ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مسیح نے ایہہ گل کیہنوں کہی اے؟ ایتھے اے گل ایہنے سارے دے سارے 12 شاگرداں نوں کہی سی۔ لیکن مرقس 8:34 آلے مماثل حوالے وِچ سارے لوکاں نوں کہی،

’’فیر اُوہنے سارے لوکاں نوں تے اپنے شاگرداں نوں کول بُلایا تے اُوہناں نوں کہیا، جے کوئی میری پیروی کرنا چاہندا اے تے اُو خود انکاری کرے، اپنی صلیب چُکے تے میرے پِیچھے ٹُریا آئے‘‘ (مرقس 8:34).

لہٰذا ایہہ گل واضح اے کہ یسوع نے ایہہ گل اپنے بے شمار ہون آلے پیروکاراں نوں کہی سی – جیس وِچ اُو بارہ وی شامل نے۔ یسوع دا شاگرد ہون دے لئی تُسی ساریاں نوں خود انکاری کرنی چائیدی اے، اپنی صلیب چکنی چائیدی اے تے اُوہدے پیچھے ہو لینا چائیدا اے۔ جے تُسی ایہہ نئیں کردے تے تُسی حقیقی مسیحی نئیں ہو سکدے – صرف اِک کمزور نئے ایونجیلیکل، صرف ناں دے اِک مسیحی! یسوع کہندا اے، ’’کی تُسی میرے پیروکار ہونا چاہندے اُو؟ فیر تہانوں خود اِنکاری کرنی اے تے اپنی صلیب اے تے میرے پیچھے آنا چائیدا اے۔‘‘

کی ہووے جے تُسی اُو کرن توں انکار کر دیندے اُو؟ اُو حوالہ ایس نوں واضح کردا اے۔ آیت 24 نوں پڑھو،

’’کیوں جے جیہڑا کوئی وی اپنی جان نوں محفوظ رکھنا چاہندا اے اُو اُوہنوں گنوائے گا لیکن جیہڑا کوئی وی میرے لئی اپنی جان نوں گنوائے گا اُو اُوہنوں محفوظ رکھے گا‘‘ (لوقا9:24).

کُج مبلغین ایس آیت نوں ’’خداوندی نجات‘‘ وِچ تبدیل کر دیندے نے – لیکن اُو غلطی تے ہوندے نے۔ ایہہ تے پرہوسے دا معاملہ ہوندا اے۔ جے تُسی یسوع تے پروہسا کرن توں خوفزدہ اُو تے تُسی اپنی حیاتی نوں گنوا دیو گے۔ جے تُسی یسوع تے پرہوسا کردے اُو تے تُسی اپنی حیاتی نوں قابو وِچ رکھن نوں گنوا دیو گے، لیکن تُسی نجات پا جاؤ گے! اُو جیہڑا یسوع تے پروہسا کرے گا کیوں جے اُو کُج نہ کُج کھو دین توں خوفزدہ ہوندا اے، اُو سب کُج گنوا دے گا! – اپنی حیاتی تے باقی سب کُج۔ ایہو ای وجہ اے کہ یسوع نے کہیا، ’’فیر وی تُسی حیاتی پان دے لئی میرے کول آن توں اِنکار کردے اُو‘‘ (یوحنا5:40)۔

کوئی کہندا اے، ’’ایتھے چھوڑ دین دے لئی بوہتا زیادہ ہوندا اے – گنوان دے لئی بوہتا کُج ہوندا اے۔‘‘ لہٰذا، اُو سب کُج گنوا چھڈدا اے۔ یسوع تے پروہسا کرن دے لئی تُسی کسی وی دوجی شے تے پروہسا نئیں کر سکدے۔ جے تُسی یسوع دے بجائے کسی ہُور شے تے پروہسا کردے اُو تے تُسی سب کُج گنوا دیندے اُو!

’’کیوں جے جیہڑا کوئی وی اپنی جان نوں محفوظ رکھنا چاہندا اے اُو اُوہنوں گنوائے گا لیکن جیہڑا کوئی وی میرے لئی اپنی جان نوں گنوائے گا اُو اُوہنوں محفوظ رکھے گا‘‘ (لوقا9:24).

جدوں میں سترہ وریاں دے عمر دا سی تے میں ’’خود نوں منادی کرن دے لئی وقف کر دِتا۔‘‘ مینوں اُو پرانے طرز دی اصطلاح ’’منادی دے لئی خود نوں وقف کر دینا‘‘ چنگی لگدی اے۔ مینوں ہُن ایہہ مذید ہور سُنائی نئیں دیندی۔ لیکن ایہہ ہُن وی ایہنی ای سچی اے جیہنی کدی ہوندی سی۔ اِک حقیقی مبلغ نوں منادی کرن لئی ’’خود نوں حوالے کر دینا چائیدا اے یعنی ہتھیار ڈال دینے چائیدے نے۔‘‘ اُو جانندا اے ایہہ آسان نئیں ہوندا۔ اُو جانندا اے اُو زیادہ پیسے نئیں کمائے گا۔ اُو جانندا اے اُوہنوں دُنیا دی تعریفاں نئیں ملدیاں۔ اُو جانندا اے کہ اُوہنوں مصائب تے سختیاں نوں ماڑا موٹا جھیلنا پئے گا۔ بہترین مبلغین ایہناں گلاں نوں جانندے نے۔ اُو ایہہ وی جانندے نے کہ اُوہناں نوں وریاں تیکر تعلیم وچوں لنگھنا پئے گا – اِک اینج دی نوکری پان لئی جیہدے وچ کمائی زیادہ نئیں ہوندی – اِک نوکری جیہنوں گمراہ دُنیا بے فائدہ سوچدی اے – اِک نوکری جیہڑی اُوہدے لئی مذاق دا سبب بن جاوے گی تے جیہدے خلاف دُنیا وچ بے شمار لوکی لڑدے نے۔

میں اُوہناں وچوں بے شمار گلاں دے بارے وچ میرے 17 وریاں دی عمر دے ہو جان دے بعد ای جان گیا سی۔ مینوں اپنی رات دے کالج دی ڈگری حاصل کرن وچ اٹھ ورے لگے (روزانہ دِن وچ اٹھ گھنٹے کم کرنا تے رات وچ کالج جانا)۔ ہفتے دے ستّوں دِن تے رات نوں کالج کرن لئی اپنے اخراجات نوں پورا کرن دی خاطر، میں دِن وچ 16 گھنٹے کم کیتا کردا سی، اِک ماسٹرز دی ڈگری حاصل کرن وچ مینوں تِن ہور ورے لگ گئے، اِک اینج دی سیمنری وچ جیہدے نال مینوں نفرت سی۔ اینج دا گرجا گھر پان لئی مینوں چالی ورے مذید ہور لگ گئے۔ کی میں ایہہ سب کُج فیر کر پاواں گا؟ اوہ، جی ہاں! ایہدے بارے وچ کوئی سوال ای نئیں اُٹھدا!

میں اینج کیوں کردا رہیا سی؟ میں منادی کرن لئی ہتھیار ڈال دِتے سی۔ ایہہ ایہنی ای سادہ جئی گل اے۔ کی میں ایہہ فیر کراں گا جے میں 17 ورے دا ہو جاندا؟ اوہ، جی ہاں! قطعی طور تے! ایہدے بارے وچ کوئی سوال ای نئیں اُٹھدا! میں پا چُکیا واں کہ ایہدے وچ زیادہ طمانیت ملدی اے – ارتداد دے ایس زمانے وچ خُدا دا بُلایا ہویا مبلغ ہون وچ! جے ساری دُنیا وچ مینوں کسی ہور نوکری لئی چُناؤ کرنا ہوندا – ریاست ہائے متحدہ دا صدر ہون توں لے کے اِک اکیڈیمی ایوارڈ نوں جِتن آلے اداکار تیکر، میں بِنا ہچکچاہٹ دے ایس گرجا گھر دا پادری ہون نوں چُنندا۔ تے خُدا جانندا اے میں تہانوں سچ کہہ رہیا واں! اینج ای میرا پُتر، رابرٹ کردا۔

اُوہناں عظیم مسیحیاں تے نظر پاؤ جیہڑے ڈٹے رئے جدوں ساڈا گرجا گھر دا شیرازہ وکھر رہیا سی۔ اُوہناں نے ایس گرجا گھر نوں بچایا۔ میں اُوہناں نوں ’’اُو اُنتالی‘‘ کہنا واں۔ اُوہناں دے سارے بیلی چھڈ کے ٹُر گئے۔ اُوہناں نے اپنے ہر بیلی نوں کھو دِتا – گرجا گھر دی اُوس تقسیم وچ! تُسی سوچدے اُو اُو آسان گل سی؟ اُوہناں نے کسی دوجے مسیح دے مقابلے وچ جنہاں نوں میں جاننا واں – جنہاں چہ تُسی سارے نوجوان لوکی وی شامل اُو، کِتھے زیادہ سخت کم کیتے۔ اُوہناں نے سینکڑوں ہزاروں ڈالرز دِتے – دہ یکی توں ودھ کے ہور زیادہ۔ اُو ہر اِجلاس وچ آئے تے رات رات بھر کم کردے رئے – ایس گرجا گھر نوں بچان لئی۔ اُوہناں وچوں بے شمار لوکاں دے بچے واپس مڑ گئے، دُنیا وچ واپس ٹُر گئے۔ اُوہناں نے یسوع دی خاطر ایس گرجا گھر نوں بچان لئی بہتیرے وڈے وڈے نقصان برداشت کیتے۔

اُوہناں نوں پُچھو کہ جے اُوہناں نوں اپنا سارا کُج دین توں کوئی دُکھ ہویا ہووے! اُوہناں نوں پُچھو! اُوہناں نوں پُچھو! اُوہناں وچوں بے شمار لوکاں نے یسوع مسیح دی خاطر ایس گرجا گھر نوں بچان لئی اپنی حیاتیاں دا ستیاناس کر لہیا سی۔ اُوہناں نوں پُچھو جے اُوہناں نے کوئی غلطی کیتی سی! اُوہناں نوں پُچھو آیا اُو ایہہ فیر کر پان گے۔ اگے ودھو، اُوہناں نوں پُچھو!

مسز سلازار Mrs. Salazar نوں پُچھو! اگے ودھو، اُوہناں نوں پُچھو۔ اُوہناں دے شوہر وفات پا چُکے نے۔ اُوہناں دے بچے جا چُکے نے۔ اُوہناں نوں پُچھو جے اُوہناں نوں دکھ ہویا اے کہ اُوہناں نے اپنی سُولی چُکی تے یسوع دی پیروی کیتی۔ میں اُوہناں نوں نئیں پُچھیا کہ آیا میں ایہہ کہہ دواں۔ مینوں اُوہناں نوں پُچھن دی لوڑ ای نئیں سی۔ میں جاننا واں اُو فیر ایہی سب کُج کرن گیاں۔ اُو جانندی نے کہ ’’جیہڑا کوئی میرے لئی اپنی جان کھوئے گا اُو اُوہنوں محفوظ رکھے گا۔‘‘ مسز ہائیمرز نوں پُچھو۔ میرے نال شادی کرن نال اُوہناں نوں کُج نئیں ملیا! ساڈے کول کُج وی نئیں سی۔ اسی اِک کمرے دے اپارٹمنٹ وچ رہندے سی۔ ساڈے کول کوئی فرنیچر نئیں سی۔ ساڈے کول ٹی۔وی نئیں سی۔ اسی فرش تے بیندے تے پنجرے وچ لمّی دُم آلے طوطے نوں ویکھدے سی جیہڑا سانوں کسی نے دِتا سی۔ میری انتہائی معمولی جئی تنخواہ سی۔ ہر کسی نے ساڈے تے حملہ کیتا۔ اُوہناں نوں [میری ووہٹی نوں] میرے نال مشکلات نوں جھیلنا سی – تے زیادہ تر اوقات وچ گرجا گھر دی اِک دے بعد دوجی تقسیم دی ہولناکیاں نال اندر ای اندر کُٹ جاندا سی۔ کسی وی نوجوان کُڑی نوں ایس سب وچوں نئیں لنگھنا چائیدا جیہڈے وچوں میری چھوٹی جئی ووہٹی ایس بوہتے وڈے گرجا گھر نوں جیہڑا اج دی رات ساڈے کول اے پان لئی لنگھی سی۔ اُوہناں نوں پُچھو جے اُوہناں نے غلطی کیتی سی۔ اُوہناں نوں پُچھو جے اُو ایہنوں فیر کرنا چاہن گی۔ میں اُوہناں نوں نئیں پُچھیا سی آیا میں ایہہ کہہ دواں۔ مینوں اُوہناں نوں پُچھن دی لوڑ ای نئیں سی! میں جاننا واں اُو یسوع لئی ایہہ سب کُج فیر کر دوے گی! مسڑ لی Mr. Lee نوں پُچھو۔ اُوہناں دے ماں پیو ہمیشہ لئی اُوہناں دے خلاف ہو گئے کیوں جے اُوہناں نے یسوع دی پیروی کرن لئی اپنی راہ اپنا لئی سی۔ اُوہناں نوں پُچھو جے اُوہناں نے غلطی کیتی سی اپنی حیاتی نوں یسوع دی پیروی کرن لئی کچرا بنا لہیا سی۔ میں جاننا واں اُو ایہہ سب فیر کرے گی، بغیر بُڑبُڑائے یا شِکوہ کیتے۔ جِم اِیلیٹ Jim Elliot کافراں دے اِک قبیلے نوں خوشخبری پہنچان دی کوششاں وچ اِک شہید دی حیثیت نال مارے گئے سن۔ تے ایہہ جِم ایلیٹ سن جنہاں نے کہیا،

’’اُو احمق نئیں ہوندا جیہڑا اُو دے دیندا اے جیہنوں رکھ نئیں سکدا اُو پان لئی جیہنوں اُو کھو نئیں سکدا۔‘‘

آمین۔

ساڈے گرجا گھر وچ اِک نوجوان بندے نے ڈاکٹر کیگن نوں دسیا، ’’میں ہُن اِک پیشہ ور آں۔ میں گرجا گھر وچ دو گھنٹے توں ودھ اضافی کم نئیں کر سکدا۔‘‘ لیکن ڈاکٹر کیگن Dr. Cagan تے نظر پاؤ۔ لوکاں نے اُوہناں نوں بوہتی وڈی وڈی رقماں آلی نوکریاں سکیورٹی تے وڈے وڈے فائدیاں دے نال پیش کیتیاں – اِک وری نئیں، بلکہ چار وری۔ اُوہناں نے اُوہناں ساریاں نوں ٹھکرا دِتا۔ کیوں؟ کیوں جے اُوہناں نوں لاس اینجلز چھڈ کے نیویارک شہر یا واشنگٹن ڈی۔سی جانا پیندا۔ اُوہناں نے اُوہناں ساریاں نوں ٹھکرا دِتا – سینکڑوں ہزاروں ڈالرز – اِیس گرجا گھر وچ ٹکے رہن لئی تے ایہنوں گرجا گھر دی تقسیم وچ تباہ ہون توں بچان لئی۔ کی اُو احمق سن؟ اُوس شہید نوں سُنو، جیہنے اپنی حیاتی فیر پیش کر دِتی،

’’اُو احمق نئیں ہوندا جیہڑا اُو دے دیندا اے جیہنوں رکھ نئیں سکدا اُو پان لئی جیہنوں اُو کھو نئیں سکدا۔‘‘

میں ’’اُوہناں اُنتالی‘‘ وچوں ہر اِک دی خود دی قربانی تے سولی نوں چُکن دے تزکرے نوں دسدے رہنا جاری رکھ سکنا واں۔

مینوں سونے تے چاندی دے بجائے یسوع نوں اپنا لینا چائیدا اے،
   مینوں ان کہی دولت دے مقابلے وچ اُوہدا ای ہونا چائیدا اے؛
مینوں کسی وی شے دے مقابلے وچ یسوع نوں اپنا لینا چائیدا اے
   جیہدی ایہہ دُنیا اج استطاعت رکھدی اے۔

’’اُو احمق نئیں ہوندا جیہڑا اُو دے دیندا اے جیہنوں رکھ نئیں سکدا اُو پان لئی جیہنوں اُو کھو نئیں سکدا۔‘‘

میں جاری رہ سکنا واں تے ’’اُوہناں اُنتالی‘‘ لوکاں وچ عورتاں وچوں ہر اِک دا تے بندیاں وچوں ہر اِک دا ناں لے سکنا واں – جنہاں نے خود دی انکاری کیتی تے یسوع مسیح دی پیروی کرن لئی روزانہ اپنی سولیاں چُکیاں تے خُدا یسوع مسیح دی خاطر اِک جیندا جاگدا گرجا گھر بنایا۔

جدوں اسی ایس عمارت دے گروی دے کاغذات نوں جلایا سی تے میں تُساں نوجوان لوکاں نوں ٹھہرن تے سوچن لئی کہیا سی۔ اسی چھیتی ای ٹُر جاواں گے۔ آرگن تے مسز رُوپ Mrs. Roop دی تھاں کون لوے گا؟ کون بُوہے دی نگرانی لئی مسٹر رُوپ دی تھاں لوے گا؟ تہاڈے وچوں کون اُو تھاں لوے گا، روز بروز تے اِک دے بعد دوجی رات – تہاڈے وچوں کون خود انکاری کرے گا تے رچرڈ تے رونلڈ بلانڈین Richard and Ronald Blandin دی تھاں لوے گا؟ کون گھنٹیاں، تے روزانہ، بغیر کسی زمینی انعام دے اُوہناں دی تھاں لین لئی جدوں اُو ٹُر جان گے اپنی حیاتی گنوائے گا؟ جیویں کہ ’’اُوہناں اُنتالی‘‘ وچوں اسی سارے چھیتی ای ٹُر جاواں گے – جیہناں بے فکرے نوجوان لوکی کدی سوچ سکدے نے اُوہدے مقابلے وچ کِتھے بوہتا چھیتی۔ کچن وچ مسز کُک Mrs. Cook دی تھاں کون لوے گا؟ کی اُو احمق نے؟

’’اُو احمق نئیں ہوندا جیہڑا اُو دے دیندا اے جیہنوں رکھ نئیں سکدا اُو پان لئی جیہنوں اُو کھو نئیں سکدا۔‘‘

تُساں نوجوان لوکاں وچوں کون اے جیہڑا ایس گرجا گھر نوں اگلے تیہہ یا چالی وریاں تیکر مذید ہور مضبوطی وچ جاری رکھن لئی سب کُج قربان کر دوے گا؟ ڈاکٹر کیگن ٹُر جان گے۔ اُوہناں دی تھاں کون لوے گا؟ ڈاکٹر چعین ٹُر جان گے۔ اُوہناں دی تھاں کون لوے گا؟ تہاڈے وچوں زیادہ تر مسٹر ڈِکسن یا رِک Rick دی یا رون بلانڈین Ron Blandin دی تھاں نئیں لے پان گے! تُسی سوچدے اُو کہ اُو اہم نئیں نے، لیکن تُسی اُوہناں دی تھاں نئیں لے سکدے! ایہدے لئی خود دی قربانی دی لوڑ پئے گی۔ ایہدے لئی سُولی برداشت کرنی پئے گی۔ یسوع نے کہیا،

’’تے یسوع نے اُوہناں ساریاں نوں کہیا، جے کوئی میری پیروی کرنا چاہے تے اُو خود اِنکاری کرے تے روزانہ اپنی سُولی چُکے تے میرے پِچھے ہو لوے۔ کیوں جے جیہڑا کوئی اپنی جان نوں محفوظ رکھنا چاہندا اے اُو اُوہنوں کھوئے گا لیکن جیہڑا کوئی میرے لئی اپنی جان کھوئے گا اُو اُوہنوں محفوظ رکھے گا‘‘ (لوقا 9:23،24).

جدوں خُدا ڈاکٹر کیگن نوں سدّ رہیا سی تے اُوہناں نے پادری ورمبرانڈ دی لکھی ہوئی کتاب مسیح لئی اذیت سہی Tortured for Christ پڑھی سی۔ پادری ورمبرانڈ نال پیار کرنا اُوہناں لئی قدرتی سی کیوں جے اُو وی ڈاکٹر ورمبرانڈ وانگوں اِک یہودی سن۔ تے جدوں اُوہناں نے ’’مسیح لئی اذیت سہی‘‘ پڑھی، ڈاکٹر کیگن نے سوچیا اُو اِک اینج دا گرجا گھر لبھنا پسند کرن گے جیہدے وچ اوہی قربانی دین دی اِقدار ہون جیہدی تعلیم ورمبرانڈ نے دِتی۔ ڈاکٹر کیگن نے مینوں UCLA دے قریب اِک سڑک تے منادی کردے ہوئے ویکھیا۔ اُوہناں نے لوکاں نوں میرے تے چیخدے ہوئے تے میرے تے شیواں سُٹدے ہوئے ویکھیا۔ ڈاکٹر کیگن نے سوچیا، ’’اینج دا بندہ اے جیہنوں میں منادی کردے ہوئے سُننا پسند کراں گا۔‘‘ لہٰذا اُوہناں نے لبھیا ساڈا گرجا گھر کیتے سی تے اُو آئے۔ اگلی ای رات ڈاکٹر کیگن نے مینوں دسیا کہ اُوہناں نے مینوں کہندے ہوئے سُنیا، ’’تُسی کسی شے لئی ختم ہون جا رئے سی۔ کیوں نہ مسیح لئی ختم ہویا جاوے؟‘‘

اُوس ویلے، ڈاکٹر کیگن محض اِک نوجوان بندے سن، اپنی بیسویں دہائی وچ۔ اِک نوجوان بندے لئی اینج دا خیال سوچنا کیہنی وڈی گل سی! ’’تُسی کسی شے لئی ختم ہون جا رئے سی۔‘‘ بے شک! ہر کوئی ’’ختم ہوندا اے‘‘ چھیتی یا دیر نال! تہاڈے وال جھڑنا شروع ہو جاندے نے۔ چہرے تے جھُریاں آ جاندیاں نے۔ حیاتی بہتر طور تے لنگھانا مشکل ہو جاندا اے۔ اگلی گل جیہڑی تہانوں پتا چلدی اے اُو ایہہ ہوندی اے کہ تُسی بوڑھے ہو رئے اُو۔ فیر تُسی ختم ہوندے اُو تے مر جاندے اُو۔ ’’تُسی کسی نہ کسی شے لئی ختم ہو رئے اُو۔‘‘ جی ہاں، بِلا شُبہ، ایہہ تہاڈے ساریاں دے نال رونما ہووے گا۔ تُسی ختم ہو جاؤو گے!

لیکن فیر ایہدے توں وی اِک گہرا خیال – ’’کیوں نہ مسیح لئی ختم ہویا جاوے؟‘‘ سارے زمانیاں وچ سارے عظیم مسیحی ایس ای قسم دیاں گلاں سوچ چُکے نے – ’’تُسی کسی شے لئی ختم ہون جا رئے سی۔ کیوں نہ مسیح لئی ختم ہویا جاوے؟‘‘ مینوں نئیں معلوم کیویں تُسی ھنری مارٹن Henry Martyn (1781۔1812) دے بارے وچ پڑھ سکدے اُو تے ’’ختم ہونا‘‘ نئیں چاہندے اُو جیویں اُوہنے کیتا سی 31 ورے دی عمر وچ۔ میں نئیں جانندا کیویں تُسی میکخین Robert McCheyne (1813۔1843) دی حیاتی دے بارے وچ پڑھ سکدے اُو تے مسیح لئی ’’ختم ہونا‘‘ نئیں چاہندے اُو جیویں اُوہناں نے 29 ورے دی عمر وچ کیتا سی۔ تہاڈے وچوں کُج تے اُوہناں دے بارے وچ پڑھن توں ایس قدر خوفزدہ نے کہ اُو ایتھوں تیکر کہ اُوہناں نوں ویکیپیڈیا تک تے نئیں ویکھدے۔ کی تُسی خوفزدہ اُو کہ اُو تہانوں متاثر کر دین گے؟ ھنری مارٹن تے رابرٹ میکخین وگرے لوکی کیتھے نے؟ کی اسی اُوہناں وگرا اِک وی بندہ نئیں پا سکدے؟ خداوند ساڈی مدد کرے۔

خود ساڈی اپنی مسز کُک اِک اینج دے وڈھیرے بندے دی محبت وچ مبتلا ہوئی سی جیہڑے اُوہناں دے پیدا ہون توں ویہہ ورے پہلاں وفات پا گئے سن۔ اُو اِک انتہائی امیر خاندان وچ پیدا ہوئے سن تے وراثت وچ ساری جائیداد پائی سی۔ اُو اِک عالمگیر شہرت یافتہ ایتھلیٹ وی سن۔ فیر اُو یسوع دے اِک شاگرد بن گئے۔ اُوہناں نے انتہائی احتیاط نال تے جان بُجھ کے اپنی ساری دولت ونڈ دِتی۔ فیر اُو اِک مشنری دی حیثیت نال چین ٹُر گئے۔ اندرون چین وچ۔ چودہ وریاں تیکر اُو اپنی ووہٹی تے بچیاں توں کافراں نوں منادی کرن لئی اپنی بُلاہٹ دے سبب نال دور رئے۔ بعد چہ اُو افریقہ دے انتہائی دِل وچ ٹُر گئے، تے اُوہناں نے اِک نیا مشن دا میدان کھولیا۔ بالاآخر اُو وفات پا گئے، افریقہ دے ابدرون وچ کِتھے دور دراز دے علاقے وچ۔ اُوہناں دا کیرئیر تے اُوہناں دا مال و دولت جا چکے سن – مسیح لئی۔ اُوہناں دا گھر تے اُوہناں دی خاندانی حیاتی وی ٹُر گئے سن۔ اپنی حیاتی دے خاتمے دے قریب، ایس شاندر وڈھیرے بندے نے کہیا، ’’میں کسی وی ہور شے دے بارے وچ نئیں جاننا جیہڑی میں خُداوند یسوع مسیح لئی قربان کر سکاں۔‘‘ ساڈی مسز کُک اُوس وڈھیرے بندے دی محبت وچ گرفتار ہوئی سی جیہڑا اُوہناں دے پیدا ہون توں ویہہ وریاں پہلاں وفات پا گیا سی۔ تے میں خوش آں اُو گرفتار ہوئی۔ جے اُوہناں نے اُوہدے نال محبت نئیں کیتی ہوندی تے اُوہدے ذریعے نال متاثر نئیں ہوئی ہوہندی تے اُو وی اِک ہور خود غرض، اوسط عمر دی محض انگریز خاتون رئی ہوندی جیہڑی سان فرانسسکو دی وادی وچ خالص نسل دے کُتے پال رئی ہوندی۔ لیکن چونکہ اُو سی۔ ٹی۔ سٹڈ C. T. Studd توں متاثر ہوئی سن اُوہناں نے سینکڑوں گھنٹے تُساں نوجوان لوکاں نوں کھلان تے تہاڈی پرواہ کرن وچ لگا دِتے، ایتھے لاس اینجلز دی مرکز وچ۔ چند اِک ورے بیشتر مسز کُک نے میرے لئی اِک نِکی جئی پِتّل دی یاداشت بنائی جیہدے تے اُوہناں دے ھیرو چارلس سٹڈ دے لفظ کُنندہ سن۔ میں اپنی مطالعہ گاہ وچ ایہدے تے ہر روز نظر پانا واں۔ ایہدے تے لکھیا اے،

صرف اِک حیاتی،
   جیہڑی چھیتی ای لنگھ جاوے گی؛
صرف جیہڑا مسیح لئی کیتا ہووے گا
   باقی رہ جاوے گا۔‘‘
– سی۔ ٹی۔ سٹڈ C. T. Studd

تے یسوع سانوں ساریاں نوں کہندا اے،

’’تے یسوع نے اُوہناں ساریاں نوں کہیا، جے کوئی میری پیروی کرنا چاہے تے اُو خود اِنکاری کرے تے روزانہ اپنی سُولی چُکے تے میرے پِچھے ہو لوے۔ کیوں جے جیہڑا کوئی اپنی جان نوں محفوظ رکھنا چاہندا اے اُو اُوہنوں کھوئے گا لیکن جیہڑا کوئی میرے لئی اپنی جان کھوئے گا اُو اُوہنوں محفوظ رکھے گا‘‘ (لوقا 9:23۔24).

آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔