ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اندریاس یوحنا بپتسمہ دین آلے دا اِک شاگرد سی۔ اُو یوحنا بپتسمہ دین آلے توں سُن چکیا سی کہ یسوع ’’خدا دا برّہ‘‘ اے (یوحنا1: 36)۔ تے اینج اُو ’’یسوع دی پیروی کردا اے‘‘ (یوحنا1: 37)۔ اندریاس یسوع دا اِک شاگرد بن گیا۔ اُو اپنے پرھا شمعون پطرس دے کول گیا تے اُوہنوں یسوع دے کول لہایا۔ پطرس آپئے اِک شاگرد بن گیا۔ بعد چہ پطرس مسیح وِچ ایمان لیہا کے تبدیل ہویا تے اُو عظیم شاگرد بنیا جِنہے پینتیکوست دے دِن منادی کیتی سی جدوں تین ہزار لوکاں نوں نجات لبھی سی۔

ایہہ سارا کُج اُوس ویلے شروع ہویا سی جدوں اندریاس اپنے پرھا نوں یسوع دے کول لیہایا سی۔ اندریاس ایہنا بوہتا کُج نئیں جانندا سی۔ اُو آپئے ہُنے تیکر مسیح وِچ ایمان لیہا کے تبدیل نئیں ہویا سی۔ لیکن اُو یسوع دے کول اپنے پرھا نوں لے جان دے بارے چہ جانندا سی۔ تے ایہہ ای [کم اے] جیہڑا تہانوں کرنا چائیدا اے کہ مسیح دے لئی اپنے رشتہ داراں نوں جِیتو۔ تہانوں ایہہ کینج کرنا چائیدا اے؟ تہانوں کیہڑا طریقہ استعمال کرنا چائیدا اے؟ کیوں، اُوہی طریقہ کار اَسی ہر کسی نوں بشارت دین دے لئی استعمال کرنےآں!

ساڈے گرجا گھر وِچ اَسی لوکاں دی رہنمائی دے لئی سڑک تے ’’گنہگار دی دعا‘‘ وِچ نئیں جاندے۔ ایہہ طریقہ کارگر نئیں اے۔ لوکی سڑک تے مسیح وِچ ایمان لیہا کے تبدیل نئیں ہوندے۔ اُو گرجا گھر نئیں آندے۔ اَسی ایہنوں آزمایا اے۔ ایہہ کم نئیں کردا۔

خدا نے ساڈے پادری ڈاکٹر ہائیمرز نوں اِک طریقہ وکھایا جیہڑا کم کردا اے۔ یسوع نے کہیا، ’’باہر شاہراہواں تے باڑھاں وِچ جاؤ، تے اُوہناں نوں گھر وِچ آن تے مجبور کرو‘‘ (لوقا14: 23)۔ ڈاکٹر ہائیمرز نے ایس آیت دی بنیاد تے اُو طریقہ تیار کیتا جیہڑا اَسی اپنے گرجا گھر وِچ استعمال کرنے آں۔ اَسی لوکاں نوں گرجا گھر وِچ مدعو کرنے آں تے [سب توں] پہلاں اُوہناں کولوں اُوہناں دا ناں تے فون نمبر منگنے آں۔ اَسی اُوہناں نوں ٹیلی فون کرنے آں تے اُوہناں دے لئی گرجا گھر وِچ آن دے لئی سواری دا بندوبست کرنے آں۔ جدوں اُو آندے نے تے اُوہناں دا ویلہ چنگا ٹپدا اے۔ اُو بیلی بناندے نے، اُو ساڈے نال کھانا کھاندے نے۔ اَسی ہر سویرے دی عبادت دے بعد دوپہر دا کھانا تے ہر شام دی عبادت دے بعد رات دا کھانا کھانے آں۔ جدوں اُو آندے نے تے اُو خوشخبری سُنندے نے جیس دی منادی کیتی جاندی اے۔ کُج لوکاں نے مسیح تے پروہسا کیتا جدوں اُو پہلی وری آئے، جیویں مسز ہائیمرز تے دیگر۔ بوہتے سارے لوکی اپنے تبدیل ہون توں پہلاں ہفتیاں یا مہینیاں دے لئی آندے نے۔ ایہہ طریقہ کم کردا اے۔ ایہہ دراصل لوکاں نوں گرجا گھر دے لئی تے گرجا گھر وِچ لیہاندا اے تاکہ اُو انجیل نوں سُن سکن تے مسیح تے پروہسا کر سکن۔ ساڈے گرجا گھر وِچ تقریباً ہر کوئی ایتھے اے کیوں جے کسی نے ایہہ طریقہ استعمال کیتا تے اُوہناں نوں مدعو کیتا۔ ایہہ کم کردا اے!

تے اینج تُسی اپنے خاندان نوں انجیلی بشارت دے سکدے اُو۔ جدوں تُسی اُوہناں نال گل کردے اُو تے اُو طریقہ استعمال کرو جیہڑا ڈاکٹر ہائیمرز نے تیار کیتا اے۔ اُو طریقہ استعمال کرو جیہڑا کم کردا اے۔ مذھب دی گل نہ کرو۔ مذھب دے بارے چہ بحث نہ کرو۔ ایہناں دے نال ایہناں دے گھر وِچ ’’گنہگار دی دعا‘‘ پڑھن دی کوشش نہ کرو۔ ایہدے بجائے، اُوہناں نوں اپنے کول لیہاؤ! اُوہناں نوں گرجا گھر وِچ لیہیاؤ! اُوہناں نوں چنگا ویلہ لنگہان دیو، بیلی بناؤ، تے ایتھے رہن دا لطف چُک لیہن دیو۔ فیر اُوہناں نوں واپس لیہیاؤ! ایہناں نال اینج گل کرو جیویں تُسی کسی ہُور نال گل کردے اُو جِنہاں نوں تُسی مدعو کردے اُو۔

جے تُسی اپنے رشتہ داراں نال بحث کردے اُو تے تُسی اُوہناں نوں جیت نئیں پاؤ گے۔ جے تُسی اُوہناں دیاں ساریاں غلطیاں نوں درست کرن دی کوشش کردے اُو، تے تُسی اُوہناں نوں جیت نئیں پاؤ گے۔ تُسی اُوہناں نوں صرف ناراض کرو گے۔ آواز اُوچی نہ کرو۔ دفاعی مت بنو۔ بس اُوہناں نوں ایہہ ویکھن دیو کہ تُسی اِک مسیحی دی حیثیت نال کینج رہندے اُو۔ اُوہناں نوں ویکھ لین دیو کہ تُسی خوش اُو۔ اُوہناں نوں ویکھ لین دیو کہ تُہاڈی حیاتی بہتر اے۔ تے اُوہناں نوں اپنے کول لیہیاؤ!

اپنے خاندان نوں دسو کہ تُسی گرجا گھر وِچ کیہنے خوش اُو۔ اُوہناں نوں دسو کہ اَسی ہر عبادت وِچ تعلیم حاصل کرن دی گل کرنے آں۔ اُوہناں نوں دسو کہ تہاڈے درجات کینج بہتر ہوندے نے۔ اُوہناں نوں ایہناں بیلیاں دے بارے وِچ دسو جیہڑے تُسی اپنے گرجا گھر وِچ بنائیں نے۔ اُوہناں نوں آپئے آں دی تے ویکھن دی وجہ دیو!

اُو تہاڈے بارے چہ بُرا بول سکدے نے۔ تہاڈے غیر مسیحی والدین کہہ سکدے نے کہ تُسی چنگے پُتر یا بیٹی یعنی دیہی نئیں اُو کیوں جے کہ تُسی گرجا گھر جاندے اُو۔ اُو کہہ سکدے نے کہ تُسی جنونی ہو گئے اُو۔ تہاڈے بدھ مت دے رشتہ دار کہہ سکدے نے کہ تُسی اپنے پیو دادا نوں دھوکہ دِتا اے کیوں جے تُسی ایہناں کولوں دعا نئیں منگدے۔ اپنے پیو دادا کولوں دعا مت منگیا کرو، لیکن جھگڑے وِچ نہ پیہیو۔ خوش اخلاقی نال پیش آؤ۔ بائبل کہندی اے، ’’اپنے پیو تے اپنی ماں دی عزت کرو‘‘ (خروج20: 12)۔ اپنے خاندان نال چنگا سلوک کرو۔

جدوں اُو ویکھن گے کہ ایس [گل] نے تہانوں مسیحی بنن وِچ مدد کیتی اے، تے اُو تہاڈے بارے وِچ مختلف سوچن گے۔ جدوں اُو ویکھن گے کہ تُسی اسکول وِچ بہتر کارگردگی دا مظاہر کر رئے اُو، تے اُو مختلف طریقے نال سوچو گے۔ جدوں اُو ویکھن گے کہ تُسی اپنی حیاتی وِچ کوئی گڑ بڑ نئیں کیتی اے، تے اُو تہاڈے بارے وِچ مختلف سوچن گے۔ اُودھوں فیر اُو گرجا گھر آن تے انجیل سُنن دے لئی فراغ دِل ہو سکدے نے۔

اپنے رشتہ داراں دی گلاں وِچ مت آؤ۔ اُوہناں نوں خوش کرن دے لئی گرجا گھر وِچ آنا بند نہ کرو۔ جیہڑا کُج تُسی مسیح دے لئی کردے اُو ایس توں پِچھے نہ ہٹو۔ اُو چاہندے نے کہ تُسی صرف اِتوار دی سویرے گرجا گھر جاؤ – یا بالکل وی نہ جاؤ۔ لیکن یاد رکھو کہ یسوع نے کہیا، ’’جیہڑا اپنے پیو یا ماں نوں میرے توں بوہتا پیار کردا اے اُو میرے لائق نئیں اے‘‘ (متی10: 37)۔ جی ہاں، تہانوں اپنے خاندان نال محبت کرنی چائیدی اے – لیکن مسیح توں بوہتی نئیں۔ چنگے بنو، لیکن ہار نہ منو۔ جدوں اُو ویکھن گے کہ تُسی بہتر اُو کیوں جے تُسی گرجا گھر وِچ اُو، تے اُو تہاڈے بارے وِچ مختلف سوچن گے۔

تہانوں اپنے خاندان نوں کیہڑے ویلے لیہیانا چائیدا اے؟ تُسی اُوہناں نوں کسی وی اِتوار نوں لیہیا سکدے اُو! لیکن جے تُسی اُوہناں نوں کسی خاص موقع تے ضیافت – ایسٹر یا کرسمس دے موقع تے نال لیہاندے اُو تے ایہہ اُوہناں نوں ساڈے گرجا گھر وِچ اِک چنگا تعارف فراہم کرے گا۔

اُوہناں نوں جلد از جلد مدعو کرو، ایس توں پہلاں کہ اُو دوجے منصوبے بنان۔ تہاڈے رشتہ دار جانندے نے کہ خاص تعطیلات کدوں ہوندیاں نے۔ اُو کُج ہور کرن دی منصوبہ بندی کر رئے ہون گے۔ کی تہاڈے رشتہ دار وی ایہہ گلاں نئیں جانندے؟ کی اُو وی نئیں جانندے؟ جے تُسی تقریب توں پہلاں لوکاں نوں مدعو کردے اُو تے بوہتی دیر ہو جائے گی۔ ایہناں دے کول پہلاں توں ای کُج منصوبہ بندی ہووے گی۔ ایہناں نال چھیتی گل کرو۔ کل ایہناں نال تازہ ترین گل کرو!

ایہناں دے آن دے بعد، اُوہناں نوں فیر توں واپس لیہیاؤ! اگلی چُھٹی تیکر انتظار نہ کرو۔ اُو لوکی جیہڑے صرف خاص تعطیلات تے آندے نے کدی وی نجات نئیں پاندے۔ اگلے اِتوار نوں اُوہناں نوں واپس لے کے آؤ۔ جے اُو ہر ہفتے آ کے خوشخبری نئیں سُن رئے نے تے اُوہناں کولوں تبدیل ہون دی توقع نہ رکھو۔ جے اُو سال چہ صرف دو یا تین وری خصوصی تعطیلات تے آندے نے تے مطمئن رہنا اِک خوفناک غلطی اے۔ ایہناں دیاں جاناں بالکل اینج ای کھو جان گئیاں جیویں اُو کدی گرجا گھر وِچ نئیں ائے سن۔ سال چہ دو وری آن نال اُوہناں دا کوئی فائدہ نئیں ہووے گا۔

ہُنے میں اِک خاتون دے بارے وِچ سوچ رہیا آں۔ اُوہناں دے پُتر نے اُوہناں نوں ساڈی ماواں دے دِن دی ضیافت وِچ مدعو کیتا سی۔ تے اُو آئی۔ اُو ہر سال آندی سی۔ لیکن اُو باقاعدہ اِتوار دی عبادتاں وِچ نئیں آندی سی۔ اُو صرف خاص مواقع تے آنا چاہندی سی۔ ایس لئی اُو کدی وی نجات نئیں پا سکی۔ اُو کدی وی اپنے گناہ دی سزایابی وِچ نئیں آ پائی۔ اُوہناں نے کدی اپنی جان دے بارے چہ سنجیدگی نال نئیں سوچیا۔ اُو مسیح دے کول اُوہدے لہو دے وسیلے توں پاک ہون دے لئی نئیں آئی سی۔ اُو مسیح تے پروہسا کیتے بغیر مر گئی۔ اُوہناں دے پُتر نے اُوہناں نوں مدعو کیتا سی۔ لیکن اُوہنے اُوہناں دے آن تے اصرار نئیں کیتا۔ اُوہنے ’’اُوہناں نوں گرجا گھر وِچ آن تے مجبور نئیں کیتا۔‘‘ اُوہناں نے کدی وی مسیح تے پروہسا نئیں کیتا۔ اُو مر گئی تے جہنم وِچ ٹر گئی۔

میں دوجے لوکاں دے بارے چہ سوچ رہیا آں۔ میں ایہناں لوکاں دی ماواں تے پیواں دے بارے وِچ سوچ رہیا آں جیہڑا ساڈے گرجا گھر وِچ آندے نے۔ اُو اِک یا دو وری آئے، لیکن ایس توں زیادہ کدی وی نئیں آئے۔ لیکن ایس توں بوہتا کدی نئیں۔ اُو محفوظ نئیں نے۔ اُو کافی وڈیرے نے۔ چھیتی ای اُو مسیح دے بغیر مر جان گے۔ جدوں تہاڈی ماں یا پیو مر جان گے تے جہنم وِچ ٹر جان گے تے تہانوں بوہتا دُکھ ہووے گا۔ لیکن اُودھوں تیکر بوہتی دی ہو چکی ہووے گی۔ کوئی وی کُج نئیں کر پائے گا۔ ہُنے ای اُوہناں دے مگر جاؤ، تے اُوہناں دے مگر جاندے رہوؤ! ہاں، اپنے گھر آلیاں دی حفاظت کرو۔ بائبل کہندی اے، ’’اُوہناں نوں [گرجا گھر] وِچ آن تے مجبور کرو۔‘‘ اپنی وڈیری ماں نوں کہو، ’’چل چلیے۔‘‘ تے اُوہناں نوں لے کے آؤ! ’’مجبور دا کی مطلب اے؟ ایس دا مطلب ایہہ نئیں اے کہ وحشیانہ طاقت دا استعمال کیتا جائے، جیویں قرون وسطیٰ وِچ کاتھولک انکوزیشن [رومن کاتھولک چرچ دا اِک سابقہ تریبونل (1232۔1820) بدعت نوں دریافت کرن تے اُوہنوں دبان دے لئی بنایا گیا]۔ لیکن ایہدا کُج نہ کُج مطلب ہوندا اے! ایہدا مطلب اے نئیں کہ اُوہناں نوں سال چہ اِک یا دو وری اتفاقاً مدعو کیتا جائے! ایہدا مطلب اے کہ اُوہناں دے آن تیکر اُوہناں دے پِچھے ای پئے رہنا۔ ایہدے لئی محنت، فکر تے دعا دی لوڑ پیندی اے۔ ایس لئی لوکی اینج نئیں کرنا چاہندے۔ تے اُو اپنے خانداناں نوں وی نئیں جیتدے! آہو، ایس بندے دے لئی دعا منگو۔ لیکن ایہہ کافی نئیں اے۔ اُوہناں دے نال چنگا سلوک کرو۔ اُوہناں دے لئی کام کرو۔ اُوہناں نوں وکھاؤ کہ تُسی اُوہناں نال پیار کردے اُو تے اُوہناں دی دیکھ بھال کردے نے۔ سوچو کہ اُوہناں نوں کینج لیہایا جائے۔ ایس گل تے [سوچو] کم کرو۔ ایس دے بارے چہ ڈاکٹر ہائیمرز یا مسز ہائیمرز نال گل کرو۔ اپنے آپ نوں ایس [مسئلے] وِچ پاؤ۔ ایہہ ایس بندے نوں جیتن دا طریقہ اے!

اپنے خاندان نوں جِتن دے لئی، تہانوں ثابت قدم رہنا چائیدا اے۔ تہانوں ثابت قدم رہنا چائیدا اے۔ تہانوں [ایس کم نوں] جاری رکھنا چائیدا اے تے فیر توں جاری رکھنا چائیدا اے۔ اُوہناں نوں صرف اِک وری مدعو نہ کرو۔ اُوہناں نوں صرف اِک وری گرجا گھر وِچ نہ لیہاؤ۔ [ایس کم نوں] جاری رکھو تے فیر توں کُج ہُور جاری رکھو۔ اُوس ویلے تیکر جاری رکھو جدوں تیکر کہ اُو مر نہ جان یا اُو مسیح تے پروہسا نہ کرن۔

ایہدے چہ ورے لگ سکدے نے۔ ایہدے چہ دہائیاں لگ سکدیاں نے۔ لیکن تُسی اُوہناں وِچوں کُج [لوکاں نوں] جِیت سکدے اُو۔ ڈاکٹر ہائیمرز نے اپنی ماں دی دیکھ بھال کیتی۔ اُوہناں نے اُوہناں دے لئی دعاواں منگیاں۔ اُو اُوہناں نوں وی وریاں تیکر گرجا گھر وِچ لیہاندے رئے۔ 80 ورے دی عمر چی، اُوہناں نے مسیح تے پروہسا کیتا۔ اُو ہُن جنت وِچ نے۔

میری ووہٹی جوڈتھ نے اپنی ماں دی دیکھ بھال کیتی۔ اُو اُوہناں نوں وی وریاں تیکر ہر اِتوار نوں گرجا گھر لیہاندی رئی سن۔ 87 وریاں دی عمر چہ اُوہناں نے مسیح تے پروہسا کیتا۔ اُو ہُن ساڈے گرجا گھر دی رُکن نے۔ کیوں جے اُوہناں نے مسیح تے پروہسا کیتا سی، جدوں اُو مرن گے تے جنت وِچ جان گے۔

ایہہ سہوکھا نئیں اے۔ ایہدے چہ ویلہ، دعا تے محنت لگدی اے۔ لیکن ایہہ ہو سکدا اے۔ سوچو کہ اپنی ماں، اپنے پیو، اپنے پیاریاں نوں بچانا کینج دا ہووے گا! جدوں اُو مسیح تے پروہسا کردے نے تے تُسی کیہنے خوش ہووہ گے! جدوں تُسی اُوہناں نوں جنت وِچ ویکھو گے تے ایہہ بوہتا چنگا ہووے گا۔ تے ایہہ شاندار ہووے گا جدوں تُسی تے اُو یسوع دے نال زمین تے اُوہدے نال اُوہدی بادشاہی وِچ حکومت کرن دے لئی اُترن گے!

لیکن تہانوں ایس گل نوں اِک ترجیح بنانا اے۔ تہانوں اُوہناں دے پِچھے جانا اے۔ تہانوں اُوہناں نال پیار کرنا اے تے اُوہناں دی دیکھ بھال کرنی اے۔ تہانوں اُوہناں نوں [گرجا گھر] لیہانا ہووے گا، تے اُوہناں نوں بار بار لیہانا ہووے گا۔ ہمت نئیں ہارنی۔ حوصلہ نئیں چھڈنا۔ جدوں تیکر اُو مسیح تے پروہسا نئیں کردے اُوہناں دا پِچھا کردے رہووہ! خدا تہانوں اینج کرن وِچ مدد کرے۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔