ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
بشراں نوں جِتن دے لئی جنتی انعاماتHEAVENLY REWARDS FOR WINNING SOULS ڈاکٹر آر ایل ہائیمرز، جونیئر وَلّوں ’’تے بوہتی تعداد چہ جیہڑے خاک وِچ سو رئے نے، جاگ اُٹھن گے، تے بعض ابدی حیاتی دے لئی تے بعض رسوائی تے ابدی ذلت دے لئی۔ تے دانشمند لوکی آسمان وانگوں منور ہون گے؛ تے اُو جیہڑے لوکاں نوں راستبازی دی راہ تے لہیاندے نے ستاریاں وانگوں ہمیشہ ہمیشہ دے لئی جگمگان گے‘‘ (دانی ایل12: 2۔3)۔ |
ڈاکٹر ایڈورڈ جے ینگ میرے دیرینہ چینی پادری تے اُستاد ڈاکٹر ٹموتھی لِنDr. Timothy Lin دے بیلی سن۔ ڈاکٹر لِن نے میرے پادری بنن توں پہلاں باب جونز یونیورسٹی دے گریجویٹ ڈیپارٹمنٹ وِچ پرانے عہدنامے دیاں زباناں تے مطالعہ سکھایا۔ ڈاکٹر ینگ پرانے عہد نامے دے اسکالر سن۔ اُو 1936 توں لے کے 1968 تیکر اپنی موت دے ویلے تیکر فلاڈیلفیا چہ ویسٹ منسٹر تھیولوجیکل سیمینری وِچ پرانے عہد نامے دے پروفیسر رئے سن۔ اُوہناں نے دانی ایل12: 3 آیت تے تبصرہ کردے ہوئے کہیا،
’’تے دانشمند لوکی آسمان وانگوں منور ہون گے؛ تے اُو جیہڑے لوکاں نوں راستبازی دی راہ تے لہیاندے نے ستاریاں وانگوں ہمیشہ ہمیشہ دے لئی جگمگان گے‘‘ (دانی ایل12: 3)۔
ڈاکٹر ینگ نے کہیا، ’’جِنہاں لوکاں نے… ایس گل چہ دانشمندی تے ہوشیاری نال کم لہیا اے … اُوہناں نے بوہتے لوکاں دی راستبازی دی راہ وَل نشاندہی کیتی اے، اُوہناں نوں اُوہناں دی محنت دا شاندار صلہ لبھے گا کہ اُو آسمان دی چمک وانگوں ہمیشہ دے لئی منور ہون گے۔ تے ساریاں وانگوں چمکن گے… جیہڑا کہ آسمانی تے ابدی انعام اے‘‘ (ایڈورڈ جے ینگ، پی ایچ ڈی، دانی ایل تے اِک تبصرہA Commentary on Daniel ، سچائی دا بینرThe Banner of Truth، 1977 دوبارہ اشاعت، صفحہ 256-257)۔
ایہہ واعظ ڈاکٹر جان آر رائس دی کتاب بشراں نوں جِتن دے لئی ذاتی کامیابی وَل سُہنری راہ The Golden Path to Successful Personal Soul Winning (جان آر رائس، ڈی۔ ڈی۔ John R. Rice, D.D.، سورڈ آف دی لارڈ پبلیشرزSword of the Lord Publishers، 1961، صفحات297۔307) دے اِک باب وِچوں مختصر تے ترمیم کیتا گیا اے۔
ایس حیاتی چہ بشراں دا فاتح بننا بوہتی وڈی گل ہوندی اے۔ لیکن ایس توں ودھ کے ہُور وی اے! بشراں نوں جِتن آلے دے کول موت دے بعد بوہتی ساری نعمتاں ہوندیاں نے جیہڑیاں دوجیاں نوں حاسل نئیں ہو سکدیاں نے۔
’’تے دانشمند لوکی آسمان وانگوں منور ہون گے؛ تے اُو جیہڑے لوکاں نوں راستبازی دی راہ تے لہیاندے نے ستاریاں وانگوں ہمیشہ ہمیشہ دے لئی جگمگان گے‘‘ (دانی ایل12: 3)۔
I۔ پہلی گل، بشر جِتن آلے نوں مسیح وَلوّں خوشی نال قبولیت تے تعریف لبھے گی۔
پولوس رسول تے کول اِک مقصد تے خواہش سی جییہڑی اُوہدی ساری حیاتی نوں کنٹرول کردی سی۔ ایسے لئی اُوہنے کسی وی دوجے رسول دے مقابلے چہ دِن راتی ’’بوہتی محنت نال‘‘ کم کیتا۔ پولوس اُوس ویلے دا انتظار کر رہیا سی جدوں اُو یسوع مسیح دے سامنے آئے گا۔ اُوہنے کہیا، ’’چنانچہ اَسی محںت کرنے آں، کہ خواہ حاضر ہون یا غیر حاضر، اَسی اُوہدے وَلوں قبول کیتے جان گے۔ کیوں جے اَساں ساریاں نوں مسیح دی عدالت دے تخت دے اَگے پیش ہونا چائیدا اے…‘‘ (2 کرنتھیوں5: 9۔10)۔ اوہ، یسوع دے لئی قابل قبول ہون دے لئی – خداوند یسوع دے مسکران تے خوش ہون تے پولوس نوں خوشی نال سلام کرن دی خاطر!
ایہہ مسیح دی اُوس مستقبل دی منظوری دا انتظار کر رہیا سی جیس دی وجہ توں پولوس نے بشراں نوں جِتن دے لئی دِن راتی کم کیتا۔ بشراں نوں جِتنا اُو اہم گل سی جیس دے لئی پولوس نے اپنی پوری مذہبی حیاتی چہ کم کیتا۔ اُوہنے بشراں نوں جِتن دے لئی مسلسل کم کیتا! اُوہنے دوجیاں نوں بشراں نوں جِتنا سیکھایا۔ اُوہنے کہیا، ’’میں ساریاں لوکاں دی خاطر سب کُج بنیا ہویا واں، تاکہ کسی نہ کسی طرح نال باقیاں نوں بچا سکاں‘‘ (1 کرنتھیوں9: 22)۔
پولوس دے کول کیہنی فاتحانہ ظہور پزیری سی جدوں اُو جنت چہ داخل ہویا تے یسوع نوں ایہہ کہندے ہوئے سُنیا، ’’شاباش، اے چنگے تے دیانتدار بندے… اپنے مالک دی خوشی چہ داخل ہو جا‘‘ (متی 25:21)۔ ایہہ خوشی ہر وفادار بشر جِتن آلے دی خوشی ہووے گی جدوں اُو جنت چہ داخل ہون گے۔ پولوس نے ایہہ گل تسالونیکا چہ [بشراں نوں] جِتن آلیاں نوں کہی، ’’ساڈی اُمید، خوشی، یا فخر دا تاج کی اے؟ کی جدوں اَسی سارے اپنے خداوند یسوع مسیح دی آمد دے ویلے اُوہدی حضوری چہ پیش ہون گے تے کی تُسی ای ساڈی اُمید، خوشی تے فخر دا باعث نئیں ہوو گے؟ یقیناً ساڈا جلال تے ساڈی خوشی تُسی ای اُو‘‘ (1 تیسالونیکیوں2: 19۔20)۔
عشائے ربانی دی تمثیل چہ، لوقا14: 16۔24 آیات وِچ، ایہہ گل اہم اے کہ جیس واحد خادم دی مسیح نے تصویر کشی کیتی اے اُو بشراں دا فاتح سی – جِنہے گمراہ ہوئے گنہگاراں نوں جنت چہ عظیم دعوت وِچ آن تے مجبور کیتا۔ مسیح تے اُوہدے بشراں دے فاتحین نوں کیہنی خوشی ہووے گی جدوں اُوہناں لوکاں نوں ویکھن گے جِنہاں نوں اُوہناں نے آسمانی شادی دی دعوت چہ زمین تے جِتا اے! ’’اَج اَسی چھانٹی کرنے آں۔‘‘ کورس گاؤ!
اَج اسی چھانٹی کراں گے، نئیں تے اپنی سُنہری فصل نوں گنوا دیاں گے!
اَج سانوں گواچے ہوئے بشراں نوں جِتن دے لئی موقع دِتا گیا اے۔
ہائے فیر کُج پیاریاں نوں جلائے جان توں بچان دے لئی،
اَج اَسی جاواں گے کُج گنہگاراں نوں گرجا گھر چہ لہیان دے لئی۔
(’’کیہنا گھٹ ویلہSo Little Time‘‘ شاعر ڈاکٹر جان آر۔ رائس Dr. John R. Rice، 1895۔1980)۔
’’تے دانشمند لوکی آسمان وانگوں منور ہون گے؛ تے اُو جیہڑے لوکاں نوں راستبازی دی راہ تے لہیاندے نے ستاریاں وانگوں ہمیشہ ہمیشہ دے لئی جگمگان گے‘‘ (دانی ایل12: 3)۔
II۔ دوجی گل، بشراں دے فاتح نوں پائے عدالت چہ سب توں وڈے انعامات مِلن گے۔
1 کرنتھیوں3: 10۔15 آیات آسمان چہ مسیحیاں دے فیصلے دے بارے چہ گل کردیاں نے، ریپچر دے بعد، پائے عدالت دے اَگے، مسیح دی فیصلے دی نشست تے۔ ایہہ غیر نجات یافتہ مُردیاں دی آخری سزا نئیں اے۔ نئیں، ایہہ حقیقی مسیحیاں دی فیصلہ سازی اے۔
’’ہُن جے کوئی ایس عمارت دی بنیاد چُکدے ویلے سونے، چاندی، قیمتی پتھراں، لکڑی، گھاس پھوس یا بھوسے نوں استعمال چہ لہیائے تے انصاف دے دِن اُوہدا کم صاف ظاہر ہو جائے گا کیوں جے اُو دِن اَگ دے نال آئے گا تے اَگ اپنے آپ ہر اِک دا کم آزما لئے گی کی کیہو جیہا اے۔ ایس بنیاد تے جیس کسی بنان آلے دا کم اَگ توں سلامت بچ رئے گا اُو اجر پائے گا۔ تے جیس دا کم جل جائے گا اُو نقصان تے چُکے گا مگر خود جلدے جلدے وی بچ نکلے گا‘‘ (1کرنتھیوں3: 12۔15)۔
ہر مسیحی دا کم آزمایا جائے گا۔ جیہڑی شے دائمی اے – سونا، چاندی تے قیمتی پتھر – اُوہنوں انعام لبھے گا۔ جیہڑا وی کُج وقتی اے – لکڑی، گھاس تے پھوس – جل کے تباہ کر دِتی جائے گی۔ ایہہ نجات دے لئی نشاندہی نئیں کردا۔ ایس توں مُراد اُو انعامات نے جیہڑے چند اِک نجات یافتہ لوکاں نوں مِلن گے، تے جیہڑے دوجے لوکاں نوں نئیں مِلن گے۔
کُج لوکاں نے گرجا گھر دی اِک خوبصور تے مہنگی عمارت بنوائی۔ لیکن ایس دی کوئی ابدی قیمت نئیں ہووے گی جے ایہنوں بشراں نوں جِتن دے لئی ہُور استعمال نہ کیتا جائے۔ جدوں تیکر ایہہ جِیتے ہوئے بشراں دی تعداد وِچ اضافہ نئیں کردی، ایس تے خرچ ہون آلی رقم، ویلہ تے توانائی دی مسیح دی عدالتی نشست تے کوئی قیمت نئیں ہووے گی۔ ایہنوں جلا دیو! ایہنوں جلا دیو! ایہنوں جلا دیو!
دوجیاں نے اِک سکول بنایا۔ اُو تعلیم، ثقافت، فنون تے سائنس دے لئی سی۔ لیکن جدوں تیکر سکول لوکاں نوں بشراں نوں جِتن دے تربیت نئیں دیندا، مسیح دی عدالتی نشست تے ایس دی کوئی اہمیت نئیں ہووے گی۔ ایہنوں جلا دیو! ایہنوں جلا دیو! ایہنوں جلا دیو!
اِک پادری صاحب دا ساری تنطیم، سارا انتظامی کم، تے سنڈے سکول دے کارکناں تے سیکریٹریاں دی کوئی قیمت نئیں اے جدوں تیکر کہ ایہہ گمراہ یا گمشدہ بشراں نوں نجات نئیں دِلا لیندے۔ ورنہ ایہہ لکڑی، گھاس تے پھوس نے۔ ایہنوں جلا دیو! ایہنوں جلا دیو! ایہنوں جلا دیو!
اِک سنڈے سکول، اِک گرجا گھر، گانا گانا، کسی فرقے دا کم، ایتھوں تیکر کہ مسیحیاں نوں بائبل دی تعلیم دینا – ایہہ سب کُج عارضی، بے نتیجہ تے مسیح دے فیصلے دی نشست تے غیر اجروثواب اے جدوں تیکر کہ ایس دے نتیجے چہ گواچے ہوئے بشراں نوں بچایا نہ جاوے۔ ایہنوں جلا دیو! ایہنوں جلا دیو! ایہنوں جلا دیو!
1 کرنتھیوں3: 15 آیت کہندی اے، ’’تے جیس دا کم جل جائے گا اُو نقصان تے چُکے گا مگر خود جلدے جلدے وی بچ نکلے گا‘‘ جے تُسی اپنے پیاریاں نوں نجات دہندہ دے کول آن دی سختی نال تاکید کیتے بغیر جہنم چہ جان دیندے اُو، تے اُو فیر وی جہنم وِچ ای رہن گے۔ تہاڈا سارا رونا دھونا ایہنوں نئیں بدلے گا۔ ہو سکدا اے کہ مسیح نے تہانوں معاف کر دِتا ہووے، لیکن ایس توں ایہہ حقیقت تبدیل نئیں ہوندی کہ پیارے جنت چہ نئیں بلکہ جہنم وِچ نے۔ لہٰذا مسیح دے فیصلے دی نشست تے اِک مسیحی دی خوشی تے انعامات بنیادی طور تے بشراں دی جیت تے منحصر ہون گے۔ یسوع دی صلیب تے موت دی اُو اِک تے واحد وجہ بشراں نوں نجات دلانی سی۔ اُو مسیحی جیہڑے اُو اِک اہم کم کرن وِچ یسوع دی مدد کردے نے اُوہناں لوکاں دے مقابلے چہ بوہتے انعام یافتہ ہون گے جیہڑے بشراں نوں نئیں جِتدے۔ ڈاکٹر رائس وَلوّں ’’حیاتِ نو دی قیمت‘‘ نو سُنو۔
زمین دے خزانے، اُوہ، کیہنے بیکار تے کیہنے مبہم،
اُو دھند وانگوں مٹ جاندے نے تے پتیاں وانگوں مُرجھا جاندے نے۔
لیکن اُو بشر جیہڑے ساڈے اَتھروواں تے ساڈی اِلتجاواں توں جِیتے جاندے نے۔
اُوتھے ساڈی چھانٹی دے لئی رہن گے۔
چھنڈیا جانا، جنت وِچ چھنڈیا جانا!
ایتھے ہیٹاں زمین تے بشراں نوں جِتن نال۔
لکڑی، گھاس تے بھوسے دے نال ایس چھنڈے جان دے لئی،
خداوند دی عدالت دی نشست دے اَگے حاضر ہونا کیہنا افسوسناک اے،
ساڈے نال کوئی ایہو جیہا نئیں اے ساڈے نجات دہندہ یسوع تے پروہسا کرن دے لئی
اُوتھے چھنڈے جان دے لئی پیش ہون دی خاطر۔
چھنڈیا جانا، جنت وِچ چھنڈیا جانا!
ایتھے ہیٹاں زمین تے بشراں نوں جِتن نال۔
(’’تجدید نو دی قیمت The Price of Revival‘‘ شاعر جان آر۔ رائس John R. Rice، 1895۔1980)۔
III۔ تیجی گل، بشراں دا فاتح ہمیشہ دے لئی ستاریاں وانگوں چمکدا رئے گا۔
’’تے بوہتی تعداد چہ جیہڑے خاک وِچ سو رئے نے، جاگ اُٹھن گے، تے بعض ابدی حیاتی دے لئی تے بعض رسوائی تے ابدی ذلت دے لئی۔ تے دانشمند لوکی آسمان وانگوں منور ہون گے؛ تے اُو جیہڑے لوکاں نوں راستبازی دی راہ تے لہیاندے نے ستاریاں وانگوں ہمیشہ ہمیشہ دے لئی جگمگان گے‘‘ (دانی ایل12: 2۔3)۔
جنت چہ انسانی اقدار دی بوہتی وڈی تبدیلی ہووے گی۔ اوّل آن آلیاں وِچوں بوہتے لوکی آخیر چہ ہون گے، تے اُوس دِن آخیر چہ آن آلے اوّل ہون گے۔ اُو بندہ جیہڑا بشراں نوں جِتن دا اہم کم کرن دے لئی تیار اے، ہُن یسوع دے لئی اُوہنوں معلوم ہووے گا کہ اُو جنت چہ مشہور اے۔ بُہتیرے نامعلوم مرد یا عورتاں اُوس دِن ’’آسمان دی چمک وانگوں منور ہون گے۔‘‘ بشراں دے فاتح جیہڑے بُہتیرے لوکاں نوں راستبازی وَل موڑ دیندے نے خدا دے پاک کلام دے مطابق ’’ساریاں وانگوں ابد تیکر چمکن گے‘‘!
اسی اپنی سوچ نوں بہتر طور تے تبدیل کرنا سی جیہڑا حقیقت چہ ابدیت وچ اہمیت رکھدا اے۔ اسی بہتر طور تے اپنے دِلاں نوں ایہناں شیواں وچ قائم کرنا سی جیہڑی ختم نئیں ہوندیاں نے، تے ابدیت وچ بوہتی اہم نے۔
میں ایس دنیا دا سب توں امیر آدمی، یا اَج دا سب توں معزز بندہ بنن دے بجائے اِک سادہ جیہا بشراں دا فاتح بناں گا تے ستاریاں وانگوں ہمیشہ تے ہمیشہ ہمیشہ لئی چمکدا رہواں گا! ابدیت دے عظیم بندے کینیڈی، بش، کلنٹن یا اوباما نئیں ہون گے۔ ابدیت دے عظیم مرد وائٹ فیلڈز، ویسلیز، سپرجیئنز، لائیڈ جونز، جان آر رائیسز، تے مکمل طور تے خود نوں حوالے کر دین آلے بشراں دے فاتحین ہون گے!
ایہہ کیہنی بیوقوفی اے کہ اپنا ویلہ تے توانائی ایہناں شیواں تے ضائع کر دئیے جیہڑیاں چھیتی ای ختم ہو جان گئیاں، جنہاں دا کوئی مستقل اجر نئیں اے۔ اُو بندہ جیہڑا اپنے ممکنہ باشندیاں توں جہنم نوں خالی کرن دی کوشش کردا اے اوہی اے جیہڑا آن آلی دُنیا وچ عظیم ہووے گا!
بشراں دا فاتح، جیہڑا اپنا ویلہ تے توانائی تے پیسہ تے دعاؤاں نوں گنہگاراں نوں جہنم توں دور رکھن لئی صرف کردا اے، عقلمند اے! تے ایہدا اجر کیہناں بابرکت اے! اُو آسمان دی چمک وانگوں منور ہووے گا۔ ’’تے اُو جیہڑے لوکاں نوں راستبازی دی راہ تے لہیاندے نے ستاریاں وانگوں ابدلآباد جگمگان گے‘‘ (دانی ایل12: 3)۔ ایہدے وچ کوئی شک نئیں کہ ایس آیت وچ خدا بشراں دے جِتن آلیاں نال وعدہ کردا اے جیہڑا دوجے مسیحیاں نال نئیں کیتا جاندا جیہڑے بشراں نوں نئیں جِتدے۔ ’’جیہڑے لوکاں نوں راستبازی دی راہ تے لہیاندے نے ستاریاں وانگوں ابدلآباد جگمگان گے۔‘‘
اوہ، بشراں دے فاتح کیہنے بابرکت نے، تے ایہناں دے انعامات کیہنے دائمی نے! کیہنی احمقانہ گل اے کہ ساڈے وچوں کوئی وی ایہناں نعمتاں توں محروم ہو جاوے جیہڑیاں خداوند خدا اپنے بشراں دے جِتن آلیاں نوں خصوصی طور تے عطا کردا اے۔ ’’اَج اسی چھانٹی کراں گے۔‘‘ ایہنوں گاؤ!
اَج اسی اپنی سنہری فصل چھانٹنے آں یا کھونے آں!
اَج سانوں جِتن لئی گمشدہ بشر دِتے جاندے نے۔
اوہ فیر کُج عزیزاں نوں جلن توں بچانا۔
اج اسی کسی گنہگار نوں گرجا گھر وچ لہیان لئی جاواں گے۔
جے تُسی ہُنے تیکر مسیح وچ ایمان لہیا کے تبدیل نئیں ہوئے اُو، تے تُسی اج رات ایتھے آئے اُو کیوں جے بشراں نوں جِتن آلا اِک فاتح تہانوں انجیل سُنن لئی لہیایا اے۔ اُوہناں نے کم کیتا، دعا کیتی، تے تہانوں آن تے مجبور کیتا۔ ایس لئی مینوں تہانوں ایہہ دسے بغیر ایس واعظ نوں بند نئیں کرنا چائیدا اے کہ تہاڈے گناہ دا پورا کفارہ ادا کرن لئی یسوع نوں صلیب تے کِلاں نال جڑیا گیا سی۔ تے مینوں تہانوں دسنا ضروری اے کہ یسوع مُردیاں وچوں جی اُٹھیا تے واپس آسمان تے چُک لہیا گیا، جیتھے اُو ہُن خُدا باپ دے سجے ہتھ تے بیٹھیا اے۔ تے مینوں تہانوں دسنا ضروری اے کہ یسوع تہاڈے نال محبت کردا اے۔ ایہدے نال کوئی فرق نئیں پیندا کہ تُسی کیہنے ای گناہ کیتے نے، یسوع تہانوں معاف کر دیوے گا کیوں جے اُو تہاڈے نال محبت کردا اے۔ بائبل دے مطابق مسیح یسوع گنہگاراں نوں نجات دلان لئی دُنیا وچ آیا۔ یسوع تہانوں نجات دلائے گا جدوں تُسی اُوہدے کول آؤ گے۔ تے مینوں تہانوں دسنا چائیدا اے کہ تُسی اپنے گناہواں توں مُنہ موڑ لوو تے سِدھے یسوع دے کول آؤ۔ جدوں تُسی یسوع دے کول آندے اُو، تے اُوہدے تابع ہوندے اُو، اُوس لمحے وچ، تُسی اُوہدے ذریعے ہمیشہ لئی، تے ہمیشہ لئی نجات پا جاؤ گے۔ آمین۔ براہِ کرم کھلو جاؤ تے اپنے گانے دے ورق توں، ڈاکٹر جان آر رائس دا لکھیا ہویا حمدوثنا دا گیت نمبر اِک گاؤ۔
تجدید نو دی قیمت، لوکاں دا دِل جِتن دی قیمت،
کئی گھنٹیاں دیاں دعاواں، بوجھ، آنسو؛
گنہگاراں دے نال التجاواں حالانکہ اکیلا، اِک اجنبی،
آسمان وچ چھانٹے جان لئی تلافی کیتی گئی اے۔
چھانٹیا جانا، جنت وچ چھانٹیا جانا!
ایتھے تھلے زمین تے بشراں نوں جِتن نال۔
زمین دے خزانے، اوہ، کیہنے بیکار تے کیہنے مبہم،
اُو دھند وانگوں مٹ جاندے نے تے پتیاں وانگوں مرجھا جاندے نے۔
لیکن اُو بشر جیہڑے ساڈے آنسوؤاں تے ساڈیاں التجاواں نوں جِت جاندے نے۔
اوتھے ساڈی چھانٹی لئی رہن گے۔
چھانٹیا جانا، جنت وچ چھانٹیا جانا!
ایتھے تھلے زمین تے بشراں نوں جِتن نال۔
لکڑی، گھاس تے کھونٹی دے نال ایس چھانٹے جان لئی،
خُداوند دی عدالت دی نشست دے سامنے حاضر ہونا کیہنا افسوسناک اے،
ساڈے نال کوئی اینج دا نئیں اے ساڈے نجات دہندہ یسوع تے پرہوسا کرن لئی
اوتھے چھانٹے جان دی خاطر پیش ہون لئی۔
چھانٹیا جانا، جنت وچ چھانٹیا جانا!
ایتھے تھلے زمین تے بشراں نوں جِتن نال۔
دانشمند لوکی، اُو آسمانی شان وانگوں چمکن گے۔
جدوں بشراں دے فاتح لئی تنخواہ دا دِن آئے گا!
فیر اُو جنہاں نے نجات دی کہانی دے ذریعہ بہتیرے لوکاں نوں بچایا اے۔
ستاریاں وانگوں، ہمیشہ لئی بابرکت، چمکن گے۔
چھانٹیا جانا، جنت وچ چھانٹیا جانا!
ایتھے تھلے زمین تے بشراں نوں جِتن نال۔
(’’تجدید نو دی قیمت The Price of Revival‘‘ شاعر جان آر۔ رائس John R. Rice، 1895۔1980)۔
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔
|
لُبِ لُباب بشراں نوں جِتن لئی جنتی انعامات HEAVENLY REWARDS FOR WINNING SOULS ڈاکٹر آر ایل ہائیمرز، جونیئر ’’تے بوہتی تعداد چہ جیہڑے خاک وِچ سو رئے نے، جاگ اُٹھن گے، تے بعض ابدی حیاتی دے لئی تے بعض رسوائی تے ابدی ذلت دے لئی۔ تے دانشمند لوکی آسمان وانگوں منور ہون گے؛ تے اُو جیہڑے لوکاں نوں راستبازی دی راہ تے لہیاندے نے ستاریاں وانگوں ہمیشہ ہمیشہ دے لئی جگمگان گے‘‘ (دانی ایل12: 2۔3)۔ I۔ پہلی گل، بشر جِتن آلے نوں مسیح وَلوّں خوشی نال قبولیت تے تعریف لبھے گی، 2 کرنتھیوں5: 9۔10؛ 1کرنتھیوں9: 22؛ متی25: 21؛ 1تسالونیکیوں2: 19۔20)۔ II۔ دوجی گل، بشراں دے فاتح نوں پائے عدالت چہ سب توں وڈے انعامات مِلن گے، 1 کرنتھیوں3: 12۔15 III۔ تیجی گل، بشراں دا فاتح ہمیشہ دے لئی ستاریاں وانگوں چمکدا رئے گا، دانی ایل12: 2۔3 . |