بے بساں دے لئی نجات | Salvation for the Helpless

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

تہاڈے وِچوں بے شمارے لوکی ایس شامی پہلی وری ایتھے آئے نے۔ ہو سکدا اے کہ تُسی پہلاں کدی بپتسمہ دین آلے گرجا گھر دے اندر نہ گئے ہوو، لیکن اَسی چاہنے آں کہ تُسی ساڈے نال گھر [وگرا ای] محسوس کرو۔ سانوں خوشی اے کہ تُسی آئے!

آؤ اَسی اِک نال کِھلو جائیے، تے مہربانی نال اپنی بائبل نوں مرقس دی انجیل وِچوں ساڈی تلاوت دے لئی کھولو۔ ایہ مرقس 9: 26-27 اے،

’’بدروح نے چیخ ماری، تے لڑکے نوں بُری طرح مروڑ کے اُوہدے وِچوں باہر نکل گئی۔ لڑکا مُردہ جیہا ہو کے زمین تے ڈِگ پیہیا ایتھوں تیکر کہ لوکی کیہن لگے ، اُو مر چکیا اے۔ لیکن یسوع نے لڑکے دا ہتھ پھڑ کے اُوہنوں چُکیا، تے اُو اُٹھ کِھلوتا‘‘ (مرقس 9: 26۔27)۔

یسوع دی ایس لڑکے نوں شیطان دی طاقت توں نجات دلان دی کہانی سانوں ایہ دسن دے لئی دِتی گئی سی کہ یسوع اَج کیویں گمراہ ہوئے یا کھوئے ہوئے بشر نوں بچا سکدا اے۔ چاروں انجیلاں، متی، مرقس، لوقا تے یوحنا، ایہناں وِچ بے شمار واقعات نے، جیہڑے ایہ دسدے نے کہ لوکی کیویں بچائے گئے۔ ایہ کہانیاں سانوں نجات دے مختلف پہلو دسدیاں نے، تے اَسی ایہناں نوں پڑھ کے بہوتی ساریاں گلاں سِکھ سکنے آں۔

اُو لڑکا آسیب زدہ سی۔ اُوہدے تے اِک آسیب نے قبضہ کیتا ہویا سی جیہدی وجہ توں اُو بہرا تے گونگا سی۔ اُو نہ سُن سکدا سی تے نہ بول سکدا سی۔ ہر اِک دے بچائے جان توں پہلاں اینج ای ہوندا اے۔ تہاڈی نجات پان توں پہلاں تُسی نئیں سُن سکدے سی کہ خدا کی کہہ رہیا اے تے تُسی اُوہدے بارے وِچ گل نئیں کر سکدے۔

لیکن مسیح نے ایس لڑکے وِچوں بدروح کڈ دِتی۔ مسیح شیطان توں بوہتا طاقتور اے۔ مسیح کسی نوں وی بچا سکدا اے – تے مسیھ تہانوں بچا سکدا اے! اَسی کلام پاک دے ایس حوالے توں نجات دے بارے وِچ تین عظیم سچائیاں سِکھ سکنے آں۔

’’تے اُو اِک مُردہ وانگوں سی، ایتھوں تیکر کہ لوکی کیہن لگے، اُو مر چکیا اے‘‘ (مرقس 9: 26)۔

نجات پائے جان توں پہلاں ہر انسان دی ایہو ای تصویر ہوندی اے۔ بائبل تعلیم دیہندی اے کہ ساری نسل انسانی روحانی طور تے مُردہ اے۔

’’پس جیویں اِک آدمی دے ذریعہ گناہ دُنیا وِچ داخل ہویا تے گناہ دے سبب توں موت آئی اُویں ای موت سارے انساناں وِچ پھیل گئی …‘‘ (رومیوں 5: 12)۔

ساڈے پہلے والدین نے خدا دے خلاف گناہ کیتا – تے اُو روحانی طور تے مر گئے۔ اُو روحانی موت دی حالت وِچ خدا توں کٹ گئے سن۔ تے اُو روحانی موت نسل انسانی دے ہر فرد نوں منتقل ہو چکی اے۔ ایس وجہ توں ای بہوتے سارے مذہب نے۔ روحانی تاریکی تے موت وِچ، نسل انسانی نے بہوتے مذاہب مرتب کیتے نے – لیکن ایہنوں حقیقی تے زندہ خدا نئیں لبھیا۔

یونان دے لوکاں توں خطاب کردے ہوئے، پولوس رسول نے کہیا،

’’کیوں جے جدوں میں تہاڈے شہر وِچ گھوم پھر رہیا سی تے میری نظر تہاڈی عبادت دی شیواں تے پیہئی، تے میری نظر قربان گاہ تے وی پیہئی۔ جیہدے تے ایہ لکھیا ہویا اے، اِک نامعلوم خدا دے لئی۔ پس تُسی جِنہوں بغیر جانندے پوجدے اُو، میں تہانوں اُوہدی ای خبر دیہنا آں‘‘ (اعمال 17: 23)۔

اُوہناں دے بہوتے سارے بُت تے بہوتے سارے دیوتا سن۔ لیکن اُو سچے خدا توں نا واقف سن۔ اُوہناں نے اُوہنوں ’’نامعلوم خدا‘‘ کہیا۔

تے اَج دی شامی تُسی وی خدا توں نا واقف اُو۔ اُو تہاڈے لئی ’’نامعلوم خدا‘‘ اے۔ خدا تہانوں حقیقی نئیں لگدا۔ تُسی خدا دی گلاں دے لئی مُردہ اُو – روحانی طور تے مُردہ نے۔ تُسی مرقس دے نویں باب وچ لڑکے وانگوں اُو،

’’تے اُو اِک مُردہ وانگوں سی، ایتھوں تیکر کہ لوکی کیہن لگے، اُو مر چکیا اے‘‘ (مرقس 9: 26)۔

’’تے تُسی، اپنے گناہواں وِچ مُردہ ہو کے‘‘ (کلسیوں 2: 13)۔

’’قصوروں تے گناہواں وِچ مُردہ‘‘ (افسیوں 2: 1)۔

اَج دی شام ایتھے دا ہر شخص کدی ایہو جیہا ای سی۔ اَسی سارے گناہ وِچ مر چکے سن۔ خدا ساڈے توں نا واقف سی۔ اَسی خدا توں واقف نئیں سی۔ بائبل سانوں اِک پریاں دی کہانی لگدی سی، کیوں جے اَسی روحانی طور تے مر چکے سی۔

’’اُوہناں دی عقل تاریک ہو گئی اے تے اُو اپنی سخت دِلی دے باعث جِہالت وِچ گرفتار نے، تے خدا دی دِتی ہوئی حیاتی وِچ اُوہناں دا کوئی حصہ نئیں‘‘ (افسیوں 4: 18)۔

ایہ ساڈے وِچوں ہر اِک دی فیر توں جنم لین توں پہلاں دی تفصیل اے! اپنے بارے وِچ کی خیال اے؟ کی تُسی فیر توں پیدا ہوئے اُو؟

II۔ دوجی گل، تہانوں یسوع دے ’’ہتھ نے پھڑیا ہویا‘‘ اے۔

’’اُو مُردہ جیہا ہو کے زمین تے ڈِگ پیہیا ایتھوں تیکر کہ لوکی کیہن لگے، اُو مر چکیا اے۔ لیکن یسوع نے لڑکے دا ہتھ پھڑ کے اُوہنوں چُکیا …‘‘ (مرقس 9: 26۔27)۔

ایہ اِک شاندار آیت اے! ’’لیکن یسوع نے اُوہدا ہتھ پھڑیا‘‘! ایہ بیداری دی اِک مثال اے۔ ایہ آرزومندانہ فضل دی تصویر اے۔ ایہ ساڈی نجات دی کہانی اے۔

’’تُسی اُوہناں وِچ پھنس کے ایس دُنیا دے روِش تے ٹردے سی تے ہوا دی عملداری دے حاکم، شیطان دی پیروی کردے سی جیہدی روح ہُن تیکر خدا دے نافرامن لوکاں وِچ تاثیر کردی اے۔ کدی اَسی وی اُوہناں وِچ شامل سی، تے نفسانی خواہشاں وِچ حیاتی لنگہاندے سی تے دِل و دماغ دی ہر روِش نوں پورا کرن وِچ لگے رہندے سی۔ تے طبعی طور تے دوجے انساناں وانگوں خدا دے غضب دے ماتحت سی۔ لیکن خدا جیہڑا ساڈے نال بہوتا محبت کرن آلا تے رحم کرن وِچ غنی اے، جدوں کہ اَسی اپنی سرکشیاں دی وجہ توں مُردہ سی، خدا نے سانوں مسیح دے نال زندہ کیتا۔ تہانوں خدا دے فضل نال ای نجات لبھی اے۔ خدا نے سانوں مسیح دے نال زندہ کیتا تے آسمانی مقاماں تے مسیح یسوع دے نال بِٹھایا، تاکہ آن آلے زمانے وِچ اپنے اُوس بے حد فضل نوں ظاہر کرے، جیہڑا خدا نے اپنی مہربانی نال مسیح یسوع دے ذریعہ ساڈے تے کیتا سی۔ کیوں جے تہانوں ایمان دے فسیل نال خدا دے فضل توں ای نجات لبھی اے، تے ایہ تہاڈی کوششاں نتیجہ نئیں، بلکہ خدا دی بخشش اے۔ تے نہ ای ایہ تہاڈے اعمال دا اجر اے کہ کوئی فخر کر سکے‘‘ (افسیوں 2: 2۔9)۔

ایہ فضل نال نجات اے! ایہ مسیح دے ذریعے نجات اے! ایہ جنت دا راستہ اے!

یسوع دے آن توں پہلا، تُسی اِک بے فکر تے سُوتی ہوئی حالت وِچ ہوندے اُو۔ تُسی ایس گل دی گھٹ پرواہ نئیں کر سکدے سی کہ تُہاڈی روح دے نال کی ہوندا اے۔ تُسی مرقس [دی انجیل دے] نویں باب دے لڑکے وانگوں اُو۔

’’ہجوم وِچوں اِک نے جواب دِتا، ‘‘اے اُستاد محترم، میں اپنے پُتر نوں تہاڈے کول لیہایا سی، کیوں جے اُوہدے وِچ بدروح اے جِنہے اُوہنوں گونگا بنا دِتا اے‘‘ (مرقس 9: 17)۔

میں اینج دا ای سی۔ میرے پڑوسی میہنوں پبتسمہ دین آلے اِک گرجا گھر لے گئے۔ اُو میہنوں گرجا گھر وِچ لیہیائے، اُوس آدمی وانگوں جیہڑا اپنے پُتر نوں یسوع دے کول لیہایا سی۔ لیکن میں خدا، یا مسیح، یا بائبل دے بارے وِچ کُجھ نئیں جانندا سی۔ میں نے کدی بائبل نئیں پڑھی سی۔ میں متی دی انجیل نوں لبھ نئیں پایا سی۔ اُوہدی تلاش وِچ، میں پیدائش دی کتاب توں بائبل نوں کھنگالنا شروع کیتا۔ جدوں میں متی دی انجیل نوں لبھ لیہیا تے واعظ تقریباً مُک چکیا سی! لیکن اُو میہنوں گرجا گھر وِچ لیہیائے، جیویں اَج دی شامی کوئی تہانوں لے کے آیا اے۔ خدا نے مسیحیاں نوں ساڈے لئی گواہی دین تے سانوں میسھ دے کول لیہیان دے لئی استعمال کیتا، جیویں کہ اُوس آدمی نے کیتا، جیہڑا اپنے پتر نوں یسوع دے کول لیہایا۔

فیر تُسی بیداری دا تجربہ کرن لگدے اُو۔ ایہ بہوتی چھیتی ہو سکدا اے، یا بعض اوقات ایہدے وِچ بہوتا ویلہ لگدا اے۔ لوکی مختلف طرح دے ہوندے نے۔ لیکن بیداری اِک خوفناک شے ہو سکدی اے۔ پولوس نوں زمین تے سُٹ [کُٹ کُٹ کے ادھموا کر] دِتا گیا۔ پینتیکوست دے دِن لوکاں دے دِلاں وِچ چبھن ہوئی سی۔ سولی تے چور نے اپنا جرم ویکھیا۔ ایہ اِک خوفناک شے ہو سکدی اے۔

’’تے اُو اُوہنوں یسوع دے کول لیہیائے، جیویں ای بدروح نے یسوع نوں ویکھیا، اُوہنے لڑکے نوں مروڑیا، تے اُو زمین تے ڈِگ پیہیا تے لوٹ پوٹ ہون لگا، تے اُوہدے مُنہ توں جھگ نکلن لگی‘‘ (مرقس 9: 20)۔

بالکل اُوہی اے جیہڑا پہلی عطیم بیداری وِچ تے لوئیس دے جزیرے تے حیاتِ نو وِچ بہوتے سارے لوکاں دے نال ہویا سی۔ اُوہناں وِچوں بہتیرے لوکی چیخے تے گناہ دی سزا دے تحت زمین تے ڈِگ پیہئے۔ امریکہ وِچ کسی دِن اینج فیر توں ہو سکدا اے۔ ایہ اِک ’’ہنسدا ہویا ’حیاتِ نو‘‘ نئیں ہووے گا! مرقس دے نویں باب دا لڑکا ہنس نئیں رہیا سی! حقیقی حیاتِ نو گناہ دا یقین پیدا کردا اے۔ عظیم حیاتِ نو وِچ لوکی بعض اوقات سزایابی دے تحت چیخدے ہوئے ڈِگ جاندے نے۔ اینج ایس ویلے وی چین تے ایشیا دے مختلف حصّیاں وِچ اکثر ہوندا اے – ایہناں عظیم حیات نوواں وِچ جیس دا اُو تجربہ کر رئے نے۔

ہر کوئی ایہدا تجربہ نئیں کردا۔ لیکن ہر اُو شخس جیہڑا بیدار ہوندا اے کسی حد تیکر گناہ دا مجرم محسوس کردا اے۔ روح القدس تہاڈے گناہواں نوں تہاڈے تے ظاہر کردا اےت۔

’’جدوں اُو مددگار آئے گا، تے جیتھے تیکر گناہ، راستبازی تے اِنصاف دا تعلق اے اُو دُنیا نوں مجرم ٹھہرائے گا۔ گناہ دے بارے وِچ، ایس لئی کہ لوکی میرے تے ایمان نئیں لیہیائے‘‘ (یوحنا 16: 8۔9)۔

کی تہانوں گناہ دا احساس اے؟ کی تہانوں گناہ تے پشیمانی محسوس ہوندی اے؟ کی تہاڈا ضمیر تہانوں گناہ دے لئجی ماڑا جیہا وی پریشان کردا اے؟ کی تُسی سمجھدے اُو کہ تہانوں یسوع دے وسیلے توں معافی دی لوڑ اے؟ مذید یقین دا انتظار نہ کرو! یقین تہانوں نئیں بچائے گا! یقین دی کوئی مقدار تہانوں نئیں بچائے گی! فوراً خدا دے پُتر دے کول آؤ! ہُنے ای آؤ!

آؤ، تھکے ماندو، بوجھ نال لدے ہوو، گمراہی نال زخمی تے ٹُٹے ہوئے!
جے تُسی اپنے بہتر ہون تیکر انتظار کردے اُو، تے تُسی کدی وی نئیں آؤ گے۔
(’’آؤ اے گنہگارو، غریب تے بدبختوCome, Ye Sinners, Poor and Wretched‘‘ شاعر جوزف ہارٹJoseph Hart، 1712-1768)۔

آؤ تے ہُنے ای یسوع تے یقین کرو، ایتھوں تیکر کہ جے تہانوں لگدا اے کہ تُسی ٹھیک طرح بیدار نئیں ہوئے اُو – تے اُو تاہنوں بچائے گا! ’’جے تُسی اپنے بہتر ہون تیکر انتظار کردے اُو، تےتُسی کدی وی نئیں آؤ گے۔‘‘ ہُنے ای آؤ! یسوع، خدا دے پُتر دے کول آپ! اُو تہانوں ہُنے ای بچائے گا!

مسیح تہاڈے گناہواں دا کفارہ ادا کرن دے لئی سولی تے مریا۔ اُوہدا لہو تہاڈے گناہواں نوں دھو سکدا اے۔ مسیح مُردیاں وِچوں جی اُٹھیا اے۔ مسیح خدا دے سجے ہتھ تے بیٹھا ہویا اے – اُتے آسمان وِچ۔ مسیح دے کول آؤ! مسیح دے کول آؤ! مسیح دے کول آؤ!

III۔ تیجی گل، تہانوں مسیح توں ملن دے لئی اُٹھایا گیا اے۔

’’لیکن یسوع نے لڑکے دا ہتھ پھڑ کے اُوہنوں چُکیا، تے اُو اُتھ کِھلوتا‘‘ (مرقس 9: 27)۔

تہانوں ایہ جانن دی لوڑ نئیں اے کہ یسوع دے کول کیویں آنا اے – اُوس لڑکے دے مقابلے وِچ ایہ بوہتا جانن دی لوڑ اے کہ کیویں اُٹھ کے کِھلوتا جائے۔ ’’یسوع نے اُوہدا ہتھ پھڑ کے اُٹھایا۔‘‘ جے تُسی مسیح دے کول آنا چاہندے اُو، تے تہانوں اُوسی طاقت دے نال مسیح دے کول لیہایا جائے گا جِنہے اُوس لڑکے نوں اُٹھایا۔ یسوع نے اینج ای کہیا! اُوہنے کہیا

’’اُو سب جیہڑا میہنوں باپ دیہندا اے اُو میرے تیکر پہنچ جائے گا تے جیہڑا کوئی میرے کول آئے گا، میں اُوہنوں اپنے توں جُدا نئیں ہون دیاں گا‘‘ (یوحنا 6: 37)۔

کوئی کہہ سکدا اے، ’’میہنوں یقین نئیں آیا کہ خدا نے میہنوں مسیح دے حوالے کیتا اے۔‘‘ ایہ اِک ضائع شُدہ سوچ اے۔ تُسی ایہنوں نئیں جان سکدے۔ کیوں جے ایہ صرف خدا ای جانندا اے۔ اینج دیاں مذہبی قیاس آرئیاں وِچ اپنا ویلہ ضائع نہ کرو۔ جدوں کہ دوجے لوکی مذہبی قیاس آرئیاں دے بارے وِچ بحث کر رئے نے، تُسی مسیح دے کول آ جاؤ! جدوں اُو بحث کر رئے ہون گے تے تہانوں بچایا جائے گا!

’’جیہڑا کوئی میرے کول اائے گا، میں اُوہنوں اپنے توں جدا نئیں ہون دیاں گا‘‘ (یوحنا 6: 37)۔

مسیح تہانوں خود توں دور نئیں کرے گا۔ مسیح تہانوں مرن تے جہنم وِچ جان دے لئی نئیں چھڈے گا۔ مسیح تہاڈے گناہ معاف کر دے گا تے تہانوں بچائے گا، جیویں کہ اُوہنے مرقس دی انجیل دے نویں باب وِچ لڑکے نوں بچایا سی۔ میں تہانوں الِتجا کرنا آں۔ میں تہاڈی مِنت کرنا آں۔ میں تہاڈی حوصلہ افزائی کرنا آں۔ میں تہانوں درخواست کرنا آں۔ میں تہانوں حکم دیہنا آں۔ اپنی ابدی روح دی خاطر، مسیح دے کول آؤ!

اپنی غلامی، دُکھاں تے انیہیریاں توں باہر، یسوع، میں آنا آں، یسوع، مٰں آنا آں؛
تیرے نور، شادمانی تے آزادی وِچ داخلے دے لئی، یسوع، میں تیرے کول آن دے لئی آنا آں؛
میری بیماری توں نکل کے، تیری تندرستی وِچ ، میری چاہت توں نکل تے تے تیرے خزانیاں وِچ،
میرے گناہ توں باہر تےخود تیری ذات وِچ، یسوع، میں تیرے کول آن دے لئی آنا آں۔
(’’یسوع، میں آنا آں Jesus, I Come‘‘ شاعر ولیم ٹی. سلیپر William T. Sleeper، 1819۔1904).

میں اپنے دفر وِچ تہاڈے نال نجات دے پائے جان دے بارے وِث گل کرنا چاہواں گا۔ جدوں کہ اَسی اِک چھوٹا جیہا کورس گانے آں، میں تہانوں کہواں گا کہ تُسی اپنی کرسی چھڈ دیو تے ایتھے آ کے ایس منبر دے سامنے کِھلو جاؤ۔ تُساں ساریاں دے آن دے بعد، اَسی اپنے دفتر جاواں گے تے مسیح دے ذریعے تہاڈی نجات دے بارے وِچ گل کراں گے۔ مہربانی نال اپنی کُرسی چھڈو تے ایتھے آؤ اُودہوں تیکر اَسی گیت گا رئے آں۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔