دُکھ سہن دے لئی پکا اِرادہ

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ڈاکٹر جان گِل نے کہیا، ’’ہُن ویلہ ہو چکیا سی کہ یسوع، گلیل دے نشیبی علاقیاں نوں اپنا کم اُوتھے مُک جان دے بعد چھڈدا تے یہودیہ دے بالائی علاقے وِچ جاندا تے اینج اُودھروں اُتے یروشلیم دے لئی… ایس دے بعد، اُو فیر کدی وی دوبارہ گلیل وِچ نئیں گیا… تے یروشلیم جان دے لئی پختہ اِرادہ کر لہیا سی… حالانکہ اُو جانندا سی کہ اُوہدے نال کی ہونا سی تے اُوہنوں کی کی برداشت کرنا سی؛ کہ اُوہنے اپنے لوکاں دے گناہواں نوں چکنا سی، شریعت دے عذاب نوں برداشت کرنا سی، تے خدا دے قہر نوں سہنا سی؛ تے کہ اُوہدے بُہتیرے دشمن ہو جانے سن، لوکی تے شیاطین جِنہاں دے نال بِھڑنا سی، تے اِک درد توں بھرپور، ذلت آمیز تے لعنتی موت مرنا سی؛ ایس دے باوجود ایہناں وِچوں کوئی اِک شے وی اُوہنوں اپنے فیصلے توں ہٹا نہ پائی، تے اُوہنے [اُوتھے] جان دے بعد [پکا اِرادہ کر لہیا] سی‘‘ (جان گِل، ڈی۔ ڈی۔ John Gill, D.D.، نئے عہد نامے دی اِک تفسیر An Exposition of the New Testament، دی بپٹسٹ سٹینڈرڈ بئیرر The Baptist Standard Bearer، دوبارہ اشاعت 1989، جلد اوّل، صفحہ 589؛ لوقا9: 51 تے غور طلب گل)۔

’’تے جدوں یسوع دے اُتے چکے جان دے دِن نیڑے آ گئے تے اُوہنے پکے اِرادے دے نال یروشلیم دا رُخ کیتا‘‘ (لوقا9: 51)۔

سولی تے قربان ہون دے لئی ’’اُوہنے پکے اِرادے دے نال یروشلیم دا رخ کیتا۔ میں ایس تلاوت وِچوں تِن خیالات سامنے لہیا واں گا۔

مسیح دے مصلوبیت کوئی حادثہ نئیں سی! جی نئیں! اُو پہلاں ای شاگرداں نوں دِس چکیا سی،

’’ابنِ آدم نوں کئی تکلیفاں دا سامنا کرنا پیہئے گا۔ اُو بزرگاں، سردار کاہناں تے فقیہیاں وَلوں رد کر دِتا جائے گا۔ اُو اُوہنوں قتل کر دین گے لیکن اُو تیجے دِن زندہ ہو جائے گا‘‘ (لوقا9: 22)۔

فیر، اُوہنے اُوہناں نوں پہلاں ای دِس دِتا سی،

’’میری ایہناں گلاں نوں کناں وِچ پا لہیو کیوں جے ابنِ آدم بندیاں دے حوالے کیتے جان نوں اے۔ لیکن اُو ایس گل نوں نئیں جانندے سی کیوں جے اُو اُوہناں توں پوشیدہ رکھی گئی سی تاکہ اُو اُوہنوں سمجھ نہ سکن تے اُو اُوہدے بارے وِچ یسوع توں پُچھدے وی ڈردے سی‘‘ (لوقا 9: 44۔45).

شاگرد ایس گل نوں سمجھ نئیں پائے سن کہ اُو یروشلیم سولی تے قربان ہون دے لئی جا رہیا سی۔ لیکن مسیح ایہہ گل جانندا سی تے ایس نوں سمجھدا سی۔ تیجی وری لوقا دی انجیل وِچ، مسیح نے کہیا،

’’ویکھو، اَسی یروشلیم جا رئے آں تے نبیاؓں نے جیہڑا کُج ابنِ آدم دے بارے وِچ لکھیا اے اُو پورا ہووے گا۔ اُو غیر یہودی لوکاں دے حوالہ کیتا جائے گا۔ اُو اُوہنوں ٹھٹھیاں وِچ اُڑان گے، بے عزت کرن گے تے اُوہدے تے تھوکن گے۔ اُوہنوں کوڑیاں نال مارن گے تے قتل کر ڈالن گے۔ لیکن تیجے دِن اُو فیر زندہ ہو جائے گا۔ ایہ گلاں اُوہناں دے سمجھ وِچ نا آ سکیاں تے یسوع دا ایہہ قول تے اُوہدا مطلب اُوہناں توں پوشیدہ رہیا‘‘ (لوقا 18: 31۔34).

شاگرداں نے یسوع دے لئی اسرائیل دا مسیحا تے بادشاہ ہون دی حیثیت نال تخت تے بیٹھن دی توقع کیتی سی۔ اُو بس ایہہ نئیں سمجھ پائے کہ کیوں اُوہنوں [یسوع نوں] سولی تے مرنا پیہیا سی۔ کیوں؟ لوقا18: 34 کہندی اے کہ ’’ایہہ گل اُوہناں توں پوشیدہ رہی سی۔‘‘ ایہہ اُوس ویلے تیکر نئیں ہویا جدوں تیکر مسیح مُردیاں وِچوں زندہ نئیں ہویا کہ اُوہنے اُوہناں دے ذہناں نوں نئیں کھولیا… تے اُوہناں نوں کہیا، ایویں لکھیا ہویا اے کہ مسیح دُکھ اُٹھائے گا تے تیجے دِن مُردیاں وِچوں جی اُٹھے گا‘‘ (لوقا24: 45۔46)۔ ایویں، شاگرداں دے کول خوشخبری دی کوئی سمجھ نئیں سی۔ (1کرنتھیوں15: 1۔4) جدوں تیکر مسیح مُردیاں وِچوں جی نہ اُٹھیا (حوالہ ویکھو یوحنا20: 22، 24۔28)

لیکن یسوع جانندا سی کہ اُو یروشلیم کیوں جا رہیا سی۔ یوحنا رسول نے کہیا کہ یسوع ’’خوب جانندا سی اُوہنوں کیہڑیاں کیہڑیاں گلاں دا سامنا کرنا سی‘‘ (یوحنا18: 4)۔ ایس دے باوجود سولی تے مرن دے لئی ’’اُوہنے پکے اِرادے دے نال یروشلیم دا رُخ کیتا‘‘ (لوقا9: 51)۔ اُو جانندا سی کہ خداوند گتسمنی وِچ اُوہدی جان نوں ساڈے گناہوں دے بوجھ دے ہیٹاں کچل ڈالے گا – جدوں تیکر اُوہنے خونی پسینہ نہ وگایا تے اُوس راتی موت توں بچن دے لئی خداوند دے اَگے پکار نہ اُٹھیا کہ سویرے شاید اُوہنوں سولی دے لئی جانا پیہئے۔ اُو جانندا سی کہ پیلاطوس اُوہنوں کوڑے لوائے گا، تے ہر وری جدوں دُرّہ اُوہدی کمر تے برسے گا، تے ہر وری جیہڑا لہو اُمڈے گا، تے اُوہدی ہڈیاں توں کَھل اُکھڑے گی، تے اُو کوڑے برسان آلے اُوہدے تے ہسّن گے تے اُوہدا تمسخر اُڑان گے، جیہڑا اُوہدے درد نوں مذید ہور شدید تے ہولناک کر دیوے گا۔ تے مسیح جانندا سی کہ اُو یروشلیم سولی تے کِیلاں نال جڑے جان دے لئی جا رہیا سی۔ اُو جانندا سی کہ اُوہنوں کوڑے مارن آلی تھاں توں گھسیٹدے ہوئے لے کے جان گے تے اُوہدے ہتھاں تے پیراں وِچ کِیل ٹھونک کر لنگہان گے۔ فیر، جدوں سپاہی سولی نوں کھلارن گے تے اُو اپنے مرن توں پہلاں تپدے سورج ہیٹاں گھنٹوں لمکیا رہوے گا۔ جی ہاں، یسوع ایہہ سب کُج جانندا سی؛ اُو جانندا سی کہ اُو دُکھ چکن، لہو وگان تے قربان ہون دے لئی یروشلیم جا رہیا سی۔ ایس دے باوجود ’’اُوہنے پختہ اِرادے دے نال یروشلیم دا رخ کیتا‘‘ (لوقا9: 51)۔ اُوہنوں جان تے مجبور نئیں کیتا گیا سی! جی نئیں! اُو اپنی مرضی نال گیا سی،

’’… جیہنے اُوس خوشی دے لئی جیہڑی اُوہدی نظراں دے اَگے سی، شرمندگی دی پرواہ نئیں کیتی بلکہ سولی دا دُکھ سہا تے خدا دے تخت دے سجے پاسے جا بیٹھا‘‘ (عبرانیوں12: 2)۔

یسوع مسیح نے ’’اُوس خوشی دے لئی جیہڑی اُوہدی نظراں دے اَگے سی،‘‘ ’’یروشلم دا رخ کیتا‘‘ – سولی تے قربان ہون دے لئی! کِھلو جاؤ تے کورس گاؤ، ’’سولی وِچ In the Cross۔‘‘

سولی تے، سولی تے،
ہمیشہ میرا جلال ہووے؛
جِدوں تیکر میری بیخود روح لبھ نئیں لہندی
دریا توں پرے سکون۔
(’’سولی دے نیڑے Near the Cross‘‘ شاعر فینی جے۔ کراسبی Fanny J. Crosby، 1820۔1915)۔

تُسی تشریف رکھ سکدے اُو۔ جی ہاں، مسیح نے سولی دے لئی مقصد دے تحت گیا سی۔

’’تے جدوں یسوع دے اُتے چکے جان دے دِن نیڑے آ گئے تے اُوہنے پکے اِرادے دے نال یروشلیم دا رُخ کیتا‘‘ (لوقا9: 51)۔

II۔ دوجی گل، مسیح سولی تے ساڈے لئی اِک مثال قائم کرن دے خاطر گیا سی۔

میں جاننا واں کہ پرانے زمانے دے بائبل نوں مسترد کرن آلے آزاد خیال لوکی، جیویں ھیری ایمرسن فوسڈِک Harry Emerson Fosdick نے اُوہدی نشاندہی تے لوڑ توں بوہتا اصرار کیتا، کیوں جے اُوہناں دے کول زور دین دے لئی کوئی دوجا نکتہ نئیں سی! ایہہ ای اُو نشاندہی اے جیہڑی بائبل وِچ اے – ایس لئی سانوں کدی کدی ایس تے منادی کرنی چائیدی اے۔ پطرس رسول کوئی آزاد خیال نئیں سی، تے اُوہنے کہیا،

’’مسیح نے تہاڈے لئی دُکھ چک کے اِک مثال قائم کر دِتی تاکہ تُسی اُوہدے نقشِ قدم تے ٹُر سکو‘‘ (1پطرس2: 21)۔

قربان ہون تے دُکھ سہن دی خاطر مسیح نے ’’پُختہ اِرادے دے نال یروشلم دا رخ کیتا۔‘‘ تے ہر حقیقی مسیح نوں اُوہدی ’’مثال‘‘ دے پیروی کرن دے لئی رضامند رہنا چائیدا اے (1پطرس2: 21)۔ مسیح وِچ ایمان لہیا کے تبدیل ہوئے ہر سچے مسیحی نوں مسیح ای وانگوں سختیاں تے آزمائشاں وِچوں لنگہن دے لئی رضامند رہنا چائیدا اے، جیویں مسیح ساڈی عظیم مثال نے کیتا۔

میں جاننا واں کہ نام نہاد کہلائی جان آلی ’’خوشحال خوشخبریprosperity gospel‘‘ ایس ویلے انتہائی مشہور اے۔ بینی حِن Benny Hinn، جوئیل آسٹن Joel Osteen تے بے شمار دوجے لوکاں نے مسلسل TBN تے ’’خوشحالیprosperity‘‘ دی منادی کیتی۔ مگر ایہہ صرف اِک وقتی جنون اے۔ تُسی ایہنوں ہُن توں چند اِک وریاں بعد ایہنا بوہتا نئیں سُن پاؤ گے ّ(جے کُج سُن وی پائے)۔ عالمگیر دھشت گردی دے عروج دے دوران، جیہڑی کہ ہُنے صرف شروع ای ہوئی اے، بے شمار لوکاں نوں احساس ہو جائے گا کہ ’’خوشحال خوشخبری‘‘ اِک جھوٹی تعلیم اے۔ حقیقی خوشخبری مسیح وِچ ایمان لہیا کے تبدیل ہوئے سچے لوکاں نوں خود انکاری دی تے صلیب برداشت کرن دی اِک حیاتی دے لئی بُلاندی اے۔ یسوع نے کہیا،

’’جے کوئی میری پیروی کرنا چاہیے تے اُو خود انکاری کرے تے روزانہ اپنی سولی چُکے تے میرے پِچھے ہو لئے‘‘ (لوقا9: 23)۔

غور کرو کہ یسوع نے کہا، ’’جے کوئی بندہ‘‘ (دورِ حاضرہ دا ترجمہ ’’کوئی وی‘‘)۔ اُو ’’اعلی درجے دی مقدسین‘‘ دے اِک مخصوص گروہ دے بارے وِچ گل نئیں کر رہیا سی۔ اُوہنے کہیا،

مینوں غلط نہ سمجھیے گا۔ میں یقین نئیں رکھدا کہ انسانی اعمال ساڈی نجات وِچ شامل ہوندے نے۔ نجات تے ساری دی ساری فضل نال اے، ’’نہ ای ایہہ تہاڈے اعمال دا پھل اے کہ کوئی فخر کر سکے‘‘ (افسیوں2: 9)۔

’’کیوں جے اُو خدا ای اے جیہڑا تہاڈے وِچ نیت تے عمل دوواں نوں پیدا کردا اے تاکہ اُوہدا نیک اِرادہ پورا ہو سکے‘‘ (فلپیوں2: 13)۔

جدوں خدا تہاڈے وِچ کم کر رہیا ہوندا اے تے تُسی خود دی انکاری کرن دے لئی سولی چکن دے لئی رضامند ہو جاؤ گے، تے سزایابی دی ذہنی اذیت وِچوں لنگ جاؤ گے تے مسیح دے کول آؤ گے تے اِک مسیحی وانگوں آزمائشاں تے صدمیاں وِچوں لنگ جاؤ گے کیوں جے،

’’سانوں خدا دی بادشاہی وِچوں داخل ہون دے لئی بوہتیاں ساریاں مصیبتاں دا سامنا کرنا لازم اے‘‘ (اعمال14: 22)۔

کوئی شاید کہندا اے، ’’جے ایہہ ایس قدر مشکل اے تے کیوں کوئی اِک مسیحی بننا چاہے گا؟‘‘ ایس دا جواب سادہ جیہا اے۔

’’تیری لشکر کشی دے دِن، تیرے لوکی خوشی نال اپنی خدمات پیش کردے نے‘‘ (زبور110: 3)۔

میں جاننا واں کہ تیجی دُنیا وِچ بے شمار مسیحیاں نوں اذیت دی جاندی اے تے اُوہناں دے ایمان دے لئی اُوہناں نوں قید کر دِتا جاندا اے۔ ایس دے باوجود اُو مسیح نوں نئیں چھڈدے۔ تُسی اُوہناں دے بارے وِچ اںٹرنیٹ تے www.persecution.com تے پڑھ سکدے اُو۔ خدا دے فضل دے وسیلے توں، تُسی شاید اُوہناں وانگوں بن جاؤ، جیویں اُو مسیح وانگوں نے، جیس نے ’’پُختہ اِرادے دے نال یروشلم دا رُخ کیتا‘‘ (لوقا9: 51) – کیوں جے ’’مسیح نے تہاڈے لئی دُکھ چُک کے اِک مثال قائم کر دِتی تاکہ تُسی اُوہدے نقشِ قدم تے ٹُر سکو‘‘ (1پطرس2: 21)۔ ایہہ دُکھ چکن دے سبب توں اے کہ اَسی بالغ مسیحیاں وِچ ودھدے نے۔ خداوند مسیحی حیاتی دیاں آزمائشاں تے بہوتے وڈے وڈے مصائب نوں سانوں ایمان وِچ ہور پاک باز تے مضبوط بنان دے لئی استعمال کردا اے۔ پولوس رسول نے کہیا،

’’اَسی اپنی مصیبتاں وِچ وی خوشی ہونے آں کیوں جے اَسی جاننے آں کہ مصیبت نال صبر پیدا ہوندا اے۔ تے صبر نال مُستقل مزاجی تے مستقل مزاجی نال اُمید پیدا ہوندی اے۔ ایہو جئی اُمید سانوں مایوس نئیں کردی کیوں جے جیہڑا پاک روح سانوں بخشیا گیا اے اُوہدے وسیلے توں خدا دی محبت ساڈے دِلاں وِچ پائی گئی اے‘‘ (رومیوں5: 3۔5)۔

فیر تُسی اُو کورس گان دے قابل ہو جاؤ گے۔ میں جاننا واں کہ تہاڈے وِچوں کُج لوکاں دا ہُنے ایہو جیہا مطلب نئیں اے، لیکن خداوند دے وسیلے نال، کسی نہ کسی دِن تہاڈے وِچوں کُج لوکاں دا ایہو ای مطلب ہووے گا۔ مہربانی نال کھڑے ہو جاؤ تے ایس نوں فیر گاؤ!

سولی تے، سولی تے،
ہمیشہ میرا جلال ہووے؛
جِدوں تیکر میری بیخود روح لبھ نئیں لہندی
دریا توں پرے سکون!

تُسی تشریف رکھ سکدے اُو۔ جی ہاں، مسیح سولی تے ساڈے لئی اِک مثال قائم کرن دی خاطر گیا – ساڈے تے ایہہ ظاہر کرن لئی کہ سانوں اُوہدی پیروی کرن دی لوڑ اے چاہے ایہدی کوئی وی قیمت چُکانی پئے!

’’تے جدوں یسوع دے اُتے چُکے جان دے دِن نزدیک آ گئے تے اُوہنے پُختہ اِرادہ دے نال یروشلیم دا رُخ کیتا‘‘ (لوقا 9: 51).

III۔ تیجی گل، مسیح سولی تے ساڈے گناہواں دا کفارہ ادا کرن لئی گیا۔

’’کیوں جے ابنِ آدم لوکاں نوں ہلاک کرن نئیں بلکہ بچان آیا اے‘‘ (لوقا 9: 56).

’’ابنِ آدم گم شُدہ نوں لبّن تے بچان آیا اے‘‘ (لوقا 19: 10).

صلیب تے اپنی موت دے وسیلے نال یسوع تہانوں سزا تے گناہ تے خُدا دے قہر توں نجات دلا سکدا اے۔ یسوع تہانوں تہاڈی تھاں تے صلیب تے تہاڈے گناہواں دی ادائیگی کر کے مرن دے ذریعے نال نجات دلا سکدا اے۔ یسوع نے جان بُجھ کے ’’پختہ اِرادے دے نال یروشلیم دا رُخ کیتا،‘‘ تے تہاڈے گناہ دا کفارہ ادا کرن لئی صلیب تے قُربان ہو گیا۔ اشعیا نبی نے کہیا،

’’خداوند نے ساڈی ساریاں دی بدکاری اُوہدے تے لدّ دِتی‘‘ (اشعیا 53: 6).

’’اپنے ای عرفان دے باعث میرا صادق خادِم بہتیریاں نوں راستباز ٹھہرائے گا؛ کیوں جے اُو اُوہناں دیاں بُرائیاں خود چُک لے گا‘‘ (اشعیا 53: 11).

یسوع یروشلیم تہاڈی تھاں تے قربان ہون لئی گیا، تہاڈے گناہواں دی ادائیگی کرن لئی گیا، تہاڈے متبادل دے طور تے گیا۔ ایہنوں اُوس یسوع دا ’’متبادلیاتی کفارہ‘‘ کہندے نے۔ ڈاکٹر چارلس ھاج Dr. Charles Hodge نے کہیا،

متبادلیاتی دُکھ سہنا اُوس دُکھ نوں برداشت کرنا ہوندا اے جیہڑا اِک بندہ دوجے دی [تھاں] تے سہندا اے (چارلس ھاج، پی ایچ۔ ڈی۔ Charles Hodge, Ph.D.، درجہ بہ درجہ علمِ الہٰیات Systematic Theology، عئیرڈ مینز Eerdmans، فیر اشاعت1946، صفحہ 475)۔

یسوع مسیح، خُدا دا پُتر، تہاڈی تھاں تے تہاڈے متبادل دی حیثیت نال قربان ہو گیا۔ یسوع نے تہاڈے سارے گناہ دی ادائیگی کیتی جدوں اُو تہاڈی تھاں تے تہاڈے متبادل دی حیثیت نال صلیب تے قربان ہویا۔ اُوہدے تے پرہوسا کرو تے تُسی نجات پاؤ گے! جیویں کہ اشعیا ایہنوں تحریر کردا اے،

’’اُو ساڈی خطاؤاں دے سبب نال گھایل کیتا گیا، تے ساڈی بداعمالی دے باعث کُچلیا گیا‘‘ (اشعیا 53: 5).

’’کتابِ مقدس دے مطابق مسیح ساڈے گناہواں لئی قُربان ہویا‘‘ (1۔ کرنتھیوں 15: 3).

صلیب تے مسیح دی موت خُدا دے انصاف نوں مطمئن کردی اے۔ مسیح دی موت خدا دی شریعت نوں مطمئن کردی اے۔ مسیح دی موت خُدا دے قہر نوں تشفی دیندی اے، مناندی اے۔ ایویں ای، مسیح دی موت اساں گنہگاراں دے نال خُدا دی صُلح کراندی اے۔ مسیح دی موت بدی دی قوت توں آزادی دلاندی اے۔ ایس ای لئی یسوع آسمان توں تھلے آیا۔ ایس ای لئی صلیب تے قربان ہون لئی یسوع نے ’’پُختہ اِرادے دے نال یروشلیم دا رُخ کیتا‘‘ (لوقا 9: 51)۔ صلیب تے اُوہدی موت تہاڈے گناہ دا کفارہ ادا کردی اے، تے تُسی سارے زمانیاں تے ساری ابدیت لئی نجات پا جاؤ گے! اسی کیس قدر دعا منگنے آں کہ خُداوند تہانوں یسوع ول کھِچے! مہربانی نال کھلو جاؤ تے حمدوثنا دا گیت نمبر 1 اپنے گیتاں دے ورق توں گاؤ۔

کیس قدر واضح طور تے اُوہدے سارے تشدد نال پُر زخم یسوع دے اُوس پیار نوں ظاہر کردے نے۔
اُو زخم جنہاں وچوں لہو دی سُرخی مائل بنندی ہوئی کفارے دیاں دھاراں وگدیاں نے،
لہو دے کفارے دیاں دھاراں وگدیاں نے۔

کیویں کنڈے دار لہو دے دھبیاں نال بھریا تاج مسیح دے خوبصورت سر وچ گھونپیا گیا!
کیویں اُو کِل جنہاں نے اُوہناں ہتھاں تے پیراں نوں بے رحمانہ تشّدد نال چھیدیا ٹھونکے گئے!
بے رحمانہ تشّدد نال ٹھونکے گئے!

اوہ، اے تمام لوکو جنہاں وچ گناہ دے موذی دھبے پائے جاندے نے؛
آؤ، اُوہدے سارے نجات دلان آلے لہو وچ دھو لوو، تے تُسی پاک صاف ہو جاؤ گے،
تے تُسی پاک صاف ہو جاؤ گے۔
(’’یسوع زخمی Jesus Wounded‘‘ شاعر ایڈورڈ کیسویل Edward Caswell، 1849؛ بطرز شاہانہ مٹھاس تخت تے بیندی اے Majestic Sweetness Sits Enthroned‘‘)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔