ 314)۔

ایہہ ساڈا مقصد اے! ساڈا مقصد نوجوان لوکاں نوں مسیح وِچ اُوہناں نوں بُلند ترین اِستعداد تیکر پہنچن وِچ مدد دینا اے۔ اَسی ایتھے نوجوان لوکاں نوں ساڈے گرجا گھر چہ لہیان، یسوع دے شاگرد بنان، دوبارہ جنم لین لئی تے یسوع کولوں سیکھن تے اُوس تے پرہوسا کرن، تے دوبارہ جنم لین چہ مدد کرن لئی آں!

نوجوان لوکو، جیہڑے چُنیدہ نے، کُج نہ کُج دشوار گزار تے چیلنج کرن آلیاں گلاں لئی تیار ہو جان گے۔ اُو جیہڑے حقیقی مسیحیت دے چیلنج وِچ دلچسپی نئیں رکھدے نے خود نوں جڑ توں اُکھاڑ پھینکن گے۔ اَسی خواہش کرنے آں اُو ایویں نہ کرن، لیکن اَسی تجربے توں جاننے آں کہ اُو ایویں کرن گے! آئیے اپنے دِلاں نوں پریشان مت ہون دیے جدوں اُو ٹُر جان۔ یاد رکھو کہ یسوع نے کہیا، ’’بُلائے ہوئے تے بُہتیرے نے، لیکن چُنیدہ گھٹ نے۔‘‘ صرف سچے شاگرد جہناں نے دوبارہ جنم لہیا ہوندا اے ڈٹے رہن گے!

آئیے اَسی اکٹھے اَگے ودھیے تے دُنیا تے ثابت کر دیے کہ ساڈا خُدا ہُن وی زندہ تے قوت توں بھرپور اے۔ اَسی ماضی چہ غلطیاں کیتیاں سن۔ لیکن اَسی اپنی غلطیاں تے تجربیاں توں سبق وی سکھیا اے۔ اَسی اپنی ناکامیاں نوں کامیابیاں چہ بدلیا۔ اَسی ہُور زیادہ تے بہت وڈی کامیابی ویکھاں گے جدوں اَسی اپنی اگلا قدم اَج دے اِرتداد دی کمزوری وِچ شاگرداں دا اِک مضبوط گرجا گھر تخلیق کرن وَل چُکاں گے۔ یاد رکھو، اَسی کدی وی نئیں رُکاں گے، کدی وی پیچھے نئیں ہٹاں گے، تے کدی وی ہمت نئیں ہارں گے۔ اَسی کدی وی نئیں رُکاں گے جدوں تیکر کہ ساڈا چنگا گرجا گھر اِک عظیم گرجا گھر نئیں بن جاندا – ایہہ گل نوجوان لوکاں نوں للکاردی اے تے اُوہناں چہ شاگرداں دی اُو قوی فوج تخلیق کردی اے جنہاں نے دوبارہ جنم لہیا ہوندا اے! کِھلو جاؤ تے اپنے گیتاں دے ورق وچوں نمبر چھ گاؤ، ’’کی میں صلیب دا اِک سپاہی واں؟‘‘ شاعر ڈاکٹر آئزک واٹز (1674۔1748)۔

کی میں صلیب دا اِک سپاہی واں، برّے دے پیچھے چلن آلا،
تے کی مینوں اُوس دے مقصد نوں اپنان توں خوفزدہ ہونا چائی دا اے، یا اُوس دا ناں بولن توں شرمندہ ہونا چائی دا اے؟

کی مینوں آسمان تے سہولت دے پھولاں آلے بستراں تے لے جایا جانا چائی دا اے،
جدوں کہ دوجے انعام جیتن لئی لڑن، تے خونی سمندراں وِچوں گزرن؟

کی میرا سامنا کرن لئی کوئی دشمن نئیں؟ کی مینوں سیلاب وِچ شامل نئیں ہونا چائی دا اے؟
ایس غلیظ دُنیا وِچ اِک دوست نوں فضل دلان لئی، مینوں خُدا تیکر پہنچان لئی؟

یقیناً مینوں لڑنا چائی دا اے، جے مینوں حکومت کرنے اے؛ خُداوندا! میرے حوصلے نوں ودھا،
میں سختیاں نوں جھیلاں گا، درد نوں برداشت کراں گا، تیرے کلام دے سہارے دے وسیلے نال
      (’’کی میں صلیب دا اِک سپاہی واں؟Am I a Soldier of the Cross?‘‘ شاعر ڈاکٹر آئزک واٹز Dr. Isaac Watts، 1674۔1748)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں اکلیاں گیت مسٹر بینجیمن کینکیڈ گریفتھ Mr. Benjamin Kincaid Griffith نے گایا سی:
’’کی میں صلیب دا اِک سپاہی واں؟Am I a Soldier of the Cross?‘‘
(شاعر ڈاکٹر آئزک واٹز Dr. Isaac Watts، 1674۔1748)۔