خدا تہانوں دہ یکی دین دا حکم دیندا اے

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

خدا نے اسرائیل نوں دسیا کہ ایہناں دی زمین چہ اُوگن آلی فصلاں تے پھلاں دا دسواں حصہ اُوسی دا اے۔ خدا نے کہیا کہ جانوراں دے ریوڑ تے ریوڑ دا دسواں حصہ اُوسی دا اے۔ ٖ’’دسواں حصہ خداوند دا اے‘‘ (احبار27: 30)۔ خدا نے اُوہناں نوں حکم دِتا کہ اُو اپنا دسواں حصہ اُوہنوں دین۔ اَج میں دہ یکی دے بارے چہ چند نکات سامنے لیہیانا چاہنا آں۔

دسواں حصہ دہ یکی ہوندا اے۔ ساڈی تلاوت ایس گل نوں واضح کردی اے،

’’تے گلّے تے ریوڑ دی دہ یکی یعنی ہر دسواں جانور جیہڑا چرواہے دی لاٹھی دے ہیٹاں توں لنگہدا اے [ایہدے نال تعلق رکھدے ہوئے] خداوند دے لئی پاک ہووے گا‘‘ (احبار27: 30، 32)۔

خدا نے ایہسی آیت وِچ لفظ ’’دہ یکی‘‘ تے لفظ ’’دسواں‘‘ دِتا اے۔ دوویں الفاظ اِک ای شے دی گل کردے نے۔ دہ یکی دسواں حصہ اے۔

ایہہ گل خود ایہناں لفظاں نال واضح اے۔ لفظ ’’دہ یکی‘‘ دا تعلق لفظ ’’دس‘‘ توں اے۔ جے تُسی کسی شے نوں چار حصیاں وِچ تقسیم کردے اُو تے ہر حصہ پورے دا چوتھا حصہ ہوندا اے۔ جے تُسی اُوہنوں پنج حصیاں وِچ تقسیم کردے اُو، تے ہر حصہ پورے دا پنجواں حصہ اے۔ جے تُسی ایہنوں دس حصیاں وِچ تقسیم کردے اُو، تے ہر حصہ پورے دا دسواں حصہ اے – دسواں حصہ۔ ایہہ نا صرف انگریزی وِچ سچ اے۔ ایہہ دوجیاں زباناں وِچ وی سچ اے۔ ’’دہ یکی‘‘ دے لئی ہسپانوی لفظ ’’ڈیزموdiezmo‘‘ اے، جیہڑا لفظ ’’ڈیزdiez‘‘ توں آیا اے، جیس دا مطلب اے ’’دس‘‘۔ ’’دہ یکی‘‘ دا فرانسیسی لفظ ’’ڈائمdime‘‘ اے جیہڑا لفظ ڈکسdix‘‘ توں نکلا اے جیس دا مطلب اے ’’دس‘‘۔ ساڈا ’’ڈائمdime‘‘ ایہسی لفظ توں آندا اے۔ دس ڈائمز اِک ڈالر بناندے نے۔ اِک ڈائم اِک ڈالر دا دسواں – دسواں حصہ۔ دہ یکی دسواں حصہ اے۔ تہاڈی آمدنی دا دسواں حصہ، تہاڈی آمدنی دا دسواں حصہ۔ دسواں حصہ خدا دا اے۔

موسیٰ دی شریعت دے دِتے جان توں پہلاں، جیہڑے لوکی اسرائیل دے خدا تے پروہسا کردے سن اُو دسواں حصہ ادا کردے سی۔ ابراہام، سالم دے بادشاہ مِلک صدق دے کول گیا، ’’اعلیٰ ترین خدا دا کاہن‘‘ (پیدائش14: 18)۔ تے ابراہام نے ’’ایہنوں ساریاں دا دسواں حصہ دِتا‘‘ (پیدائش14: 20)۔

موسیٰ دے زمانے وِچ، خدا نے اسرائیل نوں حکم دِتا کہ اُو اپنی دہ یکی ایہنوں دین۔ ’’دہ یکی خداوند دی اے۔‘‘ اوہناں نے اینج کیویں کیتا؟ ابراہام اپنی دہ یکی ملِک صدق دے کول لیہایا، جیہڑا کہ ’’اعلیٰ ترین خدا دا کاہن‘‘ اے۔ بنی اسرائیل اپنی دہ یکی لاویاں دے کول لیہائے، اُو لوکی جِنہاں نوں خدا نے خیمہ گاہ دا انچارج بنن دے لئی چُنیا سی۔ خدا نے کیہیا،

’’لیکن اسرائیل دے بچیاں دی دہ یکی جیہڑی اُو خداوند دے حضور پیش کردے نے، میں لاویاں دی میراث قرار دِتی اے‘‘ (گنتی18: 24)۔

فیر خداوند نے لاویاں نوں دہ یکی دین دے لئی کیہیا۔ اُوہنے اُوہناں نوں جو کُج اُو حاصل کردے نے اُوہدہ دسواں حصے اُوہنوں دین دے لئی کہیا۔ بائبل کہندی اے،

’’جدوں تُسی بنی اسرائیل توں اُو دہ یکی لوؤ جِنہوں میں تہانوں میراث وِچ دینا آں فیر تُسی اُوس دہ یکی دا دسواں حصہ خداوند دے حضور وِچ چُکن دی قربانی دے طور تے گزراننا‘‘ (گنتی18: 26)۔

لاویاں نوں دسیا گیا سی کہ اُو دہ یکی جِنہوں اُو لیہندے نے اُوہدا دسواں حصہ پیش کرن – یہ یکی دا دسواں حصہ۔

دہ یکی نوں دین توں انکار کرنا اِک بوہتا وڈا گناہ اے۔ دہ یکی نہ دینا ’’خداوند نوں ٹھگنا‘‘ کہلاندا اے – خدا کولوں چوری کرنا۔ بائبل کہندی اے،

’’کی کوئی بندہ خدا نوں ٹھگے گا؟ لیکن تُسی میہنوں ٹھگدے اُو تے پُچھدے اُو کہ اَسی کیس گل وِچ تیہنوں ٹھگنے آں؟ دہ یکیاں تے ہدیاں وِچ؟‘‘ (ملاکی3: 8)۔

اُو گنہا لوکان تے خدا دی لعنت لے کے آیا۔ بائبل کہندی اے،

’’تہانوں لعنت دے نال معلون کیتا گیا اے: کیوں جے تُسی میہنوں ٹھگیا اے، اتیھوں تیکر کہ تہاڈی ساری قوم معلون اے‘‘ (ملاکی3: 9)۔

خدا دی برکات نوں واپس پان دی واحد راہ اُوہدی فرمانبرداری کرنا تے دہ یکی ادا کرنا سی۔ خداوند نے کہیا،

’’اُو ساری دی یکی ذخیرہ خانے وِچ لیہیاؤ تاکہ میرے گھر وِچ خوراک ہووے، تے ایس گل وِچ مینہوں آزما دے ویکھو۔ خداوند خدا فرماندا اے، تے ویکھو مٰں آسمان دے دریچیاں نوں کُھول کے ایس قدر برکتاں برساواں گا کہ تہاڈے کول رکھن نوں تھاں نہئیں رئے گی‘‘ (ملاکی 3: 10)۔

جِنہاں لوکاں نے دہ یکی دین توں انکار کیتا خداوند نے اُوہناں نوں ملعون قرار دِتا۔ تے اُوہنے اُوہدے لئی برکات دا وعدہ کیتا جیہڑے اُوہدے حضور وِچ دہ یکی پیش کردے نے۔ میں خوشحالی دی علم الہٰیات دی تعلیم نہئیں دے رہیا آں۔ میں کدی وی نہئیں کہیا کہ تُسی امیر ہو جاؤ گے جے تُسی دہ یکی ادا کرو گے۔ لیکن میں ایہہ ضرور کہیا اے کہ جیہڑے لوکی دہ یکی دیندے نے خداوند نے اُوہناں دے نال برکتاں دین دا وعدہ کیتا اے۔

اُو اپنی دہ یکی کدروں لیہائے؟ موسیٰ دے زمانے وِچ، اُو اپنی دہ یکی خیمہ گاہ [عبادت گاہ] وِچ لیہائے، اُو تھاں جیتھے خدا نے اپنے لوکاں دی عبادت تے قربانیاں نوں قبول کیتا۔ ملاکی دے زمانے وِچ، یروشلم چہ خدا دا ذخیرہ ہیکل سی۔ ایہہ اُو تھاں سی جیتھے لوکی اپنی دہ یکی لیہاندے سن۔

کُج لوکی کہندے نے کہ اہ دہ یکی صرف پرانے عہدنامے دے لئی سی۔ اُو کہندے نے کہ اَج مسیحیاں نوں دہ یکی دین دی لوڑ نہئیں پیہندی۔ لیکن اُو غلط نے۔ نئے عہدنامے وِچ، خود یسوع نے لوکاں نوں دہ یکی دین دے لئی کہیا، مسیح نے فریسیاں نوں کہیا،

’’اے شریعت دے عالمو تے فیریسیوں، اے ریاکارو! تہاڈے تے افسوس، کیوں جے تُسی پودینہ، سونف تے زیرہ دا دسواں حصہ تے خدا دے ناں تے دیندے اُو لیکن شریعت دی بوہتی وزنی گلاں یعنی انصاف، رحمدلی تے ایمان نوں فراموش کر بیٹھے اُو۔ تہاڈے لئی لازم سی کہ ایہہ وی کردے تے او وی نہ چھڈدے‘‘ (متی23: 23)۔

مسیح نے کہیا کہ فریسیاں نے ’’انصاف، رحمدلی تے ایمان‘‘ تے عمل نہئیں کیتا سی۔ لیکن اُوہنے اُوہناں نوں ایہہ وی کہیا کہ ’’دوجی [دہ یکی!] نوں ادھورا نہ چھڈن۔‘‘ نیا عہدنامہ سانوں سکھاندا اے کہ ’’دوجی نوں ادھورا نہئیں چھڈنا‘‘ – دہ یکی ترک نہئیں کرنی۔

اَسی اپنی دہ یکی کِدروں لیہائیے؟ کلیسیا دے زمانے وِچ خدا دا گھر مقامی گرجا گھر اے۔ بائبل ’’خدا دے گھر دے بارے وِچ گل کردی اے، جیہڑا زندہ خدا دی کلیسیا اے، سچائی دا ستون تے بنیاد اے‘‘ (1 تیمتھیس3: 15)۔ افسیوں دی کتاب کلیسیا نوں اِک گھر دے طور تے بیان کردی اے، ’’جیہڑی رسولاں تے نبیاں دی بنیاد تے تعمیر کیتی گئی اے، یسوع مسیح خود اُوس بنیاد دا اہم ترین پتھر اے؛ اُوسی وِچ ایہہ ساری عمارت باہم پیوست ہو کے خداوند دے لئی پاک مقدس بنندی جا رئی اے‘‘ (افسیوں2: 20، 21)۔ مقامی گرجا گھر وِچ اپنی دہ یکی لے کے آؤ!

مسیح دے ہر شاگرد نوں دہ یکی دین دا حکم ہویا اے – ایتھوں تیکر کہ جے تُسی ہُنے تیکر مسیح وِچ ایمان لیہیا کے تبدیل نہئیں وی ہوئے اُو۔ رسولاں نے مسیح دے اپنے مسیح وِچ ایمان لیہیا کے تبدیل ہون توں پہلاں پیروی کیتی سی۔ اُو نجات پائے جان توں پہلاں ای مسیح دی شاگرد بن چکے سن۔ بائبل اُوہناں دے بارے وِچ کہندی اے،

’’اُوہناں بارہ نوں یسوع نے روانہ کیتا تے اُوہناں نوں ایہہ کہندیاں ہویاں حکم دِتا… منادی کرو، منادی کرنا کہ آسمان دی بادشاہی نیڑے آ گئی اے۔ بیماراں نوں شفا دینا، کوڑھیاں نوں کوڑھ توں پاک صاف کرنا، مُردیاں نوں زندہ کرنا، بندروحاں نوں کڈنا‘‘ (متی10: 5۔8)۔

مسیح نےاُوہناں دے مسیح تے ایمان لیہیا کے تبدیل ہون توں پہلاں منادی کرن دے لئی اُوہناں نوں باہر پیجیا – ایتھوں تیکر کہ غدار یہوداہ نوں وی۔ یہوداہ دے بارے وِچ گل کردے ہوئیاں یسوع نے شاگرداں نوں کہیا، ’’تہاڈے وِچوں اِک شیطان اے‘‘ (یوحنا6: 70)۔ تے ’’شیطان‘‘ یہوداہ انجیلی بشارت تے منادی دے لئی نکلیا۔

کی خیال اے، کی تہانوں نجات پان توں پہلاں گرجا گھر توں دور رہنا چائیدا اے؟ کی تہانوں کہنا چائیدا اے، ’’میں گھر رہواں گا۔ میں اُودھوں تیکر انتظار کراں گا جدوں تیکر میں مسیح وِچ ایمان لیہیان آلی تبدیلی نہئیں کر لیندا، تے فیر میں گرجا گھر آواں گا‘‘؟ ہرگز نہئیں! فوراً گرجا گھر آؤ تے آندے رہوؤ جدوں تیکر کہ تُسی نجات نہ پا لوؤ۔ فیر تُسی آؤ گے کیوں جے تُسی نجات پا چکے اُو۔ کی تہانوں نجات پا لین دے بعد تیکر لوکاں نوں گرجا گھر وِچ مدعو کرن توں انکار کر دینا چائیدا اے؟ ہرگز نہئیں! کی تہانوں فیر توں جنم لین تے گرجا گھر دا رُکن بنن تیکر دہ یکی دین توں انکار کرنا چائیدا اے؟ ہرگز نہئیں! ہُنے ای تُسی اِک شاگرد بنو، ایس توں پہلاں کہ تُسی مسیح وِچ ایمان لیہیا کے تبدیل ہو جاؤ۔ گرجا گھر آؤ۔ انجیلی بشارت کرو۔ تے دہ یکی دیو!

کوئی کہندا اے، ’’اَسی زائرین نوں کہنے آں کہ پیسے نہ دیو۔ لہٰذا میں نہئیں دیاں گا۔‘‘ ہاں، اَسی زائرین نوں کہنے آں کہ پیسے نہ دیو۔ اُوہناں وچوں کُج سوچ سکدے نے کہ گرجا گھر صرف اُوہناں دے روپئیاں نال ٹُردا اے۔ اَسی چاہنے آں کہ اُو مسیح تے کلیسیا دے بارے وچ سوچن، ایس لئی اسی اُوہناں توں مطالبہ کرنے آں کہ اُو نہ دین۔

جدوں تُسی گرجا گھر وچ آنا شروع کردے اُو، تے تُسی تشریف لہیا رئے ہوندے اُو۔ تُسی ساڈے مہمان ہوندے اُو۔ اسی تہانوں درخواست کرنے آں کہ نذرانے دی پلیٹ وچ کوئی رقم نہ پائیو۔ لیکن جے تُسی گرجا گھر دے بپتسمہ یافتہ رکن اُو، یا جے تُسی بپتسمہ یافتہ رکن بنن لئی تعلیم حاصل کر رئے اُو، یا جے تُسی اِک ورے یا ایہدے توں زیادہ عرصے توں شرکت کر رئے اُو، تے دہ یکی ادا کرو! اپنی آمدنی دا دسواں حصہ گرجا گھر نوں دیو۔ ایہہ کرنا صحیح کَم اے!

V۔ پنجویں گل، چاہے تُسی دہ یکی ادا کرو [ایہہ] وکھاؤ کہ تہاڈا دِل کیتھے اے۔

تُسی اپنے پیسیاں نال کی کردے اُو ایہدے توں پتہ چلدا اے کہ تہاڈا دِل کیتھے اے۔ ایہہ اُوہناں ای آسان اے جیہناں ہو سکدا اے۔ کی تہاڈے دلکش الفاظ ظاہر کردے اُو کہ تہاڈا دِل کیتھے اے؟ نئیں، تُسی اپنے پیسیاں نال کی کردے اُو ایہدے توں پتہ چلدا اے کہ تہاڈا دِل کیتھے اے! ایہہ اُوہناں ای آسان اے۔ ایویں کیہنے کہیا؟ یسوع نے اینج کہیا! اُوہنے کہیا،

’’جیتھے تیرا مال [تیرا پیسہ] اے، اوتھے ای تیرا دِل وی ہووے گا‘‘ (متی6: 21)۔

تُسی اپنے پیسیاں نال کی کردے اُو ایہدے توں پتہ چلدا اے کہ تہاڈا دِل کیتھے اے۔ جے تُسی اپنے پیسے نال خُدا دی اطاعت کردے اُو، تے ایہہ تہاڈے دِل دے بارے وچ کُج ظاہر کردا اے۔ جے تُسی اپنے پیسیاں نال خُدا دی نافرمانی کردے اُو تے ایہہ تہاڈے دِل نوں وی ظاہر کردا اے۔ اِک وری فیر، مسیح نے کہیا،

’’تُسی خُدا تے دولت [پیسہ] دوواں دی خدمت نئیں کر سکدے‘‘ (متی6: 24)۔

جو کُج تُسی اپنے پیسیاں نال کردے اُو اُوہدے توں ظاہر ہوندا اے کہ آیا تُسی مسیح نال محبت کردے اُو تے اُوہدی اطاعت کردے اُو۔ جے پیسہ تہاڈا خُدا اے، تے تُسی حقیقی خُدا دی خدمت نئیں کر سکدے۔

کوئی کہہ سکدا اے، ’’پیسہ نجات نئیں خرید سکدا۔ ایس لئی میں انتظار کراں گا جدوں تیکر کہ میں دہ یکی دین توں پہلاں نجات نئیں پا لیندا۔ دہ یکی دینا تہاڈی نجات نئیں خرید سکدا۔ ساڈے گرجا گھر وچ کسی نے نئیں کہیا کہ اینج ہووے گا۔ لیکن کی دہ یکی دین توں انکار کرن نال تہانوں نجات مل جاوے گی؟ نئیں، ایہہ اِک رکاوٹ ہووے گی۔ جے تُسی گرجا گھر آن توں انکار کردے اُو، تے ایہہ تہانوں نجات پان وچ مدد نئیں کرے گا؛ ایہہ تہانوں نجات پان توں دور رکھے گا۔ جے تُسی انجیلی بشارت کرن توں انکار کردے اُو، تے ایہہ تہانوں نجات پان وچ مدد نئیں کرے گا۔ تے جے تُسی دہ یکی دین توں انکار کردے اُو، تے اُو خود غرضانہ انکار تہانوں بچائے جان توں روک سکدا اے، کیوں جے ایہہ تہاڈے دل وچ خود غرضانہ انکار تے بغاوت نوں ظاہر کردا اے۔

میرا اِک قول اے: ’’پیسہ اُو زبان اے جیہنوں ہر کوئی سمجھدا اے۔‘‘ ہر کوئی انگریزی نئیں سمجھدا۔ کُج لوکی انگریزی نئیں بلکہ ہسپانوی بولدے نے۔ کُج لوکی انگریزی نئیں بلکہ چینی بولدے نے۔ لیکن سارے جانندے نے کہ پیسہ کی اے۔

پیسہ ایس گل دا امتحان اے کہ آیا تُسی خُدا نال محبت کردے اُو تے اُوہدی اطاعت کردے اُو۔ کُج لوکی خوبصورت الفاظ کہندے نے۔ اُو کہندے نے کہ اُو یسوع نال محبت کردے نے۔ لیکن جدوں تُسی اُوہناں توں دہ یکی منگدے اُو تے اُو بہانہ بناندے نے۔ ایہہ لوکی خُدا نال بالکل محبت نئیں کردے۔ اُو من پسند گلاں کردے نے۔ لیکن جدوں تُسی اُوہناں نال پیسے دی زبان وچ گل کردے اُو – جیہنوں ہر کوئی سمجھدا اے – تے اُو بہانے بنا کے نٹھ جاندے نے۔ اُیہدے توں پتہ چلدا اے کہ اُو کیس قسم دے لوکی نے۔ یسوع نے کہیا، ’’جیتھے تہاڈا خزانہ اے، اوتھے تہاڈا دِل وی ہووے گا۔‘‘ تہاڈا دِل کیتھے اے؟

VI۔ چھٹی گل، تہانوں دہ یکی کیویں دینی چائیدی اے؟

ایہہ آسان جئی گل اے۔ بائبل کہندی اے، ’’ ساری دہ یکی ذخیرہ خانے وچ لے آؤ‘‘ (ملاکی3: 10)۔ ہر ہفتے، تہانوں ملن آلی رقم (تہاڈی آمدنی) دا دسواں حصہ الگ کر دیو۔ ایہنوں ذخیرہ خانے وچ لے آؤ – گرجا گھر – تے جدوں اسی دی یکیاں لیئیے تے اُوہنوں ٹوکری وچ پا دیو۔ جے تہانوں ہر دو ہفتے یا مہینے وچ اِک وری ادائیگی ملدی اے، تے دہ یکی تقسیم کرو تاں جے تُسی ہر ہفتے ایہنی ای رقم دے سکو۔ جے تُسی طالب علم اُو تے تہاڈی آمدنی کم اے، تے تُسی جو کُج حاصل کردے اُو اُوہدی دہ یکی دیو۔ جے تُہانوں ہفتے وچ دس ڈالر ملدے نے، تے تہاڈا دسواں حصہ ہفتے وچ اِک ڈالر اے۔ تُسی کہہ سکدے اُو، ’’میں مزید پیسے کمان تیکر انتظار کراں گا۔‘‘ لیکن یسوع نے کہیا، ’’جیہرا چھوٹی وچ وی دیانت دار اے اُو زیادہ وچ وی وفادار اے‘‘ (لوقا16: 10)۔ جے تُسی نوجوان ہوندے اُو تے دہ یکی دین وچ وفادار اُو تے تہاڈی آمدنی کم اے، تے بعد وچ جدوں تہاڈے کول نوکری ہووے گی تے تُسی زیادہ پیسہ کماؤ گے، تے تُسی وی وفادار رہوو گے۔ تُسی اُوہدے عادی ہو جاؤو گے۔

تے اِک ہور گل اے۔ دہ یکی بیشک نہ دیو، نذرانہ دیو! خُدا نے کہیا کہ لوکاں نے اُوہنوں ’’دہ یکی تے نذرانے وچ لُٹیا‘‘ (ملاکی3: 8)۔

نذرانہ کی اے؟ ہدیہ اِک خاص مقصد لئی دہ یکی توں بالا تر اِک تحفہ اے، جیویں مشنز۔ ساڈے گرجا گھر وچ، اسی مہینے وچ اِک وری مشنز لئی ہدیہ لینے آں۔ اسی دوجے مقاصد لئی ہدیے لینے آں۔ ہاں، دہ یکی توں شروع کرو۔ دہ یکی وچوں کدی نہ چھینو۔ لیکن فیر، دہ یکی بڑھ کے ہدیات دیو۔

آیا تُسی خدا دی فرمانبرداری کردے اُو ایہہ ظاہر کردا اے کہ تہاڈا دل کیتھے اے۔ تُسی اپنے پیسیاں نال کی کردے اُو ایہدے توں پتہ چلدا اے کہ تہاڈا دِل کیتھے اے۔ بائبل [تے ایمان رکھن آلا] اِک مسیحی اپنے مقامی گرجا گھر نوں دہ یکی تے نذرانہ دیندا اے۔ خُدا تہانوں برکت دیوے جیویں کہ تُسی کردے اُو۔ آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔