اُوہنا نے اُوہنوں چھڈ دِتا تے نٹھ گئے

I۔ پہلی گل، کلام پاک وِچ لکھی ہوئی نبیاں دی گلاں نوں پورا کرن دے لئی اُوہناں نے یسوع نوں چھڈ دِتا تے نٹھ گئے۔

ساڈی تلاوت کہندی اے، ’’لیکن ایہہ سب کُج ایس لئی ہویا کہ پاک کلام وِچ نبیاں دی لکھی ہوئی گلاں پوری ہو جان…‘‘ ایہدے وِچ شاگرداں دا یسوع نوں چھڈنا تے نٹھ جانا شامل اے۔ (زکریا13: 6۔7) کہندی اے،

’’تیرے ہتھاں تے ایہہ زخم کیویں نے؟ تے اُو جواب دیوے گا کہ ایہہ زخم اُو نے جیہڑے میرے بیلیاں دے گھر وِچ لگے۔ اے تلوار میرے چرواہے دے خلاف تے اُوس بندے دے جیہڑا میرا رفیق اے… چرواہے نوں مار، تے بھیڑاں تِتّر بِتّر ہو جان گئیاں تے میں چھوٹیاں تے اپنا ہتھ چلاواں گا‘‘ (زکریا13: 6۔7)۔

’’چرواہے نوں مار تے بھیڑاں تِتر بِتر ہو جان گئیاں،‘‘ اُوہناں لفظاں نال تعلق رکھدے ہوئیاں ڈاکٹر ھنری ایم۔ مورس Dr. Henry M. Morris نے کہیا،

ایس آیت دا حوالہ متی 26: 31 وِچ تے مرقس14: 27 وِچ مسیح بخود دے وسیلے توں دِتا گیا۔ اُو، جیہڑا چنگا چرواہا اے، بھیڑ دے لئی اپنی حیاتی دے دیوے گا (یوحنا10: 11)، مگر ایس دُنیا نوں بدل ڈالن آلے دیر نال آن آلے جذباتی جھٹکے آلے واقعات وِچ یسوع دی بھیڑاں کُج ویلے دے لئی تِتر بِتر ہو جان گئیاں (ھنری ایم۔ مورو، پی ایچ۔ ڈی۔ Henry M. Morris, Ph.D.، بائبل دا دفاع کرن آلیاں دا مطالعہ The Defender’s Study Bible، ورلڈ پبلیشنگ World Publishing، 1995 ایڈیشن، صفحہ 993؛ زکریا13: 7 تے غور طلب گل)۔

خود خُداوند یسوع مسیح نے کہیا کہ زکریا 13: 7 نے شاگرداں نے اُوہنوں چھڈ جان تے نٹھ جان دے بارے وِچ پیشن گوئی کیتی سی۔ متی26: 31 وِچ مسیح نے کہیا،

’’تُسی اُوسے رات میری وجہ توں ڈگمگا جاؤ گے کیوں جے لکھا اے، میں چرواہے نوں ماراں گا، تے گلے دیاں بھیڑاں تِتر بِتر ہو جان گئیاں‘‘ (متی26: 31).

فیر، مرقس 14: 27 وِچ،

’’یسوع نے اُوہناں نوں کہیا، تُسی سارے ڈگمگا جاؤ گے کیوں جے لکھا اے کہ میں چرواہے نوں ماراں گا، تے بھیڑاں تِتر بِتر ہو جان گئیاں‘‘ (مرقس14: 27).

شاگرداں دا اُوہنوں چھڈ دینا تے نٹھ جانا زکریا13: 7 وِچ اُوس پیشن گوئی دا پورا ہوجانا سی۔

’’لیکن ایہہ سب کُج ایس لئی ہویا کہ پاک کلام وِچ نبیاں دیاں لکھی ہوئی گلاں پوری ہو جان۔ فیر سارے شاگرد اُوہنوں چھڈ کے نٹھ گئے‘‘ (متی 26: 56).

II۔ دوجی گل، اُوہناں نے یسوع نے چھڈ دِتا تے نٹھ گئے کیوں جے اُو اِک برگشتہ نسل دے بندے سن۔

نسلِ انسانی اِک برگشتہ نسل اے۔ سانوں ایہہ کدی وی نئیں بُھلنا چائیدا اے،

’’اِک آدمی دے ذریعہ گناہ دُنیا وِچ داخل ہویا تے گناہ دے سبب توں موت آئی اُونج ای موت سارے انساناں وِچ پھیل گئی کیوں جے ساریاں نے گناہ کیتا‘‘ (رومیوں 5: 12).

ایہو ای وجہ اے کہ سارے لوکی ’’گناہواں وِچ مُردہ‘‘ پیدا ہوندے نے (افسیوں2: 5)۔ ایہو ای وجہ اے کہ سارے لوکی ’’فطرتاً قہر دے بچے‘‘ نے (افسیوں2: 3)۔ ابلیس تے ہر اِک گل دا الزام نہ لگاؤ! ابلیس سانوں غلام نئیں بنا سکدا جے اَسی فطرتاً گنہگار نہ ہوندے۔ آدم دی ساری آل اولاد فطرتاً گنہگار اے۔

شاگرد وی باقی دے نوع انسانی دے مقابلے وِچ کوئی چنگے نئیں سن۔ اُو، وی، ’’فطرتاً قہر دے پتر‘‘ سن۔ اُو، وی، ’’گناہواں وِچ مُردہ‘‘ سن۔ اُو، وی، ’’آدم دے ای پتر سن۔ جیویں کہ انگلستان دی بچیاں دی اِک پرانی کتاب ایہنوں لکھدی اے،

’’آدم دی برگشتگی وِچ
اَسی ساریاں نے گناہ کیتا۔‘‘

شاگرد جسمانی نیت دی ذہنیت رکھدے سن جیہڑے ’’خدا دے خلاف بغاوت‘‘ کردے سن (رومیوں8: 7)۔ ایویں ہر وری جدوں مسیح نے اُوہناں نوں خوشخبری دی منادی کیتی اُوہناں نے اُوہنوں مسترد کیتا۔ ڈاکٹر جے۔ ورنن میگی Dr. J. Vernon McGee نے کہیا،

[مسیح] نے اُوس حقیقت نوں کہ اُو یروشلم وِچ مرن دے لئی جا رہیا سی پنج وری دہرایا (متی [16: 21]؛ 17: 12؛ 17: 22۔23؛ 20: 18۔19؛ 20: 28)۔ ایس انتہائی شدید ہدایت دے باوجود، شاگرد، یسوع دے مُردیاں وِچوں جی اُٹھن دے بعد تیکر، [اُوس خوشخبری] دی اہمیت نوں گرفت وِچ لین دے لئی ناکام رئے سن (جے۔ ورنن میگی، ٹی ایچ۔ ڈی۔ J. Vernon McGee, Th.D.، بائبل وِچوں Thru the Bible، تھامس نیلسن پبلیشرز Thomas Nelson Publishers، 1983، جلد چہارم، صفحہ93؛ متی16: 21 تے غور طلب گل)

شاگرداں نے کیوں نئیں خوشخبری دی ’’اہمیت نوں گرفت‘‘ وِچ کیتا؟ جواد سادہ جیہا اے،

’’جے ساڈی خوشخبری ہُنے وی پوشیدہ اے تے صرف ہلاک ہون آلیاں دے لئی پوشیدہ اے‘‘ (2۔ کرنتھیوں4: 3).

یوحنا 20: 22 تے اپنی غور طلب گل وِچ ڈاکٹر میگی نے کہیا کہ شاگرد فیر توں پیدا (نئی تخلیق) نئیں ہوئے سن جدوں تیکر کہ اُوہناں دا سامنا مُردیاں وِچوں جی اُٹھے مسیح نال نئیں ہو گای، تے اُوہنے اُوہناں تے پھونکیا نئیں، تے ایہہ نئیں کہیا، ’’تُسی پاک روح پاؤ‘‘ (جے۔ ورنن میگی، ٹی ایچ۔ ڈی۔ J. Vernon McGee, Th.D.، ibid.، صفحہ498؛ یوحنا 20: 22 تے غور طلب گل)۔ ایس موضوع تے میرے واعظ پڑھن دے لئی ایتھے کلک کرو – “The Fear of the Disciples” – ’’ایہہ قول تے ایہدا مطلب اُوہناں توں پوشیدہ رہیا “This Saying Was Hid From Them، “The Conversion of Peter” ، “Peter Under Conviction” ، “The False Repentance of Judas”۔

’’اُودھوں سارے شاگرد اُوہنوں چھڈ کے نٹھ گئے‘‘ (متی26: 56).

کُج لوکی شاید تہانوں کہین کہ میں ایہہ کہن وِچ حد ای کر دِتی اے کہ مسیح دے مُردیاں وِچوں اُٹھن دے بعد تیکر، شاگرداں دی نئی تخلیق نئیں ہوئی سی تے اُو مسیح وِچ غیرتبدیل شُدہ سن۔ جے اُو تہاڈی سوچ اے تے فیر آؤ ایہدا دعا دی بھرپوری دے نال کلام مقدس دی روشنی وِچ جائزہ لینے آں۔

میں شدت دے نال محترم جناب آئیعن ایچ۔ میورے Rev. Iain H. Murray دی کتاب اُو پرانی انجیلی بشارت دے پرچار دی تعلیم The Old Evangelicalism (دی بینر آف ٹرٹھ ٹرسٹ The Banner of Truth Trust، 2005) نوں سراہانا واں۔ آئیعن ایچ۔ میورے نے عمومی طور تے مسیح وِچ ایمان لہیا کے تبدیل ہون دے بارے چہ گل کردے ہوئے کہیا، ’’اَج مسیح وِچ تبدیلی دے بارے چہ سچائی دی بحالی دی اشد لوڑ اے۔ ہزار نِکی نِکی گلاں نوں پھونک مار کے اُڈان دے لئی ایس موضوع تے دور رس بحث اِک صحت مند ہوئی ہووے گی‘‘ (صفحہ 68)۔ ایس بارے چہ مینوں لکھو۔ میں تہاڈے کولوں سُننا چاہنا واں ، تے میں ذاتی طور تے ہر بندے نوں جواب دیواں گا!

’’فیر سارے شاگرد اُوہنوں چھڈ کے نٹھ گئے‘‘ (متی 26: 56).

III۔ تیجی گل، اُوہناں نے یسوع نوں چھڈ دِتا تے نٹھ گئے کیوں جے اُوہناں دے کول ایس توں پہلاں گناہ دی انجیلی بشارت دے پرچار دی پرانی سزایابی نئیں سی۔

اُوہناں دے کول خود اپنی اہلیت وِچ شدید اعتماد سی۔ اَسی ایہنوں مسیح دے مُردیاں وِچوں جی اُٹھن تے اُوہناں دے ظاہر ہون توں پہلاں بارہا ویکھنے آں۔ مثال دے طور تے، جدوں یسوع نے پطرس نوں دسیا کہ اُو اُوہدا اُوسی رات انکار کرے گا،

’’پطرس نے کہیا، جے تیرے نال مینوں مرنا وی پہیئے فیر وی میں تیرا اِنکار نئیں کراں گا۔ اینج ای سارے شاگرداں نے وی کہیا‘‘ (متی 26: 35).

ڈاکٹر مارٹن لائیڈ جونز Dr. Martyn Lloyd-Jones نے کہیا،

گناہ دے عقیدے تے گناہ کی اے اُوس دی سمجھ دے بغیر کوئی وی انجیلی بشارت دے پرچار دی تعلیم سچی نئیں ہوندی… انجیلی بشارت دے پرچار دی تعلیم نوں خدا دی پاکیزگی، انسان دی گناہ نال بھرپوری تے بُرائی تے غلط کماں دے دائمی اثرات دے نال شروع ہونا چائیدا اے۔ ایہہ صرف انسان ای اے جِنہوں ایس طریقے دے نال اپنے جرم نوں ویکھن دے لئی سدیا جاندا اے جیہڑا آزادی تے مخلصی دے لئی یسوع وَل نٹھ کے جاندا اے (ڈی۔ مارٹن لائیڈ جونز، ایم۔ ڈی۔ D. Martyn Lloyd-Jones, M.D.، پہاڑی واعظ وِچ مطالعہ Studies in the Sermon on the Mount، انٹروارسٹی Intervarsity، 1959، جلد اوّل، صفحہ235؛ میں اصرار کیتا اے)۔

میں یقین کرنا واں کہ شاگرد پرانی انجیلی بشارت دے پرچار دی تعلیم وِچ گناہ دی سزایابی دے تحت نئیں آئے سن جدوں تیکر کہ اُوہناں ساریاں نے ’’اُوہنوں چھڈ نئیں دِتا تے نٹھ نئیں گئے۔‘‘ جدوں شاگرداں نے کُج عرصہ پہلاں کہیا سی، ’’اَسی یقین کرنے آں کہ توں خدا وَلوں اے،‘‘

’’یسوع نے اُوہناں نوں جواب دِتا، ہُن تے تُسی ایمان لے آئے۔ ویکھو، اُو ویلہ آ رہیا اے بلکہ آ پہنچا اے کہ تُسی سارے پراگندہ ہو کے اپنے اپنے گھر دی راہ لوؤ گے تے مینوں کلیاں چھڈ دیو گے…‘‘ (یوحنا 16: 30۔32).

میں یقین کرنا واں کہ مسیح دا انکار کرن دے بعد، پطرس دے غم تے سزایابی نوں دوجے شاگرداں نے وی محسوس کیتا سی۔ ’’تے پطرس باہر جا کے زار زار رویا‘‘ (لوقا22؛ 62)۔ ڈاکٹر ڈبلیو۔ جی۔ ٹی۔ شیڈ Dr. W. G. T. Shedd نے رائے دتی، ’’پاک روح اِک انسان دی عام طور تے نئی تخلیق نئیں کردا جدوں تیکر کہ اُو سزایابی آلاانسان نئیں ہوندا‘‘ (شیڈ Shedd، ڈاگمیٹک علم الٰہیات Dogmatic Theology، جلد دوئم، صفحہ 514)۔ تے شاگرد گناہ دی سزایابی وِچ اُودھوں تیکر نئیں آئے سن جدوں تیکر کہ اُوہناں نے دھوکہ دین دا گناہ نئیں کیتا۔ فیر اُو جان گئے سن کہ اُوہناں نوں اُوس [یسوع] دے مقدس لہو دے وسیلے توں پاک صاف کیتے جان دی اشد لوڑ سی۔ تہاڈے وِچوں کُج سوچدے نے کہ تُسی اپنے گناہ دی سزا دِتے بغیر پہلاں ای تبدیل ہو سکدے اُو! تُسی سوچدے اُو کہ تُسی ایس نظریے تے یقین کر کے نجات پا سکدے اُو کہ یسوع تہاڈے لئی مریا۔ تُسی اُودھوں تیکر تبدیل نئیں ہوو گے جدوں تیکر کہ تہانوں تہاڈے گناہ دی سزا نئیں مل جاندی! پطرس باہر گیا تے پھوٹ پھوٹ کے رویا۔ بوہتی سارے لوکی اپنے تبدیل ہون توں پہلاں پطرس وانگوں روندے نے۔ کی تُسی کڑوے اتھرو وگائے نے؟

اِطلاق

ہُن، نتیجے وِچ، میں واپس جاواں گے تے ایس نوں تہاڈے وِچوں اُوہناں تے لاگو کراں گا جیہڑے ہُنے تیکر مسیح وِچ غیرتبدیل شُدہ نے۔ کی تُسی محسوس کیتا کہ تُسی اِک تباہ حال گنہگار اُو، کہ خود تہاڈا اپنا دِل ’’دھوکے باز… تے شدید مکار اے‘‘؟ (یرمیاہ17: 9)۔ کی تُسی محسوس کیتا، ’’ہائے! میں کینج دا بدبخت بندہ آں! ایس موت دے بدن توں کون مینوں چھڈا ئے گا؟‘‘ (رومیوں7: 24)۔ کی تُسی خود وِچ اپنا سارا اعتماد گنوا چکے اُو؟ جیویں کہ ڈاکٹر لائیڈ جونز نے کہیا، ’’ایہہ صرف انسان ای اے جِنہوں ایس طریقے دے نال اپنے جرم نوں ویکھن دے لئی بُلایا جاندا اے جیہڑا آزادی تے مخلصی دے لئی یسوع وَل نٹھ کے جاندا اے‘‘ (ibid.)۔

یسوع دے ناں وِچ، ہم آہنگی دے نال، اِک مقدس حمدوثنا دا گیت گائیے،
تے سوچیے کہ کیہو جئی شفایابی دیاں دھاراں اُوہنے لہو نال وگدے ہر بازو وِچ اُنڈیلیاں۔

ہائے، کون دس سکدا اے کیویں دشمناں نوں اُوہنے برداشت کیتا جدوں اُو خالص لہو وگایا گیا،
کیویں درد نے اُوہدی اذیت زدہ پیشانی نوں چیریا جدوں ساڈے جرم نال اُو بھاری سی؟

ایہہ توھین دی ذلت آمیز واج نئیں سی جیس نے ایس قدر گہرائی دے نال اُوہدے دِل نوں نچوڑیا؛
اُو کُھبھن آلے کیل، اُو نوکیلے کنڈے، غمزدہ درد دا باعث نئیں سن۔

مگر ہر جدوجہد کردی ہوئی آہ نے اندر ای اندر اِک بھاری دُکھ نوں دھوکہ دِتا،
کیویں اُوہدی دبی ہوئی جان تے انسانی گناہ دا وزن لد دِتا گیا۔

کون اے جیہڑا ساڈے گناہ دے بھاری بوجھ نوں برداشت کرن دے لئی ہیٹاں آیا،
سانوں اپنی راستبازی پہنن نوں بخشی، تے ساڈے خدا تیکر ساڈی رہنمائی کیتی۔
   (’’خُداوند نے اُوہدے تے لد دِتا The Lord Hath Laid on Him‘‘ شاعر ولیم ہائیلے باتھرسٹ William Hiley Bathurst، 1796۔1877؛
      ’’حیرت انگیز فضل Amazing Grace‘‘ دی طرز تے تیار کیتا گیا۔)

تہانوں اپنے گناہ نوں ایہنی شدت دے نال محسوس کرنا چائیدا کہ تُسی حقیقی اتھرواں دے نال چلاؤ تے روؤ جیویں کہ اُو اُوتھے چین وِچ حیاتِ نو وِچ کردے نے۔

اِک لمحے وِچ میں تہانوں کہواں گا کہ تُسی آؤ تے نجات پان دے بارے وِچ گل کرن دے لئی پہلی دو قطاراں وِچ بیٹھو۔ تہاڈے وِچوں کُج ایس دے بغیر آ سکدے نے کہ تہانوں کوئی فائدہ نئیں ہووے گا۔ تُسی ایدھروں اِک گواچے ہوئے گنہگار وانگوں ٹر جاؤ گے۔ ایہہ تہانوں ایتھے آن وِچ مدد کیوں نئیں دیوے گا؟ کیوں جے تُسی گواچیا ہویا محسوس ای نئیں کردے۔ تُسی شاگرداں وانگوں اُو۔ تہانوں اپنے آپ تے بوہتا اعتماد اے۔ تُسی سوچدے اُو کہ تُسی اپنی حیاتی اِک مسیحی دے طور تے لنگہا سکدے اُو جیویں کہ تُسی اُو۔ لیکن تُسی غلطی تے اُو۔ چھیتی یا تھوڑے ویلے بعد شیطان آوے گا تے تہانوں آزمائے گا۔ تے تُسی اُوہی کرو گے جیہڑا شاگرداں نے کیتا سی۔ تُسی مسیح نوں چھڈ دیو گے۔ تُسی ایس گرجا گھر نوں چھڈ دیو گے۔ تُسی گناہ دی حیاتی وِچ ٹُر جاؤ گے۔ اَسی ایہہ کیویں جاننے آں؟ کیوں جے میں 42 وریاں توں مسیحی آں۔ کیوں جے ڈاکٹر ہائیمرز 61 وریاں توں تبلیغ کر رئے نے۔ میں تہاڈے وگرے سینکڑوں لوکاں نوں ویکھیا اے۔ ایویں میں جاننا واں کہ تُسی مسیح نوں اینج چھڈ دیو گے جیویں اُوس راتی شاگرداں نے کیتا سی۔ چھیتی یا تھوڑے ویلے بعد تُسی بالکل اینج ای کرو گے جیہڑا اُوہناں نے کیتا سی۔ تہانوں نئیں لگدا کہ تُسی کرو گے۔ لیکن تُسی غلط اُو! اپنے نال ایماندار رہوو۔

تہانوں اپنے دِل وَل ویکھنا چائیدا اے۔ تہانوں اپنے گناہ نوں محسوس کرنا چائیدا اے۔ تہانوں یسوع وِچ اپنے ایمان دی کمی نوں محسوس کرنا چائیدا اے۔ تہانوں محسوس کرنا چائیدا اے کہ تُسی اِک گواچے ہوئے گنہگار اُو! تہانوں قصوروار محسوس کرنا چائیدا اے – یسوع تے پروہسا نہ کرن دا قصور۔ اُوہی سارے گناہواں وِچ سب توں وڈا گناہ اے – یسوع تے پروہسا نہ کرن دا گناہ۔ یسوع نے کہیا، ’’جیہڑا [یسوع] تے ایمان نئیں لہیاندا اُوہدے تے پہلاں ای توں سزا دا حکم جاری ہو چکیا اے‘‘ (یوحنا3: 18)۔ تہانوں جہنم وِچ جان تیکر دا انتظار کرن دی لوڑ نئیں اے۔ تُسی پہلاں ای سزایافتہ اُو۔ ڈاکٹر لائیڈ جونز نے کہیا، ’’ایہہ صرف اُوسی ویلے ہوندا اے جدوں [تہانوں] اپنے قصور نوں ایس طریقے دے نال ویکھن [تے محسوس کرن] دے لئی لہیا جاندا اے کہ تُسی مخلصی تے نجات دے لئی مسیح دے کول آؤ گے۔‘‘ کی تہانوں اپنے گناہ دا احساس اے؟ جے تُسی اپنے گناہ نوں محسوس کردے اُو تے ایہہ تہانوں پشیمان کردا اے، تے فیر تُسی شاید یسوع دے کول آ سکدے اُو تے اُوہدے تے پروہسا کر سکدے اُو تے اُوہدے وسیلے توں نجات پا سکدے اُو تے اُوس لہو دے وسیلے توں جیہڑا اُوہنے تہانوں تہاڈے گناہ توں پاک صاف کرنے دے لئی وگیا سی دُھل کے پاک صاف ہو سکدے اُو۔ صحیح معنیاں وِچ نجات پان دا ہور کوئی دوجا رستہ نئیں اے۔ میں ایس توں علاوہ کسی دوجی خوشخبری نوں نئیں جانندا – یسوع تے پروہسا کرو تے تُسی پاک صاف ہو جاؤ گے۔ کلوری دی سولی تے وگایا گیا یسوع دا لہو تہاڈی واحد اُمید اے! فیر وی تُسی یسوع یا اُوہدے لہو دا ذکر نئیں کردے! کیوں نئیں؟ کیوں جے تُسی اپنے گناہ نوں محسوس ای نئیں کردے – ایس وجہ توں! ایس وجہ توں ! ایس وجہ توں! تُسی دُرست لفظاں نوں سیکھن دی کوشش کر رئے اُو۔ تُسی دُرست عقائد تے یقین کرن دی کوشش کر رئے اُو۔ تُسی کہندے اُو، ’’میں یقین کرنا واں کہ یسوع میرے لیے قربان ہو گیا۔‘‘ ہائے، تُسی کیہنے احمق اُو! آگسٹین نے کہیا، ’’ساڈے دِل اُوس ویلے تیکر بے چین رہندے نے جدوں تیکر اُو تیرے وِچ آرام تے سکون نہ پا لین۔‘‘ اُوتھے نجات دہندہ دی رگاں توں وگدے لہو دے نال ایک لبریز چشمہ اے۔ تے گنہگار اُوس لہو وِچ ڈبکی لہاندے نے تے اپنے سارے قصوراں دے دھبے دھو لیندے نے۔ یسوع دے کول ہُنے ای آؤ۔ اُوہدے مقدس لہو دے وسیلے توں ہر گناہ توں پاک صاف ہو جاؤ! جے تُسی یسوع تے پروہسا کرن دے بارے چہ گل بات کرنا چاہندے اُو تے مہربانی نال آؤ تے اگلی دو قطاراں وِچ بیٹھ جاؤ۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلا ں کلیاں گیت مسڑ جیک نعان Mr. Jack Ngann گایا سی:
’’تنہاAlone‘‘ (شاعر بین ایچ پرائز Ben H. Price، 1914)۔