ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

بادشاہ داؤد نے ایہہ آیت لکھی۔ اُو خدا دا تجربہ کرن دے لئی ہانپ رہیا سی (اِک پیاسے جانور وانگوں تیز تیز ساں لے رہیا سی)۔ اُوہدی روح خدا دے لئی پیاسی سی۔ اُو خدا دے حضور آنا چاہندا سی۔ اُوہنوں خدا دی لوڑ سی۔ اُو خدا دے نال ویلہ لنگہانا چاہندا سی۔

تُسی ہر روز خدا دے نال ویلہ لنگہا سکدے اُو۔ ایہنوں تہاڈا یومیہ عقیدت دا ویلہ کہیا جاندا اے۔ اُوس ویلے تُسی بائبل پڑھدے تے دعا کردے اُو۔ تُسی اینج کیویں کر سکدے اُو؟

بائبل نوں پڑھن تے دعا کرن دے لئی ہر روز باقاعدہ ویلہ کڈن دی کوشش کرو۔ بوہتے لوکاں واسطے دِن دے شروع وِچ اینج کرنا مددگار ثابت ہوندا اے۔ ایہہ تہاڈا [دِن] صحیح طریقے توں شروع کرے گا تے باقی دِن تہانوں برکت دیوے گا۔ میں جاننا واں کہ لوکاں دے اسکول تے کم دے مختلف مرتب شُدہ اوقات ہوندے نے، تے تُسی ایہہ ہمیشہ صبح دے ویلے نہئیں کر سکدے۔ تہاڈے وِچوں کُج اسکول یا کام تے اپنے دوپہر دے کھانے دے ویلے اینج کر سکدے نے۔ جے تہاڈے کول کلاساں دے وِچکار یا کلاس دے بعد اسکول وِچ ویلہ اے، تے تُسی اپنی بائبل تے نماز دے ویلے دے لئی اکیلے کسی پُرسکون تھاں جا سکدے اُو۔ اسکول وِچ کلاس دے دوران، یا کام دے ویلے چہ بائبل نہ پڑھو تے نہ ای دعا کرو! ایہہ مناسب نہئیں اے تے ایہہ تہانوں پریشانی وِچ پا سکدا اے۔ تہاڈے وِچوں کُج نوں شام تیکر انتظار کرنا پیہئے گا، کم از کم کُج دِناں تے۔ لیکن کوشش کرو کہ سون توں پہلاں تیکر دا انتظار نہ کرو۔ تُسی سو سکدے اُو – تے ایتھوں تیکرکہ تُسی اینج نہئیں کردے اُو، تے تہاڈا سارا دِن خدا دے نال اکیلے کسی خاص ویلے دے بغیر ای گزار دیو گے۔

ایہہ ویلہ تہاڈے تقریباً 15 منٹ، یا بوہتے توں بوہتا 20 منٹ لئے گا۔ جے تُسی ساڈے گرجا گھر وِچ تھوڑے ویلے دے لئی، چند ہفتیاں یا مہینیاں دے لئی آ رئے اُو، تے تہانوں ایہہ بوہتا کُج کرن دے لئی لگدا اے، تے بس نئے عہدنامے دی بائبل دی پڑھائی کرو۔ ایہدے چہ صرف چند منٹ لگن گے۔ اگلے ورے تُسی پرانا تے نیا عہدنامہ دوویں پڑھ سکدے اُو۔ فیر دعا دے لئی کم از کم پنج منٹ کڈو۔ جدوں تُسی مسیح وِچ ودھدے اُو، تے تُسی دعا کرن چہ بوہتا ویلہ لنگہا سکدے اُو۔

لیکن کوئی کہندا اے، ’’میرے کول بائبل پڑھن تے دعا دے لئی ویلہ نہئیں اے۔ میں بوہتا مصروف آں۔‘‘ نہئیں تُسی نہئیں اُو! فیس بُک تے دوجے سوشل میڈیا تے روزانہ گھنٹے لنگہانا بند کرو۔ انٹرنیٹ تے ویلہ ضائع کرنا بند کرو۔ ویڈیو گیمز کھیڈنا بند کرو۔ کمپیوٹر دا استعمال صرف اُوس ویلے کرو جدوں تہانوں اسکول یا کام دی لوڑ ہووے۔ ٹیلی ویژن ویکھن، باسکٹ بال گیمز تے شوز ویکھن چہ گھنٹے لنگہانا بند کرو جیہڑے تُسی اگلے دِن ای بُھل جاؤ گے۔ فیر تہاڈے کول بائبل پڑھن تے دعا کرن دے لئی کافی ویلہ ہووے گا! تہانوں بائبل پرھن تے دعا کرن دی لوڑ اے – تے تُسی ایہہ کر سکدے اُو۔ میں تہانوں دسنا چاہنا آں کہ تُسی ایہہ کینج کرو۔

I۔ پہلی گل، روزانہ بائبل نوں کینج پڑھنا چائیدا اے۔

تہانوں بائبل دی لوڑ اے۔ یسوع نے کہیا، ’’انسان صرف روٹی نال ای جیوندا نہئیں رئے گا، بلکہ ہر اُوس گل نال جیہڑی خدا دے مُنہ توں نکلدی اے‘‘(متی4: 4)۔ پولوس رسول نے کہیا، ’’ہر صحیفہ جیہڑا خدا دے اِلہٰام توں اے اُو تعلیم دین، تنبیہہ کرن، سُدھارن تے راستبازی وِچ تربیت دین دے لئی مُفید اے۔ تاکہ خدا دا بندہ ایس لائق بنے کہ ہر نیک کام کرن دے لئی تیار ہو جائے‘‘ (II تیموتاؤس 3: 16، 17)۔ بائبل تہانوں زندہ رہن وِچ مدد دیوے گی۔ ایہہ تہانوں مسیح چہ ودھن وِچ مدد دیوے گا۔

یقیناً، جے تہاڈے کول بائبل نہئیں اے تے تُسی بائبل نہئیں پڑھ سکدے۔ جے تہاڈے کول بائبل نہئیں اے تے ساڈی کتاباں دی دُکان تے جاؤ تے اپنے لئی اِک بائبل خریدو۔ کنگ جیمز بائبل انگریزی وِچ سب توں بہترین تے واحد قابلِ اعتماد ترجمہ اے – تے ایہو ای اَسی ویچنے آں۔ اپنے لئی اِک سیکوفیلڈ مطالعۂ بائبل Scofield Study Bible حاصل کرنا یقینی بناؤ۔ ایہہ اُو بائبل اے جِنہوں اَسی اپنے گرجا گھر وِچ استعمال کرنے آں۔ ساریاں سیکوفیلڈ بائبلاں وِچ صفحے نمبر اِکہو جئے نے۔ تہاڈے لئی ایہناں آیتاں نوں لبھنا سہوکھا ہو جائے گا جِنہاں دی اَسی اپنے گرجا گھر توں تبلیغ کرنے آں۔ تہانوں بائبل نوں ویکھن دی لوڑ نہئیں ہووے گی، کیوں جے سیکوفیلڈ بائبل وِچ صفحہ نمبر دے نال نال کتاب، باب تے آیت وی دیندے نے۔

اپنے بائبل دے مطالعے دا آغاز اِک چھوٹی جہئی دعا منگن دے نال شروع کرو۔ زبور نویس نے دعا منگی، ’’توں میری اَکھاں کھول دے تاکہ میں تیری شریعت دے عجائب نوں ویکھ سکاں‘‘ (زبور119: 18)۔ خدا نوں پُچھو کہ اُو اُوس دِن تہانوں اپنے کلام وِچوں کُج وکھائے۔ شاید تہانوں صحیح لفظاں وِچ دعا کرنا چاہوو گے جیہڑے میں زبور توں نقل کیتے نے۔

تہاڈے بائبل دا مطالعہ ختم کر چکن دے بعد، جیہڑا تُسی پڑھ چکے اُو اُوہدے بارے چہ سوچن دی کوشش کرو۔ ہو سکدا اے کہ تُسی ایہہ دِن وِچ بعد چہ کرنا چاہوو۔ زبور نویس نے لکھیا، ’’آہا، میں تیری شریعت نال کیہو جئی محبت رکھنا آں! دِن بھر وِچ میرا دھیان اُوہدے تے ای لگیا رہندا اے‘‘ (زبور119: 97)۔ ایس توں مُراد بائبل تے دھیان و گیان کرنا اے، جیس دا مطلب اے خدا دے کلام وِچ جیہڑی شے تُسی ویکھی اے ایہدے تے سوچنا یا ’’ہضم کر جانا‘‘ تاکہ اُو تہاڈے اندر ’’سما جائے‘‘ تے تہاڈے نال رہئے۔ بائبل کہندی اے، ’’تیرے کلام دی تشریح نور بخشدی اے تے سادہ لوح بندیاں نوں سمجھ عطا کردی اے‘‘ (زبور 119: 130)۔

کی ہووے جے تُسی پِچھے رہ جاؤ تے؟ تے ہمت نہ ہارو! اپنے آپ توں ناراض نہ ہوو۔ جے تُسی بوہتا پِیچھے نہئیں اُو، تے نال رلن دے لئی کُج ویلہ کڈو۔ جدوں تُسی [اینج] کرو گے تے تُسی بہتر محسوس کرو گے۔ جے تُسی بوہتا پِیچھے ہو جاندے اُو تے ایہنوں نال رلان وِچ کافی ویلہ لگدا اے، تے بس اِسی تھاں تے شیڈول وِچ فیر توں شامل ہو جاؤ۔ اگلے ورے تسی زیادہ مستعد ہو سکدے اُو تے سارا مطالعہ کر سکدے اُو۔

بائبل دا کُج حصہ جے تہاڈے لئی پڑھنا مشکل ہویا تے کی ہووے گا؟ ایہو جہئے الفاظ یا ناں ہو سکدے نے جِنہاں نوں تُسی نہئیں سمجھ سکدے، یا ہو سکدا اے کہ تلفظ نہ کر سکو۔ کدی کدی تُسی ناواں نوں یا مقامات دی فہرست نوں یا نسب نامہ نوں پڑھو گے کہ کون کیس دا باپ سی۔ بہرحال حوالہ پڑھو۔ جے ایہو جئے الفاظ نے جِنہاں دا تہانوں تلفظ ادا نہئیں کر سکدے یا سمجھ نہئیں سکدے اُو تے اُوہناں نوں بہرحال پڑھو تے اَگے ودھو۔ جے تہانوں کوئی اِقتباس پڑھنا مشکل لگدا اے تے فیر وی الفاظ پڑھو۔ بائبل دا ہر حصہ خدا دا کلام اے، جیہڑا خدا وَلوں پھونکیا جاندا اے، بغیر غلطی دے سچائی، بالکل یوحنا 3: 16 وانوں راستباز۔ جیویں جیویں تُسی بوہتے تجربہ کار مسیحٰ بنندے جاؤ گے، تُسی ایہنوں بہتر طور تے سمجھو گے – تے تہانوں بائبل دے ایہناں حصیاں توں برکات حاصل ہون گئیاں جِنہاں نون تُسی ہُنے نہئیں سمجھدے۔

جے تُسی کسی گل دا مطلب نہئیں سمجھدے تے کی ہووے گا؟ہمت نہ ہارو! اپنے آپ توں پریشان نہ ہوو۔ سمجھ نہ آئے تے فیر وی ایہنوں پڑھو۔ کسی کتاب یا انٹرنیٹ تے ایس دی تحقیق کرن توں باز نہ آؤ۔ ایہہ تہاڈے پڑھن وِچ خلل پائے گا، کافی ویلہ لگے گا، تے ہو سکدا اے کہ تہانوں فیر وی صحیح سمجھ نہ لبھے۔ تُسی مایوس ہو سکدے اُو تے ہار مانن وانگوں محسوس کر سکدے اُو۔ اینج نہ کرو۔ بس محض حوالہ نوں پڑھو۔ جیویں جیویں تُسی مسیح وِچ ودھو گے تے گرجا گھر وِچ بوہتا ویلہ لنگہاؤ گے، تُسی مزید ہور سِکھو گے۔ اگلی وری جدوں تُسی بائبل نوں پڑھو گے، تے تُسی ایہنوں زیادہ سمجھو گے، تے ایہنوں بہتر طور تے سمجھو گے۔

II۔ دوجی گل، روزانہ کینج دعا منگنی چائیدی اے۔

اپنی بائبل دے پڑھ چکن دے فوراً بعد، ہر روز نجی نماز دے لئی ویلہ کڈو۔ تُسی دِن چہ کئی وری دعا منگ سکدے اُو، لیکن بہتر اے کہ ہمیشہ اِک ویلہ ہووے جدوں تُسی روزانہ اِک ای ویلے چہ دعا منگو۔ ہر روز دعا دا باقاعدہ ویلہ ترتیب دینا – تے جاری رکھنا سہوکھا اے۔ دعا کوئی پیچیدہ شے نہئیں اے۔ روزانہ دعا نوں ویلہ دین توں نہ گھبراؤ۔ ایتھوں تیکر کہ جے تہاڈے شیڈول وِچ دوجی شیواں چل رئیاں نے تے دعا دے لئی ویلہ کڈو۔ اپنے دِن چہ چند منٹ الگ رکھو۔ تُسی کر سکدے اُو۔

یسوع دے ناں وِچ خداوند کولوں دعا منگو۔ بائبل کہندی اے، ’’خدا کولوں … دعا کیتی گئی سی‘‘ (اعمال12: 5)۔ یسوع نے سانوں دعا منگنی سیکھائی، ’’اے ساڈے پیو توں جیہڑا آسمان چہ اے‘‘ (متی6: 9)۔ دعا یسوع دے ناں تے خدا باپ کولوں منگی جاندی اے۔ اَسی گنہگار آں تے خود سانوں خدا دے کول جان دا کوئی حق نہئیں اے۔ لیکن یسوع، جیہدا کوئی گناہ نہئیں، قربان ہویا تے اُوہنے اپنا لہو وگایا تاکہ اَسی اُوہدے وسیلے توں خدا دے کول آئیے۔ مسیح نے کہیا، ’’جیہڑا کج تُسی میرا ناں لے کے منگو گے، اُو میں تہانوں دیاں گا، تاکہ باپ دا جلال بیٹے دے ذریعہ ظاہر ہووے۔ جے تُسی میرا ناں لے کے مینوں کج وی کرن دی درخواست کرو گے تے میں ضرور کراں گا‘‘ (یوحنا 14: 13، 14)۔

اِک متعین طریقے نال دعا کرو – خدا کولوں یقینی تے مخصوص شیواں منگو۔ دعا تے عطیم کتاباں وِچ اِک دعا: منگنا تے پانا Prayer: Asking and Receiving اے،جیہدے مصنف ڈاکٹر جان آر رائسDr. John R. Rice نے۔ تہانوں ایس کتاب دی اِک کاپی خریدنی چائیدی اے۔ ڈاکٹر رائس نے لکھیا،

یسوع دا یقینی طور تے مطلب ایہہ سی کہ اِک مسیحی دے ذہن وِچ مخصوص خواہشات ہونی چائیدیاں نے جدوں اُو دعا کردا اے تے فیر اُوہنوں خدا تے پروہسا کرن دے قابل ہونا چائیدا اے تے خدا کولوں اُوہی شیواں حاصل کرنی چائیدیاں نے جیہڑیاں اُو منگدا اے۔ دعا، بائبل دے معنی وِچ، کسی شے دے بارے وِچ سب توں اہم تفصیلات یا حقائق تے بحث کرنا یا غور شروع کرنا تے خدا کولوں بالکل اُوہی منگنا ہوندا اے جیہڑا تُسی چاہندے اُو۔ دعا صرف منگنا ای نہئیں بلکہ کُج [مخصوص] منگنا ہوندا اے۔ ایہہ [حقیقی] دعا نہئیں ہوندی جے ایہہ یقینی نہیں اے (دعا: مانگنا تے پانا Prayer: Asking and Receiving ، مصنف ڈاکٹر جان آر رائسDr. John R. Rice ، رب دی تلوارSword of the Lord ، 1942 دی کلاسک دی 1970 دی فیر توں اشاعت، صفحہ 147)۔

دعا ناممکن نہئیں اے۔ ایہہ پُراسرار نہئیں اے۔ دعا خدا کولوں اُمنگاں دا منگنا ہوندا اے، جیویں تُسی کسی ہُور کولوں منگو گے۔ دعا دے لئی گلاں دی فہرست بناؤ۔ اپنی لوڑ دیاں گلاں دے لئی دعا کرو۔ یسوع نے سانوں دعا کرن دے لئی کہیا، ’’سانوں اَج دی دِن ساڈی روز دی روٹی دے‘‘ (متی 6: 11)۔ خدا وعدہ کردا اے کہ اُو تہانوں اُو دیوے گا جیس دی تہانوں لوڑ اے۔ مسیح نے کہیا، ’’پس جے تُسی بُرے ہو کے اپنے بچیاں نوں چنگی شیواں دینا جانندے اُو، تے تہاڈا آسمانی باپ اُوہناں نوں جیہڑے اُوہدے کولوں منگدے نے کیہنی چنگی شیواں دے گا؟‘‘ (متی 7: 11)۔ بائبل کہندی اے، ’’لیکن میرا خدا تہاڈی ساری ضرورتاں نوں اپنے جلال دے نال مسیح یسوع دے وسیلہ توں پورا کرے گا‘‘ (فلپیوں 4: 19)۔ اپنی دعا دی فہرست وِچ موجود گلاں دے لئی دعا کرو جدوں تیکر کہ خدا ایہناں دعاواں دا جواب نہ دے۔

اِک یقینی شے جیس دے لئی تہانوں دعا کرنی چائیدی اے اُو اے روحاں دی نجات۔ ڈاکٹر ہائیمرز نے ’’یقینی دعاDefinite Praying‘‘ کہلائے جان آلے اِک واعظ وِچ لکھیا (13جنوری، 2008)،

     اپنی بائبل وِچ ایہناں چند لوکاں دے ناواں دے نال کاغز دی اِک پرچی لگاؤ جِنہاں دے لئی تُسی نجات پان دی دعا کر رئے اُو۔ اِک کالم وِچ جس ناں تے تاریخ نوں تُسی اُوہناں دے لئی دعا کرنا شروع کیتی سی اُوہنوں درج کرو (نمبر ایک، دو، تین وغیرہ)۔ فیر دوجے کالم وِچ، ایہناں دے ناواں دے نال، اِک خالی جگہ چھڈ دیو، تاکہ تُسی ناں تے تاریخ نوں پُر کر سکو جدوں اُو محفوظ ہونے سن۔ ایہدے نتیجے وِچ دعا چہ تہاڈے ایمان وِچ اضافہ ہووے گا، تے ایہہ یقینی طور تے خدا وَلوں اُوہناں لوکاں نوں تبدیل کرن دے لئی استعمال کیتا جائے گا جِنہاں نوں تُسی منظم طریقے نال تے باقاعدگی نال بچائے جان دے لئیل دعا کر رئے اُو۔
     مینوں اُمید اے کہ تہاڈے وِچوں بے شمار لوکی ایہو جئی دعاواں دی فہرست شروع کرن گے تے ایہنوں اپنی بائبل وِچ رکھن گے۔ فیر ایہناں ناواں دے کالماں وِچوں تاریخ نوں نشان زد کرن گے جِنہاں دے لئی تُسی نجات دے سلسلے وِچ دعا کر رئے اُو۔ مینوں دَسو کہ جدوں خدا اُوس فرد دے لئی تہاڈی یقینی مسلسل دعا دا جواب دیندا اے، تے جواب آندا اے۔ میرے کول نجی طور تے آؤ تے مینوں دسو کہ جدوں خدا اُوس فرد دے لئی تہاڈی مسلسل، مستقل دعا دا جواب دیندا اے تے اُو آخرکار بچ جاندا اے۔ اینج کرو تاکہ اَسی خوشی منائیے تے رَل کے خدا دی حمد کریے۔ میں تہانوں عوامی گواہی دین دینا آں کہ تُسی اُوس بندے دے لئی کیویں دعا کیتی تے اُو مسیح وِچ ایمان لیہیا کے تبدیل ہوئے۔

جے تُسی مسیح وِچ ایمان لیہیا کے تبدیل نہئیں ہوئے اُو، تے اپنی جان دی نجات دے لئی دعا کرو۔ خدا کولوں دعا کرو کہ اُو تہانوں تہاڈے گناہ، خاص طور تے تہاڈے باطنی گناہ دی فطرت نوں ظاہر کرے۔ خدا کولوں دعا کرو کہ اُو تہانوں تہاڈی جھوٹی اُمید تے تہاڈی غلطیاں وکھائے۔ خدا کولوں دعا کرو کہ اُو تہاڈے تے فضل کرے تے تہانوں مسیح وَل کھیچے۔

لیکن ایہناں وِچوں کوئی وی تہاڈی مدد نہئیں کرے گا جے تُسی ایہناں فضل دے ذرائع نوں استعمال نہئیں کردے جیہڑے خدا نے تہانون بخشے نے۔ ہر روز واعظ دے مسودے نوں پڑھو۔ ہفتے چہ کئی وری واعظ دی ویڈیوز ویکھو۔ واعظاں دے بارے وِچ غور نال سوچو۔ واعظ سُنو جدوں ایہناں دی تبلیغ کیتی جاندی اے۔ جدوں وی دعوت دِتی جائے تے اَگے ودھو، تے جیہڑا کُج مشیر تہانوں کہندا اے اُوہنوں غور نال سنو۔ جے تُسی بغیر تیاری دے آندے اُو، تے عبادت وِچ دھیان نال بیٹھن دے باوجود مسیح وِچ ایمان لیہیا کے تبدیل ہون دی اُمید نہ رکھو۔ عبادت وِچ آن توں پہلاں تیاری کرو، فیر تُسی تیار ہو کے آؤ گے۔ میں دعا کرنا آں کہ تُسی ایہہ کرو گے۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔