ریپچر | Sermons for the World

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

بائبل وچ ایہہ اِک شاندار وعدہ اے! یسوع فیر آ رہیا اے! اُوہناں لفظاں نوں سُن کے ہر مسیحی نوں خوشی نال بھر جانا چائیدا اے، ’’یسوع فیر آ رہیا اے‘‘! مہربانی نال کلام پاک دے ایس حوالے نوں اپنی بائبل وچ کُھلا رکھو۔

کئی گھنٹیاں تیکر یسوع دے صلیب تے کِلاں نال جڑے جان دے بعد، اُو اِک زوردار آواز دے نال چلایا سی، ’’اے باپ، میں اپنی روح تیرے ہتھاں وچ سونپنا آں‘‘ (لوقا 23:46). اُو مر گیا۔ اُوہناں نے اُوہدے بدن نوں اِک قبر وچ رکھ دِتا۔ اُوہناں نے اُوہنوں مہربند کر دِتا تے رومی سپاہیاں نوں اُوہدی قبر دی نگہبانی کرن دا حکم دِتا۔

تیجے دن اُو مُردیاں وچوں زندہ ہو گیا۔ مگر جدوں اُو اپنے شاگرداں دے سامنے ظاہر ہویا،

’’اُو ایس قدر ہراساں تے خوف زدہ ہو گئے کہ سمجھن لگے کہ اُو کسی رُوح نوں ویکھ رئے نے‘‘(لوقا 24:37).

’’میرے ہتھ تے پیر ویکھو، میں ای آں۔ مینوں چھو کے ویکھو کیوں جے رُوح دِیاں ہڈیاں ای ہوندیاں نے تے نہ گوشت جیویں تُسی میرے چہ ویکھ رئے اُو‘‘ (لوقا 24:39).

اُو اُوہناں نوں یروشلیم شہر توں باہر کوہ زیتون تے لے گیا۔ اُوہنے اُوہناں نوں ساری دُنیا وچ خوشخبری دا پرچار کرن لئی کہیا۔

’’تے جدوں اُو ایہہ گلاں کر چُکیا تے اُو اُوہناں دے ویکھدے ویکھدے اُتے چُک لہیا گیا تے بدلی نے اُوہنوں اُوہناں دیاں نظراں توں لُکا لہیا۔ جدوں اُو ٹکٹکی باندھے اُوہنوں آسمان دے ول جاندیاں ہویاں ویکھ رئے سن تے ویکھو دو مرد سفید لباس چہ اُوہناں دے کول آ کھلوتے تے کہن لگے، اَے گلیلی آدمیو! تُسی کھلوتے کھلوتے آسمان ول کیوں ویکھ رئے اُو؟ ایہو ای یسوع جہیڑا تہاڈے کولوں آسمان تے چُکیا گیا اے، ایسے طرح فیر آئے گا جیویں تُسی لوکاں نے اُوہنوں آسمان تے جاندیاں ویکھیا اے‘‘ (اعمال 1:9۔11).

’’ایہی یسوع‘‘ جہیڑا ’’آسمان تے‘‘ چُک لہیا گیا فیر آ رہیا گیا۔ اُو آسمان تے گیا! اُو تھلے آئے گا! یسوع فیر آ رہیا اے!

اُو فیر آ رہیا اے، اُو فیر آ رہیا اے،
اُوہی آلا یسوع، جنہوں لوکاں نے مسترد کیتا؛
اُو فیر آ رہیا اے، اُو فیر آ رہیا اے،
قوت تے عظیم جلال دے نال، اُو فیر آ رہیا اے!
(’’اُو فیر آ رہیا اے He is Coming Again‘‘ شاعر میبل جانسٹن کیمپ
Mabel Johnston Camp، 1871۔1937)۔

ہُن بائبل سانوں دسدی اے کہ اُو دو موقعیاں تے آئے گا، دو مرحلیاں چہ۔ اُوہدی واپسی دا دوجا مرحلہ اُوہدوں ہوئے گا جدوں اُو زمین تے ہزار ورے تیکر لئی اپنی بادشاہت قائم کرن لئی آئے گا۔ مگر ساڈی تلاوت اُوہدی واپسی دے پہلے حصے دے بارے وچ گل کر رئی اے۔ 1۔ تسالونیکیوں 4:16۔17 وچ ساڈی تلاوت تے فیر نظر پاؤو۔ کلام پاک دے اُوس حوالے وچوں ایس واقعے دے بارے وچ تِن گلاں تے دھیان دوو۔

I۔ پہلی، خُداوند یسوع فضا وچ زمین دے اُتے اُترے گا۔

’’ ’’کیوں جے خداوند خُود بڑی للکار تے مُقرب فرشتہ دی آواز تے خدا دے نرسنگے دے پھونکے جان دے نال آسمان تے اُترے گا...‘‘ (1۔تھسلنیکیوں 4:16).

ایہہ مسیح ’’خود‘‘ اے جہیڑا ’’آسمان توں‘‘ تھلے آندا اے۔ ایہہ پاک روح نئیں اے۔ درحقیقت، اُو روح تے سرے توں ہے ای نئیں۔ ایہہ ’’اوہی یسوع اے جِنوں آسمان … چہ چُک لہیا گیا [سی]‘‘ (اعمال 1:11). ایہہ ’’ایہو ای یسوع‘‘ اے جہیڑا آسمان توں آئے گا۔

’’کیوں جے خداوند خُود بڑی للکار تے مُقرب فرشتہ دی آواز تے خدا دے نرسنگے دے پھونکے جان دے نال آسمان تے اُترے گا…‘‘ (1۔ تھسلنیکیوں 4:16).

’’مینوں چھو کے ویکھو کیوں جے رُوح دِیاں ہڈیاں ای ہوندیاں نے تے نہ گوشت جیویں تُسی میرے چہ ویکھ رئے اُو‘‘ (لوقا 24:39).

اُو فیر آ رہیا اے، اُو فیر آ رہیا اے،
ایہہ بالکل اُوہی یسوع اے، جِنوں لوکاں نے مسترد کیتا؛
اُو فیر آ رہیا اے، اُو فیر آ رہیا اے،
قوت تے عظیم جلال دے نال، اُو فیر آ رہیا اے!
(’’اُو فیر آ رہیا اے He is Coming Again‘‘ شاعر میبل جونسٹن کیمپ
Mabel Johnston Camp، 1871۔1937)۔

کی تہانوں یاد اے یسوع نے یوحنا 14:3 چہ کی کہیا؟ اُوہنے کہیا،

میں ایہہ وی چاہنا آں کہ تُسی غور کرو کہ ایتھے ساڈی تلاوت چہ اُو زمین تے نئیں آندا اے۔ اُوہدی زمین تے واپسی اِک بالکل ای الگ واقعہ اے، جہیڑا کہ بعد چہ رونما ہوندا اے، تے جیدے بارے چہ مکاشفہ19:11۔16؛ متی24:27۔31؛ زکریا14:4۔5 تے بائبل وچ بے شمار دوجے حوالیاں چہ دسیا گیا اے۔ مگر میں چاہنا آں تُسی غور کرو کہ ساڈی تلاوت وچ اُو زمین تے واپس نئیں آندا اے۔ آیت 17 تے نظر پاؤو۔ کھڑے ہوو تے اینوں باآواز بُلند پڑھو۔

’’فیر اسی جہیڑے زندہ باقی ہوواں گے اُوہناں دے نال بدلاں تے چُک لئے جاواں گے تاکہ ہوا وچ خداوند دا استقبال کرئیے…‘‘ (1۔ تھسلنیکیوں 4:17).

مسیح ہوا وچ ’’ریپچر یعنی بیخودی‘‘ دے موقعے تے آندا اے۔ اُو زمین تے بعد چہ آندا اے۔ بائبل دے لغوی مطالعے توں ایہہ واضح ہو جاندا اے کہ ایہہ دو علیحدہ واقعات نے۔ خُداوند یسوع میسح آسمان وچوں اُترے گا، مگر ’’ہوا وچ‘‘ زمین دے اُتے ٹھہر جائے گا۔ لفظ ’’ریپچر rapture‘‘ دا مطلب نقل و حمل دا کیتا جانا – بیخودی وچ جکڑے جانا ہوندا اے! خلا وچ کوئی ہوا نئیں ہوندی اے، لہٰذا ایس توں ظاہر ہوندا اے کہ اُو زمین دے اُتے فضا وچ داخل ہو چُکن دے بعد رُک جائے گا۔

’’فیر اسی جہیڑے زندہ باقی ہوواں گے اُوہناں دے نال بدلاں تے چُک لئے جاواں گے تاکہ ہوا وچ خداوند دا استقبال کرئیے…‘‘ (1۔ تھسلنیکیوں 4:17).

II۔ دوجی، اُو سب جہیڑے مسیح وچ مر چکے نے زندہ ہو جان گے۔

’’کیوں جے خداوند خُود بڑی للکار تے مُقرب فرشتہ دی آواز تے خدا دے نرسنگے دے پھونکے جان دے نال آسمان تے اُترے گا تے اُو سب جہیڑے مسیح وچ مر چُکے نے پہلاں زندہ ہو جان گے…‘‘ (1۔ تھسلنیکیوں 4:16).

تُسی تشریف رکھ سکدے اُو۔ ’’اُو سب جہیڑے مسیح وچ مر چکے نے پہلاں زندہ ہو جاون گے۔‘‘ ڈاکٹر جے۔ ورنن میگی Dr. J. Vernon McGee نے کہیا،

اُو ’’اِک بڑی للکار دے نال‘‘ آسمان توں تھلے آئے گا۔ ایہہ حکم دی اِک واج اے۔ ایہہ اوہی واج اے جہیڑی اُوہنے اُوس ویلے استعمال کیتی سی جدوں اُوہنے لعزر دی قبر تے کھلو کے کہیا سی، ’’لعزر، باہر نکل آ‘‘ (جے۔ ورنن میگی، ٹی ایچ۔ ڈی۔J. Vernon McGee, Th.D.، بائبل وچوں Thru the Bible، تھامس نیلسن اشاعت خانے Thomas Nelson Publishers، 1983 جلد پنجم، صفحہ 398)۔

’’پتھر نوں ہٹا دیو۔ مارتھا جہیڑی اُوہدی بہن سی جہیڑا مر چُکیا سی اُوس [یسوع] نوں کہن لگی، اَے خداوند، اُوہدے وچوں تے بدبُو آن لگی اے کیوں جے اُو چار دِناں توں مُردہ اے‘‘ (یوحنا 11:39).

مگر اُوہناں نے یسوع دا حکم منیا۔ اُوہناں نے قبر توں پتھر نوں ہٹایا۔ تے یسوع نے،

’’ اُچی آواز نال پُکاریا، لعزر، باہر نکل آ۔ تے اُو جہیڑا مر چُکیا سی باہر نکل آیا‘‘ (یوحنا11:43۔44).

بالکل ایہو ای اے جیہڑا مسیح اپنی آمد دے دن فضا وچ رُک جان دے بعد [ریپچر] کرے گا۔ اُو اِک اُچی واج دے نال پکارے گا، اِک مقرب فرشتے جئی واج دے نال، اِک نرسنگے جئی واج (میگی McGee، ibid.)۔ جدوں مسیح سدے گا، جیویں کہ اُوہنے لعزر دی قبر تے کیتا سی، اُو جہیڑے ’’مسیح وچ مُردہ نے پہلے زندہ ہو جان گے۔‘‘ سچے مسیحیاں دے مُردہ جسم اپنی قبراں وچوں باہر نکل آن گے تے مسیح دا استقبال کرن لئی فضا وچ چُک لئے جان گے۔

1970 دی ابتدائی دھائی وچ مَیں علمِ الٰہیات دی آزاد خیال مغربی بپتسمہ دین آلیاں دی سیمنری وچ تعلیم حاصل کیتی سی۔ اُوہناں بے اعتقادے پروفیسراں نے کہیا سی کہ پرانے عہدنامے وچ مُردیاں دے زندہ کیتے جان دا ایہو جیہا کوئی تزکرہ نئیں اے۔ مگر اُو غلط سن۔ ایویں مُردیاں وچوں زندہ ہون دا انتہائی واضح تزکرہ پرانے عہد نامے وچ اشعیا نبی دی کتاب 26:19 وچ اے، جیہڑی کہندی اے،

’’تیرے مردے جین گے، اُوہناں دیاں لاشاں اُٹھ کھڑیاں ہون گیاں۔ تُسی جہیڑے خاک چہ جا بسے اُو، جاگو تے خُوشی دے نعرے لگاؤو: کیوں جے تیری تریل سویر دی تریل وانگوں اے، تے زمین اپنے مُردیاں نوں اُگل دیوے گی‘‘ (اشعیا 26:19).

ایوب دی کتاب پرانے عہد نامے دی سب توں قدیم ترین کتاب اے۔ ایہہ موسیٰ دی پیدائش دی کتاب دے لکھے جان توں وی پہلاں لکھی گئی سی۔ ایوب نے ریپچر دے بارے چہ دسیا۔

’’حالانکہ میرا جسم فنا ہو جاوے گا، میں اپنے جسم سمیت ای خدا نوں ویکھاں گا، میں ای خُود اُوہنوں ویکھاں گا خُود اپنیاں اکھاں نال میں اُوہدے تے نگاہ کراں گا، کوئی ہور نئیں۔ (اُوس گھڑی لئی) میرا دل اندر ای اندر کیس قدر بے قرار ہو رہیا اے‘‘ (ایوب 19:26۔27).

ریپچر دے بارے چہ پولوس رسول نے وی پیشن گوئی کیتی سی۔ اُوہنے کہیا،

’’ایہہ پلک جھپکتے ای ہو جاوے گا یعنی اِک دم جدوں آخری نرسنگا پھونکیا جاوے گا۔ کیوں جے سارے مُردے نرسنگے دے پھونکے جان تے غیر فانی جسم پاکے زندہ ہو جان گے تے اسی سب بدل جاواں گے‘‘ (1۔ کرنتھیوں 15:52) .

’’اُو سب جہیڑے مسیح وچ مرچکے نے زندہ ہوجان گے‘‘ (1۔تھسلنیکیوں4:16).

ہُن، تُسی تعجب کر سکدے اُو کہ اُو جسم جیہڑے کافی ویلیاں توں مُردہ رہ چُکے نے، سچے ایمانداراں دے بدن جیہڑے کہ یعقوب آلے معاملے وچ 3, 520 وریاں توں مُردہ نے کیویں جی اُٹھن گے۔ اُو کیویں رونما ہو سکدا اے؟ پولوس رسول اینوں 1۔ کرنتھیوں 15:51 وچ ’’اِک اسرار‘‘ کہندا اے، خالص یونانی چہ اِک ’’مُعما musterion‘‘، کُج ایہو جیہا جِنوں ساڈے انسانی ذہن مکمل طور تے سمجھ نئیں سکدے۔ کھری کھری گل کیتی جائے تے ایہہ اِک معجزہ اے۔ تُسی خُدا وچ یقین کردے اُو، کی تُسی کردے اُو؟ ٹھیک اے، سانوں بائبل دے اِک سرے توں لیکر دوجے تیکر دسیا گیا اے کہ خُدا معجزے کردا اے۔ تے ایہہ خُدا دے عظیم ترین معجزیاں وچوں اِک اے،

’’ اُو سب جہیڑے مسیح وچ مرچکے نے زندہ ہوجان گے‘‘ (1۔تھسلنیکیوں4:16).

شعوری طور تے اسی اینوں بالکل وی سمجھ نئیں پاندے، مگر سچائی دے علاوہ ایہہ کُج وی نئیں اے۔

’’ اُو سب جہیڑے مسیح وچ مرچکے نے [مُردہ مسیحی] پہلاں زندہ ہوجان گے‘‘ (1۔ تھسلنیکیوں 4:16).

III، تیجی، جہیڑے زندہ مسیحی ہون گے اُوہناں دے نال چُک لئے جان گے۔

’’فیر اسی جہیڑے زندہ باقی ہوواں گے اُوہناں دے نال بدلاں تے چُک لئے جاواں گے تاکہ ہوا وچ خداوند دا استقبال کرئیے…‘‘ (1۔ تھسلنیکیوں 4:17).

اُوس ویلے زمین تے جیہڑے سچے مسیحی ہون گے اُو مُردہ مسیحیاں دے ’’نال ای چُک لئے‘‘ جان گے فضا وچ خُداوند دا استقبال کرن لئی۔ پہلاں مُردہ مسیحیاں نوں ’’چُکیا‘‘ جائے گا، تے فیر، دوجے نمبر تے، سچے مسیحیاں نوں جیہڑے زندہ ہون گے فضا وچ خُداوند دا استقبال کرن لئی ’’چُک لیا‘‘ جائے گا۔ بائبل سانوں دسدی اے کہ ایہہ سب دا سب وقوع پذیر ہوئے گا۔

’’ایہہ پلک جھپکتے ای ہوجاوے گا‘‘ (1۔ کرنتھیوں 15:52).

ایہہ اینی چھیتی رونما ہو جائے گا جنہی چھیتی تُسی اپنی پلک چپھکاندے اُو! مُردہ مسیحی تے فیر زندہ مسیحی، نال ای چُک لئے جان گے … فضا وچ خُداوند دا استقبال کرن لئی۔‘‘ بائبل وچ کیہو جیہا اِک شاندار وعدہ! مسیحی لئی کیہو جئی اِک شاندار اُمید!

ڈاکٹر میگی Dr. McGee نے کہیا، ’’چُک لئے‘‘ دا یونانی لفظ ’’ہارپزو harpazo‘‘ توں ترجمہ کیتا گیا اے جیدا مطلب ’’تیزی نال پھڑ لینا، پھڑ لینا، چُک لینا، یا بیخودی وچ جکڑے جانا‘‘(ibid.، صفحہ399)۔ فیر ڈاکٹر میگی نے کہیا،

ایہہ اِک انتہائی باترتیب طریقہ کار ہوئے گا۔ مُردہ پہلاں زندہ کیتے جان گے… فیر رسول ہون گے تے اُو تمام لکھاں لوکی ہون گے جنہاں نے وریاں توں اپنی حیاتیاں تیاگ چھڈیاں۔ اُوہناں نے صدیاں توں صرف [چُک لئے جان دا] حق رکھیا اے۔ اخیر وچ، جے اسی اُوس ویلے زندہ ہواں گے، اسی اُوس جلوس دے اخیر وچ چُک لئے جان گے۔ اُو ایدے بالکل اخیرلے سرے تے ہون گے [ کیوں جے زیادہ تر مسیحی] تے پہلاں ای چُکے جا چُکے ہون گے… موت دے بوہے توں لنگ کے (ibid.)۔

کیہو جیہا جلالی، شاندارانہ سکون اے ایہہ! مُردہ [مسیحیاں] دے جسم چُک لئے جان گے۔ فیر اُوس ویلے جیہڑا وی زندہ ہووے گا اُوہناں دے نال ای فضا وچ خُداوند دے استقبال لئی چُک لہیا جاوے گا۔ ایویں اسی ہمیشہ لئی خُداوند دے نال ہوواں گے۔ درحقیقت، اسی زمین تے اُوہدے نال ای واپس آواں گے اُوہدے نال حکومت کرن لئی جدوں اُو اپنی بادشاہت نوں منظم کردا اے (ibid.).

ہر سچے مسیحی لئی اِک شاندار مستقبل انتظار کر رہیا اے جدوں مسیح سانوں آسمان وچوں لین لئی فضا وچ واپس آندا اے!

کی تُسی ایویں رونما ہون لئی تیار ہو؟ کی تُسی تیار ہو؟ صرف اوہی جیہڑے ہُنے نجات پا لین گے فیر فضا وچ خُداوند نال ملن لئی بدلاں وچ بیخودی چہ چُک لئے جان گے۔ کی تُسی نجات یافتہ اُو؟ یسوع تہاڈے گناہواں دا کفارہ ادا کرن لئی صلیب تے مریا۔ اُو مُردیاں وچوں جی اُٹھیا تے آسمان وچ اپنا لہو تہاڈے سارے گناہواں نوں دھون لئی لے گیا۔ مگر تہانوں مسیح دے اگے گوڈے ٹیکنے چائیدے نے، تے نجات پان لئی تنہا اُسی تے پرہوسا کرنا چائیدا اے۔ جے تُسی سادہ ایمان دے نال مسیح دے کول جاندے اُو تے اُو خود اپنے لہو دے نال تہاڈے ہر گناہ نوں پاک صاف کر دے گا، تے تُسی نجات پا جاؤ گے، تُسی تیار ہو جاؤ گے۔

’’ اُوہناں دے نال بدلاں تے چُک لئے جاواں گے تاکہ ہوا وچ خداوند دا استقبال کرئیے‘‘ (1۔ تھسلنیکیوں 4:17).

اوہ، خوشی، اوہ مسرت! کی سانوں مرے بغیر جانا چائیدا اے،
کوئی بیماری نئیں، اُداسی نئیں، خوف تے رونا نئیں،
اپنے خداوند دے نال جلال چہ بدلاں چہ چُک لہیا جانا،
جدوں یسوع ’’اُوہدے اپنیاں نوں‘‘ خیر مقدم کردا اے۔
اوہ خداوند یسوع، کِنی دیر ہور، کِنی دیر ہور،
اسی مسرت دا گیت اُچی آواز نال گاندے آں،
مسیح واپس آگیا! ھیلیلویاہ!
ھیلیلویاہ! آمین، ھیلیلویاہ! آمین۔
(’’مسیح واپس آ گیا Christ Returneth‘‘ شاعر ایچ۔ ایل۔ ٹرنر H. L. Turner، 1878)۔

تُسی جو کُج وی کرو، اگلے ہفتے دے اختتام تے ایس گرجا گھر وچ خوشخبری نوں فیر سُنن لئی واپس آن نوں یقینی بناؤ۔ ڈاکٹر چعین Dr. Chan، مہربانی نال دعا وچ ساڈی رہنمائی کرو۔ آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلیاں گیت گایا سی:
’’یسوع فیر آ رہیا اے Jesus is Coming Again‘‘
(شاعر جان ڈبلیو۔ پیٹرسن John W. Peterson، 1921۔2006)۔